14	GEN 1:14	Baing Urana harua ba, “Luliandi disok sabalunia bu dahata xaidap xaung yambong. Namuxidingdi bing dahatanga nianigesakdi xaung xaidapdi xaung nianidi.
35	GEN 2:4	Naxuyanga li baxanga bungina sabaluna xaung titi disok, bungina Toxoratamona Urana tongtongia titia xaung sabaluna.
37	GEN 2:6	Ning uxua haing titia bu titi longgalo langiding.
48	GEN 2:17	ning labu oxong xai marandi mana xaiya sina xabianga mana xai xaung dianau tai. Namua na bungina oxong, maxuna bagula umati.”
51	GEN 2:20	Lipua sina yayadi na moru longgalo, mang sabalunam longgalo xaung asaxa abunging longgalo. Ne riang tela ba hauli lipua te.
60	GEN 3:4	“Ne moxua harua na hainga ba, “Tegu. Bagula amati te.
65	GEN 3:9	Ne Toxoratamona Urana wagi mana luba ba, “Uwa bi?”
66	GEN 3:10	Baing haxuya ba, “Ngalungung uhaxa umangia, saing ngamaxuwa namua na ngawa mulang. Binabu ngahisa.”
78	GEN 3:22	Baing Toxoratamona Urana harua ba, “Bagu luba sok bila kiria tela, namua na xabia xai xaung diana. Ne xai te nabu raria rimana saing kiri xai marandi mana xaiya sina walinga. Nam xang bu wa bungingbunginalo.”
87	GEN 4:7	Nabu ulibu xai, bagula ngaxapkung. Ne nabu ulibu xai te, bing kubolu diana yai xalumia, ragung usok baing. Muruna ba xapkung, ning uhaxi bu udali.”
89	GEN 4:9	Baing Toxoratamona xusunga Ken ba, “Kixingima Ebal kabi?” Haxuya ba, “Ngaxabia te. Baruta? Nga kixingigua lipuxing wasangama?”
95	GEN 4:15	Baing Toxoratamona harua na ba, “Tegu! Nabu lipu tela unggung, bing bagula xap salaga dali ungia bila 7.” Baing Toxoratamona ta mogungua mana Ken, nam lipu tela sok mana bu ung mati.
96	GEN 4:16	Binabu Ken ila sangua Toxoratamona maxanoa saing rung mana titia Nod. Titia ba wa Iden sanga karagia.
102	GEN 4:22	Sila xauna hayau gara lup tela, yanoa Tubal-Ken. Tongtongia axamang oxatamdi mana bras xaung ain. Tubal-Ken hamunganoa yanoa Nama.
103	GEN 4:23	Lamek harua na hainindi tang ba, “Ada Sila, tang galungu nga to, hainigudi axap haruangagua to. Ngaung lipu tela namua na taha nga, Gananung tela uda nga, binabu ngataha mati.
135	GEN 5:29	Baing harua ba, “Bagula tatua makasangaroa xaung salaga taxap mana titia li Toxoratamona sina guxam diana na. Binabu uxu ba Noa.
136	GEN 5:30	Lamek wa niani 595 muli kimuya mana xapsaxi Noa, saing xapsaxi gara teladi muli, lupdi xaung haingdi.
138	GEN 5:32	Noa nianindi 500, baing xapsaxi Siem, Ham, Yapet tung.
142	GEN 6:4	Nepildi duwa titia mana bungina baguba xaung kimuya xauna. Mana bungina baguba, adi duwa bila Urana dikinu rangua lipudi nanuhangidingdi, saing dahayau garadi. Lipuadi ba mugauamdi haringiding sibuna haungingia, saing ramramoding sabanga(di).
145	GEN 6:7	Binabu Toxoratamona harua ba, “Bagula ngasisia axamang longgalo ngatongtongiadi sangua titia—lipudi xaung asaxadi xaung asaxadi dahaxa mua titia xaung mang sabalunamdi. Namua na ayangagu sibuna ba ngatongtongiadi.”
146	GEN 6:8	Ne Toxoratamona yaha mana Noa.
147	GEN 6:9	Noa naxuyanganoa bing bila li. Noa lipu maringina. Liwe mana lipudi mana bungina baguba, xola mana kubolu diana. Noa haxa rangua Urana.
