23218	MAT 1:5	ሴልሞኔ ራባ ጎዖ ላኣሌሎይዳፓ ቦዔዜ ሾዔኔ፤ ቦዔዜያ ሩኡቴ ጎዖ ላኣሌሎይዳፓ ዒዮቤዴ፤ ዒዮቤዴያ ዒሴዬ ሾዔኔ።
23236	MAT 1:23	«ሓይሾ ዓቲንቄ ዔሩዋ ኩሙሢ ዉዱሮ ናይ ጎጲ ዔኪ፥ ዓቲንቄ ናይ ሾዓንዳኔ፤ ሱንፃ ዒዛኮ ‹ዓማኑዔኤሌ› ጌይንቲ ጌሢንታንዳኔ» ጌዒ ኬኤዜሢ ኩማንዳጉዲኬ። (ዓማኑዔኤሌ ጌይፃ፦ ፆኦሲ ኑኡና ዎላ''ኬ ጌይሢኬ።)
23242	MAT 2:4	ዒዚያ ቄኤሶኮ ሱኡጎና ዓይሁዶ ዓሶኮ ዎጎ ዔርዛ ዓሶ ቢያ ዔኤሊ''፦ «ሜሲሔ ሾይንታንዳሢ ዎካዳይ?» ጌይ ዔያቶ ዖኦጬኔ።
23256	MAT 2:18	«ዬኤፒና ሚርጌ ዒላቲ ዑኡሲና ራማ ዓጮ''ይዳ ዋይዚንቴኔ፤ ራሄላኣ ፔ ናኣቶ'' ዛሎ''ሮ ዬኤኬኔ፤ ናኣታ'' ዒዞኮ ኩዴሢሮ ዶዲፆ ባሺንቴኔ» ጌዒ ኬኤዜሢ ኩሜኔ።
23263	MAT 3:2	ዒዚ ኬኤዜሢ፦ «ፆኦሲ ካኣቱማ ዑኬኔ፤ ጎሞ ቡኡፁዋቴ» ሂዚ ጌዒኬ።
23264	MAT 3:3	« ‹ጎዳኮ ጎይፆ ጊኢጊሹዋቴ፥ ሉኡጎ ጎይፆዋ ፒዚሱዋቴ› ጌዒ ጌዒ ዓሲ ናንጉዋ ዳውሎ''ይዳ ዒላታ ዓሲ ዑኡሲ» ጌዒ ፆኦሲ ማሊፆ ኬኤዛ ዒሲያሴ ኬኤዜሢ ዬያ ዮሓኒሴ ዛሎ''ኬ።
23267	MAT 3:6	ጎሞ ፔኤኮ ቡኡፂ ቡኡፂ ዒዛ ኮይላ'' ዮርዳኖሴ ዎራ ዋኣፆ ማስታኔ።
23269	MAT 3:8	ዓካሪ ሃሢ ዒንሢኮ ጎሞ ቡኡፂፆ ዔርዛ ማላታ ማዹዋቴ።
23270	MAT 3:9	‹ኑኡኒ ዓብራሃሜ ናኣቶ''ኬ› ጌዒ ጌዒ ሄርሺንቲፖቴ፤ ፆኦሲ ሃያ ሹጮይዳፓ ዓብራሃሜ ናይ ማሃኒ ዳንዳዓኔ ታ ዒንሢም ጋዓኣኬ።
23272	MAT 3:11	ሓሢ ታ ዒንሢ ጎሞ ቡኡፂፆ ዔርዛያ ማሂ ዋኣሢና ማስካኔ፤ ጋዓንቴ ታኣኮ ጊንፆ ሙካሢ ዓያና ጌኤሺና ሃሣ ታሚና ዒንሢ ማስካንዳኔ፤ ዒ ታጊዳፓ ሚርጌና ባሼታሢሮ ታ ዒዛኮ ቶኮ'' ዱርዞታዖ ኬዳኒ ኮይሳ ዓሲቱዋሴ።
23278	MAT 3:17	ዬማና፦ «ታና ዎዛሳ፥ ታ ዒዛ ናሽካ ናዓሢ ታኣኮ ሃያኬ» ጋዓ ዑኡሲ ጫሪንጫፓ ዋይዚንቴኔ።
23280	MAT 4:2	ዒኢካ ዒ ዖይዲታሚ'' ሮኦሪና ዋንቴና ሙኡዚ'' ሙዑዋዖ ዴዔስካፓ ናይዺንቴኔ።
