82	GEN 4:2	Kimuya hayau kixinginoa Ebal. Tauna, Ebal sok lipu sipsip wasanganama, saing Ken sok lipu umangam(a).
84	GEN 4:4	Baing Ebal xauna xap hananiangua ma—sipsibing matuaudi mututungading oranamdi. Baing Toxoratamona yaha mana Ebal xaung hananianganoa,
88	GEN 4:8	Xaidap tela Ken bala kixinginoa Ebal ba, “Tala umangia.” Tang duwa umangia, baing Ken taha kixinginoa Ebal mati.
89	GEN 4:9	Baing Toxoratamona xusunga Ken ba, “Kixingima Ebal kabi?” Haxuya ba, “Ngaxabia te. Baruta? Nga kixingigua lipuxing wasangama?”
105	GEN 4:25	Adam kinu muli rangua haininoa, baing hayau gara lup tela. Harua ba, “Urana sina gara tela muli nanga ba xap Ebal yabanoa, namua na Ken ung mati.” Binabu uxu ba Set.
106	GEN 4:26	Set xauna garanoa, saing uxu ba Enos. Mana bungina baguba lipudi dungguti disabu mana Toxoratamona, duxu yanoa.
112	GEN 5:6	Set nianindi 105, baing xapsaxi Enos.
113	GEN 5:7	Set wa niani 807 muli kimuya mana xapsaxi Enos, saing xapsaxi gara teladi muli, lupdi xaung haingdi.
115	GEN 5:9	Enos nianindi 90, baing xapsaxi Kenan.
116	GEN 5:10	Enos wa niani 815 muli kimuya xapsaxi Kenan, saing xapsaxi gara teladi muli, lupdi xaung haingdi.
117	GEN 5:11	Bila balau Enos nianindi 905, saing mati.
239	GEN 10:4	Yaban garang lupdi bing: Elisa xaung Tasis. Kitdi xaung Dodandi disok mana Yaban xauna.
245	GEN 10:10	Long sabanggadi wa xatamoxi manadi muga bing: Babel, Erek, Akat xaung Kalne. Long sabanggadi ba duwa titia Sinar.
256	GEN 10:21	Siem Yapet sabanganoa, saing garang lupdi xauna. Siem Eberdi mugangadinga.
257	GEN 10:22	Siem garang lupdi bing: Elam, Asur, Arpaksat, Lud xaung Aram.
259	GEN 10:24	Arpaksat Sela tibuna, saing Sela Eber tibuna.
260	GEN 10:25	Eber garang lup luwa: Tela yanoa Pelek, namua na bungina wa lipu titiamdi dutu ding. Kixinginoa yanoa Yoktan.
281	GEN 11:14	Sela nianindi 30, baing xapsaxi Eber.
282	GEN 11:15	Kimuya mana xapsaxi Eber, Sela wa niani 403 muli saing garang teladi muli, haing xaung lup.
283	GEN 11:16	Eber nianindi 34, baing xapsaxi Pelek.
284	GEN 11:17	Kimuya mana xapsaxi Pelek, Eber wa niani 430 muli saing garang teladi muli, haing xaung lup.
293	GEN 11:26	Tera nianindi 70, baing xapsaxi Ebram, Nahor xaung Haran.
294	GEN 11:27	Tera bakbagindi bila li. Tera xapsaxi Ebram, Nahor xaung Haran. Baing Haran xapsaxi Lot.
296	GEN 11:29	Ebram Nahor tang diyau. Ebram haininoa yanoa Sarai, saing Nahor haininoa yanoa Milka, Haran nanuhanginoa. Haran Milka Iska tang tibuna.
298	GEN 11:31	Tera xap garanoa Ebram, longanoa Sarai (Ebram haininoa), xaung garang ranggina Lot (Haran garanoa), saing gabudi diyunga long sabangga Ur wa Kaldia titidingia, saing dibo ba dila titia Kenan. Ne dila daxanga lia disok mana longga Haran, saing dirung la ba.
300	GEN 12:1	Tauna, Toxoratamona harua na Ebram ba, “Usauya titima, bakbagimdi xaung tibum sibindi, saing ula mana titi tela bagula ngahatanga naung.
303	GEN 12:4	Binabu Ebram ila, bila Toxoratamona bala ba, saing Lot ila rangua. Bungina sauya longga Haran, Ebram nianindi 75.
306	GEN 12:7	Baing Toxoratamona owa masok mana Ebram saing harua ba, “Bagula ngasina titia li na bakbagima.” Binabu Ebram tongtongia kabukabu hananiangam tela la ba bu sabu mana Toxoratamona owa masok mana.
