339	GEN 14:2	idia hahaniosi eha tuari, Bera, Sodoma pavapavana, bona Birisa, Gomora pavapavana, bona Sinab, Adma pavapavana, bona Semebere, Seboimi pavapavana, bona Bela (ladana ta be Soara) pavapavana, e tuari henidia.
344	GEN 14:7	Bena e lou ema bona En-mispat (ladana ta be Kade); bena Amalek taudia edia tano e havahua, bona Amoro taudia Hasasono-tamara ai e nohova edia tano danu.
345	GEN 14:8	Bena Sodoma pavapavana bona Gomora pavapavana bona Adma pavapavana bona Seboimi pavapavana bona Bela (ladana ta be Soara) pavapavana e tore isi, Sidim kourana ela, tuari totona;
354	GEN 14:17	Kedoralaomere mai bamona ida e hadareredia, bena e lou ai na Sodoma pavapavana ida e hedavari Save kourana ai (Pavapava ena Koura).
1018	GEN 35:6	Bena Iakob na Lusu ai e kau (una na Betele ladana ta) Kanaan tanona ai, ia bona ena orea taudia iboudiai danu.
1030	GEN 35:18	Laumana ese e rakatania horana ai (badina be ia na una negana ai e mase), ia ese mero ladana e hatoa Benoni. Bena hahine na e mase. A tamana ese mero ladana e hatoa Beniamina.
1606	EXO 4:4	A Iehova ese Mose e haduaia, eto, Imamu a toia roro, iuna ai avabi. (Taunabunai, ia ese imana e toia roro, e abia, bena itotohi ai ma ela ia imana ai.)
1609	EXO 4:7	Dirava ma eto, Imamu na emu hahedoki lalonai ma a toia vareai lou. (Taunabunai, ia ese imana ma e toia vareai lou ena hahedoki ai, bena e veria lasi negana ai e itaia, vada e namo, kopina gunana heḡereḡerena.)
3814	NUM 5:21	(hahelaḡa tauna ese hahine ma baine taravaia, baineto) “Iehova ese kara havara toana bona taravatu itata-utuna toanaai baine halaomu emu bese taudia bogaragidiai; mamumu ruaosi bae mase, bona bogamu baine gudu;
4396	NUM 22:20	Bena hanuaboi ai Dirava ese Balaam e hahedinarai henia, eto, Ini taunimanima) ima na oi iboirimu vada ema. Vadaeni, a tore isi, idia ida baola; a lau ese baina hamaoromu heḡereḡerena ai mo ba karaia.
4758	NUM 32:38	bona Nebo bona Baal-meono (ini ruaosi ladadiae ha-idau) bona Sibma. Idia e hadai hanuadia na ladadia idaudia e henidia.
4798	NUM 33:36	Esiono-gebere amo e tore isi, ela, Sin tano-ḡaḡaena ai e taruha (ladanata be Kade).
4952	DEU 2:12	Hori taudia danu gunaguna Seiri ai e nohova, a Esau garana ese e luludia lasi, e habuadia tari, bona edia tano e abia, Israel na Iehova ese e henidia tanona e kara henia heḡereḡerena.)
4963	DEU 2:23	Avim besena danu unuheto: idia na hanua maraḡidia e noholai ela bona Gasa. A Kaftorim taudia na Kaftoro amo ema, e aladia ore, bena edia tano e abia.)
4986	DEU 3:9	(Hari Heremon ororona na Sidono taudia ese ladana e hatoamu “Sirion”, a Amoro taudia ese ladana e hatoamu “Seniri”).
4988	DEU 3:11	(Hari Og, Basan pavapavana, na Refaim tauna; Refaim taudia iboudiai vada e mase ore, ia mo noho. Ena mahuta patana na auri amo e karaia; ḡauna na do mia Raba ai, Amono taudia edia tano ai. Vaevae ita Israel tauda eda kiubit amo e hahetohoa, ena lata na kiubit taurahani-ta, bona ena lababana kiubit hani.)
4991	DEU 3:14	Iairi Manase ese Basan tanona, Aragob tanona idoinai ela bona Gesuru taudia edia tano bona Maakata taudia edia tano, e abia, unu tano hanuadia ladadia e hato “Havoto-iairi”, ia inemaina; ladana na unu e hatoa tomamu emabona hari.)
5054	DEU 4:48	Aroere, Aranon kourana isena ai, e matamaia, e laomu ela bona Sirion ororona (una na Heremon ladana ta);
5197	DEU 10:9	Una dainai Levi na asi ahuna tadikakana bogaragidiai. Ia ahuna na Iehova, Iehova, emui Dirava, ese e hamaoroa heḡereḡerena.)
