23233	MAT 1:20	ዬኖ ማሊፆና ዒ ዓኣንቴ፥ ፆኦሲኮ ኪኢታንቾ ዓ'ውቲና ዒዛም ጴዻዖ፦ «ዳውቴ ናዓሦ፥ ዮሴፔ! ኔኤኒ ዖኦጫዛ፥ ማይራማ ጎጳዼሢ ዓያና ጌኤሺዳፓ ማዔሢሮ ማሊ ሂርጉዋዖ ዒዞ ዔዔኬ።
23249	MAT 2:11	ናዓ ዓኣ ኬኤፆ ዔያታ ጌላዖ፥ ናዖና ዒንዶ ማይራሞና ዴንቄኔ፤ ዬካፓ ጉምዓቲ ዒዛም ዚጋዖ ሳኣፂኖ ዔያቶኮ ቡሊ'' ዎርቄ፥ ዑንጄ፥ ካርቤ ጎዖ ሳውዎ ባኮዋ ዒንጊ ዒኢሼኔ፤ ዬይ ባካ ሚርጌ ሚኢሼ ኬሳ''ያኬ።
23262	MAT 3:1	ዬኖ ዎዶ''ና ማስካ ዮሓኒሴ ዪሁዳ ዓጫ'' ዓሲ ናንጉዋ ዳውሎ''ይዳ ዓሶም ኮዦ ሃይሶ ኬኤዚ ኬኤዚ ሙኬኔ።
23265	MAT 3:4	ዮሓኒሴኮ ማኣዓሢ ጋኣሎ ጋፓኔፓ ኮሾ''ናያኬ፤ ኬርኖይዳ ዒ ቃልሾ ቱካ''ኔ፥ ሙዓ ሃሣ ዒዛኮ ዓቢሢና ዑቶ ዔኤሲ''ናኬ፤
23266	MAT 3:5	ዬኖ ዎዶ''ና ዪሁዳ ዓጮ'' ዬሩሳላሜ ካታማ''ፓ፥ ዮርዳኖሴ ዎሮ ኮይላ'' ዓኣ ዓጫ''ፓ ዓሳ ቢያ ዮሓኒሴ ኮይላ'' ሙኪ፥
23267	MAT 3:6	ጎሞ ፔኤኮ ቡኡፂ ቡኡፂ ዒዛ ኮይላ'' ዮርዳኖሴ ዎራ ዋኣፆ ማስታኔ።
23274	MAT 3:13	ዬኖ ዎዶ''ና ዬሱሴ ዮሓኒሴ ኮራ ዋኣፆ ማስታኒ ጌሊላ ዓጮ''ይዳፓ ዮርዳኖሴ ዎሮ ሙኬኔ።
23293	MAT 4:15	«ባዞ'' ባንሢ ዓኣዻ ጎይፆና ዮርዳኖሴ ዎሮ ሱኮናይዳ ዓኣ ዛብሎኦኔንታ ኒፕታኣሌኤሜንታ ዓጫ'' ዓይሁዴ ማዒባኣ ጌሊላ ዓሶ ዓጫ''፤
23303	MAT 4:25	ጌሊላና ታጶ ካታሞንሢ ጌይንታ ቤዞንሢናይዳፓ ሃሣ ዬሩሳላሜና ዪሁዳ ዓጮ''ይዳፓ፥ ዮርዳኖሴ ዎሮ ሱኮይዳፓ ሙኬ ሚርጌ ዓሲ ዬሱሴ ጊንፆ ዓኣዼኔ።
23308	MAT 5:5	ዒኖ'' ሼሌዔዞንሢ ዓጮ'' ዔያታ ዔካንዳሢሮ ዎዛዾንጎ።
23311	MAT 5:8	ዒኖ'' ጌኤዦንሢ ፆኦሲ ዔያታ ዛጋንዳሢሮ ዎዛዾንጎ።
23331	MAT 5:28	ታኣኒ ዒንሢም ጋዓንቴ ‹ላኣሊ ዛጊ ላሃኒ ማሌ ዓሲ ቢያ፥ ዬማና ፔ ዒኖና ዒዞና ላሄያ ማዓኔ› ጋዓኔ።
23335	MAT 5:32	ታ ጋዓንቴ ዒንሢም ሂዚ ጋዓኔ፦ ሜሌ'' ዓሲና ዒኢቲሢ ዛላና ማዒባኣንቴ ፔ ማቾ ዓንጃሢ ቢያ ዒ'ዛ ዞኦስካ ኮኦማንዳጉዲ ማሃኔ፤ ዬኖ ዓንጂንቴዞ ዔካሢያ ዒዞና ዞኦስካ ኮኦማያ ማዓኔ» ጌዔኔ።