308	GEN 12:9	Sup, baing Ebram mesa ila muli, haxahaxa mala laing sok titia Negep.
309	GEN 12:10	Tauna, gesaga sok mana titia ba. Binabu Ebram ri mala Isip bu wa lobu la ba monga, namua na gesak sabanga sok.
310	GEN 12:11	Dila disok Isip raguna dibo ba diluxu, baing Ebram harua na haininoa Sarai ba, “Ulungu to. Ngaxabia ba ung haing gumanging sibuna.
313	GEN 12:14	Baing ina naga, bungina Ebram luxu Isip, Isipdi dibagu ba Sarai gumanging sibuna.
315	GEN 12:16	Pero libu xai mana Ebram namua na hatum ba Sarai moxongonoa, saing Ebram xap sipsipdi, bulmakaudi, donki monindi xaung hagaxandi, haing lup oxata olanggamdi, xaung kameldi.
316	GEN 12:17	Ne Toxoratamona libu businga sabangadi daxap Pero gabu lipu numanamdi, namua na xap Ebram haininoa Sarai.
317	GEN 12:18	Binabu Pero wagi Ebram ma saing harua ba, “Uria baru manga? Baruta ubaxanga maringina nanga te? Hainima baing!
319	GEN 12:20	Baing Pero tabina lipuxindi, binabu disuka Ebram mala, gabu haininoa xaung xailinging longgalo.
320	GEN 13:1	Binabu Ebram haing sangua Isip mala titia Negep, gabu haininoa xaung xalinging longgalo. Lot xauna ila rangua.
321	GEN 13:2	(Ebram xalinging xumana. Morung xumana, silba xaung gol xumana xauna.)
323	GEN 13:4	Longga baguba waleu tongtongia kabukabu hananiangama muga mana ba. La ba Ebram sabu mana Toxoratamona saing uxu yanoa muli.
324	GEN 13:5	Baing Lot haxahaxa rangua Ebram, ing xauna sipsibindi xaung memendi xaung bulmakau iniadi xaung lipuxing xumana.
326	GEN 13:7	Binabu gamiangua sok liwe mana Ebram morung wasanganamdi xaung Lot morung wasanganamdi. (Mana bungina baguba Kenandi xaung Peresdi duwa xauna mana titia baguba.)
327	GEN 13:8	Binabu Ebram harua na Lot ba, “Kitam sip taininau, binabu heku mauxanganoa wa liwe makira, xaung liwe mana morum wasangamdi xaung morugu wasangamdi.
331	GEN 13:12	Ebram rungguyu mana titia Kenan. Ne Lot ila rung liwe mana long sabanggadi duwa long gomania, saing tongtongia tabalaxainoa haxek mana long sabangga Sodam.
333	GEN 13:14	Lot sup mala, baing Toxoratamona harua na Ebram ba, “Umesa ubagu mauli mana sanga kanggua, sanga bukang, sanga karagia xaung sanga yuwaxa.
337	GEN 13:18	Binabu Ebram kisinga tabalaxainoa mala rung haxek mana longga Hebron, mana Mamre xaing sabangadi rubinia. La ba tongtongia kabukabu hananiangama bu sabu mana Toxoratamona.
338	GEN 14:1	Bila bungina baguba, xaitamoxi luwadi luwadi digugunia ba dahaunggana bixuadingdi. Yadingdi bing: Amrapel (xaitamoxi mana Sinar), Ariok (xaitamoxi mana Elasar), Kedorlaomer (xaitamoxi mana Elam) xaung Tidal (xaitamoxi mana Goyim).
342	GEN 14:5	Baing mana niani 14 Kedorlaomer gabu riandi xaitamoxi luwa hilianadi ba dila dahaunggana bixuadingdi. Mana daxangua (disok manadi teguyu), dahaunggana didali Repadi mana Longga Asterot Karnaim, Susdi mana longga Ham, Emdi mana Sabe Kiriataim,
343	GEN 14:6	xaung Hordi mana xaxagandi duwa mana titia Seir. Kedorlaoma gabu riandi dahaunggana bixuadinggadi ba mala laing titia El Paran, haxek mana long xoliana.
344	GEN 14:7	Sup, baing digoxoya mala muli mana longga En Mispat (yan tela Kades). Didali long longgalo maluxu mana Amalekdi titidinga, xaung didali Amordi duwa longga Hasason-Tamar xauna.
346	GEN 14:9	Kedorlaomer (xaitamoxi mana Elam), Tidal (xaitamoxi mana Goyim), Amrapel (xaitamoxi mana Sinar) xaung Ariok (xaitamoxi mana Elasar). Bila balau xaitamoxi luwadi luwadi dahaunggana luwadi luwadi hiliadinga.
