23242	MAT 2:4	Ih panginpene Jamwrou laplappok apel jounpadahk in kojonneddok, ih kalelpoak iparai “Ia wija Messiah pirin noaisikdi?”
23268	MAT 3:7	A nehn a kapang dirin Pharisee apel Sadducee allaluhdo ipoa pwa en poapdaij, ih pwehng irai, “Kamwai sinekpwi, inje pwehng kamwai pwa kamwai kak pisjang koaloklok in Koahs ma nimenoar lel kamwai?
23275	MAT 3:14	A John jong en kauhdi, pwehng Ih, “Ngoahi anahne koawoa en poapdaiji ngoahi, a koawoa ken indoa ipoai?”
23349	MAT 5:46	Ma kamwai ipwilki irai ma ipwilki kamwai, kijakij dahioau kamwai nen oaloa? Jounrik daksis kan joah kin pel wia doahroar?
23350	MAT 5:47	Ma kamwai pel kajamwo rioamw kan oar doari, dahioau kamwai wia koalik jang epwi? Armaj rosros kan joah kin pel wia doahroar?
23376	MAT 6:25	“Ioar Ngoahi pwehngki kamwai, joah pwunodki amwai mour, da kamwai pirin kang ke nim; ke oang palwoaroamwaikan, da kamwai pirin likkoauki. Mour joah kajampwal jang mwinge? Ke palwar joah kajampwal jang likkoau?
23377	MAT 6:26	Kapang mahnsang in nehn woahwoa kan: irai johkin poadok ke doli ke nekid nehn wehraus kan, a Jamamwaiho nehnloannge kin kamwinge irai. Kamwai joah kajampwaljang irai?
23378	MAT 6:27	Inje in kamwai jang in pwunod kak karoairoaihla ah mour awahioau?
23379	MAT 6:28	“Mihnda kamwai pwunodki likkoau? Kamwai kapang kiepw in nehn japw kan, nehn irai kin koapkoapda; irai johkin doadoahk ke wiahda arai likkoau.
23381	MAT 6:30	Ma ioar doahr en Koahs kapwasihda mo in nehn mohj kan, ma mine rehnnoauwe a lakapw nehn oaiho, ih joah nen kapwasihda kamwai mwehu jang? Ia woahr siksikin amwai pwojon!
23382	MAT 6:31	Doari, joah pwunod, pwa, ‘Da kamain kang? Ke da kamain nim? Ke da kamain kol?’
23388	MAT 7:3	Amwda koawoa ke soahk dipoar siksik kij nehn mijen rioammwo a koawoa joah injinohki pwilein suhkoahn nehn mijoammwen?
23389	MAT 7:4	Ia mwomwen oamw en kak pwehng rioammwen, ‘Menlau, mweidoahng ngoahi en kihjang dipoar siksik kij nehn mijoammwen,’ ma anjoauwohr pwilein suhkoahioau mine nehn mijoammwen?
23394	MAT 7:9	Inje in kamwai ma nah jeri poaki pilahwa a ih kioang sakai?
23395	MAT 7:10	Ke ma ih poaki mwumw a ih kioang sinek?
23401	MAT 7:16	Kamwai nehn kidalki arai wahrai kan. Kak armaj en doli grape jang suhkoa dokdok, ke fig jang suhkoa karak?
23407	MAT 7:22	Rehnin kadeikko armaj dir pirin pwehng Ngoahi, ‘Koaun, Koaun, jaudi kamai ma kin wia kokohp in oadoammwen, pel in oadoammwen kamai kin kaujjang ngen jaus pel wia joangoan manman dir?’
23441	MAT 8:27	Sohnpadahkkok pwuriamweila, idoak nehn pwungarai, “Armaj dahmen me? Ma eng apel no kin peikkoang!”
23443	MAT 8:29	Anjoauwohr ara wering Jesus pwehng Ih, “Koawoa Nihn Koahs, da koawoa nimen wiahng kama? Koawoa indoahng koalkoa kama mwohn anjoauwo?”
23452	MAT 9:4	Jesus kidal arai lamlam, doar Ih ken pwa, “Amwda kamwai ke lamlam nauna nehn mohngiongimwai kan?
23453	MAT 9:5	Ia minno moangoai, Ngoahi en pwa, ‘Dipoamw kan ne lapwda,’ ke, ‘Uhda alu’?
23459	MAT 9:11	Pharisee pwi kapang me pwehng nah sohnpadahkkok, “Amwda amwai Jounpadahkken ke pwili jounrik daksis pel armaj dipan kan mwinge?”
