3	GEN 1:3	Baing Urana harua ba, “Lulianoa sok,” baing luliana sok.
5	GEN 1:5	Urana uxu luliana ba, “Xaidap,” saing uxu labiana ba, “Yambong.” Tauna, yambonga ila sup, buraragina sok—xaidap taininauba.
6	GEN 1:6	Baing Urana harua ba, “Ganangana sok lia mana langa bu hata langdi.”
8	GEN 1:8	Urana uxu ganangana ba, “Sabaluna.” Tauna, yambonga ila sup, buraragina sok—xaidap luwauba.
9	GEN 1:9	Baing Urana harua ba, “Langa wa hawa sabalunia gugunia mana long taininau bu long mamasana sok.” Baing sok bila ba.
10	GEN 1:10	Urana uxu long mamasana ba, “Titi,” saing uxu lang guguniangama ba, “Tek.” Baing Urana bagu saing yaha mana.
11	GEN 1:11	Baing Urana harua ba, “Titia libu axamang xangxana disok: angingadi xaung xuyadingdi, xaung xaidi xaung maradingdi, taining tainina disu mana xadingdi.” Baing sok bila ba.
13	GEN 1:13	Tauna, yambonga ila sup, buraragina sok—xaidap tuwauba.
14	GEN 1:14	Baing Urana harua ba, “Luliandi disok sabalunia bu dahata xaidap xaung yambong. Namuxidingdi bing dahatanga nianigesakdi xaung xaidapdi xaung nianidi.
15	GEN 1:15	Lulianadi disina sabalunia bu disaxaxanga titia.” Baing sok bila ba.
19	GEN 1:19	Tauna, yambonga ila sup, buraragina sok—xaidap luwadi luwadiuba.
20	GEN 1:20	Baing Urana harua ba, “Tega baxagi mana asaxa walingam xangxana. Mangdi disok doti makisi sabalunia etuaʼm titia.”
22	GEN 1:22	Baing Urana sina guxama nadi. Harua ba, “Axapsaxi asok xumana saing abaxagi mana tega. Mangdi xauna disok xumana titia.”
23	GEN 1:23	Tauna, yambonga ila sup, buraragina sok—xaidap luwadi luwadi hiliadingauba.
24	GEN 1:24	Baing Urana harua ba, “Asaxa xangxana disok titia, disu mana xadingdi: morudi, asaxadi dahaxa mua titia, xaung abungindi, disu mana xadingdi.” Baing sok bila ba.
26	GEN 1:26	Baing Urana harua ba, “Tatongtongia lipudi disok bila kira sibura li. Bing duwa etua mana song tekkamdi xaung mang sabalunamdi, etua mana morudi xaung titi longgalo xaung axamang longgalo dahaxa mua titia.”
28	GEN 1:28	Baing Urana sina guxama nadi. Harua ba, “Axapsaxi asok xumana. Abaxagi mana titia saing awa etua mana. Awa etua mana song tekkamdi xaung mang sabalunamdi xaung asaxa longgalo dahaxa mua titia.”
29	GEN 1:29	Baing Urana harua ba, “Bagu ngasina anginga xuyanam longgalo duwa titia nang xaung xai maranam longgalo nang. Bagula duwa angiaimdi.
30	GEN 1:30	Baing asaxa titiam longgalo, mang sabalunam longgalo xaung asaxa longgalo dahaxa mua titia—ngasina tatubang xaung xailong gamatang longgalo nadi. Bagula duwa angiadingdi.” Baing sok bila ba.
31	GEN 1:31	Urana bagu axamang longgalo tongtongiadi, saing xai sibuna. Tauna, yambonga ila sup, buraragina sok—xaidap tuwa tuwauba.
47	GEN 2:16	Baing Toxoratamona Urana bili lipua ba, “Ung sanga ba oxong xai marang longgalo umangia li,
48	GEN 2:17	ning labu oxong xai marandi mana xaiya sina xabianga mana xai xaung dianau tai. Namua na bungina oxong, maxuna bagula umati.”
49	GEN 2:18	Baing Toxoratamona Urana harua ba, “Xai te mana lipua ing ganina wa. Bagula ngatongtongia rianoa bu sok haulinganoa.”
54	GEN 2:23	Baing lipua harua ba, “Ina naga! Alaing riagu sibuna. Tuanoa tuaguamdi, xaung sangganoa sanggaguama. Bagula ngauxu ba, ‘Haing’, namua na Urana xap sangua Lup.”
57	GEN 3:1	Moxa kubolung murakkama dali asaxa abunging longgalo Toxoratamona Urana tongtongiadi. Ma rangua hainga saing xusunga ba, “Maxuna Urana biliangtang ba, ‘Labu axang xai marang longga duwa umangiau tai’?”
58	GEN 3:2	Baing hainga harua na moxua ba, “Tam sanga ba tam gaxang xai marandi umangia,
59	GEN 3:3	ning Urana harua ba, ‘Labu axang xai marandi mana xaiya li liwe umangiau tai, saing labu aringgu tai, nam tang gamati.’ ”
60	GEN 3:4	“Ne moxua harua na hainga ba, “Tegu. Bagula amati te.
61	GEN 3:5	Urana harua bila ba namua na xabia ba bungina axang maranoa bagula tang maxaimdi daxaxa ding, saing bagula axabia xai xaung diana, bila Urana xabia.”
