54	GEN 2:23	Baing lipua harua ba, “Ina naga! Alaing riagu sibuna. Tuanoa tuaguamdi, xaung sangganoa sanggaguama. Bagula ngauxu ba, ‘Haing’, namua na Urana xap sangua Lup.”
70	GEN 3:14	Binabu Toxoratamona Urana harua na moxua ba, “Ulibu bila ba, binabu “Mauxanganoa xapkung ganim liwe mana moru longgalo xaung asaxa abunging longgalo! Bagula uhaxa gamomia saing bagula oxong gagap mana xaidap longgalo walingamia.
90	GEN 4:10	Binabu Toxoratamona harua ba, “Uraxata bila ba? Ulungu! Kixingima sibinoa wa titia ba wagi manga.
95	GEN 4:15	Baing Toxoratamona harua na ba, “Tegu! Nabu lipu tela unggung, bing bagula xap salaga dali ungia bila 7.” Baing Toxoratamona ta mogungua mana Ken, nam lipu tela sok mana bu ung mati.
195	GEN 8:11	Bungbung sibuna baing baxaliku goxoya ma muli, taranga xaiya olip long haun tela suxungunia! Baing ina naga, Noa xabia ba langa maxa ba.
231	GEN 9:25	bing harua ba, “Mauxanganoa bing xap Kenan! Bagula wa lipu oxata olanggam sibuna mana sabangandi.”
232	GEN 9:26	Baing harua xauna ba, “Taiti Toxoratamona yanoa, Siem Urana inia! Kenan bagula wa lipu oxata olanggam mana Siem.
317	GEN 12:18	Binabu Pero wagi Ebram ma saing harua ba, “Uria baru manga? Baruta ubaxanga maringina nanga te? Hainima baing!
318	GEN 12:19	Uharua ba, ‘Hamungagua’! Namua naga ngaxap bila hainigua. Ai, oxop hainima bu tang gala!”
365	GEN 15:4	Baing Toxoratamona sina haruangua na ba, “Tegu! Lipua li bagula xap xalingimdi te. Garam sibuna sok mana ung sibum sibima bagula xap xalingimdi.”
387	GEN 16:5	Baing Sarai harua na Ebram ba, “Namua mauxangana li xap nga bing ung baing! Nga ngata hainigu oxata olanggama ranguaung ba uhatabu. Baing ina naga, hatata xabia ba gamona, binabu hauxana manga. Ngawagi mana Toxoratamona ba suxuya gaxarea libu doa—ung kimbo nga!”
416	GEN 17:18	Baing Ebraham harua na Urana ba, “Bola unai mana Ismael xap guxamingama!”
431	GEN 18:6	Binabu Ebraham ila sap xahia rangua Sara saing harua ba, “Ugogolinga! Oxop wit gagabing (xai sibuna) minang tuwa! Uxugia usala salangadi.”
450	GEN 18:25	Labu uhatumia ulibu bila bau tai—ung lipu kubolu maringinamdi xaung lipu kubolu dianamdi xauna (di?)mati. Bagula bila ulibu kubolu taininau mana lipu kubolu maringinamdi xaung lipu kubolu dianamdi. Labu uhatumia ulibu bila bau tai! Lipu titi longgalo suxuyangadinggama bing libu maringina, maxuna?”
467	GEN 19:9	Ne dahaxuya ba, “Uhaya!” Baing daharua ba, “Yabanoa la li te, binabu maring ba suxuyamgu tai! Kubolua am galibu maung bagula doa sibuna mana kubolua am galibu mana dingtang!” Baing dahayuyu mala rangua Lot ba dutu saha xalua.
472	GEN 19:14	Baing ina naga, Lot ila rangua lipu luwadi dimogudi ba diyau nanuhangindi, saing baladi ba, “Tang gamesa sap bu asauya long sabangga li! Namua na Toxoratamona bo ba hanggalangia long sabangga liuba.” Ne gananuna tang dahagaxa ba harua halinga.
473	GEN 19:15	Long usianam, baing Urana uleginam luwadi dahaxi Lot ba, “Umesa sap! Oxop hainima xaung nanuhangim luwadi duwa la li mala. Nam usup rangua longga li lipuxindi bungina daxap doa.”
475	GEN 19:17	Tang daxaidi masok laing sup, baing hata sibuna li tela harua ba, “Aluki mala sap nam amati! Labu axugia saing abagu ma muliu tai. Xaung labu ayagua monga mana long gomanau tai! Aluki mala (mana) bimbia(di) sap nam asup!”
