23218	MAT 1:5	Te Salmón ni cuu de tátá Booz, te náná i ni cuu Rahab. Te Booz ni cuu de tátá Obed, te náná i ni cuu Rut. Te Obed ni cuu de tátá Isaí.
23220	MAT 1:7	Te Salomón ni cuu de tátá Roboam, te Roboam ni cuu de tátá Abías, te Abías ni cuu de tátá Asa.
23256	MAT 2:18	Ini región Ramá ni jini sōho ri jeē cándahyū te cándahyū cohó. Chi ñahan cácuu yucūn Raquel, cándahyū ña jehē séhe ña, te tu cácuni ña ndusɨɨ̄ ni ña, chi ni cajihī i. Achí tutu.
23293	MAT 4:15	Región Zabulón jiín Neftalí, ichi jeē yɨ́hɨ yumar, lado yūte Jordán nuū cáne niāndii, jíín región Galilea nuū cáyūcú ñayuu tācá nación tu jíní jnūhun ya.
23325	MAT 5:22	Te ruhū chi cáhán rī jiín ró, vēsú núu máá jéē quɨtɨ́ ni ɨɨn ñayuu jíto i jnáhan i, suni cundaā sɨquɨ̄ cuéchi i ún. Te núu ɨɨn ñayuu cahān neé i nuū jnáhan i, núu súcuan te cundaā cuēchi i un núū justicia cujéhnu ga. Te núu ɨɨn ñayuu cahān i nuū jnáhan i: Róhó jéē canéé íī, achi i, núu súcuan te quɨ̄vɨ i nuū ñuhún infierno te núu ma nácani ni i.
23338	MAT 5:35	Te ñayɨ̄vɨ cúu nájnūhun teyū nuū íin jehē yā. Te ni ma ndácunehen ró ñuu Jerusalén, chi suu cúu ñuu maá Yáā cúu Rey cujéhnu.
23419	MAT 8:5	Te ni quɨ̄vɨ Jesús ñuu Capernaum. Te ɨɨn tēe nación Roma jeē cúu capitán, ni quee de nuū yā, te ni cahān ndahú de jíín yá:
23619	MAT 13:11	Te ni cahān yā jiín de: Róhó jíjnáhan ró chi sáha ya jeē cájecūhun ni rō jnūhun ni yɨsāhi yáha, ndese quɨ́vɨcoo ñayuu ndaha Yaā andɨvɨ́ jeē ndacu ya jniñu nuū i. Te ñayuu yáha jéē tu cácandíje, chi ma jécūhun ni i.
23754	MAT 16:13	Te nuū ni jínū Jesús región Cesarea Filipo jiín tée cáscuáha jíín yá, te ni cajnūhun yá de: Ruhū, Yaā ní nduu tēe, ¿ndé ɨɨn cúu ri cácahān ñayuu?
23859	MAT 19:28	Te ni cahān Jesús jiín de: Ruhū, Yaā ní nduu tēe, jendaá cahán rī jiín ró jijnáhan ró jéē ɨɨn quɨvɨ̄ conene rī mesa ndacu ri jniñu, te yōhyo luu cujéhnu ri ini ñayɨ̄vɨ jéé. Te quɨvɨ̄ ún te máá ró jeē ní cacondiquīn rō ruhū, suni coyūcu ró nuū uxí uū mesa ndacu ró jniñu. Te sándaā rō jniñu ndɨhúxí uū yucūn ñayuu Israel.
23865	MAT 20:4	Te ni cahān de jíín: Róhó jíjnáhan ró, cuángoo taxín ró uva rī, te chunaa vāha ri yāhu ró, áchí de. Te tēe un cuángoo de.
23880	MAT 20:19	Te squɨ́vɨ de ruhū nuū tée nación Roma jeē cáyūcú Jerusalén cándacu jniñu. Te tāca tée un sácatā de nuū rī. Te cani de ruhū, te sáá te cahni de ruhū jicā cruz. Te nuū uní quɨvɨ̄ te natecu rī. Achí yá.