5321	DEU 14:29	bena Levi tauna (badina be asi ahuna bona asi ena tano bogaragimui ai), bona noho-hedoa taunabona ihareha bona vabu emu hanua ai nonoho na baela, adia bae ha abi, bena bogadia bae kunu. Unuheto amo Iehova, emu Dirava, ese baine hanamomu, bona imamu amo e karamu karadia iboudiai baine hanamodia.
5375	DEU 17:9	hahelaḡa taudia Levi iduhuna amo bona hahemaoro dagina enai e miamu tauna vairadiai ba gini, ba nanadaidia. Bena idia ese bae haeroa bona) na bae haere henimui.
5602	DEU 27:15	Laulau ta au amo eiava nadi amo eiava auri amo e koroamu tauna na.bae uduguiraia. Unuhetomana, taunimanima imadia amo e karaiamu bona gabu hehunina ai e haginiamu, be Iehova ese e dadaraiamu. (Bena taunimanima iboudiai bae haere, baeto “Amen”.)
5603	DEU 27:16	Tamana bona sinana se matauraidiamu tauna na bae uduguiraia. (Bena taunimanima iboudiai baeto “Amen”.)
5604	DEU 27:17	Dekena tauna ena tano hetoana e raḡaiamu tauna na bae uduguiraia. (Bena taunimanima iboudiai baeto “Amen”.)
5605	DEU 27:18	Matakepulu tauna e koiamu, dala amo e hakaua sirimu, tauna bae uduguiraia. (Bena taunimanima iboudiai baeto “Amen”.)
5606	DEU 27:19	Idau tauna enai eiava ihareha enai eiava vabu enai hahemaoro e hagagevaiamu tauna na bae uduguiraia. (Bena taunimanima iboudiai baeto “Amen”.)
5607	DEU 27:20	Tamana adavana ida e eno boumu tauna na bae uduguiraia, badina be ia ese tamana vada e haida hahemaraia. (Bena taunimanima; iboudiai baeto “Amen”.)
5608	DEU 27:21	Mauri ḡauna idauna ta ida e eno boumu tauna a na bae uduguirai. (Bena taunimanima iboudiai baeto “Amen”.)
5609	DEU 27:22	Taihuna, tamana natuna eiava sinana natuna, ida e eno boumu tauna na bae uduguiraia. (Bena taunimanima iboudiai baeto “Amen”.)
5610	DEU 27:23	Rava bada hahinena ida e eno boumu tauna na bae uduguiraia. (Bena taunimanima iboudiai baeto “Amen”.)
5611	DEU 27:24	Dekena tauna e alaia mase hehunimu tauna na bae uduguriaia. (Bena taunimanima iboudiai baeto “Amen”.)
5612	DEU 27:25	Dava e abiamu, asi ena kerere tauna baine alaia mase totona, tauna na bae uduguiraia. (Bena taunimanima iboudiai baeto “Amen”.)
5613	DEU 27:26	Ini taravatu herevadia se abi daemu bona se badinamu tauna na bae uduguiraia. (Bena taunimanima iboudiai baeto “Amen”.)
5809	DEU 32:49	Abarim ororona ai ba dara dae. (Una ba Nebo ororona, Moab tanona ai, Ieriko hegaga hehenina ai.) Unu amo ba roha lao, Kanaan tanona, Israel taudia baina henidia edia tano ai bae halaoa tanona, ba itaia.
5911	JOS 3:16	Bena sinavai dorina amo e maiva ranuna na dauhai e gini tao, hanua ladana Adam badibadinai; una na Saretan kahana hanuana ta. A e laova, Araba gohuna (ladana ta be Tadi gohuna) e aru heniava ranuna e kororo. Bena Israel taudia na e raka hanai, Ieriko hegaga hehenina ai.
6135	JOS 12:3	Bona Araba tanona danu iena, Kineroto gohuna mairiveina kahana amo ela bona Bet-iesimoto, ela bona Araba gohuna (Tadi Gohuna), bona diho kahana tanona ela bona Pisga ororona badi-tanodia.
