23233	MAT 1:20	Tan tsitsi tsa tsicá iñi ra yacan, quituvi̱ iin ángel Jutu Mañi yo nuu ra nu quixí ra. Tan nyehe̱ ra ñumaahna, tan catyí ángel can tsihin ra: ―José, tata ra David, ña ca̱ca iñi un quihin un tsi ña María cuvi ña ñasɨɨhɨ un, tyin sehe ña tsa cua cacu, sehe Tatyi Ii Nyoo cuví tsi.
23251	MAT 2:13	Tsa yaha̱ cuahán ra tsa tsitó xaan can naha ra, tacan tan iin ángel Jutu Mañi yo quituvi̱ nuu ra José tsitsi ñumaahna. Tan catyí ángel can tsihin ra: ―Ndu̱vita, qu̱ihin tsi lee ihya, tsihin sɨhɨ ra, tan cu̱hun ndo nda ñuhu Egipto. Ndo̱o ndo ndacan nda cuanda cahan nyico yu tsihin un. Tyin ra Herodes cua nanducu ra tsi ra lee ihya tyin cuñí ra cahñi ra tsi ra ―catyí ángel can tsihin ra José.
23258	MAT 2:20	―Ndu̱vita, qu̱ihin tsi lee ihya tsihin sɨhɨ ra. Tan cu̱nuhu nyico ndo nda Israel, tyin tsa tsihi̱ nyɨvɨ nducu̱ cahñi tsi ra lee ihya.
23288	MAT 4:10	Tacan tan nacaha̱n ra Jesús tan catyí ra tsihin nu: ―Cu̱aahan, cuihna. Tyin nyaá tuhun Nyoo catyí: “Ja̱cahnu tsi intuhun ñi maa Jutu Nyoo, tan ja̱ha tyiñu tyiñu ra.”
23418	MAT 8:4	Tacan tan catyí ra Jesús tsihin ra: ―Jihna, coto ñahñi ca̱tyi tuhun un tsihin nyɨvɨ. Maa tyin cu̱aahan nu nyaá ra cuví jutu, tan ja̱naha un tsi un tsi ra. Tan cu̱hva un tsa taahán tsi jamañi un nuu Nyoo tumaa catyí ley Nyoo tsa tyaa̱ ra Moisés. Tan cua cuvi tsi iin tsa ndaa tsi ra jutu can tan tsi nyɨvɨ tyin tsa nduvaha̱ un.
23427	MAT 8:13	Tacan tan catyí ra tsihin ra capitán can: ―Cu̱aahan, tan na nduvaha musu un tsa cuenda tyin tsinú iñi un tsi yu ―catyí ra Jesús tsihin ra capitán. Tan juvin ñi cuhva can nduvaha̱ musu ra.
23433	MAT 8:19	Tacan tan tsaa̱ iin ra maestro cuenda ley vehe ñuhu tan catyí ra tsihin ra: ―Maestro, cuñí yu cunyicun yu tsi un tandɨhɨ ñi ityi nu cuahán un ―catyí ra.
23435	MAT 8:21	Inga ra tsa tsicá tsihin ra nacaha̱n ra tsihin ra: ―Taa, cu̱hva na cuhun jihna yu cucutsi yu tsi jutu yu, ―catyí ra.
23454	MAT 9:6	Vityin cua janaha yu tsi ndo tyin yuhu Rayɨɨ tsa quee̱ nda gloria, iyó ndatu tsi yu nu ñuhu ñayɨvɨ ihya tyin jaha yu tucahnu iñi cuatyi ndo ―catyí ra Jesús. Tacan tan catyí ra tsihin ra cuuhví can: ―Ndu̱vita, na̱quihin tsito un tan cu̱anuhu nda yuvehe un ―catyí ra.
23560	MAT 12:2	Tan tsa nyehe̱ ra fariseo naha ra yacan, catyí ra naha tsihin ra Jesús: ―Jihna, ra tsicá tsihin un javahá ra naha iin tyiñu tsa ña taahán tsi javahá yo quɨvɨ quitatú yo ―catyí ra naha tsihin ra.
23596	MAT 12:38	Tacan tan juhva ra fariseo tan ra maestro cuenda ley vehe ñuhu catyí ra naha tsihin ra Jesús: ―Maestro, cuñí ndi tyin javaha un iin tsa iyo tyin tacan tan coto ndi tun Sehe Nyoo cuví tsi un.
23729	MAT 15:27	Maa tyin ña ndasɨ cuñí ña tsa caha̱n ra, tan catyí ña tsihin ra: ―Nditsa, Jutu Mañi yu. Maa tyin nda cuanda ina tan tsatsí tɨ titsehe tsa cucoyo̱ xuu mesa tsitoho tɨ ―catyí ña.
