5	GEN 1:5	Urana uxu luliana ba, “Xaidap,” saing uxu labiana ba, “Yambong.” Tauna, yambonga ila sup, buraragina sok—xaidap taininauba.
38	GEN 2:7	Baing Toxoratamona Urana tongtongia lipua mana titi gagabinoa. Yubua yang walingama maluxu yungxang gininginia, saing lipua sok lipu walingama.
45	GEN 2:14	Gatung tuwa yanoa Taigris, luki maluxu Asiria rubinia sanga karagia. Baing gatung luwa luwa yanoa Yupretis.
100	GEN 4:20	Ada hayau Yabal. Yabal bing adi duwa mana numa mokiamdi xaung adi moruamdi mugangadinga.
101	GEN 4:21	Kixinginoa yanoa Yubal. Yubal bing adi dahali hap xaung adi diyup panggeriang mugangadinga.
121	GEN 5:15	Mahalalel nianindi 65, baing xapsaxi Yaret.
122	GEN 5:16	Mahalalel wa niani 830 muli kimuya mana xapsaxi Yaret, saing xapsaxi gara teladi muli, lupdi xaung haingdi.
124	GEN 5:18	Yaret nianindi 162, baing xapsaxi Inok.
125	GEN 5:19	Yaret wa niani 800 muli kimuya mana xapsaxi Inok, saing xapsaxi gara teladi muli, lupdi xaung haingdi.
126	GEN 5:20	Bila balau Yaret nianindi 962, saing mati.
138	GEN 5:32	Noa nianindi 500, baing xapsaxi Siem, Ham, Yapet tung.
148	GEN 6:10	Noa garang tuwa, yadingdi bing Siem, Ham xaung Yapet.
173	GEN 7:13	Mana xaidapka baguba Noa gabu garang tuwadi Siem, Ham xaung Yapet, digabu haininoa xaung dingtung hainidingdi diluxu wagia.
224	GEN 9:18	Noa garang tuwa disok sangua wagua yadingdi bing Siem, Ham xaung Yapet. (Ham Kenan tibuna.)
229	GEN 9:23	Saking Siem Yapet tang daxap imanga saing doxoxi disui ubudingia mala numa mokiamia, saing daxabubua tibuding mulanginoa. Bungina dilibu bila ba, dibagu halianga bu dibagu tibuding mulanginoa te.
233	GEN 9:27	Ngaxusunga Urana ba libu Yapet titinoa tubu, xaung ba libu bakbagindi dirung xai rangua Siem bakbagindi, xaung ba Kenan wa lipu oxata olanggam mana.”
236	GEN 10:1	Noa garang tuwadi Siem, Ham xaung Yapet, bakbagidingdi bila li. Daxapsaxi gara xumana kimuya mana silingua.
237	GEN 10:2	Yapet garang lupdi bing: Gomer, Megok, Madai, Yaban, Tubal, Mesek xaung Tiras.
239	GEN 10:4	Yaban garang lupdi bing: Elisa xaung Tasis. Kitdi xaung Dodandi disok mana Yaban xauna.
251	GEN 10:16	Yebusdi, Amordi, Girgasdi,
256	GEN 10:21	Siem Yapet sabanganoa, saing garang lupdi xauna. Siem Eberdi mugangadinga.
260	GEN 10:25	Eber garang lup luwa: Tela yanoa Pelek, namua na bungina wa lipu titiamdi dutu ding. Kixinginoa yanoa Yoktan.
261	GEN 10:26	Yoktan garadi bagudi li tibuding: Almodat, Selep, Hasarmabet, Yera,
264	GEN 10:29	Opir, Habila xaung Yobap. Ding longgalo Yoktan garandi.
329	GEN 13:10	Baing Lot bagu mauli saing bagu Langga Yodan long gomang longgalo ila longga Soar titi orana. Langing xumana bila Toxoratamona umanganoa xaung bila titia Isip. (Bungina baguli muga mana Toxoratamona hanggalangia long sabangga Sodam xaung Gomora.)
330	GEN 13:11	Binabu Lot mogu Langga Yodan titing gomang longgalo naina. Baing ina naga, mesa ila sanga karagia. Bila balau tang dutu ding.
338	GEN 14:1	Bila bungina baguba, xaitamoxi luwadi luwadi digugunia ba dahaunggana bixuadingdi. Yadingdi bing: Amrapel (xaitamoxi mana Sinar), Ariok (xaitamoxi mana Elasar), Kedorlaomer (xaitamoxi mana Elam) xaung Tidal (xaitamoxi mana Goyim).