476	GEN 19:18	Ne Lot harua na dingtang ba, “O lipu sabanga luwa mana, tegu! Sanga ba ngalibu bila ba te.
499	GEN 20:3	Ne yambong tela Urana ma rangua Abimelek mibingia, saing bala ba, “Haxek sibuna bagula umati! Namua na haingga oxop ba yaungam.”
521	GEN 21:7	Saking harua ba, “Muga lipu gaxarea sanga ba bala Ebraham ba, ‘Sara bagula ta su na gara’? Ning ngahayau gara na bungina wa konga!”
524	GEN 21:10	Binabu harua na Ebraham ba, “Usuka haing oxata olanggama garanoa tang mala, namua na labu haing oxata olanggama garanoa ba xap xalingim telau tai! Bungina umati, garagua Aisak ing ganina bagula xap.”
549	GEN 22:1	Bunging tela disup, baing Urana tuba Ebraham. Wagi mana ba, “Ebraham!” Haxuya ba, “Ngawau.”
559	GEN 22:11	Baing tegu. Toxoratamona uleginama wagi masok ma long xaiya mana ba, “Ebraham! Ebraham!” Baing Ebraham haxuya ba, “Ngawau.”
600	GEN 24:8	Nabu hainga hauxana ba goxoya ma ranguaung, bing sangau, heku mana haruanga li uhau rangua nga ba. Ning labu oxop garagua mala la bau tai!”
623	GEN 24:31	Baing Laban harua ba, “Ung lipu tela Toxoratamona sina guxama na(ung)! Uma tala numia. Uli sabasabia li baru? Ngaxauxau numua xaung kameldi yabadinga masup.”
689	GEN 25:30	Harua na Yekop ba, “Sap! Oxop axamang sabuxana ubori ba ma bu ngaxang. Haringingagu sup saing gesagu sibuna.” (Binabu duxu yan tela ba Idom.)
691	GEN 25:32	Iso harua ba, “Laku, ngabo ba ngamatiuba! Yabagu matuaua sanga ba hauli nga baru?”
702	GEN 26:9	Binabu Abimelek wagi Aisak ma saing harua ba, “Si! Hainima baing! Baruta uharua ba, ‘Hamungagua’?” Aisak haxuya na ba, “Namua na ngahatum ba, ‘Nam ngamati namua na dibo ba daxap hainigua.’”
703	GEN 26:10	Baing Abimelek harua ba, “Uraxata mam! Nabu lipuxigu tela kinu rangua hainima, bagula ulibu am gaxap mauxanganoa mana kubolu diana ba!”
713	GEN 26:20	Ne Gerar lipuxiding morung wasanganamdi dahakhaxi rangua Aisak iniadi, daharua ba, “Langga li amia!” Binabu Aisak uxu lang banggumina ba Esek, namua na dahakhaxi rangua.
725	GEN 26:32	Mana xaidapka naga Aisak lipuxing oxatamdi dima saing dibaxanga mana lang banggumina diki, daharua ba, “Am gasok mana langa!”
761	GEN 27:33	Baing Aisak lulu haringing sibuna saing harua ba, “Ne menau gaxarea ida, xap asaxa ma saing su nanga? Ngaxang ba, menau uma teguyu baing. Ngasina guxama na, baing maxung sibuna ina bagula xap guxamga ba!”
762	GEN 27:34	Iso lungu tibuna haruanga ba, baing gamona mauxana buk saing xaba haringina, harua ba tibuna ba, “O tibugu! Usina guxama nanga xauna!”
764	GEN 27:36	Iso harua ba, “Namua naga yanoa Yekop. Tuxu muraga manga bunging luwa li. Muga xap yabagu matuaua naina, baing hatata xap guxamingagua naina!” Baing xusunga ba, “Ne guxama wauyu sanga mana usina nanga?”
766	GEN 27:38	Iso harua na tibuna ba, “Tibugu, ung guxamingam taininau ing ganina? O tibugu, usina guxama nanga xauna!” Baing Iso tang haringina.
773	GEN 27:45	Sabangama ating salianoa sup xaung halingalinga kubolua ulibu mana to, tauna bagula ngasina haruangua ba ugoxoya ma muli. Bola tang gamati mana xaidap taininau, ne xai te nabu ayanga na bila ba xap nga!”
821	GEN 29:25	Buraragina baing si! Lea baing! Binabu Yekop harua na Laban ba, “Uraxata manga? Ngawaxata ba ngayau Retsel, a? Baruta ulangua nga?”
832	GEN 30:1	Retsel bagu ba hayau gara tela na Yekop te, baing bagulinga mana hamunganoa. Binabu harua na Yekop ba, “Usina garadi nanga! Tegu bing ngamati.”