23784	MAT 17:15	―Tata, cu̱ndaahvi iñi tsi sehe yu, tyin yɨhɨ́ cuehe tsiihí naaha tsi ra, tan tuhvá ra nduva ndasava, tan cuaha xaan tundoho nyehé ra jahá cuehe can. Tan yɨhɨ́ tsaha nduvá ra nu ñuhu̱ tan cayú ra, tan nduvá tucu ra nu yɨhɨ́ ndutya.
23791	MAT 17:22	Yucú ra naha Galilea can, tan ra Jesús catyí ra tsihin ra naha: ―Yuhu, Rayɨɨ tsa quee̱ nda gloria, iin ra cua nacuhva cuenda ra tsi yu tsi ra xaan iñi tsi yu naha ra.
23847	MAT 19:16	Iin ra tyuvaa tsaha̱n ra tsindaca̱ tuhun ra tsi ra Jesús tan catyí ra: ―Maestro, vaha xaan un. ¿Náa taahán tsi javaha yu tan cuvi coo yu ñayɨvɨ nyito tsa ña cua naa maa?
23957	MAT 22:16	Tan jacuhu̱n ra naha tsi juhva ra yɨhɨ́ cuenda ra naha, iin caa ñi tsihin juhva ra yɨhɨ́ cuenda ra Herodes. Tan catyí ra naha tsihin ra Jesús: ―Maestro, tsitó ndi tyin tsa nditsa caahán un. Tan tsihin tsa nditsa janahá un ityi Nyoo. Tan inducu ñi cuñí un nyehe un tsi nyɨvɨ cuca tan nyɨvɨ ndaahvi.
23965	MAT 22:24	―Maestro, ra Moisés catyi̱ ra tyin tatun iin ra tindaha̱ tan tsihi̱ ra tan ña tsicoo̱ sehe ra, taahán tsi tsa tindaha yañi ra tsihin ñasɨɨhɨ ra. Tacan tan cua coo sehe ra tsihin ña tsa cuenda ra yañi ra tsa tsihi̱.
23970	MAT 22:29	Tan nacaha̱n ra Jesús tsihin ra naha tan catyí ra: ―Nyooho, caahán soho ñi maa ndo, tsa cuenda tyin ña tsitó ndo tsa nyaá nu tutu Nyoo, tan ndi ña tsitó ndo nácaa tsa cahnu cuví tunyee iñi tsa iyó tsi Nyoo.
23977	MAT 22:36	―Maestro, ¿ndáa ley cuví tsa ñiñi ca?
24148	MAT 26:25	Tacan tan nacaha̱n ra Judas, ra tsa xico̱ tsi ra, tan catyí ra: ―Maestro, ¿a yuhu cuví can? Tan nacaha̱n ra Jesús, tan catyí ra: ―Juvin un.
24162	MAT 26:39	Tacan tan cuahán ra Jesús luxu ca ityi nuu tan tsicuɨñɨ̱ tsɨtɨ ra tan tsaqui̱n ra nuu ra nda nu ñuhu, tan tsicán tahvi ra tsi Nyoo tan catyí ra: ―Tyaa, tun tsatyin cuvi jatsiyo nyaha un tundoho ihya sɨquɨ yu, vaha xaan. Maa tyin na ña cuvi cuhva cuñí maa yu, tan na cuvi cuhva cuñí maa un ―catyí ra.
24165	MAT 26:42	Tan tsa tsaha̱n ra tsa tsinu uvi tsaha, tsica̱n tahvi ra tyehen: ―Tyaa, tatun ña cuvi tsa jatsiyo nyaha un tundoho ihya sɨquɨ yu, na cuvi cuhva cuñí maa un ―catyí ra.
24244	MAT 27:46	Tan juvin ñi cuhva can, ñihi xaan cana̱ tsaa ra Jesús. Tan catyí ra: ―Elí, Elí, ¿lama sabactani? ―tan cuñí tsi catyí: Nyoo Jutu yu, Nyoo Jutu yu, ¿nacuenda nacoo̱ ihñi un tsi yu?
24334	MRK 2:5	Tsa nyehe̱ ra Jesús tyin tsinú xaan iñi ra can naha ra, catyí ra tsihin ra cuuhví can: ―Vityin, tsa jaha̱ yu tucahnu iñi tsi un tsa cuenda tandɨhɨ cuatyi un ―catyí ra Jesús tsihin ra.
24560	MRK 7:28	Tan nacaha̱n ña tan catyí ña: ―Nditsa, Jutu Mañi yu, maa tyin nda cuanda ina cuví ndatú tɨ tan tsatsí tɨ titsehe tsa cucoyó xuu mesa jahá sehe tsitoho tɨ ―catyí ña tsihin ra.