23462	MAT 9:14	Doar nihn John jounpoapdaij sohnpadahkkok indoa idoak oang Jesus, “Amwda kamai apel Pharisee‑ok kin dod amai kaijihjol a nihmw sohnpadahk kan ken johkin kaijihjol?”
23463	MAT 9:15	Jesus japoang, “Imdoahr nihn woallo ma pirin koapwoapwoaud sohnkaparrok en injinjuwed ma ih minmine iparai? A oau anjoau ma pirin indoa ma woal kamwohddo pirin wijik jang irai; doari, ioar anjoauwo irai pirin kaijihjol.
23476	MAT 9:28	Nehn Ah ne dilda nehn umw, woal majkunnok indoa Ipoa, a Ih peidek oang ara, “Kamwa kamehlele pwa Ngoahi kak kemwehuwihla kamwa? “Eh, Koaun,” ira japoang.
23531	MAT 11:3	“Koawoa oar ma John jounpoapdaij ma pirin indoa, ke kamain pel kajkajik emen sohrohr?”
23535	MAT 11:7	Anjoauwo ma nihn John sohnpadahkkok pwurpwurla, Jesus sapda siksikoahng pokonno doahr John: “Da kamwai inlahki nehn japwsoahn ipen John pwa kamwain kapang? Alek pas jahkkihla enngo?
23536	MAT 11:8	Ma jaudi, da kamwai inlahng kapang? Woal men kapwasda inenin mwehu? Irai ma kin kapwasda mwehu kin mine nehn umwen nahmwarki.
23537	MAT 11:9	Doari da kamwai inlahng kapang? Joukohp men? Eh, Ngoahi pwehng kamwai, pel koalikjang joukohp men.
23544	MAT 11:16	“Da Ngoahi kak karjahkihoang armaj en rehn pwiai? Irai doahroar jerihkan mwindi nehn market kan poangpoanglahng epwi:
23561	MAT 12:3	Ih japoang, “Kamwai johkin wadek da David wia anjoauwo ma ih apel pwilihoahk mwakohkohla?
23563	MAT 12:5	Ke kamwai kahjik wadek nehn kojonned en Moses‑ok ma pwa Sabbath ohroj jamwrouwok nehn Umw Joarwi koauwehla kojonned in rehn joarwi a irai johpwa dipanki?
23568	MAT 12:10	woal men ma mwoasor oaloap poah mine o. Armajpwi pel mine o ma jongjong en kadipoahki Jesus Ah japwung. Irai idoak oang Ih, “Johpwa uhwoang asai kojonned Koawoa en kemwehuwihla armaj johmwehu Sabbath?”
23569	MAT 12:11	Ih pwehng irai, “Ma emen in kamwai nainki jihpw men a ih kipdihoang nehn lipw oau Sabbath, kamwai joah nen pwoakda ih jang nehn lippwo?
23581	MAT 12:23	Pokonno pwuriamweikihla, “Audi Ih ma kijehn kadaudok en David wa me?”
23585	MAT 12:27	Kamwai pwa Ngoahi kin kauj jang ngen jaus kan pwa Beelzebul ma kioang Oai manman. A inje ma kioang nihmwai sohnpadahk kan manman in kauj jang ngen jaus kan? Pein nihmwai sohnpadahk kan nen kadehdehng kamwai doahr amwai japwung!
23592	MAT 12:34	Kamwai doahroar sinek! Imdoahr armaj nauna doahr kamwai kak pwa mehkij mwehu? Pwa dahkij ma kamwai pwa ioar kin kajalehda audoapoan nehn kapehdimwaikan.
23606	MAT 12:48	Jesus japoang, “Inje inoai? Inje rioai kan?”
23618	MAT 13:10	Nah sohnpadahkkok indoa ipen Jesus idoakkoang Ih, “Amwda koawoa ke kin doadoahkki karajraj nehn oamw kin lalloang armaj kan?”
23635	MAT 13:27	Nihn woal nah liduhwok indoa pwehng ih, ‘Maing, jaudi liporro mwehupwi koawoa kamwroahdi nehn oamw mwoaswello? Ia injang dipwdipw pwiai?’
23636	MAT 13:28	Jounmwoaswello pwehng irai, ‘Imwinsihsi men ioar wia men.’ Irai idoak, ‘Kamain inla wijdahjang dipwdippwok?’