833	GEN 30:2	Yekop atin disala mana Retsel, saing harua ba, “Ngawa Urana te! Ina naga soxauti gamoma ba!”
842	GEN 30:11	Baing Lea harua ba, “Kubolu dalingam xap nga baing!” Binabu uxu yanoa ba Gad.
844	GEN 30:13	Baing Lea harua ba, “Gamogua yaha sibuna! Haingdi bagula duxu nga ba haing yahangam.” Binabu uxu yanoa ba Aser.
846	GEN 30:15	Ne Lea harua na ba, “Oxop ayuagu masup! Sanga maung te? Bagula oxop garagua mandirek marandi xauna?” Retsel harua ba, “Sangau. Sanga ba Yekop kinu ranguaung hatata yambong, nabu uhakhaxuya garam mandirek marandi nanga.”
888	GEN 31:14	Baing Retsel Lea tang dahaxuya ba, “Bungina tibumam mati, bagula am gaxap xalinging (sinaging) tela te. Tegu sibuna!
889	GEN 31:15	Kubolunoa libu mamtam bila tam (haing) titi telamdi! Namua na gotigamam xap sanga mana te. Tegu. Sahi olang sianga ugim na mamtam xauna!
900	GEN 31:26	Baing Laban harua na Yekop ba, “Uraxata? Utuxu muraga manga, saing uxai nanuhangigudi mala bila haungingua salak yabanamdi!
902	GEN 31:28	Baing tegu. Usina gangana ba ngalibu garagu ranggindi xaung nanuhangigudi, ngayungadi daxangia te. Kuboluma kakahang sibuna!
911	GEN 31:37	Usaisai masup mana xalingigu longgalo saing ubagu baraxinta ungia? Nabu ubagu xalingim tela, bing uta masok sabasabia li bakbagimdi bakbagigudi maxadingia, bu sanga ba disuxuya kitam baruamta maring!
913	GEN 31:39	Adi asaxa abungindi disingsingdi ba, ngaxapdi ma ngahatangadi naung te. Tegu. Nga sibugu ngagimdi naung! Uhaxi ba ngagim asaxa baruamta dahanaidi, heku dahanai xaidap kimbo yambong.
915	GEN 31:41	Bila balau niani 20 li ngawa numamia! Ngawaxata niani 14 bu ngaxap nanuhangim luwa, xaung naini 6 ngawaxata muli bu ngaxap sipsip meme bakbakkadi li. Baing uxugia giminagigua bunging 10!
924	GEN 31:50	Nabu ulibu doa mana nanuhangigudi kimbo nabu oxop haing tela muli, bing uhatumia muli ba, heku lipu tela bagu kubolura te, Urana bagu!”
931	GEN 32:3	Yekop bagudi baing harua ba, “Alali Urana tabalaxayanoa!” Binabu uxu longga ba yanoa Mahanaim.
1029	GEN 35:17	Makasanganoa sapsambagiak, baing haing hayauxingama harua na ba, “Umaxuwau tai, namua na uhayau lup tela muli!”
1104	GEN 37:20	Tala taung mati saing tating sangganoa mari mana lang bangguminadi li tela. Bagula taharua ba, ‘Asaxa abungin tela xang (masup).’ Baing ina naga, bagula tabagu mibingandi aningoding baru!”
1114	GEN 37:30	Goxoya mala rangua kixingindi saing harua ba, “Garua wa te! Bagula ngaraxata?”
1117	GEN 37:33	Bagu xabia saing harua ba, “Garagu imanging maxaxaya naga! Asaxa abunging tela xang (masup). Maxuna sing(sing) Yosep saha.”
1144	GEN 38:24	Bila sobak tuwa disup, baing dibala Yuda ba, “Longama Tamar libu kubolu miaxuama. Baing ina naga, hatata gamona.” Baing Yuda harua ba, “Axap mala tarama mati!”
1159	GEN 39:9	Ngawa yanam mugamugangama mana numa li. Lipuxigu haringina Soxauti nga mana axamang tela te, ung ganim, namua na ung hainima. Binabu ngalibu doa bila ba baru? Nabu ngalibu bila ba, bing ngalibu kubolu diang sibuna na Urana!”
1162	GEN 39:12	Haingga ba tuxu(ti) Yosep imanginoa saing harua ba, “Uma ukinu rangua nga!” Yosep tataguxa laing hasiana, ne yunga imanginoa rimania bungina giti mala sangua numua.
1164	GEN 39:14	baing wagi numang lipuxing oxatamdi saing harua nadi ba, “Abagu! Ayuagu xap Hibru tela ma rangua kira bu daudau kira! Luxu ma haxi ba kinu rangua nga, ne ngaxaba haringina.