65	GEN 3:9	Ne Toxoratamona Urana wagi mana luba ba, “Uwa bi?”
66	GEN 3:10	Baing haxuya ba, “Ngalungung uhaxa umangia, saing ngamaxuwa namua na ngawa mulang. Binabu ngahisa.”
67	GEN 3:11	Baing xusunga ba, “Gaxarea balaung ba uwa mulang? Oxong xai marana mana xaiya ngabiliung mana ba?”
68	GEN 3:12	Luba harua ba, “Haingga ba usina ba wa rangua nga—ina sina xai marana nanga, saing ngaxang.”
69	GEN 3:13	Saking Toxoratamona Urana xusunga hainga ba, “Uraxata ulibu bila ba?” Hainga harua ba, “Moxua tuxu murak manga, saing ngaxang.”
70	GEN 3:14	Binabu Toxoratamona Urana harua na moxua ba, “Ulibu bila ba, binabu “Mauxanganoa xapkung ganim liwe mana moru longgalo xaung asaxa abunging longgalo! Bagula uhaxa gamomia saing bagula oxong gagap mana xaidap longgalo walingamia.
71	GEN 3:15	Baing bagula ngata bixua wa lia mana haing xaung ung, xaung wa lia mana bakbaginoa xaung bakbagima, bagula bakbaginoa taha toxoma, saing bagula utaha king tambonga.”
72	GEN 3:16	Harua na hainga ba, “Bagula ngalibu salak hayauxingama xapkung sok sabanga sibuna, saing bagula uxunumia salak sabanga bungina uhayau garadi. Murungama bagula sabanga mana ayuam, ne bagula wa etua maung.”
73	GEN 3:17	Baing harua na lupka ba, “Ulungu hainima saing oxong xai marana ngabiliung mana ba, ‘Labu oxonggu tai.’ “Mana namua ulibu bila ba, mauxanganoa xap titia, bagula umakasa sibuna mana oxop angingua mana bu oxong, mana xaidap longgalo walingamia.
75	GEN 3:19	Bagula salaksalaga xap ramramoma, bungina oxop oxong angingua, laing umati ugoxoya muli titia ngatongtongiaung mana ba, namua na uwa titi gagabinoa, saing bagula ugoxoya mala mana titi gagabinoa muli.”
78	GEN 3:22	Baing Toxoratamona Urana harua ba, “Bagu luba sok bila kiria tela, namua na xabia xai xaung diana. Ne xai te nabu raria rimana saing kiri xai marandi mana xaiya sina walinga. Nam xang bu wa bungingbunginalo.”
81	GEN 4:1	Adam kinu rangua haininoa Ip, baing gamona saing hayau gara lup tela. Harua ba, “Toxoratamona hauli nga ngaxap gara lup tela.” Binabu uxu ba Ken.
84	GEN 4:4	Baing Ebal xauna xap hananiangua ma—sipsibing matuaudi mututungading oranamdi. Baing Toxoratamona yaha mana Ebal xaung hananianganoa,
86	GEN 4:6	Baing Toxoratamona harua na Ken ba, “Baruta atim disala xaung ramramoma haring?
87	GEN 4:7	Nabu ulibu xai, bagula ngaxapkung. Ne nabu ulibu xai te, bing kubolu diana yai xalumia, ragung usok baing. Muruna ba xapkung, ning uhaxi bu udali.”
88	GEN 4:8	Xaidap tela Ken bala kixinginoa Ebal ba, “Tala umangia.” Tang duwa umangia, baing Ken taha kixinginoa Ebal mati.
89	GEN 4:9	Baing Toxoratamona xusunga Ken ba, “Kixingima Ebal kabi?” Haxuya ba, “Ngaxabia te. Baruta? Nga kixingigua lipuxing wasangama?”
90	GEN 4:10	Binabu Toxoratamona harua ba, “Uraxata bila ba? Ulungu! Kixingima sibinoa wa titia ba wagi manga.
92	GEN 4:12	Bungina uki titia, bagula ua te. Bagula uwa lipu yabam teguam xaung uhaxahaxa mauli titia.”
93	GEN 4:13	Ken harua na Toxoratamona ba, “Mauxangana ngaxap li tubu buk manga.
94	GEN 4:14	Laku, hatata usuka nga sangua titia, saing bagula ngawa maxamia muli te. Bagula ngawa lipu yabagu teguam xaung ngahaxahaxa mauli titia. Lipu gaxarea sok manga bagula ung nga mati.”
95	GEN 4:15	Baing Toxoratamona harua na ba, “Tegu! Nabu lipu tela unggung, bing bagula xap salaga dali ungia bila 7.” Baing Toxoratamona ta mogungua mana Ken, nam lipu tela sok mana bu ung mati.
103	GEN 4:23	Lamek harua na hainindi tang ba, “Ada Sila, tang galungu nga to, hainigudi axap haruangagua to. Ngaung lipu tela namua na taha nga, Gananung tela uda nga, binabu ngataha mati.
104	GEN 4:24	Lipu gaxarea ung Ken bing xap salaga dali inia 7, ne nga ngaharua ba, lipu gaxarea ung nga, bing xap salaga dali inia 77.”
105	GEN 4:25	Adam kinu muli rangua haininoa, baing hayau gara lup tela. Harua ba, “Urana sina gara tela muli nanga ba xap Ebal yabanoa, namua na Ken ung mati.” Binabu uxu ba Set.
108	GEN 5:2	Tongtongiadi lup haing, saing sina guxama nadi. Tongtongiadi laing sup, baing uxudi ba, “lipudi.”
109	GEN 5:3	Adam nianindi 130, baing xapsaxi gara lup tela sok bila ing sibuna—maxuna sok bila ina. Uxu ba Set.
135	GEN 5:29	Baing harua ba, “Bagula tatua makasangaroa xaung salaga taxap mana titia li Toxoratamona sina guxam diana na. Binabu uxu ba Noa.
