14	GEN 1:14	Nluku aheera: Cikhale imwaleelo wirimu wiira cikawanihe uthana ni uhiyu. Wiira cikhale cennyo nthoonyero wo ukati, mahuku ni myakha,
16	GEN 1:16	Nluku ahopanka imwaleelo piili cuulupale; imwaleelo yuulupale iyo wiira ilamulele uthana ni yankani iyo wiira ilamulele uhiyu. Ciicammo ahopanka itthoottwa cinci.
20	GEN 1:20	Ciicammo Nluku aheera: Mmaasini mmo akhale makoto onama coomumula, ni iriyariru irimu ni itthaya avaave asaanuni.
21	GEN 1:21	Commo Nluku ahopattusa inama cuulupale co mpahari ni inama cikhwawe coomumula cinkhala mpharya co khula nnanna, ni asaanuni othene o khula nnanna. Ni Nluku ahoona wiira wari wooreera.
29	GEN 1:29	Nluku aheera tho: Kinawuuvaha miri cothene cowiima cimenle ilapo yothene ni cinvaha ipyo, ni miri cothene cinvaha mihokorokho ni inuku. Cennyo cinwookhala coolya cinyu.
32	GEN 2:1	Commo, cahomala upankiya irimu ni itthaya ni citthu cothene ciriwo.
155	GEN 6:17	Nkoonani. Kinnowiha maasi o naphuvu mwiilaponi, wiira kikwanyulace ilapo yothene ni citthu cothene coomumula cipattusilyaka. Cothene ciri mwiilaponi cimmomala.
160	GEN 6:22	Ahopanka Nowee toko cahimeriyawe ni Nluku. Commo phaapankilyawe.
163	GEN 7:3	Ciicammo ukuse inuni cooculu saapa co nlopwana ni saapa co nthiyana, wiira cikhale cikumi ni ipyo yo mwiilaponi mothene.
182	GEN 7:22	Cothene carina ukumi, cimumulelaka mphulani mwaya, caakhala vathiva, cahokhwa.
209	GEN 9:3	Citthu cothene cirina ukumi ni ceettaka cinkokhala coolya cinyu; toko cuvahilyakani mataakhuru, nna vaa kinawuvahani citthu cothene.
271	GEN 11:4	Wahoolo yaheerelana tho: Nrwee niteke iparasa ni inupa yoorekama yoophiya wirimu. Commo ncina nihu ninkoruma ni khaninhala umwaruseliya mwiilaponi.
324	GEN 13:5	Ciicammo Loti, antthukannyawe ikwaha Aparamu ahaana mihuwo cawe, imope na aheema.
362	GEN 15:1	Cinavinrene nnya citthu nnya, nuulumo na Mwaneene Nluku nahowa waAparamu munttorani: Uhoove, Aparamu! Mi phi mi, mwaakihi aa. Itthuvo aa inhala ukhala yuulupale.
399	GEN 17:1	Aparamu unhaleelaka mwakha mmoca wiira apiihere iminya (99) ceyarelo, ahomphwanyinya ni Mwaneene Nluku ni ahomwiirela: Phi mi Nluku Okuru Cothene. Weette toko cintthunaka ni wiivaherere wa mi.
445	GEN 18:20	Mwaneene Nluku aheera tho: Cinriyeleliyaya a Sotoma ni a Komora ciri ciinci ni itaampi caya nnyo cihotepa.
468	GEN 19:10	Commo, aletto eeli ale yahonvaraca Loti nuumpurulela mpani ni yahotthyaca nkhora oyo.
471	GEN 19:13	kontha nimphavela ukwanyulaca nna nipuro nna. Cinariyelelawe Mwaneene Nluku ala atthu ala ciri cinci, phimaana honiruma ukwanyula iparasa.