23339	MAT 5:36	ኔ ቶኦኮ'' ጋፓኖ ዔኤሊ''ያ ጫኣቂፖ፤ ዓይጎሮ ጌዔቶ ኔኤኮ ቶኦኮ'' ጋፓናፓ ፔቴ''ማ ቡኡቂሳኒ ሃሣ ካርሣኒ ኔ ዳንዳዑዋሴ።
23379	MAT 6:28	«ሃሣ ማኣዖ ዛላኣ ዓይጎሮ ዒንሢ ሜታዺ ማላይ? ሂንዳ ካዮ ቡኖ ዛጉዋቴ፥ ዔያታ ሜታዺ ሱኩዋሴ፤
23380	MAT 6:29	ጋዓንቴ ካኣቲ ሴሎሞኔ ቦንቺንቴታቴያ ዬያ ቡኖይዳፓ ፔቴ''ማጉዲታዖ ማይንቲ ሚዛጲባኣሴ፤ ታ ዒንሢም ጋዓኣኬ።
23381	MAT 6:30	ዓካሪ ዒንሢ ጉሙርቂፃ ዻኬ'' ዓሳ! ሃኖ'' ኮሽካዖ ዚሮ ታሚዳ ዓጊንታ፥ ካዮ ማኣቶ ዬያይዲ ፆኦሲ ፓልሚሴቶ ዒንሢም ዎይቲ ባሼና ዒ ማሊንዱዋይ?
23398	MAT 7:13	ዬሱሴ ሃሣ ኬኤዛዖ፦ «ኩንዖ ካሬ''ሎና ጌሉዋቴ፤ ዓይጎሮ ጌዔቶ ባይሲንቶ ባንሢ ጌልዛ ካራ'' ዳልጊ፥ ዔኪ ዓኣዻ ጎይፃኣ ዳልጊኬ። ዬኖ ባንሢ ጌላንዳ ዓሳ ሚርጌኬ።
23399	MAT 7:14	ናንጊ ባንሢ ጌልዛ ካራ'' ጋዓንቴ ኩንዔ፥ ጎይፃኣ ሜታሳያኬ፤ ዬያሮ ዬኖ ጎይፄሎና ጌላንዳ ዓሳ ዻካ''ኬ» ጌዔኔ።
23408	MAT 7:23	ዬኖ ዎዶ''ና ‹ፔቴ''ታዖ ታ ዒንሢ ዔሩዋሴ፥ ዒንሢ ፑርቶ ዓሳ ታ ኮይላ''ፓ ሺኢኩዋቴ!› ጌዒ ፔጌና ታ ዔያቶም ኬኤዛንዳኔ» ጌዔኔ።
23416	MAT 8:2	ዬኖና ፔቴ'' ዑስካ ኬስካ ዶርዓ ዓርቄ ዓሲስኬይ ዬሱሴ ኮይላ'' ሙኪ ባሊቲና ሳዓ ሎኦማዖ፦ «ጎዳሢዮ! ኔ ኮዔቴ ታና ጌኤሻ''ኒ ዳንዳዓኔ!» ጌዔኔ።
23418	MAT 8:4	ዬካፓ ዬሱሴ፥ ዬኖ ዶርዔሎይዳፓ ዻቂ ጌኤሽኬ ዓሢም፦ «ሃያ ባኮ ዖኦማኣ ኬኤዚፖ፤ ጋዓንቴ ሃሢ ዓኣዺጋፓ ኔኤኒ ጌኤሽኬሢ ቄኤሳሢም ዻዌ፤ ሃሣ ቢያሢም ማርካ ማዓንዳጉዲ ኔኤኮ ዶርዓሢዳፓ ፖዒፆ ዛሎ'' ሙሴ ዓይሤ ዒንጎ ባኮ ፆኦሲም ዒንጌ» ጌዔኔ።
23430	MAT 8:16	ዬካፓ ሳዓ ዓማዛ፥ ዓሳ ፑርታ ዓያና ዓርቄ ሚርጌ ሃርጌ ዓሲ ዬሱሴ ኮይላ'' ዔኪ ሙካዛ «ኬስኬ» ጌይሢና ሌሊ ፑርቶ ዓያኖ ኬሴ''ም ሃርጊንቴ ዓሳ ቢያ ፖዔኔ።