23290	MAT 4:12	ዮሓኒሴ ቱኡቴሢ ዬሱሴ ዋይዜ ዎዶ''ና ጌሊላ ዓጮ'' ዓኣዼኔ፤
23295	MAT 4:17	ዬካፓ ዓርቃዖ ዬሱሴ፦ «ፆኦሲ ካኣቱማ ዑኬሢሮ ጎሞ ቡኡፁዋቴ» ጌዒ ጌዒ ዔርዚሢ ዓርቄኔ።
23314	MAT 5:11	«ዓሳ ዒንሢ ታ ዛሎ''ሮ ጫሽኪ፥ ዒፂ ዳካያ ማዔቴ ሃሣ ፑርታ ሉኡዙሞ ዒንሢዳ ጌስቴቴ ዎዎዛዹዋቴ።
23318	MAT 5:15	ዓሲ ፖዒ ፖዒሳዖ ዔኤቢና ጉኡፒ ጌሣ? ጌሣሢ ፖዓ ጋሮይዳ ዓኣ ዓሶም ቢያ ፖዓንዳጉዲ ዼ'ጌ ቤሲዳኬ።
23328	MAT 5:25	«ኔ ሞርካሢ ኔና ዎጌና ዓይሢሴም፥ ኔ ዒዛና ዎላ'' ዎጎ ዎጎ ቤዞ ዓኣዺፆይዳ ዓኣቴ፥ ዑኬና ኔ ሞርካሢና ዎላ'' ጊኢጌ። ያዺ ማዒባኣታቶ ኔ ሞርካሢ ኔና ዎጎ ዎጋሢም ዓኣሢ ዒንጋንዳኔ፤ ዎጋ ዓሢያ ሃሣ ፖኦሊሳሢም ዒንጋዛ ቱኡዞ ማኣራ ኔ ቱኡታንዳኔ።
23339	MAT 5:36	ኔ ቶኦኮ'' ጋፓኖ ዔኤሊ''ያ ጫኣቂፖ፤ ዓይጎሮ ጌዔቶ ኔኤኮ ቶኦኮ'' ጋፓናፓ ፔቴ''ማ ቡኡቂሳኒ ሃሣ ካርሣኒ ኔ ዳንዳዑዋሴ።
23362	MAT 6:11	ሓናኣ ዓቢ ሙኡዚ'' ኑም ዒንጌ፤
23367	MAT 6:16	ዬሱሴ ሃሣ፦ «ዒንሢ ሙዖ ሃሺ'' ሺኢቆ ሺኢጲፆ ሺኢቃ ዎዶ''ና ሄርሺንቶሮ ማዻ ዓሳ ማዻሢጉዲ ማዺፖቴ፤ ዔያታ ሙዖ ሃሾ'' ዳምቦ ማዻ ዎዶ''ና ሙኡዚ'' ሃሻ''ያ ማዔሢ ዔርታንዳጉዲ ሲዬ ዓሲጉዲ ማዓኔ። ጎኔ ታ ዒንሢም ጋዓኔ፦ ዔያታ ዬያይዲፆና ዔያቶም ኮይሳ ባኮ ቢያ ዔኬኔ።
23370	MAT 6:19	ዬሱሴ ሃሣ ኬኤዛዖ፦ «ቁንቁና ሙዓኒ፥ ሳልፒ ፑርታኒ ሃሣ ዉሲያ ቦኦኪ ዉኡቃኒ ዳንዳዓ፥ ሃያ ዓጮ''ይዳ ዒንሢም ማዓ ቆሎ ቡኩሲፖቴ፤
23371	MAT 6:20	ጋዓንቴ ቁንቁና ሙዓኒ፥ ሳልፒ ፑርታኒ ሃሣ ዉሲያ ቦኦኪ ዉኡቃኒ ዳንዳዑዋ፥ ሎ ጫሪንጮ ማኣሮይዳ ዒንሢኮ ቆሎ'' ቡኩሱዋቴ።
23376	MAT 6:25	ዬሱሴ ሃሣ ኬኤዛዖ፦ «ዒንሢ ናንጎ ዛሎ'' ዓይጎ ኑ ሙዓንዳይ? ዓይጎ ኑ ዑሽካንዳይ? ሃሣ ዓይጎ ኑ ማይንታንዳይ? ጌዒ ማሊ ሜታዺፖቴ። ሼምፓ ሙኡዚ''ዳፓ፥ ዑሢ ማኣዖይዳፓ ባሼቱዋዓዳ?
