| 23219 | MAT 1:6 | Jese gauga auga kin Davide. Davide gauga auga Solomon. Solomon ina auga Uriah akafa kai, isa ama Davide eakafania. |
| 23221 | MAT 1:8 | Asa gauga auga Jehoshafat. Jehoshafat gauga auga Joram. Joram gauga auga Usiah. |
| 23222 | MAT 1:9 | Usiah gauga auga Jotam. Jotam gauga auga Ahas. Ahas gauga auga Hesekia. |
| 23315 | MAT 5:12 | Ke foalogama alomi fegama alogaina, gome afa felo ufai ekae auga akaikiꞌa ipauma. Ufainagai oi alomai koa kai isa profeta isafa ega keafi apala omaꞌi.” |
| 23324 | MAT 5:21 | Ke Iesu eifa pugu einaka, “Ufainagai Moses ega iifa kainai, papiau kepainiꞌi iina keoma auga aꞌo ologonia. ‘Kai agaꞌo foloaupugua. Ke kaisau aufalao agaꞌo ageaupugua auga ega apala afa kansolo auꞌi eeꞌiai ageafia,’ keoma. |
| 23330 | MAT 5:27 | Iesu eifa pugu einaka, “Ufainagai Moses ega iifa kainai papiau iina keifa oma aꞌo ologonia. ‘Aufalao agaꞌo fou aloamage auga fou folofeu,’ keoma. |
| 23336 | MAT 5:33 | Ke Iesu eifa pugu einaka, “Ufainagai Moses ega iifa kainai papiau iina kepaini omaꞌi auga isafa aꞌo ologonia. ‘Oi emi pakoꞌa niniꞌanina okapaisa auga laagai foloaopagai. Kai Lopia eegai emi pakoꞌa niniꞌanina egaꞌina okapaisa auga kainai fopea,’ keoma. |
| 23561 | MAT 12:3 | Ega aisama isa iifa epamue einaka, “Ufainagai Davide ega au fou inaeꞌi ekimu aisama, kapaꞌina ekapaisa auga fouga Deo ega iifa pukagai alokuapina ma? |
| 23709 | MAT 15:7 | Pifoge aumi! Ufainagai profeta Aisaea oi pau kapaꞌina agokapa auga fouga Deo ega iifa pukagai epapua auga koꞌa: |
| 23920 | MAT 21:25 | Ioane baptismo epipeni auga isapuga kapai emai? Ufai Deo eegai emai, o papiau aumauni eeꞌiai emai?” eoma. Ega aisama ifoꞌi mo epoꞌiai keifa keinaka, “Iꞌa Ioane ega isapu ufai emai agaoma koa aisama, isa iꞌa agepaꞌani peniꞌa, ‘Ega koa aisama, kapa puo isa alopakoꞌania?’ ageoma. |
| 24231 | MAT 27:33 | Ke kelao mo afu aka Kolkota keoma auga afugai. Kolkota iꞌa malaꞌaisai auga Papiau Kaniaꞌi Uniaga afuga. |
| 24235 | MAT 27:37 | Ke kania laagai isa kapa puo kolotiai keauꞌuꞌua auga iifaga iina kepapua oma keauꞌuꞌua eka: IꞌINA AUGA IESU, IUDEA PAPIAUꞌI EꞌI KIN AUGA |
| 24719 | MRK 11:10 | “Ufuꞌa Davide ega agofaꞌa agemai pugu auga Deo ega gafegafe akaikiꞌa eafia!” “Ufai auꞌoniai keague auꞌi hosana kegaoma isa kegaau afagaina!” keoma. |
| 24768 | MRK 12:26 | Ke pau maeai maunimue fouga alaifania. Ufainagai Moses auai lo eufa kai aeaga auga alogai, Deo ega iifa epapua auga alokuapina ma? Abraham Aisak ke Iakobo kemae mo ganinagai, Deo Moses iina epaini oma; ‘Lau Abraham ega Deo, ke Aisak ega Deo, ke Iakobo ega Deo,’ eoma. |
| 24785 | MRK 12:43 | Ega aisama Iesu ega imoi eifaniꞌi eega kemai kai epainiꞌi einaka, “Iifa gome maamiai laifania. Ulalu afuafuga kapaꞌina eogeisa auga akaikiꞌa ipauma, papiau maꞌoai eꞌi pipeni ekaꞌegaina. |
| 24817 | MRK 13:31 | Ufa aagoa fou akefua laaꞌi akemia kai lau eꞌu iifa afaefua laaꞌi afaemia. |
| 24921 | MRK 15:26 | Ke isa kapa puo kolotiai keauꞌuꞌua auga iifaga kania laagai kepapua keauꞌuꞌua: IUDEA AUꞌI EꞌI KIN keoma. |