23442	MAT 8:28	ዬሱሴ ጌሊላ ባዞ''ና ፒንቂ ጌርሴኖኔ ዓጮ'' ሙካዛ ዒኢካ ፑርታ ዓያና ዓርቄ ላምዖ ዓሲ ዱኡፒ ካይዚዳፓ ኬስኪ ዒዛና ካኣሜኔ፤ ዬንሢ ሚርጌና ፑርታ ዓሲ ማዔሢሮ ዓይጎ ዓሲያ ዬኖ ጎይፆና ዓኣዻኒ ዳንዳዑዋያኬ።
23445	MAT 8:31	ፑርቶ ዓያኖንሢ ዬሱሴ ኮራ፦ «ኔ ኑና ኬሳ''ያ ማዔቴ፥ ሃሴኬ ጉዱንፆይዳ ኑ ጌላንዳጉዲ ኑና ዓይሤ» ጌዒ ዒዛ ሺኢቄኔ።
23446	MAT 8:32	ዬሱሴያ፦ «ዴንዱዋቴ!» ጋዓዛ፥ ፑርቶ ዓያኖንሢ ዓሶንሢዳፓ ኬስኪ ጉዱንፆይዳ ጌላዛ፥ ጉዱንፃ ቢያ ዔያታ ሄንቃ ማጎ ዓጮይዳፓ ዲርጊ ባዞ''ይዳ ጌሊ ሙይንቴኔ።
23447	MAT 8:33	ጉዱንፆ ሄንቃ ናኣታ'' ጳሽኪ ካታሞ ዴንዳዖ፥ ማዔ ባኮ ቢያ ሃሣ ፑርቶ ዓያኖና ዓርቂንቴ ዓሶንሢዳኣ ማዺንቴ ባኮ ኬኤዜኔ።
23451	MAT 9:3	ዒማ''ና ሙሴ ዎጎ ዔርዛ ፔቴ'' ፔቴ'' ዓሳ፦ «ሃይ ፆኦሲ ጫሺኬ» ጌዒ ፔ ዒኖና ማሌኔ።
23452	MAT 9:4	ዬሱሴ ዔያቶኮ ማሊፆ ዔሪጋፓ፦ «ዓይጎሮ ዒንሢ ሃያጉዴ ፑርታ ባኣዚ'' ዒኖና ማላይ?
23463	MAT 9:15	ዬሱሴ ማሃዖ፦ «ዑኡታሢ ዔያቶና ዎላ'' ዓኣንቴ ዔፖ ዓሳ ዎይቲ ሙይ ዑሽኪ ዎዛዹዋዖ ሃሻ''ንዳይ? ዑኡታሢ ዔያቶይዳፓ ዔውታንዳ ዎዴ ሙካንዳኔ፤ ዬኖ ዎዶ''ና ዔያታ ሙዖ ሃሺ''ፆ ዳምቦ ካፓንዳኔ።»
23469	MAT 9:21	ዬያ ዒዛ ማዼሢ፦ «ዒዛኮ ዓፒሎታዖ ኩጮና ታ ካኣሜቶ ዻቃንዳኔ» ጌዒ ፔ ዒኖና ማሌሢሮኬ።
23474	MAT 9:26	ዬይ ሃይሳ ዬኖ ዓጮ'' ቢያይዳ ዋይዚንቴኔ።
23475	MAT 9:27	ዬሱሴ ዬኖ ቤዛፓ ዴንዳንቴ ላምዖ ዓኣፒ ባይቄ ዓሲስኬንሢ፦ «ዳውቴ ናዓሢዮ! ሃዳራ ኑና ማኣዴ''» ጌዒ ጌዒ ዒላቴኔ።
23481	MAT 9:33	ፑርቶ ዓያኖ ዬሱሴ ኬሴስካፓ ዻንጎ ባይቄ ዓሢ ጌስቲሢ ዓርቄኔ፤ ዬያሮ ዴራ'' ዲቃቲ ሄርሻዖ፦ «ሃያጉዴ ባኣዚ'' ዒስራዔኤሌ ዓጮ''ይዳ ኑ ዛጊ ቤቂባኣሴ» ጌዔኔ።
23482	MAT 9:34	ፔርሴ ዓሳ ጋዓንቴ፦ «ዒዚ ፑርቶ ዓያኖ ዓሶፓ ኬሳ''ሢ ፑርቶ ዓያኖ ሱኡጋሢ ዎልቆናኬ» ጌዔኔ።
23487	MAT 10:1	ዬሱሴ ታጶ ላምዖ ዒዛ ጊንፆ ሃንታዞንሢ ፔ ባንሢ ዔኤላ''ዖ ፑርቶ ዓያኖ ኬሳ''ንዳጉዲ ሃሣ ዶርዖ ቢያ ፖዒሳንዳጉዲ ቢታንቶ ዔያቶም ዒንጌኔ።