23900	MAT 21:5	Cachi rō nuū ñáyuu ñuu Jerusalén jeē naní ñuu Sión: Yāhá condēhe ró jeē véji Rey rō. Tu sájéhnu ya maá yá, chi máá burra‑ni yósó yá, jíín burrito, sēhe quɨtɨ ndíso. Achí tutu.
23958	MAT 22:17	Núu súcuan te cahān ní ndese jéni ni ní: ¿A íyó váha jeē chúnaa yō renta nuū rey nación Roma jeē jnɨ́ɨ nación yō, chí tuú? áchí de.
24024	MAT 23:37	’Róhó ñuu Jerusalén, jéhni rō tēe cánacani jnūhun Yaā Dios, te jéhe ro yúū xinī tée tájí Yaā Dios vējicoo nuū rō. Te cuehē jínu ni cuni rī nastútú rí sēhe ró, nájnūhun ndují jéē nastútú tɨ́ sēhe tɨ chīji ndijēn tɨ̄, te tu ní cúní rō.
24108	MAT 25:31	Te ni cahān gā yā: Ɨɨn quɨvɨ̄ te ndiji máá Yaā ní nduu tēe, te cuu ya Rey nuū ñáyuu. Te tācá ndajéhé yā cuɨñɨ nɨ́ɨ́ xiin ya. Te cucōo ya mesa nuū ndácu ya jniñu, te yōhyo luu cujéhnu ya.
24111	MAT 25:34	Yūcuán na te cahān Rey jiín ñáyuu cáhīin lado váha ya: Nacā ndetū rō jeē ni sáha Tátá rī jiín ró. Nehen quɨ̄vɨcoo ró núū ndácu ró jniñu. Chi nde quɨvɨ̄ ní jecōo ñayɨ̄vɨ́ te je ni sátūhva ya nuū ndacu ró jniñu.
24117	MAT 25:40	Yūcuán na te cahān Rey jiín i: Jendaá cahán rī jiín ró jéē ná ni casáha ró súcuan jíín ɨɨn tācá hermano rī jeē cácandíje, vēsú ñayuu núu ga cúu i, te nuū maá rí ni casáha ró.
24118	MAT 25:41	’Yūcuán na te suni cahān Rey jiín ñáyuu cáhīin lado jecó yá: Ñayuu jnahnū ndetū cácuu ró. Cujiyo quingoo ró núū ñuhún jeē cayú nɨɨ́ cáni, nuū iyó túhva cone jexeén jiín táca táchī jeē cájejníñu nuū.
24192	MAT 26:69	Te níní jéē súcuan cúu, te Pedro néne de nuū quéhe ini patio. Te ni quee ɨɨn ñahan jéjníñu vehe ún, te ni cahān ña jíín de: Róhó chi suni ni jica ró jíín Jesús tēe Galilea, achí ña.
24209	MAT 27:11	Te nuū ní jinūcoo de jíín Jesús nuū gobernador, tēe cúu Pilato, te ni cajnūhún de ya: ¿A máá ró cúu Rey ñayuu hebreo? achí de. Te ni cahān Jesús: Suu ri cúu, nájnūhun cáhán rō.
24227	MAT 27:29	Te ni casáha de ɨɨn corona iñu, ni cachuhun de xinī yā. Te ni cachihi de ndaha váha ya ɨɨn yujnu jeē nájnūhun bastón. Te ni casácatā de nuū yā, chi ni cajecuɨñɨ̄ yɨtɨ́ de, cásáha de jeē chiñúhún de ya. Nacā jeē váha rey cúu Rey ñayuu hebreo, achí de.
24235	MAT 27:37	Te ni catee de ɨɨn jnūhun xinī cruz yā jeē cahán na sɨquɨ̄ ni jíhī yā: Yāha cúu Jesús, Rey ñayuu hebreo, achí.