| 24950 | MRK 16:8 | Ega aisama papie kepealai kefiaisakoa mo la kepuaꞌafuga. Gome isa kemaniꞌi alogaina ke kepigugu ke kekauai alogaina. Ke kai agaꞌo maagai kapaꞌina keisa auga akeifania, gome kemaniꞌi alogaina. Ufainagai puka isaꞌi kepapuaꞌi auꞌi Mako ega pukai 16:9-20 auga laaꞌi. [ |
| 25157 | LUK 4:25 | Deo ega iifa pukagai isonioni koꞌaꞌi mo kemia auꞌi maamiai alaifaniꞌi. Ufainagai profeta Elaija eagu kinaꞌiai, inipo oiso ke gafa imagea alogai, Deo ufa ekupunia puo, imu agaꞌomo ganinagai aeake. Ega kainai Israel ago fofougai magea akaikiꞌa emia. Egaꞌina alogai afuafu maꞌo isafa egae keagu. |
| 25218 | LUK 6:3 | Ega aisama Iesu Faliseo auꞌi epainiꞌi einaka, “Ufainagai Davide ega au fou inaeꞌi ekimu aisama, kapaꞌina ekapaisa auga fouga Deo ega iifa pukagai alokuapina ma? |
| 25235 | LUK 6:20 | Egaꞌina alogai Iesu ega apostolo 12, ke ega imoi isaꞌi auꞌi maꞌoai fou eaipeniꞌi ke epainiꞌi einaka: “Ulalu aumi, Deo eegai kapa feloꞌi oafiꞌi, gome Deo ega agofaꞌa oi apumi. |
| 25555 | LUK 12:27 | “Pau maami galao ago alo kaikaiꞌi feloꞌi ipaumaꞌi auꞌi amoisaꞌi. Isa akepinauga ke tiapu akekapaꞌi. Kai iifa gome mo maamiai laifania. Ufainagai kin Solomon epaꞌamuꞌamu alogaina, ega amu maꞌoai feloꞌi mo ganinagai, egaꞌina amuꞌi eꞌi felo ago alo kaikaiꞌi eꞌi felo akekaꞌegainiꞌi. |
| 25838 | LUK 19:38 | “Lopia akagai kin emai auga Deo eegai kapa feloꞌi eafiꞌi,” keoma. Ke keifa pugu keinaka, “Ufai Deo ke papiau aagoai fou gagagaoniꞌi, ke auꞌoniai Lopia Au Akaikiꞌa apamia aau afagaina,” keoma. |
| 25885 | LUK 20:37 | Ufainagai au agaꞌogai lo eufa alogai, Lopia Deo Moses eapakina penia. Ega aisama ufuꞌa apaꞌa Abraham, Aisak, ke Iakobo fou kemae efua kai Moses Lopia eifaga, ‘Abraham, Aisak, ke Iakobo eꞌi Deo’ eoma. Egaꞌina auga Deo ega iifa pukagai epapua ekae. Ega puo Moses isafa, papiau maeai akemaunimue auga epakinaiꞌa. |
| 25920 | LUK 21:25 | Iesu eifa pugu einaka, “Ufai kina, gafa, ke miꞌimiꞌi faagaꞌiai gou akemia. Ke aagoai aꞌu agemoge goiso akaikiꞌaꞌi ipaumaꞌi akemia aꞌoaꞌo akaikiꞌa ipauma akekapa aisama, agofaꞌa fofouga papiauꞌi akeopopo alogaina, kapaꞌina fekekapa auga afakelogo. |
| 25928 | LUK 21:33 | Ufa aagoa fou laaꞌi akemia kai lau eꞌu iifa auga laaꞌi afakemia, akeka aoniamo,” eoma. |
| 26037 | LUK 23:33 | Ke kelao afu aka ‘Kania Uniaga’ keoma auga afugai aisama, egae Iesu kolotiai keauꞌuꞌua. Ke painao auꞌi auniꞌi agaꞌo Iesu lafanina kainai ke agaꞌo kaina kainai keauꞌuꞌuꞌi. |
| 26085 | LUK 24:25 | Ega aisama Iesu isa epainiꞌi einaka, “Oi kafoꞌo aumi. Ufainagai profeta Mesaia auga fouga maꞌoai keifaniꞌi kai oapoke alogaina, alomi koꞌagai alopakoꞌania! |
| 26114 | JHN 1:1 | Ufainagai aagoa ufa fou akegama koa kai Iifa eagu. Ke Iifa egaꞌina auga Iesu Deo fou keagu, ke isa ifo isafa Deo. |
| 26158 | JHN 1:45 | Iesu Filip eifaga afegai Filip elao Natanael eisa epainia einaka, “Ufainagai Moses Deo ega iifa pukagai au agaꞌo fouga epapua ke profeta isafa fouga kepapua auga akapulaisa. Isa auga Iesu Nasareta paguaga auga, Iosepa gauga,” eoma. |
| 26375 | JHN 6:49 | Ufainagai oi ufumi apami ago maininai mana keaniia mo ganinagai maꞌoai akeagu pagainia kai kemae. |