379	GEN 15:18	Mana xaidapka baguba Toxoratamona hau haruangua rangua Ebram, saing harua ba, “Ngasina titia li na garam ranggindi. Titi ragunoa bing ungguti mana langga Isip ila laing sok mana lang sabangga duxu ba Yupretis,
382	GEN 15:21	Amordi, Kenandi, Girgasdi, xaung Yebusdi.”
413	GEN 17:15	Baing Urana harua na Ebraham muli ba, “Ne hainima Sarai ba, hatata ila uxu yanoa ba Saraiu tai. Yanoa bagula Sara.
459	GEN 19:1	Yambong baing Urana uleginam luwadi ba tang disok mana long sabangga Sodam. Baing Lot rung mua gugunianga yabania haxek mana long sabangga ba xaluxinia. Bagudi, baing mesa ila ranguadi, saing gung king tuxundi turu mari titia.
467	GEN 19:9	Ne dahaxuya ba, “Uhaya!” Baing daharua ba, “Yabanoa la li te, binabu maring ba suxuyamgu tai! Kubolua am galibu maung bagula doa sibuna mana kubolua am galibu mana dingtang!” Baing dahayuyu mala rangua Lot ba dutu saha xalua.
491	GEN 19:33	Yambongga baguba baing tang dilibu tibuding nung wain laing kakahana, saing matuaua ila kinu rangua. Ne ina xabia ba nanuhanginoa ma kinu kimbo mesa ila te.
492	GEN 19:34	Buragina baing matuaua harua na kixinginoa ba, “Bunggu ngakinu rangua tibugu. Yambong bagula talibu nung wain laing kakahana muli. Baing ula ukinu rangua bu bakbagira bagula ilauyu xaung tibura bagula wa mugangadinga.
555	GEN 22:7	baing Aisak harua na tibuna Ebraham ba, “Tibugu?” Ebraham haxuya ba, “Ngawau.” Aisak xusunga ba, “Yaba xaiya tang duwau, ne sipsip tutubina mana hananianga taungam kabi?”
569	GEN 22:21	Yadingdi bing: Us matuaua, kixinginoa Bus, Kemuel (Aram tibuna),
570	GEN 22:22	Keset, Haso, Pildas, Yitlap, xaung Betuel.”
661	GEN 25:2	Hayau garadi li na Ebraham: Simran, Yoksan, Medan, Midian, Isbak xaung Sua.
662	GEN 25:3	Yoksan Seba Dedan tang tibuding. Dedan bakbakingdi Asurdi, Letusdi xaung Leumdi.
674	GEN 25:15	Hadat, Tema, Yetur, Napis xaung Kedema.
676	GEN 25:17	Ismael wa laing nianindi 137. Yaganganoa sup saing mati, saing kinu rangua mugangandi.
685	GEN 25:26	Sup, baing kixinginoa sok, rimanoa tuxu Iso king tambonga. Binabu duxu yanoa ba Yekop. Aisak nianindi 60 bungina Rebeka hayau haragaraganganadi ba.
686	GEN 25:27	Neng sabangandi ditubu, baing Iso ruanginoa yabina, lipu onganam. Ne Yekop lipu mamugina, wa tabalaxaya(u).
687	GEN 25:28	Aisak muruna mana Iso, namua na yaha ba xang asaxa abungindi xapdi. Ne Rebeka muruna mana Yekop.
688	GEN 25:29	Xaidap tela Yekop bori, baing Iso goxoya ongania ma. Haringinganoa sup saing gesaging sibuna.
689	GEN 25:30	Harua na Yekop ba, “Sap! Oxop axamang sabuxana ubori ba ma bu ngaxang. Haringingagu sup saing gesagu sibuna.” (Binabu duxu yan tela ba Idom.)
690	GEN 25:31	Ne Yekop harua ba, “Sangau, ne muga uyunga yabama matuaua mala rangua nga to.”
691	GEN 25:32	Iso harua ba, “Laku, ngabo ba ngamatiuba! Yabagu matuaua sanga ba hauli nga baru?”
692	GEN 25:33	Ne Yekop harua ba, “Uhau haruangua rangua nga to.” Binabu hau haruangua rangua saing yunga yabang matuaua na Yekop.
693	GEN 25:34	Baing Yekop sina salanga na Iso xaung anginga boringam sabuxana tongtongia mana lentil marandi. Xang nung, baing mesa ilauba. Bila balau Iso hatanga ba yabang matuaua axamang olang hatumingania.
