24969	LUK 1:7	Lakini, baabile banapapali mwana, mwanjaa Elisabeti aai ntonga na boti abi'li' baai agoi muno.
24975	LUK 1:13	Lakini malaika ywa Nnu'ngu' ngammakia, “Wa Zakalia we, kaneuyogope, mwanjaa gonnu'bite Nnu'ngu' akuyu'wine, nnyumbogo Elisabeti alu'a kupapya mwana nnalu'me, na lina lyake wantine Yoani.
24982	LUK 1:20	Pi'kania, mwanjaa ukana u'bi'lya makowe ganikubakia ulu'a galambuka panga wa bubu, walongelali mpaka gano ganikubakie gatimi.”
24983	LUK 1:21	Apo bandu baakibweni kyukala kwa mwanjaa Zakalia aasi'li'ye pitya palua lwa Nyumba ya Nnu'ngu'.
24984	LUK 1:22	Paapiti panja, akombwili longela nabo, yabonekine mpu'la kasabe, Zakalia aagabweni makowe gayambi' mu Nyumba ya Nnu'ngu', mwanjaa ywembe alongelage kwo langyalangya na moko.
24989	LUK 1:27	kwa mwi'nja yumo ywangalikuntanga nnalu'me ywakemelwage Malia, aakobekilwe na Yusupu bu'ka mulukolo lwa Daudi.
24994	LUK 1:32	Ywembe alu'a panga mpi'ndo na aakemelwa mwana wa Nnu'ngu' nku'lu'. Nnu'ngu' alu'a kumpeya kiti'gu' sa lenji bu'ka mulukolo lwa nkulungwa Daudi.
25001	LUK 1:39	Bu'ka pa masu'ba nsi'si', Malia aayabwi mwanja wa kiyu'ngu'ya mpaka kunni'ma waubile mwitu'mbi' ya ku Yudea.
25005	LUK 1:43	Mwanjaa namani makowe maku'lu' kati ga kumbitya ne, ata mau' bake Bwana wangu' banisili?
25010	LUK 1:48	Kwa mwanjaa, anninguli kwa liyo lya kiya, ntumisi ywake ywa nnyu'wa. Kwa nyo, bu'ka nambi'yambi' bandu boti, balu'a nikema na ywayaliwite.
25011	LUK 1:49	Kwa mwanjaa, Nnu'ngu' Mwene makakala, anipangi maku'lu', lina lyake lipeleteu.
25014	LUK 1:52	Aulwiye bene makakala bu'ka muiti'gu' yabe ya lenji, na kwa katuya aki'ba.
25015	LUK 1:53	Aayukutiye manogau bene njala, na kwabu'ya moko gabule bene mali.
25030	LUK 1:68	“Akwi'yi'lwe Bwana Nnu'ngu' wa Isilaili! Mwanjaa aatikwaisilya na kwakombwa bandu bake.
25041	LUK 1:79	Na kwamulikya boti babatama mulubi'ndu' na kiwili sa kiwo, alongoye nganjo yitu mundi'la ya amani.”
25046	LUK 2:4	Yusupu nembe aayabwi mwanja bu'ka kukilambo sa Nasaleti kuwilaya ya Galilaya li'nga akabalangilwe. Mwanjaa ywembe aabile mulukolo lwa Daudi, aayi'i kukilambo sa Betelehemu, kunkoa wa Yudea kwabelekuli nkulungwa Daudi.
25049	LUK 2:7	Ngakomboka mwana nnalu'me mmele wake, anng'walike tugu'bo twa kyana, na kunng'onjeka mukili'lyo sa ng'ombe mwanjaa baapatikeli poogonjo, nyumba ya ageni yai yatwi'la.
25053	LUK 2:11	Mwanjaa li'no pansengo wa Daudi abelikwe Nkosopoli, abelikwe kwa kitumbu sinu mwenga nga Kilisitu Bwana.
25054	LUK 2:12	Na wu'no, walu'a panga mwanju kasinu panga, mukankwemba mwana kilekeleke banng'walike ngu'bo ya kyana, banng'onjike mukili'lyo sa ng'ombe.”