141	GEN 6:3	Baing Toxoratamona harua ba, “Aningogua sina walinga ba bagula wa rangua lipudi bungingbunginalo te, namua na ding axamang titiamdi. Bagula nianidingdi didali 120 te.”
145	GEN 6:7	Binabu Toxoratamona harua ba, “Bagula ngasisia axamang longgalo ngatongtongiadi sangua titia—lipudi xaung asaxadi xaung asaxadi dahaxa mua titia xaung mang sabalunamdi. Namua na ayangagu sibuna ba ngatongtongiadi.”
151	GEN 6:13	Binabu Urana harua na Noa ba, “Ngahau hatumingagua ba ngasahi lipu longgalo, namua na dilibu titia baxagi mana kuboluding dudunamdi. Maxuna bagula ngahanggalangiadi xaung titi(a).”
152	GEN 6:14	“Utongtongia waga sabanga tela mana xaiya goper. Utongtongia numa lundi maluxu mana, saing usami xasu tagangama lunia xaung ubunia.
154	GEN 6:16	Utongtongia uronganoa mana, ne uyunga ganangana wa hawa mana laing rubunganoa bila mita hataina. Utongtongia xalua waga rubinia, saing utongtongia saxuming tuwa maluxu mana—hawama, liama, xaung etuama.
155	GEN 6:17	“Ulungu to. Bagula nga ngaxap silinga sabanga masok titia bu hanggalangia axamang walingam longgalo hawa sabalunia, axamang yagangam longgalo. Axamang longgalo duwa titia bagula dimati.
156	GEN 6:18	Ne bagula ngahau haruangua ranguaung. Baing bagula uluxu wagia—ung xaung garamdi, hainima, xaung garamdi hainidingdi.
159	GEN 6:21	Baing ung (g)oxop anginga xangxana mala ranguaung, saing uhaxurudi wagia, bu disok angingadi mang xaung mading.”
161	GEN 7:1	Baing Toxoratamona harua na Noa ba, “Uluxu wagia, ung xaung bakbagim longgalo, namua na ngabagung ganim umaring liwe mana lipu titiam longgalo.
164	GEN 7:4	Xaidap 7 disup to, baing bagula ngasoxi kuya mari titia laing xaidap 40 (xaung) yambong 40 (disup). Bagula ngasahi axamang titiam longgalo ngatongtongiadi.”
181	GEN 7:21	Axamang walingam longgalo etua mana titia dimati—mangdi, morudi, asaxa abungindi, asaxa longgalo dahaxa mua titia, xaung lipu longgalo.
183	GEN 7:23	Urana sisia axamang walingam longgalo sangua titia—lipudi xaung asaxadi xaung asaxadi dahaxa mua titia xaung mang sabalunamdi. Ding longgalo disup sibuna. Noa ing ganina wa, gabu adi duwa rangua wagia ba.
200	GEN 8:16	“Uri mala sangua wagua, ung gugabu hainima xaung garamdi digabu hainidingdi.
201	GEN 8:17	Oxop asaxa walingam longgalo duwa ranguaung mari—mangdi xaung asaxadi xaung asaxa longgalo dahaxa mua titia. Oxopdi mari bu dibaxagi titia, xaung daxapsaxi disok xumana titia.”
205	GEN 8:21	Bungina Toxoratamona yuyu samisami ba, bing yaha mana hananianua. Baing harua na ing sibuna ba, “Labu ngahanggalangia titia muli bu haxuya lipudi kuboluding diandiu tai. Heku hatumingadingdi dibaxagi mana kubolu diandi mana bungina duwa garauyu. Xauna, labu ngahanggalangia axamang walingamdi muliu tai, bila ngalibu hatata ba.
206	GEN 8:22	“Mana bungina titia wauyu, bunging umangama xaung xauyangama, bunging xaringana xaung salianoa, bunging xaidapkam xaung kuyam, yambong xaung xaidap, bagula disup te.”
207	GEN 9:1	Baing Urana sina guxama na Noa xaung garandi, harua ba, “Axapsaxi asok xumana, saing abaxagi mana titia.
210	GEN 9:4	“Ning labu axang asaxa mututungang sibinamgu tai. Siba bing walinga namu.
212	GEN 9:6	“Lipu gaxarea ung lipu tela mati, ing sibuna bagula mati lipudi rimadingia, namua na Urana tongtongia lipudi disok bila ing sibuna.”
213	GEN 9:7	Ne ang ba, axapsaxi asok xumana, abaxagi mana titia saing asok xumana mana.”
215	GEN 9:9	“Alungu to. Hatata nga ngahau haruangua ranguang xaung bakbagindi disok kimuya,
216	GEN 9:10	xaung axamang walingam longgalo duwa ranguang—mangdi, morudi, asaxa abungindi, xaung adi disok sangua wagua ranguang—axamang walingam longgalo duwa titia.
217	GEN 9:11	Ngahau haruangua ranguang bila li: Bagula axamang walingam longgalo dimati silingia muli te. Bagula silinga tela muli sok ba hanggalangia titia te.”
218	GEN 9:12	Baing Urana harua ba, “La li mogunga mana haruangua ngahau liwe makira xaung liwe mana axamang walingam longgalo duwa ranguang. Haruanga li bagula wa rangua lipu longgalo dima kimu mang.
