23244	MAT 2:6	“‘Oi Beteleme, Juda agogai aumu, oi alomuai au akaikiꞌa agaꞌo agemai. Isa sipi keꞌima auꞌi koa agemia, Lau eꞌu papiau Israel papiauꞌi ageꞌimaꞌi. Ega puo oi Beteleme taonina aumu, taoni eꞌelemu laaꞌi kai taoni akaikiꞌa ipaumamu,’” keoma.
23282	MAT 4:4	Kai Iesu einaka, “Deo ega iifa pukagai iina kepapua oma: ‘Papiau aumauni palafa mo akeania akeagu afaekaina. Kai Deo ega iifa akegai kepealai auꞌi maꞌoai isafa aniꞌi fekeani kainai fekepea ke fekeaguaina,’” eoma.
23284	MAT 4:6	Egae kai epainia einaka, “Oi Deo Gauga koa aisama, iꞌina afugai ifomu mopiulaiso. Gome Deo ega iifa pukagai iina kepapua oma: “‘Isa oi faumuai ega agelo ageifa kapula peniꞌi akeꞌima feloiso. Ke imaꞌiai akeafiakaeiso ega koa ifemu kepoai afoloꞌanina,’” eoma.
23638	MAT 13:30	Amopuaꞌafuniꞌi fou kaiꞌialao kegauki galao laiti iꞌaina kinagai kai. Egaꞌina kinagai laiti iꞌaina papiauꞌi alapainiꞌi, ‘Afa apalaꞌi amopakai guguai kakauꞌi amoꞌofaꞌi ega koa loai feiuma. Egae kai laiti mo amopakai guguaina amomaiseiniꞌi eꞌa akaikiꞌa foꞌama keogeoge afugai amooge alaoma,’” eoma.
23711	MAT 15:9	Ke isa eꞌi pamalele auga, papiau aumauni iifa kepaapaꞌi auꞌi. Ega puo lau keau afagai aageniau mo,’” eoma.
23908	MAT 21:13	Ke egaꞌina papiauꞌi epainiꞌi einaka, “Deo ega iifa pukagai profeta Deo aina fouga iina kepapua oma, ‘Lau eꞌu eꞌa akeifaga megamega eꞌa’ akeoma. Kai oi ‘iꞌina eꞌa painao auꞌi eꞌi aguagu afuga opamia,’” eoma.
24287	MRK 1:3	“Aufalao agaꞌo ago maininai eagaga, ‘Lopia faugai keaga amopakaisa, amopaꞌopaina,’” eoma.
24726	MRK 11:17	Ke epamaleleniꞌi einaka, “Profeta Deo ega iifa iina kepapua oma: “‘Lau eꞌu eꞌa akeifaga megamega eꞌa akeoma.’ Kai oi pau iꞌina eꞌa, ‘painao auꞌi eꞌi feufeu afuga opamia,’” eoma.
24753	MRK 12:11	Egaꞌina kapa auga kai agaꞌo aekapaisa kai, Lopia ifo ekapaisa, ke iꞌa maaꞌaisai egaꞌina kapa felo ipauma,’” eoma.
24881	MRK 14:58	“Lai isa iina eifa oma aina alogonia: ‘Lau Deo ega eꞌa papiau imaꞌiai kepaapa auga alaauoka, ke kina oiso alogai iꞌoina agaꞌo papiau imaꞌiai afakepaapa auga alapaapa pugu,’” keoma.
24949	MRK 16:7	Kai amolao ega imoi ke Peto fou amopainiꞌi, ‘Maamiai eifania koa iꞌopoga, isa ageufai Kalilea agelao, egae agoisa,’” eoma.
25140	LUK 4:8	Kai Iesu einaka, “Deo ega iifa pukagai isafa iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’” eoma.
25143	LUK 4:11	Ke agelo imaꞌiai oi akeafiakaeiso, ega koa ifemu kepoai afoloꞌanina,’” eoma.
25144	LUK 4:12	Kai Iesu einaka, “Deo ega iifa pukagai isafa iina kepapua oma: ‘Oi emu Lopia Deo foloꞌopo,’” eoma.
25287	LUK 7:23	Ke foifa, ‘Kaisau lau epakoꞌaniau ke opo gua aemia auga Deo eegai kapa feloꞌi ageafiꞌi fooma,’” eoma.
25389	LUK 9:19	Isa iifa kepamue keinaka, “Papiau isaꞌi keifa ‘Oi auga Ioane Baptista maeai emaunimue,’ keoma. Ke isaꞌi keifa ‘Oi profeta Elaija,’ keoma. Ke isaꞌi auꞌi ‘Oi ufaina profetaꞌi agaꞌo emaunimue emai keoma,’” keoma.
25730	LUK 17:10	Ega puo oi isafa lau kapaꞌina lapainimi auga maꞌoai okapa afeꞌainiꞌi aisama foifa, ‘Lau oi emu pinauga ikapa au. Eꞌu pinauga fakapa auga mo lakapaisa fooma,’” eoma.
25777	LUK 18:20	Ke oi Deo ega iifa Moses epeniia auꞌi aꞌoꞌi lologonia efua. Egaꞌina iifaꞌi aloꞌiai eifa: ‘Amage lofe akeafia auꞌi fou folofeu. Kai agaꞌo foloaupugua, folopainao, pifogeai papiau agaꞌo puo folopenia, ke inamu amamu fopalopianiꞌi,’” eoma.
