67	GEN 3:11	Dirava Iehova eto, Daika ese e hamaorumu oi na ḡaḡaemu mo noho? Lau na haduamu basio ania nato huahuana vada o ania a?
71	GEN 3:15	Lau ese oi bona hahine baina haheinai hehenimui, oi garamu bona ia garana danu baina haheinai hehenidia. Ia ese oi kwaramu baine huaria, bona oi ese ia aena geduna ba tutua.
89	GEN 4:9	Bena Iehova ese Kain e nanadaia, eto, Tadimu Abel be edeseni ai? Ia na e haere, eto, Lau na asi dibagu; be, lau na tadigu igimana tauna a?
94	GEN 4:14	A laloa, oi ese hari dina ai tanobada kopina amo vada o lulugu oho, vairamu danu egu amo vada o hunia. Lau na heau bona loa kava taugu ai bainala tanobada ai; taunabunai, baine davarigu tauna ese baine alagu mase.
98	GEN 4:18	Enok natuna na Irad. Irad ese Mehuiael e havaraia, bona Mehuiael ese Metusael e havaraia, bona Metusael ese Lamek e havaraia.
99	GEN 4:19	Lamek e hodara: adavana ta ladana na Ada, ma ta ladana na Sila.
103	GEN 4:23	Bena Lamek ese adavana raruosi e hereva henidia, eto, Ada bona Sila, a hakala henigu! Adavagu raruosi e, egu hereva a kamonai! Tau ta ese e haberogu, na alaia; Tauhau ta ese e botagu, na alaia mase.
104	GEN 4:24	Kain dainai dava bae henia hahitu e tomu; Benaini, Lamek dainai dava bae henia hahitu-ahui hitu.
131	GEN 5:25	Metusela ena mauri laḡanidia na sinahu-ta taurahani-ahui hitu negana ai, ia ese Lamek e havaraia;
132	GEN 5:26	bena Lamek e vara murinai Metusela na laḡani sinahu-hitu taurahani-ahui rua e mauri nohova, natuna mamaruanedia bona hahinedia e havaradia.
134	GEN 5:28	Lamek ena mauri laḡanidia na sinahu-ta taurahani-ahui rua negana ai, ia ese natuna ta e havaraia,
136	GEN 5:30	Noa e vara murinai Lamek na laḡani sinahu-ima taurahani-ta-ahui ima e mauri nohova, natuna mamaruanedia bona hahinedia e havaradia.
137	GEN 5:31	Lamek ena mauri laḡanidia iboudiai na sinahu-hitu hitu-ahui hitu: bena e mase.
141	GEN 6:3	Bena Iehova eto, Lau laumagu na taunimanima lalodiai basine noho hanaihanai, badina be idia na hidio kavakava mo: edia mauri laḡanidia bae sinahu-ta ruahui hona.
197	GEN 8:13	Laḡani sinahu-tauratoi dikoana ta, hua gini-gunana ena dina gini-gunana ai, ranu na e kororo vaitani tanobada ai. Bena Noa ese lagatoi e kehoa, tanobada kopina e itaia, vada e kaukau.
200	GEN 8:16	Laḡatoi amo ba diho mai adavamu ida, bona natumu mai adavadia ida.
215	GEN 9:9	Lau o ina, egu taravatu umui bona murimui bae vara garamui na henimuimu;
223	GEN 9:17	Dirava ese Noa ma e hamaoroa, eto, Lauegu ai bona mauri ḡaudia iboudiai ediai na atuamu taravatuna toana binai.
248	GEN 10:13	Misraim ese e havaradia besedia bini: Ludim bona Anamim bona Lehabim bona Napatuhim
254	GEN 10:19	edia tano na Sidono amo e laomu ela bona Gasa, Gerara kahana ai, bona Lasa, Sodoma bona Gomora bona Adma bona Seboimi kahadia ai.