222	GEN 9:16	Bunging bungina moxa babuna wa mugabia, bagula ngabagu saing ngahatumia muli haruanga bungingbunginaloama ngahau liwe mana Urana xaung asaxa walingam longgalo duwa titia.”
223	GEN 9:17	Baing Urana harua na Noa ba, “Alali mogungua mana haruangua ngahau liwe manga xaung asaxa walingam longgalo duwa titia.”
231	GEN 9:25	bing harua ba, “Mauxanganoa bing xap Kenan! Bagula wa lipu oxata olanggam sibuna mana sabangandi.”
232	GEN 9:26	Baing harua xauna ba, “Taiti Toxoratamona yanoa, Siem Urana inia! Kenan bagula wa lipu oxata olanggam mana Siem.
233	GEN 9:27	Ngaxusunga Urana ba libu Yapet titinoa tubu, xaung ba libu bakbagindi dirung xai rangua Siem bakbagindi, xaung ba Kenan wa lipu oxata olanggam mana.”
244	GEN 10:9	Ina lipu idangam haringina Toxoratamona maxania. Namua naga daharua ba, “Lipua li bila Nimrot, lipu idangam haringina Toxoratamona maxania.”
270	GEN 11:3	Baing daharua na ding ba, “Ama, tatongtongia birikdi, tataudi yabia bu daharing.” Binabu ditongtongia axamandi birigia. Ditongtongia saingia te. Baing ditaga birikdi mana kolta. Ditaga mana simen te.
271	GEN 11:4	Saking daharua ba, “Ama, tatongtongia long sabanga tela nakira xaung numa maxaxayam tela haing mala laing sok taxa sabalunia. Bila balau bagula ramramora sabanga, nam tasup mala mana titi longgalo hataing hataina.”
273	GEN 11:6	Baing Toxoratamona harua ba, “Lipadi li bakbak taininau xuading taininau. Nabu dungguti ba dilibu bila li, bing bagula dilibu axamang longgalo dahau hatumingadinga ba dilibudi.
274	GEN 11:7	Ama, tari mala bu talibudi dahasuxi mana xuadinga bu daxabia riadingdi xuadingdi te.”
300	GEN 12:1	Tauna, Toxoratamona harua na Ebram ba, “Usauya titima, bakbagimdi xaung tibum sibindi, saing ula mana titi tela bagula ngahatanga naung.
301	GEN 12:2	“Bagula ngalibu garamdi disok bakbak sabanga sibuna, saing bagula ngasina guxama naung. Bagula ngalibu yama sok sabanga sibuna, saing bagula uwa guxam na lipudi.
302	GEN 12:3	Bagula ngasina guxama na lipu gaxarea disina guxama naung, saing bagula ngasina mauxanganoa na lipu gaxarea dilibu doa naung. Baing mana ung bagula numanuma longgalo daxap guxama.”
306	GEN 12:7	Baing Toxoratamona owa masok mana Ebram saing harua ba, “Bagula ngasina titia li na bakbagima.” Binabu Ebram tongtongia kabukabu hananiangam tela la ba bu sabu mana Toxoratamona owa masok mana.
310	GEN 12:11	Dila disok Isip raguna dibo ba diluxu, baing Ebram harua na haininoa Sarai ba, “Ulungu to. Ngaxabia ba ung haing gumanging sibuna.
311	GEN 12:12	Bungina Isipdi dibagung bagula daharua ba, ‘Haininoa naga.’ Baing ina naga, bagula dung nga mati bu daxapkung.
312	GEN 12:13	Ubaladi ba ung hamungagua, bu dilibu xai manga namua na muruding maung, saing mana namua ba walingagua bagula sup te.”
317	GEN 12:18	Binabu Pero wagi Ebram ma saing harua ba, “Uria baru manga? Baruta ubaxanga maringina nanga te? Hainima baing!
318	GEN 12:19	Uharua ba, ‘Hamungagua’! Namua naga ngaxap bila hainigua. Ai, oxop hainima bu tang gala!”
327	GEN 13:8	Binabu Ebram harua na Lot ba, “Kitam sip taininau, binabu heku mauxanganoa wa liwe makira, xaung liwe mana morum wasangamdi xaung morugu wasangamdi.
328	GEN 13:9	Ubagu, titi sabangga li sangaʼm kitam. Xai ba tautu kira. Umogu ung murungama. Nabu ula xong, bagula ngala rimamo. Nabu ula rimamo, bagula ngala xong.”
333	GEN 13:14	Lot sup mala, baing Toxoratamona harua na Ebram ba, “Umesa ubagu mauli mana sanga kanggua, sanga bukang, sanga karagia xaung sanga yuwaxa.
336	GEN 13:17	Umesa, uhaxa makisi mana titi maxaxayanganoa xaung tubunganoa, namua na ngasina naung.”
356	GEN 14:19	saing sina guxama na Ebram, harua ba, “Urana Eta Loam Sibuna, Lipua tongtongia long xaiya xaung titia, sina guxama na Ebram.
357	GEN 14:20	Urana Eta Loam Sibuna ta bixuamdi rimamia, binabu taiti yanoa.” Baing Ebram sina hataing 10 mana axamang longgalo xap haungingia na Melkisadek.