148	GEN 6:10	Noa garang tuwa, yadingdi bing Siem, Ham xaung Yapet.
149	GEN 6:11	Ne lipu titiamdi didoa sibuna Urana maxania, saing titia baxagi mana lipudi kuboluding dudunamdi.
151	GEN 6:13	Binabu Urana harua na Noa ba, “Ngahau hatumingagua ba ngasahi lipu longgalo, namua na dilibu titia baxagi mana kuboluding dudunamdi. Maxuna bagula ngahanggalangiadi xaung titi(a).”
156	GEN 6:18	Ne bagula ngahau haruangua ranguaung. Baing bagula uluxu wagia—ung xaung garamdi, hainima, xaung garamdi hainidingdi.
160	GEN 6:22	Noa libu bila ba. Libu axamang longgalo Urana tabina ba.
161	GEN 7:1	Baing Toxoratamona harua na Noa ba, “Uluxu wagia, ung xaung bakbagim longgalo, namua na ngabagung ganim umaring liwe mana lipu titiam longgalo.
165	GEN 7:5	Baing Noa libu axamang longgalo Toxoratamona tabina ba.
166	GEN 7:6	Noa nianindi 600 bungina silinga sabanga sok titia.
167	GEN 7:7	Baing ina naga, Noa gabu garandi, haininoa xaung dingtung hainidingdi diluxu wagia bu silingua xapdi te.
169	GEN 7:9	luwa luwa mana monindi xaung hagaxandi, ding dahaing wagia mala rangua Noa, bila Urana tabina Noa ba.
171	GEN 7:11	Bungina Noa nianindi 600, mana xaidap 17 mana sobak luwa, mana xaidapka ba titia xaxaina saing lang maxandi sililiga mahaing, saing sabaluna xaluxindi daxaxa ding.
173	GEN 7:13	Mana xaidapka baguba Noa gabu garang tuwadi Siem, Ham xaung Yapet, digabu haininoa xaung dingtung hainidingdi diluxu wagia.
175	GEN 7:15	Luwa luwa mana asaxa walingam longgalo dahaing wagia mala rangua Noa.
176	GEN 7:16	Asaxadi diluxu bing monindi xaung hagaxandi mana asaxa walingam longgalo, bila Urana tabina Noa ba. Dahaing masup, baing ina naga, Toxoratamona riba waga xaluxinoa.
183	GEN 7:23	Urana sisia axamang walingam longgalo sangua titia—lipudi xaung asaxadi xaung asaxadi dahaxa mua titia xaung mang sabalunamdi. Ding longgalo disup sibuna. Noa ing ganina wa, gabu adi duwa rangua wagia ba.
185	GEN 8:1	Ne Urana hatumia Noa muli xaung asaxa abungindi xaung morudi duwa rangua wagia. Baing libu yanga yubua titia, saing langa xaya xaya mari.
190	GEN 8:6	Xaidap 40 disup, baing Noa xaxa suanga tongtongia wagia,
193	GEN 8:9	Ne baxaliku bagu long tela ba yagua te, namua na langa baxagi mana long longgalo. Binabu goxoya ma muli rangua wagia. Ta rimanoa masok saing xap baxaliku muli maluxu wagia rangua.
195	GEN 8:11	Bungbung sibuna baing baxaliku goxoya ma muli, taranga xaiya olip long haun tela suxungunia! Baing ina naga, Noa xabia ba langa maxa ba.
196	GEN 8:12	Ragu xaidap 7 muli, baing soxi baxaliku mala muli. Ning bungina li, goxoya ma rangua muli te.
197	GEN 8:13	Noa nianindi 601, baing mana xaidap mugamugangama mana sobak mugamugangama mana niani baguba, langa mamasa titia. Baing Noa xaxa uronga hataing tela saing bagu ba titi ubunoa mamasa.
199	GEN 8:15	Baing Urana harua na Noa ba,
202	GEN 8:18	Binabu Noa ri mala, gabu garandi xaung haininoa xaung dingtung hainidingdi.
204	GEN 8:20	Baing Noa tongtongia kabukabu hananiangam tela ba hanania na Toxoratamona. Baing xap asaxa sigixingam teladi xaung mang sigixingam teladi, saing taudi mana ba hananiadi na Toxoratamona.