349	GEN 14:12	Baing daxap Lot, Ebram sabanganoa garanoa, xaung xalingindi mala xauna, namua na wa Sodam.
350	GEN 14:13	Ne lipu tela giti mala sangua haungingua, ma rangua lipu Hibruama Ebram, saing baxanga na. Mana bungina baguba Ebram tabalaxainoa wa Mamre xaing sabangadi rubinia. Mamre Amor tela, kixinging luwa, yadingdi Eskol xaung Aner. Tung dahau haruangua rangua Ebram ba dahauli ding nabu haungingua sok.
351	GEN 14:14	Ebram lungu ba daxap sibinoa Lot mala, baing wagi lipuxing haungingamga 318 dima digugunia. Adi ba lipuxing oxatamdi disok numania xaung daxabia haungingua. Ebram gabu lipuxindi dila duxu xaitamoxi luwadi luwadi ba mala laing long sabangga Dan.
352	GEN 14:15	Baing yambong Ebram utu lipuxindi gugunianga gugunianga, saing dahaungganadi. Didalidi duxudi mala laing longga Hoba, wa long sabangga Damaskas sanga kanggua.
354	GEN 14:17	Ebram dali xaitamoxi Kedorlaomer gabu riandi laing sup, baing goxoya ma muli. Baing xaitamoxi mana Sodam sok ma bu gugunia mana Goma Sabe (yan tela Goma Xaitamoxi).
355	GEN 14:18	Baing Melkisadek xaitamoxi mana long sabangga Salem ma. Ina lipu hananiangam mana Urana Eta Loam Sibuna. Xap salanga xaung wain ma,
356	GEN 14:19	saing sina guxama na Ebram, harua ba, “Urana Eta Loam Sibuna, Lipua tongtongia long xaiya xaung titia, sina guxama na Ebram.
357	GEN 14:20	Urana Eta Loam Sibuna ta bixuamdi rimamia, binabu taiti yanoa.” Baing Ebram sina hataing 10 mana axamang longgalo xap haungingia na Melkisadek.
358	GEN 14:21	Xaitamoxi mana Sodam harua na Ebram ba, “Usina lipudi digoxoya nanga, ne oxop xalaxaladi naung.”
359	GEN 14:22	Ning Ebram harua na xaitamoxi mana Sodam ba, “Ngaiti rimagua bu ngahau haruangua rangua Toxoratamona, Urana Eta Loam Sibuna, Lipua tongtongia sabalauna xaung titi. Ngahau bila li:
360	GEN 14:23	Bagula ngaxap xalingim monga te. Tegu sibuna. Heku waxu ragangam kimbo waxu xai sangang raganganam. Nam kimuya uharua ba, ‘Ngalibu Ebram sok lipu xalaxalam.’
361	GEN 14:24	Bagula nga ngaxap axamang tela nanga te. Angingua lipuxigudi daxang masup, sanga ba. Ning uyunga riagu luwa hiliana dila rangua nga ba, Aner, Eskol, Mamre ba tung daxap sinagidingdi.”
362	GEN 15:1	Kimuya Toxoratamona sina haruangua na Ebram mana axamang tela bila mibingua. Harua ba, “Ebram, labu umaxuwau tai. Bagula ngawasa maung bila xai hataing tela soxauti maung mana haungingua, Haxuyangama bagula sabanga sibuna.”
363	GEN 15:2	Ning Ebram harua ba, “Toxoratamona Urana ngayua, Bagula usina baraxinta nanga, namua na nga garagu te? Lipua bagula xap xalingigudi bungina ngamati bing lipu Damaskasiam Elieser.”
364	GEN 15:3	Baing Ebram harua muli ba, “Bagu usina gara tela nanga te, binabu lipu numaguamga li bagula xap xalingigu longgalo.”
367	GEN 15:6	Ebram hatum haringina mana Toxoratamona, binabu uxu ba lipu maringina.
369	GEN 15:8	Ne Ebram harua ba, “O Toxoratamona Urana ngayua, bagula ngaxabia baru ba ngaxap titia li bila ngayua?”
372	GEN 15:11	Baing buntuk teladi diri mana asaxadi ba, ne Ebram xudi mala.
373	GEN 15:12	Xaidaba bo ba riuba, baing kinunga ung Ebram. Kinu hadali baing labiang sabanga kau, binabu maxuwanga sabanga xap.
374	GEN 15:13	Baing Toxoratamona harua na Ebram ba, “Ngabo ba uxabia sibuna ba garam ranggindi bagula duwa lipu titi telamdi mana titi tela dingia te. Bagula duwa lipu oxata olanggamdi la ba, saing bagula daxap salaga bila ba laing niani 400.