23494	MAT 10:8	ዶርዓሢና ዓኣ ዓሶ ፖዒሱዋቴ፤ ሃይቄ ዓሶዋ ሃይባ''ፓ ዔቂሱዋቴ፤ ዑፃ ኬስካ ዶርዓሢና ዓኣ ዓሶ ዻቂሹዋቴ፤ ፑርቶ ዓያኖዋ ዓሶይዳፓ ኬሱ''ዋቴ፤ ዒንሢ ጉሪ ዔኬ ባኮ ዬያ ዓሶም ጉሪ ዒንጉዋቴ።
23495	MAT 10:9	ዎርቄታቴያ ቢራ ሃሣ ሞኦኖ ዓንጎዋ ቡራሻይዳ ዓጊ ዔኪፖቴ፤
23497	MAT 10:11	«ዒንሢ ጌላ ካታሞ ማዔቶዋ ጉርዶይዳ ዒ'ንሢ ሾኦቺንሢ ዎይሣኒ ጋዓ ዓሲ ዓኣቶ ዛጉዋቴ፤ ጴዼቶ ዬኖ ቤዞ ሃሺ'' ዒንሢ ኬስካንዳያ ሄላ''ንዳኣና ዒማካ ዴዑዋቴ።
23498	MAT 10:12	ዓሲ ማኣሪ ዒንሢ ጌላ ዎዶ''ና ‹ዓሲ ሙኬኔ፤ ኮሹሞ ሃኖ ማኣሮም ማዖም› ጎዑዋቴ።
23500	MAT 10:14	ዒንሢ ሾኦቺንሢ ዔኪባኣቶ፥ ዒንሢ ጌዔ ባኮዋ ዋይዚባኣቶ ዬኖ ማኣሬሎና ካታሜሎናይዳፓ ኬስካዖ ቶኮ ሲላሎ ፒፂ'' ዓኣዹዋቴ።
23501	MAT 10:15	ጎኔ ታ ዒንሢም ጋዓኔ፦ ዓጮ''ይዳ ፆኦሲ ዎጋ ኬሎ''ና ዬኖ ካታሜሎም ሶዶሜና ጋሞራናም ዒንጊንቴ ሜታሢዳፓ ባሼ ሜታ ሄላ''ንዳኔ» ጌዒ ዓይሢ ዳኬኔ።
23506	MAT 10:20	ዓይጎሮ ጌዔቶ ዒንሢ ዛሎ''ና ኬኤዛንዳሢ ዒንሢኮ ጫሪንጮ ዓዳሢ ዓያኖኬ፤ ዒንሢቱዋሴ።
23511	MAT 10:25	ዬያሮ ዔርዞሢ ዔርዛሢጉዲ፥ ማዻሢ ማዺሻሢጉዲ ማዔቴ ጊዳንዳኔ። ማኣሮ ዓዶም ‹ፑርቶ ዓያኖ ሱኡጋሢ› ጌዒ ሱ'ንሢ ዔያታ ጌሤቶ ማኣሮ ዓሶም ዬያፓ ዑሣ ፑርታ ሱ'ንሢ ጌሣዓዳ?» ጌዔኔ።
23529	MAT 11:1	ዬሱሴ ዬያ ባኮ ታጶ ላምዖ ዒዛኮ ጊንፆ ሃንታዞንሢም ኬኤዜሢኮ ጊንፃ ዬኖ ቤዞ ሃሺ'' ኮይሎ''ይዳ ዓኣ ካታሞንሢዳ ቃኣሎ'' ኬኤዛኒና ዔርዛኒ ዴንዴኔ።
23540	MAT 11:12	ማስካ ዮሓኒሴ ዎዶ''ይዳፓ ሃኖ'' ሄላ''ንዳኣና ፆኦሲ ካኣቱማ ዎልቄና ዳልጊ ዳልጊ ዓኣኔ፤ ዓካሪ ሚርጌና ዒዞሮ ሜታዻዞንሢ ዒዞ ዴንቃንዳኔ» ጌዒ ኬኤዚሢ ዓርቄኔ።
23551	MAT 11:23	ሓና ኔ ቂፒርናሆሜ! ጫሪንቺ ሄላ''ኒ ኔ ኮይባይ? ጋዓንቴ ፆኦሲ ኔና ጋኣናኣሜ ታሞ''ይዳ ጌልዛንዳኔ፤ ኔጊዳ ማዺንቴ ፆኦሲ ዎልቄና ማዺንታ ዓኮ ባካ ዎንዴ ሶዶሜይዳ ማዺንቴያታቴ ዬና ካታሜላ ሃኖ'' ሄላ''ንዳኣና ዓኣያ ናንዳንዳቴኬ።