483	GEN 19:25	Commo yahokwanyula nye iparasa nye ni nikuwa nothene, wamoca na atthu yakhalaca ayo ni imatta caya nyo.
494	GEN 19:36	Commo, asaana oyeeli a Loti yahorupalihaciya na athumwanaya.
512	GEN 20:16	Apimeleke ahomwiirela Asaara: Arokoraa ayo kihaavaha ncurukhu elufu (1000) wopheeta, wiira walivyane wutthekenlyaka va wamiithoni wa atthu othene. Commo othene phinhalaya ucuwela wiira we khiiwo incuwelaa yookosa.
622	GEN 24:30	Kontha weenre coo: Lapanu wamonnyawe mwanrokorawe nawanre ipirinku ni ikhankani nnye, ni wamwiiwilyawe mwanrokorawe uyo ni weewilyawe moolumu amwanrokorawe ayo eeraka: Coo phikulumacenryawe nlopwana uyo. Vano Lapanu ahonrwela ni ahomphwanya neemenle waluusi ni inkamira cawe nnyo.
642	GEN 24:50	Vaavale Lapanu ni Petuweli yahaakhula: Cothene cipankaciye ni Mwaneene Nluku, hi khaninoona yowuhimerya yoonanara atthuna yooreera.
645	GEN 24:53	Ni ahokumiha mihaca copheeta, cowooru ni ikuwo phummahaka Repeka. Ciicammo ahokumiha citthu comaana phummahaka nrokorawe eehaninya Lapanu ni anumwane.
656	GEN 24:64	Ciicammo Repeka, ahowusa miitho awe ayo ahomoona Isaki, ni ahokhuruwa munkamirani,
693	GEN 25:34	Vano Yakopi ahonvaha Isawu isima ni maruru. Ule aholya nuwurerya, ahonwa nurwaa. Commo Isawu ahovyavyeeha iyuulupale awe.
699	GEN 26:6	Commo Isaki ahokhala o Kerari.
740	GEN 27:12	Pooti apaapa ayo ankokapaapela ni wamiithoni waya kinkokhala mayowootha. Commo kinawiiwaanela mahusi woohikhala iparakha.
777	GEN 28:3	Ni Nluku Okuru Cothene ureerihe, upanke mayoyara ni awuncereryanihe wiira nkhale atthu enci,
831	GEN 29:35	Ahorupala tho irukulu ni unnyara wawe mwana aheera: Ula nkwaha ola kinamunnuwiha Mwaneene Nluku. Commo yahonvaha ncina na Yutta. Ni ahohiya uyara.
871	GEN 30:40	Vano Yakopi anawawayaniha cikani nnyo, ni aanapanka wiira cennyo cikhale wamoca ni inama co marephurephu ni cooripa ca Lapanu. Commo antthonkomaniha mihuwo cawe woohitakanihera ca Lapanu.
899	GEN 31:25	Lapanu ahomphwanya Yakopi naakhurutunle aheema awe umyakoni co Kiliyati. Ciicammo Lapanu na asunnawe ahaakhurutula aheema awe umwaakoni.
902	GEN 31:28	Ciicammo khukihile kavahaka alaahuma asaanaka nu ucuulu aka wiira kaaleehe. Uheetta wootirikhi.
926	GEN 31:52	Nikuttha nna nikhale saahiti. Ciicammo nivatta nna nikhale saahiti wiira yakhala yoonanara kihitupihe nikuttha nna kiwanaka nwo, ni we yakhala yoonanara uhituphane nikuttha nna ni nivatta nna uwaka uno.
947	GEN 32:19	Vano umwakhuleke wiira ca karumeya enyu Yakopi. Ciri itthuvo cinonveleliherawe nkunya awe Isawu ni uyo neera awaka uttuli wihu.
948	GEN 32:20	Ciicammo ahonlamulela onayeeli, oneeraru nale othene yawa uttuli mihuwo eeraka: Uphwanyakani Isawu othene munhimyacere nuulumo nimoca nenna.
968	GEN 33:7	Ciicammo ahophiya Leya wamoca na asaanawe, ni ahoroma. Wiimaliheroni ahophiya Yusufu ni Rakeli, na ayo yahoromaca.