6141	JOS 12:9	Pavapava bini: Ieriko pavapavana, ta; Ai pavapavana (Ai be Betele badibadinai), ta;
6154	JOS 12:22	Kede pavapavana, ta; Iokoneam pavapavana (Iokoneam be Karamele ai), ta;
6155	JOS 12:23	Doro pavapavana (Doro be Nafata-doro ai), ta; Goimi pavapavana (Goimi be Gilgal ai), ta;
6212	JOS 15:8	En-rogele amo ma ela, Hinom natuna ena koura amo, ela bona Iebusu ororona (ladana ta be Ierusalem) diho kahana. Unu amo ma ela, ela bona Hinom kourana unukahana ororona dorina ai, lahara kahana ai, Refaim kourana dokona mirigini kahana ai.
6213	JOS 15:9	Una ororo dorina amo tano hetoana Ina ela, ela bona Nefetoa ranudia; ma unu amo ela, ela bona Efron ororona hanuadia; unu amo e hegeḡe lao, ela bona Baala (ia ladana ta be Kiriatiearimi).
6214	JOS 15:10	Ma Baala lahara kahana amo e heḡeḡe lao, ela bona Seiri ororona; bena learimi ororona (ladana ta be Kesalono) mirigini kahana amo ela, ela bona Bete-semese, bena Timuna badibadina amo ela.
6217	JOS 15:13	Iosua ese Kaleb lefune ahuna e henia Iuda iduhuna taudia bogaragidiai, Iehova ese e hagania hegereḡerena. Ia ahuna na Kiriat-araba (hari Araba na Anak tamana), ladana ta be Heberon.
6229	JOS 15:25	bona Hasoro-hadata bona Kerioto-hesron (ladana ta be Hasoro),
6253	JOS 15:49	bona Dana bona Kiriata-sana (ladana ta be Debiri),
6258	JOS 15:54	bona Humuta bona Kiriat-araba (ladana ta be Heberon), bona Sioro: hanua taurahani-ta mai edia hanua maraḡidia ida.
6264	JOS 15:60	Kiriata-baal danu (ia ladana ta be Kiriat-ieanmi), bona Raba: hanua rua mai edia hanua maraḡidia ida.
6308	JOS 18:13	Unu amo hetoa na diho kahana ela, Lusu (ladana ta be Betele) e lao henia, bena Lusu ororona nesena amo ela; unu amo e diho ela, ela bona Ataroto-adara, Bete-horono henu hanuana diho kahana ororona ai.
6309	JOS 18:14	Hetoa na diho kahana ma ela, Bete-horono diho kahana ororona lahara kahana amo ela, ela bona Kiriata-baal (ladana ta be Kiriat-iearimi) ai e hadoko. Una na Iuda iduhuna hanuana ta. Hetoa bunai, Iahara kahana ai.
6323	JOS 18:28	Sela; Ha-elaf; Iebusu (ladana ta be Ierusalem); Gibea; Kiriat-iearimi: hanua gwauta-hani, mai edia hanua maraḡidia ida. Beniamina taudia ahudia bunu, edia doḡoro ta ta ai.
6381	JOS 20:7	Taunabunai, idia na Kede, Galilea tanona ai, Napatali ororodia ai, bona Sekem, Efraim ororodia ai, bona Kiriat-araba (ladana ta be Heberon), Iuda ororodia ai, e abidia hidi.
6394	JOS 21:11	edia hanua ta be Kiriat-araba, Anak tamana Araba ena hanua, Iuda ororodia ai, (ladana ta be Heberon), mai ena rei gabudia ida.
6521	JDG 1:10	Iuda taudia danu ela, Kanaan taudia Heberon ai (una hanua ladana gunana be Kiriat-araba) e tuari henidia. Bena idia ese Sesai bona Ahiman bona Talmai e hadareredia.
6522	JDG 1:11	Unu amo ma ela, Debiri taudia e tuari henidia. (Debiri ladana gunana na Kiriata-sefere).
6534	JDG 1:23	Iosef taudia ese haida e siaidia, Betele bae hasinadoa. (Una hanua ladana gunana be Lusu.)
6688	JDG 6:32	Taunabunai, hari Gideon na una dina ai e nemaia Ierubu-baal (anina be “Baal ese baine ala-ala henia”), badina be ia ese Baal ena ihaboulaina patana e ḡiḡia dobi.
6697	JDG 7:1	Bena Ierubu-baal (una be Gideon) bona ia e bamoava taudia iboudiai na daba ai e tore isi, Harod ranu gabuna badinai e taruha. Midian taudia edia taruha na mirigini kahana ai, More ororona badina kourana ai.
6745	JDG 8:24	Gideon ma e hereva henidia, eto, Mani emui kara egu noinoi binai: umui ta ta ese gold gadeidia tuari ai o abi vada ba henigu. (Taiadia na mai gadeidia, hadina be idia na Ismael taudia).
