318	GEN 12:19	Uharua ba, ‘Hamungagua’! Namua naga ngaxap bila hainigua. Ai, oxop hainima bu tang gala!”
387	GEN 16:5	Baing Sarai harua na Ebram ba, “Namua mauxangana li xap nga bing ung baing! Nga ngata hainigu oxata olanggama ranguaung ba uhatabu. Baing ina naga, hatata xabia ba gamona, binabu hauxana manga. Ngawagi mana Toxoratamona ba suxuya gaxarea libu doa—ung kimbo nga!”
416	GEN 17:18	Baing Ebraham harua na Urana ba, “Bola unai mana Ismael xap guxamingama!”
467	GEN 19:9	Ne dahaxuya ba, “Uhaya!” Baing daharua ba, “Yabanoa la li te, binabu maring ba suxuyamgu tai! Kubolua am galibu maung bagula doa sibuna mana kubolua am galibu mana dingtang!” Baing dahayuyu mala rangua Lot ba dutu saha xalua.
475	GEN 19:17	Tang daxaidi masok laing sup, baing hata sibuna li tela harua ba, “Aluki mala sap nam amati! Labu axugia saing abagu ma muliu tai. Xaung labu ayagua monga mana long gomanau tai! Aluki mala (mana) bimbia(di) sap nam asup!”
521	GEN 21:7	Saking harua ba, “Muga lipu gaxarea sanga ba bala Ebraham ba, ‘Sara bagula ta su na gara’? Ning ngahayau gara na bungina wa konga!”
559	GEN 22:11	Baing tegu. Toxoratamona uleginama wagi masok ma long xaiya mana ba, “Ebraham! Ebraham!” Baing Ebraham haxuya ba, “Ngawau.”
600	GEN 24:8	Nabu hainga hauxana ba goxoya ma ranguaung, bing sangau, heku mana haruanga li uhau rangua nga ba. Ning labu oxop garagua mala la bau tai!”
703	GEN 26:10	Baing Abimelek harua ba, “Uraxata mam! Nabu lipuxigu tela kinu rangua hainima, bagula ulibu am gaxap mauxanganoa mana kubolu diana ba!”
713	GEN 26:20	Ne Gerar lipuxiding morung wasanganamdi dahakhaxi rangua Aisak iniadi, daharua ba, “Langga li amia!” Binabu Aisak uxu lang banggumina ba Esek, namua na dahakhaxi rangua.
725	GEN 26:32	Mana xaidapka naga Aisak lipuxing oxatamdi dima saing dibaxanga mana lang banggumina diki, daharua ba, “Am gasok mana langa!”
761	GEN 27:33	Baing Aisak lulu haringing sibuna saing harua ba, “Ne menau gaxarea ida, xap asaxa ma saing su nanga? Ngaxang ba, menau uma teguyu baing. Ngasina guxama na, baing maxung sibuna ina bagula xap guxamga ba!”
762	GEN 27:34	Iso lungu tibuna haruanga ba, baing gamona mauxana buk saing xaba haringina, harua ba tibuna ba, “O tibugu! Usina guxama nanga xauna!”
764	GEN 27:36	Iso harua ba, “Namua naga yanoa Yekop. Tuxu muraga manga bunging luwa li. Muga xap yabagu matuaua naina, baing hatata xap guxamingagua naina!” Baing xusunga ba, “Ne guxama wauyu sanga mana usina nanga?”
766	GEN 27:38	Iso harua na tibuna ba, “Tibugu, ung guxamingam taininau ing ganina? O tibugu, usina guxama nanga xauna!” Baing Iso tang haringina.
773	GEN 27:45	Sabangama ating salianoa sup xaung halingalinga kubolua ulibu mana to, tauna bagula ngasina haruangua ba ugoxoya ma muli. Bola tang gamati mana xaidap taininau, ne xai te nabu ayanga na bila ba xap nga!”