24612	MRK 9:5	Tacan tan catyí ra Pedro tsihin ra Jesús: ―Maestro, ¡vaha xaan tyin yucú ndi ihya! Cua javaha ndi uñi taahan tyahva; iin tsa cuenda un, iin tsa cuenda ra Moisés, tan iin tsa cuenda ra Elías ―catyí ra Pedro.
24624	MRK 9:17	Tacan tan nacaha̱n iin ra tsa nyaá tyañu tandɨhɨ nyɨvɨ can, tan catyí ra: ―Maestro, vatsí yu vatsí ndacá yu sehe yu tsi un tyin yɨhɨ́ tatyi ña vaha tsi ra tan nduñɨɨhɨ̱ ra jaha̱ nu.
24645	MRK 9:38	Tacan tan catyí ra Juan tsihin ra Jesús: ―Maestro, nyehe̱ ndi iin ra tavá tatyi ña vaha tsi nyɨvɨ tsihin sɨvɨ un. Maa tyin tyasɨ̱ ndi nu javaha ra tacan tyin ñavin tsihin yo tsicá ra ―catyí ra Juan tsihin ra Jesús.
24674	MRK 10:17	Yaha̱ yacan tan cuahán ra Jesús. Tan tsinú xaan iin rayɨɨ cuahán ra cuanyicún ra tsi ra. Tsa taha̱n ra tsi ra, tsicuɨñɨ̱ tsɨtɨ ra nuu ra, tan tsica̱ tuhun ra tsi ra, tan catyí ra: ―Maestro, vaha xaan un. ¿Náa taahán tsi javaha yu tan cuvi coo yu ñayɨvɨ nyito tsa ña cua naa maa? ―catyí ra tsihin ra Jesús.
24677	MRK 10:20	Nacaha̱n ra tan catyí ra: ―Maestro, tandɨhɨ tuhun ihya tan tyaá yahvi yu itsi nda ndi luhlu yu tan nda cuanda vityin ―catyí ra.
24692	MRK 10:35	Tacan tan ra Jacobo tan ra Juan, sehe ra Zebedeo, natuhva̱ ra naha nu nyaá ra Jesús, tan catyí ra naha tsihin ra: ―Maestro, ja̱ha tumañi iñi tan javaha un tsa cua ndacan ndi tsi un ―catyí ra naha.
24708	MRK 10:51	Tacan tan tsica̱ tuhun ra Jesús tsi ra: ―¿Náa cuñí un javaha yu? Tan nacaha̱n ra cuaa can tan catyí ra: ―Maestro, cuñí yu janduvaha un tinuu yu na nanyehe nyico yu ―catyí ra.
24756	MRK 12:14	Tsa tsaa̱ ra can naha ra tan quitsaha̱ caahán ra naha tsihin ra Jesús tan catyí ra naha: ―Maestro, tsitó ndi tyin tsa nditsa caahán un. Tan inducu ñi cuñí un nyehe un nyɨvɨ cuca tan nyɨvɨ ndaahvi. Tan nditsa tyin ityi Nyoo janahá un. Yacan cuenda cuñí ndi ndaca tuhun ndi tsehe tsi un: ¿A vaha cuhva yo tsa tsicán ra ndacá ñaha tsi yo, ra tsa nyaá nda ñuu Roma, o ña vaha? ¿A taahán tsi tyahvi yo can, o ña taahán tsi? ―catyí ra naha tsihin ra Jesús.
24761	MRK 12:19	―Maestro, ra Moisés tyaa̱ ra nácaa taahán tsi javaha yo tatun iin rayɨɨ tsihi̱ tan ndoo̱ ñasɨɨhɨ ra tan nduve sehe ña tsicoo̱ tsihin ra. Catyí ra tyin taahán tsi tindaha yañi ra tsihin ñaha can. Tyin tacan tan cua coo sehe ra tsihin ña tsa cuenda ra yañi ra tsa tsihi̱.
24860	MRK 14:37	Tacan tan cuahán ra nu nacoo̱ ra tsi uñi ra tsicá tsihin ra. Tsa tsaa̱ ra nu yucú ra naha, nyehe̱ ra tyin quixí ra naha. Tan catyí ra tsihin ra Pedro: ―Simón, ¿a quixí un? ¿Nacuenda ña cunyee̱ iñi un coo nyito un tsihin yu ndi intuhun hora?
24929	MRK 15:34	Tan juvin ñi cuhva can cana̱ tsaa ra Jesús tsihin tandɨhɨ tunyee iñi ra, tan catyí ra: ―Eloi, Eloi, ¿lama sabactani? ―tan cuñí tsi catyí: Nyoo Jutu yu, Nyoo Jutu yu, ¿nacuenda nacoo̱ ihñi un tsi yu? ―catyí ra.