24238	MAT 27:40	Róhó chi cáhán rō jeē cánu rō templo cáhnu, te nuū uní quɨvɨ̄ te nacani ró. Núu súcuan te jnama ró máá ró vijna. Te núu Sēhe Yaā Dios cúu ró, te nuu ró jícā cruz viī, achí i.
24240	MAT 27:42	Núu ɨnga ñayuu ni jnama de, ¿te naun tu cúu jnama de máá de vijna? Núu Rey ñayuu Israel cúu de, te na núu de jicā cruz, návāha candíje yó de.
24403	MRK 4:11	Te ni cahān yā jiín de: Róhó, chi sáha Yaā Dios jeē cájecūhun ni rō jnūhun ni yɨsāhi yáha, ndese quɨ́vɨcoo ñayuu ndaha ya ndacu ya jniñu nuū i. Te ñayuu jeē cáhīin sɨ́ɨn sɨquɨ̄, chi máni jíín jnúhun yátá cáhán rī tāca jnúhun jíín i.
24596	MRK 8:27	Yūcuán na te Jesús jiín tée cáscuáha jíín yá, cuahān yā tācá ndañúū Cesarea Filipo. Te ichi un ní cajnūhun yá de: Ruhū, ¿ndé ɨɨn cúu ri cácahān ñayuu?
24690	MRK 10:33	Achí yá: Cuni sōho ró, chi je cuángoo yó ñuu Jerusalén vijna, te yūcuán nastúu ñayuu ruhū, Yaā ní nduu tēe, nuū sutú cácujéhnu jíín núū tée cástéén tutu ley. Te ndonda de sɨquɨ̄ rī jeē cúū rī, te squɨ́vɨ de ruhū nuū tée nación Roma jeē cáyūcú Jerusalén cándacu jniñu.
24756	MRK 12:14	Te ni quecoo de, te ni cacahān de jíín yá: Maestro, cájini na jéē tée cáhán ndaā cúu ní, te tu yúhú ní jeē cahán ni ɨɨn ñayuu sɨquɨ̄ ní. Chi tu sáha ní cuenta ndese cúu ɨɨn ɨɨn i, chi ɨnuú‑ni sáha ní jíín i. Te stéén ndaā ní ndese squícu ñayuu nuū Yaā Dios. ¿Te á íyó váha jeē chúnaa yō renta nuū rey nación Roma jeē jnɨ́ɨ nación yō, chí tuú? ¿A chúnaa yō, chí má chúnaa yō? Achí de jíín yá.
24890	MRK 14:67	Te ni jito ña nuū de jeē néne de násaā de yuñúhún. Te ni jito vāha ña nuū de, te ni cahān ña: Róhó chi suni ni jica ró jíín Jesús, tēe ñuu Nazaret, achí ña.
24897	MRK 15:2	Te Pilato ni cajnūhún de ya: ¿A máá ró cúu Rey ñayuu hebreo? achí de. Te ni cahān yā: Suu ri cúu, nájnūhun cáhán rō.
24904	MRK 15:9	Te ni cahān Pilato jiín i: ¿A tu cácuni rō jeē siaá rī tēe cúu Rey rohó ñáyuu hebreo? achí de.
24907	MRK 15:12	Yūcuán na te ni cajnūhún tucu Pilato: Núu súcuan ¿te ndese cácuni rō jeē sáha ri jiín tée jeē cácahān rō jeē cúu de Rey rohó ñáyuu hebreo? áchí de jíín i.
24913	MRK 15:18	Yūcuán na te ni cacana de: Nacā jeē váha rey cúu Rey ñayuu hebreo, achí de.
24916	MRK 15:21	Te ɨɨn tēe nání Simón ñuu Cirene, tēe cúu tátá Alejandro jiín Rufo, vendiji de jeē ni jéhēn de rancho. Te ni yāha de yūcuán, te ni catejníñu soldado un de jeē cóndiso de cruz yā.
