65	GEN 3:9	Ne Toxoratamona Urana wagi mana luba ba, “Uwa bi?”
67	GEN 3:11	Baing xusunga ba, “Gaxarea balaung ba uwa mulang? Oxong xai marana mana xaiya ngabiliung mana ba?”
69	GEN 3:13	Saking Toxoratamona Urana xusunga hainga ba, “Uraxata ulibu bila ba?” Hainga harua ba, “Moxua tuxu murak manga, saing ngaxang.”
89	GEN 4:9	Baing Toxoratamona xusunga Ken ba, “Kixingima Ebal kabi?” Haxuya ba, “Ngaxabia te. Baruta? Nga kixingigua lipuxing wasangama?”
366	GEN 15:5	Baing xap masok sabasabia saing harua ba, “Ubagu mahaing sabalunia, saing utiti hatungdi. Sanga ba utitidi?” Baing harua na ba, “Bagula bakbagimdi disok xumang sibuna bila ba.”
369	GEN 15:8	Ne Ebram harua ba, “O Toxoratamona Urana ngayua, bagula ngaxabia baru ba ngaxap titia li bila ngayua?”
390	GEN 16:8	Baing harua ba, “Hagar, Sarai haining oxata olanggama, uma bi ma, saing ula bi?” Haxuya ba, “Ngasauya hainigu haringinoa Sarai saing ngaluki ma.”
415	GEN 17:17	Baing Ebraham gung king tuxundi mari, ta ramramonoa titia, saing masisi saing hatum ba, “Nianigudi 100. Bagula ngasok gara tibuna baru? Baing Sara nianindi 90. Bagula hayau gara baru?”
434	GEN 18:9	Duxusunga ba, “Hainima Sara kabi?” Haxuya ba, “Bagu wa xahi lunia.”
437	GEN 18:12	Baing ina naga Sara masisi naina saing hatum ba, “Nga xabati ba, xaung ayuagu duanga ba. Ne hatata bagula ngayaha bila li baru?”
450	GEN 18:25	Labu uhatumia ulibu bila bau tai—ung lipu kubolu maringinamdi xaung lipu kubolu dianamdi xauna (di?)mati. Bagula bila ulibu kubolu taininau mana lipu kubolu maringinamdi xaung lipu kubolu dianamdi. Labu uhatumia ulibu bila bau tai! Lipu titi longgalo suxuyangadinggama bing libu maringina, maxuna?”
453	GEN 18:28	Heku lipu maringinam 50, nabu ngaunia 5 mana titingadinga. Bagula uhanggalangia longga ba masup namua na 5 ba duwa te?” Baing Toxoratamona harua ba, “Nabu ngabagu lipu maringinam 45 duwa la ba, bagula ngahanggalangia te.”
454	GEN 18:29	Baing Ebraham harua muli na ba, “Bola 40 ding ganiding duwa la ba, bing baruta?” Baing Toxoratamona harua ba, “Mana namua 40 duwa, bing bagula ngalibu te.”
455	GEN 18:30	Baing Ebraham harua ba, “Toxoratamona, sanga ba atim disala manga te. Ne ngabo ba ngaharua muli. Bola 30 ding ganiding duwa la ba, bing baruta?” Baing Toxoratamona haxuya ba, “Mana namua ngabagu 30 duwa, bing bagula ngalibu te.”
456	GEN 18:31	Baing Ebraham harua ba, “Toxoratamona, ngaharua naung xumana bila ba, ne ngabo ba ngaharua muli. Bola 20 ding ganiding duwa la ba, bing baruta?” Baing Toxoratamona harua ba, “Mana namua ngabagu 20 duwa, bing bagula ngahanggalangia te.”
457	GEN 18:32	Baing Ebraham harua ba, “Toxoratamona, sanga ba atim disala manga te. Ne ngabo ba ngaharua bunging tela muli. Bola 10 ding ganiding duwa la ba, bing baruta?” Baing Toxoratamona harua ba, “Mana namua ngabagu 10 duwa, bing bagula ngahanggalangia te.”