25058	LUK 2:16	Bai, baayi'i kwo talima, ngabaakwemba Malia, Yusupu, na yu'lu' mwana kilekeleke banng'onjike mukili'lyo sa ng'ombe.
25074	LUK 2:32	Bweya wawaalu'a kwamulikya bandu ba panja, na utukupu kwa bandu bako Isilaili.”
25076	LUK 2:34	Simioni aatekwayalya, ammakie Malia mau' bake, “Mwana yu', alu'a panga kitumbu, so oba no kosopolelwa kwa bandu baingi mu Isilaili. Nembe alu'a panga kati mwanju wo kanilwa na bandu,
25085	LUK 2:43	Paiyomwike si'li'ku'si'li'ku', baatumbwi mwanja wo buyangania kasabe, lakini Yesu aaigali ku Yelusalemu wangali abelei bake tanga panga bannei nsu'gu'.
25086	LUK 2:44	Bembe bawasage aalongwaniye na lipi'nga lya babalongolile. Baayi'i mwanja wa kutwa banammonali, ngabatumbwa kumpala mwababile alongo na mambwiga.
25090	LUK 2:48	Abelei bake, pabaamweni, baatisangala. Malia mau' bake, ngabannaluya, “Wamwana wangu', mwanjaa namani utupangite nyo, tati' bako na nenga, twendekupala, malango gatuobike.”
25091	LUK 2:49	Ywembe ngayangwa, “Mwanjaa namani munipalage? Mwatangikeli panga, nipalilwa tama munyumba ya tati' bangu'?”
25099	LUK 3:5	Mabi'ndi' goti gaalu'a kulilwa, kila kitu'mbi' na litu'mbi' yaalu'a pwimwanilwa no yanjayilwa, papapi'ndike, paalu'a gololelwa. Mali'la gangapetwa, gaalu'a petulwa.
25103	LUK 3:9	Bai, libago libi'kilwe paliina lya nkongo kwa nyo, kila nkongo wangali pambika itunda inannoga, waalu'a pi'ngu'lwa no sonjelwa mwoto.”
25134	LUK 4:2	akwo aapayilwe na Ibilisi kwa masu'ba alubaini, masu'ba ago goti, aalileli kili'be. Palyaikite lisu'ba lya alubaini ngaimminya njala.
25138	LUK 4:6	“Naakupeya uweso wa kulungwa yoti yi', kwa mwanjaa, ayi' yoti nitepeyelwa na mana nipendile kumpeya mundu nendakombwa.
25142	LUK 4:10	kwa mwanjaa iandikilwe, ‘Aabakia malaika bake bakuli'ndi'le,’
25152	LUK 4:20	Payomwi soma ngakiwi'ki'lya si'lu' kitabu, na kumpeya ntumisi bu'kapo ngatama, na bandu boti ngabammu'nju'lya minyo.
25157	LUK 4:25	Pi'kani, kwai na alwawa awi'li'ka baingi ku Isilaili nsimu wa Eliya, kai' kwai na njala ngu'lu' munni'ma woti kwa mwanjaa aanileli ula kwa myaka itatu na nusu.
25161	LUK 4:29	Ngabayi'ma, na kumpikia panja ya kilambo sabe na kumpeleka panani ya kitu'mbi', li'nga bantaikuli pai' bu'ka mungeleuko.
25164	LUK 4:32	Ngabasangala uweso wabile nawo muuyi'gani kwa mwanjaa, ayi'ganage kwa amuli.
25168	LUK 4:36	Bandu boti ngabasangala, ngababakiana, “Ali' likowe lyayambi' mwanjaa kwa uweso na makakala ammakia moka bu'ka naywembe endabu'ka!”
25173	LUK 4:41	Moka gaatikwabu'ka bandu baingi, ngagapanga ndu'ti kagabaya, “Wenga nga wa Mwana wa Nnu'ngu'!” Lakini Yesu nga gakalipya wala aagayi'ki'tiyeli longela, kwa mwanjaa, gaatangite panga ywembe nga Kilisitu ywabayilwe.