| 26449 | JHN 7:52 | Kai isa keinaka, “Oi isafa Kalilea aumu ma? Ke Deo ega iifa puka alo foisa kai profeta agaꞌo Kalilea agogai emai ma auga fologo,” keoma. Ufainagai papiau isaꞌi Ioane ega puka kepapua auga 7:53 elao 8:11 auga egaꞌina pukaꞌi aloꞌiai akepapuaꞌi. [ |
| 26584 | JHN 10:34 | Ega aisama Iesu einaka, “Ufainagai profeta Deo ega iifa pukagai Deo papiau isaꞌi eifaniꞌi deo eomaiꞌi auga fouga iina kepapua oma, ‘Lau oi deo laomaimi.’ |
| 26683 | JHN 12:34 | Ega aisama laꞌafou papiauꞌi keifa keinaka, “Ufainagai lai Deo ega iifa pukagai alogo auga, Mesaia ageagu pagainia auga fouga alogo keoma. Ega puo ala koa oi loifa, ‘Papiau Aumauni Gauga’ kolotiai akeafiakae looma? Papiau Aumauni Gauga auga kaisau?” keoma. |
| 26911 | JHN 19:17 | Ke koloti keafiia Iesu kepeniia, ke isa ifo ega koloti epuaisa elao afu aka ‘Kania Uniaga’ keoma auga afugai. Egaꞌina afuga Hibru malagai auga Kolkota keoma. |
| 26913 | JHN 19:19 | Ke Pilato malele agaꞌo epapua umania mo kolotiai Iesu kania laagai keauꞌuꞌua. Egaꞌina malelega iina eifa oma: IESU NASARETA AUGA IUDEA AUꞌI EꞌI KIN. |
| 27115 | ACT 4:24 | Ega puo pakoꞌa papiauꞌi iꞌina iifaga aꞌo kelogonia aisama, maꞌoai aloꞌi agaꞌomogai ainaꞌi akaikiꞌagai Deo kemegamega penia keinaka, “Oi Lopia Akaikiꞌa Aumu! Ufa, aagoa, aꞌu fou lopagamaꞌi, ke aloꞌiai amu maꞌoai lopagama afeꞌainiꞌi aumu. |
| 27188 | ACT 7:3 | “Amau aumi, ke aau akiu aumi ainau amologo! Ufainagai iꞌa ufuꞌa apaꞌa Abraham Mesopotamia agogai eagu. Ke isa Haran taonina aelao koa kai, Lopia Deo akaikiꞌa eaea ke isapu gome auga Abraham eapakina penia epainia einaka, ‘Oi emu ago, emu ikupu papiauꞌi fou fopuaꞌafuniꞌi ago alapakinaiso ago folao,’ eoma. |
| 27234 | ACT 7:49 | “‘Lopia eifa, “Ufa auga Lau eꞌu aguagu afuga, ke agofaꞌa auga Lau ifeu ipaapa afuga. Ega puo fauai eꞌa kapa agokapa, ke eꞌu laagai afuga kapai agemia? Iifa gome laifania, lau eꞌu eꞌa oi agokapa afaekaina. |
| 27241 | ACT 7:56 | Ke eifa einaka, “Amoisa! Ufa eagalai, Papiau Aumauni Gauga, Iesu Deo kaina kainai eapae laisa,” eoma. |
| 27465 | ACT 13:34 | Deo Iesu epamaunimue, ke imaauga aepuaꞌafuga aefoka auga fouga Deo ega iifa pukagai iina eifa oma: “‘Ufainagai Davide maagai lapakoꞌania laifania, isa okogai akemai auꞌi eꞌu pipeni fauniꞌi alapeniꞌi laoma. Ega koa iꞌopoga pau Lau Gau, oi faagamuai alakapa,’ eoma. |
| 27499 | ACT 14:16 | Ufainagai Deo agofaꞌa maꞌoai epuaꞌafuniꞌi ifoꞌi kapaꞌina anina keani auga mo kekapaiꞌi. |
| 27622 | ACT 17:30 | Ufainagai iꞌa Deo alalogo felo puo, Deo iꞌa aꞌa laomai apalaꞌi eisaꞌaoniꞌi. Kai pau auga Deo afu maꞌoai papiauꞌi eifa kapula peniꞌi, eꞌi laomai apalaꞌi fekeumakalainiꞌi eoma. |
| 27776 | ACT 22:4 | Ufainagai lau Iesu ega iifa muninai kepea auꞌi, au ke papie fou laafiiꞌi lagopeiꞌi ke lapatipulaniꞌi. Ega koa iꞌopoga lakapaisa laafi apalaniꞌi, ke isaꞌi isafa lapamaeꞌi. |
| 27786 | ACT 22:14 | “Ke isa epainiau einaka, ‘Ufuꞌa apaꞌa eꞌi Deo ega pinauga kapaꞌina auga fologo fokapa eoma puo ega logoai ekinanio. Ega kainai Iesu alo opaina auga keagai eapakina penio loisa ke akegai niniꞌani aꞌo lologonia. |
| 27913 | ACT 26:22 | Kai Deo epalagainiau kaniau eagamauga puo, laagu emai pau au akaikiꞌami ke papiau aagemi fou agomiai laapae maamiai Iesu fouga laifafoua. Ufainagai Moses ke profeta kapaꞌina muniai agemia keifania auga mo fouga laifania. |