358	GEN 14:21	Xaitamoxi mana Sodam harua na Ebram ba, “Usina lipudi digoxoya nanga, ne oxop xalaxaladi naung.”
359	GEN 14:22	Ning Ebram harua na xaitamoxi mana Sodam ba, “Ngaiti rimagua bu ngahau haruangua rangua Toxoratamona, Urana Eta Loam Sibuna, Lipua tongtongia sabalauna xaung titi. Ngahau bila li:
360	GEN 14:23	Bagula ngaxap xalingim monga te. Tegu sibuna. Heku waxu ragangam kimbo waxu xai sangang raganganam. Nam kimuya uharua ba, ‘Ngalibu Ebram sok lipu xalaxalam.’
361	GEN 14:24	Bagula nga ngaxap axamang tela nanga te. Angingua lipuxigudi daxang masup, sanga ba. Ning uyunga riagu luwa hiliana dila rangua nga ba, Aner, Eskol, Mamre ba tung daxap sinagidingdi.”
362	GEN 15:1	Kimuya Toxoratamona sina haruangua na Ebram mana axamang tela bila mibingua. Harua ba, “Ebram, labu umaxuwau tai. Bagula ngawasa maung bila xai hataing tela soxauti maung mana haungingua, Haxuyangama bagula sabanga sibuna.”
363	GEN 15:2	Ning Ebram harua ba, “Toxoratamona Urana ngayua, Bagula usina baraxinta nanga, namua na nga garagu te? Lipua bagula xap xalingigudi bungina ngamati bing lipu Damaskasiam Elieser.”
364	GEN 15:3	Baing Ebram harua muli ba, “Bagu usina gara tela nanga te, binabu lipu numaguamga li bagula xap xalingigu longgalo.”
365	GEN 15:4	Baing Toxoratamona sina haruangua na ba, “Tegu! Lipua li bagula xap xalingimdi te. Garam sibuna sok mana ung sibum sibima bagula xap xalingimdi.”
366	GEN 15:5	Baing xap masok sabasabia saing harua ba, “Ubagu mahaing sabalunia, saing utiti hatungdi. Sanga ba utitidi?” Baing harua na ba, “Bagula bakbagimdi disok xumang sibuna bila ba.”
368	GEN 15:7	Baing harua na ba, “Nga Toxoratamona. Ngaxapkung masok sangua longga Ur wa Kaldia titidingia bu ngasina titia baguli naung ba oxop bila titima.”
369	GEN 15:8	Ne Ebram harua ba, “O Toxoratamona Urana ngayua, bagula ngaxabia baru ba ngaxap titia li bila ngayua?”
370	GEN 15:9	Baing harua na ba, “Oxop axadi bagudi li ma rangua nga. Oxop bulmakau hagaxang tela, meme hagaxang tela xaung sipsip moning tela, taining taining nianing tuwa, xaung baxaliku tela xaung gumak tela.”
374	GEN 15:13	Baing Toxoratamona harua na Ebram ba, “Ngabo ba uxabia sibuna ba garam ranggindi bagula duwa lipu titi telamdi mana titi tela dingia te. Bagula duwa lipu oxata olanggamdi la ba, saing bagula daxap salaga bila ba laing niani 400.
377	GEN 15:16	Bungina bakbagimdi luwadi luwadi disup to, tauna bagula digoxoya ma muli la li. Sanga digoxoya ma sap te, namua na ngabo ba ngasina salaga na Amordi mana kuboluding diandi, ne kuboluding diandi dibaxagi teguyu.”
379	GEN 15:18	Mana xaidapka baguba Toxoratamona hau haruangua rangua Ebram, saing harua ba, “Ngasina titia li na garam ranggindi. Titi ragunoa bing ungguti mana langga Isip ila laing sok mana lang sabangga duxu ba Yupretis,
382	GEN 15:21	Amordi, Kenandi, Girgasdi, xaung Yebusdi.”
384	GEN 16:2	Binabu Sarai harua na Ebram ba, “Ulungu nga to. Toxoratamona bili nga ba ngahayau. Ula ukinu rangua hainigu oxata olanggama. Bola bagula hayau gara nanga.” Baing Ebram lungu Sarai haruanganoa.
387	GEN 16:5	Baing Sarai harua na Ebram ba, “Namua mauxangana li xap nga bing ung baing! Nga ngata hainigu oxata olanggama ranguaung ba uhatabu. Baing ina naga, hatata xabia ba gamona, binabu hauxana manga. Ngawagi mana Toxoratamona ba suxuya gaxarea libu doa—ung kimbo nga!”
388	GEN 16:6	Baing Ebram harua ba, “Ulungu nga to. Hainim oxata olanggama wa hawa maung. Binabu ulibu baraxing baraxinta uhatum ba xai mana.” Saking Sarai libu doa mana Hagar laing sauya mala.
390	GEN 16:8	Baing harua ba, “Hagar, Sarai haining oxata olanggama, uma bi ma, saing ula bi?” Haxuya ba, “Ngasauya hainigu haringinoa Sarai saing ngaluki ma.”
391	GEN 16:9	Toxoratamona uleginama harua na ba, “Ugoxoya mala muli rangua hainim haringinoa saing usu mana haruanganoa.”
392	GEN 16:10	Baing Toxoratamona uleginama harua muli ba, “Bagula ngalibu bakbagimdi disok xumang sibuna, sanga mana lipudi dititidi te.”
393	GEN 16:11	Baing Toxoratamona uleginama harua muli na ba, “Ulungu to, gamom saing bagula uhayau gara lup tela. Bing uxu yanoa ba Ismael, namua na Toxoratamona lungu tingangim mauxanganama.
394	GEN 16:12	Bagula wa bila donki abungina, bagula xukxugia lipu longgalo, saing lipu longgalo bagula duxukxugia, saing bagula wa sibing longgalo bixuadinga.”
