2	GEN 1:2	Tanobada na asi oromana bona asi anina; dibura danu gadobada vada e gorua ahu. Bena Dirava laumana na gado kopina ai e loava.
10	GEN 1:10	Dirava ese tano kaukauna ladana e hatoa Tanobada; bona ranu na edia gabu ai e hahebou ladadia e hato Davara. Dirava ese e itaia, vada e namo.
11	GEN 1:11	Dirava ma eto, Tanobada ai rei aine vara, bona ava idau-idau mai nadinadidia, bona huahua audia danu mai huahuadia, huahua idau-idaudia mai nadinadidia. Bena unu e vara toma:
24	GEN 1:24	Dirava ma eto, Tanobada ese mauri ḡaudia idau-idau baine havaradia, boromakau, bona tano ai e raumu ḡaudia, bona tanobada boromadia idau-idau ta ta ena bese ai. Bena unu e vara toma.
26	GEN 1:26	Bena Dirava ma eto, Taunimanima aina karaia, lau laulaugu bona lau heida-idagu; davara gwarumedia bona atai manudia bona boromakau bona tanobada idoinai tano ai e raumu ḡaudia iboudiai ia ese baine biagudia.
45	GEN 2:14	Sinavai ihatoina ladana na Tigris: ia be Asuria tanona mairiveina kahana amo e aru Iaomu. Sinavai ihahanina na Eufrate.
51	GEN 2:20	Taunabunai, Adam ese boromakau iboudiai ladadia e hato, bona atai manudia bona tanobada danu; a Adam na asi bamona ta ia baine durua.
54	GEN 2:23	Bena Adam eto, Ina na turiagu turiana bona hidiogu hidiona: ladana bae hatoa Hahine, badina be Tau ena amo vada e abia lasi.
73	GEN 3:17	Adam danu e gwau henia, eto, Adavamu erena o kamonai, bena na haduamu basio ania nato huahuana vada o ania, una dainai tano vada baine dika oi bagumu ai. Tano anina bavania mai hekwarahimu ida emu mauri dinadia iboudiai.
74	GEN 3:18	Au giniginidia bona ava ḡiniḡinidia danu tano ai bae vara oiemu ai. Tanobada avadia anidia do bavani.
78	GEN 3:22	Bana Dirava Iehova eto, Taunimanima a itaia, ia na lau heḡereḡeregu ai vada ela, namo bona dika baine diba; readia ia ese imana ma baine toia roro, mauri auna huahuana baine abia, baine ania, bena baine mauri hanai-hanai.
79	GEN 3:23	Taunabunai Dirava Iehova ese Moale imeana lalona amo e lulua lasi, tano amo e vara tanona baine biru henia.
81	GEN 4:1	Adam na adavana Heva ida e eno bou: bena Heva e rogorogo, e mara, Kain e abia; eto, Tau ta Iehova ena amo vada name abia.
89	GEN 4:9	Bena Iehova ese Kain e nanadaia, eto, Tadimu Abel be edeseni ai? Ia na e haere, eto, Lau na asi dibagu; be, lau na tadigu igimana tauna a?
90	GEN 4:10	Iehova ma eto, Dahaka vada o karaia? Tadimu rarana gadona na tano amo vada e tai henigumu.
102	GEN 4:22	A Sila na e mara, Tubala-Kain e abia: ia na auri-laboralabora bona auri iḡaukaralaidia tauna ai ela. Hari Tubala-Kain taihuna ladana na Naamaha.
103	GEN 4:23	Bena Lamek ese adavana raruosi e hereva henidia, eto, Ada bona Sila, a hakala henigu! Adavagu raruosi e, egu hereva a kamonai! Tau ta ese e haberogu, na alaia; Tauhau ta ese e botagu, na alaia mase.
108	GEN 5:2	Maruane bona hahine e karadia, ladadia e hato Taunimanima; e karadia dinana ai danu e hanamodia.
145	GEN 6:7	Bena Iehova eto, Taunimanima, na karaia ḡauna, na tanobada kopina amo baina abia oho; oibe, taunimanima bona boroma bona tano ai e raumu ḡaudia bona atai manudia danu; badina be na helalomu, na havaridia dainai.
149	GEN 6:11	Tanobada na dika, Dirava vairanai: tanobada idoinai daḡedaḡe ai e honu honu dae.
183	GEN 7:23	Tano kopina ai e mauriva ḡaudia iboudiai na e hebua tari, taunimanina bona boromakau bona tano ai e raumu ḡaudia bona atai manudia. Noa mo sibona, bona ia ida lagatoi ai e nohova ḡaudia, vada e mauri.
