23325	MAT 5:22	Ni kʉn wote, akup na ndi, enim ik i etʉp kondʉp nʉnt, wamp nam ti ndi, elim nga ʉngʉn ti kʉn popʉⱡ kuⱡʉm ndam, wamp kʉmp ti, wu ei nga kuimp keta ila mba anggilmba. Wamp nam ti ndi ʉngʉn ti nimba kit mondum ndam, ‘Nim ik ei mek puk, rʉp wu,’ mbʉ kʉn, nʉk mot ndʉi! ‘Wamp nam ti ndi, elim nga ʉngʉn ei kundpa, nim kur kupʉr wamp ti kant ei ka!’ nim ndam, nim wamp ei ndip kona ila mindil nomba.
23330	MAT 5:27	Jisas ndi, nimba mel, “Tʉn nga anda kouwʉmʉn mbʉ ndi, Jura wamp mbʉ, man ngok nitmin pʉtmin ik ei, ‘Wu ti nga amp ei tek pi nʉpʉi,’ nʉtmʉn.
23346	MAT 5:43	“Tʉn nga anda kouwʉmʉn mbʉ ndi, man ngʉk nʉtʉng pʉtmʉn ei mel, ‘Nim numan ngʉng wamp mbʉ numan ngukʉn, nim numan ngangʉng wamp mbʉ, numan ngui ngʉngi,’ nitim.
23373	MAT 6:22	“Nim nga mong raⱡ kʉng ei nga lam kiya norum ei mel kapⱡa, nim nga mong raⱡ kai em ndam, ‘Nim nga kʉng ei rʉⱡang mba,’ wote ‘Nim nga mong raⱡ kit moⱡum ndam, kʉng ei rumbʉⱡ moⱡmba.’ Nim nga rʉⱡang aⱡʉm ei, rumbʉⱡ moⱡum ndam, nim nga rukrʉng orunga ama rumbʉⱡ elpa ti mel moⱡmba!
23389	MAT 7:4	Nim nga mong waⱡ ila nde koⱡmung ei tiyangga nʉkʉn, angina kondkʉn, ‘Ana raka moⱡa, nim nga mong ila nde karʉⱡ tetʉm ei, tʉp mundamp,’ nin ei kapⱡa etmba ye!’
23453	MAT 9:5	‘Nim nga uⱡ kit mbʉ pendʉp, kent nimp ik ei kapⱡa,’ muna ‘Oⱡa molkʉn nombuⱡa mam pi,’ nimp ik ei kapⱡa?”
23538	MAT 11:10	Got nga ik mong ti petʉm ei ndi, wu Jon ei nga nʉndpa mel, ‘Enim pilʉiya! Na nga nombuⱡa rung wu ei, kuimp tep tʉp mundamba mba, nombuⱡa mam ti ropa tʉpa kun indangga,’ nitim.
23544	MAT 11:16	Na ndi, akup ui ila wamp kat namba mel ei kʉn, to tindimp? Kangambuⱡa kel rarʉp rop kona pena ila molk, kindmal mel etʉk, ke nʉk int yant etʉk, ‘Tʉn enim ou nein nimbun nditing rumʉn ei, enim ou ni nandʉtʉng. Tʉn ka nde mundpʉn ka imʉn ei kʉn, enim ka iti natʉtmʉn,’ ni mel.
23546	MAT 11:18	Jon urum ni kʉn, rʉng mowi pepa, nu wain nui nandpa itim ei kʉn, wamp ndi, ‘Kur kit ti mondpa morum,’ nʉtʉng.
23547	MAT 11:19	Jon moⱡnga kʉn, wote wu ei, Muⱡʉl Wu Kupa ni omba, nu rʉng mel mbʉ nurum ei kʉn, wamp mbʉ ndi, nʉk mel, ‘Wu ei kʉnʉiya! Wu ei rʉng wal numba, nu ronduⱡ minal numba, ku moni takis wu na, uⱡ kit etmin wu na mbʉ nga wu mʉn ei morum,’ nʉtʉng. Wote, Got nga uⱡ rʉpndi etʉm mbʉ ndi, elim nga pilpa kungʉndi ronduⱡ ei, tʉpa mot ndurum,” nitim.
23562	MAT 12:4	Elim Got nga manga ila murʉk mba, Got kʉn angge nʉk, bret ngorung mbʉ, tʉpa elim numba, elim nga wu kunda purung mbʉ, bret mat nguⱡnga norung. Angge bret mbʉ, Moses nga mi ik ei ndi, nimba mel, ‘Wu pris kʉⱡ mint neing,’ nʉtʉm.
23621	MAT 13:13	Na ik ek puⱡi rop wamp mbʉ, ik mbo endʉnt. Ei nambuⱡ emel, ‘Kanmin ei wote, kandʉk mbi ndui nandʉnmin. Wote, kum tenmin ei, wote ik puⱡ ei, pilik kun iti natʉnmin,’ nitim.