25846	LUK 19:46	Ke epainiꞌi einaka, “Deo ega iifa pukagai iina kepapua oma: ‘Lau eꞌu eꞌa auga megamega afuga.’ Kai oi auga megamega afuga, ‘painao auꞌi afuꞌi opamia,’” eoma.
26953	JHN 20:17	Kai Iesu isa epainia einaka, “Lau Amau eega alalao koa puo foloafi opogainiau. Kai molao lau eꞌu imoi auꞌi fopainiꞌi foinaka, ‘Lau lamue Amau ke oi Amami eega lalao, ke lau eꞌu Deo ke oi emi Deo eega lalao fooma,’” eoma.
27012	ACT 1:20	Peto eniniꞌani paisa einaka, “Judas faagagai kapaꞌina agemia auga fouga, ufainagai Sam pukagai Davide epapua auga alogai iina epapua oma: “‘Isa afuga gamaini, ke kai agaꞌo isa afugai faeagu.’ Ke iꞌina isafa epapua: “‘Isa afuga aufalao agaꞌo feafia fepinauga,’” eoma.
27052	ACT 2:34	Gome Deo Davide imaauga ufai aeꞌagauaina mo ganinagai, isa Deo ega iifa iina eifa oma einaka: “‘Lopia lau eꞌu Lopia epainia einaka: “Kaiuai moagu felaolao, Lau oi emu ou auꞌi ifemu guagai alaogeꞌi alogafapiꞌi,’” eoma.
27472	ACT 13:41	“‘Amoisa! Oi Lau kapaꞌina laifania auga eegai oifa apala, opamafua aumi! Oi emi aguagu kina alogai eemiai kapa agaꞌo apala ipauma alakapa. Ke faagamiai apala ipauma agemia aisama, agoisa agokauai alogaina agomae. Gome oi emi agu kinagai kapa agaꞌo alakapa, ke aufalao agaꞌo egaꞌina iifaga oi maamiai ageifafoua mo ganinagai, afolopapakoꞌania,’” eoma.
27478	ACT 13:47	Gome Lopia lai epaini kapulanimai iina eifa oma: “‘Lau oi Iudea papiauꞌi laaꞌi auꞌi fauꞌiai eaea lapamiaimi. Ega koa oi agofaꞌa fofouga papiauꞌi eeꞌi folao kaniaꞌi foagamauga,’” eoma.
27599	ACT 17:7	Ke Jason isa eifa kokoꞌi ega eꞌai fou keagu. Isa maꞌoai iina keifa oma, ‘Kin agaꞌo aka Iesu eague keoma. Ega koa kekapa Roma agofaꞌa fofouga eꞌima lopiaga, Sisa ega iifa keumakalaina, kainai akepea,’” keoma.
27743	ACT 21:11	Isa emai Paulo ega tiapu peletaga eafiia, ifo ife ima fou egopeiꞌi kai eifa einaka, “Deo ega Spiritu eifa, ‘Pau lau lagopeisau koa iꞌopoga, Ierusaleme taoninai Iudea papiauꞌi, peleta inagome auga akeafia, ega akegope oma. Egae kai akeafia Iudea papiauꞌi laaꞌi auꞌi imaꞌiai akepaaua,’” eoma.
27793	ACT 22:21	“Kai Lopia eifa pugu einaka, ‘Molao lau alaulaiso agofaꞌa fua Iudea papiauꞌi laaꞌi auꞌi eeꞌi alolao,’” eoma.
30152	HEB 7:21	Deo ifo akegai eifa koꞌania Iesu sakedote emia auga fouga ega iifa pukagai iina eifa oma: “Lau Lopia laifa koꞌania ke opou iꞌoina afalapamia: ‘Oi sakedote lomia aoniamo,’” eoma.
30168	HEB 8:9	Ufainagai Lau isa ufuꞌi apaꞌi imaꞌiai laafi Isiptoai lapapealaiꞌi, ke egaꞌina afegai isa Lau fou niniꞌani kapula akapaisa. Kai isa aufa kina egaꞌina niniꞌanina kainai fekepea auga aloꞌi koꞌagai anina akeani puo, Lau isa lamuniiꞌi gefaꞌi alaaunia. Ega kainai niniꞌani kapula mamaga alakapa auga, ufainagai isa ufuꞌi apaꞌi fou akapaisa koa iꞌopoga afalakapa,’” eoma.
30171	HEB 8:12	Ke Lau isa guaꞌi alaania, eꞌi laomai apalaꞌi maꞌoai alaꞌagegeainiꞌi, ke eꞌi apala afalaopolaniꞌi pugu,’” eoma.
30207	HEB 10:7	Oi ega lokapa oma kainai lau laifa, ‘O, Deo! Oi emu iifa puka alogai lau fou loifania koa iꞌopoga, kapaꞌina fakapa looma auga fakapa laoma puo lamai inamoꞌe,’” eoma.
30216	HEB 10:16	“Lopia eifa, ‘Lau muni egaꞌina kinaꞌiai papiau eeꞌiai niniꞌani kapula ipauma alakapa. Egae Lau eꞌu iifa isa guaꞌiai alaoge, ke minoꞌiai isafa alapapuaꞌi,’” eoma.
30217	HEB 10:17	Ke Deo ega Spiritu eifa pugu einaka, “Isa Lau eꞌu iifa kaiꞌiai akepea, laomai apalaꞌi maꞌoai kekapaꞌi auꞌi alaꞌagegeainiꞌi, ke eꞌi apala afalaopolaniꞌi pugu,’” eoma.