24921	MRK 15:26	Te jnūhun ni catee de xinī cruz cahán na sɨquɨ̄ ni jihī yā: Yāha cúu Rey ñayuu hebreo, achí.
24924	MRK 15:29	Te ñayuu cáyāha yūcuán cáscuícó i xinī i, te cácahān neé i: Jājaān. Róhó chi cáhán rō jeē cánu rō templo cáhnu, te nuū uní quɨvɨ̄ te nucondichi sáha ró.
24927	MRK 15:32	Núu na cúni yō jeē Cristo, Rey ñayuu Israel, nuu de jicā cruz vijna, yūcuán na te candíje yó, áchí de jíjnáhan de. Te tēe cándita caa jíín yá, suni súcuan ni cacahān neé de.
24934	MRK 15:39	Te tēe ñuu Roma jeē cúu capitán, índichi de nuū yā, te ni jini de jeē ní cana jee ya te ni jihī yā. Te ni cahān de: Jendaá ndije jeē Séhe Yaā Dios cúu tēe yáha, áchí de.
25105	LUK 3:11	Te ni cahān de: Róhó jéē cánevāha uū sahma, na cuáha ró ɨɨn nuū jeē tu névāha. Te róhó jéē cánevāha jeē yéji, suni súcuan na sáha ró, áchí de jíín i.
25110	LUK 3:16	Te ni cahān Juan jiín i jíjnáhan i: Ruhū chi jíín ndute scuándute ri rohó. Te vēji ɨɨn Yaā jeē nájnūhun scuándute ya rohó cúu jeē cuáha ya Espíritu Santo condee ini anuá rō, te poder yā cúu nájnūhun ñuhūn. Te cújéhnu ndasɨ́ yá, chi tú na vé jéhnu cuɨtɨ cúu ri nuū yā, ni jeē cuajníñu ri nuū yā vēsú ɨɨn jniñu lúlí gá nájnūhun jeē ndají rí vēsú correa ndijēn yā.
25121	LUK 3:27	te Judá ni cuu sēhe Joana, te Joana ni cuu sēhe Resa, te Resa ni cuu sēhe Zorobabel, te Zorobabel ni cuu sēhe Salatiel, te Salatiel ni cuu sēhe Neri,
25129	LUK 3:35	te Nacor ni cuu sēhe Serug, te Serug ni cuu sēhe Ragau, te Ragau ni cuu sēhe Peleg, te Peleg ni cuu sēhe Heber, te Heber ni cuu sēhe Sala,
25196	LUK 5:20	Te ni jini Jesús jeē cácandíje de jeē cúu nasávāha ya tēe cúhú un. Te ni cahān yā jiín tée cúhú un: Róhó, je íne cáhnu ni rī nuū tāca cuéchi ró, áchí yá.
25220	LUK 6:5	Te ni cahān gā yā jiín de: Ruhū, Yaā ní nduu tēe, máá rí cúu jeē ndácu jniñu sɨquɨ̄ ndese sáha ñayuu quɨvɨ̄ ndétātú, áchí yá.
25266	LUK 7:2	Te ɨɨn tēe nación Roma jeē cúu capitán, íyó ɨɨn mozo de jeē manī ndasɨ́ de jíín. Te mozo un cúhú i te je yajni cuu i.
25324	LUK 8:10	Te ni cahān yā: Róhó jíjnáhan ró, chi sáha Yaā Dios jeē cájecūhun ni rō jnūhun ni yɨsāhi yáha, ndese quɨ́vɨcoo ñayuu ndaha Yaā Dios jeē ndacu ya jniñu nuū i. Te máni jíín jnúhun yátá cáhán rī jiín sava ga i, návāha vēsú cájito i, te quéndōo i nájnūhun jeē tú na vé ni cájito i. Te vēsú cájini sōho i, te ma jécūhun ni i.
25388	LUK 9:18	Te ɨɨn quɨvɨ̄ ni cusɨ́ɨn Jesús, jícán tahú yā, te máá‑ni tēe cáscuáha un cáhīin de jíín yá. Te ni cajnūhun yá de: Ruhū, ¿ndé ɨɨn cúu ri cácahān ñayuu? achí yá.