257	GEN 10:22	Sem natuna bini: Elam bona Asuru bona Afasad bona Lud bona Aram.
294	GEN 11:27	Tera garana bini: Tera ese Abram bona Nahoro bona Haran e havaradia. Haran ese Lot e havaraia.
298	GEN 11:31	Tera ese natuna Abram bona tubuna Lot, Haran natuna, bona ravana Sarai, Abram adavana, e abidia, Kaldea taudia edia hanua, Uru, amo e hakaudia lasi, Kanaan tanona baela eto. Bena gabu ta ai e kau, ladana Haran, unuseni ai e noho.
301	GEN 12:2	Lau ese bese badana ai baina halaomu; baina hanamomu, ladamu baina imodaia, hahenamo tauna ai baola.
303	GEN 12:4	Bena Abram na vada ela, Iehova ese e haduaia heḡereḡerena; Lot danu ia ida ela.
304	GEN 12:5	Abram ena mauri laḡanidia na hitu-ahui ima, Haran e rakatania negana ai. Abram ese adavana Sarai bona vavana Lot e hakaudia lao, edia kohu iboudiai bona edia hesiai memerodia Haran ai e davaridia danu e laohaidia; e tore tore isi, Kanaan tanona baela eto. Bena Kanaan tanona ai e kau.
306	GEN 12:7	Bena Iehova na Abram vairanai e hedinarai, eto, Lau ese ina tano na oi garamu baina henidia. Bena Abram ese ihaboulaina patana ta e larebaia, Iehova ena, Iehova ese ia vairanai e hedinarai gabuna ai.
320	GEN 13:1	Abram ese Aigupto tanona e rakatania, ia mai adavana ida. Ena kohu idoinai e laohaia; Lot danu e hakaua lao. Idia na diho kahana amo e lou.
324	GEN 13:5	Lot danu, Abram e bamoa tauna, ena mamoe bona ena boromakau na momo, ena dabua kalagadia danu momo.
326	GEN 13:7	Bena Abram ena boromakau ireḡudia taudia na Lot ena boromakau ireḡudia taudia ida e heai. Una negana ai Kanaan taudia bona Perisi taudia na una tano ai e nohova.
327	GEN 13:8	Bena Abram ese Lot e hamaoroa, eto, Mani ita raruosi basita heai, eda boromakau ireḡudia taudia danu basie heai, badina be ita na varavara.
329	GEN 13:10	Bena Lot na e gaga isi, Ioridane kourana e itaia, idoinai mai ranuna: Iehova ese Sodoma bona Gomora do se habua tari negana ai una tano na Iehova ena imea na heto, eiava Aigupto tanona, Soara dalana ai e laomu, na heto.
330	GEN 13:11	Bena Lot na Ioridane kourana idoinai e abia hidi, mairiveina kahana ela. Idia raruosi na e haheparara.
331	GEN 13:12	Abram na Kanaan tanona ai e noho; bona Lot na taora hanuadia ela, Sodoma kahana ai e taruha.
333	GEN 13:14	Bena Lot e raka oho murinai Iehova ese Abram e hereva henia, eto, A gaga isi; o ginimu gabuna ai ba roha roha, mirigini kahana ai, diho kahana ai, mairiveina kahana ai, tahodiho kahana ai.
341	GEN 14:4	Laḡani gwauta-rua idia ese Kedoralaomere isiaina e lao heniava, a laḡani ihagwauta-toina ai idia na e gwau edeede.
349	GEN 14:12	Lot, Abram vavana, Sodoma ai e nohova; bena idia ese ia danu e abia mauri, e laohaia, mai ena kohu idoinai.
353	GEN 14:16	Kohu idoinai e abia lou, bona vavana Lot mai ena kohu ida, bona hahine, bona hanua taudia loḡora.
359	GEN 14:22	A Abram ese Sodoma pavapavana e haere henia, eto, Lau ese Iehova, Herea Mikamika Diravana, guba bona tanobada ikaradia Diravana, vada na gwvau henia hamata,
360	GEN 14:23	dabua varona ta eiava tamaka varona ta oiemu ai basina abia, gabeamo baoto “Lau ese Abram ena taḡa na henia” na garina.