| 27931 | ACT 27:8 | Krete keleipuaga foega mo apiau oma aoma auga, eꞌinoka alogaina. Kai fuagai Krete keleipuagai ufapo agaꞌo, Lasea taonina niegai kepafaala ‘Ufapo Felo Ipauma’ keoma afugai aofau. |
| 27935 | ACT 27:12 | Ke ‘Ufapo Felo Ipaumagai’ faagu, inipo aupu felao fefua auga aekainia. Ega puo papiau maꞌo iifa kepaapa keafiaꞌama, lontiai falao, Feniks ufapogai, egae faagu inipo aupu fepagai keoma. Feniks ufapoga auga Krete keleipuagai eka, apie South-west elao, ke apie auga North-west elao. |
| 27936 | ACT 27:13 | Ameku South kaina epua paakaisa mo emai aisama, papiau lontiai kepinauga auꞌi keopolaga, kapaꞌina anina keani auga egamoꞌe emai keoma. Ega puo anka kelaꞌauꞌi, ‘Ufapo Felo Ipauma’ apuaꞌafuga, Krete keleipuaga nie mo apiaunia. |
| 28068 | ROM 3:9 | Ega puo pau kapaꞌina agaifania? Iꞌa Iudea papiauꞌa aꞌa felo Iudea papiauꞌi laaꞌi auꞌi eꞌi felo ekaꞌegaina ma? Laaꞌi! Ufainagai Deo ega iifa pukagai kepapua koa iꞌopoga, iꞌa Iudea papiauꞌa, ke Iudea papiauꞌi laaꞌi auꞌi maꞌoai fou laomai apalaꞌi papaꞌiai aagu, laomai apalaꞌi akapaiꞌi auga puo epeniiꞌa efua. |
| 28155 | ROM 6:19 | Oi papiau aumauni imaaumiai auga oapoke puo, lau papiau aumauni eꞌi niniꞌaniai maniniꞌani laoma. Ufainagai oi imaaumi kapaꞌi ologoainiꞌi amage koa laoꞌi maiꞌi opaꞌa penia kalaꞌafi koa omia, egaꞌina laoꞌi maiꞌi papaꞌiai oagu. Ke oi isafa Deo aina laagai oaopagai aefuafua puo, isa maagai laomai apalaꞌi ipaumaꞌi mo okapaiꞌi. Ega koa iꞌopoga mo, pau oi imaaumi kapaꞌi alo opai laoꞌi maiꞌi, ke alo lolofa laoꞌi maiꞌi amopaꞌa penia, kalaꞌafi koa amomia egaꞌina laoꞌi maiꞌi mo amokapaꞌi. |
| 28168 | ROM 7:9 | Ufainagai Moses ega iifa kapaꞌina eifania auga alalogo felo aisama, lau eꞌu agu alogai laomai apala agaꞌo alakapaisa koa iꞌopoga agugai laagu. Kai muniai Moses ega iifa kapula egaꞌina emai aisama, lau laomai apala kapaꞌina auga lalogo kainai, Moses ega iifa laomai apala eafimauga koa iꞌopoga. Ke lau laomai apalaꞌi lakapaiꞌi puo, Deo maagai lamae koa iꞌopoga. |
| 28375 | ROM 15:4 | Ufainagai Deo ega iifa pukagai iꞌa fekepamaleleniꞌa keoma puo, kapa maꞌoai kepapuaꞌi. Ega koa kina apalaꞌi akemia mo ganinagai gamuga mo faopo faafiapia mo, ke Deo ega iifai magogo kapula epeniiꞌa auga faagagai, iꞌa agu pagai afugai agaagu auga afiaꞌamaga fapaꞌaua keoma. |
| 28413 | ROM 16:9 | Ke Iesu Kristo faugai fou apinauga auga aka Ubanus, ke ekefaꞌau aka Stakis fou eꞌu pamego iifaꞌi fopeniꞌi. |
| 28546 | 1CO 6:11 | Ufainagai oi isami isafa ega koa iꞌopomi omia. Kai Lopia Iesu Kristo akagai, ke Deo ega Spiritu ega isapuai oi emi laomai apalaꞌi iikuꞌi emia, ke Deo maagai alo lolofa aumi omia. Ke Deo oi Isa ega papiau ipaumami epamiaimi, ega agofaꞌa oi apumi epamia. Ega puo emi laomai apalaꞌi maꞌoai fopuaꞌafuniꞌi. |
| 29147 | GAL 1:23 | Kai isa lau fou papiau iina keifa oma auga mo kelogo: “Ufainagai au iꞌa eafi apalaniꞌa aꞌa pakoꞌa gapalifua eoma auga, pau eapae egaꞌina pakoꞌaga fouga einogonia,” keoma. |