23377	MAT 6:26	ሂንዳ ካፖ ዛጉዋቴ፤ ጎሽኩዋሴ፥ ሃኣኮ ታይዚ ኮናይዳ ዋሁዋሴ፤ ማዔቶዋ ዒንሢኮ ጫሪንጮ ዓዳሢ ዔያቶ ሙኡዛኔ። ሂዳዖ ዒንሢ ዔያቶይዳፓ ባሹዋዓዳ?
23388	MAT 7:3	ኔ ዓኣፖይዳ ዓኣ ዼኤፖ ቡኡሮ ዴንቁዋዖ ኔ ላጋሢኮ ዓኣፖይዳ ዓኣ ዻኮ'' ቡኡሮማ ዓይጋ ኔ ዛጋይ?
23389	MAT 7:4	ኔ ዓኣፖይዳ ዼኤፒ ቡኡራ ዓኣንቴ፥ ‹ኔኤኮ ዓኣፓፓ ዻኮ'' ቡኡሮማ ታ ኬሶ''ም› ዎይቲ ኔ ጋዓኒ ዳንዳዓይ?
23390	MAT 7:5	ሃይ ኔ ሄርሺንታሢ ሃይ! ቤርታዺ ኔኤኮ ዓኣፓ ዓኣ ዼኤፖ ቡኡሮ ኬሴ''፤ ዬካፓ ኔ ላጋሢኮ ዓኣፓ ዓኣ ዻኮ'' ቡኡሮማ ኔ ዴንቂ ኬሳ''ንዳኔ።
23400	MAT 7:15	ዬሱሴ ሃሣ ኬኤዛዖ፦ «ጋሮና ሙዓ ያኣዮታዖ፥ ማራይ ጉፓሌ ማይንቲ ዒንሢ ባኣኮ'' ጌሊ ዒንሢ ባይዛኒ ማላ ሉኡቂ ‹ፆኦሲ ማሊፆ ኬኤዛኔ› ጋዓዞንሢዳፓ ካፒንቱዋቴ።
23405	MAT 7:20	ዬያሮ ሉኡቂ ፆኦሲ ማሊፆ ኬኤዛኔ ጋዓ ዓሶኮ ማዾ'' ዓኣፖይዳፓ ዒንሢ ዔራንዳኔ።
23431	MAT 8:17	ዬያይዲፆና ፆኦሲ ማሊፆ ኬኤዛ ዒሲያሴ ዛሎ''ና፦ «ዒዚ ኑኡኮ ዶርዓሢ ዔኪ ኑጊዳፓ ዳኬኔ» ጌይንቴሢ ኩሜ''ኔ።
23434	MAT 8:20	ዬሱሴ ማሃዖ፦ «ዉኡካሢኮ ዎርቆ ዔቴ፤ ካፖኮ ሃሣ ማኣሪ ዓኣኔ። ዓሲ ናዓሢ ጋዓንቴ ላሂ ሃውሻንዳ ቤሲታዖ ባኣሴ» ጌዔኔ።
23435	MAT 8:21	ዒዛኮ ጊንፆ ሃንታዞንሢዳፓ ፔቴ''ይ፦ «ጎዳሢዮ! ቤርታዺ ታ ዴንዲ ታ ዓዴ ሃይቄም ዱኡኪ ሙኮም» ጌዔኔ።
23436	MAT 8:22	ዬሱሴ ማሃዖ፦ «ኔኤኒ ታ ጊንፆ ሙኬ፤ ሃይቄ ዓሳ ሃይቄ ዓሶ ዱኡካንዳጉዲ ሃሼ''» ጌዔኔ።
23442	MAT 8:28	ዬሱሴ ጌሊላ ባዞ''ና ፒንቂ ጌርሴኖኔ ዓጮ'' ሙካዛ ዒኢካ ፑርታ ዓያና ዓርቄ ላምዖ ዓሲ ዱኡፒ ካይዚዳፓ ኬስኪ ዒዛና ካኣሜኔ፤ ዬንሢ ሚርጌና ፑርታ ዓሲ ማዔሢሮ ዓይጎ ዓሲያ ዬኖ ጎይፆና ዓኣዻኒ ዳንዳዑዋያኬ።
23443	MAT 8:29	ዔያታ፦ «ፆኦሲ ናዓሢዮ! ኑኡና ዎላ'' ኔኤኮ ዓይጌ ዓኣይ? ዎዳ'' ሄሉ''ዋንቴ ኔ ኑና ሜታሳኒ ሙኪያ?» ጌዒ ጌዒ ዒላቴኔ።
23462	MAT 9:14	ዒማና ማስካ ዮሓኒሴኮ ጊንፆ ሃንታ ናኣታ'' ዬሱሴ ኮራ ሙካዖ፦ «ኑኡና ፔርሴ ዓሶና ሙዖ ሃሺ''ፆ ዳምቦ ካፓንቴ፥ ኔ ጊንፆ ሃንታ ናኣታ'' ዓይጎሮ ዬያይዲ ካፑዋይ?» ጌዒ ዖኦጬኔ።