193	GEN 8:9	To pune na ena roho-kau gabuna ta se davaria, bena Noa dekena e lou lao lagatoi ai, badina be ranu ese tanobada kopina idoinai vada e habubunia. Bena Noa ese imana e toia roro, lagatoi lalonai e abia vareai.
205	GEN 8:21	Bena Iehova ese bonana namona e kamonai negana ai, ia eto, Tanobada na basina hadikaia lou taunimanima daidiai, badina be edia lalo-hadai be didika, maraḡidia negadia ela; mauri ḡaudia iboudiai danu basina aladia ore lou, vanegai na aladia na heto.
206	GEN 8:22	Tanobada baine mia negadia ai na hadohado bona ḡeiḡei, keru bona sioahu, lahara bona guitau, dina bona boi, basie doko.
208	GEN 9:2	Tanobada boromadia iboudiai bona atai manudia iboudiai bona tano ai e raumu ḡaudia iboudiai bona davara gwarumedia iboudiai ese garimui bae gari; umui ese danu ba biagudia.
212	GEN 9:6	Taunimanina baine alaia mase tauna na taunimanima ese bae alaia mase; badina be Dirava ese taunimanima e karadia, ia ida-idana.
220	GEN 9:14	Taunabunai, lau ese dagadaga tanobada baina hadagahulaia negana ai na kevau be dagadaga ai ba itaia.
231	GEN 9:25	Kanaan ihabaina! Tadikakana edia hesiai taudia edia hesiai tauna ai bainela.
237	GEN 10:2	Iafet natuna bini: Gomere bona Magog bona Madai bona Iavan bona Tubal bona Mesek bona Tira.
238	GEN 10:3	Gomere natuna bini: Asakena bona Rifat bona Togarama.
239	GEN 10:4	Iavan natuna bini: Elisa bona Tarasisi; bona Kitim besena bona Dodanim besena danu ia ese e havaradia.
260	GEN 10:25	Ebere natuna mamaruanedia na rarua. Ta ladana na Peleg, badina be iena nega ai tanobada besedia na e haheparara. Tadina ladana na Iokotan.
268	GEN 11:1	Tanobada idoinai taunimanima iboudiai gadodia be tamona, eredia danu heḡereḡere.
275	GEN 11:8	Taunabunai, Iehova ese e hakarohodia rohoroho, tanobada kahadia idoidiai; edia hanua ilarebana danu e hadokoa.
276	GEN 11:9	Taunabunai, una gabu ladana e hatoa Babel; badina be unuseni ai Iehova ese taunimanima edia gado e ha-idaua, bona unu amo ia ese e hakarohodia rohoroho, tanobada kahadia idoidiai.
291	GEN 11:24	Nahoro ena mauri laḡanidia na ruahui taurahani-ta negana ai ia ese Tera e havaraia.
292	GEN 11:25	Tera e vara murinai, Nahoro na laḡani sinahu-ta gwauta taurahani-ta e mauri nohova, natuna mamaruanedia bona hahinedia e havaradia.
293	GEN 11:26	Tera ena mauri laḡanidia na hitu-hitu negana ai, ia ese Abram bona Nahoro bona Haran e havaradia.
294	GEN 11:27	Tera garana bini: Tera ese Abram bona Nahoro bona Haran e havaradia. Haran ese Lot e havaraia.
295	GEN 11:28	Tamana Tera do se mase negana ai, Haran e mase guna, e vara gabuna ai, Uru, Kaldea taudia edia hanua ta, unuseni ai eha mase.
298	GEN 11:31	Tera ese natuna Abram bona tubuna Lot, Haran natuna, bona ravana Sarai, Abram adavana, e abidia, Kaldea taudia edia hanua, Uru, amo e hakaudia lasi, Kanaan tanona baela eto. Bena gabu ta ai e kau, ladana Haran, unuseni ai e noho.
299	GEN 11:32	Tera ena mauri laḡanidia iboudiai na sinahurua dikoana ima Tera na Haran ai e mase.
313	GEN 12:14	Taunabunai, Abram na Aigupto ai e kau negana ai, Aigupto taudia ese hahine na e itaia, ia na hane namo.
325	GEN 13:6	Taunabunai una tano na dia heḡereḡere idia raruosi gabu tamona ai bae noho hebou, badina na edia kohu na momo bona gabu na dia bada.
328	GEN 13:9	Tano idoinai na oi vairamu ai mia, ani? Mani emu kara, egu ai ba raka siri; oi na lauri kahana boma lao, lau be idiba kahana bama lao; eiava oi na idiba kahana boma lao, lau be lauri kahana bama lao.