379	GEN 15:18	Mana xaidapka baguba Toxoratamona hau haruangua rangua Ebram, saing harua ba, “Ngasina titia li na garam ranggindi. Titi ragunoa bing ungguti mana langga Isip ila laing sok mana lang sabangga duxu ba Yupretis,
383	GEN 16:1	Tauna, Ebram haininoa Sarai hayau na te. Ne Sarai haining oxata olanggam tela, Isip tela yanoa Hagar.
384	GEN 16:2	Binabu Sarai harua na Ebram ba, “Ulungu nga to. Toxoratamona bili nga ba ngahayau. Ula ukinu rangua hainigu oxata olanggama. Bola bagula hayau gara nanga.” Baing Ebram lungu Sarai haruanganoa.
385	GEN 16:3	Binabu Ebram haininoa Sarai xap haining oxata olanggama Hagar, haing Isipkama, saing sina na ayuanoa Ebram bila haininoa. Mana xaidapka baguba Ebram wa mana titia Kenan niani 10.
387	GEN 16:5	Baing Sarai harua na Ebram ba, “Namua mauxangana li xap nga bing ung baing! Nga ngata hainigu oxata olanggama ranguaung ba uhatabu. Baing ina naga, hatata xabia ba gamona, binabu hauxana manga. Ngawagi mana Toxoratamona ba suxuya gaxarea libu doa—ung kimbo nga!”
388	GEN 16:6	Baing Ebram harua ba, “Ulungu nga to. Hainim oxata olanggama wa hawa maung. Binabu ulibu baraxing baraxinta uhatum ba xai mana.” Saking Sarai libu doa mana Hagar laing sauya mala.
397	GEN 16:15	Binabu Hagar hayau garang luba na Ebram, saing Ebram uxu yanoa ba Ismael.
398	GEN 16:16	Ebram nianidi 86 bungina Hagar hayau Ismael na.
399	GEN 17:1	Ebram nianindi 99, baing Toxoratamona owa masok mana, saing harua ba, “Nga Urana Haringing Sibuna. Bing ulibu kubolu maringing sibuna maxagia xaung oxola mana kubolu dian tela.
401	GEN 17:3	Baing Ebram gung king tuxundi mari, ta ramramonoa titia, saing Urana harua na ba,
403	GEN 17:5	Hatata ila bagula duxu yama Ebram te. Bagula duxung ba Ebraham. Namua na ngamogung ba usok numanuma xumana mugangadinga.
407	GEN 17:9	Baing Urana harua na Ebraham ba, “Ne ung ba, bing ung gusu mana haruangua ngahau ba, ung xaung bakbagimdi disok kimu bing asu mana.
413	GEN 17:15	Baing Urana harua na Ebraham muli ba, “Ne hainima Sarai ba, hatata ila uxu yanoa ba Saraiu tai. Yanoa bagula Sara.
415	GEN 17:17	Baing Ebraham gung king tuxundi mari, ta ramramonoa titia, saing masisi saing hatum ba, “Nianigudi 100. Bagula ngasok gara tibuna baru? Baing Sara nianindi 90. Bagula hayau gara baru?”
416	GEN 17:18	Baing Ebraham harua na Urana ba, “Bola unai mana Ismael xap guxamingama!”
420	GEN 17:22	Harua rangua Ebraham laing sup, baing Urana sauya.
421	GEN 17:23	Mana xaidapka naga Ebraham xap garanoa Ismael xaung lipuxing oxata olanggam longgalo dahayaudi numania xaung adi gimdi, lup longgalo duwa numania, xapdi mala saing xuxu sanggadingdi, bila Urana bala ba.
422	GEN 17:24	Ebraham nianindi 99 bungina duxuxu sangganoa,
424	GEN 17:26	Mana xaidapka naga duxuxu Ebraham Ismael tang sanggadingdi.
425	GEN 17:27	Baing duxuxu Ebraham lipuxing oxata olanggam longgalo sanggadingdi xauna, adi dahayaudi numania xaung adi gimdi rangua bakbak teladi. Duxuxu lup numanam longgalo rangua Ebraham.
426	GEN 18:1	Toxoratamona owa masok mana Ebraham muli mana Mamre xaing sabangadi rubinia. Xaidaba sala, saing Ebraham rung xahing xaluxinia.
431	GEN 18:6	Binabu Ebraham ila sap xahia rangua Sara saing harua ba, “Ugogolinga! Oxop wit gagabing (xai sibuna) minang tuwa! Uxugia usala salangadi.”