23463	MAT 9:15	ዬሱሴ ማሃዖ፦ «ዑኡታሢ ዔያቶና ዎላ'' ዓኣንቴ ዔፖ ዓሳ ዎይቲ ሙይ ዑሽኪ ዎዛዹዋዖ ሃሻ''ንዳይ? ዑኡታሢ ዔያቶይዳፓ ዔውታንዳ ዎዴ ሙካንዳኔ፤ ዬኖ ዎዶ''ና ዔያታ ሙዖ ሃሺ''ፆ ዳምቦ ካፓንዳኔ።»
23465	MAT 9:17	ዬያጉዲ ሶልኪ ዑሺ ዋሆ ጪንቄ ዖቲዳ ሺሜ ዋሂንቱዋሴ፤ ዋሂንቴቴ ጋዓንቴ ሺሜ ዑዣ ቡርቂ ዖቶ ዹኡሴም ዑዣ ላኣሊንታንዳኔ፤ ዖታኣ ጉሪ ዓታንዳኔ። ዬያሮ ሺሜ ዑሺም ዓኪ ጌኤሺ ዖቲ ኮይሳኔ፤ ዬያይዴቴ ዑዣ ዖቶይዳ ዔኤቢ ዎኦቱዋዖ ዴዓኔ።»
23466	MAT 9:18	ዬሱሴ ዬያ ዓሶም ኬኤዚፆይዳ ዓኣንቴ ፔቴ'' ዓይሁዶ ዓሶኮ ቡኪንቶ ቤዞ ሱኡጌስኬይ ሙኪ ባሊቲና ዒዛ ቤርታ ሎኦማዖ፦ «ታኣኮ ናይስኬና ሃርጊ፥ ሃሢ ሃይቄኔ፤ ሃዳራ፥ ኔኤኒ ሙኪ ዒዞ ዑፃ ኩጮ ጌሤቶ ዒዛ ዻቃንዳኔ» ጌዔኔ።
23471	MAT 9:23	ዬካፓ ዬሱሴ ዓይሁዶ ዓሶኮ ቡኪንቶ ቤዞ ሱኡጋሢ ማኣሪ ሄላ''ዖ ዲንካሢ ዋርቂ ሃሣ ጳሽኪ ዒላቲ ዒላቲ ዬኤካ ዓሶ ዛጊ፥
23482	MAT 9:34	ፔርሴ ዓሳ ጋዓንቴ፦ «ዒዚ ፑርቶ ዓያኖ ዓሶፓ ኬሳ''ሢ ፑርቶ ዓያኖ ሱኡጋሢ ዎልቆናኬ» ጌዔኔ።
23496	MAT 10:10	ጋላ ዓርቆ ሉካንታ ቃሲ'' ማይንቶ ዓፒላንታ ቃሲ'' ዓኣሦ ዱርሲ ሃሣ ኮኦሎ''ዋ ጎይፆሮ ዔኪፖቴ፤ ዓይጎሮ ጌዔቶ ማዻ ዓሲም ኮይሳ ሙኡዚ'' ዒንጊንታኔ።»
23511	MAT 10:25	ዬያሮ ዔርዞሢ ዔርዛሢጉዲ፥ ማዻሢ ማዺሻሢጉዲ ማዔቴ ጊዳንዳኔ። ማኣሮ ዓዶም ‹ፑርቶ ዓያኖ ሱኡጋሢ› ጌዒ ሱ'ንሢ ዔያታ ጌሤቶ ማኣሮ ዓሶም ዬያፓ ዑሣ ፑርታ ሱ'ንሢ ጌሣዓዳ?» ጌዔኔ።
23515	MAT 10:29	ላምዖ ሱኡታ ባካናም ሻንቺንታኔ፤ ያዺ ማዔቶዋ ዒንሢኮ ጫሪንጮ ዓዳሢ ጌዒባኣንቴ ፔቴ'' ሱኡቶ''ማታዖ ጉሪ ዓቱዋሴ።
23517	MAT 10:31	ዒንሢ ዒጊጪፖቴ፤ ዓይጎሮ ጌዔቶ ሚርጌ ሱኡታይዳፓ ዒንሢ ባሼኬ» ጌዔኔ።
23530	MAT 11:2	ማስካ ዮሓኒሴ ቱኡዞ ማኣራ ቱኡቲ ዓኣዖ ኪሪስቶሴ ማዻ ባኮ ዋይዜኔ፤ ዬያሮ ዒዛኮ ጊንፆ ሃንታዞንሢዳፓ ዬሱሴ ኮራ፦
23546	MAT 11:18	ማስካ ዮሓኒሴ ሙኡዚ'' ሙዑዋዖ ሃሣ ዑሽኩዋዖ ሙካዛ ‹ሃያይዳ ፑርታ ዓያና ዓኣኔ!› ዔያታ ጌዔኔ፤