23558	MAT 11:30	ታ ቃንባራ ባቃኖ'' ዔኩዋያ፤ ኬዳ''ኣ ሃሣ ታኣኮ ሼሌዔኬ» ጌዔኔ።
23567	MAT 12:9	ዬሱሴ ዬኖ ቤዞይዳፓ ዔቂ ዓይሁዶ ዓሶኮ ቡኪንቶ ቤዞ ጌሌኔ፤
23576	MAT 12:18	«ሃይሾ ታ ዶኦሬ፥ ታ ዒዛ ናሽካያ ሃሣ ታና ዎዛሳ ታኣም ማዻሢዳ ታ ዓያኖ ዒዛ ዑፃ ታ ማሃንዳኔ፤ ዒዚ ዓሲ ዜርሢም ቢያ ታኣኮ ፒዜ ዎጊፆ ዔርዛንዳኔ።
23582	MAT 12:24	ጋዓንቴ ፔርሴ ዓሳ ዬያ ዛጌ ዎዶ''ና፦ «ሃይ ዓሢ ፑርቶ ዓያኖ ኬሳ''ሢ ፑርቶ ዓያኖ ሱኡጋሢ ቢዔልዛቡሌ ዎልቆና ማዓንዳኣፓዓቴም» ጌዔኔ።
23585	MAT 12:27	ታኣኒ ፑርቶ ዓያኖ ኬሳ''ሢ ዔያቶኮ ሱኡጋሢ ቢዔልዛቡሌና ማዔቶ ዒንሢኮ ናኣታ'' ዓይጎና ፑርቶ ዓያኖ ኬሳ''ይ? ዬያሮ ዒንሢ ናኣታ'' ዒንሢዳ ዎጋንዳኔ።
23586	MAT 12:28	ጋዓንቴ ፑርቶ ዓያኖ ታ ኬሳ''ሢ ፆኦሲ ዓያኖና ማዔቶ ፆኦሲ ካኣቱማ ዒንሢ ኮራ ሙኬኔ ጌይሢኬ» ጌዔኔ።
23592	MAT 12:34	ዒንሢ ሃይ ሾኦዦ ናኣታ''! ዒንሢ ፑርታታዖ ኮሺ ባኣዚ'' ኬኤዛኒ ዎይቲ ዳንዳዓይ? ዓይጎሮ ጌዔቶ ዓሲ ኬኤዛ ባካ ዓሢኮ ዒኖይዳፓ ኩሚ'' ኬስኬሢኬ።
23609	MAT 13:1	ዬኖ ኬሎ'' ዬሱሴ ጋራፓ ኬስኪ ባዞ'' ዓጫ ዴዔኔ፤
23613	MAT 13:5	ዓቴ'' ዜርፃ ሚርጌ ዓጪባኣ፥ ሃኣሻ ቤሲዳ ኬዴ''ኔ፤ ዬኖ ቤዛ ሚርጌ ዓጪ ባኣሢሮ ዜርፃ ዑኬና ባቃሌኔ።
23623	MAT 13:15	ዓይጎሮ ጌዔቶ ሃይ ዴራ'' ዒኖ ፔኤሲ'' ዶጪሴኔ፤ ዋዮዋ ዔያታ ዓርቄኔ፤ ዓኣፖዋ ዱኡሜኔ። ያዺ ማዒባኣያታቴ ዓኣፖና ዔያታ ዛጊ ዋዮና ዋይዚ ዒኖና ማሊ ታ ባንሢ ዔያታ ማዔም ሄኤዶ ታ ዔያቶ ዻቂሼያ ናንዳንቴኬ› » ጌይንቲ ኬኤዚንቴሢ ዔያቶይዳ ኩማ''ንዳኔ።
23638	MAT 13:30	ዬያሮ ሃሹ''ዋቴ፤ ባርቻ ማንፂንታ ዎዶ'' ሄላ''ንዳኣና ባርቾንታ ዓዣሢንታ ዎላ'' ዑጎንጎ፤ ማንፂንታ ዎዶ''ና ጋዓንቴ ማንፃ ዓሶም ዓዣሢ ቤርታዺ ቱጊ ታሚና ሚቺንታንዳጉዲ ናኣራ ናኣራ ቱኩ''ዋቴ፤ ባርቾ ጋዓንቴ ማንፂ ታኣኮ ኮኖይዳ ዋሁዋቴ› ሂዚ ታ ጋዓንዳኔ» ጌዒ ዔያቶም ኬኤዜኔ።