395	GEN 16:13	Hagar sina yaya baguli na Toxoratamona harua na ba: “Ung Urana ubagu nga.” Namua na harua ba, “Ngabagu Urana bagu nga ba.”
399	GEN 17:1	Ebram nianindi 99, baing Toxoratamona owa masok mana, saing harua ba, “Nga Urana Haringing Sibuna. Bing ulibu kubolu maringing sibuna maxagia xaung oxola mana kubolu dian tela.
400	GEN 17:2	Baing bagula ngahau haruangugua liwe mana kitam, saing bagula ngalibu bakbagimdi disok xumang sibuna.”
402	GEN 17:4	“Ulungu to. Haruangua nga ngahau ranguaung bing: Bagula uwa numanuma xumana mugangadinga.
406	GEN 17:8	Titia Kenan hatata uwa mana bila lobu, bagula ngasina ba wa ungia xaung bakbagim(ga)di disok kimuya maung dingia bungingbunginalo. Baing bagula ngawa Urana dingia.”
407	GEN 17:9	Baing Urana harua na Ebraham ba, “Ne ung ba, bing ung gusu mana haruangua ngahau ba, ung xaung bakbagimdi disok kimu bing asu mana.
410	GEN 17:12	Hatata saing ila, gara lup longgalo liwe mang, bungina xaidabidingdi 8 bing axuxu sanggadingdi. Adi li xauna: lipuxim oxata olanggamdi baudingdi dahayaudi numaimia xaung adi agimdi rangua bakbak teladi—adi bakbagim sibundi te.
412	GEN 17:14	Lup gaxarea xap sangga xuxungan te bing asuka sangua bakbagima namua na dali haruangua ngahau ranguang ba.”
413	GEN 17:15	Baing Urana harua na Ebraham muli ba, “Ne hainima Sarai ba, hatata ila uxu yanoa ba Saraiu tai. Yanoa bagula Sara.
414	GEN 17:16	Bagula ngasina guxama na, saing maxuna bagula sina gara lup tela naung mana. Bagula ngasina guxama na bu wa numanuma xumana mugangadinga. Teladi bagula disok bakbakdi xaitamoxidingdi.”
415	GEN 17:17	Baing Ebraham gung king tuxundi mari, ta ramramonoa titia, saing masisi saing hatum ba, “Nianigudi 100. Bagula ngasok gara tibuna baru? Baing Sara nianindi 90. Bagula hayau gara baru?”
416	GEN 17:18	Baing Ebraham harua na Urana ba, “Bola unai mana Ismael xap guxamingama!”
417	GEN 17:19	Baing Urana harua ba, “Tegu. Hainima Sara bagula hayau gara lup naung, bing uxu yanoa ba Aisak. Bagula ngahau haruangua rangua xaung bakbagindi disok kimu, saing bagula wa bungingbunginalo.
419	GEN 17:21	Ning Aisak naga bagula ngahau haruangagua rangua, lipua Sara bagula hayau naung bila sobakka baguli niani etuama.”
428	GEN 18:3	Harua ba, “Lipu sabanga, nabu uyaha manga, bing uwa mongaita rangua nga lipuxim oxatama.
430	GEN 18:5	Uyunga ngaxap anginga teladi ma nang bu haringiang to, tauna ala. Namua na ama rangua nga lipuxim oxatama.” Baing daharua ba, “Sangau, ulibu bila uharua ba.”
431	GEN 18:6	Binabu Ebraham ila sap xahia rangua Sara saing harua ba, “Ugogolinga! Oxop wit gagabing (xai sibuna) minang tuwa! Uxugia usala salangadi.”
434	GEN 18:9	Duxusunga ba, “Hainima Sara kabi?” Haxuya ba, “Bagu wa xahi lunia.”
435	GEN 18:10	Baing tela harua ba, “Bagula ngagoxoya ma muli mana sobakka baguli niani etuama, saing hainima Sara bagula sep ing sibung garang luba.” Ne Sara lungu haruanganoa, namua na wa xahi xaluxinia lipua ba ubunia.
437	GEN 18:12	Baing ina naga Sara masisi naina saing hatum ba, “Nga xabati ba, xaung ayuagu duanga ba. Ne hatata bagula ngayaha bila li baru?”
438	GEN 18:13	Baing Toxoratamona harua na Ebraham ba, “Baruta Sara masisi saing harua ba, ‘Nga muganga buk, binabu bagula ngahayau baru?’
439	GEN 18:14	Axamang tela haxi buk mana Toxoratamona te. Bagula ngagoxoya ma muli mana sobakka baguli niani etuama bila menau ngamogu ba, saing Sara bagula sep ing sibung garang luba.”
440	GEN 18:15	Sara maxuwa binabu hatiam ba, “Nga ngamasisi te.” Ne harua ba, “Tegu, umasisi (ba).”
442	GEN 18:17	Baing Toxoratamona harua ba, “Bagula ngayameng hatumingagua ngahau ba mana Ebraham? Tegu.
444	GEN 18:19	Namua na ngamogu bu tabina garandi xaung bakbagidingdi dima kimu ba disu mana Toxoratamona daxanganoa, bu dilibu kuboluadi daxai xaung dimaring. Baing ina naga, bagula ngalibu haruanga longgalo mana Ebraham bila ngahau ba.”
445	GEN 18:20	Baing Toxoratamona harua ba, “Ngalungu harungianga xumang sibuna daharungia long sabangga Sodam Gomora tang. Kuboludingdi didoa sibuna.
