1	GEN 1:1	Wuupaceroni Nluku hopattusa irimu ni itthaya.
5	GEN 1:5	Nluku aheehana waarya nwe uthana, nuuripela nwe aheehana uhiyu. Wahela nuusa; nno naari nihuku noopacera.
6	GEN 1:6	Wahoolo Nluku aheera tho: Iriyari yo maasi nikhale nlaka ninhala ukawaniha maasi wawaya wawaya.
8	GEN 1:8	Nlaka nno Nluku aheehana irimu. Waheela nuusa; nno naari nihuku nonayeeli.
13	GEN 1:13	Waheela nuusa; nno naari nihuku noneeraru.
14	GEN 1:14	Nluku aheera: Cikhale imwaleelo wirimu wiira cikawanihe uthana ni uhiyu. Wiira cikhale cennyo nthoonyero wo ukati, mahuku ni myakha,
19	GEN 1:19	Wahovira ucoocilo ni wicisu; nno naari nihuku noneecese.
23	GEN 1:23	Waheela nuusa; nno naari nihuku noneethanu.
31	GEN 1:31	Phimaana Nluku hoona wiira citthu cothene cipankilyawe, ciri cooreera venci cinenne. Wahela nuusa; nno naari nihuku nonasiita.
40	GEN 2:9	Wahoolo, Apwiya Nluku yahomeliha itthaya yothene miri co khula nnanna, cooreera wa miithoni ni coociva ulya. Ni wariyari iluwani wahaawo mwiri wookumi ni mwiri nkina uncuweliha yooreera ni yoonanara.
44	GEN 2:13	Wonayeeli uvinre ilapo yothene yo Kuusi uneehaninya Kihoni.
45	GEN 2:14	Woneeraru uvinre mphantte unkhuma ncuwa weemelaka ilapo yo Usiiriya, uneehaninya Tikire; ni woneecese uneehaninya Ufarati.
49	GEN 2:18	Wahoolo, Apwiya Nluku yahoolumaca yiiraka, khawanreera nlopwana ukhala veekha. Kinaampankela oonkavihera wiira amwiiwanane.
62	GEN 3:6	Woonyaya athiyana wiira mwiri ule uri wooreera ulya ni woociva wamiithoni, ni mwiri woophwanela uvaha ankhili, yahorukula nhokorokho aya ni ulya, ni ciicammo yahaavaha awaanyaya nayo yaholya.
64	GEN 3:8	Watthekuwaya ncuwa, yaheewa uwuka wophyoo wawaaya Apwiya Nluku weettakaca nluwani. Vano nlopwana wamoca na amwaarawe yaheepitthaca Apwiya Nluku mmirini co nluwani.
78	GEN 3:22	Wahoolo Apwiya Nluku yaheera: Nkoonani, ntthu ula ri toko hii, naacuwela yooreera ni yoonanara; vano wiira hitaphule ntata nawe, ciicammo arukulaka nhokorokho womwiri wookumi, alyaka nukhala wohikhwa.
87	GEN 4:7	We wapankaka yooreera, khunhala ukupaliya? Nanso waahipankeke yooreera, ucuwele wiira itampi iri wankhora ni inoowipithela. Iyo imphavela wuutthema, nanso we unlamuliya usintta.
88	GEN 4:8	Wahoolo, Kayini ahomwiirela Apeli nhimaawe: Nrwee umattani. Ukati wakhalacilyaya umattani, Kayini ahontuphela nhimaawe nuumwiiva.
92	GEN 4:12	Ukati unkelaa ulima watthayani, ila khinkela yoovahaka tho icaayira. We unkokhala namatthawatthawa ni nannyatha umwilaponi.
97	GEN 4:17	Kayini ahaathukumanana amwaarawe ni yahorupala irukulu ni unnyara Enoki. Wahoolo Kayini ahoteka iparasa awe, yaavahilyawe ncina na mwamwanawe Enoki.
104	GEN 4:24	Wakhalaka wiira Kayini nawiivelelihiya ikuhukuhu imaara saapa, Lameki wanwookhala sapini (70) uyo umwaakulelaca imaara saapa (490).