| 29307 | EPH 2:11 | Ega puo iꞌina foloꞌagege: oi aumi mauniai Iudea papiaumi laaꞌi. Ufainagai papiau imaꞌiai au maguaeꞌi faagaꞌi keifalaisa auꞌi, ke ifoꞌi keifaniꞌi faagaꞌi iifalaina emia keoma auꞌi, oi keifanimi maguaemi faaga iifalaina aemia aumi keoma. |
| 29585 | COL 3:1 | Ufainagai oi Iesu Kristo alopakoꞌania alogai, Deo agogai auga oi omae koa iꞌopoga. Kai pau oi Iesu Kristo opakoꞌania aisama, oi isa fou kaimialao maeai omaunimue koa iꞌopoga. Ke ega koa oi faagamiai emia koa aisama, oi ufai Iesu Kristo Amaꞌa Deo kaina kainai epaagua afugai amu kapaꞌi mo kekae auꞌi fokapuniꞌi. |
| 29591 | COL 3:7 | Ufainagai oi emi agu alogai iꞌina laoꞌi maiꞌi okapaiꞌi olao omai. |
| 29776 | 1TI 1:13 | Ufainagai lau Iesu eegai laifa apala, ke Iesu kepakoꞌania papiauꞌi laafi apalaniꞌi, ke lapalifu alogainiꞌi kai felo mo lapamia. Egaꞌina lakapaiꞌi mo ganinagai isa ega guani lau epakinaisau, gome egaꞌina alogai lau iifa faunina Iesu fouga alalogo ke Iesu Kristo alapakoꞌania. |
| 29814 | 1TI 3:16 | Ke iꞌina iifaga kapula ipauma: Deo papiau aumauni ipauma emia, aagoai eake papiau epoꞌiai elao emai, Isa Deo ipauma auga epakinaiꞌi. Egaꞌina auga Iesu Kristo. Isa isafa Deo Gauga auga agelo papiau epakinaꞌi. Isa Deo maagai alo opai auga, Deo ega Spiritu papiau epakinaꞌi. Pau Deo isa ufai eꞌagauaina, Deo ega isapu akaikiꞌa afugai ekoko, kaina kainai fou keague. Papiau iꞌina iifaga Iesu fouga keifafoua. Ke agofaꞌai papiau isa kepakoꞌania. Ufainagai iꞌina iifaga papiau akelogo felo kai, pau Deo papiau epakinaꞌi. Ke Deo maagai iꞌa ala faau afagai oma, ke ala faagu oma aꞌa laomai felo femia auga epakinaiꞌa. Papiau maꞌoai iꞌina iifaga kapula ipauma puo, aloꞌi koꞌagai fekepakoꞌania, ke kai agaꞌo agepuniai afaekaina. |
| 29877 | 2TI 1:1 | Lau Paulo. Ufainagai Deo epakoꞌania eifa kaisau Iesu Kristo agepakoꞌania auga agu pagai maunina agepenia eoma. Ega kainai Deo ifo ega logoai lau ekinaniau apostolo, ke Iesu Kristo fouga iifafouga au epamiaisau. |
| 30016 | PHM 1:11 | Ufainagai isa oi eemuai kapa felo agaꞌo aekapaisa. Kai pau kapaꞌina ekapa auga oi eemuai felo, ke lau isafa eeuai felo. Ega puo lau isa faugai oi lagoinio. |
| 30031 | HEB 1:1 | Ufainagai kina iꞌoiꞌi iꞌoiꞌiai ke keaga iꞌoiꞌi iꞌoiꞌiai Deo ega iifa profeta akeꞌiai iꞌa ufuꞌa apaꞌa maaꞌiai eifafoua. |
| 30051 | HEB 2:7 | Ufainagai Oi papiau aumauni gauga, afaꞌagamo lopaake agelo papaꞌiai lopamia epo aemaefa. Ega mo ganinagai, isa auga Oi iisamu iꞌopoga mo lopagama puo Oi koa iꞌopomu au akaikiꞌa lopamia lopalopiania, emu isapu akaikiꞌa lopeniia. |
| 30064 | HEB 3:2 | Ufainagai Deo ega papiau maꞌoai fauꞌiai Moses Deo isa kapaꞌina fekapa eoma auga mo ekapaisa. Ega koa iꞌopoga, Iesu isafa Deo isa ekinaga auga kapaꞌina fekapa eoma auga mo ekapaisa. |
| 30069 | HEB 3:7 | Kai iꞌa auga pau Deo ega famili amia puo, ainaꞌa fapaau felo Deo ega iifa pukagai ega Spiritu iina eifa oma auga aꞌo falogo: “Ufainagai ago maininai inipo ouꞌaga pani alogai ufumi apami eeꞌiai kapa maꞌo lakapaiꞌi keisaꞌi mo ganinagai, keꞌopoisau kapa agaꞌo makapa kegaisa paisa keoma. Ega koa kekapaisa, guaꞌi eꞌinoka alogaina ainau akeafia puo guau kepakupua. Oi isa foisaꞌi fomalele. Ega koa pau kina Deo aina agologo aisama, guami folopaꞌinokania ainau foafia. |