446	GEN 18:21	Binabu bagula ngari mala bu ngabagu nabu kuboluadi dilibudi sanga mana haruangua ngalungu ba. Nabu tegu, bing bagula ngaxabia.”
448	GEN 18:23	Baing Ebraham ila haxek rangua saing xusunga ba, “Maxuna bagula uhanggalangia lipu kubolu maringinamdi xaung lipu kubolu dianamdi xauna?
450	GEN 18:25	Labu uhatumia ulibu bila bau tai—ung lipu kubolu maringinamdi xaung lipu kubolu dianamdi xauna (di?)mati. Bagula bila ulibu kubolu taininau mana lipu kubolu maringinamdi xaung lipu kubolu dianamdi. Labu uhatumia ulibu bila bau tai! Lipu titi longgalo suxuyangadinggama bing libu maringina, maxuna?”
451	GEN 18:26	Baing Toxoratamona harua ba, “Nabu ngabagu lipu kubolu maringinam 50 duwa mana long sabangga Sodam, bing bagula ngayunga ding longgalo duwa bu 50 ba disup te.”
452	GEN 18:27	Baing Ebraham harua muli ba, “Toxoratamona, ngaungguti ngaharua naung bila ba, ne nga bila gagap xaung hayata ing ganina. Ne ngabo ba ngaharua muli.
453	GEN 18:28	Heku lipu maringinam 50, nabu ngaunia 5 mana titingadinga. Bagula uhanggalangia longga ba masup namua na 5 ba duwa te?” Baing Toxoratamona harua ba, “Nabu ngabagu lipu maringinam 45 duwa la ba, bagula ngahanggalangia te.”
454	GEN 18:29	Baing Ebraham harua muli na ba, “Bola 40 ding ganiding duwa la ba, bing baruta?” Baing Toxoratamona harua ba, “Mana namua 40 duwa, bing bagula ngalibu te.”
455	GEN 18:30	Baing Ebraham harua ba, “Toxoratamona, sanga ba atim disala manga te. Ne ngabo ba ngaharua muli. Bola 30 ding ganiding duwa la ba, bing baruta?” Baing Toxoratamona haxuya ba, “Mana namua ngabagu 30 duwa, bing bagula ngalibu te.”
456	GEN 18:31	Baing Ebraham harua ba, “Toxoratamona, ngaharua naung xumana bila ba, ne ngabo ba ngaharua muli. Bola 20 ding ganiding duwa la ba, bing baruta?” Baing Toxoratamona harua ba, “Mana namua ngabagu 20 duwa, bing bagula ngahanggalangia te.”
457	GEN 18:32	Baing Ebraham harua ba, “Toxoratamona, sanga ba atim disala manga te. Ne ngabo ba ngaharua bunging tela muli. Bola 10 ding ganiding duwa la ba, bing baruta?” Baing Toxoratamona harua ba, “Mana namua ngabagu 10 duwa, bing bagula ngahanggalangia te.”
460	GEN 19:2	Harua ba, “Lipu sabanga luwa mana, nga lipuxim oxatama. Xai mana tang gama numagia. Sanga ba tang gadamia kimdi akinu to. Tauna buraging sibuna ala.” Ne tang dahaxuya ba, “Tegu. Bagula tam gakinu gugunianga yabania li.”
463	GEN 19:5	Duwagi Lot ba, “Lipuadi yambong dima ranguaung duwa bi? Oxopdi masok ma ranguam bu am gakinu ranguadi.”
465	GEN 19:7	Baing harua ba, “Riagu mana, ngaxusungang haringina ba alibu kubolu diana li te.
466	GEN 19:8	Alungu to. Nga nanuhangigu luwa, ne tang dikinu rangua lup tela teguyu. Bagula ngaxap dingtang masok ranguang bu asahi murungaima mana dingtang. Ne lipu luwadi li, labu alibu axamang tela mana dingtanggu tai, namua na duwa lobudi numagia binabu ngawasa manadi.”
467	GEN 19:9	Ne dahaxuya ba, “Uhaya!” Baing daharua ba, “Yabanoa la li te, binabu maring ba suxuyamgu tai! Kubolua am galibu maung bagula doa sibuna mana kubolua am galibu mana dingtang!” Baing dahayuyu mala rangua Lot ba dutu saha xalua.
470	GEN 19:12	Baing lobu tang duxusunga Lot ba, “Ung bakbagim teladi muli duwa la li? Longamdi? Garamdi? Kimbo teladi duwa mana long sabangga li? Oxopdi masok sangua longga li,
471	GEN 19:13	namua na bagula tam gahanggalangia long sabangga li. Toxoratamona lungu harungianga sabanga sibuna daharungia longga li, binabu soxiamtam ba am gahanggalangia.”
472	GEN 19:14	Baing ina naga, Lot ila rangua lipu luwadi dimogudi ba diyau nanuhangindi, saing baladi ba, “Tang gamesa sap bu asauya long sabangga li! Namua na Toxoratamona bo ba hanggalangia long sabangga liuba.” Ne gananuna tang dahagaxa ba harua halinga.
473	GEN 19:15	Long usianam, baing Urana uleginam luwadi dahaxi Lot ba, “Umesa sap! Oxop hainima xaung nanuhangim luwadi duwa la li mala. Nam usup rangua longga li lipuxindi bungina daxap doa.”
475	GEN 19:17	Tang daxaidi masok laing sup, baing hata sibuna li tela harua ba, “Aluki mala sap nam amati! Labu axugia saing abagu ma muliu tai. Xaung labu ayagua monga mana long gomanau tai! Aluki mala (mana) bimbia(di) sap nam asup!”