717	GEN 26:24	Yambongga baguba Toxoratamona owa masok ranuga saing harua ba, “Nga Urana mana tibum Ebraham. Labu umaxuwau tai, namua na ngawa ranguaung. Bagula ngasina guxama naung saing bagula ngalibu bakbagimdi disok xumana, namua na ung lipuxigu oxatama Ebraham garanoa.”
727	GEN 26:34	Iso nianindi 40, baing yau Beri nanuhanginoa Yudit. Beri Hit tela. Xauna yau Elon nanuhanginoa Basemat. Elon Hit tela xauna.
734	GEN 27:6	Rebeka harua na garanoa Yekop ba, “Ulungu to. Ngalungulungu tibuma harua na sabangama Iso ba,
739	GEN 27:11	Yekop harua na bauna Rebeka ba, “Ne sabangagua Iso sanggandi bukbuxading ne ngaxola.
742	GEN 27:14	Binabu Yekop ila xapdi ma rangua bauna, saing xauxau anginga dauyana, bila tibuna muruna mana.
743	GEN 27:15	Baing Rebeka xap sabangua Iso imanging xai sibundi duwa numia, saing sausau nanunoa Yekop manadi.
745	GEN 27:17	Baing sina anginga dauyana xaung salanga xauxaudi ba na Yekop.
747	GEN 27:19	Yekop harua na tibuna ba, “Nga Iso garam matuaua. Ngalibu bila uharua baing. Umesa urung ba oxong asaxa teladi, bu sanga ba usina guxama nanga.”
749	GEN 27:21	Baing Aisak harua na Yekop ba, “Garagua, uma haxek bu ngaringgung bu ngaxabia ba maxuna ung garagua Iso, bo.”
750	GEN 27:22	Yekop ila haxek rangua tibuna. Baing Aisak ring, saing harua ba, “Waxungtuanoa Yekop inia, ne rimandi Iso iniadi.”
753	GEN 27:25	Baing Aisak harua ba, “Garagua, oxop ma rangua nga bu sanga ba ngaxang asaxua utau ba. Saking bagula ngasina guxamingagua naung.” Yekop xap ma rangua saing xang, saing xap wain ma xauna saing nung.
758	GEN 27:30	Aisak sina guxama masup, Yekop yunga tibuna Aisak saing sok mala, baing hata sibuna li sabanganoa Iso goxoya ma mana idanganoa.
764	GEN 27:36	Iso harua ba, “Namua naga yanoa Yekop. Tuxu muraga manga bunging luwa li. Muga xap yabagu matuaua naina, baing hatata xap guxamingagua naina!” Baing xusunga ba, “Ne guxama wauyu sanga mana usina nanga?”
767	GEN 27:39	Tibuna Aisak haxuya na ba, “Yabama bagula wa hasoya mana titi orana, hasoya mana hinaxaga ri etua long xaiya ma.
769	GEN 27:41	Tauna, Iso hauxang sibuna mana Yekop namua na tibuna sina guxama na kixinginoa bila ba. Binabu harua hatumingania ba, “Haxek bagula tibugu mati, baing sinianoa sok. Sup, baing bagula ngaung kixingigua Yekop mati.”
770	GEN 27:42	Ne dibaxanga sabangua Iso haruanganoa na Rebeka, binabu wagi garang nanunoa Yekop ma saing harua na ba, “Ulungu to. Sabangama Iso tatua atindi mana hatumingua bo ba unggung mati.
774	GEN 27:46	Baing Rebeka harua na Aisak ba, “Hauxagu sibuna mana haing Hittamgadi li. Nabu Yekop xap hainga liwe mana titia li moxong nanuhangindi, adi Hitdi bila haing luwadi li, bing ngabo ba ngamati.”
775	GEN 28:1	Binabu Aisak wagi Yekop ma saing sina guxama na. Baing tabina ba, “Labu oxop hainga rangua haing Kenangamgu tai.
779	GEN 28:5	Binabu Aisak soxi Yekop mala, saing ila Padan-Aram rangua Laban, Betuel garang luba, Aram tela. Rebeka moxongonoa, Iso Yekop tang bauding.
780	GEN 28:6	Tauna, Iso lungu ba Aisak sina guxama na Yekop saing soxi mala mana Padan-Aram bu xap hainga la ba. Lungu ba bungina Aisak sina guxama na, tabina ba labu xap hainga rangua haing Kenangamgu tai.