6756	JDG 8:35	bona Ierubu-baal (una na Gideon) ena ruma taudia asie hanamodia, ia ese Israel e hanamoa davana asie kara.
6902	JDG 13:16	A Iehova ena aneru ese Manoa e haere henia, eto, Boma dogogu tao, to amui basina ania; a ḡole-oho boubouna boma heḡaeḡaelaia, vada ba hahelaḡaia Iehova ena. (Badina be Manoa lalona do se parara una na Iehova ena aneru).
7036	JDG 19:10	A Levi tauna na se ura unuseni ai baine mahuta. Ia na e tore isi, ela, Iebusu (una na Ierusalem ladana ta) vairanai e kau. Ia na mai ena donih rua, dorudia na mai helai-kau ḡaudia; ena hahine danu na ia ida.
7402	1SA 9:9	(Gunaguna tau ta Israel ai na Dirava inanadaina totona bema lao, ia bema toma “Aoma, mata-hanai tauna dekena aitala”; badina be ina harihari “peroveta” ta gwauraiamu tauna na gunaguna “mata-hanai tauna” e gwauraiava.)
8126	2SA 4:3	Beroto taudia na e heau, Gitaimi ela, unuseni ai e noho hedoamu ema bona hanhan).
8266	2SA 11:4	Taunabunai, David ese gwaukau taudia e siaidia, hahine na e abia; hahine na ia dekena ema, bena raruosi e eno bou. (Una negana ai, ia na hahine gorerena amo do e haheḡoevava). Bena hahine na ena ruma e lou lao.
8494	2SA 18:13	Ina danu, ena mauri bama hadikaia, (ḡau ta hanua pavapavana ena amo basine hehuni diba), oi na boma gini tabe.
8857	1KI 4:10	Ben-hesed, Aruboto ai, (Soko bona Hefere tanona idoinai na iena);
8858	1KI 4:11	Ben-abinadab, Nafata-doro idoinai lalonai, (ia ese Solomon natuna hane-ulatona Tafata e adavaia);
8859	1KI 4:12	Baana Ahilud, Taanak ai bona Megido ai bona Bete-seana idoinai lalonai, (una na Saretan badibadinai, Iesrele henunai, bona Bete-seana amo ela bona Abele-mehola, ela bona lokomeama unukahana);
8860	1KI 4:13	Ben-gebere, Ramoto-gilead ai, (ia na Iairi Manase ena hanua hidaosi Gilead ai, bona Aragob tanona Basan ai, e abidia, hanua badadia tauratoi-ahui mai maḡudia bona mai auri labora-laboradia);
8862	1KI 4:15	Ahimasa, Napatali ai, (ia ese Solomon natuna hane-ulatona Basemata e adavaia);
8866	1KI 4:19	Gebere Uri, Gilead tanona ai, (Amoro taudia edia pavapava Sihon bona Basan pavapavana Og edia tano bunai). Bona heitatao tauna ta danu na Iuda tanona ai.
9030	1KI 8:42	(badina be idia ese oi ladamu herea-daena bona oi imamu goadana bona imamu hetoi-rorona haridia bae kamonai), bena ina dubu baine vaira henia, baine ḡuriḡuri,
9034	1KI 8:46	Oiemu ai kara dika bema kara, (badina be dika se karamu tauna ta lasi), bena boma badu henidia, bona inaidia irnadia ai boma atodia, bena mai iguidia ida inaidia edia tano bema laohaidia, gabu daudau eiava kahikahi,
9071	1KI 9:17	Una dainai Solomon ese Gesere e haginia lou.) Bena Bete-horono, henu hanuana,
9348	1KI 18:4	bona Iesebel ese Iehova ena peroveta taudia e aladiava negana ai na Obadia ese peroveta taudia sinahu-ta e abidia, imahui imahui amo kohua ai e hunidia, bona aniani bona ranu e henidia.)
9375	1KI 18:31	Elia ese nadi gwauta-rua e abidia, Iakob natuna edia iduhu ihaheḡereḡeredia. (Una na Iehova ena hereva ienai e kau, eto. “Oi ladamu bae hatoa Israel”, tauna.)
9775	2KI 9:15	a King Ioram na vada e lou Iesrele, Hasaele, Suria pavapavana, e tuari heniava negana ai Suria taudia ese e haberoa berodia ihanamodia totona.) Taunabunai, Iehu eto, Bema lalomui na iniheto, bena ta na hanua amo basine heau helada, harina basine ha piua Iesrele ai.
