23214	MAT 1:1	Iroakdihn dihkan ma lel Jesus Christ nihn David, nihn Abraham:
23219	MAT 1:6	Jesse ioar jemen Nahmwarki David. David ioar jemen Solomon, ma inanki pahien Uriah.
23230	MAT 1:17	Ohroj ma insingdi me ioar di eijek pahu jang Abraham lel David, di eijek pahu jang David lel kalipliplahng Babylon, di eijek pahu jang kalipliplahng Babylon lel Christ.
23233	MAT 1:20	A mwerin ah lemehda me, Sohnloang in Koaunno men pwokkoang ih nehn ah oarmoan pwehng ih, “Joseph nihn David, joah mijik in oaloa Mary wiahkihla pahioamw, pwa dahkij ih lijaiankihda jang Ngen Joarwi.
23245	MAT 2:7	Doar Herod kapokonihpene in rir woal loalkoanngok pwa ih en woahwoahkihda ngehd uhdahn anjoauwo ujuhwo pwokda,
23249	MAT 2:11	Nehn irai dilda nehn ummwo kapangda jeriho pel ah nohnohu, Mary, irai poadpwomwla pwongi Ih. Doar irai kihda irai kijakij kajampwallok kijakijkihoang Ih kohl, frankincense pel myrrh.
23289	MAT 4:11	Doari Jehsenno injang Ih, a sohnloanngok indoa jeuweje Ih.
23303	MAT 4:25	Pokon koalik pwilihla Ih wija ma Ih inla — armaj jang Galilee, jang Decapolis, jang Jerusalem, jang ohroj Judea, apel jang palimese in Pillap Jordan.
23353	MAT 6:2	“Doari, nehn amwai pirin kijkijoa emen ma anahne, joah kalohkihjili doahr mwalaun kan kin wia nehn jinakoke kan pel nehn al kan pwa armaj en kapnga. Ngoahi pwehng kamwai in mehlel, irai ne oaloa dupkoan irai doadoahk ohroj.
23355	MAT 6:4	pwa oamw kijakij en wiawi in rir. Doar oamw Pahpa, ma kin kapang mehkan ma kin wiawi in rir, pirin dupuk koawoa.”
23357	MAT 6:6	A nehn oamw en kapkap, inla nehn oamw perehu, risingdi wanihmmwo, koawoa kapkap oang oamw Pahpa, ma koawoa joh kak kapang. Doar oamw Pahpa, ma kin kapang da ma wiawi in rir, pirin dupuk koawoa.
23360	MAT 6:9	Doar me, ioar doahr oamw pirin kapkap: ‘Jamamai nehnloannge, oadoammwen en joarwi,
23374	MAT 6:23	A ma pwoaroan mijoammwen kan nauna, palwoaroamwen nen pel ros. Doar ma marammo nehn koawoa ros, ia woahr koalikin rossoauwe!”
23382	MAT 6:31	Doari, joah pwunod, pwa, ‘Da kamain kang? Ke da kamain nim? Ke da kamain kol?’
23384	MAT 6:33	Doar rapahki mijkoalkoal wein Koahs pel Ah pwung, a mehpwiak ohroj nen liklikkoang koawoa.
23385	MAT 6:34	Doari, joah pwunodki lakapw, pwa lakapw kapwa pwen pwunodki pein ih. Johpwa anahne kapsahng apwal kan ma oauwoau rehn kan kin wahdo.”
23398	MAT 7:13	“Dilda nehn wanihmw Soahsiksik. Pwa wanihmmwo inlahng ehl pwen sahlaplap pel allo pwen koalik apel moangoai a armaj dir alu loaloa.
23409	MAT 7:24	“Doari emen ma kin rong oai padahk kan a wia, ih doahroar woal loalkoanngo ma kouda umwahu pohn sakai.
23427	MAT 8:13	Doari Jesus pwehng koaun in jounpeiho, “alwe in umwoammwo, da ma koawoa kamehlele en wiawi.” Nah liduhwo mwehula Anjoauwohr.
23446	MAT 8:32	“Inla!” Jesus pwehng ara. Doar ara ken inla dilloang nehn pijjok, nehn anjoauwohr pijjok kijoudihla duhla nehn lehu.
23450	MAT 9:2	Woalpwi wahdohng Ih woal mwoasor men mine pohn rohp oau. Anjoauwo ma Jesus kapang arai pwojon, Ih pwehng woal mwoasorro, “Koapwoarpwoar, noai jeri! Dipoamw kan ne lapwda.”