338	GEN 14:1	Amarafel ese Sinara tanona e lohiaia, Ariok ese Elasara tanona e lohiaia, Kedoralaomere ese Elam tanona e lohiaia bona Tidala ese Goimi tanona e lohiaia negana ai,
346	GEN 14:9	idia laima-osi ese Kedoralaomere, Elam pavapavana, bona Tidala, Goimi pavapavana, bona Amarafel, Sinara pavapavana, bona Ariok, Elasara pavapavana, hahaniosi na e tuari henidia.
385	GEN 16:3	Taunabunai, Abram na laḡani gwauta Kanaan tanona ai vada e noho negana ai, Sarai ese ena hesiai hahinena Hagara, hane Aigupto, e abia, adavana Abram e henia, baine adavaia.
395	GEN 16:13	Bena hahine ese Iehova, e hereva henia Diravana, ladana e hahanea, eto, Vada o ha=eregumu Diravamu! Badina be ia eto, Tano ḡaḡaena ai vada na mata hanai, e hahedinarai henigu Diravana vada na itaia.
396	GEN 16:14	Taunabunai una ranu gurina ladana e hatoa Mauri bona Mata-hanai Gurina: ia na Kade bona Bered padadiai.
405	GEN 17:7	Taravamu na atuamu be lau ese baina badinaia ita raruosi eda, bona garamu murimu ai bae vara edia, ela bona uru iboudiai, baine mia hanaihanai taravatuna: emu Dirava ai bona murimu ai bae vara garamu edia Dirava ai do bainala.
437	GEN 18:12	Taunabunai, Sara na e kiri, eto, Egu nega vada e ore, bona adavagu danu vada e buruka, be, moale baina davaria diba a?
450	GEN 18:25	Kara maoromaoro taudia bona kara dika taudia na basio aladia bou ani? Kara maoromaoro taudia bona kara dika taudia ahudia bae tamona na dia oiemu kara ani? Tanobada idoinai ihahemaoro-henina Diravana basine kara maoromaoro a?
455	GEN 18:30	Ma eto, Ḡaubada e, baina noinoi lou basio badu ani? Toi-ahui bema noho ede bema heto? Iehova eto, Toi-ahui baina davaridia, basina habuaia tari.
461	GEN 19:3	To e noidia goadagoada, bena idia na ia ida e dae kau, ena ruma ai e raka vareai. Bena ia ese aniani e nadua, bona flaoa kavakava, se hatubua ḡauna, e gabua, e dabara, bena raruosi e ani.
465	GEN 19:7	bena e hamaorodia, eto, Tadikakagu e, ina kara dikana basio karaia.
468	GEN 19:10	To unu raruosi na ruma lalona amo imadia e toi roro, Lot e veria vareai, bena iduara e koua ahu.
472	GEN 19:14	Bena Lot e raka lasi, ela, ravana, ia natuna hahinedia haida adavadia, e hereva henidia, eto, A tore tore isi, ina gabu aita rakatania, badina be Iehova ese ina hanua baine habuaia tari. To ravana banava ia e hevaseha henidia eto.
489	GEN 19:31	Bena hane guna ese tadina e hamaoroa, eto, Tamada e burukamu, bona asi tauna ta tanobada ai baine adavada tanobada ena kara heḡereḡerena.
494	GEN 19:36	Taunabunai Lot natuna ulatodia raruosi na tamadia ese e harogorogodia.
503	GEN 20:7	Taunabunai, una tau adavana ba henia lou, badina be ia na peroveta tauna; bena ia ese oi daimu ai baine ḡuriḡuri. bena ba mauri. A basio henia lou, ba diba momokani vada ba mase, oi bona emu ruma taudia iboudiai.
504	GEN 20:8	Taunabunai Abimelek na daba vaburana ai e tore isi, ena hesiai taudia iboudiai e boiridia, unu ḡau e hamaoro-laidia: bena gari ese e butudia tao.
537	GEN 21:23	Taunabunai, Dirava ladana ai ba gwau henigu hamata, oi na basio koigu, bona natugu bona tubugu basio koidia; a lau ese vada na kara namo henimu heḡereḡerena oi danu lau ba kara namo henigu bona ina o noholaiamu tanona danu ba kara namo henia.
546	GEN 21:32	Taunabunai, idia raruosi na Bere-sieba ai e herohemaino; bena Abimelek bona Fikol, ena tuari oreana biaguna, e lou lao, Filistia tanona ela.
555	GEN 22:7	Bena Isaak ese tamana Abraham e hereva henia, eto, Tamagu e! Tau na e haere, eto, Natugu e, lau o ina. Mero na eto, Lahi bona au bini, a mamoe, lahi ese baine ḡolea oho ḡauna, be edeseni ai?