24975	LUK 1:13	Tan ángel ican catyí ra tsihin ra: ―Zacarías, ña nayuhvi un. Tyin Nyoo tsiñi̱ ra tsa caha̱n un tsihin ra. Tan cua coo iin sehe ña Elisabet ñasɨɨhɨ un. Tan cua cunañi ra Juan.
25106	LUK 3:12	Tan tsaa̱ tucu ra tsa tavá xuhun cuenda ra ndacá ñaha nda ñuu Roma, tsa cuñí ra naha coondutya ra naha. Tan nducú tuhun ra naha tsi ra Juan: ―Maestro, ¿nácaa javaha tucu nyuhu? ―catyí ra naha.
25181	LUK 5:5	Tan nacaha̱n ra Simón tan catyí ra: ―Maestro, tsa jaha̱ tyiñu xaan ndi ñiñu maa tan ndi intuhun maa tyaca ña ñihi̱ ndi. Maa tyin tatun maa un catyí, cua jacuhun nyico ndi traya.
25270	LUK 7:6	Tacan tan cuahán ra Jesús tsihin ra naha. Maa tyin tsa ndi cumañi ca tsaa ra nda vehe ra capitán can, tan ra capitán can tava̱ tyiñu ra tsi ra vaha iñi tsi ra. Tacan tan tsaa̱ ra naha nu nyií ra Jesús. Tan catyí ra naha tsihin ra Jesús: ―Taa, catyí ra capitán tyin ña jatyañu un tsi un tsa cuhun un nda yuvehe ra. Tyin ña cahnu cuví ra tan cuhun un vehe ra, catyí ra.
25278	LUK 7:14	Tsahan natuhva̱ ra tan tɨɨ̱n ra tsatun tsa nyií ndɨyɨ can. Tacan tan ra nyisó tsi ndɨyɨ can naha ra tsicuɨñɨ̱ ra naha. Tan catyí ra Jesús tsihin ndɨyɨ can: ―Ndu̱vita, yooho ra tyuvaa ―catyí ra.
25304	LUK 7:40	Tacan tan ra Jesús catyí ra tsihin ra fariseo ican: ―Yooho Simón, iyó iin tsa cua cahan yu tsihin un ―catyí ra tsihin ra. Tacan tan nacaha̱n ra Simón, tan catyí ra: ―Vaha, ca̱han tsihin yu, Maestro ―catyí ra.
25359	LUK 8:45	Tacan tan catyí ra Jesús: ―¿Yóo tɨɨ̱n jahma yu? Tan tandɨhɨ ñi cuahán tsihin ra catyí ñi: ―Yoñi. Tan ra Pedro tsihin ra cutahan tsihin ra, catyí ra naha tsihin ra Jesús: ―Maestro, cuaha xaan nyɨvɨ cuahán tsihin un, tan tyañu xaan nu cuahán un. Tan juvin ñi maa ñi tyandahñí tsi un. Tan nducú tuhun ca un “¿Yóo tɨɨ̱n jahma yu?” ―catyí ra naha.
25368	LUK 8:54	Tacan tan tɨɨ̱n ra Jesús ndaha ña. Tan tsaa nacaha̱n ra tan catyí ra tsihin ña: ―Ndu̱vita, ñaha luhlu ―catyí ra.
25403	LUK 9:33	Cuhva tsa cuahán ra tsinyecu̱ tsihin ra Jesús, tan catyí ra Pedro: ―Maestro, vaha xaan tsa yucú ndi ihya. Na javaha ndi uñi taahan tyahva, iin tsi maa un, iin tsi ra Moisés, tan iin tsi ra Elías ―catyí ra Pedro, maa tyin ña tsitó ra tsa caahán ra.
25408	LUK 9:38	Tacan tan cana̱ tsaa iin ra cuahán tsihin nyɨvɨ cuaha tsa tsijataha̱n tsi ra Jesús, tan catyí ra: ―Maestro, ja̱ha tumañi iñi. Cu̱ndaahvi iñi tsi sehe yu. Tyin intuhun ñi maa ra cuví sehe yu.
25411	LUK 9:41	Tacan tan nacaha̱n ra Jesús tan catyí ra: ―Nyooho, nyɨvɨ ña tsinú vaha iñi. Tan caquiñi ndo. ¿Najava taahan ca quɨvɨ cunyaa yu tsihin ndo tan cunyee iñi yu nyehe yu tsi ndo nda cuanda cutuhva ndo tan tsinu iñi ndo tsi yu? Tan catyí ra tsihin ra ican: ―Nda̱ca sehe un tsi yu.
25419	LUK 9:49	Tacan tan ra Juan catyí ra tsihin ra Jesús: ―Maestro, nyehe̱ ndi tsi iin ra tavá tatyi ña vaha. Caahán ra sɨvɨ un tan tavá ra tatyi ña vaha. Maa tyin ña tsaha̱ ca ndi javaha ra tacan. Tyin ñavin tsihin yo tsicá ra ―catyí ra.