25513	LUK 11:39	Te ni cahān maá Jítoho yō jiín de: Róhó tée fariseo jijnáhan ró, chi nájnūhun jeē cánacate ró yátā vaso jiín yátā cohó cúu jeē nándahá ró. Te ichi íni rō chi ñúhun máni máá jnúhun cuíhná jíín jnúhun néé.
25621	LUK 13:34	’Róhó ñuu Jerusalén, jéhni rō tēe cánacani jnūhun Yaā Dios, te jéhe ró yúū xinī tée tájí Yaā Dios vējicoo nuū rō. Te cuehē jínu ni cuni rī nastútú rí sēhe ró, nájnūhun ndují jéē nastútú tɨ́ sēhe tɨ chīji ndijēn tɨ̄, te tu ní cúní rō.
25789	LUK 18:32	Chi ñayuu nastúu i ruhū nuū tée nación Roma jeē cáyūcú Jerusalén cándacu jniñu. Te tēe un sácatā de nuū rī, te cahān neé de nuū rī, te tesɨ̄hɨ́ de nuū rī.
25819	LUK 19:19	Te suni ni cahān de jíín mozo un: Róhó, cujéhnu ró ndacu ró jniñu nuū uhún ñuu jnɨ́ɨ ri, achí de.
25838	LUK 19:38	Te áchí i: Yōhyo vāha Yaā cúu Rey jeē véji jíín jniñu máá Jítoho yō Yaā Dios. Te sáha ya jeē cóo manī yō jiín Yaā Dios andɨvɨ́. Te yōhyo cújéhnu Yaā Dios, achí i jíjnáhan i.
25842	LUK 19:42	Te ni cahān yā: Róhó ñáyuu Jerusalén, yōhyo ni cuu ni rī jeē na jécūhun ni rō jeē cuu ndumanī rō jiín Yaā Dios sáha ri. Te sɨquɨ̄ jeē tu cácandíje ró, te vijna chi ma cúu ga jecūhun ni rō.
25870	LUK 20:22	Núu súcuan te cachi ní: ¿A íyó váha jeē chúnaa yō renta nuū rey nación Roma jeē jnɨ́ɨ nación yō, chí tuú? áchí de.
25958	LUK 22:25	Te ni cahān Jesús jiín de: Rey tācá nación chi cándacu nīhin de jniñu nuū ñáyuu cájnɨɨ de, te cácahān i jeē tée cásáha vāha cúu jeē cácujéhnu nuū i.
25991	LUK 22:58	Te ni cunúu jecu gā, te ni jito tucu ɨnga ñayuu nuū Pedro, te ni cahān: Róhó, suni jnáhan tāca tée un cúu ró, áchí. Te ni cahān Pedro: Nasūu cúu ri, hombre, achí de.
26006	LUK 23:2	Te yūcuan ní caquejéé de cácahān de cuēchi sɨquɨ̄ yā: Ni canihīn na tée yáha jéē stónda de ñayuu sɨquɨ̄ tohō. Te cáhán de jeē tú vāha jeē cuāha ná xúhun renta nuū rey nación Roma jeē ndácu jniñu nuū nación na. Te suni cáhán de jeē maá de cúu Cristo, Rey jeē ní tají Yaā Dios. Achí de jíjnáhan de.
26007	LUK 23:3	Yūcuán na te Pilato ni cajnūhún de ya: ¿A máá ró cúu Rey ñayuu hebreo? Te ni cahān yā: Suu ri cúu, nájnūhun cáhán rō, achí yá.
26032	LUK 23:28	Te ni ndió cóto Jesús nuū ña, te ni cahān yā: Róhó ñahan Jerusalén jijnáhan ró, ma ndahyú rō jehē rī, chi sa suhva ndahyū rō jehē maá ró jiín jéhē sēhe ró jíjnáhan i.