23636	MAT 13:28	Ni kʉn, pana puⱡ wu ei ndi, punt ropa nimba mel, ‘Ei el rui wu ti ndi omba itim,’ nitim. Wote kongun wamp nimbʉ ndi, int nduk nʉk mel, ‘Tʉn mbun eta mbʉ rʉnggʉⱡpʉn mundamin nʉkʉn pʉn muna mon?” nʉk waldʉtʉng.
23637	MAT 13:29	Wote, pana puⱡ wu ei ndi, punt ropa nimba mel, ‘Mon nʉnt. Ei nambuⱡ emel, eta kʉⱡ rʉnggʉⱡmin nʉk itangina mel, wit mat pendpa rʉnggʉⱡpa oⱡa omba, ei nga mon,’ nʉnt.
23706	MAT 15:4	Wote, Got ndi nimba mel, ‘Nim nga manʉm tipanʉm raⱡ tʉkʉn ou ndui!’ Wote, ‘Wamp nam ti ndi, elim nga mam kep, tipam kʉn kep, ik kit nʉm ndam, wamp ei rok kundeing,’ nʉtʉm.
23743	MAT 16:2	Wote Jisas ndi, punt ropa nimba mel, “Kona ant ei mana purum ei kʉn, enim ndi, nʉk mel, ‘Muⱡ ei kunt enim ei, kona kai etmba,’ nʉtmin.
23744	MAT 16:3	Wote, ipri unt ei kʉn, ‘Mʉkʉlmʉ rumbʉⱡ morum ei kʉn kona romba,’ nitmin. Kona ant mba muna, kona romba ei oⱡa muⱡ ei kandʉk kʉn, tʉk mendʉtmin. Wote enim ndi, akup penim uⱡ mbʉ kandʉk, tʉk mindi namindʉtmʉn.
23825	MAT 18:29	“Wote, kongun rʉⱡaip tenda wu ni ndi, kʉmp puⱡ ila, mura ropa mondpa, ‘Nim ndi, na kont kulkʉn wak rana, nim nga ku punt na kʉn petʉm mbʉ, pikʉ punt rop ngeimp,’ nitim.
23864	MAT 20:3	Wote ant omba, 9 kilok ei oⱡa elinga kʉn, wu nuim mba aldpa mba mel rop kona ila wu kat kai kandʉk morung ila kandpa nimba mel, ‘Enim puk na nga wain pana ila kongun indeing pʉi! Enim ku moni mat, kongun eng ei mel kapⱡa kapⱡa etʉp nguimp,’ nitim. Ni kʉn, wain pana ila puk kongun endʉtʉng.
23868	MAT 20:7	Wote, wu ni kʉⱡ ndi, nʉk mel, ‘Tʉn wamp ti ndi, kongun iteing wʉi ni nanim,’ nʉtʉng, ‘I ndam, enim puk, na nga wain pana ila kongun iteing pʉi ku!’ nitim.
23907	MAT 21:12	Jisas manga wingti ou ila murʉk mba wamp mel mbʉ tek rarʉp rok, etʉk morung nimbʉ, makrʉpa tʉpa pena ndurum. Wote ku moni na, kʉi na, yoⱡ etʉk morung wu mbʉ nga rat pol nimbʉ, ropa kungʉndrʉm. Jisas ndi, wu nimbʉ morung kundpa nimba mel, “Buk Wingti ila, Got ndi, ik ti nitim, ‘Na nga manga wingti ei, mbi tek atinga manga nʉi,’ nʉtʉm. Ni nga wote, enim ndi tʉk, kindʉp wamp nga mi manga randʉnmin ei ka!” nitim.
23919	MAT 21:24	Wote Jisas ndi, wu kʉⱡ nga ik nʉtʉng ni punt ropa nimba mel, “Na ndi, enim ik ti wuldimp ent ei, punt rong ndam, na nam ndi, ronduⱡ nguⱡnga ent uⱡ mbʉ mel, enim kundʉp nimp. Jon wamp nu tʉndʉtʉm ni, nam ndi kongun ngurum, Oⱡa Got ndi, ngurum muna, mana wamp ti ndi, ngurung?” nitim. Nitim ila, en enim rʉk ik palk nʉk mel, “Etʉp nimʉn mel nant? Tʉn pʉnt ropʉn nimbun mel, ‘Oⱡa Got ndi ngurum,’ nimʉn ndam, ‘Tʉn kundpa ei ndam, wote enim Jon nitim ik ei, nambuⱡ emel, mondʉk pili napʉtʉng?’
23921	MAT 21:26	Wote tʉn ndi, ‘Mana wamp,’ ti ndi, nimʉn ndam, wamp mbʉ ndi, tʉn kʉn ik mura ting ei nga mundmong itmin. Ei nambuⱡ emel, Jon ei painui wu ti nʉk pilik mormin,” nʉtʉng.
23925	MAT 21:30	“Wote, wu ni ndi, mba kangʉm akil ni, ik tenda ei ku kundpa nitim ni, kang wu ndi, ‘Kapⱡa nʉn kongun ei itimp,’ nitim. Wote, kongun ei mba iti nʉtʉtʉm.
23932	MAT 21:37	Wote akil tepa, elim nga kangʉm kʉnt ei tʉpa mundpa, ‘Na nga mit kang ei, kandʉk mbi nduk rui nʉring,’ nimba pitim.