970	GEN 33:9	Nanso Isawu ahomwiirela: Mwanhimaka, mi kihaana mihuwo cinci. Cirinaa nnyo uhalaneke.
1007	GEN 34:26	Ciicammo yahomwiivaca ni ikatana Hamori ni mwanawe ni yahonkusaca Tina aari inupa ya Sikeni ni yahokhumaca.
1018	GEN 35:6	Commo, Yakopi na atthu othene yarinawe yahophiyaca o Lusu uneehaniya uPeteli uri ilapo yo Kanaa.
1144	GEN 38:24	Cinavinre myeeri miraru, Yutta ahohimerya wiira: Tamari aheetta uluva ni horupala irukulu. Vano Yutta aheera: Akumiheriye vate ni apahiye.
1169	GEN 39:19	Wewilyawe nkunya awe itthu yattonkaya amwaarawe yiiraka: Coo phikipankilyaya ipottha iyo. Ahorusiya.
1214	GEN 41:18	Cahokhuma mmoolokoni mmo imope saapa cooreera ni cooneneva, caalya ni mooloko uyo.
1223	GEN 41:27	Imope saapa cowootta ni coonanara nnyo cakhumelenle uttuli waya cikina nnyo, ni miphapa saapa cohicara ni coomihiye ni iphyoo yooviha yakhuma muthakoni, ciri myakha saapa. Cinhala ukhala myakha saapa cotala.
1245	GEN 41:49	Commo, Yusufu ahosunka itiriku yinci, toko nhaava wompharyaa. Uyo ahohiya waalikela yoolya iyo kontha khaawo tho oorya uphima mwanlattu wowinciva.
1246	GEN 41:50	Cihinaya uphiya myakha cotala, Asenate, mwana a Potifera, nhooleli osataka yo Oni, ahonnyarana Yusufu asaana eeli.
1249	GEN 41:53	Commo, cahophiya ummaleloni myakha cooruweriya Wiciipitu,
1269	GEN 42:16	Munrume mmoca anrweele mwanhimenyu uyo vano akina vaa nhotthukiya. Commo phinhaleehu ucuwela wiira cinhimyenyu nnyo ciri citthu ceekhweeli atthuna cowoothiya. Cahikhaleke ceekhweeli, kinalupela mwancina na Farawoo wiira wanaahala ucuwanyaa wiira nyu khweeli nri atthu oohottela!
1289	GEN 42:36	Ni Yakopi aheerelaca: Nyu nnakimalihera asaanaka ayo! Kihanle wohi Yusufu, nnavaa kiri wohi Simeyoni, ninlelo nna nnopheela unkusa Pencamii? Cothene cinkikhuma mi!
1305	GEN 43:14	Nluku Okuru-Cothene awooneleni ikiriri iriyari ya nlopwana uyo wiira ootthunihereni onturuwana nhimeenyu Pencamii ni nhimeenyu nkina uyo. Mi, kakhalaka woohasaana, kinakhalaka.
1360	GEN 45:1	Yooyo ukati uyo Yusufu anawoolwana wiivithavitha nwo wamiithoni wa atthu othene, phimaana ahokhuwa eeraka: Mwakumihe ananrumeya ayo othene va. Co khaawo ahanle nenno nipuro nno, ukati ule Yusufu weecuwanehilyawe na asunnawe.
1371	GEN 45:12	Cothene nnawoona ni miitho enyu, ni nhimaka Pencamii phi saahiti. Nawoona wiira khweeli thi mi kinoolumaca nnya citthu nnya.
1379	GEN 45:20	Cihukukureheni citthu cinyu, kontha mapuro ooreera o Wiciipitu anhala ukhala awinyu.
1380	GEN 45:21	Commo yahopanka asaana a Isirayeli. Yusufu ahaavaha asunnawe ampakhira ni iphika toko Farawoo calamunlyawe.