833	GEN 30:2	Yekop atin disala mana Retsel, saing harua ba, “Ngawa Urana te! Ina naga soxauti gamoma ba!”
842	GEN 30:11	Baing Lea harua ba, “Kubolu dalingam xap nga baing!” Binabu uxu yanoa ba Gad.
924	GEN 31:50	Nabu ulibu doa mana nanuhangigudi kimbo nabu oxop haing tela muli, bing uhatumia muli ba, heku lipu tela bagu kubolura te, Urana bagu!”
931	GEN 32:3	Yekop bagudi baing harua ba, “Alali Urana tabalaxayanoa!” Binabu uxu longga ba yanoa Mahanaim.
1029	GEN 35:17	Makasanganoa sapsambagiak, baing haing hayauxingama harua na ba, “Umaxuwau tai, namua na uhayau lup tela muli!”
1104	GEN 37:20	Tala taung mati saing tating sangganoa mari mana lang bangguminadi li tela. Bagula taharua ba, ‘Asaxa abungin tela xang (masup).’ Baing ina naga, bagula tabagu mibingandi aningoding baru!”
1144	GEN 38:24	Bila sobak tuwa disup, baing dibala Yuda ba, “Longama Tamar libu kubolu miaxuama. Baing ina naga, hatata gamona.” Baing Yuda harua ba, “Axap mala tarama mati!”
1159	GEN 39:9	Ngawa yanam mugamugangama mana numa li. Lipuxigu haringina Soxauti nga mana axamang tela te, ung ganim, namua na ung hainima. Binabu ngalibu doa bila ba baru? Nabu ngalibu bila ba, bing ngalibu kubolu diang sibuna na Urana!”
1162	GEN 39:12	Haingga ba tuxu(ti) Yosep imanginoa saing harua ba, “Uma ukinu rangua nga!” Yosep tataguxa laing hasiana, ne yunga imanginoa rimania bungina giti mala sangua numua.
1169	GEN 39:19	Yosep lipuxing haringinoa lungu naxuyangua mala, saing haininoa harua na ba, “Lipuxim oxata olanggama libu kubolua na bila ba nanga!” Bungina lungu alaba, atin disala haringina.
1239	GEN 41:43	Baing bala Yosep ba rung etua mana wilka mogu mana lipuxing luwama. Lipudi dimuga mana saing duwagi ba, “Ahayaʼm daxangua!” Bila balau Pero ta Yosep etua mana Isip titing longgalo.
1269	GEN 42:16	Asoxi angia tela mala bu xap kixingima ma. Ne ang teladi bagula awa salak yabania, bu ngatuba haruangaima, ngabagu ba aharua maxuna kimbo tegu. Nabu tegu, bing ngahau haruangua maxung sibuna Pero yania, ang lipu bagubagungamdi baing!”
1275	GEN 42:22	Baing Ruben haxuya ba, “Ngabalang ba labu alibu kubolu diana na garuau tai. Maxuna? Ne alungu nga te. Bagu baing! Hatata sibing haxuyanganoa sok!”
1281	GEN 42:28	Harua na sabangandi kixingindi ba, “Abagu! Dahaxuya siangigua. Wa tangagia li!” Dilungu alaba baing aningodingdi dila baing. Dilulu, duxugia ranguading saing daharua ba, “Urana raxata makira?”
1289	GEN 42:36	Tibudinga Yekop harua nadi ba, “Ang galibu garagudi dahanggalang! Yosep sup! Simion sup! Baing hatata abo ba axap Benyamin mala sangua nga xauna. Axadi bagudili duxukxugia manga!”
1360	GEN 45:1	Yosep tuba ba haringia hatuminganoa lipuxing oxatamdi maxadingia susu. Baing harua haringina ba, “Ang longgalo asok sabasabia!” Binabu ing ganina wa rangua sabangandi bungina hatangaina masok nadi.