109	GEN 5:3	Wapihenryawe Atamu myakha iminya nuuwa talaathini (130) ahonnyara mwana mmoca oolikana nuuyo ni oonlatta venci, ni ahonvaha ncina na Seeti.
115	GEN 5:9	Wapihenryawe Enosi myakha miloko khentta (90) ahonnyara Kenani.
118	GEN 5:12	Waapihenryawe Kenani myakha sapini (70) ahonnyara Malaleli.
121	GEN 5:15	Wapihenryawe Malaleli myakha sitiini nuuwa mithanu (65) ahonnyara Yereti.
124	GEN 5:18	Wapihenryawe Yereti myakha iminya wo sitiini na miili (162) ahonnyara Enoki.
127	GEN 5:21	Wapihenryawe Enoki myakha sitiini na mithanu (65) ahonnyara Metusalemu.
131	GEN 5:25	Wapihenryawe Metusamemu myakha iminya nuuwa miloko khentta na saapa (187) ahonnyara Lameke.
134	GEN 5:28	Wapihenryawe Lameke myakha iminya nuuwa miloko khentta na miili (192), ahonnyara mwana mmoca.
138	GEN 5:32	Wapihenryawe Nowee myakha iminya thanu (500) ahaayara tho asaana akina yeehaninnya: Seemu, Kani ni Yafeti.
139	GEN 6:1	Waapacenryaya atthu wuncererannyaa mwiilaponi ni yaayaracaka asaana asithiyana,
142	GEN 6:4	Yoole ukati ule, mwiilaponi yahaawo atthu oosancamaca. Wahoolo asaana asilopwana a Nluku wathukumaanannyaya asaana asithiyana a atthu ni yayaranacaka asaana. Ayo phaari anakhotto okuru ni ooruma ncina okhalayi.
150	GEN 6:12	Woonnyawe wiira ilapo ihotankannyaa, kontha atthu othene omwiilaponi ahohapuwa malamulo aka.
161	GEN 7:1	Wahoolo Mwaneene Nluku ahomwiirela Nowee: Ukele nkalawani, we ni ntthoko naa nothene, kontha kihowoona we ukhala ntthu oosariya wariyari wa atthu othene.
170	GEN 7:10	Wanowiira avirakaru mahuku saapa ale, phapacenryaya uwa maasi o naphuvu vathi wothene.
176	GEN 7:16	Paahi, inama cothene caakenle caari cowiiraana, co nlopwana ni co nthiyana, toko Nluku canlamulenlyawe. Wiimaleloni, Mwaneene Nluku ahotthyaa nkhora vate.
187	GEN 8:3	Maasi yahopacera uwukuwa vakani vakani mwiilaponi. Wiimaleloni wo mahuku iminya wohansiini (150), maasi ale yahowukuwa,
192	GEN 8:8	Wahoolo ahotthukulela ikhuntta wiira oone yakhala wiira maasi ayo yahowukuwa mwiilaponi.
204	GEN 8:20	Wahoolo Nowee ahopanka ikhilompi yoonlapelela Mwaneene Nluku, ni ahokusa inama cikina ni asaanuni oohalali, ni ahaavelelihera isataka yoopahiya.
245	GEN 10:10	Wiipaceroni umwene awe wamphiya uPapeli, Ereki, Akkate ni Kalineha, ilapo yo Sinari.
253	GEN 10:18	annarivati, annasemara ni annahatitha. Wahoolo mahimo o annakanani yahomwaryaca.
271	GEN 11:4	Wahoolo yaheerelana tho: Nrwee niteke iparasa ni inupa yoorekama yoophiya wirimu. Commo ncina nihu ninkoruma ni khaninhala umwaruseliya mwiilaponi.
273	GEN 11:6	Ni Mwaneene Nluku aheera coo: Nkoonani, atthu ala ari nloko nimoca paahi, anoolumaca nuulumo nimoca paahi, ni ahopacera nteko ule. Woohipica khiiwo inhala waahiha uvara yuupuwenlyaya.