| 30078 | HEB 3:16 | Ufainagai kaisau Deo aina kelogonia kai kainai akepea? Egaꞌina papiauꞌi auga Moses Isiptoai epapealaiꞌi auꞌi laaꞌi ma? Laaꞌi, egaꞌina papiauꞌi! |
| 30086 | HEB 4:5 | Kai kaisau Isa ega iifa keumakalaina auꞌi fouꞌi ega iifa pukagai iina eifa oma pugu: “Isa Lau eꞌu laagai afugai afakekokoko,” eoma. Deo agofaꞌa epagama aisama, ega laagai afuga ega koa ekapaisa mo ganinagai, Israel papiauꞌi Isa keumakalaina puo, ega gua kupuai ega iifa pukagai iina eifa oma: Lau guau kupugai lapakoꞌania laifa lainaka, “Isa Lau eꞌu laagai afugai afalapakokoꞌi laoma.” Ufainagai Deo ega eifa oma mo ganinagai, pau iꞌa Isa apakoꞌania auꞌa, egaꞌina laagaina afugai agakoko. |
| 30123 | HEB 6:12 | Ufainagai papiau isaꞌi Deo kepakoꞌania, ke kina apala eafiiꞌi mo ganinagai aloꞌiai keafiapia, gamuga mo keoponia. Ke eꞌi pakoꞌa keafiꞌinia mo emai fuagai kapaꞌina Deo eifa koꞌania auga isa apuꞌi kepamia. Lai anina aani foloꞌapolo kai egaꞌina papiauꞌi isaꞌi ala kekapa oma auꞌi iisaꞌi mo foꞌopo aoma. |
| 30124 | HEB 6:13 | Ufainagai Deo Abraham maagai pakoꞌa niniꞌanina ekapaisa aisama, kai agaꞌo Deo aekaꞌegaina puo Isa ifo mo akagai pakoꞌa niniꞌanina egaꞌina ekapaisa. |
| 30130 | HEB 6:19 | Iꞌina afiaꞌamaga auga, lalauꞌa ankaga koa iꞌopoga eafiapiꞌa, afaelao afaemaiseiniꞌa agepakapulaniꞌa. Ufainagai sakedote lopia faꞌaꞌi mo Deo ega eꞌa alo ipaumagai, tiapu keꞌeꞌeapua, Deo mo eaguagu afugai kekoko. |
| 30132 | HEB 7:1 | Iꞌa Melkisedek aoma auga Salem kinina, ke Deo auꞌoniai au akaikiꞌa auga ega sakedote. Isa aka Melkisedek auga iꞌa malaꞌaisai, ‘Alo opai kinina’ eifania. Ke aka agaꞌo ‘Salem kinina’ keoma auga, iꞌa malaꞌaisai ‘Gagao kinina’ eifania. Ufainagai Abraham ifaniai kin eaupuguꞌi emai isa fou kepiaogai aisama, isa ega gafegafe akaikiꞌa Abraham epeniia. Ke Abraham kapa maꞌoai eegai keka auꞌi, auꞌi ouꞌaga aisama, epoꞌiai agaꞌomo agaꞌomo eafilaiꞌi Melkisedek epeniia. |
| 30140 | HEB 7:9 | Ufainagai Lefi ikupuga papiauꞌi Abraham okogai akemai koa kai, Melkisedek Abraham auniꞌi kepiaogai. Ega aisama Abraham amu eafiiꞌi Melkisedek epeniia. Abraham ega koa ekapaisa kainai, pau iꞌa agaifa Lefi ikupuga isafa Melkisedek amu kepeniia agaoma. Ega kainai Melkisedek auga au akaikiꞌa ipauma paisa. |
| 30168 | HEB 8:9 | Ufainagai Lau isa ufuꞌi apaꞌi imaꞌiai laafi Isiptoai lapapealaiꞌi, ke egaꞌina afegai isa Lau fou niniꞌani kapula akapaisa. Kai isa aufa kina egaꞌina niniꞌanina kainai fekepea auga aloꞌi koꞌagai anina akeani puo, Lau isa lamuniiꞌi gefaꞌi alaaunia. Ega kainai niniꞌani kapula mamaga alakapa auga, ufainagai isa ufuꞌi apaꞌi fou akapaisa koa iꞌopoga afalakapa,’” eoma. |
| 30201 | HEB 10:1 | Ufainagai Moses ega iifa kainai, papiau aufa inipoai Deo aꞌo kepaꞌa penia alogai Deo keau afagaina isafa. Ega koa kekapaisa mo ganinagai aloꞌi opaina aemia. Isa aloꞌi opaina gamia gafua koa aisama, eꞌi laomai apalaꞌi maꞌoai feaꞌi agaꞌonia mo. Ke isa laomai apalaꞌi kekapaiꞌi auꞌi gamuga apala aloꞌiai fakeoponiꞌi pugu. Ke fuagai Deo aꞌo fakepaꞌa penia pugu. Kai aufa inipoai papiau Deo eega kelao aꞌo kepaꞌa penia, iꞌopoga mo kekapaisa aefuafua. Ega koa Deo aꞌo kepaꞌa penia auga papiau Deo maagai aloꞌi opaina ipauma aepamia. Ega kainai Moses ega iifai ega fekekapa oma eoma auga muni Iesu agemai iꞌa fauꞌaisai kapa feloꞌi agekapaꞌi auꞌi lalauga mo koa iꞌopoga epakinaiꞌa. Kai koꞌaꞌi ipaumaꞌi laaꞌi. |