476	GEN 19:18	Ne Lot harua na dingtang ba, “O lipu sabanga luwa mana, tegu! Sanga ba ngalibu bila ba te.
478	GEN 19:20	Ubagu, long tela wa hataina lo. Haxek sanga mana ngaluki masok mana. Long kaxukana ba. Unai ba nga ngaluki mala mana. Ubagu ba kaxukana, a? Baing ina naga, bagula ngadali hanggalangiangua.”
479	GEN 19:21	Baing haxuya na ba, “Sangau. Bagula nganai mana xusungangama li xauna. Bagula ngahanggalangia long kaxukana ba te.
480	GEN 19:22	Ne uluki mala sap, namua na sanga ba ngalibu axamang tela te, laing usok mana longga ba to.” (Namua naga duxu longga ba Soar.)
489	GEN 19:31	Xaidap tela matuaua harua na kixinginoa ba, “Tibura wa duanga ba, saing titia li lup te ba kinu rangua kitam, bila lipu titiamdi dilibu.
490	GEN 19:32	Tala talibu tibura nung wain laing kakahana bu takinu rangua. Baing ina naga, bakbagira bagula ilauyu xaung tibura bagula wa mugangadinga.”
492	GEN 19:34	Buragina baing matuaua harua na kixinginoa ba, “Bunggu ngakinu rangua tibugu. Yambong bagula talibu nung wain laing kakahana muli. Baing ula ukinu rangua bu bakbagira bagula ilauyu xaung tibura bagula wa mugangadinga.
498	GEN 20:2	La ba Ebraham bala lipudi mana haininoa Sara ba, “Hamungagua.” Binabu Abimelek, xaitamoxi mana Gerardi, soxi lipuxindi mala ba daxap Sara ma rangua.
499	GEN 20:3	Ne yambong tela Urana ma rangua Abimelek mibingia, saing bala ba, “Haxek sibuna bagula umati! Namua na haingga oxop ba yaungam.”
500	GEN 20:4	Ne Abimelek kinu rangua Sara teguyu, binabu harua ba, “Toxoratamona, bagula uhanggalangia bakbaga doxola mana kubolu dianoa?
501	GEN 20:5	Ing sibuna harua nanga ba, “Hamungagua,” maxuna? Xauna Sara ing sibuna harua ba, “Moxongogua,” maxuna? Kubolugua ngalibu su hatumingagua te. Ngasigixinga.”
502	GEN 20:6	Baing Urana harua na mana mibinganoa ba, “Wane, ngaxabiau. Kuboluma li su hatumingama te. Namua naga ngasoxautiung ba ukinu rangua te, binabu ulibu kubolu dianoa maxagia te.
503	GEN 20:7	Ne hatata bing usoxi haingga ba mala muli rangua ayuana. Namua na lipua ba lipuxigu suxunguxunguama. Binabu bagula sabu maung bu hauliung ba sanga ba uwa. Ning nabu usoxi mala muli te, bing maxung sibuna bagula ung xaung lipuxim longgalo amati.”
505	GEN 20:9	Baing Abimelek wagi Ebraham ma, saing harua ba, “Uraxata mam? Ngalibu kubolu diang baruamta naung? Ne ulibu kubolu diang sibung haruangang sulingama xap nga xaung lipuxigu yonggaxiguamdi. Kubolua ulibu manga ba maring te.”
506	GEN 20:10	Baing Abimelek xusunga Ebraham ba, “Mana baru namuxinta ulibu bila ba?”
507	GEN 20:11	Ebraham haxuya ba, “Ngahatum ba, ‘Longga li moxondi dimaxuwa mana Urana te. Baing bagula dung nga mati bu daxap hainigua.
509	GEN 20:13	Bungina Urana bala nga ba ngasauya tibugu numanoa ngahaxahaxa mauli, ngabala ba, ‘Kubolu xai sibuna ulibu manga bing: Long baruamta tam tala mana, bing uharua ba “Moxongogua.” ’ ”
511	GEN 20:15	Baing Abimelek harua ba, “Ubagu titi longga baguli bing ngayuadi. Urung mana long baruamta murum mana.”
512	GEN 20:16	Baing harua na Sara ba, “Ubagu, ngasina siang silba 1,000 na moxongoma. Alali mogu lipu longgalo duwa ranguaung maxadingia ba oxola sibuna mauxangana.”
520	GEN 21:6	Baing Sara harua ba, “Urana hauli nga ba ngamasisi, saing lipu longgalo dilungu alali bagula dimasisi rangua nga.”
521	GEN 21:7	Saking harua ba, “Muga lipu gaxarea sanga ba bala Ebraham ba, ‘Sara bagula ta su na gara’? Ning ngahayau gara na bungina wa konga!”
524	GEN 21:10	Binabu harua na Ebraham ba, “Usuka haing oxata olanggama garanoa tang mala, namua na labu haing oxata olanggama garanoa ba xap xalingim telau tai! Bungina umati, garagua Aisak ing ganina bagula xap.”
526	GEN 21:12	Ne Urana harua na Ebraham ba, “Labu hatumingam mauxana mana garama haing oxata olanggama tanggu tai. Baraxing baraxinta Sara harua naung, bing ulibu, namua na garam xumana ngahau haruangua ranguaung manadi ba, bagula disok mana Aisak.
527	GEN 21:13	Ne bagula ngalibu haing oxata olanggam garang bakbagindi disok numanuma xauna, namua na garama xauna.”