26041	LUK 23:37	Te cácahān de jíín yá: Núu máá ró cúu Rey ñayuu hebreo, te na jnáma ró máá ró, achí de.
26042	LUK 23:38	Te suni ni īyo jnūhun jeē ndeé xinī cruz yā jeē cahán na sɨquɨ̄ ni jíhī yā, te suhva yósó jíín yuhu griego jiín latín jiín hebreo: Yāha cúu Rey ñayuu hebreo, achí.
26051	LUK 23:47	Te tēe nación Roma jeē cúu capitán ni jito de jeē súcuan ni cuu, te ni cahān de jeē yóhyo cújéhnu Yaā Dios, te áchí de: Jendaá ndije jeē tée tú na cuēchi cúu tēe yáha, áchí de.
26080	LUK 24:20	Te sutū cácujéhnu jíín tée cándiso jníñu nuū ná, ni canastúu de ya nuū tāca tée Roma, te tēe un ní casándaā de jeē cúū yā jicā cruz.
26081	LUK 24:21	Te máá ná ní cañūhun ni na jéē maá yá jnama ya nación na Israel nuū ñáyuu Roma nuú. Te sɨquɨ̄ tācá jniñu yáha, te ni cane ɨnga jnūhun. Chi vijna je íyó únī quɨvɨ̄ jeē ní cuu ún.
26139	JHN 1:26	Te ni cahān Juan: Ruhū chi jíín ndute scuándute ri. Te mēhñu ró jijnáhan ró íne ɨɨn Yaā jeē tu cájini rō.
26162	JHN 1:49	Yūcuán na te ni cahān Natanael jiín yá: Maestro, máá ní cúu Sēhe Yaā Dios, máá ní cúu Rey ñuu yō Israel, achí de.
26298	JHN 5:19	Te ni cahān Jesús: Jendaá cahán rī jiín ró jijnáhan ró: Ruhū jeē cúu Sēhe Yaā Dios, tú na vé cúu sáha ri jeē maá rí, chi máni sáha ri jeē jíto ri sáha Tátá rī. Chi tāca jéē sáha Tátá rī, suni sáha ruhū jeē cúu ri Sēhe ya.
26322	JHN 5:43	Ruhū vēji ri jiín jniñu cúní Tatá rī, te tu cájetáhú ró ruhū. Te núu ɨnga tēe quee de jíín jniñu cúní maá de, sa tēe un yáchī cuatáhú ró de.
26463	JHN 8:13	Yūcuán na te ni cacahān tēe fariseo jiín yá: Róhó chi cáhán rō jnūhun jehē maá ró, te tu jéjníñu jnūhun cáhán rō.
26471	JHN 8:21	Te ni cahān tucu Jesús jiín de: Ruhū chi quihīn rī, te nanducú ró rúhū, te ma nánihīn rō ruhū, chi quendōo cuēchi ró sɨquɨ̄ rō quɨvɨ̄ cúū rō. Te jeē yúcuan má cúu jinūcoo ró núū quihín rī, achí yá.
26488	JHN 8:38	Ruhū chi cáhán rī jnūhun jeē ni stéén Tatá rī nuū rī. Te máá ró chi cásáha ró jniñu jeē ni cáhān tatá maá ró jijnáhan ró. Achí yá.
26526	JHN 9:17	Te ni cacajnūhún tucu de tēe ni īyo cuáá un: Róhó, ¿ndese cáhán rō sɨquɨ̄ tée ni nanune tɨnūu ró núu súcuan? Te máá de ni cahān de: Ɨɨn tēe nácani jnūhun Yaā Dios cúu de, áchí de.
26543	JHN 9:34	Te ni cacahān tēe hebreo un: Róhó chi íyó ndasɨ́ cuéchi ró ndé quɨvɨ̄ ní cacu ró, ¿te á máá ró steén nuū rī naún? áchí. Te ni caquenehen tēe un yátā vehe iī sinagoga.
26640	JHN 11:48	Te núu condēhé‑ni yó, te ndɨvii ñayuu candíje i de. Te quijicoo tāca tée nación Roma jeē cácujéhnu, te canu de templo cáhnu yó, te scuíté núu de ñayuu nación yō, achí de jíjnáhan de.