23933	MAT 21:38	Wote, pana rʉp wu kʉⱡ ndi kandʉk, en enim ol tek nʉk mel, ‘Ya pana puⱡ puⱡ raⱡpa tʉmba wu ei onum. Ei kʉn, kang wu ei, rop kondpʉn, ya pana ei tʉn tamin,’ nʉk, kang wu ni imp molk mel, wain pana ʉldʉ ila etʉk puk rok kondʉk tetʉng.
23937	MAT 21:42	Jisas ndi, wu nimbʉ kundpa, nimba mel, “Buk Wingti nga ik mong ti, ya ei mel petʉm ndi, kʉmp rok kandʉrmin mon? ‘Manga rʉki wu mbʉ ndi, nde ti kit nʉk mundʉk ketʉng ni, omba runga nde mel petʉm. Ei Oⱡa Nuim ei ndi elinga, tʉn ndi, uⱡ numan iti nʉmp kandʉrmin,’ nitim.
23944	MAT 22:3	Wote, elim nga kindmant wu kʉⱡ tʉpa wamp tʉma mat rung mundrum mbʉ, pok tʉk mek, ‘Wei!’ nitim. Wote wamp nimbʉ, ‘Ui nawʉmin,’ nʉtʉng.
23964	MAT 22:23	Wamp kolk, wote kont muⱡi nʉmbʉⱡing nʉtmin Sarusi wu kʉⱡ ndi, ant tenda ei kʉn ok, Jisas ik ti waldʉk nʉk mel, “Ik mbo wu ye! Moses nga mi ik ei ndi, nimba mel, ‘Wu ti kangambuⱡa mi nambʉpa, koⱡum ndam, amp wiya ei, elim nga ʉngʉn ei tʉpa, wote kangambuⱡa mem mbʉ, elim nga ʉngʉn kurum ei nga koⱡ ila muⱡeing,’ nʉtʉm.
23973	MAT 22:32	Ik ei ndi, nimba mel, ‘Na wu Aparam nga Got, na wu Aisak nga Got, na wu Jekop nga Got,’ nitim. Wu ei, wamp kui mbʉ nga Got ti mon, wamp kont mbʉ nga,” nitim.
23984	MAT 22:43	Jisas ndi, waldpa nimba mel, “Wu Depit ni, Got nga Muⱡnga ei ndi, kundpa nilinga, ‘Kraist ei, na nga Nuim ei,’ nitim ei, etpa nitim mel nant? Depit ndi, nimba mel, ‘Oⱡa Nuim ndi, na nga Nuim ei kundpa, “Nim na nga ki mbo orunga muⱡana, Na ndi, nim nga el rui wamp mbʉ tʉp nde pol mel pindamba kamblik muⱡʉn,’ nitim.
23993	MAT 23:6	Wote, rʉng ou mat karmin ei kʉn muna, manga wingti mbila puk, rat pol kuimbal mint muⱡing ei nga kai pilik, wote rʉng rarʉp kona na, wamp molk etmin mbila, en enim, ‘Ik Mbo Wu,’ mbʉ, nʉk tʉk ou nduk, rawe iteing nʉk pʉtmʉn.
23995	MAT 23:8	Ei kʉn, enim kundʉk, ‘Ik Mbo Wu,’ ni nʉneing. Ei nambuⱡ emel, enim wu ʉngʉn ʉngʉn kʉⱡ, enim nga ik mbo wu tenda ei morum.
23997	MAT 23:10	Muna nim, ‘Ik Mbo Wu,’ ei, ni nʉnʉi! Ei nambuⱡ emel, nim nga ik mbo wu tenda ei, oⱡa muⱡ ila morum ei Kraist.
24003	MAT 23:16	“Enim mong ti wu mat ndi, mat ki amʉnmʉn ei nga, na kont enim ei ka! Enim ndi, ‘Wamp ik mbo ei mel endʉtmin. Wamp ti ndi, mi tepa, Got kʉn mel ti nguimp nimba, manga wingti ou ei, mbi tem ndam, mi tepa nʉtʉm ik ei nga muⱡ ti mon. Muna manga wingti ila ku gol morum ei nga ti, mbi tepa angʉndpa, elim nga mi ik ei, ronduⱡ pangga nim ndam, elim itimp nim mi ik ei mel etpa muⱡ indangga,’ nʉtmin.
24017	MAT 23:30	Wote enim ndi, nʉk mel, ‘Tʉn nga anda kouwʉ kʉⱡ, unt morung ui ila, tʉn moⱡmina ndam, uⱡ ⱡawa etʉk, wote painui wu kʉⱡ, rok kondʉk etʉng uⱡ mbila, tʉn nga ki ti ila rʉk pi napʉⱡnga,’ nʉtmin.
24026	MAT 23:39	Enim ik ti kundʉp namp, akup ui ila kʉn, yant nduk molk, ping ila na kʉni nakʉndʉk, wote molk puk, ui tila, ‘Nuim ei nga mbi ila onum ei, Got ndi, memp pindangga,’ nʉng ei kʉn, mint na kʉning,’” nitim.