25175	LUK 4:43	Lakini Yesu ngaabakia, “Nipalikwa kwaalya Abali Inannoga ya Ukulungwa wa Nnu'ngu' mumili'ma yi'ngi', kwa mwanjaa, nitumilwe kwa go.”
25181	LUK 5:5	Simoni ngannyangwa, “Mpi'ndo, tutikeleka kilo soti loba lakini tupatikeli kili'be, ila mwanjaa ulongei wenga niyenda tumbukia.”
25184	LUK 5:8	Simoni Petili paagabweni go, ngakilikita nnu'ngi' ya Yesu na kummakia, “Bwana, ubu'ke nnu'ngi' yangu', kwa mwanjaa nenga namwene sambi.”
25188	LUK 5:12	Yesu paabile pakilambo simo sa nni'ma wo, ngakwembana na mundu mwene matana yi'ga yoti. Mundu ywo ngagonja ukukama na kunnu'ba Yesu, “Bwana mana upendile, wendakombwa kunipeleteya.”
25195	LUK 5:19	Bu'kana no yoloka kwa bandu, baakombwili kunnyingiya nnyumba, ngabaamwa bau'bu'ke pamwagala, no bu'ya iyonjo yabayipile na kumwuluya mumasela nnu'ngi' ya Yesu,
25201	LUK 5:25	Bu'kapo, yu'lu' mundu ywatombolwike ngayi'ma nnu'ngi' yabe boti, ngatola saagonjelile no yenda kasake, ku'no kankwi'ya Nnu'ngu'.
25203	LUK 5:27	Bu'ka pa go, Yesu aapitike panja, ngammona nnonga koli yumo ywakemelwage Lawi, atami palyengo lyake. Yesu ngammakia, “Uniki'ngame.”
25213	LUK 5:37	Kai' bandu bayi'yali kinywo sa njabibu yayambi' mumapondo maumala, kwa mwanjaa aso kinywo sayambi' salu'a kanja mapondo go, kinywo salu'a yitanika na, mapondo gaalabika.
25214	LUK 5:38	Kinywo sa njabibu yayambi', kiyi'yi'lwa mumapondo gayambi'.
25215	LUK 5:39	Ntu'pu' mundu ywaminyikia nywa kinywo sa njabibu yayambi' bu'ka ponywa kinywo sa njabibu ngona maana ibayilwa yi'lu' ngona nga inannoga muno.”
25218	LUK 6:3	Yesu ngaayangwa, “Munasomali mwaapangite Daudi na aine pabaabile na njala?
25234	LUK 6:19	Bandu boti bapalage bankunywe, kwa mwanjaa nkati yake gapitage makakala ga kwatepwa boti.
25235	LUK 6:20	Yesu ngaagalambukya banamasi' bake ngabaya, “Nantali mwenga mwamile mwaki'ba, kwa mwanjaa Ukulungwa wa Nnu'ngu' winu.
25236	LUK 6:21	Nantali mwenga mwamuminya njala nambi'yambi' kwa mwanjaa mwalu'a yukuta. Nantali mwenga mwamuli'la nambi'yambi' kwa mwanjaa mwalu'a eka.
25237	LUK 6:22	“Nantali mwenga mwamusukilwa na bandu, mwamubaulwa, mwamui'mbu'lwa, no linyatia lina linu kwa mwanjaa ya Mwana wa Mundu.
25238	LUK 6:23	Pagaapita ago goti mwaanapusike no u'mbau'mba, kwa mwanjaa upo yinu ngu'lu' ibile kunani. Kwa mwanjaa api'ndo babe baapangile alondoli ba Nnu'ngu' nyinyonyo.
25239	LUK 6:24	Lakini mwakibona mwenga mwamatayili kwa mwanjaa mupatike upo yinu.
25240	LUK 6:25	Mwakibona mwenga mwamuyukuta nambi'yambi' kwa mwanjaa mwalu'a minya njala palu'ngi'. Mwakibona mwenga mwamweka kwo napusika nambi'yambi' kwa mwanjaa mwalu'a li'la no lombola.