304	GEN 12:5	Wakhumawe va ahonkusa Sarayi mwaarawe, Loti mwana amunnawe, mihakhu cawe cothene caphwanyilyawe ni ipottha cawe cathumilyawe uHarani. Yahokhumaca arwaka ilapo yo Kanaa ni yahophiyaca salama.
307	GEN 12:8	Vaavale aheetta arwaka myako ciri ncoko woohitto wo Peteli. Wonwo ahonkhurutula heema awe, akakhelaka uPeteli moono unkela ncuwa ni Ayi unkhuma ncuwa. Vano ahontekela ikhilompi Mwaneene Nluku ni ahonlapela Mwaneene Nluku.
308	GEN 12:9	Wahoolo Aparamu ahokhuma arwaka mphantte wo Nekepi.
309	GEN 12:10	Yooyo ukati uyo ilapo iyo yahovola itala yinci. Vano Aparamu ahokhuruwela ilapo yo Wiciipitu wiira akhale ukati vakani kontha itala eyo yanatepa mwilaponi mmo.
310	GEN 12:11	Ukati wattamenryawe Wiciipitu, ahomwiirela Sarayi mwaarawe: Yoowe! Mi kihocuwela wiira we uri nthiyana ooreera venci.
313	GEN 12:14	Khweeli Aparamu uphiya wawe Wiciipitu, annaciipitu yahoonaca wiira amwaarawe ayo ari ooreera venci.
317	GEN 12:18	Phimaana Farawoo ahomwiihana Aparamu, ni ahomwiirela: Isiyani yeeyo ikipankilyaa iyo? Wahakihimyacenryaa wiira ala mi amwaaraka?
318	GEN 12:19	Weerelani wiira ula mi mwanrokoraka? Hapo mi kahonthela! Pahi, yakhala amwaaraa wakuseke ni urweke.
319	GEN 12:20	Farawoo ahomwiirela Aparamu na amwaarawe wiira akhume mWiciipitu mmo ni ahaaruma anakhotto awe wiira anvelele mpaka umpikani ni citthu cothene carinawe.
320	GEN 13:1	Vano Aparamu ahokhuma Wiciipitu ni ahorwaa uNekepi na amwaarawe ayo, ni citthu cothene carinawe ni Loti ahontthukana ikwaha.
328	GEN 13:9	Ilapo eyo khimala, va nrwee nimelane. Weeraka kinthanla moono nthiyana mi kinhala urwa moono nlopwana; atthuna weeraka kinthanla moono nlopwana mi kinrwa moono nthiyana.
329	GEN 13:10	Vaavale ahoweha Loti micoko cothene niwahoncivela uthako wo Yoortani, wari wowunttelana ratta mpaka uSowari; wari toko iluwani ya Mwaneene Nluku, toko wenryaya itthaya yo Wiciipitu. Iyo yeeranele Mwaneene Nluku hinakwanyula uSotoma nuKomora.
336	GEN 13:17	Wunwe ni weettakace ilapo yothene. Mwiittayi waya ni mwikhuvi waya kontha kimmowuvaha we.
344	GEN 14:7	Wahoolo yahoturuwa ni yahophiyaca o En-Misipati uneehaninya uKate ni yahotthema ilapo cothene ca Amalekita ni ca Amorewu, yakhala uHasasoni-Tamar.
351	GEN 14:14	Wiiwa wawe Aparamu wiira mwana amunnawe hotthukiya, ahaakumiha alopwana iminya ttharu nuwa khumi na nanne (318), yayareliye wapuwani wawe ni yahoomolanihaca mpaka uTani.
364	GEN 15:3	Ni ahoncerera tho eeraka: We khukivahile mena mwana! Karumeya aka phinhala ukhala nkalanupa aka.
373	GEN 15:12	Wakelaya ncuwa, Aparamu cahomola ikhove cuulupale ni yahommwela ipiphi yiinci.
378	GEN 15:17	Wahoolo ncuwa ninakenlene ni iwaaka ipiphi, yahoonnya niikho yotthuwa mwiisi ni nthuko woopharela wahovira nnamani coottupulanihaciya nye.