| 30241 | HEB 11:2 | Ufainagai Deo agofaꞌa fofouga gapagama eoma aisama, kapa agaꞌo aeafia agofaꞌa aepagama. Kai Isa eifa mo agofaꞌa fofouga egama auga apakoꞌania. Egaꞌina pakoꞌagai iꞌa alogo pau amu maꞌoai aisaꞌi auꞌi, alaisaꞌi auꞌi eeꞌiai kemai. Ke iꞌa ufuꞌa apaꞌa Deo kapaꞌina eifania auga kepakoꞌania puogai, isa eꞌi laomai felo mo auga ega iifa pukagai eifafoua. |
| 30246 | HEB 11:7 | Ufainagai Deo Noa aina epalogo, imu akaikiꞌa agepaꞌaua papiau laomai apalaꞌi kekapaꞌi auꞌi eꞌi apala afaꞌi ageoge eoma. Noa Deo kapaꞌina eifania auga epakoꞌania puogai, imu kina aemai aeisa koa kai, Deo Au Akaikiꞌa epamia aina eafiia. Ke ega famili kaniaꞌi gaagamauga eoma puo sikuna ekapaisa. Ke ega pakoꞌai sikuna ekapaisa kainai, agofaꞌa papiauꞌi Deo akepakoꞌania auꞌi eꞌi laomai apala afa Deo epeniiꞌi auga epakinaiꞌa. Ke Deo eifa kaisau Isa agepakoꞌania auga Isa maagai alo opaina agemia eoma. Noa egaꞌina pakoꞌagai Deo maagai alo opaina emia. |
| 30295 | HEB 12:16 | Ufainagai Aisak gauga faꞌaniauga Esau, ama au faꞌaniau kapaꞌina agepenia eoma auga feafia koa iꞌopoga kai, inaega ekimu aniani mo puogai Deo gefa aeaunia aina aeafia, Deo isa kapaꞌina fepenia eoma auga akina imagai eꞌafaꞌafalaina. Kai Esau muniai eopopagai, Deo kapaꞌina au faꞌaniauꞌi apuꞌi eoma auga feafimue pugu eoma. Ega puo maisapepega mo keaga agaꞌo ekapunia, ama opo gaafimue, kapaꞌina isa apuga eoma auga gapenimue eoma. Kai ama eumaka. Egaꞌina auga fouga ologo felo. Ega kainai foisa felo, aagoai kapa agaꞌo anina oani puo Deo kapaꞌina agepenimi eoma auga, Esau koa iꞌopoga folomia foloꞌafaꞌafalaina. Ke Deo folomunia, aagoa kapaꞌi apalaꞌi ipaumaꞌi auꞌi muniꞌiai folopea. |
| 30297 | HEB 12:18 | Ufainagai Deo eake Sinai ikugai eagu. Egaꞌina alogai oi ufumi apami Israel papiauꞌi kelao iku eegai keagu. Egae lo eaga, umina akaikiꞌa ipauma iku egaꞌina eumiapua, ke lanina akaikiꞌa isafa epua auga keisa. Ega aisama kemaniꞌi alogaina, ke isa Deo eagu ikuga eega ipauma akelao, ke akeafi opogaina. Ke fiꞌi keipinia aꞌo akaikiꞌa ipauma, ke iifa aꞌoꞌi isafa kemai aꞌoꞌi kelogonia. Ega aisama Deo isa eifa kapula penia einaka, “Papiau agaꞌo, ke aꞌo mo ganinagai, iku Lau laagu afuga ageafi opogaina auga kepoai fofoupugua,” eoma. Ega puo Deo ega iifa aꞌoꞌi kelogonia auꞌi maꞌoai, Deo kegoinia faeniniꞌani pugu keoma. Gome isa Deo kapaꞌina eifania auga fekeafia fekeaguaina auga aekainiꞌi. Ke papiau ega koa emia auga keisa kemaniꞌi alogaina puo, Moses eifa einaka, “Lau lamaniꞌi lapigugu alogaina,” eoma. Kai pau oi auga, Deo eega agolao aisama, ega koa faagamiai afaemia. |
| 30304 | HEB 12:25 | Ufainagai Moses aagoai eagu aisama, Deo ega iifa papiau maaꞌiai eifania. Ke papiau isa aina keumakalaina auꞌi, Deo isa eꞌi laomai apala afa agepeniꞌi auga eegai akepiau koko, maꞌoai keafi afeꞌaina. Ke pau Deo ufai eague auga, Iesu eulaisa ainaꞌa epalogo. Kai iꞌa Deo agaumakalaina agamunia aisama, Deo iꞌa aꞌa laomai apala afa agepeniꞌa auga eegai fapiau koko koa auga keagaga agaꞌo laaꞌi. Ega puo foisa felo, Deo oi epainimi auga aina folopamafua. |