23547	MAT 11:19	ዓሲኮ ናዓሢ ሓሣ ሙዒ ዑሽኪ ዑሽኪ ሙካዛ፥ ‹ሓሣ ሃይ ሙኡዚ''ና ዑሺና ናሽካያኬ፤ ሚኢሾ ቡኩሳ ዓሶና ጎሞ ዓሶናኮ ላጌኬ!› ዔያታ ጌዔኔ። ያዺ ማዔቴያ ዔራቶኮ ጎኑማ ፔ ማዾ''ና ፔጋዺ ዔርታንዳኔ» ጌዔኔ።
23548	MAT 11:20	ዬካፓ ሃሣ ዬሱሴ ሃንጎ ካታሞይዳፓ ባሼና ሚርጌ ፆኦሲ ዎልቄና ማዺንታ ዓኪ ባኣዚ'' ማዺንቴ ካታሞንሢ' ጎሞ ፔኤሲ'' ቡኡፂባኣሢሮ፥
23549	MAT 11:21	«ኮራዚኔ ኔና ባዴዔ! ሃሣ ቤቴሳይዳ ኔና ባዴዔ! ዒንሢዳ ማዺንቴ ፆኦሲ ዎልቆና ማዺንታ ዓኮ ባካ ፂሮሴና ሲዶና ካታሞናይዳ ማዺንቴቴ ሄኤዶ ዔያታ ሲዬ ፓቲሌ ቱኪ'' ቶኦካ'' ቢዲንሢ ዋሂንቲ ጎሞ ፔኤኮ ቡኡፄያ ናንዳንቴኬ።
23559	MAT 12:1	ዬያኮ ጊንፃፓ ዬሱሴ ዓይሁዶ ዓሶኮ ሃውሾ ኬሎ''ና ፔቴ'' ዛርጎ ጎሺ ጊዴና ዓኣዻንቴ ዒዛኮ ጊንፆ ሃንታዞንሢ ናይዺንቴሢሮ ዛርጎ ቲሻሢ ዱኡዚ ዱኡዚ ዔኪ ዻዒሢ ዓርቄኔ።
23577	MAT 12:19	ዒዚ ማርሚ ዒላታዓኬ፤ ጎይፆይዳኣ ዑኡዞ ዋይዚሳዓኬ።
23582	MAT 12:24	ጋዓንቴ ፔርሴ ዓሳ ዬያ ዛጌ ዎዶ''ና፦ «ሃይ ዓሢ ፑርቶ ዓያኖ ኬሳ''ሢ ፑርቶ ዓያኖ ሱኡጋሢ ቢዔልዛቡሌ ዎልቆና ማዓንዳኣፓዓቴም» ጌዔኔ።
23585	MAT 12:27	ታኣኒ ፑርቶ ዓያኖ ኬሳ''ሢ ዔያቶኮ ሱኡጋሢ ቢዔልዛቡሌና ማዔቶ ዒንሢኮ ናኣታ'' ዓይጎና ፑርቶ ዓያኖ ኬሳ''ይ? ዬያሮ ዒንሢ ናኣታ'' ዒንሢዳ ዎጋንዳኔ።
23598	MAT 12:40	ዮናኣሴ ዼኤፖ ሞላሢ ጎጳ ሃይሦ ኬሊ'' ዋንቴና ሮኦሪና ዴዔሢጉዲ ዓሲኮ ናዓሢ ዱኡፒዳ ሃይሦ ኬሊ'' ሮኦሪና ዋንቴና ዴዓንዳኔ።
23599	MAT 12:41	ኔኔዌ ካታሞ ዓሳ ዓጮ''ይዳ ፆኦሲ ዎጋ ኬሎ''ና ሃያ ዎዶ'' ዓሶይዳ ዎጋያ ማዓንዳኔ፤ ዓይጎሮ ጌዔቶ ኔኔዌ ዓሳ ዮናኣሴ ኬኤዜሢ ዋይዜ ዎዶ''ና ዻቢንቶ ዔሪ፥ ጎሞዋ ቡኡፄሢሮኬ። ያዺ ማዔቶዋ ሃሢ ዮናኣሴይዳፓ ባሼ ሃይካ ዓኣኔ።
23623	MAT 13:15	ዓይጎሮ ጌዔቶ ሃይ ዴራ'' ዒኖ ፔኤሲ'' ዶጪሴኔ፤ ዋዮዋ ዔያታ ዓርቄኔ፤ ዓኣፖዋ ዱኡሜኔ። ያዺ ማዒባኣያታቴ ዓኣፖና ዔያታ ዛጊ ዋዮና ዋይዚ ዒኖና ማሊ ታ ባንሢ ዔያታ ማዔም ሄኤዶ ታ ዔያቶ ዻቂሼያ ናንዳንቴኬ› » ጌይንቲ ኬኤዚንቴሢ ዔያቶይዳ ኩማ''ንዳኔ።