1383	GEN 45:24	Baing soxi sabangandi mala, saing bungina dila, harua nadi ba, “Labu ahakhaxi daxangiau tai!”
1389	GEN 46:2	Baing yambong Urana wagi mana Isrel mana axamang tela bila mibinga ba, “Yekop! Yekop!” Baing haxuya ba, “Ngawau.”
1463	GEN 48:11	Baing Isrel harua na Yosep ba, “Waleu ngahagaxa ba bagula ngabagu ramramoma muli te, ne hatata Urana libu ngabagu garamdi xauna!”
1525	GEN 50:18	Baing sabangandi dima dituru mari titia maxania. Dahaura ba, “Am lipuxim oxata olanggamdi!”
1584	EXO 3:4	Toxoratamona bagu ba kisi mala ba bagu, baing Urana wagi sangua xai kaxukanoa mana ba, “Moses! Moses!” Baing Moses harua ba, “Ngawau.”
1615	EXO 4:13	Ne Moses harua ba, “O Toxoratamona ngayua, ngaxusungaung ba, usoxi lipu tela mala!”
1654	EXO 5:21	Baing daharua ba, “Toxoratamona bagu angtang galibu baru! Bagula suxuyang namua na alibuam gabuya Pero gabu yanamindi maxadingia. Bila tang gata waxang sabanga rimadingia bu dunggam mati baing!”
1668	EXO 6:12	Ne Moses harua na Toxoratamona ba, “(Bagu) Nabu Isreldi dilungu nga te, bing Pero bagula lungu nga baru? Namua na suxungugua mauxana!”
1739	EXO 8:24	Binabu Pero harua ba, “Sangau. Bagula nganai mana ala ahanania hananiangadi na Toxoratamona Urana angia long xoliania, ning sanga ba ala hasoya buk te. Tauna, axusunga haringina ba ngaxap haulingua hatata!”
1850	EXO 12:33	Isipdi dahaxi mana lipuadi ba dahatuatu disauya titidinga. Daharua ba, “Nam am longgalo am gamati!”
1895	EXO 14:5	Bungina Isip(di) xaitamoxidinga xap haruangua ba lipuadi digiti mala, Pero gabu yanamindi duxugia hatumingadinga manadi saing daharua ba, “Tayunga Isreldi ba dila baru? Bagula dituxu oxataroa muli te!”
1902	EXO 14:12	Ina naga am gabalaung ba bungina tawa Isip baing! Am gaharua ba, ‘Usup mana utautiti mam! Uyungam ba am gatuxu Isipdi oxatadinga. Xai buk mana am gatuxu Isipdi oxatadinga. Nam am gamati long xoliania!”
1986	EXO 17:2	Binabu dahakhaxi rangua Moses saing daharua ba, “Asina langa nam ba am ganung!” Moses haxuya ba, “Ahakhaxi rangua nga baru? Ata Toxoratamona tubaingia baru?”
2443	EXO 32:4	Xapdi sangua rimadingdi saing tongtongia babua manadi, mautadi saing matu mari bulmakau tutubing babunoa tongtongia ba, saing hamaringia xai waxangia. Baing daharua ba, “Ang Isrela mana, alali urana angia, xapkang mahaing sangua titia Isip!”
2447	EXO 32:8	Disauya daxangagua ngatabinadi ba disu mana ba sap. Ditongtongia nading bulmakau tutubing gol saing disabu mana saing dahanania na saing daharua ba, “Ang Isrel mana, alali urana kiria, xap kira mahaing sangua Isip!”
2463	EXO 32:24	Binabu ngabaladi ba, ‘Lipu gaxarea yauyaungang gol, bing unia.’ Baing disina goldi ba, saing ngating mari yabia, saing si, bulmakau tutubina li sok!”
2572	EXO 36:5	saing daharua na Moses ba, “Lipuadi daxap xalaxala xumana buk dima, saing sanga sibuna mana oxatua Toxoratamona tabina kira ba tatuxu!”