23659	MAT 13:51	“Kamwai woahwoahki mehpwiak?” “Eh,” irai japoang, “kamai woahwoahki.”
23662	MAT 13:54	Ih japahllahng uhdahn Ah wijahu. Nehn Ah padpadahk nehn jinakoke, ohroj ma rong Ih inenin pwuriamweikihla. Irai idoak, “Ia Ih kihjang Ah loalkoang apel manman?
23663	MAT 13:55	Jaudi Ih ioar nihn daiksanngo jermweinwa me? Jaudi Mary ioar Ah nohnohwa, jaudi riah woalkoa James, Joseph, Simon, apel Judas?
23664	MAT 13:56	Jaudi riah lihkan ohroj ma kin pel koaujoan ipasai? Ia Ih kihjang mehpwiak?”
23697	MAT 14:31	Anjoauwohr Jesus pukla, koldi ih, pwehng ih, “Amwda oamw pwojon ke siksik! Amwda koawoa ke joh kamehlele?”
23704	MAT 15:2	“Amwda nihmw sohnpadahkkok kin joah kapwaihahda asai siahk koadoaudoaudo jang jamasai mihn mehjjok? Irai joh kin amwunla poahrai mwohn arai mwinge!”
23705	MAT 15:3	Jesus japoang, “A amwda kamwai ke japeik oang kojonned in Koahs nehn amwai kin pein daur amwai padahk kan?
23714	MAT 15:12	Doar sohnpadahkkok indoa Ipoa pwa, “Koawoa kidal pwa Pharisee‑ok lioaski dahkij ma Koawoa pwahla?”
23718	MAT 15:16	Jesus japoang irai, “Kamwai kahjik oar loalkoangla, doahr iraihok ma joaloalkoang?
23719	MAT 15:17	Kamwai johpwa woahwoahki? Mehkij ma koawoa kangla indihla nehn kapehdimwen kin pel injang nehn palwoaroamwen.
23735	MAT 15:33	Sohnpadahkkok idoakkoang Ih, “A ia wija kamai kak kihjang mwinge nehn japwsoahnoauwe ma en isar oang pokonnoauwe?”
23736	MAT 15:34	Jesus idoak oang irai, “Lopwon in pilahwa doapoa mine ipamwai?” Irai japoang, “Lopwon ijuh, apel mwumw siksik jipidpwi.”
23749	MAT 16:8	Jesus kidal da irai pwahpwahpwa, ioar Ih idoakki iparai, “Dahkij kamwai siksikoa pene nen pwungamwai pwa joh pilahwa ipamwai? Amwai pwojon inenin siksik!
23750	MAT 16:9	Kamwai kahjikkoar woahwoahkihla? Kamwai johpwa lemleme lopwon in pilahwa limoauwo ma Ngoahi kamwingehkihla armaj limekiddo? Kiam doapoa kamwai audohda?
23751	MAT 16:10	A lopwon in pilahwa ijuhwo oang armaj pahkiddo? Kiam doapoa kamwai audohda?
23752	MAT 16:11	Amwda kamwai ke johpwa woahwoahki pwa audi pilahwa ma Ngoahi pwahpwahpwa? Kamwai kalkehjang kamwai ihs in Pharisee apel Sadducee‑ok.”
23754	MAT 16:13	Jesus inlahng wijahkij ipen kahnihmw Caesarea Philippi, wijahu Ih idoak oang nah sohnpadahkkok, “Inje ma armaj kan kin pwahki doahr Nihn‑Armaj?”
23756	MAT 16:15	A Jesus pel idoak iparai, “Inje kamwai kin pwahki Ngoahi?”
23767	MAT 16:26	Pirin mine kaspoan oamw en wihnkihda jampah pwon, a luhj jang oamw mour? Joh douluhl, joh mehkij koawoa kak kihda pwa en japahl oang oamw mour.
23779	MAT 17:10	Sohnpadahkkok idoak oang Jesus, “Amwda jounpadahk in Kojonneddok pwa Elijah uhdahn pirin sapin indoa?”
23786	MAT 17:17	Jesus japoang, “Kamwai inenin joah pwojon apel japwung! Ia woaroai in oai pirin minmine ipamwai? Ia woaroai in oai pirin kanangmahng kamwai? Wahdo jermweinnen Ipoai!”
23788	MAT 17:19	Sohnpadahkkok kalahpwukla ipen Jesus idoak oang Ih, “Amwda kamai ke johkak kaujjang ngen jausso ipen jermweinno?”