26641	JHN 11:49	Te ɨɨn jnáhan de jeē naní Caifás, jeē cúu máá sútū cujéhnu ga cuiyā ún, ni cahān de: Róhó chi tu cájini cuɨtɨ rō,
26662	JHN 12:13	Te ni cajehnde i ndaha ñúú, te ni quendacoo i cuajnahan i ya. Te cácana jee i: Yōhyo cújéhnu Yaā Dios. Yōhyo vāha Yaā cúu Yaā jeē véji jíín jniñu máá Jítoho yō Yaā Dios. Yōhyo vāha Yaā cúu Rey nación yō Israel. Achí i.
26664	JHN 12:15	Ñayuu ñuu Jerusalén jeē naní ñuu Sion, ma yūhu ró jijnáhan ró. Yāhá condēhe ró jeē véji Rey rō, te yósó yá ɨɨn burro. Achí tutu.
26882	JHN 18:28	Yūcuán na te ni quendacoo de jíín Jesús vehe Caifás, cuangoo de jíín yá nde palacio tēe nación Roma jeē cúu gobernador. Te je cuacundijin. Te ñayuu hebreo tu ní quɨ́vɨcoo i ini palacio, návāha tu stɨ́vɨ i ley i jeē cahán jeē ma quɨ́vɨ i ini vehe ɨɨn ñayuu jeē násūú hebreo cúu. Chi núu súcuan te ma cúu cuxíni i vico pascua jeē cóo ɨnga quɨvɨ̄ ún.
26886	JHN 18:32	Súcuan ni cacahān i návāha squícu jnūhun jeē ní cachi Jesús jeē quɨ́vɨ ya ndaha tēe Roma te cahni de ya jicā cruz.
26887	JHN 18:33	Te ni ndɨ̄vɨ Pilato ini palacio, te ni cana de jeē na quíji Jesús. Te ni cajnūhún de ya: ¿A máá ró cúu Rey ñayuu hebreo naún?
26891	JHN 18:37	Yūcuán na te ni cahān Pilato jiín yá: ¿Te á ɨɨn rey cúu ró jéē súcuan? Te ni cahān Jesús: Rey cúu ri, nájnūhun cáhán rō. Ni quiji ri ni cacu ri ini ñayɨ̄vɨ yáha návāha nacani ri jnūhun ndaā. Te ndɨhɨ ñayuu cájetáhú jnúhun ndaā, cájini nahín i jnūhun cáhán rī. Achí yá.
26893	JHN 18:39	Te íyó costumbre maá ró jijnáhan ró jéē vico pascua te siáá rī ɨɨn tēe íne vecāa nuū rō. ¿Te á tu cácuni rō jeē siaá rī Rey rō nuū rō? Achí de.
26897	JHN 19:3	Te ni jecondichi de nuū yā, te ni cacahān catá de: Nacā jeē váha rey cúu Rey ñayuu hebreo. Te ni cacani de nuū yā.
26906	JHN 19:12	Yūcuán na te nde hora un ndúcú ndéyɨ́ Pilato ndese siáá de ya. Te ñayuu hebreo chi cácana jee i: Núu siáá ni tée jiñā, te tu cúu ní amigo rey Roma jeē cujéhnu ndácu jniñu núu súcuan. Chi tāca tée jeē sáha de rey maá de, núu súcuan te cúu de enemigo sɨquɨ̄ rey un. Achí i.
26909	JHN 19:15	Te ni cacana jee i: Na cúū de. Cata caa ní de jicā cruz, achí i. Te ni cahān Pilato jiín i: ¿A jéē cata caa rī rey rō jicā cruz naún? Te sutū cácujéhnu un ní cacahān de: Tuá na ɨnga rey cánevāha ná jíjnáhan ná, chi máá‑ni rey Roma jeē cujéhnu ndácu jniñu nuū ná.