379	GEN 15:18	Nenne nihuku nne Mwaneene Nluku aholeehana ni Aparamu. Uneethi aa kihovaha ilapo ela ukhuma mooloko wo Wiciipitu mpaka mooloko muulupale uneehaninya Ufarati,
383	GEN 16:1	Vano, Sarayi, amwaarawe Aparamu khaayanre. Kamana ahaana ipottha awe yo mwanthiyana o Wiciipitu, eehaninya Hakari.
385	GEN 16:3	Wakhumelenlyaya ukati wapiihenryaya Aparamu awaanyawe myakha khumi akhalaka uKanaa. Wari yooyo ukati uyo, Sarayi wanvahile awe Aparamu ipottha awe yo Wiciipitu yiihaniyaka Hakari.
386	GEN 16:4	Uyo ahonthukumanana Hakari ni ahorupala. Woonyaya irukulu, Hakari ahopacera waweha nseru athiyana a akunya awe.
387	GEN 16:5	Vano Sarayi ahomwiirela Aparamu: Wumorele yo weva ula uruttu ula ukihuviha waa. Kihoovaha ipottha aka mmatatani mwaa, vano woonyaya wiira ihorupala, inakitarawa. Mwaneene Nluku akhale mayohukhumu; ni mayonihukhumu mi ni we.
393	GEN 16:11	Aheereliya tho ni Ncelo a Mwaneene Nluku: We uhorupala ni unamphwanya mwana ni urwaa ummaha ncina na Sumayili, kontha Mwaneene Nluku homwiiwa muhuvani mwaa.
395	GEN 16:13	Nna phi ncina nanvahilyawe Mwaneene Nluku amuulumannyawe: We El Royi, kontha eenre: Kihomoona ule nokoona?
399	GEN 17:1	Aparamu unhaleelaka mwakha mmoca wiira apiihere iminya (99) ceyarelo, ahomphwanyinya ni Mwaneene Nluku ni ahomwiirela: Phi mi Nluku Okuru Cothene. Weette toko cintthunaka ni wiivaherere wa mi.
402	GEN 17:4	Uviriyane. Nna phi nleehano naka we ni mi. We unhala ukhala athumwanaya ilapo cinci.
415	GEN 17:17	Vano, Aparahamu ahooromela vathi, ahothyaa ni aheera: Wanawooryaa nlopwana o myakha iminya (100) ceyarelo unnyara mwana? Wanawooryaa Asaara uyara toko warinaya myakha miloko mithanu na micesei (90)?
420	GEN 17:22	Wamanlyawe wuulumaca na Aparahamu, Nluku ahothama nuuwela.
425	GEN 17:27	Wamoca na Aparahamu, yahoolihiya icantto atthu othene owapuwani wawe, ooyareela vava na ale oothuminya uttayi.
427	GEN 18:2	Aparahamu ahowusa miittho awe ni ahoona alopwana araru anamwemeleenle vakhiviru. Woona wawe ahonwa wankhora wonkomilyawe ni wowakuvyaca wene aheekamela ni ahooromela mpaka vathi.
431	GEN 18:6	Wowakuvyaca wene, Aparahamu ahokela nheemani ni aheerela Asaara wiira ahaawule iphepa yotteela ya atthu araru, ni anyatte ni apanke mikatthe.
432	GEN 18:7	Wahoolo ahorwaa muncicini ni ahonthanla mwaamope omaana, ahonvaha ipottha awe wiira antthenkace wowakuvyaca.
459	GEN 19:1	Wakelaya ncuwa nno ancelo eeli ale yahophiyaca uSotoma, ni Loti onkomile wankhora woparasa. Ukati woonnyawe ahoonwa ni ahorwaa wakhelelaca. Ahokhoroma ni ahopiiha iyuci awe vathi,
460	GEN 19:2	ni aheerelaca: Asuulupale aka, sontte. Nkivelele mpani wa karumeyi inyu. Wonwo nnaahala urupa nuurapa. Wasaka meelo mpwaheke nrwaka. Ayo yahaakhulaca: Mena, ninkorupa vate.