506	GEN 20:10	Baing Abimelek xusunga Ebraham ba, “Mana baru namuxinta ulibu bila ba?”
543	GEN 21:29	Baing Abimelek xusunga Ebraham ba, “Baru namuxinta uta sipsip hagaxang tutubing 7 halianga?”
555	GEN 22:7	baing Aisak harua na tibuna Ebraham ba, “Tibugu?” Ebraham haxuya ba, “Ngawau.” Aisak xusunga ba, “Yaba xaiya tang duwau, ne sipsip tutubina mana hananianga taungam kabi?”
597	GEN 24:5	Lipu oxatamga ba xusunga ba, “Ne bola hainga hauxana ba goxoya ma titia li rangua nga. Bagula ngaxap Aisak mala la ba bu rung liwe mana bakbagimdi yabamia?”
609	GEN 24:17	Lipu oxatama luki masok rangua saing harua ba, “Sanga ba usina lang kaxukana borimia nanga bu nganung?”
615	GEN 24:23	Baing xusunga ba, “Ung gaxarea nanuhanginoa? Sanga ba ubala nga ba ganangana wa tibum numania sanga mana am gakinu yambong?”
635	GEN 24:43	Bagu baing ngali lang maxamaxana li rubinia. Nabu haing nanung tela sok ma bu xu lang, saing ngaharua na ba, “Sanga ba nganung monga mana borima?”
650	GEN 24:58	Binabu duwagi Rebeka ma, saing duxusunga ba, “Ubo ba ula rangua lipua li?” Baing harua ba, “Wane, bagula ngala.”
657	GEN 24:65	saing xusunga lipu oxatama ba, “Gaxarea haxa raxangia ma rangua kira?” Baing haxuya ba, “Lipuxigu haringinoa.” Binabu Rebeka xap toxong imanganoa saing saku ramramonoa.
681	GEN 25:22	Garadi dahaung lunia, saing harua ba, “Baruta alali sok manga?” Binabu ila ba xusunga Toxoratamona.
691	GEN 25:32	Iso harua ba, “Laku, ngabo ba ngamatiuba! Yabagu matuaua sanga ba hauli nga baru?”
746	GEN 27:18	Binabu ila rangua tibuna saing harua ba, “Tibugu.” Haxuya ba, “Wane. Garagua, ung baruamta?”
748	GEN 27:20	Aisak xusunga garanoa ba, “Garagua, usok mana sap baru?” Haxuya ba, “Toxoratamona Urana ungia libu idangagua aningona.”
752	GEN 27:24	Ne xusunga ba, “Maxung sibuna ung garagua Iso?” Haxuya ba, “Nga ba.”
760	GEN 27:32	Tibuna Aisak harua na ba, “Ung gaxarea?” Haxuya ba, “Nga garama. Garam matuaua Iso.”
764	GEN 27:36	Iso harua ba, “Namua naga yanoa Yekop. Tuxu muraga manga bunging luwa li. Muga xap yabagu matuaua naina, baing hatata xap guxamingagua naina!” Baing xusunga ba, “Ne guxama wauyu sanga mana usina nanga?”
765	GEN 27:37	Aisak haxuya na Iso ba, “Ngamogu ba wa lipu sabanga etua maung masup, xaung ngamogu ba bakbagindi dituxu oxatandi, xaung ngaharua ba bagula baxagi mana wit xaung wain. Garagua, bila balau, binabu baraxinta wauyu ba ngalibu maung?”
800	GEN 29:4	Baing Yekop xusunga lipu sipsip wasanganamdi ba, “Riagu mana, yabaima bi?” Dahaxuya ba, “Yabamam Haran.”
801	GEN 29:5	Xusungadi ba, “Axabia Laban, Nahor garanoa?” Dahaxuya ba, “Wane. Am gaxabiau.”
821	GEN 29:25	Buraragina baing si! Lea baing! Binabu Yekop harua na Laban ba, “Uraxata manga? Ngawaxata ba ngayau Retsel, a? Baruta ulangua nga?”