| 30305 | HEB 12:26 | Ufainagai Deo eake Sinai ikugai aisama, eniniꞌani ainagai aagoa epigugu. Kai pau ega iifa pukagai eifa koꞌania iina eoma: “Lau alapamue pugu, aagoa mo afalapapigugunia kai ufa isafa alapapigugunia,” eoma. |
| 30315 | HEB 13:7 | Ufainagai au akaikiꞌaꞌi oi keꞌimaimi Deo ega iifa maamiai keifafoua auꞌi foopolaniꞌi. Ke isa ala keagu oma elao kemae auga fopaagouka fologo felo. Ke isa Iesu kepakoꞌania mo elao kemae auga iisaꞌi mo foꞌopo. |
| 30318 | HEB 13:10 | Ufainagai Deo ega eꞌa aagoai kepua aisoge auga alogai sakedote kepinauga. Egaꞌina alogai papiau maꞌoai eꞌi laomai apalaꞌi fauꞌiai aꞌo ke foꞌama fou Deo kepaꞌa penia aisama, egaꞌina amuꞌi keifaꞌapuꞌi akeaniꞌi. Kai Iesu auga iꞌa aꞌa laomai apalaꞌi fauꞌiai ifo imaauga Deo epaꞌa penia. Iꞌa Iesu apakoꞌania kainai, isa Deo amu kepaꞌa penia afuga, iꞌa apuꞌa ekapaisa aloꞌaisai ekae. |
| 30366 | JAS 2:6 | Ulalu auꞌi Deo maagai au akaikiꞌaꞌi kai, oi isa iisaꞌiai mo oisaꞌi au eꞌeleꞌi opamiaꞌi oisa papaꞌi. Kai oi paꞌamuꞌamu auꞌi iisaꞌiai mo oisaꞌi omaaniꞌi auꞌi amoopolaniꞌi. Oi ologo felo, isa eꞌi paꞌamuꞌamu isapugai, ulalu auꞌi eꞌi amu keꞌaꞌaoainiꞌi, ke kepamaniꞌiniꞌi kepaafiꞌi iifa ipakaina kelaoainiꞌi. |
| 30381 | JAS 2:21 | Ufainagai iꞌa ufuꞌa apaꞌa Abraham akegai mo Deo aepakoꞌania kai, Deo isa kapaꞌina mo gakapaꞌi eoma auꞌi ekapaiꞌi. Egaꞌina epoꞌiai agaꞌo auga, Deo Abraham epainia ifo gauga Isa gapaꞌa penia eoma aisama, gauga ipaꞌa penia afugai epaꞌa penia. Abraham ega koa ekapaisa aisama, Deo Abraham Isa maagai alo opai auga epamia epakoꞌania. |
| 30438 | JAS 5:17 | Ufainagai Elaija ala emegamega oma auga amoopolaga. Isa papiau aumauni iꞌa koa iꞌopoꞌa. Kai isa alo koꞌagai emegamega imu faeꞌau eoma. Ega puo emegamega aisama, egaꞌina agogai inipo oiso, gafa imagea alogai imu aeꞌau. |
| 30451 | 1PE 1:10 | Ufainagai profeta papiau kaniaꞌi isagamauga egaꞌina auga fouga aloꞌi koꞌagai oko kekapunia, ke oko kegalogo felo keoma. Ke isa Deo ega gafegafe akaikiꞌa egaꞌina oi eemi agemai auga fouga keifafoua. |
| 30476 | 1PE 2:10 | Ufainagai oi auga Deo ega papiau alomia. Kai pau auga oi Deo ega papiau omia. Ufainagai oi Deo ega guani aloafia. Kai pau auga oi Isa ega guani oafiia efua. |
| 30589 | 2PE 2:22 | Ke isa fouꞌi paikifa iifaga alogai iina keifa oma auga koꞌa: “Amuꞌe emue elao, kapaꞌina eugalaisa auga eania,” ke “Uma kepauepia efua auga, emue elao ougoai eꞌougo pugu,” keoma |
| 30608 | 1JN 1:1 | Ufainagai aagoa ufa fou akegama koa kai, aufalao agaꞌo agu pagai maunina iifaga epipeni auga eagu. Isa eake emai agofaꞌai aisama, lai iꞌina iifaga isa eegai aꞌo alogonia, ke ifomai maamaisai aisa. Ke ifomai imamaisai isafa isa aafi opogaina. Pau lai egaꞌina auga fouga aifafoua. |
| 30745 | JUD 1:5 | Kai papiau Deo aina laagai keaopagai auꞌi Deo isa afa apala epeniiꞌi auga oi maꞌoai ologo efua. Ega mo ganinagai, lau oi mapaopolanimi pugu laoma. Ufainagai Lopia ega papiau Isipto agogai epapealaiꞌi kai muniai aisama, kaisau isa akepakoꞌania auꞌi eauokaꞌi. |