23793	MAT 17:24	Nehn en Jesus apel nah sohnpadahkkok lel Capernaum, jounrik daksis in Umw Joarwiho indoa idoak oang Peter, “Imdoahr, amwai jounpadahk en kin pwili dupuk daksis in Umw Joarwi?”
23794	MAT 17:25	“Eh, ih kin pwili dupuk.” Peter japoang. Nehn en Peter inla nehn ummwo, Jesus ken pispis oar pwehnglahng, “Simon, Da oamw lamlam oang irairroauwe? Inje kin nohpwei ke dupuk daksis oang Nahmwarkihn jampahioauwe? Jang ipen nah armaj kan ke jang ipen mihn likin kan?
23797	MAT 18:1	Nehn anjoauwo sohnpadahkkok indoa ipen Jesus idoak, “Inje ma keiou laplap nehn Wein nehnloannge?”
23808	MAT 18:12	“Da kamwai lemleme? Ma armaj men nainki jihpw epwiki, emen arai joaloangla, ih joh nen kihdi jihpw duweijek dohmenno arai en mwingmwingehjili pohn nahna, a ih inla rapahki jihpw joaloanglahu?
23817	MAT 18:21	Peter sohdo ipen Jesus pwehng Ih, “Maing oai Koaun, pehn doapoa ngoahi en mahkoahng rioaiho ma kin wia dihp oang ngoahi? Isar ma ngoahi mahkoahng ih pehn ijuh?”
23834	MAT 19:3	Pharisee pwi indoa Ipoa, jong in lidipi Ih ki ahr peidek, nen irai idoak, “Imdoahr, asai Kojonneddo mweidoahng woal men en kak mweijang pahioa ki kahrpoa joah lipilpil?”
23847	MAT 19:16	Anjoau kij mwahnkapw men indoa ipen Jesus idoak, “Jounpadahk, joangoan wihwia mwehu da ma ngoahi uhdahn wia pwa ngoahi en oaloahki mour joahsuk?”
23848	MAT 19:17	“Amwda koawoa ke idoak oang Ngoahi dahkij mwehu?” Jesus japoang. “Emen oar ma mwehu. Kapwaihahda kojonned kan ma koawoa nimen dilda nehn mour joahsuk.”
23849	MAT 19:18	“Kojonned dahpwi?” Woallo idoak. Jesus japoang, “‘Joah kojukdi armaj; joah kamwahl; joah pirap; joah karaun likamw;
23851	MAT 19:20	“Ngoahi ne kapwaihahda kojonned pwiai ohroj,” mwahnkappwo japoang. “Da ngoahi en pel wia?”
23856	MAT 19:25	Nehn en sohnpadahkkok rong me, irai inenin pwuriamweikihla. “Doar inje kak mourla?” irai idoak.
23858	MAT 19:27	Doar Peter pwehng Ih, “Kamai ne kihdi me ohroj, kamai pwilihla koawoa. Dahkij kamai pirin anki?”
23867	MAT 20:6	A injoausik, nimwennoar kiloak limoau ih pwuroahng inla wijahn noasnoasso, ih pel kapangda epwi armaj ma pel onnonohn mwahl. Ih idoak oang irai, ‘Amwda kamwai ke koauwehkihla amwai anjoau onnonohn mwahl, johpwa doadoahk rehn oauwe?’
23874	MAT 20:13	Ih japoang emen irai, ‘Johpwa japwung oau ngoahi wiahng koawoa, kisa joah pwungkihpene pwa doahloahioau rehnnoau?
23876	MAT 20:15	Imdoahr, ngoahi joah anki pwungin doadoahkki pein noai mwanihkai oang pein injenoai? Ke koawoa pihrinki ki oai kadek?’”
23882	MAT 20:21	“Da koawoa anahne?” Jesus idoak. Liho japoang, “Inoauki oang ngoahi pwa noai jermwein roahmenne en pwili mwindi ipoamw in oamw loap moaun apel oamw loap meing nehn dohioammwo, ma koawoa pirin nahmwarkihla.”
23883	MAT 20:22	Jesus japoang ara, “Kamwa jehjoa pwa da kamwa poakpoakihen! Kamwa kak nim jang nehn mwoak in loklok ma Ngoahi ne pirin ken nim?” Ara japoang, “Kama kak.”