845	GEN 30:14	Tauna, bunging wit xauyanganam sok, baing Ruben ila umangia saing bagu mandirek marang teladi, saing xapdi ma rangua bauna Lea. Baing Retsel harua na Lea ba, “Garama madirek marandi ba, sanga ba usina teladi nanga?”
846	GEN 30:15	Ne Lea harua na ba, “Oxop ayuagu masup! Sanga maung te? Bagula oxop garagua mandirek marandi xauna?” Retsel harua ba, “Sangau. Sanga ba Yekop kinu ranguaung hatata yambong, nabu uhakhaxuya garam mandirek marandi nanga.”
861	GEN 30:30	Muga morumdi xumana buk te, ne hatata titingandi ditubu sibuna, saing Toxoratamona sina guxama naung long baruamta ngawa mana. Ning hatata raxata manga? Bungintabi sanga ba ngahauli nga sibugu bakbagigua?”
862	GEN 30:31	Laban xusunga ba, “Ubo ba ngasina baraxinta naung?” Haxuya ba, “Heku mana usina axamang tela nanga. Ne, nabu ulibu bila li manga, bagula (ngahaxang xaung) ngawasa mana murumdiyu. Hatumingagua bila li.
904	GEN 31:30	Ngaxabiau, ula namua na atima mana yabama. Ning uraxata uhanai urana ngayuadi babudingdi?”
956	GEN 32:28	Lipua xusunga ba, “Ung yama ga tela?” Haxuya ba, “(Nga) Yekop.”
958	GEN 32:30	Yekop harua ba, “Ubala nga yama.” Ne haxuya ba, “Uraxata uxusunga mana yagua?” Baing sina guxama la ba.
966	GEN 33:5	Baing Iso bagu mahaing saing bagu haingdi digabu garadi. Xusunga ba, “Adi li digabung gaxarea?” Yekop haxuya ba, “Urana atin dimoti manga, lipuxim oxatama, saing sina garadi li nanga.”
969	GEN 33:8	Iso harua ba, “Baruta mana morudi bakbagiding xumana menau ngasok manadi?” Haxuya ba, “Lipuxigu sabanga, ngasina yahanga li bu uhatum xai manga.”
976	GEN 33:15	Iso harua ba, “Sangau. Ne ngabo ba ngayunga lipuxigu oxatam teladi ranguaung bu daxapkang ma. Sangau?” Ne Yekop haxuya ba, “Heku. Lipuxigu sabanga, kubolua oxop nga uhatum xai manga sanga ba.”
989	GEN 34:8	Ne Hamor harua nadi ba, “Garagu Sekem atina taga mana nanuhangima. Sanga ba usina na bu tang diyau?”
1012	GEN 34:31	Ne tang dahaxuya ba, “Baruta? Xai mana libu kubolua na hamungamama bila haing daxangam?”
1092	GEN 37:8	Sabangandi daharua na ba, “Uhatum ba bagula usok xaitamoximama, a? Maxuna uhatum ba bagula uwa etua mam?” Baing ina naga, hauxangadinga mana tubu sibuna, namua na naxuya nadi mana mibinganoa bila ba.
1094	GEN 37:10	Naxuya na sabangandi ing ganina te. Naxuya na tibuna xauna. Ne tibuna gamia saing harua ba, “Mibingama na baru? Bagula ngagabu baum xaung sabangamdi am gama am gaturu mari (titia) maxamia, a?”
1099	GEN 37:15	baing lipu tela bagu haxa hasuxi mana titia ba, saing xusunga ba, “Usaiʼm baraxinta?”
1100	GEN 37:16	Haxuya ba, “Ngasai mana sabangagudi. Baru yabanta duwasa mana sipsibidinggadi daxangxangia? Sangaʼm ubaxanga nanga?”