470	GEN 19:12	Alopwana eeli ale yahonkohaca Loti: We uhaana tho ntthu mparasani mu, mivokohica, asaana asilopwana na asithiyana, atthuna mmuci nkina? Mwatamihace va,
473	GEN 19:15	Ukhuma waya ncuwa, ancelo ale yahonkhanyererihaca Loti yiiraka: Wakuve! Wakuse amwaaraa na asaanaa eeli, atthuna ni nyu nnaahala ukhwaca wanhalaya uttarusiya iparasa eyo.
476	GEN 19:18	Wahoolo Loti aheerelaca: Mena, Pwiya aka!
479	GEN 19:21	Ule ahaakhula: Wahoreera. Mi kinaahala wukavihera yeeyo ivekenlyaa eyo. Akinhala ukwanyula iparasa inhimilya eyo.
480	GEN 19:22	Wakuve utthawe. Akinhala upanka itthu we uhinaya uphiya wonwo. Phimaana iparasa iyo yiihaniyaka Sowari, manaaya ikani.
485	GEN 19:27	Wasilyaya, Aparahamu ahonwa ni ahoturuwela nipuro namoonananyawe Mwaneene Nluku.
497	GEN 20:1	Aparahamu ahokhuma vale arwaaka nttetthe wo Nekepe ni ahorwaa ukhala iriyariru Katesi nuSuri. Wahoolo ahokhala ukati vakani uKerari.
499	GEN 20:3	Yooyo uhiyu uyo Nluku ahowa waApimeleke munttorani ni ahomwiirela: We unaakhwa! Athiyana yakusilyaa ayo ahotheliya.
504	GEN 20:8	Wasilyaya wicisuru Apimeleke ahaalattula mahumu awe ni wattonkela cothene cankhumelenle, ni yahoovaca venci.
505	GEN 20:9	Wahoolo Apimeleke ahomwiihana Aparahamu ni ahomwiirela: Unipankile cani? Kukosenre isiyani mpaka ukikosiha venci ni omwene aka wothene? Ikipankile iyo khampankiya ntthu.
513	GEN 20:17	Wahoolo, Aparahamu ahonvekela Nluku wiira avone, ni Nluku ahomvoniha ni amwaarawe ni ipottha cawe, mpaka yahanca uyaraca,
523	GEN 21:9	Woonnyaya Asaara wiira mwana a Akaari, munnaciipitu, annanveha Isaki,
528	GEN 21:14	Wasilyaya wicisuru, Aparahamu ahokusa mikatthe ni nipinka no maasi oocareene, phunvahaka Akaari wiira akuse wanikhatani wawe ni ahonleeha wamoca ni mwanawe ule. Uyo ahottotta nttala, phurwaaka arukureryacaka itakhwa yo Peresepa.
529	GEN 21:15	Wamanlyaya maasi nnipinkani mmwe, ahonhiya mwanawe waniphumpuluni
535	GEN 21:21	Aakhala itakhwa yo Paraa, ni anumwane yahomphavelela nthiyana olapo yo Wiciipitu.
550	GEN 22:2	Vano Nluku aheera: Unkuse mwanaa, mwanaa mmoca yooyo, Isaki nonfentesaa uyo, ni urwee nttetthe wo Muriyaa. Wakipankele yooyo wonwo isataka yoopahiya wamwaakoni unhalaaka wuthoonyera.
551	GEN 22:3	Wasilyaya vale, Aparahamu ahonwa ni ahontthenkemaniha puuru awe, ahaatthukana nloko amirawo awe eeli wamoca ni Isaki mwamwanawe, ahopharula ikhuni cosataka, ahopwaha arwaaka nipuro nahimeriyawe ni Nluku.
557	GEN 22:9	Waphilyaya nipuro nathoonyeriyawe ni Nluku, Aparahamu ahoteka ikhilompi yoopaha isataka ni ahotataanihaca ikhuni vaavale. Ahontthuka Isaki, phumweesaka waculu ikhuni vale.