26913	JHN 19:19	Te suni ni ndacu Pilato jniñu jeē na cóndee jnūhun xinī cruz yā, jeē cahán: Tēe yáha cúu Jesús ñuu Nazaret, Rey ñayuu hebreo, achí.
26915	JHN 19:21	Te tāca sútū cácujéhnu nuū ñáyuu hebreo, ni cacahān de jíín Pilato: Ma tée ní jéē cúu de Rey ñayuu hebreo, chi sa suhva tee ní jéē maá de ni cahān jeē cúu de Rey ñayuu hebreo.
26952	JHN 20:16	Te ni cahān Jesús jiín ña: María, achí yá. Te jeē ni cáhān yā súcuan, te ni nacuni ña ya, te ni ndió cóto ña, te ni cahān ña jíín yuhu hebreo: Raboni, achí ña. Te jnūhun un cúní cahān, Maestro.
27003	ACT 1:11	Te ni cacahān yā jiín de: Róhó tée Galilea, ¿najehē cájito ndaa ró ichi ándɨvɨ́? Chi máá Yáā Dios ni naquihin ya Jesús cuanuhun yā andɨvɨ́, te suni súcuan ndiji ya nájnūhun cájito ró cuáhān yā andɨvɨ́, áchí yá.
27028	ACT 2:10	Suni nde Frigia jiín Panfilia jiín Egipto jiín tɨjnɨ ñuu jeē íne nde yatā gā ñuu Cirene ñuhun Africa vējicoo yó. Te sava ga yō nde ñuu Roma vējicoo yó, te cáyūcu jínu‑ni yó yáha. Te máá yó jeē véjicoo ñuu Roma, sava yó cácuu máá ñáyuu hebreo te sava ga yō cácuu ñayuu sɨ́ɨn ñuu, ni cacandíje yó ndíquín yō ley ñayuu hebreo.
27163	ACT 5:35	Te ni cahān de: Róhó jnáhan ñuu yō Israel, cani vāha ni rō núu na vé cácuni rō sáha ró jíín táca tée yáha.
27221	ACT 7:36	Te máá Moisés ni sáha de jeē ní quendacoo jnáhan ñuu de ini nación yúcuan, te ni cayāha de Mar Rojo, te ni cajica cuu de ñuhun téhé úū xico cuiyā. Te nɨ́ɨ́ tiempo un ní sáha de cuehē jniñu jéhnu jeē steén jeē cujéhnu Yaā Dios.
27227	ACT 7:42	Te Yaā Dios ni cujiyo ya cuahān yā, te ni stóo ya de na chíñúhún de nuū tāca jéē jíto yó íin andɨvɨ́, nájnūhun yósó núū tútu tēe ni canacani jnūhun Yaā Dios nde jenahán: Ni cahān yā: Róhó ñáyuu Israel, ¿á cájeni ni rō jeē nuū ruhū ni casocō rō quɨtɨ ná ni cajica cuu ró úū xico cuiyā nde nuū ñúhun téhé?
27228	ACT 7:43	Tuú, chi sa suhva ni cacondiso ró nicho jeē íne ídolo jeē naní Moloc jíín figura quɨ̄mɨ jeē naní Renfán, ídolo jeē ní casáha máá ró ni cachiñúhún ró. Jeē yúcuan cúu jeē siáha ri rohó quíhīn jicá ró nde yatā ñúū Babilonia, achí yá.
27419	ACT 12:13	Te cáhán Pedro ni jinū de yéhyɨ́ fuera, te ɨɨn sūchi sɨ́hɨ́ nání Rode cuahān i jeē cúni i núu ndé ɨɨn cúu jeē cahán.
27564	ACT 16:12	Te yūcuan ní quendacoo ná, te ni jinūcoo ná ñuu Filipos jeē cúu ñuu cujéhnu ga íne Macedonia, chi máá ñáyuu ñuu Roma ni casáha i ñuu i ún. Te ni coyūcu ná ñuu Filipos jecu quɨvɨ̄.