23652	MAT 13:44	ሄሊ''ሳዖ ዬሱሴ፦ «ጫሪንጮ ካኣቱማ ጎሺ ሳዛይዳ ዓኣቾና ባኣዚ'' ማላኔ፤ ፔቴ'' ዓሲ ዬኖ ባኬሎ ዴንቃዖ ማሂ ጊንሣ ዓኣቼኔ፤ ሚርጌ ዎዛዼሢሮ ዴንዲ ዓኣ ባኮ ቢያ ሻንቺ ዬኖ ጎዤሎ ሻንቄኔ» ጌዔኔ።
23654	MAT 13:46	ዬይ ኮርማ ዓሢ ሚርጌ ቦንቺንታ ኮሺ'' ሚዛጲ ሹቺ ዴንቄ ዎዶ''ና ዴንዲ ዓኣ ባኮ ቢያ ሻንቺ ዬኖ ሹጬሎ ሻንቄኔ» ጌዔኔ።
23656	MAT 13:48	ሞላሢ ጌሊ ዓርቂንቲ ኩሜ'' ዎዶ''ና ሞላሢ ዓርቃ ዓሳ ዬኖ ሱዜሎ ባዛ''ፓ ጎቺ ዓጮ ኬሲ''ጋፓ ዴዒ ኮዦ ኮዦ ቁሪ ዔካዖ፥ ፑርቶ ጋዓንቴ ዒኢካ ኬኤሪ ሃሻ''ኔ።
23661	MAT 13:53	ዬሱሴ ዬንሢ ኮኦኪንሦንሢ ኬኤዚ ኩርሴስካፓ ዬኖ ቤዛፓ ዴንዴኔ።
23667	MAT 14:1	ዬኖ ዎዶ''ና ጌሊላ ዓጮ'' ዎይሣ ሄሮዲሴ ዬሱሴ ማዻ ባኮ ዛሎ'' ዋይዚ፥
23701	MAT 14:35	ዬኖ ዓጮ''ይዳ ዓኣ ዓሳ ዒ ዬሱሴ ማዔሢ ዔሬ ዎዶ''ና ኮይላ'' ዓኣ ዓጮ'' ዓሲ ዳኪ ሃርጊንቴ ዓሶ ዒዛ ባንሢ ዔኪ ሙኡሴኔ።
23717	MAT 15:15	ጴፂሮሴ ዬሱሴ ኮራ፦ «ዬኖ ኮኦኪንሦኮ ቡሊ''ፆ ኑም ኬኤዜ» ጌዔኔ።
23718	MAT 15:16	ዬሱሴ ዔያቶም፦ «ዒንሢያ ሃኖ'' ሄላ''ንዳኣና ማሊ ጶቂሡዋያዳ?
23724	MAT 15:22	ዬኖ ዓጮ''ይዳ ፔቴ'' ካኣናኔ ዓጪ ላኣሊስኬና ዬሱሴ ኮራ ሙካዖ፦ «ዳውቴ ናዓሢዮ፥ ታ ጎዳ! ሃዳራ ታና ማኣዴቴራ፤ ታኣኮ ናይስኬኖ ፑርታ ዓያና ዓርቄም ሚርጌ ሜታዻኔ» ጌዒ ዒላቴኔ።
23743	MAT 16:2	ዒዚ ጋዓንቴ ማሃዖ፦ «ዓማ''ዛ ‹ጫሪንጫ ጌኤሺታሢሮ፥ ሃኖ'' ዒርዚ ዋርቃዓ› ዒንሢ ጋዓኔ፤
23744	MAT 16:3	ጉቶ ሃሣ ‹ሃኖ'' ሳዓ ሻኣሬናኬ፤ ዒርዚ ዋርቃንዳኔ› ዒንሢ ጋዓኔ፤ ዬያይዲ ጫሪንጮ ዛጊ ዒንሢ ዔሪ ዔራኔ፤ ጋዓንቴ ሓሢ ማዺንቲ ማዺንቲ ዓኣ ባኮ ዛሎ'' ዒንሢ ዔራኒ ዳንዳዒባኣሴ።
23759	MAT 16:18	ታ ኔኤም ሂዚ ጋዓኔ፦ ጴፂሮሴ፥ ኔኤኒ ላሌኬ፤ ሃያ ቦኦኮላሢ ማዔ ሹጫሢዳ ታኣኮ ሺኢጲፆ ማኣሮ ዓሶ ታ ዶዲሺ ዔቂሳንዳኔ፤ ዬኖ ሺኢጲፆ ማኣሮ ዓሶ ሃይቢ ዎልቄታዖ ባይዛዓኬ።