23893	MAT 20:32	Jesus uhdi, pangin ara en indoa, “Da kamwa nimen Ngoahi en wiahng kamwa?” Ih idoak ipara.
23905	MAT 21:10	Nehn en Jesus dilda nehn Jerusalem, Kahnihmmwo pwon mwoakidkihda Ah dilda. “Inje woal mene?” irai idoak.
23911	MAT 21:16	Irai idoak oang Jesus, “A koawoa rong dahkij jeri pwiai pwahpwahpwa?” “Eh Ngoahi rong,” Jesus japoang. “Kamwai kahjikkoar wadek Puk Joarwi? Ma pwa ‘Koawoa ne oaloa kaping unjek jang in oawoan jerihkan apel jerihkan ma kin dihdi?’”
23915	MAT 21:20	Sohnpadahkkok kapang me, irai inenin pwuriamweikihla, irai ken idoak, “Imdoahr suhkoa pase kak pispisinnoar mengda?”
23918	MAT 21:23	Nehn en Jesus japahlla nehn Umw Joarwiho, Ih pwuroahng sapda padahk, a jamwrou laplappok apel epwi joumajpwi indoa Ipoa wiahng peidek pase: “En inje manman ma Koawoa wihwiahki joang pwiak? Inje ma kioang Koawoa manman oauwe?”
23920	MAT 21:25	John jounpoapdaij kihjang ia ah manman in poapdaiji armaj? Jang ipen Koahs ke jang ipen armaj?” Irai sapda akmaipene nehn pwungarai pwahpwahpwa, “Ma kisai japoangki, ‘Jang ipen Koahs,’ Ih nen pwehng kisai, ‘A amwda kamwai ke joah kamehlele John?’
23923	MAT 21:28	“A da kamwai lemlemehioang karajraj pase? Woalmen mine ma nainki jermwein roahmen, Ih inla ipen jermwein koalikko, ih pwehng, ‘Noai jeri, inla doadoahk nehn mwoaswelin wainno rehnnoauwe.’
23926	MAT 21:31	Inje in jermwein roahmenno ma kapwaihahda injenen jamahu?” Irai japoang, “Jermwein koalikko.” Doar Jesus pwehng irai, “Ngoahi pwehng kamwai in mehlel, pwa jounrik daksissok apel lihn noaski palwoaroaraihok nen dilda nehn Wein Koahs mijen kamwai.
23935	MAT 21:40	Jesus idoak iparai, “Anjoauwo ma woallo ma anki mwoaswello pwurdo, da pwa ih nen wiahng sohn doadoahkkok nehn mwoaswello?”
23937	MAT 21:42	Doar Jesus pwehng irai, “Da, kamwai kahjikkoar wadek da ma Puk Joarwi pwa? ‘Sakai ma jounkou umw kan ne kerpwihla, wud wiahla sakain pwukoakoaimw! KOAUNNO ma wiahda me; mehkij ma kapwuriamwei mehlel oang kisai.’
23953	MAT 22:12	‘Oai pirien, imdoahr oamw dildo nehn ummwe johpwa likkoauki likkoauwin koapwoapwoaud?’ A woallo johpwa japoang.
23958	MAT 22:17	Apkas pwehng kamai da Oamw lamlam oang me: Pwen pwung en dupuk daksis oang Caesar in Rome ke joah?”
23959	MAT 22:18	A Jesus pwen kidal arai lamlam nauna, Ih pwa, “Mwalaun kamwai! Amwda kamwai ke jongjong in lidipihdi Ngoahi?
23961	MAT 22:20	a Ih idoakkoang irai, “Mijen apel oadoan inje me pohn sende?”
23972	MAT 22:31	A oang in irair oauwe, kamwai johkin wadek dahkij Koahs pwehng kamwai? Ih pwa,
23977	MAT 22:36	“Jounpadahk,” ih idoak, “ia kojonned wa ma keiou kajampwal nehn Kojonneddok?”
23983	MAT 22:42	“Ia amwai lamlam oang Messiah? Kijehn kadaudokin inje Ih?” Irai japoang, “Ih kijehn kadaudokin David.”
23986	MAT 22:45	Ma David panginki ih ‘Koaun’, imdoahr ih en kak wia kadaudokin David?”
24006	MAT 23:19	Ia woahr amwai majkun! Mindahioau ma kajampwal, meiroang ke mwoallo ma kajarwihla meiroanngo?
24011	MAT 23:24	Jounkaweid majkunpwi kamwai! Kamwai likihla loang jang nehn nimamwai pil pwadoar kamwai japwungla johploahdi kamel?