21901	DAN 3:25	Baing harua ba, “Si! Ngabagu lipu luwadi luwadi dahaxa maluxu yabia. Ne waxuadi hasiading saing yaba hanggalangiadi te! Baing lipu luwa luwa ba bagunganoa bila urana tela baing!”
21902	DAN 3:26	Baing Nebukadnesa ila haxek monga mana yap xaluxinoa saing wagi ba, “Satrak, Mesak, Abetnego! Angtung lipu oxatamdi mana Urana Eta Loam Sibuna, asok ma! Ama to!” Binabu disok ma sangua yaba.
21905	DAN 3:29	Binabu ngahanaunau bila li: Nabu lipudi mana numanuma tela, bakbak tela kimbo xuaxua tela ding daharungia Urana mana Satrak, Mesak, Abetnego, bing bagula ngatabina ba ditaxitaxidi xaung duxui numadingdi dahaxuru sangsangindi. Urana tela sanga ba xap muli bila li te!”
21950	DAN 5:7	Xaitamoxi(a) wagi lipu sintukkamdi, lipu hatung suxinganamdi, xaung lipu tuakkamdi ba dima maxania. Baing harua na Babilon lipu xabiangamgadi li ba, “Lipu gaxarea titi buninga li saing baxanga namuxinoa nanga, bagula ngasina imang xaitamoxiam sabuxana na ba sau, saing bagula ngahing gimunggimung gol waxungtuania. Bagula sok lipu yaya tuwama maluxu yonggaxigia!”
21990	DAN 6:17	Baing ina naga, xaitamoxi(a) tabina ba daxap Danyel ma diting mari layondi banggumidingia. Xaitamoxi(a) harua na Danyel ba, “Urana ungia usabusabu mana ba, murungagua bing bagula hauliung!”
22076	DAN 9:19	O Toxoratamona, ulungu! O Toxoratamona uyunga kubolumam diandi! O Toxoratamona ubaguam saing uhauliam! O Urana ngayua, yama wa mana long sabangga ungia xaung mana lipuximdi, binabu labu uhalisiu tai, bu lipudi daxabia ba yama sabanga!”
22631	JON 3:4	Xaidap mugamugangam Yona luxu mana longa, baxanga baxanga ba, “Xaidap 40 disup, baing Ninibe bagula hanggalang masup!”
23246	MAT 2:8	Soxidi mala longga Betlehem saing baladi ba, “Ala asai haringina mauli mana gara ba. Abagu laing sup baing agoxoya ma abala nga bu sanga ba ngamala ngasabu mana xauna!”
23275	MAT 3:14	Ne Yon tuba ba bili. Harua ba, “Baruta uma rangua nga? Taibu ung ba ung gusugua nga!”
23417	MAT 8:3	Baing Yesu ta rimanoa mala saing ring. Bala ba, “Nga murugu, usok sigixinga!” Hata sibuna li businga saksaxa sup mana.
23439	MAT 8:25	Lipudi dinaxu mana dila dahaunghaung, daharua ba, “Toxoratamona, uhauliam! Tabo ba tangarauba!”
23440	MAT 8:26	Harua nadi ba, “Baruta amaxuwa? Hatumingaim haringina kaxukana buk!” Baing mesa saing bili yanga xaung rubadi. Baing ina naga, tega manilu sibuna.
23451	MAT 9:3	Ne lipu hanaunaunga tubatubainganam teladi daharua nading ba, “Lipua li harungia Urana!”
23475	MAT 9:27	Yesu sauya longga baguba, baing lipu luwa maxa haxatiandi tang disu mana, saing duwagi ba, “Xaitamoxi Debit Garanoa ba, usingamtam!”
23476	MAT 9:28	Diluxuʼm numa wa mana ba, baing Yesu xusunga dingtang ba, “Tang gahatum haringina ba sanga ba ngahamaringangtang?” Tang dahaxuya ba, “Toxoratamona, wane!”