1114	GEN 37:30	Goxoya mala rangua kixingindi saing harua ba, “Garua wa te! Bagula ngaraxata?”
1136	GEN 38:16	Binabu ila rangua daxanga rubinia saing harua ba, “Uma ngabo ba ngakinu ranguaung.” Ne bagu xabia ba longanoa te. Baing hainga xusunga ba, “Ne bagula usina baraxinta nanga bu ngakinu ranguaung?”
1138	GEN 38:18	Harua ba, “Bagula ngasina baraxinta naung bu mogu haruangagua?” Haxuya ba, “Raxuma hatanga yama mogunganoa xaung waxunoa, xaung tukia wa rimamia.” Binabu sinadi na saing kinu rangua. Baing gamona.
1145	GEN 38:25	Ne bungina daxap Tamar mala, sina ulega rangua longanoa harua ba, “Nga gamogu mana axadi bagudi li moxonoa. Ubagu axadi li xai to. Gaxarea raxuna hatanga yang mogunganoa xaung waxunoa xaung tukinoa li? Uxabia?”
1149	GEN 38:29	Ne bungina gara ba xai ramanoa maluxu muli, sabanganoa sok. Baing haingga ba harua ba, “Utu masok muga baru?” Binabu duxu yanoa ba Peres.
1180	GEN 40:7	Binabu xusunga Pero yanamidinggadi duwa salak yabania rangua ba, “Hatata ramramoimdi ayangading baru?”
1260	GEN 42:7	Yosep bagu sabangandi, saing hata sibuna li bagu xabiadi. Ne gau ba xabiadi te saing harua haringina nadi, xusungadi ba, “Ama bi?” Dahaxuya ba, “Am gama Kenan ma. Am gabo ba am gagim anginga.”
1281	GEN 42:28	Harua na sabangandi kixingindi ba, “Abagu! Dahaxuya siangigua. Wa tangagia li!” Dilungu alaba baing aningodingdi dila baing. Dilulu, duxugia ranguading saing daharua ba, “Urana raxata makira?”
1297	GEN 43:6	Isrel harua ba, “Baruta axap mauxangana li manga mana abaxanga na lipua ba kixingim tela wau?”
1298	GEN 43:7	Dahaxuya ba, “Lipua xusunga xusungam mam xaung bakbakgimama. Xusungam ba, ‘Tibuim wauyu? Kixingim tela?’ Binabu am gahaxuya xusungangandi. Si, bungina harua ba am gaxap kixingimama mari xauna, sanga ba am gaxabia bagula harua bila ba baru?”
1318	GEN 43:27	Baing Yosep xusungadi mana rungingadinga, saing xusungadi ba, “Tibuim, duanga abala nga mana ba, wauyu?”
1320	GEN 43:29	Bungina bagu mauli, bagu kixinginoa Benyamin, tang bauding taininau, baing xusunga ba, “Kixingim sibunoa li, gananuna abala nga mana ba?” Baing harua ba, “Garagua, ngaxusunga Urana ba atin dimoti maung.”
1340	GEN 44:15	Yosep harua nadi ba, “Alibu baru kubolunta (li)? Lipua na bila nga ba sanga ba ngatuxu tuak baing. Axabia alaba te?”
1362	GEN 45:3	Baing Yosep harua na kixingindi ba, “Nga Yosep naga! Tibugu wauyu?” Ne sabangandi sanga ba dahaxuya te, namua na dimaxuwa buk (mana) li la ba maxadingia.
1424	GEN 47:3	Pero xusunga neng sabangandi ba, “Baru oxatanta atuxu?” Dahaxuya ba, “Am lipuxim oxatamdi am lipu sipsip wasanganamdi bila mugangamamdi.
1429	GEN 47:8	baing Pero xusunga ba, “Nianimdi baru?”
1460	GEN 48:8	Isrel bagu Yosep garang tang, baing xusunga ba, “Adi li gaxarea iniadi?”
1551	EXO 1:18	Baing Isip xaitamoxidinga wagi haing hayauxinga haulingam luwa dima saing xusunga dingtang ba, “Alibu bila li baru? Baruta ayunga gara lupdi duwa?”