23788	MAT 17:19	ዬካፓ ዒዛኮ ጊንፆ ሃንታ ናኣታ'' ፔኤሮ ዬሱሴ ኮይላ'' ሙካዖ፦ «ኑኡኒ ፑርቶ ዓያኖ ኬሳ''ኒ ዳንዳዒባኣሢ ዓይጎሮዳይ?» ጌይ ዖኦጬኔ።
23797	MAT 18:1	ዬኖና ዬሱሴኮ ጊንፆ ሃንታዞንሢ ዬሱሴ ኮራ ሙካዖ፦ «ጫሪንጮ ካኣቱሞይዳ ቢያፓ ባሼሢ ዖናዳይ?» ጌይ ዒዛ ዖኦጬኔ።
23803	MAT 18:7	ሃሣ ዬሱሴ ኬኤዛዖ፦ «ዓሲ ጌሺ፥ ጎሜ ማዺሻኒ ዳንዳዓ ባኣዚ''ና ኩሜ'' ሃኖ'' ዓጬ''ሎም ባዴዔ! ዎይቴቴያ ጌሺ ዻቢሻ ባኣዚ'' ሙኩዋዖ ዓታዓኬ፤ ጋዓንቴ ጌሺ ዻቢሻኒ ማዻ ዬያ ዓሢም ባዴዔ!
23831	MAT 18:35	«ዓካሪ ዒንሢ ፔቴ'' ፔቴ''ሢ ታና ጉሙርቃ፥ ዒንሢኮ ዒጊኖንሢም ዒናፓ ዓቶም ጌዒባኣቶ ጫሪንጮይዳ ዓኣ ታ ዓዳሢ ዒንሢም ዓቶም ጋዓዓኬ» ጌዔኔ።
23832	MAT 19:1	ዬሱሴ ዬያ ባኮ ኬኤዚ ጋፒሴሢኮ ጊንፃ ጌሊላ ዓጮ'' ሃሺ'' ዮርዳኖሴ ዎሮ ሱካ'' ዓኣ፥ ዪሁዳ ዓጮ'' ዴንዴኔ።
23839	MAT 19:8	ዬሱሴ ማሃዖ፦ «ሙሴ ዒንሢኮ ዒኖ'' ዶዱሞ ዛጊ ላኣሊ ዒንሢ ዓንጃንዳጉዲ ዓይሣንዳኣፓዓቴም ማዢንታፓ ዓርቃዖ ዓኣ ዎጋ'' ያዺቱዋሴ፤
23846	MAT 19:15	ኩጮ ናኣቶ'' ዑፃ ጌሢ ዓንጄሢኮ ጊንፃፓ ዬኖ ቤዛፓ ዔቂ ዓኣዼኔ።
23862	MAT 20:1	ዬካፓ ዬሱሴ፦ «ጫሪንጮ ካኣቱማ ፔኤኮ ዎይኖ ጎዦ ጎሽኪሳኒ ጎሽካ ዓሶ ኮዒ ጉቴ'' ዓሚ'' ኬስኬ ዓሲ ማላኔ፤
23865	MAT 20:4	‹ዒንሢ ታኣኮ ዎይኖ ጎዦይዳ ዴንዲ ማዹዋቴ፤ ታ ዒንሢም ኮይሳሢጉዲ ጪጋንዳኔ› ጋዓዛ፥
23868	MAT 20:7	ዔያታ ማሃዖ ‹ኑና ማዺሻኒ ጋዓ ዓሲ ባይቄሢሮኬ› ጌዔኔ፤ ዓሢ ዬያ ዋይዛዖ ‹ዒንሢያ ዓኣዺ ታኣኮ ዎይኖ ጎዦይዳ ማዹዋቴ› ጌዔኔ።
23897	MAT 21:2	«ሓኖ'' ሴኮ ቤርታ ዓኣ ጉርዴሎ ዓኣዹዋቴ፤ ዒኢካ ዒንሢ ሄሄላ''ዖ ፔቴ'' ቱኡቲ ዓኣ ሃሬ ናዖና ዎላ'' ዴንቃንዳኔ፤ ዬያሮ ዬማ ሃሮ''ማ ቡሊ'' ዔኪ ታኣም ዬዑዋቴ።
23919	MAT 21:24	ዬሱሴ ማሃዖ፦ «ታኣኒያ ፔቴ'' ባኣዚ'' ዒንሢ ዖኦጫንዳኔ፤ ዬኖ ዒንሢ ታኣም ማሄቶ ታኣኒ ሃያ ባኮ ዓይጎ ቢታንቶና ማዻቴ ዒንሢም ኬኤዛንዳኔ፤
