438	GEN 18:13	Baing Toxoratamona harua na Ebraham ba, “Baruta Sara masisi saing harua ba, ‘Nga muganga buk, binabu bagula ngahayau baru?’
606	GEN 24:14	Bagula ngaxusunga haing nanung tela ba, ‘Sanga ba uta borima mari bu nganung monga?’ Nabu harua ba, ‘Unung, saing bagula ngasina langa na kamelimdi xauna.’ Nabu bila ba, bing ngabo ba ina naga umogu (ma)na lipuxim oxatama Aisak. Nabu sok bila ba, bing bagula ngaxabia ba uhatanga kubolum xaiyua na lipuxigu haringina.”
631	GEN 24:39	“Baing ngaxusunga lipuxigu haringinoa ba, ‘Bola hainga hauxana ba goxoya ma rangua nga, bing (bagula) ngaraxata?’
637	GEN 24:45	“Ngasahi sabungagua hatumingagia teguyu, baing Rebeka sok ma, xoxi borinoa yaxunia. Ri mala lang maxamaxania saing xu lang, saing ngaharua na ba, ‘Sanga ba usina langa nanga bu ngagung?’
639	GEN 24:47	“Ngaxusunga ba, ‘Ung gaxarea nanuhanginoa?’ “Harua ba, ‘Nga Betuel nanuhanginoa, ina Nahor Milka tang garadinga.’ “Baing ngasu raxu yungxania saing ngata raxudi mana rimandi.
946	GEN 32:18	Hanaunau mugamugangama ba, “Bungina sabangagua Iso guguniaung saing xusungaung ba, ‘Ung gaxarea lipuxing oxatama? Ula bi? Ne morudi bagudi li gaxarea iniadi?’
1298	GEN 43:7	Dahaxuya ba, “Lipua xusunga xusungam mam xaung bakbakgimama. Xusungam ba, ‘Tibuim wauyu? Kixingim tela?’ Binabu am gahaxuya xusungangandi. Si, bungina harua ba am gaxap kixingimama mari xauna, sanga ba am gaxabia bagula harua bila ba baru?”
1344	GEN 44:19	Lipuxigu sabanga, muga uxusungam lipuxim oxatamdi ba, ‘Ang tibuima kimbo kixingima?’
1420	GEN 46:33	Bungina Pero wagiang ama saing xusunga ba, ‘Baru oxatanta atuxu?’
1593	EXO 3:13	Baing Moses harua na Urana ba, “Nabu ngala rangua lipuadi Isreldi saing ngaharua nadi ba, ‘Urana mana mugangaimdi soxi nga ma ranguang,’ saing duxusunga nga ba, ‘Yanoa baru?’ bing bagula ngahaxuya nadi baru?”
1843	EXO 12:26	Baing bungina garaimdi duxusungang ba, ‘Oxata li baru namuxinta?’
1882	EXO 13:14	“Mana xaidapkadi dimayu, bungina garama xusungaung ba, ‘Alali baru namuxinta?’ bing uharua na ba, ‘Mana rimang haringinoa, Toxoratamona xap kira masok sangua Isip, sangua titi oxata olanggama.
23382	MAT 6:31	“Binabu labu ahatum xumanau mana axadi bau tai. Labu aharua bila liu tai: ‘Bagula taxang baraxinta?’ kimbo ‘Bagula tanung baraxinta?’ kimbo ‘Bagula tasau baraxinta?’
23635	MAT 13:27	“Umanga moxona lipuxing oxatamdi dila rangua, saing daharua ba, ‘Lipu Sabanga, umanga uting wit xuyang xaidi mana baxagi mana tatubang diandi! Disok baru?’
23636	MAT 13:28	“Haxuya ba, ‘Bixua tela libu baing!’ “Lipu oxatamdi duxusunga ba, ‘Ubo ba am gala am gaxupdi?’
23829	MAT 18:33	Ngausinga maung baing. Binabu baruta usinga xauna mana riam oxatama te?’
23876	MAT 20:15	Nga siangigua, maxuna? Maring ba ngalibu murungagua mana. Nabu ngabo ba ngalibu kubolu xai na lipu teladi, bing uharungia nga baru?’ ”
23920	MAT 21:25	Tauna, bungina Yon sugua lipudi—Gaxarea sina yaya na bu libu? Urana kimbo lipudi?” Dahangixaya liwe mading ba, “Nabu taharua ba, ‘Urana sina,’ bing bagula xusunga kira ba, ‘Ne baruta ahatum haringina mana Yon te?’
23953	MAT 22:12	Xusunga ba, ‘Riagu, usau yauyaunga yaungamdi te. Uluxu ma baru?’ Ne lipua ba haruangan te.
24116	MAT 25:39	Bungintabi am gabagung ubusi kimbo uwa salak yabania saing am gala lobu ranguaung?’
24121	MAT 25:44	“Saking bagula dahaxuya ba, ‘Toxoratamona, bungintabi am gabagung gesagim kimbo waxumtuanoa mamasa kimbo uwa lipu long telama kimbo oxola mana imangdi kimbo ubusi kimbo uwa salak yabania, saing am gahauliung te?’