23664	MAT 13:56	ጌሮንሢ ዒዛኮ ቢያ ኑኡና ዎላ''ቱዋዓዳ? ዓካሪ ሃይ ዓሢ ሃያ ቢያ ዓንካፓ ዔሬይ?» ጋዓዖ፥
23669	MAT 14:3	ዬያኮ ቤርታ ሄሮዲሴ ዒዛኮ ጌርሲ ፒልጶሴ ማቾ፥ ሄሮዲያዳ ዔኬ ዛሎ''ና ዮሓኒሴ ዓይሢ ቱኡዞ ማኣራ ቱኬ''ኔ።
23676	MAT 14:10	ዬያሮ ዓሲ ዳኪ ማስካ ዮሓኒሴኮ ቶኦኮ'' ቱኡዞ ማኣራ ቲቂሲ፥
23678	MAT 14:12	ዬካፓ ዮሓኒሴኮ ጊንፆ ሃንታ ናኣታ'' ሙኪ ዒዛኮ ሌዞ ዔኪ ዱኡካዖ ዴንዲ ዬያ ባኮ ዬሱሴም ኬኤዜኔ።
23683	MAT 14:17	ዬሱሴኮ ጊንፆ ሃንታ ናኣታ''፦ «ኑኡኮ ሃሢ ሃካ ዓኣዞንሢ ዶንጎ ካሣና ላምዖ ሞሎና ሌሊኬ» ጌዔኔ።
23701	MAT 14:35	ዬኖ ዓጮ''ይዳ ዓኣ ዓሳ ዒ ዬሱሴ ማዔሢ ዔሬ ዎዶ''ና ኮይላ'' ዓኣ ዓጮ'' ዓሲ ዳኪ ሃርጊንቴ ዓሶ ዒዛ ባንሢ ዔኪ ሙኡሴኔ።
23721	MAT 15:19	ፑርታ ማሊሢ፥ ዓሲ ዎዺሢ፥ ዓኒ ሃሣ ማቾ ማዒ ባኣያና ላሂሢ፥ ኮይሱዋ ጎይሢና ዞኦስካ ኮኦሚሢ፥ ዉሱሞ፥ ሉኡዙሞ፥ ዓሲ ፑሽኪሢ፤ ዬይ ቢያ ዓሲ ዒናይዳፓ ኬስካኔ።
23734	MAT 15:32	ዬሱሴ ዒዛኮ ጊንፆ ሃንታዞንሢ ዔኤላ''ዖ፦ «ዓሳ ታኣና ዎላ'' ሃይሦ ኬሊ'' ዴዔሢሮ ሙዓ ባኣዚ''ያ ዔያቶኮ ባኣሢ ታና ሚቻኔ፤ ሃሢ ዔያታ ዴንዳዖ ጎይፃ ላቢ'' ዓቱዋጉዲ ዔኤቢ ሙኡዙዋዖ ታ ዔያቶ ዳካኒ ኮዑዋሴ» ጌዔኔ።
23735	MAT 15:33	ዒዛኮ ጊንፆ ሃንታ ናኣታ'' ማሃዖ፦ «ሂዴቶ ሃያ ቢያ ዓሶም ጊዳ ሙኡዚ'' ሃይካ ዓሲ ናንጉዋ ዳውሎ''ይዳ ዓይጋፓ ኑ ዴንቃንዳይ?» ጌዔኔ።
23762	MAT 16:21	ዬማፓ ዓርቃዖ ዬሱሴ ዒዛኮ ጊንፆ ሃንታ ናኣቶ'' ኮራ፦ «ሃሢ ዬሩሳላሜ ታ ዓኣዻንዳያ ኮይሳኔ፤ ዒኢካ ጪሞና ቄኤሶኮ ሱኡጎና ሃሣ ሙሴ ዎጎ ዔርዛ ዓሶና ታ ጊዳ'' ፑርታ ሜቶ ዔኪ ዬዔም፥ ሃይቄስካፓ ሃይሣሳ ኬሎ''ና ሃይባ''ፓ ታ ዔቃንዳኔ» ጌዒ ጌዒ ኬኤዚሢ ዓርቄኔ።
23774	MAT 17:5	ዒ ኬኤዛ ጎይሣ ዓኣንቴ ቦኦሬ ሻኣሬ ሙኪ ዔያቶ ባይዜኔ፤ ዬያ ሻኣሮ ባኣካ''ፓ፦ «ታ ዒዛና ዎዛዻ፥ ታ ናሽካ ናዓሢ ሃያኬ፤ ዒዛሲ ዋይዙዋቴ» ጋዓ ዑኡሲ ዋይዚንቴኔ።
23788	MAT 17:19	ዬካፓ ዒዛኮ ጊንፆ ሃንታ ናኣታ'' ፔኤሮ ዬሱሴ ኮይላ'' ሙካዖ፦ «ኑኡኒ ፑርቶ ዓያኖ ኬሳ''ኒ ዳንዳዒባኣሢ ዓይጎሮዳይ?» ጌይ ዖኦጬኔ።