1393	GEN 46:6	Ciicammo yakokusa inama caya ni mihakhu cothene caphwannyilyaya uKanaa. Commo Yakopi ahorwaa Wiciipitu ni ucuulu awe wothene.
1421	GEN 46:34	Mmwaakhuleke coo: Arumeyi aa anhuwa inama ikhumelo ni nari acikani, toko capankaya amuci ihu okhalayi. Commo phinhalenyu utthuniheriya ukhala nttetthe wo Koseni, kontha ahakheli othene anathanyiya na annaciipitu.
1430	GEN 47:9	Yakopi ahomwaakhula Farawoo eeraka: Myaaka caka co weettakaca ciri iminya wo talathini (130). Ciri vakani ni coorika, ni khacimphiya toko cakhalaya mayapaapa.
1441	GEN 47:20	Commo Yusufu ahothuma imatta cothene co Wiciipitu anthumelaka Farawoo. Annaciipitu yahothumiha imatta caya cothene kontha itala pheerihile commo. Phimaana ilapo yothene yahokhala ya Farawoo.
1443	GEN 47:22	Cahanle coohithuminya caari paahi imatta ca ahooleli osataka kontha Farawoo aholamula uvahiya coolya, cennyo phaapisiha nrima phimaana ahithumihaka imatta caya.
1455	GEN 48:3	Ni ahomwiirela Yusufu: Nluku Okuru-Cothene hokiphwanya uPeteeli, ilapo yo uKanaa ni hokireeriha,
1472	GEN 48:20	Commo Yakopi ahaareerihaca wowaareeriha nenno nihuku nno eeraka: Uneethi wo Isirayeli wapheelaka ureerihana unahala uromola macina enyu wiiraka coo: Nluku opanke we toko campankilyawe Farayimi ni Manasesi. Ni ahomweesa Farayimi uhoolo wa Manasesi.
1499	GEN 49:25	Mwancina na Nluku a athumwane, ookavihere we, Mwancina na Nluku Okuru Cothene oovahe cinenne iparakha co wirimu, iparakha cowiiserya cinenne, iparakha cocaayira ni cootosa.
1500	GEN 49:26	Iparakha ca athumwane cinapwaha iparakha co myako cookhalayi. Makhalelo o myako coohimala cennya iparakha nnya cothene cirwee mwiirutthuni mwa Yusufu. Cirwee uhoolo wawe ule aakhanle oomwalanihinya na asunnawe.
1502	GEN 49:28	Ari phi yaala ala apankile mahimo khumi na meeli o Israyeli. Ciicammo athumwanaya phaahimenryaya wowavahaca iparakha, avahiyaka khula ntthu iparakha camwaacile.
1505	GEN 49:31	Wonwo hovithiya Aparahamu na amwaarawe, Isaki na amwaarawe. Ciicammo wonwo kihonvitha Leya.
1516	GEN 50:9	Ciicammo yahavelela atthu uwela ikhavalu naampakhira omope. Ikwaha iyo yaari ya atthu enci.
1519	GEN 50:12	Commo asaana a Yakopi yahopanka toko caahimeeriyaya na athumwanaya.
1528	GEN 50:21	Phimaana nhoovace, mi kinaahala wuuvahani nyu yoolya wamoca na asaanenyu ayo. Commo phenryawe Yusufu wowamaaliha asunnawe ni ahoolumacera wo nifento.
22614	JON 1:14	Vano yahaalepela Mwaneene Nluku a Yona, yiiraka: Contte Mwaneene Nluku, nhinihiye nikhwaka nlattu wa coonanara ca Yona, nhinootherye hi va ukhwa wawe kontha nyu Mwaneene Nluku nhopanka wootthuna winyu.
22634	JON 3:7	Ciicammo Mwene na ahooleli awe yahokumiha nlamulo nowahimyacera atthu othene unsitati wiira: Hikhale nohala ulya hata uwurya ukhuma atthu, inama coohuwiya, toko imope ni ikhontwaa, cihivahiye coolya ni maasi wala cihihuleliye cirwaka ulawiha coolya.