24031	MAT 24:5	Ei nambuⱡ emel, wamp minal, na nga mbi ila onmʉn nʉk ei mel ning, ‘Na wu Kraist,’ nangina, wamp minal nʉk tiki punding.
24074	MAT 24:48	Wote, kindmant wu ei, wu kit ti ndam, elim ndi, nimba mel, ‘Na nga wu nuim ei tʉkrʉpa yant ui nawʉmba,’ nimba. Wote elim nga kindmant kongun kup wamp mbʉ, tʉmbʉⱡ ndi ropa, nu ronduⱡ normin wamp mbʉ kʉn, rʉng nomba, nu ronduⱡ nomba etpa moⱡmba.
24086	MAT 25:9	“Amp wendʉp mong rui ni kʉⱡ ndi, ‘Angmʉn kʉⱡ, enim kopung mat oi ndupʉn ngʉmʉn ndam, enim kep, tʉn kep pʉkʉ, kopung ei nga kapⱡa iti natʉmba. Ei kʉn, enim mel rarʉp manga tila puk, kopung mat rarʉp rok teing pʉi,’ nʉtʉng.
24097	MAT 25:20	Ku moni K5000 tʉtʉm wu ni ndi, yant omba kont nga K5000 pendpa ngurum. Ngumba nimba mel, ‘Nuim ye! Nim na ku K5000 ngurun ni, wote na ndi, rop oⱡa mana etʉp mep andʉp, K5000 kʉⱡ pendʉp ngont,’ nitim.
24099	MAT 25:22	“Ei kʉn, ku K2000 tʉtʉm wu ni ndi, omba nimba mel, ‘Nuim ei! Nim na ku K2000 ngurun ni, wote na ndi, kongun etʉp mep andʉp, K2000 kʉⱡ ya pendʉp ngont,’ nitim.
24102	MAT 25:25	Ni nga, na pilip mundmong etʉp, nim nga ku moni ngurun ni kʉⱡ, mep mbo mʉi ila mo rop pindʉt. Ei mel, akup nim nga ku moni kʉⱡ, ninim mep omp ngont,’ nitim.
24103	MAT 25:26	“Wote, wu nuim ni ndi, nimba int ndupa, ‘Nim kongun wu kit, enʉmp mundi ye! Na rʉng rʉⱡi narʉr pana ila kun poⱡʉp tʉp, wote rʉng mong mundi namʉndʉr mbʉ, kun mep et ni kʉn pitim ndam, wote na nga ku moni kʉⱡ mek pukʉn, ku manga ila tiyana, akup nanim yant unt ei kʉn, ku moni kat mbʉⱡ ila tindangina, pendʉp tilmba,’ nitim.
24112	MAT 25:35	Nambuⱡ emel, na kun ndi, koⱡmba kandʉk, rʉng ngurung. Nu waka ndi, koⱡmba kandʉk, nu kolk ngorung. Manga tʉma oⱡʉmba, rawe etʉk tʉtʉng, giyu gou andʉⱡʉmba kandʉk, wal pʉki na mat tʉk randrʉng. Na kui roⱡnga pilmba ok, kuimp keta minal etʉng, kan manga ila pilmba ok kandrung,’ nitim.
24119	MAT 25:42	Na kun ndi, kur ei kandʉk, wote rʉng ngui nganggʉrʉng. Na nu waka kuⱡʉp mur ei kʉn, wote nu kolk ngui nganggʉrʉng. Na manga tʉma ur ei kʉn, wote rawe etʉk ti natʉtʉng. Na giyu gou ʉndʉr ei kandʉk, wote wal pʉki na ti, tʉk rundi nandrʉng. Na kui mang ila, muna kan mang ila pit ei kʉn ok, wote kʉni nakʉndrʉng,’ nitim.
24121	MAT 25:44	“Wote, wamp mbʉ ndi, nʉk int nduk mel, ‘Nuim ye! Nim ni nant kʉn, kun ndi kolkʉn, nu waka kulkʉn, muna giyu gou molkʉn, kui manga ila kep, kan manga ila kep, pekʉn itin mbʉ kʉn, tʉp rʉpndi nʉpʉndʉrmʉn,’ ning.
24122	MAT 25:45	“Wote, Wu Nuim Mumuk ei ndi, punt ropa nimba mel, ‘Enim ik kupa ei, kundʉp nʉnt. Ya nʉnt uⱡ mbʉ mel, wamp mbi mul nʉmbil mbʉ kʉn, etʉng uⱡ nimbʉ, na kʉn etʉng,’ nitim.
24154	MAT 26:31	Wote Jisas ndi, wu kʉⱡ kundpa nimba mel, “Akup rumbuldi, enim pʉkʉ, na wak rok mondʉk, kelik nung nʉk ping. Ei, Got nga ik ti petʉm ei ndi, nimba mel, ‘Na ndi, sipsip rʉp wu ei, rop kundamba, kng sipsip mbʉ, mbuⱡ mbaⱡ ning,’ nʉtʉm
24260	MAT 27:62	Jisas rorung ui ei nga utʉma orunga ei, Jura wamp nga mowi kor muⱡing ei nga tʉk kun etmin. Ui ei kʉn, wu pris kuimbal mbʉ kʉn, wote Perisi wu na mbʉ ndi ok, Pailot kʉn mou rorung. Wote, wamp nimbʉ ndi, nʉk mel, “Nuim ye! Ik kol wu rok kondung ni, kont murum ei kʉn, ik ei mel nitim ik tʉn pilpʉn mormin ei, ‘Rumbʉⱡ raldika omba pangga, na ⱡoporpa oⱡa mondʉmba,’ nitim.