25429	LUK 9:59	Tacan tan catyí ra Jesús tsihin inga ra: ―Co̱hon tsihin yu. Tacan tan nacaha̱n ra ican, tan catyí ra: ―Taa, cu̱atu nuu tsi yu, na cuhun jihna yu cucutsi yu tsi jutu yu ―catyí ra.
25457	LUK 10:25	Tacan tan tsaa̱ iin ra maestro cuenda ley vehe ñuhu. Tan quitsaha̱ tsicá tuhun ra tsi ra Jesús, tyin nducú cuhva ra tsi ra. Tan catyí ra: ―Maestro, ¿nácaa cua javaha yu tan cuhun yu coo yu ñayɨvɨ nyito tsa ña cua naa maa?
25473	LUK 10:41	Maa tyin ra Jesús catyí ra tsihin ña: ―Marta, Marta, tsicá xaan iñi un tan tuñu xaan cuñí un tsihin tyiñu can.
25513	LUK 11:39	Maa tyin Jutu Mañi yo Jesús catyí ra tsihin ra: ―Nyooho, ra cuví fariseo, tumaa tsa tsata ñi vasu tan coho nacuhvá ndo. Maa tyin ityi tsitsi, quiñi xaan caá can tyin ña nacatyá ndo can. Tacan cuví nyooho. Tyin cuñí nyɨvɨ tyin vaha ndo. Maa tyin xeehe ñi suhú ndo tan javahá ndo tsa ña vaha.
25519	LUK 11:45	Tacan tan nacaha̱n iin ra maestro cuenda ley vehe ñuhu, tan catyí ra: ―Maestro, tsa catyí un tacan, caahán nyaa ndɨhɨ un tsi ndi ―catyí ra.
25541	LUK 12:13	Iin ra tsa nyií tsihin nyɨvɨ cuaha tsa ndu ii̱n nu nyií ra Jesús, catyí ra tsihin ra Jesús: ―Maestro, ca̱han tsihin ra yañi yu na natahvi ra tsa tsii jutu ndi, cuhva ra tsa taahán tsi tsi yu.
25733	LUK 17:13	Tan cana̱ tsaa ra naha tan catyí ra naha: ―Yooho, Maestro Jesús, cu̱ndaahvi iñi tsi ndi ―catyí ra naha.
25739	LUK 17:19	Tacan tan catyí ra tsihin ra tsa nduvaha̱ ican: ―Ndu̱vita, cu̱aahan. Nduvaha̱ un tyin tsinú iñi un tsi Nyoo ―catyí ra Jesús tsihin ra.
25775	LUK 18:18	Tacan tan iin ra tsa cuví ityi nuu cuenda vehe ñuhu tsica̱ tuhun ra tsi ra Jesús, tan catyí ra: ―Maestro, ra vaha cuví un. ¿Nacaa cua javaha yu tan coo yu ñayɨvɨ tsa ña cua naa maa? ―catyí ra.
25805	LUK 19:5	Tan cuhva tsa quita̱ ra Jesús nu nyáá yutun can, nanyehe̱ ndaa ra ityi sɨquɨ tan nyehe̱ ra tsi ra Zaqueo. Tan catyí ra tsihin ra: ―Zaqueo, ja̱numi nu̱u un nu yutun juvin. Tyin vityin cuñí tsi tsa cuhun yu yuvehe un ―catyí ra tsihin ra.
25839	LUK 19:39	Tacan tan juhva ra fariseo tsa cuahán tsihin ñi, catyí ra naha: ―Maestro, ja̱cutaxin tsi nyɨvɨ ihya ―catyí ra naha.
25869	LUK 20:21	Yacan tsica̱ tuhun ra naha tsi ra Jesús: ―Maestro, tsitó ndi tyin vaha tsa caahán un. Tan jacuahá un tsa vaha tsi nyɨvɨ. Tan ñavin cuhva iyó ñi nyehé un maa tyin nyehé un cuhva iyó añima ñi. Tan maa ñi maa tsa nditsa tyin ityi Nyoo janahá un.
25876	LUK 20:28	Tacan tan catyí ra naha tsihin ra Jesús: ―Maestro, jandoo̱ ra Moisés tyiñu ihya tyin tatun iin ra tsihi̱ tan nandoo̱ ñasɨɨhɨ ra, tatun nduve sehe ra tsicoo̱ tsihin ña, taahán tsi tsa tindaha ra cuví yañi ra tsihin ña, tan coo sehe ra tsihin ña tsa cuenda ra yañi ra.
25902	LUK 21:7	Tacan tan nducú tuhun nyɨvɨ tsi ra Jesús, tan catyí ñi: ―Maestro, ¿ama cua cuvi tandɨhɨ tsa caahán un ihya? ¿Nacaa tan coto ndi tatun tsa cuyatyin tsa naa ñuhu ñayɨvɨ? ―catyí ñi.