1562	EXO 2:7	Baing gara hamunganoa xusunga Pero nanuhanginoa ba, “Ubo ba ngala ngaxap Hibru haing tela ba sina su na gara kambaginoa maung?”
1568	EXO 2:13	Buragina, baing sok mala muli saing bagu Hibru luwa tang dahaung. Xusunga lipua mauxangang namua ba, “Baruta utaha riama Hibru li?”
1569	EXO 2:14	Lipua haxuya ba, “Gaxarea mogung ba uwa etua mam bila yanamimam xaung lipuximam suxuyangam? Baruta? Bola ubo ba ung nga bila ung Isipka ba?” Baing Moses maxuwa saing hatum ba, “Si! Kubolugua ngalibu lipudi daxabia baing.”
1573	EXO 2:18	Bungina haing nanunadi digoxoya mala rangua tibudinga Reuel, xusungadi ba, “Agoxoya ma sap hatata baru?”
1583	EXO 3:3	Binabu Moses harua ba, “Bing ngala yata lo bu bagu axa hixingamga li. Baruta xai kaxukana ba tau te?”
1591	EXO 3:11	Ning Moses harua na Urana ba, “Nga gaxarea (ba) sanga ba ngala rangua Pero xaung ngaxap Isreldi sangua Isip?”
1593	EXO 3:13	Baing Moses harua na Urana ba, “Nabu ngala rangua lipuadi Isreldi saing ngaharua nadi ba, ‘Urana mana mugangaimdi soxi nga ma ranguang,’ saing duxusunga nga ba, ‘Yanoa baru?’ bing bagula ngahaxuya nadi baru?”
1603	EXO 4:1	Baing Moses haxuya ba, “Ne, nabu dahatum haringina manga te, kimbo dilungu haruangagua te, daharua ba ‘Toxoratamona owa masok maung te’, bagula ngaria baru?”
1604	EXO 4:2	Toxoratamona harua na ba, “Ala wa rimamia (ba) baraxinta?” Haxuya ba, “Tuki(a).”
1647	EXO 5:14	Baing oxata lipuxing haringinamdi mana Pero ditahataha Isreldi dimogudi ba duwasa mana lipu oxata olanggamgadi, dahaxi manadi ba, “Baruta asok mana birikdi titiding ragunoa hatata kimbo nulau te bila nulana?”
1686	EXO 6:30	Ne Moses harua na Toxoratamona ba, “(Bagu) Suxungugua mauxana, binabu bagula Pero lungu nga baru?”
1785	EXO 10:7	Pero yanamindi daharua na ba, “Bunging maxaxaya baru bagula lipua li tuxu kira (muraginia)? Uyunga lubadi ba dila, bu sanga ba disabu mana Toxoratamona Urana dingia. Ai! Isip(ka) hanggalang. Ubagu uxabia (alaba) teguyu?”
1945	EXO 15:24	Binabu lipuadi dahati Moses ba, “Am ganung baraxinta?”
1955	EXO 16:7	Buragin to bagula abagu Toxoratamona ralanoa, namua na lungu ahati. Amtam gaxarea ba ahatiam ba?”
1986	EXO 17:2	Binabu dahakhaxi rangua Moses saing daharua ba, “Asina langa nam ba am ganung!” Moses haxuya ba, “Ahakhaxi rangua nga baru? Ata Toxoratamona tubaingia baru?”
1987	EXO 17:3	Ne langa ung lipuadi la ba, saing dahati Moses. Daharua ba, “Baruta oxopkam mahaing sangua Isip ba am gagabu garamamdi morumamdi am gamati waxutu mamasania?”
1991	EXO 17:7	Baing uxu longga ba Masa xaung Meriba namua na Isreldi dakhaxi xaung namua na dituba Toxoratamona bungina daharua ba, “Toxoratamona wa liwe mam kimbo tegu?”