23790	MAT 17:21	ሓያ ጉዴሢ ሙኡዚ'' ሃሺ'' ሺኢቆ ሺኢጲሢና ማዒባኣቶ ኬስኩዋሴ» ጌዔኔ።]
23824	MAT 18:28	«ጋዓንቴ ዬይ ዓሢ ዬካፓ ኬስኪ ዓኣዻንቴ ፄኤታ ሹቺ ቢራ ዒዛይዳፓ ታልዔ፥ ዒዛና ዎላ'' ማዻ ዓሲስኬያ ዴንቃዖ ፖኦሪንዶ ዓሢኮ ጩኡሊ'' ዓርቂ ‹ኔ ታኣኮ ታልዔ ቢሮ'' ታኣም ጪጌ!› ጌዔኔ።
23826	MAT 18:30	ታልዔሢ ጋዓንቴ ዬያ ዋይዞ ዒፃዖ ጋሎ'' ጪጋንዳያ ሄላ''ንዳኣና ዔኪ ዓኣዺ ቱኡሲ'' ማርካ ቱኪ''ሴኔ።
23849	MAT 19:18	ዓሢያ፦ «ዎንሢ ዓይሢፆንሢ?» ጌዔኔ። ዬሱሴ ማሃዖ፦ «ዓሲ ዎዺፖ፥ ማቾ ሃሣ ዓኒ ማዒባኣያና ላሂፖ፥ ዉኡቂፖ፥ ሉኡዙሞና ማርካዺፖ፥
23869	MAT 20:8	«ዬካፓ ሳዓ ዓማዛ ጎዦ ዓዳሢ ማዻ ዓሶኮ ሱኡጋሢም ‹ጋፒንፃ ሙኬዞንሢዳፓ ዓርቃዖ ቤርታ ሙኬ ዓሶ ሄላ''ንዳኣና ማዾ'' ዓሶ ቢያ ዔኤሊ'' ዔያታ ማዼሢ ዛሎ'' ዔያቶም ጪጌ› ጌዔኔ።
23873	MAT 20:12	‹ሃንሢ ዓባ'' ዒባናንቴ ማዾ''ሮ ሙኬዞንሢ ዻካ'' ሌሊ ማዻዛ ሮኦሪ ማዾ''ና ላቢ''ንቲ ዓቦ'' ሩኡጳ ሜታዺ ፔኤቄ ዓሶ፥ ኑኡና ዎላ'' ሄኮ ዎይቲ ኔ ዔያቶም ጪጋይ?› ጌዔኔ።
23879	MAT 20:18	«ሃኣዛጉዋቴ፥ ሃሢ ኑ ዬሩሳላሜ ዓኣዻኔ፤ ዓሲኮ ናዓሢ ቄኤሶኮ ሱኡጎና ሙሴ ዎጎ ዔርዛ ዓሶናም ዓኣሢንቲ ዒንጊንቴም ዔያታ ዒዛ ሃይቃንዳጉዲ ጌዒ ጌስቲ ዎጋንዳኔ፤
23886	MAT 20:25	ዬሱሴ ጋዓንቴ ቢያሢ ፔ ባንሢ ዔኤላ''ዖ፦ «ዓይሁዴ ማዒባኣ ዓሶኮ ሱኡጎንሢ ዴሮ'' ዎይሣዞንሢኬ፤ ዬያጉዲ ዴሮ'' ሱኡጎንሢኮ ዴሮ'' ዑፃ ቢታንቶ ዓኣሢ ዒንሢ ዔራኔ።
23894	MAT 20:33	ዔያታ ማሃዖ፦ «ዓኣፓ ኑኡኮ ዛጋንዳጉዲ ኑ ኮዓኔ» ጌዔኔ።
23897	MAT 21:2	«ሓኖ'' ሴኮ ቤርታ ዓኣ ጉርዴሎ ዓኣዹዋቴ፤ ዒኢካ ዒንሢ ሄሄላ''ዖ ፔቴ'' ቱኡቲ ዓኣ ሃሬ ናዖና ዎላ'' ዴንቃንዳኔ፤ ዬያሮ ዬማ ሃሮ''ማ ቡሊ'' ዔኪ ታኣም ዬዑዋቴ።
23910	MAT 21:15	ጋዓንቴ ቄኤሶኮ ሱኡጎና ሙሴ ዎጎ ዔርዛዞንሢና ዬሱሴ ማዻ ፆኦሲ ዎልቄና ማዺንታ ዓኮ ባኮ ዛጌሢሮ ሃሣ «ዳውቴ ናዓሢም ጋላታ!» ጌዒ ጌዒ ዒላታ ናኣቶ'' ዋይዜሢሮ ሚርጌና ዻጋዼኔ።