781	GEN 28:7	Lungu xauna ba Yekop lungu baungtibundi haruangadinga saing ila (mana) Padan-Aram.
784	GEN 28:10	Yekop yunga Berseba saing haxa mala mana longga Haran.
790	GEN 28:16	Yekop baguti (muli) saing harua ba, “Maxung sibuna Toxoratamona wa mana longga li, ne (muga/menau) ngaxabia (alaba) te.”
792	GEN 28:18	Buraraging sibuna Yekop xap sianga kinu toxonoa mari mana ba saing rang mali bu wa mogungua saing matu guxenga etua mana.
794	GEN 28:20	Baing Yekop hau haruangua rangua Urana, harua ba, “Nabu Urana bagula wa rangua nga xaung bagula wasa manga mana haxangagu li, xaung bagula sina anginga xaung imangdi nanga,
797	GEN 29:1	Baing Yekop haxa malauyu, saing ila sok mana titia mana lipu karagamdi.
800	GEN 29:4	Baing Yekop xusunga lipu sipsip wasanganamdi ba, “Riagu mana, yabaima bi?” Dahaxuya ba, “Yabamam Haran.”
802	GEN 29:6	Baing Yekop xusungadi ba, “Wa xai(yu)?” Daharua ba, “Wa xai(yu). Bagu nanuhanginoa Retsel ma xaung sipsipdi (lo).”
805	GEN 29:9	Yekop harua nadiyu, baing Retsel sok xaung tibuna sipsibindi, namua na ina haing sipsip wasanganama.
806	GEN 29:10	Yekop bagu toxongonoa Laban nanuhanginoa Retsel xaung Laban sipsibindi, baing ila tutuxuya sianga sangua lang bangguming xuanoa saing sina langa na toxongonoa sipsibindi.
807	GEN 29:11	Baing Yekop libu Retsel saing ungguti tang.
808	GEN 29:12	Baing Yekop bala Retsel ba tibuna sibinoa, xaung Rebeka garanoa. Binabu luki mala baxanga na tibuna.
809	GEN 29:13	Laban lungu ba toxongonoa Yekop ma, baing hata sibuna li luki mala masok mana. Yoxoa xaung libu saing xap ma numia. Baing Yekop naxuya na axadi disok mana.
810	GEN 29:14	Baing Laban harua na ba, “Maxung sibuna kitam sip tainina.” Yekop wa rangua sobak tela ila sup,
814	GEN 29:18	Yekop murung sibuna mana Retsel, binabu harua ba, “Bagula ngatuxu oxatama niani 7 to. Tauna, unai mana ngayau nanuhangima (nanuma) Retsel.”
816	GEN 29:20	Binabu Yekop waxata niani 7 ba xap Retsel, ne disup sap bila xaidap unrangina hatumingania, namua na muruna buk mana.
817	GEN 29:21	Disup, baing Yekop harua na Laban ba, “Usina hainigua nanga. Xaidabigudi disup, saing ngabo ba ngakinu rangua.”
819	GEN 29:23	Ning yambongga baguba xap nanuhanginoa Lea mala rangua Yekop, saing kinu rangua.
821	GEN 29:25	Buraragina baing si! Lea baing! Binabu Yekop harua na Laban ba, “Uraxata manga? Ngawaxata ba ngayau Retsel, a? Baruta ulangua nga?”
824	GEN 29:28	Binabu Yekop libu bila ba. Sahi sande baguba mana Lea, baing Laban sina nanuhanginoa Retsel na ba sok haininoa.
826	GEN 29:30	Baing ina naga, Yekop kinu rangua Retsel xauna, saing murungang sibuna mana Retsel dali murungang sibuna mana Lea. Baing tuxu Laban oxatanoa niani 7 muli.
827	GEN 29:31	Toxoratamona bagu ba Yekop muruna mana Lea buk te, baing hauli Lea ba gamona. Ne Retsel wa xuhi.
831	GEN 29:35	Gamona muli, saing hayau gara lup tela muli. Baing harua ba, “Hatata bagula ngaiti Toxoratamona yanoa.” Binabu uxu yanoa Yuda. Baing ina naga, Lea sup mana hayauxingua.
832	GEN 30:1	Retsel bagu ba hayau gara tela na Yekop te, baing bagulinga mana hamunganoa. Binabu harua na Yekop ba, “Usina garadi nanga! Tegu bing ngamati.”
833	GEN 30:2	Yekop atin disala mana Retsel, saing harua ba, “Ngawa Urana te! Ina naga soxauti gamoma ba!”