25241	LUK 6:26	Mwakibona mwenga mwamulumbilwa na bandu boti kwa mwanjaa api'ndo babe baapangi alondoli ba ubu'su' nyinyonyo.”
25247	LUK 6:32	“Mana mwaalu'a kwapenda babampendile mwenga mwalu'a pata upo yaku'? Ntu'pu' kwa mwanjaa ata bene sambi baapenda babaapendile.
25248	LUK 6:33	Kai' mana mwapangi manogau balu' babampangi manogau mwalu'a pata upo yaku'? Kwa mwanjaa ata bene sambi bapanga gogogo.
25249	LUK 6:34	Na mana kamwapeya ngu'ta balu' bamwu'bi'lya kunni'pya, mwapata upo yaku'? Kwa mwanjaa ata bene sambi baapeya ayabe li'nga baki'li'bu'ki'yi'lwe si'si'lu'si'lu'.
25250	LUK 6:35	Ila mwenga mwapende andumu binu na kwapangya manogau, mwapei ngu'ta wangau'bi'lya ki'li'bu'ki'yi'lwa na upo yinu yapanga ngu'lu', namwe mwapanga mwabana ba Nnu'ngu' ywa kunani. Kwa mwanjaa ywembe nnogau kwa kingasukulu na bababile alau.
25253	LUK 6:38	Mwapei bandu ili'be yabapala na mwenga Nnu'ngu' ampeya, mwapokya kili'ngo satwi'la no indilya, tikyatikya ika no yitanika. Kwa mwanjaa kili'ngo sososo samwaali'ngya, nga samwaali'ngi'lwa na Nnu'ngu'.”
25256	LUK 6:41	Mboni ukibona kielenje muliyo lya nnyino na lubago lwa muliyo lyako ulubonali?
25257	LUK 6:42	Au ukombwa buli kummakia nnyino, ‘Nnyangu', nileka nikubu'ye kielenje sakibile muliyo lyako’, na wamwene lubile lubago muliyo lyako? Wammu'su'bu'su', ulubu'ye wi'ti' lubago lwa muliyo lyako, ngaummu'ye nyino.
25259	LUK 6:44	Bandu bautanga nkongo bu'kana na itunda yake, itanganikwe panga, bandu batu'mbwali tini wala njabibu mumimimwa.
25261	LUK 6:46	“Kwa mwanjaa buli munikema ‘Bwana, Bwana,’ ku'no kamukana panga ganimmakianga?
25263	LUK 6:48	Aywo alandana na mundu ywasenga nyumba kwo i'mbi'ya mpaka mumpi'mbi' ngaupita nkukulo wa libi'ndi' pawiku'mbwi nyumba yo lakini isengwanikeli kwa mwanjaa yaasengilwe ngangamau.
25270	LUK 7:6	Bai, kabayenda, baalongwaniye na Yesu. Pabaabile kabaegelya panyumba ya yu'lu' mpi'ndo ywa yesi, yu'lu' mpi'ndo ngatuma mambwigalye, bakammakie Yesu, “Bwana, kanewisuluye muno, kwa mwanjaa nenga ili'nganili wenga yingya munyumba yangu'.
25297	LUK 7:33	“Kwa mwanjaa Yoani aatiisa, nembe endage punga na anywageli wi'mbi', namwenga mwabaite, ‘Ayingililwe na moka!’
25305	LUK 7:41	“Bandu abi'li' bankopite mundu mbanje, yumo aakopite linali mya tano, na ywi'ngi' amusini.
25311	LUK 7:47	Kwa nyo nendakubakia, asamilwe masambi gake maingi kwa mwanjaa alayite unogau wake nku'lu'. Ywasamilwe kisene apenda pasene,”
25332	LUK 8:18	Kwa nyo, mwili'ndi'le kwa go gamugayu'wa kwa mwanjaa, ywabile na kili'be, alu'a yongeyelwa lakini, ywangali kili'be, ata si'lu' kisene sabile naso satolelwa.”