24262	MAT 27:64	Ei kʉn, akup nim ndi, nim nga el nde wu mat tʉk mundana puk, on kona ila rʉp itangina, rumbʉⱡ raldika omba pangga kʉn, wak reing. I etʉk itangina kʉn, elim nga kitip kʉni wu kʉⱡ ndi ok, wu on ei kundʉp nok tʉk, wote wamp mbʉ ik kol rok kundʉk nʉk mel, ‘Jisas ni ⱡoporpa omba pum,’ ning. Akil tepa ik kol rok eng uⱡ ei ndi, kuimp tepa ik kol rorung uⱡ ni, tʉpa mana ndupa, ama kit moⱡmba,” nʉtʉng.
24338	MRK 2:9	On por mul wu ei kundʉp nump mel, ‘Nim nga uⱡ kit mbʉ, wak rondʉnt nʉnt,’ muna, ‘Oⱡa molkʉn, nim nga rupⱡaima kʉⱡ tʉkʉn mekʉn okʉn, pi nʉnt ik mong ei, ik mong nant ei mbun enim?’
24374	MRK 3:17	Jeims kʉn, elim nga ʉngʉn Jon raⱡ, wu Sepeti nga kangʉm raⱡ. (Jisas ndi, wu raⱡ mbi tepa, Bowanerges nga puⱡ ei, ‘Ya muⱡ gaⱡa nga kangʉm,’ nitim.) Andru, Pilip, Bartolomiyu, Matyu, Tomas, Jeims ei wu Alpiyas nga kangʉm, Tatiyas, Saimon Selot, Juras Iskariyot ei, Jisas ruing ei nga rʉk murum wu ei.
24450	MRK 5:17	Pilik kʉn, Jisas waldʉk,’ en enim nga kona wak rangga nʉtʉng.
24542	MRK 7:10	Moses nga mi ik mong ndi, nimba mel, ‘Nim nga tipanʉm manʉm raⱡ tʉkʉn ou ndui. Wamp nam ti ndi, elim nga tipam mam raⱡ nimba kit mondum ndam, wamp ei rok kunding,’ nitim.
24543	MRK 7:11	Wote, ya enim ndi, ik mbo rondʉrmin ei, wu ti mel mat tepa moⱡum ndam, wu ei ndi, kapⱡa mel mbʉ ndi, elim nga tipam mam raⱡ kep, tʉpa rapʉndʉmba. Wote, wu ei ndi, wamp raⱡ kundpa nimba mel, ‘Mel kʉⱡ oi ndup elpa tent kʉⱡ, Got nga mendpʉⱡ,’ nʉtʉm. Uⱡ ei ndi, tipam mam raⱡ tʉpa rapʉndʉk napʉndʉmba ei nga tʉpa ora ndurum.
24597	MRK 8:28	Elim nga kitip kʉni wu ni kʉⱡ ndi, punt rok nʉk mel, “Wamp mat ndi, nimba nʉk mel, ‘Nim wamp nu tindi wu Jon ei,’ nʉtmʉn. Wamp mat ndi, ‘Nim wu Elaija,’ nʉtmʉn. Wamp mat ndi, ‘Nim painui wu mbʉ nga ti,’ nʉtmʉn,” nʉtʉng.
24655	MRK 9:48	Ya kona ila, ‘Kora mong kora kel kel mat mormin mbʉ, kuⱡi nakʉrmin. Wote ndip ei, kumbʉⱡi nambrʉm ku,’ nitim.
24712	MRK 11:3	“Wote, wamp nam ti ndi, waldpa nimba mel, ‘Nambuⱡ emel, kng ei im nʉng ndam,’ int ndukʉⱡ ei mel nʉl, ‘Wu Nuim ei kongun ti pem ila, tʉp mep mbil onmbʉⱡ. Wote, nondpa ropʉl ropa, yant omba nʉl,’” nitim.
24740	MRK 11:31	Wote, waldʉtʉng wu ni kʉⱡ, en enim ik palk int yant etʉk, ei mel nʉtʉng, “Tʉn namba ik ti punt ramʉn, ‘Wote punt ropʉn, Got kʉn ronduⱡ ei, tʉpa itim nimin ndam,’ Jisas ndi, ‘Nambuⱡ emel, enim Jon nga nitim ik ei, mondʉk pili napʉtʉng?’ nimba.
24741	MRK 11:32	‘Wote, Jon wamp nga ronduⱡ ila ik nitim nimin ndam,’ (Wu ni kʉⱡ, wamp puⱡi Jon painui wu ei nga ik ei ndi, wamp mbʉ titim ila ronduⱡ pʉtmʉn ei nga, en enim nʉk pilik mundmong etʉng.)