363	GEN 15:2	Bena Abram eto, Ḡaubada Iehova e, dahaka ba henigu? Lau na asi natugu; dihigu be hari Eliesere, Damasko tauna.
368	GEN 15:7	Bena Iehova ese e hereva henia lou, eto, Lau Iehova ese Uru, Kaldea hanuana, amo na hakaumu lasi, ina tano baina henimu halaoreana, emu tano korikori ai bainela.
379	GEN 15:18	Una dina ai Iehova ese Abram e gwau henia hamata, eto, Lau ese ina tano na oi garamu vada na henidia, Aigupto sinavaina amo ela bona sinavai badana, ladana na Eufrate:
399	GEN 17:1	Abram ena mauri laḡanidia na taurahanai-ta-ahui taurahani-ta negana ai, Iehova ese ienai e hedinarai, e hereva henia, eto, Lau na Siahu Diravana; lau vairagu ai ba raka mai maoromaoromu ida;
402	GEN 17:4	Lau ese taravamu na atuamu: bese diaḡau do ba havaradia lau daigu ai.
403	GEN 17:5	Ladamu danu basie hatoa lou “Abram”, a ladamu bae hatoa “Abraham”, badina be bese diaḡau ihavaradia tauna ai vada na halaomu.
414	GEN 17:16	Lau ese baina hanamoa, natumui ta baine vara: momokani, baina hanamoa, ia na bese idau-idau sinadia ai bainela; hanua pavapavadia ia ese baine havaradia.
417	GEN 17:19	A Dirava ese Abraham e haere henia, eto, Lasi, adavamu Sara ese natumu ta baine havaraia, ladana ba hatoa Isaak. Egu taravatu baina badinaia ienai bona murinai bae vara garana ediai, ela bona hanaihanai.
430	GEN 18:5	Aniani taina danu mani aina mailaia, taumui ihagoadadia; gabeamo emui dala ai do ba raka. Lau, emui hesiai tauna, egu ai vada o kau badina korikori binai. Idia eto, Emu hereva heḡereḡerena vada ba karaia.
435	GEN 18:10	Bena idia ta eto, Laḡani vairai do baina lou henimu, bena adavamu Sara baine mara, mero ta baine abia. Sara na dabua kalagana iduarana murinai gini, bena ia ese una hereva e kamonai.
439	GEN 18:14	Be, hoa karana ta mia Iehova basine karaia diba, a? Laḡani vairai, vada na gwauraia hamata negana ai, do baina lou henimu, bena Sara ese natuna baine abia.
440	GEN 18:15	Bena Sara e heḡore, eto, Lau na asina kiri. Badina be ia na e gari. A ia eto, Lasi, oi na o kiri.
452	GEN 18:27	Bena Abraham ma e hereva, eto, Lau na ḡahu kavakava mo, to lalogu vada na ha-aukaia Ḡaubada iherevahenina:
456	GEN 18:31	Ma eto, Lalogu vada na ha-aukaia, Ḡaubada ihereva-henina: ruahui bema noho, ede bema heto? Iehova eto, Ruahui daidiai baina bogaia hisi.
459	GEN 19:1	Aneru raruosi na Sodoma ai e kau, dina kerekerena ai. Lot na hanua ikoukouna ai e helai, bena e itadia negana ai na vairadiai e heau, tano ai e goru diho,
460	GEN 19:2	eto, Egu lohia e, lau, emui hesiai tauna, egu ruma ai mani a dae kau, ba noho rani, aemui danu ba huri; bena daba ai ba tore isi, emui dala ai ba raka. Idia eto, Lasi; hanua ariarana ai baia noho rani.
463	GEN 19:5	Bena idia ese Lot e boi henia, eto, Hari hanuaboi emu ruma ai e dae kau taudia be edeseni ai? Ba hakaudia lasi; baia dibadia.