23692	MAT 14:26	Lipudi dinaxu mana dibagu haxa tek ubunia, baing dimaxuwa buk. Daharua ba, “Tauxai tela!” saing dimaxuwa sibuna daxaba.
23696	MAT 14:30	Ne bagu yang sabanga, baing maxuwa, saing ungguti da. Baing wagi ba, “Toxoratamona, uhauli nga!”
23699	MAT 14:33	Baing lipuxindi dinaxu mana duwa wagia diti yanoa. Daharua ba, “Maxung sibuna ung Urana Garanoa!”
23704	MAT 15:2	“Baruta lipuximdi dinaxu maung didali mugangaradi kuboludinga? Bungina dibo ba daxang, didamia rimadingdi maringina mana kubolua ba te!”
23727	MAT 15:25	Hainga ma saing gung king tuxundi maxania, xusunga muli ba, “Toxoratamona, uhauli nga!”
23729	MAT 15:27	Harua ba, “Toxoratamona, maxung sibuna. Ne axamang tela xauna maxunau, komadi daxang anginga xuxundi diri saxumingia bungina moxodingdi daxang kabukabia!”
23763	MAT 16:22	Baing Pita xap mala singia saing ungguti bili ba labu harua nadi bila bau tai. Harua ba, “Toxoratamona, tegu sibuna! Sanga ba sok maung te!”
23774	MAT 17:5	Pita haruauyu, baing mugap tela luliang sibuna kaudi, saing waxutu tela sok mugabia ma, harua ba, “Alali Garagu sibuna, nga murugu sibuna mana. Angtung galungu haruanganoa!”
23841	MAT 19:10	Lipudi dinaxu mana daharua na ba, “Nabu bila ba liwe mana neng mondi, bing xai sibuna lipudi diyau te!”
23880	MAT 20:19	Baing bagula dita Yuda Teguamdi rimadingia bu didaudau, digusi, dung mati xai balingamia. Ne kimuya mana xaidap tuwa bagula Urana iti mesa muli!”
23891	MAT 20:30	Lipu maxa haxatiang luwa dirung mua daxanga rubinia. Tang dilungu ba Yesu ma ila bila ba, baing duwagi ba, “Toxoratamona, Xaitamoxi Debit Garanoa ba, usingamtam!”
23892	MAT 20:31	Burangua dibili dingtang saing daharua ba, “Tang gadik!” Dibili susu, tang dahaxi buk saing duwagi sabanga ba, “Toxoratamona, Xaitamoxi Debit Garanoa ba, usingamtam!”
23904	MAT 21:9	Burangadi dimuga mana gabu burangadi disu mana ding duwagi ba, “Taiti Urana yanoa mana Xaitamoxi Debit Garanoa ba!” “Urana sina guxama na lipua li ma mana Toxoratamona yanoa ba!” “Taiti Urana Eta Loam Sibuna yanoa!”
23914	MAT 21:19	Bagu xai xangingam tela duxu ba pik daxanga rubinia. Ila haxek mana bu sai mana marandi, ne bagu londi ding ganiding duwa. Baing harua na xaiya ba, “Sanga ba ua muli te!” Baing hata sibuna li xaiya ba mutuxu.
24132	MAT 26:9	Xai nabu tasina na lipudi bu digim bu siangga ba tasina na lipu haxugindi. Giminaginoa sabanga sibuna!”
24158	MAT 26:35	Ne Pita haxi ba, “Heku nabu ngamati ranguaung, nga bagula ngahatiam maung te!” Baing lipu longgalo dinaxu mana, daharua taininau.