207	GEN 9:1	Baing Urana sina guxama na Noa xaung garandi, harua ba, “Axapsaxi asok xumana, saing abaxagi mana titia.
208	GEN 9:2	Maxuwanga sabanga bagula xap asaxa longgalo mana namua ang. Asaxa titiam longgalo, mang sabalunam longgalo, asaxa longgalo dahaxa mua titia xaung song tekkam longgalo bagula dimaxuwang. Ngatadi rimaimia.
210	GEN 9:4	“Ning labu axang asaxa mututungang sibinamgu tai. Siba bing walinga namu.
213	GEN 9:7	Ne ang ba, axapsaxi asok xumana, abaxagi mana titia saing asok xumana mana.”
214	GEN 9:8	Baing Urana harua na Noa gabu garandi ba,
217	GEN 9:11	Ngahau haruangua ranguang bila li: Bagula axamang walingam longgalo dimati silingia muli te. Bagula silinga tela muli sok ba hanggalangia titia te.”
219	GEN 9:13	Ngata moxa babuna mugabia, saing bagula wa mogunga mana haruangua ngahau liwe manga xaung axamang titiamdi.
223	GEN 9:17	Baing Urana harua na Noa ba, “Alali mogungua mana haruangua ngahau liwe manga xaung asaxa walingam longgalo duwa titia.”
224	GEN 9:18	Noa garang tuwa disok sangua wagua yadingdi bing Siem, Ham xaung Yapet. (Ham Kenan tibuna.)
225	GEN 9:19	Gara tuwadi ba Noa garandi, saing lipu longgalo etua mana titia li disok mana dingtung.
226	GEN 9:20	Noa lipu umangam, ina lipu mugamugangam mana xuma wain umanganoa.
230	GEN 9:24	Bungina Noa baguti saing hatuminganoa xai muli, saing lungu ba baru kubolunta garang kimuama libu mana,
233	GEN 9:27	Ngaxusunga Urana ba libu Yapet titinoa tubu, xaung ba libu bakbagindi dirung xai rangua Siem bakbagindi, xaung ba Kenan wa lipu oxata olanggam mana.”
234	GEN 9:28	Kimuya mana silingua Noa wa niani 350.
235	GEN 9:29	Noa nianindi disok 950, baing mati.
236	GEN 10:1	Noa garang tuwadi Siem, Ham xaung Yapet, bakbagidingdi bila li. Daxapsaxi gara xumana kimuya mana silingua.
243	GEN 10:8	Kus garang lup tela muli yanoa Nimrot. Ina lipu mugamugangam mana titia sok lipu haungingam haringina.
244	GEN 10:9	Ina lipu idangam haringina Toxoratamona maxania. Namua naga daharua ba, “Lipua li bila Nimrot, lipu idangam haringina Toxoratamona maxania.”
246	GEN 10:11	Sauya titia ba saing ila titia Asiria, saing tongtongia long sabanggadi li: Ninibe, Rehobotir, Kala
247	GEN 10:12	xaung Resen, long sabangga wa liwe mana Ninibe xaung Kala.
248	GEN 10:13	Isip tibuna mana bakbakkadi li mugangadinga: Lutdi, Anamdi, Lehapdi, Naptudi,
267	GEN 10:32	Bakbakkadi ba disok mana Noa garandi. Suxingadingdi bila ba, numanumadingdi bila ba. Mana bakbakkadi ba, numanuma longgalo disok manadi saing dila dirung mauli mana titi longgalo kimuya mana silinga sabangua.
273	GEN 11:6	Baing Toxoratamona harua ba, “Lipadi li bakbak taininau xuading taininau. Nabu dungguti ba dilibu bila li, bing bagula dilibu axamang longgalo dahau hatumingadinga ba dilibudi.
276	GEN 11:9	Namua naga duxu long sabangga ba Babel. Namua na Toxoratamona libu lipu titiam longgalo dahasuxi mana xuadinga. Baing utudi saing disup mala mana titi longgalo hataing hataina.