464	GEN 19:6	Bena Lot na iduara amo e raka lasi bona iduara e koua ia murinai;
467	GEN 19:9	A idia eto. A gini siri. Ma eto, Ina tau sibona ema, bogaragidai e noho hedoamu: matona. baine hahemaoro henida e tomu. Harihari idia baia hadikadia maraḡi, a oi baia hadikamu bada. Bena idia ese Lot e doria siri, iduara bae taraia patapata eto.
468	GEN 19:10	To unu raruosi na ruma lalona amo imadia e toi roro, Lot e veria vareai, bena iduara e koua ahu.
470	GEN 19:12	Bena hari raruosi ese Lot e nanadaia, eto, Varavaramu iboudiai bini eiava? Bema ravamu eiava natumu mamaruanedia eiava natumu hahinedia haida ina hanua ai nonoho, ina gabu amo ba hakaudia lasi.
472	GEN 19:14	Bena Lot e raka lasi, ela, ravana, ia natuna hahinedia haida adavadia, e hereva henidia, eto, A tore tore isi, ina gabu aita rakatania, badina be Iehova ese ina hanua baine habuaia tari. To ravana banava ia e hevaseha henidia eto.
473	GEN 19:15	Daba e rere, bena hari aneru ese Lot e haduaia goadagoada, eto, A tore isi haraḡa-haraḡa, adavamu bona natumu ulatodia raruosi bini avabidia, baola; ina hanua ihabua-tarina ai oi danu ba mase na garina.
476	GEN 19:18	Bena Lot ese e noidia, eto, Egu lohia e, dia unuheto.
481	GEN 19:23	Dina e taolara ai Lot na Soara ai e kau.
484	GEN 19:26	A Lot adavana e roha muri, bena ia na damena nadina ai e hahelao.
487	GEN 19:29	Unuhetomana, taora hanuadia e habua tari negana ai, Dirava ese Abraham e laloa, bona Lot e hamauria, e noho kau heni hanuadia e habua tari negana ai.
488	GEN 19:30	Bena Lot na Soara e rakatania, ororo e dara dae, unuseni ai e nohova, natuna ulatodia raruosi ida; badina be Soara ai baine noho na garina e gariva. Ia mai natuna ulatodia raruosi ida kohua ta ai e nohova.
494	GEN 19:36	Taunabunai Lot natuna ulatodia raruosi na tamadia ese e harogorogodia.
502	GEN 20:6	Bena Dirava ese nihi ai e haere henia, eto, Lau dibagu oi na mai lalomu maoromaorona ida vada o karaia. Lau danu vada na rumu, vairagu ai ba kerere na garina; una dainai na laomu ahu, so raka henia kahi.
526	GEN 21:12	A Dirava ese Abraham e hereva henia, eto, Lalomu basine hisihisi ina mero dainai bona emu hesiai hahinena dainai. Sara ena hereva iboudiai bavabi dae, badina be Isaak ena amo oi besemu do baine vara.
549	GEN 22:1	Unu ḡau muridiai, Dirava ese Abraham e diba-ḡania, eto, Abraham e! Ia eto, Lau o ina.
555	GEN 22:7	Bena Isaak ese tamana Abraham e hereva henia, eto, Tamagu e! Tau na e haere, eto, Natugu e, lau o ina. Mero na eto, Lahi bona au bini, a mamoe, lahi ese baine ḡolea oho ḡauna, be edeseni ai?
559	GEN 22:11	A Iehova ena aneru na guba amo e boi dobi, eto, Abraham e, Abraham e! Ia na e haere, eto, Lau o ina.
576	GEN 23:4	Lau na umui bogaragimui ai na noho hedoamu; tano ta mani a henigu, egu gara gabuna ai bainela, unuseni ai egu mase baina guria.