569	GEN 22:21	Tau guna ladana na Usu; ia tadina be Busu bona Kemuel, Aram tamana,
571	GEN 22:23	Hari Betuel na Rebeka tamana. Taurahaniosi bini Abraham tadina Nahoro, adavana Milka ida, natudia.
572	GEN 22:24	Ena hesiai hahinena Reuma ese danu natuna e havaradia: ladadia na Teba bona Gaham bona Tahasa bona Maaka.
589	GEN 23:17	Taunabunai Efron ena tano Makapela ai, Mamare badinai, mai kohuana bona mai auna iboudiai na
615	GEN 24:23	E nanadaia, eto, Oi be daika natuna? Tamamu ena ruma na mai gabuna, ai baia noho, eiava?
650	GEN 24:58	Taunabunai, idia ese Rebeka e boiria, bena e nanadaia, eto, Lalomu vada eme heḡereḡere a, ina tau ida ba raka? Ia eto, Vada e heḡereḡere.
651	GEN 24:59	Taunabunai taihudia Rebeka, mai ena hesiai hahinena ida e kahudia nege, Abraham ena hesiai tauna mai bamona ida danu.
652	GEN 24:60	Idia ese Rebeka e hanamoa, eto, Taihumai e, daha daha oiemu amo bae vara: oi garamu ese inaidia do bae hadareredia.
669	GEN 25:10	Tanona bunai Abraham ese Hiti taudia edia amo e abia. Unuseni ai Abraham e guria, adavana Sara ida.
674	GEN 25:15	bona Hadad bona Tema bona Ieturu bona Nafisi bona Kedema.
682	GEN 25:23	Bena Iehova ese e haere henia, eto, Iduhu rua na bogamu ai, Bese rua na oiemu amo bae vara; Ta ese ma ta baine hadarerea, Tau guna ese tau muritai isiaina baine lao heni.
699	GEN 26:6	Taunabunai Isaak be Gerara ai e nohova.
703	GEN 26:10	Bena Abimelek eto, Oi na ede vada o karamai toma? Tau ta oi adavamu ida bema eno bou, iboumai ai baiama kerere oi daimu ai.
713	GEN 26:20	Bena Gerara seridia ireḡudia taudia na Isaak ena seri ireḡudia taudia ida e heatu, eto, Ina na ai emai ranu. Taunabunai, ia ese una ranu gabuna ladana e hatoa Esek, badina be e heatulaia,
731	GEN 27:3	Taunabunai na noimumu, emu diba pauana bona emu peva bavabi, ba ha labana, dia ta bavalaia lauagu;
734	GEN 27:6	Bena Rebeka ese natuna Iakob e hereva henia, eto, Tamamu ese kakamu Esau e hamaorolaia herevana na kamonai;
736	GEN 27:8	Taunabunai, natugu e, eregu ba kamonai, baina haduamu heḡereḡerena mo ba karaia.
746	GEN 27:18	Iakob na tamana dekena ela, eto, Tamagu e! Ia na e haere, eto, Lau o ina: natugu e, oi be daika?
753	GEN 27:25	Bena Isaak eto, Mani a mailaia dekegu ai, natugu emu vamu baina ania, bena baina hanamomu. Taunabunai, ia ese e mailaia, bena e ania; vine ranuna danu e mailaia, bena e inua.
756	GEN 27:28	Taunabunai guba hununa Dirava ese baine henimu, Bona tanobada digarana danu, Uit momo bona vine ranuna momo danu.
757	GEN 27:29	Taunimanima ese oi isiaimu bae lao heni, Bese idau-idau be vairamu ai bae igo diho; Tadikakamu biagudia ai baola, Sinamu natuna be vairamu ai bae igo diho; Bae uduguiraimu taudia na do bae uduguiraidia, Bae hanamomu taudia na do bae hanamodia.
759	GEN 27:31	Ia danu vamu namona e nadua, tamana dekena e laohaia, tamana e hamaoroa, eto, Tamagu e, a helai tore, natumu egu vamu avania, bena ba hanamogu.
760	GEN 27:32	Tamana Isaak ese e nanadaia, eto, Oi be daika? Ia e haere, eto, Lau binai natumu roboana Esau.
763	GEN 27:35	Tamana eto, Tadimu vada ema, mai ena koikoi, ihanamomu vada e dadia.
766	GEN 27:38	Bena Esau ese tamana e hamaoroa, eto, Tamagu e, emu hahenamo be tamona mo a? Tamagu e, lau danu ame hanamogu. Bena Esau e tai dikadika.
768	GEN 27:40	To emu dare goadana ai ba mauri. Tadimu isiaina ba lao heni; To negana baine gini dae emu siahu baine herea, Bena ena maduna na paḡamu amo ba negea daure.