277	GEN 11:10	Siem bakbagindi bila li. Niani luwa kimuya mana silinga sabangua, Siem nianindi 100, baing xapsaxi Arpaksat.
289	GEN 11:22	Seruk nianindi 30, baing xapsaxi Nahor.
290	GEN 11:23	Kimuya mana xapsaxi Nahor, Seruk wa niani 200 muli saing garang teladi muli, haing xaung lup.
291	GEN 11:24	Nahor nianindi 29, baing xapsaxi Tera.
292	GEN 11:25	Kimuya mana xapsaxi Tera, Nahor wa niani 119 muli saing garang teladi muli, haing xaung lup.
293	GEN 11:26	Tera nianindi 70, baing xapsaxi Ebram, Nahor xaung Haran.
294	GEN 11:27	Tera bakbagindi bila li. Tera xapsaxi Ebram, Nahor xaung Haran. Baing Haran xapsaxi Lot.
296	GEN 11:29	Ebram Nahor tang diyau. Ebram haininoa yanoa Sarai, saing Nahor haininoa yanoa Milka, Haran nanuhanginoa. Haran Milka Iska tang tibuna.
297	GEN 11:30	Ne Sarai wa xuhi, garan te.
298	GEN 11:31	Tera xap garanoa Ebram, longanoa Sarai (Ebram haininoa), xaung garang ranggina Lot (Haran garanoa), saing gabudi diyunga long sabangga Ur wa Kaldia titidingia, saing dibo ba dila titia Kenan. Ne dila daxanga lia disok mana longga Haran, saing dirung la ba.
308	GEN 12:9	Sup, baing Ebram mesa ila muli, haxahaxa mala laing sok titia Negep.
310	GEN 12:11	Dila disok Isip raguna dibo ba diluxu, baing Ebram harua na haininoa Sarai ba, “Ulungu to. Ngaxabia ba ung haing gumanging sibuna.
316	GEN 12:17	Ne Toxoratamona libu businga sabangadi daxap Pero gabu lipu numanamdi, namua na xap Ebram haininoa Sarai.
318	GEN 12:19	Uharua ba, ‘Hamungagua’! Namua naga ngaxap bila hainigua. Ai, oxop hainima bu tang gala!”
320	GEN 13:1	Binabu Ebram haing sangua Isip mala titia Negep, gabu haininoa xaung xalinging longgalo. Lot xauna ila rangua.
322	GEN 13:3	Baing sauya Negep, haxahaxa mala laing sok mana longga Betel, mana longga wa lia mana Betel xaung Ai, longga waleu tabalaxainoa wa mana ba.
325	GEN 13:6	Ne titia ba sanga mana tang duwa xauna te, namua na tang xalingiding xumana buk.
328	GEN 13:9	Ubagu, titi sabangga li sangaʼm kitam. Xai ba tautu kira. Umogu ung murungama. Nabu ula xong, bagula ngala rimamo. Nabu ula rimamo, bagula ngala xong.”
331	GEN 13:12	Ebram rungguyu mana titia Kenan. Ne Lot ila rung liwe mana long sabanggadi duwa long gomania, saing tongtongia tabalaxainoa haxek mana long sabangga Sodam.
332	GEN 13:13	Ne Sodamdi diang sibundi, saing kuboluding diandi ditubu sibuna Toxoratamona maxania.
341	GEN 14:4	Haunginga namuxinoa bing Kedorlaomer haxi mana xaitamoxi luwadi luwadi hiliadinga ba digim takisia na. Bila bala laing niani 12. Ne mana niani 13 hauxading.
345	GEN 14:8	Ne adi muga hauxading mana ba, xaitamoxi mana Sodam xaung xaitamoxi mana Gomora xaung xaitamoxi mana Adma xaung xaitamoxi mana Seboyim xaung xaitamoxi mana Bela (longga ba yan tela Soar), ding dahaxa maxixinga mala saing digugunia gugunianga gugunianga mana Long Gomana Sidim ba dahaunggana
347	GEN 14:10	Ne Long Gomana Sidim baxagiʼm banggum koltamdi, saing bungina xaitamoxidi mana Sodam xaung Gomora bakbagidingdi dituba ba digiti mala, teladi xungdi mari manadi, ne teladi diluki mahaing mana xaxagandi.