25967	LUK 22:34	Tacan tan catyí ra Jesús tsihin ra: ―Pedro, catyí yu tsihin un tyin vityin tsa ndi cumañi ca vacu tsitooho, yooho cua catyi un uñi tsaha tyin ña nacoto un tsi yu ―catyí ra Jesús tsihin ra.
25991	LUK 22:58	Tañi ñi tan nyehe̱ tucu inga nyɨvɨ tsi ra Pedro, tan catyí ñi tsihin ra: ―Yooho, cuenda ra ican cuví un ―catyí ra. Tan ra Pedro catyí ra: ―Ña nditsa
26003	LUK 22:70	Tacan tan tandɨhɨ ra naha tsica̱ tuhun ra naha tsi ra: ―Tun tacan, Sehe Nyoo cuví tsi un ―catyí ra naha. Tacan tan nacaha̱n ra Jesús tan catyí ra: ―Juvin, sehe Nyoo tsi yu tumaa catyí maa ndo.
26007	LUK 23:3	Tacan tan ra Pilato tsica̱ tuhun ra tsi ra Jesús: ―¿A yooho cuví Rey cuenda nyɨvɨ Israel? ―catyí ra. Tan nacaha̱n ra Jesús tan catyí ra: ―Juvin, tumaa catyí maa un.
26038	LUK 23:34	Tan cuhva tsa nyaá ra Jesús nu cruu can, tan catyí ra: ―Tyatya, Jutu yu, ja̱ha tucahnu iñi tsi ra naha. Tyin ña tsitó ra naha náa javahá ra naha tsihin yu ―catyí ra. Tacan tan andaru can naha ra tava̱ ra naha suerte tsihin jahma ra Jesús, tyin nyehe ra naha ndáa ra cua jaha canaa jahma can.
26050	LUK 23:46	Tacan tan cana̱ tsaa ra Jesús tan catyí ra: ―Tyatya, Jutu yu, tyaa cuenda yu añima yu ndaha un ―catyí ra. Tan cuhva tsa caha̱n ra tacan, tan tsihi̱ ra.
26151	JHN 1:38	Tacan tan nanyehe̱ ra Jesús ityi tsata ra, tan nyehe̱ ra tyin nyicún ra naha tsi ra, tan catyí ra: ―¿Náa nanducú ndo? Tacan tan nacaha̱n ra naha tan catyí ra naha: ―Maestro, ¿numaa iyó un?
26191	JHN 3:2	Ra Nicodemo ihya, tsaha̱n ra nu nyií ra Jesús iin tsacuaa. Tan catyí ra tsihin ra: ―Maestro, tsitó ndi tyin Nyoo tava̱ tyiñu tsi un tsa quitsi un jacuaha un tsi ndi. Tyin yoñi nyɨvɨ tan cuví javaha ñi tsa iyo tsa javahá un, tatun nduve Nyoo iyó tsihin ñi ―catyí ra tsihin ra Jesús.
26215	JHN 3:26	Tacan tan cuahán ra naha nu nyií ra Juan. Tan catyí ra naha tsihin ra: ―Maestro, ra tsa tsinyii̱ tsihin un inga tsiyo yutya cahnu Jordán, ra tsa caha̱n un tuhun tsihin ndi, vityin jacoondutyá ndɨhɨ ra tsi nyɨvɨ tan tandɨhɨ nyɨvɨ nyicún tsi ra ―catyí ra naha tsihin ra.
26236	JHN 4:11	Tacan tan catyí ña tsihin ra: ―Tatta, cunu xaan soco ihya. ¿Nacaa tava tucu un ndutya cuhva un tsi yu? tan ndi nduve náa ndaha un ¿Nu maa cua quihin un ndutya nyito can cuhva un coho yu?
26256	JHN 4:31	Tan tsa ndi cumañi ca tsaa ñi nu nyií ra, ra tsicá tsihin ra, jañiñí ra naha tsi ra na catsi ra luxu. Tan catyí ra naha tsihin ra: ―Maestro, ca̱tsi luxu ―catyí ra naha.
26286	JHN 5:7	Tan ra cuuhví can nacaha̱n ra tan catyí ra: ―Tata, yoñi maa tyihí tsi yu tsitsi ndutya ihya tatun tsa nacandá tsi. Tyin tahán ñi tsaha tsa cuñí yu quɨhvɨ yu, inga nyɨvɨ quɨhvɨ́ jihna ―catyí ra cuuhví can tsihin ra Jesús.