24761	MRK 12:19	Wu nimbʉ ndi, nʉk mel, “Ik mbo wu ye! Tʉn Moses ndi, mi ik ropa ngurum ei ndi, nimba mel, ‘Wu ti amp mi tʉpa, wote kangambuⱡa mi nambʉpa, wangʉn pepa koⱡum ndam, ʉngʉn wu ti ndi, amp wiya ei tʉpa, ʉngʉn wu kurum ei nga kangambuⱡa mindangga,’ nitim.
24792	MRK 13:6	Wu minal ndi, na nga mbi ila onmʉn nʉk, ‘Na Kraist aⱡʉm ei ont,’ nʉk, wamp minal tʉk tiki punding.
24807	MRK 13:21	Ui ei kʉn, ‘Wamp ti ndi, Kraist ya ila morum kana!’ nimba. Muna, ‘Int ila morum nʉm ndam,’ wamp ei nga nʉm ik ei, mondʉk pili nʉpilʉi!
24850	MRK 14:27	Jisas ndi, wu kʉⱡ kundpa nimba mel, “Got nga ik mong ti, unt pai nok rok pendʉtʉn ei ndi, nimba mel, ‘Got ndi, kng sipsip rʉp wu ei, ropa kundangga kʉn, kng sipsip mbʉ, mbʉⱡ mbaⱡ nʉk ping,’ nʉtʉm Wote, ik mong petʉm ei mel ku, enim ndi, na wak rok, enim nung nʉk ping.
25272	LUK 7:8	Na nʉnt wu ei, na nga wu nuim ei ndi, kongun mat ngurum ei kʉn, wu nuim ei nga mana orunga moⱡʉp endʉt. Wote, na nga el wu mbʉ, na nga mana orunga mormʉn. Na ndi, wu ti kundʉp, ‘nim pi,’ nʉt ndam, wu ei purum ku. Wote wu ti, ‘yant wangga,’ nʉt ndam, wu ei yant orum ku. Kongun wu ei kundʉp, ‘kongun tangga’, nʉt ei kʉn, kongun etʉm ku,” nitim.
25297	LUK 7:33	Wamp nu tindi wu Jon urum ei ndi, rung mowi pepa, nu wain nui nandpa itim uⱡ ei, wote enim ndi, wu ei, kundʉk nimba mel, ‘Kur kit rukʉr orunga morum,’ nʉtʉng.
25498	LUK 11:24	Wote Jisas ndi, nimba mel, “Omba kur kit ti ndi, wamp ti nga rukʉr orunga moⱡpa, wote wamp ei, wak ropa mba, kona waka ti, kandʉp tʉp muⱡimp nimba purum. Wote, kona kai ti, kandpa ti natʉpa kʉn, nimba mel, ‘Unt na mur manga ila kelip pamp nimba kʉn,’ mba kandrʉm mel, unt murum manga ni, ou nduk, pʉkaimp rok, kai etʉk tetʉng. Ni kandpa kʉn, int mba, kur kit 7 kat kongun kit minal etʉk, elim akʉk oⱡa nduk etmin ni kʉⱡ, el kaⱡpa tʉpa, mepa oⱡnga puk, manga nila mukʉr puk mormʉn. Unt wamp ni, wei etpa moⱡpa, kit mundrum ndam, wote akil tepa wamp ei, ama kit minal morum,” nitim.
25640	LUK 14:18	Wote wamp nimbʉ, pi nʉpʉmʉn nʉtʉng. Wu ti ndi, nimba mel, ‘Na kongun kona ti, rarʉp nop tint ei, mbo kʉnimp mbi ent. Na pi nʉpimp,’ nitim.
25641	LUK 14:19	Wu ti ndi, nimba mel, ‘Na pi nʉpimp, kng kau 10 kat rarʉp rop tint kʉⱡ, kongun iting, muna mon nda? Na mbo kʉnimp ent,’ nitim.
25642	LUK 14:20	Wu ti ndi, nimba mel, ‘Na amp kokila ti, tʉp tep mor ei ka, pi nʉpimp,’ nitim.
25644	LUK 14:22	Kongun wu ni ndi, wu nuim ni nga nitim ni mel, etpa pora ndupa kʉn, wu nuim kundpa, nimba mel, ‘Nim nin ni mel int ei nga, wote manga ni, ti ni nanʉm,’ nitim.
25662	LUK 15:5	Mba kurpa kandpa tʉpa kʉn, tʉpa pendʉk ombil ila koma ropa mepa, rui mʉi nimba, mepa manga kona omba kʉn, elim nga wamp rʉⱡaip tenda na, wamp puⱡ mbʉ, wi ropa rukʉr tʉpa, nimba mel, ‘Na nga kng sipsip tenda ti, andʉp mba tiki purum ni, kandʉp tʉp mep, ont nitim mel kʉn, wamp mbʉ elim kʉn ambulk palk tʉtʉng,’ nitim.