1167	GEN 39:17	Baing naxuya na bila li: “Hibru oxata olanggama ba oxop ma rangua kira, ma rangua nga bu daudau nga!
1169	GEN 39:19	Yosep lipuxing haringinoa lungu naxuyangua mala, saing haininoa harua na ba, “Lipuxim oxata olanggama libu kubolua na bila ba nanga!” Bungina lungu alaba, atin disala haringina.
1200	GEN 41:4	Baing bulmakaudi bagungadingdi didoa xaung toatuading daxang bulmakaudi bagungadingdi daxai xaung dungmanangading 7 masup ba! Saking Pero baguti (muli).
1239	GEN 41:43	Baing bala Yosep ba rung etua mana wilka mogu mana lipuxing luwama. Lipudi dimuga mana saing duwagi ba, “Ahayaʼm daxangua!” Bila balau Pero ta Yosep etua mana Isip titing longgalo.
1262	GEN 42:9	Baing Yosep hatumia muli mibingan(a)di mipdi manadi. Baing harua nadi ba, “Ang lipu bagubagungamdi! Ama bu asaiʼm titimam hataing baruamtadi duwa olang.”
1265	GEN 42:12	Ne harua nadi ba, “Tegu! Ama bu asaiʼm titimam hataing baruamtadi duwa olang.”
1267	GEN 42:14	Ne Yosep haxi ba, “Bila ngabalang ba: ang lipu bagubagungamdi!
1269	GEN 42:16	Asoxi angia tela mala bu xap kixingima ma. Ne ang teladi bagula awa salak yabania, bu ngatuba haruangaima, ngabagu ba aharua maxuna kimbo tegu. Nabu tegu, bing ngahau haruangua maxung sibuna Pero yania, ang lipu bagubagungamdi baing!”
1275	GEN 42:22	Baing Ruben haxuya ba, “Ngabalang ba labu alibu kubolu diana na garuau tai. Maxuna? Ne alungu nga te. Bagu baing! Hatata sibing haxuyanganoa sok!”
1281	GEN 42:28	Harua na sabangandi kixingindi ba, “Abagu! Dahaxuya siangigua. Wa tangagia li!” Dilungu alaba baing aningodingdi dila baing. Dilulu, duxugia ranguading saing daharua ba, “Urana raxata makira?”
1288	GEN 42:35	Bungina dimatu tangadingdi mari, laku, lipu taining tainina siangin(di) (du)wa (la ba) maluxuʼm tanganoa baing! Baing bungina ding digabu tibuding dibagu siangidingdi, dimaxuwa sibuna.
1289	GEN 42:36	Tibudinga Yekop harua nadi ba, “Ang galibu garagudi dahanggalang! Yosep sup! Simion sup! Baing hatata abo ba axap Benyamin mala sangua nga xauna. Axadi bagudili duxukxugia manga!”
1312	GEN 43:21	Ne mana longga am gatongtongia tabalaxaya mana ba, am gaxaxa tangamamdi saing am taining tainina am gabagu siangamamdi mana tangamamdi xuadingia—taxa mana giminaginoa baing! Binabu am gaxap ma muli ranguam.
1330	GEN 44:5	Xuba naga yanamigua nung mana, xaung tuxu tuak mana, a? Kuboluima diang sibuna!’ ”
1332	GEN 44:7	Ne daharua na ba, “Lipuximam sabanga, uharua haruanga na bila ba baru? Am lipuxim oxatamdi sanga ba am galibu axamang tela bila ba te!
1333	GEN 44:8	Si! Uxabia ba sianga(di) (du)wa tangamamdi xuadingia am gaxap(di) titia Kenan ma muli. Binabu baruta bagula am gahanai silba kimbo gol mana yanamim(a) numania?
1357	GEN 44:32	Nga lipuxim oxatama ngahau haruangua ba ngawasa mana gananunoa. Ngaharua ba, ‘Tibugu, nabu ngaxap ma ranguaung muli te, bagula mauxanganoa taga manga maxamia bungingbunginalo!’
1359	GEN 44:34	Nabu gananunoa wa rangua nga te, bagula ngagoxoya mala muli rangua tibugu baru? Tegu! Nam ngabagu salaga xap tibugua.”
1360	GEN 45:1	Yosep tuba ba haringia hatuminganoa lipuxing oxatamdi maxadingia susu. Baing harua haringina ba, “Ang longgalo asok sabasabia!” Binabu ing ganina wa rangua sabangandi bungina hatangaina masok nadi.