26287	JHN 5:8	Tacan tan catyí ra Jesús tsihin ra: ―Ndu̱vita, na̱quihin yuvi un tan ca̱ca un ―catyí ra tsihin ra.
26293	JHN 5:14	Yaha̱ can tan nañihi̱ ra Jesús tsi ra tsa nduvaha̱ can tsitsi vehe ñuhu cahnu, tan catyí ra tsihin ra: ―Jihna, vityin tsa nduvaha̱ un, ña javaha ca un tsa ña vaha, tyin coto quitsi inga tundoho cahnu ca sɨquɨ un ―catyí ra tsihin ra.
26351	JHN 6:25	Tsa tsaa̱ ñi inga tsiyo miñi can, nañihi̱ ñi tsi ra Jesús. Tan tsica̱ tuhun ñi tsi ra: ―Maestro, ¿náa cuhva tsaa̱ un ihya? ―catyí ñi tsihin ra.
26360	JHN 6:34	Tacan tan quitsaha̱ catyí ñi tsihin ra: ―Taa, cu̱hva paan can catsi ndi tandɨhɨ ñi quɨvɨ ―catyí ñi.
26454	JHN 8:4	Tan quitsaha̱ catyí ra naha tsihin ra Jesús: ―Maestro, tɨɨ̱n ndi tsi ñaha ihya nu tsicoo̱ cuatyi ña tsihin inga rayɨɨ.
26463	JHN 8:13	Tacan tan ra cuví fariseo naha ra catyí ra naha tsihin ra: ―Yooho, caahán un tumañi iñi tsa cuenda maa un. Yacan cuenda nduve yahvi nyaá can ―catyí ra naha tsihin ra.
26511	JHN 9:2	Tan quitsaha̱ tsicá tuhun ra tsicá tsihin ra tsi ra: ―Maestro, ¿nacuvi tyin cuaa ra ihya cacu̱ ra? ¿A tsa cuenda cuatyi jutu ra tan sɨhɨ ra, o tsa cuenda cuatyi maa ra? ―catyí ra naha tsihin ra.
26591	JHN 10:41	Cuaha nyɨvɨ tsaha̱n tsinyehe̱ tsi ra, tan catyí ñi: ―Nditsa, vasu ndi intuhun tsa iyo ña javaha̱ ra Juan, maa tyin tandɨhɨ tsa caha̱n ra cuenda ra ihya tan nditsa ―catyí ñi.
26600	JHN 11:8	Tacan tan ra tsicá tsihin ra catyí ra naha tsihin ra: ―Maestro, ñaha ca ndunaha tsa cuñi̱ ra cuví ityi nuu tsihin nyɨvɨ Israel naha ra cahñi ra naha tsi un tsihin yuu. Tan vityin, cuñí nyico un cuhun un inga tsaha ¿Nacuenda?
26604	JHN 11:12	Tacan tan catyí nyico ra tsicá tsihin ra: ―Taa, tatun quixí ra, cuñí tsi catyí can tyin cua nduvaha ra ―catyí ra naha.
26616	JHN 11:24	Tan catyí ña Marta: ―Nditsa, tsitó yu tyin cua nandoto ra quɨvɨ nandoto ndɨyɨ nu cua cundɨhɨ quɨvɨ ―catyí ña.
26633	JHN 11:41	Tacan tan jatsiyo̱ ra naha yuu can. Tan nanyehe̱ ndaa ra Jesús ityi andɨvɨ, tan catyí ra: ―Tyatya, Jutu Mañi yu, tyahvi nyoo tsi un tyin tsiñi̱ un tsa caahán yu.
26670	JHN 12:21	Tacan tan natuhva̱ ra Grecia can naha ra nu nyaá ra Felipe, ra quee̱ ñuu Betsaida tsa canyií Galilea, tan caha̱n ndaahvi ra naha tsihin ra tan catyí ra naha: ―Taa, cuñí ndi cahan ndi tsihin ra Jesús ―catyí ra naha.
26920	JHN 19:26	Tan nanyehe̱ ra Jesús tsi sɨhɨ ra, nyáá ña yatyin ñi. Tan nanyehe̱ tucu ra tsi ra tsa tsica̱ tsihin ra, ra tsa cuñí xaan ra. Tan catyí ra tsihin sɨhɨ ra: ―Miya, va ra sehe un nyáá tsihin un juvin ―catyí ra.
26921	JHN 19:27	Tacan tan catyí ra tsihin ra tsa cuñí xaan ra: ―Tsaa, va sɨhɨ un nyáá tsihin un juvin ―catyí ra tsihin ra. Nda quɨvɨ can tan quihi̱n ra tsi ña, cuahan tsihin ra yuvehe ra. Tan jaha̱ cuenda ra tsi ña.