25666	LUK 15:9	Amp ni, elim nga ku mong mana purum kandpa tʉpa kʉn, elim nga wamp mbo na, kona tenda wamp na mbʉ, wi ropa rʉk tʉpa, kundpa nimba mel, ‘Na nga ku mong ruri ti, mana purum ni, akup kurʉp kandʉp tint, nitim ila wamp mbʉ kʉn, ku moni puⱡ amp ei kʉn, ambulk palk minal,’ nʉtʉng.
25681	LUK 15:24	Tipam ndi, nimba mel, ‘Na nga kangʉm wu ei, mba kurum nʉmp pitmin ni mon! Kont moⱡpa, yant om ei nga rʉng mam ti nok molk, ambulk palk muⱡamʉn,’ nitim.
25693	LUK 16:4	Akup na uⱡ ti, itimp ei mel pʉnt. Na nga wu nuim ei ndi, na makrʉm ei kʉn, wu mbʉ ndi, na mek, enim nga manga mbila ping,’ nitim.
25696	LUK 16:7	Wote, wu ti urum ila, kongun rʉp wu ni ndi, waldpa nimba mel, ‘Nim nga punt namba iti norum?’ nitim. Wu ni ndi, nimba mel, ‘1000 ming wit morum,’ nitim. Kongun rʉp wu ni ndi, wu ni, kundpa nimba mel, ‘Nim pepa ongum ngʉnt ei ndi, punt 800 nʉkʉn, mon rokʉn mundi,’ nitim.
25718	LUK 16:29	Wote Eiparam ndi, punt ropa nimba mel, ‘Moses nga mi ik na, painui wu mbʉ nga mi ik na mbʉ pora, tetʉm ei kapⱡa, wu mbʉ kum tek piling,’ nitim.
25719	LUK 16:30	Wu mel pi ni ndi, punt ropa, Eiparam kundpa, nimba mel, ‘Nim nʉn ik ei kapⱡa mon. Wamp korung ti, on etʉk pendʉtʉng ei, ⱡoporpa mba wu kʉⱡ mormin ila pum ndam, wu kʉⱡ ndi kandʉk, numan ropʉl ruing,’ nitim.
25741	LUK 17:21	Wamp ti ndi, nimba mel, ‘Got nga wamp tʉpa mumuk rui uⱡ ei, noi ila tetʉm, muna ya ila morum,’ ni nʉning mon. Nambuⱡ emel, Got nga wamp tʉpa mumuk rui uⱡ ei, enim kʉn ya rʉk ila omba, tepa pora ndurum,” nitim.
25769	LUK 18:12	Kor ou mbila pora, ant raⱡ to rop pendʉp kʉn, rʉng mowi mor. Na ndi, mel mbʉ kandʉp tʉp kʉn, rʉk ila kʉmp tʉp 10 mel, Got nim ngur,’ nitim.
25854	LUK 20:6	Wote tʉn ndi, ‘Mʉi kona wamp nga uⱡ ti nimʉn ndam,’ wamp mbʉ ndi pora, ik ei pilik kʉn, tʉn ku ndi ruing. Nambuⱡ emel, wamp mbʉ ndi, Jon ei, painui wu ti nʉk pʉtmʉn,’” nʉtʉng.
25862	LUK 20:14	Wote, wain pana rʉp etʉng wu nimbʉ ndi, kandrʉng mel, kangʉm wu ni urum ila, en enim ik mat nʉk mel, ‘Wain pana ei, kang wu ei ndi moⱡpa, wote tʉmba uⱡ ei mon. Tʉn ndi, wu ei rop kondpʉn, wain pana ei tʉndʉn ndi, rʉp itʉmin,’ nʉtʉng.
25865	LUK 20:17	Wote Jisas ndi, wamp nimbʉ, kandpa kʉn, nimba mel, “Enim mon nʉng ndam, wote Got nga Buk Wingti ila ik morum kʉⱡ nga puⱡ ei, etʉk ning mel nant? ‘Manga rʉki wamp mbʉ ndi, nde ti, kit nʉk, wak rok mundʉk, ketʉng nde ni ndi, akup manga ei, ambuⱡpa ronduⱡ mundpa morum,’ nʉtʉm.
25876	LUK 20:28	Wu nimbʉ ndi, Jisas waldʉk, nʉk mel, “Ik mbo wu ye! Moses nga mi ik ila ik ti, mon ropa pinditim ei ndi, nimba mel, ‘Wu ti ndi, amp tʉpa mondpa, kangambuⱡa mi naimbʉpa kuⱡangga kʉn, wote ʉngʉn wu ti ndi, amp wiya ei, tʉpa ʉngʉn nga koⱡ ila kangambuⱡa mendʉmba,’ nʉtʉm.
25891	LUK 20:43	Na ndi, nim nga el puⱡa wamp mbʉ, tʉp nim nga kʉmp mundin ei nga, nde pol mel indimp,’ nitim.
25903	LUK 21:8	Wote Jisas ndi, nimba mel, “Enim pilik, tʉk mendʉk muⱡʉi! Wamp mat ndi, ik kol rok, na nga mbi tek, nʉk mel, ‘Na wu Jisas ont. Ui nimbʉ, akup nondpa pora nimba,’ enim ning. I nʉng ndam, enim ik ei, pilik pep rui nʉrʉi mon!’