23923	MAT 21:28	ዬካፓ ዬሱሴ፦ «ሂንዳ ዒንሢም ዓይጎ ማላቶዋ? ፔቴ'' ባኣዚ'' ታ ዒንሢም ኬኤዞም፤ ፔቴ'' ዓሲኮ ላምዖ ናይ ዓኣኔ፤ ዔያቶይዳፓ ፔቴ''ሢ ኮራ ዓዳሢ ሙካዖ ‹ታ ናዓሢዮ! ሓኖ'' ጎዦ ዴንዲ ማዾ ማዼ› ጌዔኔ።
23928	MAT 21:33	ሓሣ ዬሱሴ ሜሌ'' ማሊሢ ኮኦኪንሢና፦ «ፔቴ'' ዎይኔ ጎሺ ዓኣ ዓሲ ጎዦኮ ቲኢፆ ዲርቂ፥ ዎይኖ ጩኡጶንዶ ዔቴያ ላሌ ሹቺዳ ቦኦኪ ኮሼ''ኔ፤ ሃሣ ካፒፆም ማዓ ሴኤላኣ ሴኤሊ''፥ ዬካፓ ጎዦ ዒዛማኣ ጎሽካንዳ ዓሲም ዒንጊ ሜሌ'' ዓጪ ዓኣዼኔ።
23935	MAT 21:40	«ዓካሪ ዬኖ ጎዤሎኮ ዓዳሢ ሙካዖ ዬንሢ ጎሽካ ዓሶንሢ ዎዳ''ንዳያ ዒንሢም ማላይ?» ጌዔኔ።
23959	MAT 22:18	ዬማና ዬሱሴ ዔያቶኮ ጌኖ ማሊፆ ዔራዖ፦ «ዒንሢ ፂሎ''ቱዋዖ ፔና ፂሎ''ኬ ጋዓ ዓሳ! ዓይጎሮ ጌኤሲና ታና ዒንሢ ፒራኒ ኮዓይ?
23961	MAT 22:20	ዬማና ዒዚ፦ «ሃኖ'' ሚኢሼሎይዳ ዓኣ ዓውካሮና ፃኣፒንቴ ሱ'ንፆና ዖኦሮዳይ?» ጌዔኔ።
23964	MAT 22:23	ዬኖ ኬሎ''ና፦ «ሃይቄ ዓሲ ዔቁዋሴ» ጋዓ ሶዶቄ ዓሳ ዬሱሴ ኮይላ'' ሙኪ ሂዚ ጌዒ ዖኦጬኔ፦
23977	MAT 22:36	«ዔርዛሢዮ! ቢያፓ ባሼ ዓይሢፄላ ዎኖዳይ?» ጌዒ ዖኦጬኔ፤
23979	MAT 22:38	ቢያፓ ባሼ ማዔ ቤርታኣ ዓይሢፃ ዬኖኬ።
23980	MAT 22:39	ሃሣ ዬኖ ማላ ላምዓሳ ዓይሢፃ ‹ዓሲ ቢያ ዓዳ'' ኔና ማሂ ናሽኬ› ጋዓኔ፤
23987	MAT 22:46	ዒማ''ና ፔቴ''ታዖ ዔኤቢ ማሂ ኬኤዛኒ ዳንዳዔ ዓሲ ባኣሴ። ዬኖ ኬሎ''ይዳፓ ዓርቃዖ ጫርቂ ዒዛ ዔኤቢ ዖኦጬ ዓሲያ ባኣሴ።
24003	MAT 23:16	«ሃይ፥ ዒንሢ ዓኣፖ ባይቄ ዓርኖ ማዔ ዓሳ! ዒንሢና ባዴዔ! ‹ዓሲ ጌኤዦ ማኣሮ ዔኤሊ'' ጫኣቄቴ ዔኤቢባኣሴ፤ ጋዓንቴ ጌኤዦ ማኣሮኮ ዎርቆ ዔኤሊ'' ጫኣቄቴ ቶላ'' ካራ ባኣሴ› ዒንሢ ጋዓኔ፤
24004	MAT 23:17	ዒንሢ ዔኤያ ሃሣ ዓኣፖ ባይቄ፥ ዓርኖ ማዔ ዓሳ! ዎርቆና ዎርቃ ፆኦሲም ዱማዼያ ማዓንዳጉዲ ማሃ ጌኤዦ ማኣሮናይዳፓ ዎና ባሼዳይ?