24288	MRK 1:4	Ciicale, Yohani Mpatisa phooneliye ntakhwani wiira eetthucihe opatiso wo urukunusa nrima wiira itaampi cileveleliye.
24408	MRK 4:16	Ciicammo, ale yaakhenle ipyo mapuro ookokoottho, pha ale yiinre aneewile nuulumo, woohipica anawaakhelela ni nrima wootteeliya,
24444	MRK 5:11	Caanalya vano ikuluwe nceresere mwaako,
24455	MRK 5:22	Ahophiya vano muulupale o nsinakoka, eehaninya Cayro, ni umoona wawe Yesu, ahonkhoromela,
24478	MRK 6:2	Nihuku no ntivela ahopacera wiitthuciha nnsinakoka na atthu enci yamwiiwa, wanawooma mwaano ni yaanahimya: Inonkhuma vayi itthu ila ni ucuwelani uno uvahiyawe uno? Cinopankya cani cotikineeha nya ni ntata nawe?
24544	MRK 7:12	Ciicammo khanonhiyera ntthu itthu yowapankela athumwane atthuna anumwane,
24551	MRK 7:19	nlattu khinkela munrimani, nanso nnapwiipwini mwawe, ni wahoolo inakhumela wanipuroni waya? Ciicale anahimya wiira coolya cothene cooreera.
24555	MRK 7:23	Citthu nnye cothene coonanara cinkhuma nhina, ni cinantatusa ntthu nharamu.
24569	MRK 7:37	Atikhinacaka, yaanawiira: Cothene nopanka cotikhineeha, heewiha atthu uhiwa, ni wuulumaciha atthu oohuulumaca.
24610	MRK 9:3	Coowara cawe cahothatuwa coowarya, cootteela usilili toko khaawo mayokattha vathiva uwoorya utteeliha ciicale.
24793	MRK 13:7	Mwiiwaka cuulumaciyaka cokhotto, ni myaha cokhotto, nhituthuwe. Citthu nnye cinalamuliya wiiranyaa nanso khunakhalaka mwiso.
24794	MRK 13:8	Nloko nimoca ninhala uvaraana ni nloko nikhwaya, omwene mmoca ni omwene nkhwaya. Ilapo inaahala uthukumela mapuro makina, ni immovola itala. Citthu nnye ciri mapacerero woona coowerya.
24815	MRK 13:29	Ciicammo nyu, moonaka ukumelela citthu nnya, ncuwele wiira Mwanawe Pinattamu ri vakhiviru, wankhora.
24923	MRK 15:28	Ciicammo cootthariheleliya cowantikhiya cineera: Ahaalikeliya na atthu oonanara nrima.
30344	JAS 1:11	Ncuwa noopaka ni nivihaka, yowaaliya inawuuma, ni ithutu aya inanyaala ni ureera waya unaamala. Ciicammo, mayoopuha naakhala oonyaala mphironi mwawe.
30377	JAS 2:17	Ciicammo, nroromeloru paahi, noohivareliya nteko, ninkhala nookhwa.
30379	JAS 2:19	We unakupali wiira ri Nluku mmoca paahi. Wahoreera! Ciicammo asotwani anakupali ni anattettemela!
30383	JAS 2:23	Coo phitthariheleliyaya yowantikhiya yiiraka: Aparahamu honkupali Nluku ni hoheeliya ukhala nasariya, ni uyo heehaninya mpwanawe Nluku.
30386	JAS 2:26	Ciicammo irutthu yohiroho inkhala yookhwa, philikanaya nroromelo nohikhalana coopankiya ninkhala nookhwa.
30405	JAS 4:1	Cinkhumelela vayi ikhotto nnyo ni waanaca winyu ayaayoru nwo? Cinkhuma nkhwiluni cinaana mwirutthuni mwinyu mmo.
30429	JAS 5:8	Ciicammo nyu nkhale oovilela ni oolipa nrima, kontha uwa wa Apwiya uri wakhiviru.