26951	JHN 20:15	Tacan tan tsica̱ tuhun ra Jesús tsi ña: ―¿Nacuenda tsacú un? ¿Yóo nanducú un? ―catyí ra tsihin ña. Cuñí maa ña tyin ra jahá cuenda cora yutun tata can cuví ra. Tan catyí ña: ―Tatta, tatun yooho quihi̱n tsi ra Jesús, ca̱han tsihin yu nu maa tsindaca̱ un tsi ra, tyin cunaquihin yu tsi ra ―catyí ña tsihin ra.
26982	JHN 21:15	Tsa yaha̱ tsa curumusa ra Jesús, tan tsica̱ tuhun ra tsi ra Simón Pedro: ―Simón, sehe ra Jonás, ¿a cuñí ca un tsi yu tan ñavin ca ra ihya naha ra? Nacaha̱n ra Pedro tan catyí ra: ―Tacan Jutu Mañi yu, maa un tsitó tyin cuñí yu tsi un ―catyí ra Pedro. Tan catyí ra Jesús tsihin ra: ―Cu̱hva tsa catsi mbee nyihi jana yu ―catyí ra Jesús tsihin ra Pedro.
26984	JHN 21:17	Tan tsinu uñi tsaha tsica̱ tuhun nyico ra tsi ra: ―Simón, sehe ra Jonás, ¿a cuñí un tsi yu? ―catyí ra Jesús tsihin ra. Cuhva tsa tsica̱ tuhun ra tsi ra tsa tsinu uñi tsaha tatun cuñí ra tsi ra, ra Pedro nducuiihya xaan cuñí ra, tan catyí ra tsihin ra: ―Jutu Mañi yu, maa un tsitó nácaa añima yu tan maa un tsitó tyin cuñí yu tsi un ―catyí ra. Tan catyí ra Jesús tsihin ra: ―Ja̱ha cuenda mbee jana yu.
27055	ACT 2:37	Cuhva tsa tsiñi̱ ra naha tsa caha̱n ra Pedro tuhun ihya, cuiihya xaan cuñí ra naha cuvi̱. Tan tsica̱ tuhun ra naha tsi ra Pedro tan tsi tandɨhɨ ca ra tava̱ tyiñu ra Jesús, tan catyí ra naha: ―Yañi, ¿nácaa javaha ndi vityin? ―catyí ra naha tsihin ra tava̱ tyiñu ra Jesús.
27163	ACT 5:35	Tan quitsaha̱ caahán ra Gamaliel can tsihin tandɨhɨ ca ra cumí tyiñu naha ra, tan catyí ra: ―Yoo, ra tsa ndacá ñaha tsi nyɨvɨ Israel, ja̱ha yo cuenda tsi yo tsihin tsa cua javaha yo tsi ra ican naha ra.
27289	ACT 9:4	Tacan tan ra Saulo nduva̱ ra nu ñuhu. Tan tsiñi̱ ra iin ndusu tsa catyí tyehen: ―Saulo, Saulo, ¿nacuvi tyin nyaá ndaha un tsi yu? ―catyí ndusu can tsihin ra.
27296	ACT 9:11	Tacan tan Jutu Mañi yo catyí ra: ―Ndu̱vita, tan cu̱hun cun ityi cahnu tsa nañí Ndoo ñi. Tan na̱nducu un vehe ra tsa nañí Judas. Tan nda̱ca tuhun un nu maa tahan iyó ra tsa nañí Saulo, ra ñuu Tarso. Tyin tsicán tahvi ra tsi yu.
27341	ACT 10:13	Tacan tan tsiñi̱ ra iin ndusu tsa caahán tsihin ra: ―Pedro, ndu̱vita tan ca̱hñi quɨtɨ ihya, tan ca̱tsi un ―catyí ndusu can tsihin ra.
27457	ACT 13:26	Tan caahán ca ra Pablo tan catyí ra: ―Yañi, nyooho nyɨvɨ tata ra Abraham tan tandɨhɨ inga ndo tsa tyaá yahvi tsi Nyoo. Tsa cuenda nyooho cuví tuhun ihya tyin jacuahá Nyoo tsi yo nácaa cacu yo.
27518	ACT 15:7	Tsa yaha̱ tsa caha̱n yuhu xaan ra naha, tan nduvita̱ ra Pedro, tan catyí ra: ―Yañi, tsitó ndo tyin tsitsi tsa tandɨhɨ yo, nacatsi̱ Nyoo tsi yuhu ra ndaahvi quɨvɨ can, tyin cahan yu tuhun ra tsa jacacú tsi yo tsihin nyɨvɨ tsa ñavin nyɨvɨ Israel cuví, tan na tsinu iñi ñi tsi Jutu Mañi yo.
27807	ACT 23:5	Tacan tan ra Pablo catyí ra: ―Yañi, ña tsitó yu tatun ra ihya cuví ra jutu tsaahnu. Tyin catyí tuhun Nyoo tyin ña cahan nyaa yo tsi ra yɨhɨ́ ndaha ñuu yo ―catyí ra.