24169	MAT 26:46	Angtung gamesa, talauba! Abagu, lipua bo ba sina nga mala nadi, ina sok lo!”
24172	MAT 26:49	Binabu Yudas ila taxa rangua Yesu sap, saing harua ba, “Lipu Tubatubaingama, yambong xai!” saing libu.
24189	MAT 26:66	Ang gahatum baru?” Dahaxuya ba, “Lipu kubolu dianam! Bing mati mana kubolunoa!”
24195	MAT 26:72	Hatiam muli, harua ba, “Ngabaxanga Urana maxania ba ngaxabia lipua ba te!”
24197	MAT 26:74	Tauna Pita harua haringing sibunauba. Harua ba nabu langua bing sangau, wa haruangia rangua Urana, saing harua ba, “Maxung sibuna, Urana maxania, ngaxabia lipua ba te!” Baing ina naga, hata sibuna li muxaxua xatu.
24202	MAT 27:4	Baladi ba, “Ngalibu kubolu diana. Lipua ngata rimaimia ba libu kubolu dian tela te.” Dahaxuya ba, “Axamang amia te. Ung mauxangama baing!”
24220	MAT 27:22	Baing Pailat xusungadi ba, “Ne ngaria baru mana Yesu li duxu ba Urana Lipuxing Mogunganama?” Ding longgalo dahaxuya ba, “Ung mati xai balingamia!”
24221	MAT 27:23	Pailat xusungadi ba, “Baruta? Libu kubolu diang baruamta?” Ne duwagiwagi haringina ba, “Ung mati xai balingamia!”
24222	MAT 27:24	Pailat bagu daxap haruanganoa te. Ne bagu haunginga sabanga bo ba mesauba. Binabu xap mina langing tela saing damia rimandi lipudi maxadingia. Harua ba, “Sanga ba ngawa haruangia mana lipua li sibindi te. Ang mauxangaima baing!”
24223	MAT 27:25	Baing lipu longgalo dahaxuya ba, “Uyunga sibinoa wa mam am gagabu garamamdi!”
24227	MAT 27:29	Saking ditaling waxu ruxunam bila xaitamoxi muxubinoa saing dita toxonia. Dita nunu bila xaitamoxidi dituxu rimang rimamo, saing digung kiding tuxundi maxania bila duwa hawa mana saing didaudau ba, “Uwa bungingbunginalo, xaitamoxi Yuda dingia!”
24238	MAT 27:40	saing daharua ba, “Uharua bagula uxui Urana Numanoa mari, saing utongtongia muli mana xaidap tuwa, bing ung guhauliung! Nabu ung Urana Garanoa, bing uri ma sangua xai balingamga ba!”
24252	MAT 27:54	Lipu haungingamdi yanamidinga gabu lipu haungingamdi dili rangua duwasa mana Yesu, ding dibagu noxigua xaung axamang teladi disok, baing dimaxuwa sibuna. Daharua ba, “Maxung sibuna, lipua li Urana Garanoa naga!”
24308	MRK 1:24	“Yesu Nasaretiam, uma bu uraxata mam? Bola uma ba uhanggalangiam? Ngaxabiaunggu, ung Urana Lipuxing Mogu Naina!”
24309	MRK 1:25	Yesu bili ba, “Udik! Usok ma sangua lipua li!”
24311	MRK 1:27	Baing lipu longgalo dihixi mana, ne duxusunga liwe mading ba, “Baraxinta sok? Tubatubainga haun tela saing harua bila lipu yayam tela! Tabina xaungadi saing disu mana haruanganoa!”
24321	MRK 1:37	ne bungina disok mana, dibala ba, “Lipu longgalo disai maung!”
24325	MRK 1:41	Baing Yesu usinga sibuna, ta rimanoa mala saing ring, saing bala ba, “Nga murugu, usok sigixinga!”
24336	MRK 2:7	“Baruta lipua li harua bila ba? Harungia Urana! Gaxarea sanga ba yunga kubolu diandi? Urana ing ganina!”
24368	MRK 3:11	Baing bungina xaungadi dibagu, xungdi mari maxania saing daxaba ba, “Ung Urana Garanoa!”