23918	MAT 21:23	ዬሱሴ ጌኤዦ ማኣሮ ጌሊ ዔርዚፆይዳ ዓኣንቴ ቄኤሶኮ ሱኡጎና ዴሮ''ኮ ጪሞና ሙካዖ፦ «ሓያ ቢያ ኔ ማዻ ባኮ ማዻሢ ዓይጎ ቢታንቶናዳይ? ሓያ ቢታንቶ ኔኤም ዒንጌሢያ ዖናዳይ?» ጌዒ ዒዛ ዖኦጬኔ።
23922	MAT 21:27	ዬካፓ ዔያታ ዬሱሴም፦ «ኑኡኒ ዔሩዋሴ» ጌዒ ማሃዛ፥ ዒዚያ፦ «ታኣኒያ ሂዴቶ ዓይጎ ቢታንቶና ሃያ ቢያ ማዻቶ ዒንሢም ኬኤዛዓኬ» ጌዔኔ።
23927	MAT 21:32	ማስካ ዮሓኒሴ ጌኤሹሞ ጎይሢ ዒንሢ ዻዋኒ ዒንሢ ኮራ ሙካዛ ዒንሢ ዒዛሲ ጉሙርቂ ዔኪባኣሴ፤ ሚኢሾ ቡኩሳ ዓሶና ዓኒ ሃሣ ማቾ ማዒባኣ ዓሶና ላሃ ዓሳ ጋዓንቴ ጉሙርቂ ዒዛሲ ዔኬኔ። ዒንሢ ዬያ ዛጌሢኮ ጊንፃኣታዖ ጎሞ ዒንሢኮ ቡኡፂ ጎናሲ ዒዛሲ ዔኪባኣሴ።»
23928	MAT 21:33	ሓሣ ዬሱሴ ሜሌ'' ማሊሢ ኮኦኪንሢና፦ «ፔቴ'' ዎይኔ ጎሺ ዓኣ ዓሲ ጎዦኮ ቲኢፆ ዲርቂ፥ ዎይኖ ጩኡጶንዶ ዔቴያ ላሌ ሹቺዳ ቦኦኪ ኮሼ''ኔ፤ ሃሣ ካፒፆም ማዓ ሴኤላኣ ሴኤሊ''፥ ዬካፓ ጎዦ ዒዛማኣ ጎሽካንዳ ዓሲም ዒንጊ ሜሌ'' ዓጪ ዓኣዼኔ።
23940	MAT 21:45	ዒማ''ና ቄኤሶኮ ሱኡጎና ፔርሴ ዓሶና ዬንሢ ኮኦኪንሦንሢ ዋይዜ ዎዶ''ና ዬሱሴ ዔያቶም ጫርጌሢ ዔሪ፥
23943	MAT 22:2	«ጫሪንጮ ካኣቱማ ናዓ ላኣሊ ዔካኣ ጌዔም፥ ሙኡዚ'' ጊኢጊሼ ካኣቲስኬያ ማላኔ።
23998	MAT 23:11	ዒንሢ ባኣካ'' ቢያፓ ዑሣ ዓኣዼ፥ ሱኡጌ ማዔሢ ዒንሢኮ ዴማ'' ማዒ ማዻያ ማዖንጎ።
24012	MAT 23:25	«ዒንሢ ፂሎ''ቱዋዖ ፔና ፂሎ''ኬ ጋዓ ሙሴ ዎጎ ዔርዛ ዓሶና ፔርሴ ዓሳ፥ ዒንሢና ባዴዔ! ዋኣፆ ዑሽኮ ዓንዶና ካሦ ሙዖ ዓንዶናኮ ዙሎ'' ዒንሢ ማስኪ ጌኤሻኔ፤ ጋራ ጋዓንቴ ቡሪሢና ዱኡዹሞና ዒንሢኮ ኩሜ''ያኬ፤
24014	MAT 23:27	«ዒንሢ ሃይ ፂሎ''ቱዋዖ ፔና ፂሎ''ኬ ጋዓ፥ ሙሴ ዎጎ ዔርዛ ዓሶና ፔርሴ ዓሳ! ዙሎ'' ዛላ'' ቦኦሪንቶና ሜኤቺ ሚዛጲሶናያ ጋራ ጋዓንቴ ሃይቄ ዓሲ ሜጌሢና ሌሲ''ና ኩሜ''ያ፥ ዱኡፒ ዒንሢ ማላሢሮ ዒንሢና ባዴዔቴ!
24016	MAT 23:29	«ዒንሢ ፂሎ''ቱዋዖ ፔና ፂሎ''ኬ ጋዓ፥ ሙሴ ዎጎ ዔርዛ ዓሶና ፔርሴ ዓሳ ዒንሢና ባዴዔ! ፆኦሲ ማሊፆ ኬኤዛ ዓሶኮ ዱኡፖ ኬልቂ ኮሺ'' ኮሺ''፥ ሃሣ ጌኤዦ ዓሶኮ ዱኡፖዋ ፓልሚሲ ኮሺ'' ኮሺ''፥