580	GEN 23:8	e hamaorodia, eto, Lalomui bema heḡereḡere egu mase iniseni ai bama guria, Efron Sohara boma noia daigu ai:
598	GEN 24:6	Abraham ma eto, Lasi vaitani, natugu na basio laohaia, una tano na basinela.
616	GEN 24:24	Hane-ulato na e haere, eto, Lau na Betuel natuna; tubugu hahinenana Milka, Nahoro adavana.
621	GEN 24:29	Hari Rebeka na mai taihuna ta, ladana na Laban; bena ia na e raka lasi haraḡa, una tau dekena ela, ranu gabuna ai.
624	GEN 24:32	Bena una hesiai tauna na ruma ai e raka vareai. A Laban ese kamelo edia maduna e ruha, bena uit momona bona rei kakoro e henidia; bona hesiai tauna ranu e henia, ia mai bamona ida aedia bae huri.
626	GEN 24:34	Bena ia eto, Lau na Abraham ena hesiai tauna.
639	GEN 24:47	Bena na nanadaia, nato “Oi be daika natuna?” Bena ia e haere, eto “Lau na Betuel natuna; tubugu na Nahoro bona ia adavana Milka”. Bena gadei na udu-baubauna ai na atoa, bona vaḡivaḡi imana ai.
642	GEN 24:50	Bena Laban bona Betuel e haere, eto, Ina na Iehova ena amo; ai na basia haere henimu diba, basiato “Oibe” eiava “Lasi.”
650	GEN 24:58	Taunabunai, idia ese Rebeka e boiria, bena e nanadaia, eto, Lalomu vada eme heḡereḡere a, ina tau ida ba raka? Ia eto, Vada e heḡereḡere.
662	GEN 25:3	Iokosan ese Seba bona Dedan e havaradia. Dedan ese Asuri bona Letusi bona Leumi besedia e havaradia.
679	GEN 25:20	Isaak ena vara laḡanidia na hari-ahui negana ai, ia ese Rebeka, Betuel tau Suria natuna, Laban tau Suria taihuna, e adavaia. Betuel na Padan-aram tauna.
702	GEN 26:9	Bena ia ese Isaak e gwau henia, eto, Lalogu vada eme parara, hahine na oi adavamu. Dahaka dainai oi oto “Ia na taihugu”. Isaak e haere henia, eto, Badina be na gari, haida ese ia dainai bae alagu mase na garina.
717	GEN 26:24	Bena una hanuaboi Iehova na ienai e hedinarai, eto, Lau na tamamu Abraham ena Dirava: basio gari, badina be lau ese na bamomumu; baina hanamomu bona garamu baina hahutumadia, egu hesiai tauna Abraham dainai.
721	GEN 26:28	Idia eto, Lalomai vada e parara Iehova ese vada e bamomu, taunabunai ai na a tomu: baita herohemaino bona baita gwau hamata heheni,
729	GEN 27:1	Isaak na vada e ḡauka, matana danu e valahu-valahu, ḡau ta seitaia ḡoeva. Bena ia ese natuna roboana Esau e boiria, eto, Natugu o! Esau eto, Lau o ina.
746	GEN 27:18	Iakob na tamana dekena ela, eto, Tamagu e! Ia na e haere, eto, Lau o ina: natugu e, oi be daika?
747	GEN 27:19	Iakob ese tamana e haere henia, eto, Lau binai Esau, natumu roboana, emu hahedua vada na badinaia; a helai tore, dia vada na alaia be bavania, bena ba hanamogu.
760	GEN 27:32	Tamana Isaak ese e nanadaia, eto, Oi be daika? Ia e haere, eto, Lau binai natumu roboana Esau.
762	GEN 27:34	Esau ese tamana ena hereva e kamonai ai e tai, e tai lolololo, tamana e tai henia, eto, Lau danu, tamagu e, lau danu ame hanamogu.
771	GEN 27:43	Taunabunai, natugu e, eregu a kamonai: a tore isi haraḡa, Haran baola, taihugu Laban dekenai;
776	GEN 28:2	Padan-aram baola, tubumu Betuel ena ruma ai ba dae kau, vavamu Laban natuna kekenidia ta bavadavaia.