2014	EXO 18:14	Longanoa bagu axamang longgalo Moses libudi mana lipudi, baing harua ba, “Uraxata ulibu bila li mana lipudi? Baruta ung sibum urung usuxuya mauxangandi bungina lipu xumanadi li dili taxiyaung buraragina laing bungbung?”
2460	EXO 32:21	Harua na Aron ba, “Lipuadi li dilibu baru bu uxaidi ba dilibu kubolu diang sibuna na bila li?”
2490	EXO 33:16	Nabu uma ranguam te, bagula bakbak teladi daxabia ba uyaha manga ngagabu lipuximdi baru? Ne nabu ula ranguam, alaba bagula hatanga ba ngagabudi am xan tela sibuna mana bakbak teladi duwa titia, maxuna?”
21842	DAN 2:15	Xusunga Ariok ba, “Xaitamoxi(a) tabina haringina bila ba baru?” Binabu Ariok baxanga na Danyel baraxinta sok ba.
21853	DAN 2:26	Xaitamoxi xusunga Danyel (yan hauna Beltesasa) ba, “Ung sanga ba ubaxanga axadi ngabagu mibingagia xaung naxuxinoa nanga?”
21891	DAN 3:15	Nabu bila ba, bagula ngasina ganangang taininau muli ing ganina ba agung kim tuxundi mari asabu mana babua ngatongtongia ba. Bungina alungu toxiadi, panggeriangadi, gitadi, hapdi, waguadi, xaung axamang olaiyamdi disau, nabu asabu mana, bing sangau. Ne tegu, bing hata sibuna li bagula ditinggang mari yap saliang sibunia. Baing urana baruamta sanga ba xapkang muli sangua rimagia?”
21900	DAN 3:24	Nebukadnesa bagu, baing hata sibuna li hixi mana axa bagu ba saing mesa li. Baing xusunga lipuxing hatuminga sinaikkamdi ba, “Lipu tuwadi tagoxidi tatingdi mari yabia, bo?” Baing dahaxuya ba, “Wane, O Xaitamoxi. Maxung sibuna.”
21941	DAN 4:32	Lipu titiam longgalo axamang olang, tawa bila ina te. Libu ing murunganoa mana bakbak sabalunama xaung mana lipudi duwa titia. Lipu tela sanga ba bili te kimbo su haruangua na bila li te: “Baruta ulibu bila ba?”
21986	DAN 6:13	Binabu dila rangua xaitamoxi(a) saing daharua na mana hanaunaungua tabina ba, “Xaitamoxi, ubung hanaunaunga tela harua ba mana xaidap 30 bing disabu maung ing ganina, saing lipu gaxarea disabu mana tela, heku urana tela kimbo lipu tela, bagula ditingdi mari layondi banggumidingia, maxuna?” Xaitamoxi(a) haxuya ba, “Wane, hanaunaunga naga, sanga mana Midia xaung Pesia hanaunaungadinga, sang sanga ba lipu tela hitixiya te.”
21994	DAN 6:21	Ma haxek banggumia baing hatum xumana buk saing wagi mana Danyel ba, “Danyel, ung ba Urana walingam lipuxing oxatanama! Urana ungia usabusabu mana ba, xapkung muli mana layondi, bo?”
22043	DAN 8:13	Baing ngalungu Urana uleginam tela harua, saing uleginam tela muli xusunga ba, “Bungintabi bagula axadi disok mana mibinga li disup? Bungintabi bagula hananianga xaidap taining taininam soxautingama sup? Bungintabi bagula kubolu diana xap hanggalangiangua ma sup? Bungintabi bagula sup mana kubulua wa etua mana Urana Numanoa xaung ruha Toxoratamona lipuxindi king ubunia?”
22156	DAN 12:6	Tela xusunga lipua sau imang sigixingang xai sibuna, lipua ba wa etua mana langa ba, “Bungintabi bagula axamang haringinadi li aningoding masup?”
22158	DAN 12:8	Ngalungu haruanganoa, ne ngaxabia namuxinoa te. Binabu ngaxusunga ba, “O Toxoratamona, axadi bagudi li bagula subingang baruamta?”