25970	LUK 22:37	Uⱡ ei, nambuⱡ emel, Buk Wingti ila, Muⱡʉl Wu Kupa ei nga, nʉtʉm ni mel, ‘Wu ei, elim wamp mbʉ ndi, etʉk kit munding,’ nʉtʉm. Ni mel, na ndi, enim kundʉp nʉnt. Uⱡ kʉⱡ, na kʉn pemba. Buk Wingti ila uⱡ kat, na kʉn omba nʉtʉm kʉⱡ, akup omba kupa etmba.
26006	LUK 23:2	Jisas ni, puⱡ mondʉk, kot endʉk, nʉk mel, “Tʉn kʉnmin ei, wu ei ndi, tʉn nga wamp mbʉ, tʉpa wʉlʉ mundpa, ‘Wu nuim mumuk Sisa, ku moni takis ngui ngʉngʉi,’ nimba, wote wu ei, el elim kundpa, nimba mel, ‘Wu Kraist wu king ei nga,’” nitim.
26033	LUK 23:29	Enim pilʉi! Wote ui ti, ekit wangga kʉn, wamp mat ndi, enim kundʉk, i etʉk ning. ‘Amp mbʉ, kangambuⱡa mi naimbʉk, kangambuⱡa aim ngui nganggʉk eng mbʉ, numan kai pileing,’ ning.
26106	LUK 24:46	Jisas ndi, wu kʉⱡ, kundpa nimba mel, “Buk Wingti ei ndi, nimba mel, ‘Kraist ni, wu ei, mbun koma ropa mba koⱡpa, wote ⱡoporpa mba, kont moⱡmba,’ nʉtʉm.
26146	JHN 1:33	Na elim pili nʉpʉt, mon ku. Wote Got ndi, na wamp nu tʉndeimp nimba, tʉpa mundrum ei ndi, na ndoimp rondpa, nimba mel, ‘Muⱡnga Wingti ei kinana, mana omba, wu ti kʉn moⱡum ndam, wu ei ndi wamp mbʉ, Muⱡnga Wingti kʉn pendpa, nu tʉndʉmba,’ nitim.
26260	JHN 4:35	Enim ik ti, ei mel nʉtmin. ‘Rʉng rʉpa romba ei nga kalimp 4 petʉm,’ nʉtmin. Na enim ik ti kundʉp namp, pilik kai itʉi! Rʉng rʉpa ropa kenim ei nga, rʉng ting ui ei, nondpa enim.
26371	JHN 6:45	Unt painui wu mbʉ nga, mon ti rorung petʉm ei ndi, nimba mel, ‘Got ndi, wamp mbʉ, elim ndi, ik mbo endʉmba,’ nʉtʉng. Wuta nga ik ei pilik, tʉk pep rong wamp mbʉ, na kʉn uing.
26433	JHN 7:36	Elim ndi nimba mel, ‘Tʉn ndi, elim andʉp kurmin, wote kandʉp ti nʉtmin,’ nitim. Wote, ‘Elim mbo munt kona ila, kapⱡa ui nʉwing,’ nitim. Ik ei, etpa ninim mel nant nda?” nʉtʉng.
26504	JHN 8:54	Wote Jisas ndi, punt ropa nimba mel, “Na ndi, na nga mbi ei, paka rop nilmba ndam, na nga mbi ei, kapⱡa mon. Na nga mbi paka rondnum Wuta ei, enim ndi nʉk mel, ‘Enim nga Got,’ nʉnmʉn.
26683	JHN 12:34	Wote, wamp nimbʉ ndi, punt rok nʉk mel, “Tʉn nga mi ik ei ndi, nimba mel, ‘Got nga ngurum wu ei, kuⱡi naⱡʉmba,’ uⱡ nga moⱡmba nʉtʉm. ‘Wote nim ndi, Muⱡʉl Wu Kupa ei, mʉi kona oⱡa ting nʉn ei? Muⱡʉl Wu Kupa ei nam?’” nʉtʉng.
26746	JHN 14:9	Jisas ndi, punt ropa, nimba mel, “Na enim kʉn, ui ruⱡ etʉp mormʉn ni, wote nim na kandkʉn, mbi ndui nandʉn ei? Pilip, wamp nam ti, na kandpa, mbi ndurum ei ndi, Wuta kandrum. Ei kʉn, nambuⱡ emel, ‘Wuta ei, tʉn tʉkʉn ora ndui,’ nʉn?” nitim.
26793	JHN 15:25	En enim nga mi ik ila nimba mel, ‘Na kʉn kai kandʉk numan ngui nganggʉrmʉn,’ nʉtʉm. Mi ik ei omba, kupa etmba ei nga uⱡ mbʉ iting mel enmin.
26812	JHN 16:17	Kitip kʉni wu ni kʉⱡ ndi, en enim nʉk mel, “Ui onunga wei tila na kʉni nʉkʉning. ‘Wote ui onunga wei kot ila, na aldpa kʉning,’ ninim. Wote, aldpa tʉn kundpa, ‘Na Wuta kʉn mbi,’ ninim. Ei, etpa ninim mel nant nda?