1362	GEN 45:3	Baing Yosep harua na kixingindi ba, “Nga Yosep naga! Tibugu wauyu?” Ne sabangandi sanga ba dahaxuya te, namua na dimaxuwa buk (mana) li la ba maxadingia.
1371	GEN 45:12	“Bagu baing! Ang maxaimdi dibagu, kixingigu Benyamin maxandi xauna. Suxungugua naga harua nang baing!
1383	GEN 45:24	Baing soxi sabangandi mala, saing bungina dila, harua nadi ba, “Labu ahakhaxi daxangiau tai!”
1385	GEN 45:26	Baing dibala ba, “Yosep wauyu! Maxuna, wa Isip titing longgalo yanaminoa.” Yekop hatuminganoa rangaxak. Hatum haringina mana haruangadinga te.
1387	GEN 45:28	Baing Isrel harua ba, “Sangau! Garagua Yosep wauyu. Bing ngala ngabagu muga mana ngamati (teguyu).”
1389	GEN 46:2	Baing yambong Urana wagi mana Isrel mana axamang tela bila mibinga ba, “Yekop! Yekop!” Baing haxuya ba, “Ngawau.”
1436	GEN 47:15	Bungina Isipdi xaung Kenandi siangidingdi disup, Isipdi dila rangua Yosep saing daharua ba, “Uliam anging(u)a. Nam am gamati maxamia! Namua na siangimam longgalo disup.”
1463	GEN 48:11	Baing Isrel harua na Yosep ba, “Waleu ngahagaxa ba bagula ngabagu ramramoma muli te, ne hatata Urana libu ngabagu garamdi xauna!”
1481	GEN 49:7	Ngabo ba daxap doa mana atiding salianoa, namua na haring buk, xaung mana gamiangadinga, namua na doa buk! Bagula ngalibudi dutu ding mauli liwe mana Yekop bakbaginoa xaung duwa olang olang mauli mana titia Isrel.
1525	GEN 50:18	Baing sabangandi dima dituru mari titia maxania. Dahaura ba, “Am lipuxim oxata olanggamdi!”
1526	GEN 50:19	Ning Yosep harua nadi ba, “Labu amaxuwau tai. Sanga ba ngaxap Urana yabanoa? Tegu!
1561	EXO 2:6	Xaxa saing bagu gara kambagina ba, ina tang. Usi saing harua ba, “Si! Alali Hibru garang kambaging tela.”
1569	EXO 2:14	Lipua haxuya ba, “Gaxarea mogung ba uwa etua mam bila yanamimam xaung lipuximam suxuyangam? Baruta? Bola ubo ba ung nga bila ung Isipka ba?” Baing Moses maxuwa saing hatum ba, “Si! Kubolugua ngalibu lipudi daxabia baing.”
1584	EXO 3:4	Toxoratamona bagu ba kisi mala ba bagu, baing Urana wagi sangua xai kaxukanoa mana ba, “Moses! Moses!” Baing Moses harua ba, “Ngawau.”
1613	EXO 4:11	Baing Toxoratamona harua na ba, “Gaxarea sina lipudi suxungudingdi? Gaxarea libudi lipu tangalia haxatiandi kimbo lipu mumgutingamdi? Gaxarea libudi dibagu kimbo libudi lipu maxa haxatiandi? Nga naga, Toxoratamona! Maxuna?
1615	EXO 4:13	Ne Moses harua ba, “O Toxoratamona ngayua, ngaxusungaung ba, usoxi lipu tela mala!”
1625	EXO 4:23	saing ngabalaung ba, “Uyunga garagu (lup) ba ila, bu sanga ba sabu manga.” Nabu hauxama mana uyunga ba ila, umaxania to, bagula ngaung matuauma baing!’ ”
1637	EXO 5:4	Ne Isip(di) xaitamoxidinga harua na dingtang ba, “Moses Aron mana, alibu lipuadi disauya oxatadinga baru? Ahabatia (oxataima)!”
1649	EXO 5:16	Disina lik(di) na am lipuxim oxatamdi te, ne dahaxi mam ba, ‘Atongtongia birikdi!’ Ditahataham lipuxim oxatamdi, ne ung sibum lipuximdi dituxurara.”
1650	EXO 5:17	Ne Pero harua ba, “Ubuimdi daharing! Daharing baing! Namua naga aharuaharua ba, ‘Unai mana am gala am gahanania na Toxoratamona.’
1651	EXO 5:18	Ala ahabatia oxatua! Bagula axap lik(di) ranguam te, ning atongtongia birikdi disok mana raguna dimogu baing.”