24464	MRK 5:31	Baing lipuxindi dinaxu mana daharua na ba, “Ai, ubagu lipudi dibura buk maung, ne baruta uxusunga ba, ‘Gaxarea ring nga?’ ”
24740	MRK 11:31	Dahangixaya liwe mading ba, “Nabu taharua ba, ‘Urana sina,’ bing bagula xusunga kira ba, ‘Ne baruta ahatum haringina mana Yon te?’
24837	MRK 14:14	Bungina abagu luxu mana numa tela, bing tang gabala numa moxonoa ba, ‘Lipu Tubatubaingama xusunga ba: Lobu numa lunam kabila mana ngaxang Taunga Dalingam angianoa rangua lipuxigudi dinaxu manga?’
25284	LUK 7:20	Baing dilauba. Dila disok mana Yesu, baing daharua ba, “Lipu Suguangama Yon soxiamtam gama ranguaung bu tam gaxusungaung ba, ‘Ung ba, ung lipua Urana mogu ba ma, kimbo am garagu mana telauyu?’ ”
25594	LUK 13:7	Binabu harua na lipua wasa mana wain umanganoa ba, ‘Niani tuwa ngama ngasaisai mana xaiya pikka li marandi susu. Utui mari! Sahi titi orandi baru?’
25612	LUK 13:25	Bungina numa moxona mesa riba xalua, bagula ali sabasabia, awagi saing axusunga haringina ba, ‘Lipu Sabanga, uxaxa xalua mam!’ “Ne bagula haxuya ba, ‘Ngaxabiang te. Yabaima bi?’
25654	LUK 14:32	Nabu sanga te, bungina bixuanoa wa hasoyauyu, bagula soxi ulekkamdi mala rangua bu duxusunga ba, ‘Ngaria baru bu tahau haruanga gamogamu taininam?’
25694	LUK 16:5	“Baing wagi lipu taining tainina haxuyangading duwauyu rangua lipuxing haringina dima. Baing xusunga mugamugangama ba, ‘Oxop baraxinta rangua lipuxigu haringina?’
25696	LUK 16:7	“Baing xusunga tela ba, ‘Ne, haxuyangama baru?’ “Haxuya ba, ‘Wit daba 100.’ “Bala ba, ‘Oxop xailongim baxangangam saing usisia ubung 80 ing ganina.’
25853	LUK 20:5	Dahangixaya liwe mading ba, “Nabu taharua ba, ‘Urana sina,’ bing bagula xusunga kira ba, ‘Ne baruta ahatum haringina mana Yon te?’
25944	LUK 22:11	saing aharua na numa moxonoa ba, ‘Lipu Tubatubaingama xusunga ba: Lobu numa lunam kabila mana ngaxang Taunga Dalingam angianoa rangua lipuxigudi dinaxu manga?’
26196	JHN 3:7	Uraxata uhixi mana haruangagua ba, ‘Bing axap hayauxinga luwa?’
26800	JHN 16:5	“Haxek sibuna bagula ngala rangua ina soxi nga ma, ne angia tela te xusunga nga ba, ‘Ula bi?’
27211	ACT 7:26	Buragina baing Moses sok mana Isrel luwa dahaung. Tuba ba libu tang atiding daxaringa, binabu harua ba, ‘Angtang ba! Angtang bakbak taininau. Baruta tang gabo ba ahanggalangiangtang?’
27213	ACT 7:28	Baruta? Ubo ba ung nga mati bila nulau ung lipu Isipkamga ba?’
27220	ACT 7:35	“Moses ba lipua naga Isreldi dihitixiya mana haruanga ba, ‘Gaxarea mogung ba usok yanam xaung lipu suxuyangam?’ Ina naga Urana ing sibuna soxi mala bu wa yanamidinga xaung xaidi ma sangua mauxangadinga. Ina naga Urana uleginama wa maluxuʼm xai kaxukana ba tabina.
27779	ACT 22:7	Xung nga mari titia saing ngalungu waxutu tela harua nanga ba, ‘Sol, Sol, baruta usina salaga nanga?’
27780	ACT 22:8	“Ngaxusunga ba, ‘O Toxoratamona, ung gaxarea?’ “Haxuya ba, ‘Nga Yesu Nasaretiam, usina salaga nanga.’
27782	ACT 22:10	“Ngaxusunga ba, ‘Toxoratamona, bagula ngaria baru?’ “Baing Toxoratamona harua ba, ‘Umesa to, uluxu Damaskas, saing baraxintadi ngamogu ba ulibudi, bing bagula ngasoxi lipu tela bu baxanga naung to.’
27906	ACT 26:15	“Baing ngaxusunga ba, ‘O Toxoratamona, ung gaxarea?’ “Baing Toxoratamona haxuya ba, ‘Nga Yesu, usina salaga nanga.
28262	ROM 10:6	Ning Urana Xuanoa harua mana daxanga hatuminga haringinama mana lipudi disok maringina bila li: “Labu uharua hatumingamia bila liu tai: ‘Gaxarea bagula haing mala long xaiya?’ ” (Xusunganga baguba namuxina bing gaxarea bagula haing mala saing xap Kristo mari.)
28263	ROM 10:7	“Kimbo labu uharua hatumingamia bila liu tai: ‘Gaxarea bagula ri mala lipu matiandi Mabidingia?’ ” (Xusunganga baguba namuxina bing gaxarea bagula ri mala bu iti Kristo mesa muli.)