25333	LUK 8:19	Mau' na akina nnunabe, baamwisili Yesu, lakini bakombwili kumwegelya kwa mwanjaa kipi'nga sa bandu.
25334	LUK 8:20	Yesu aapeyilwe abali, “Mau' bako na akina nnunabo bai panja, bapala kukubona.”
25336	LUK 8:22	Lisu'ba limo Yesu na banamasi' bake bau'bwike mu ngalaba na ngaabakia, “Tuloke litanda tuyende mpaka kwiyi'.” Bai, ngabatumbwa mwanja.
25337	LUK 8:23	Pabaabile mu ngalaba, Yesu lwampatike lugono, ngagonja. Nsunga nkali' na masi' gaatiyu'gayu'ga no yingya nkati ya ngalaba, apo baakibweni kiwo kakiegelya.
25340	LUK 8:26	Baayendeli na mwanja mpaka kumbwani ya nni'ma wa Wagelasi, waulolangana na Galilaya kwiyi' ya litanda.
25343	LUK 8:29	Alongei nyo kwa mwanjaa, Yesu agakalipi go moka gabu'ke kwa mundu ywo. Ago moka gakoyage kunnyingilya mundu ywo, pamope no panga bandu bammi'i nnyumba na kuntaba kwa nyololo na pingwi mumagu'lu' na mumoko. Kila pabantaba ipungo yo, endekwiti'kwana no bi'ngangi'lwa na moka mpaka kulupu'ngu'ti'.
25344	LUK 8:30	Bai, Yesu ngannaluya, “Lina lyako wa nyai?” Ywembe ngayangwa, “Lina lyangu' ‘Twabanambone,’” kwa mwanjaa ganiyingi moka maingi.
25347	LUK 8:33	Kwa nyo, galu' moka gaatikummu'ka yu'lu' mundu na kwayingya balu' magu'be, nabembe baimbilite pa linyenji no tumbukya mulitanda, masi' ngagaabulaga.
25354	LUK 8:40	Yesu pabuyangani kwiyi' ya litanda, kipi'nga sa bandu satikunkemya kwa mwanjaa boti bendekunni'nda.
25356	LUK 8:42	Kwa mwanjaa mwi'nja wake ywabelekwi kisake, ywa myaka ku'mi na ibi'li' endekomya. Yesu paayendage, bandu bendekuntwi'li'lya na kunkunywa ku'no na ku'no.
25358	LUK 8:44	Aywo nnwawa aammi'ngi'yite Yesu nsu'gu', ngapakunywa mpindo wa nganju yake. Pakunywile, popopo utamwe wake waatikummu'ka.
25360	LUK 8:46	Lakini Yesu ngabaya, “Kubi na mundu ywanikunywile, mwanjaa nigabweni makakala kaganibu'ka.”
25363	LUK 8:49	Paabile balo kalongela, Yailo aaletilwe abali bu'ka kaya, “Mwi'nja wako awile, sakunsulukia muno Mwalimu saku'.”
25365	LUK 8:51	Yesu paikite kasake Yailo, annyi'ki'tiyeli mundu yingya nnyumba pamope nakwe, ila aayingi na Petili, Yoani, Yakobi na abelei ba aywo mwi'nja.
25366	LUK 8:52	Bandu boti baabile kabali'la no lombola mwakipitike kiwo sake. Yesu ngaabakia, “kanemuli'le, mwana atigonja bai, anawaali!”
25367	LUK 8:53	Bandu ngabamweka kwa kunsalawa panga atangiteli kiwo, mwanjaa bembe baatangite awile.
25373	LUK 9:3	Aalagi, “Pamuyabwa mwanja kanemupu'twe kikowe sosoti, kanemupu'twe lukongoso wala nsaku, wala masulupu, wala mbanje wala kanemwapu'twe ata likoti lyo bi'kiya.