9789	2KI 9:29	(Ioram, Ahaba natuna, ena lohia laḡanina ihagwauta-tana ai, Ahasia ese Iuda e lohiaia matama.)
9839	2KI 11:6	(a kaha ta be Suru ikoukouna ai bona kaha ta be gima taudia muridia ikoukouna ai), na pavapava ena ruma do ba gimaia;
10021	2KI 17:34	Una kara gunana heḡereḡerena mo e karaiamu ema bona ina dina. Iehova garina asie garimu, hahedua eiava hahemaoro herevadia eiava taravatu eiava Iehova ese Iakob (e nemaia Israel) natuna e henidia haheḡanina asie badinadiamu.
10168	2KI 22:19	o helalo kerehai bona Iehova vairanai o hahemanau; bona ina gabu mai inoholaina taudia ida ihadikalaidia herevadia na gwaurai, gabudia bae ḡagae bona heuduguirai gaudia ai baela nato, negana ai na emu dabua o dare bona vairagu ai o tai; una dainai (Iehova na e tomamu) lau ese danu name kamonai henimu.
10234	2KI 25:8	Hua iha-imana dinana ihahituna ai, (una na King Nebukadnesara, Babulono pavapavana, ena lohia laḡanina ihagwauta-taurahani-tana ai), Nebusaradana, hegima oreana biaguna, Babulono pavapavana ena hesiai tauna ta, na Ierusalem ai e kau.
10275	1CH 1:19	Ebere natuna mamaruanedia na rarua: ta ladana Peleg (badina be iena nega ai tano hetoadia e kara); ia tadina ladana na Iokotan.
10283	1CH 1:27	Abram (ladana ta be Abraham).
10359	1CH 2:49	Ia ese Saafa danu e havaraia (ia na Madamana tamana), bona Seva (ia na Makabena bona Gibea tamadia). Kaleb natuna hahinena na Aksa.
10360	1CH 2:50	Kaleb vevena bunu. Huru, Efrata natuna roboana, natuna: Sobal (ia na Kiriat-iearimi tamana)
10361	1CH 2:51	Salma (ia na Betelehem tamana); bona Harefe (ia na Bete-gadere tamana).
10406	1CH 4:17	Esera natuna: Ietere, Merede, Efere, Ialono. Ini na Bitia natuna, (ia na Farao natuna hahinena Merede ese e adavaia); hahine na e gaba manoka, bena natuna e havaradia, Miriama bona Samai bona Isiba, Estemoa tamana.
10411	1CH 4:22	Ia garana haida be lokimi bona Koseba taudia, bona Ioasa, bona Sarafa; hari Sarafa na Moab ai e lohia, bena e lou lao Leheme. (Ini na sene negadia ai e tore ḡaudia.)
10434	1CH 5:2	Ena be Iuda na mai goadana tadikakana bogaragidiai, bona lohia ta iena amo e vara, to roboa ahuna na Iosef ena.)
10496	1CH 6:23	Kora na Isahara natuna, Isahara na Kohat natuna, Kohat na Levi natuna, Levi na Israel natuna.)
10501	1CH 6:28	Simei na Iahata natuna, Iahata na Gereson natuna, Gereson na Levi natuna.)
10505	1CH 6:32	Semere na Mali natuna, Mali na Musi natuna, Musi na Merari natuna, Merari na Levi natuna.)
10520	1CH 6:47	Gereson taudia edia iduhu ta ta amo na hanua gwauta-toi e gwaurai henidia, Isakara bona Asere bona Napatali bona Manase (Basan ai) iduhudia amo.
10560	1CH 7:21	Tahata natuna na Sabada, Sabada natuna na Sutela); bona Esere, bona Eleada. Unu na Gata taudia, una tano ai vada e vara taudia, ese e aladia mase, badina be idia na e diho ela, edia boromakau ihenaodia.
10585	1CH 8:6	Ehud natuna bini (idia na Geba taudia edia iduhu kwaradia, gabeai e laohaidia, Manahata ai e hanohodia):
10586	1CH 8:7	Naaman, Ahia, Gera (ladana ta Hegelama); ia na Usa bona Ahihud tamadia.
10591	1CH 8:12	Elpala natuna: Ebere, Misama, Semede (ia ese Ono, bona Lod mai hanuana ida, e haginidia),
10592	1CH 8:13	bona Beria bona Sema (idia na Aialono taudia edia iduhu kwaradia, bona idia ese Gata taudia e hadareredia),
10611	1CH 8:32	bona Mikloto (ia na Simea tamana). Idia na varavaradia italaidia ai e nohova Ierusalem ai, tadikakadia ida.