23453	MAT 9:5	Ia minno moangoai, Ngoahi en pwa, ‘Dipoamw kan ne lapwda,’ ke, ‘Uhda alu’?
23457	MAT 9:9	En Jesus injang o nehn Ah allaluhla, Ih kapangda woal men, adanki Matthew, jounrik daksis, ma onnonohn nehn ah oahpisso. Jesus pwehng ih, “Pwilihla Ngoahi.” Doar ih ken uhda pwilihla Ih.
23462	MAT 9:14	Doar nihn John jounpoapdaij sohnpadahkkok indoa idoak oang Jesus, “Amwda kamai apel Pharisee‑ok kin dod amai kaijihjol a nihmw sohnpadahk kan ken johkin kaijihjol?”
23475	MAT 9:27	Jesus daudauluhlla jang wijahu, woal majkun roahmen kaujla Ih, poangpoang, “Mahkoahng kama, nihn David!”
23477	MAT 9:29	Doar Ih jair mijara pwa, “Me en wiawi jang in amwa pwojon;”
23485	MAT 9:37	Doar Ih pwehng Nah sohnpadahkkok, “Roakke koalik a sohn doadoahk jipid.
23494	MAT 10:8	Kemwehuwihla johmwehu kan, kamourda min mehdi kan, kamwkelehda irai kan ma anki johmwehu lepa, kauj jang ngen jaus kan. Doar amwai oaloa in joh dupkoa, Kamwai pel kihwei in joh dupkoa.
23513	MAT 10:27	Da ma Ngoahi pwehng kamwai in rir, kamwai en kajalehda nehn pokon janjal; a me ma Ngoahi ngudngudkihoang kamwai, kamwai en pakairkihda pohn umw kan.
23535	MAT 11:7	Anjoauwo ma nihn John sohnpadahkkok pwurpwurla, Jesus sapda siksikoahng pokonno doahr John: “Da kamwai inlahki nehn japwsoahn ipen John pwa kamwain kapang? Alek pas jahkkihla enngo?
23537	MAT 11:9	Doari da kamwai inlahng kapang? Joukohp men? Eh, Ngoahi pwehng kamwai, pel koalikjang joukohp men.
23544	MAT 11:16	“Da Ngoahi kak karjahkihoang armaj en rehn pwiai? Irai doahroar jerihkan mwindi nehn market kan poangpoanglahng epwi:
23548	MAT 11:20	Doar Jesus sapda kajalehda Ah japwungki koaujoannok ma Ih wiahda loapdirin Ah manmannok, pwa sowoahk johpwa koluhla apel wikla.
23561	MAT 12:3	Ih japoang, “Kamwai johkin wadek da David wia anjoauwo ma ih apel pwilihoahk mwakohkohla?
23570	MAT 12:12	Ia woahr kajampwalin armaj men jang jihpw men! Doari mwehu en wia me mwehu Sabbath.”
23571	MAT 12:13	Doar Ih pwehng woal mwoasor poahu, “Kailwe poahmmwen.” Doar ih kailla poah doari ken mwehula dauluhl, doahrla loap mwehuwo.
23580	MAT 12:22	Doari woal men ma ngen jaus dilingla ih, ma pel majkun pel jehjoa lallal, wijikdohng Jesus. Ih kemwehuwihla woallo doar ih ken kak lallal pel kapangda wija.
23581	MAT 12:23	Pokonno pwuriamweikihla, “Audi Ih ma kijehn kadaudok en David wa me?”
23589	MAT 12:31	Me ioar kahrpoahwa Ngoahi pwehng kamwai, Dihp ke lahlahwe ohroj kak mahkla — a lahlahwe Ngen Joarwi ioar johkak mahkla.
23594	MAT 12:36	“Doari, kamwai en kidal pwa nehn Rehnin Kadeikko armaj ohroj uhdahn pirin pwukoahki arai lallal mwahl ohroj.
23602	MAT 12:44	Doar ih ken pwehng pein ih, ‘Ngoahi en pirin pwurlahng nehn umwoaiho.’ Doar ih pwurla diarda pwa umwahu ne soahnda, mwakelkel, apel joan.
23603	MAT 12:45	Doar ngen jausso pel pwurla rapahkihda pel ngen jaus ijimen ma nauna jang ih, irai ohroj dilda koaujoanla wijahu. A doari armajjo a kapwa nauna jang mijkoalkoal. Ioar joangoan mour wa me nen wiawi oang armaj nauna in rehn pwiai.”
23607	MAT 12:49	Doar Ih doklahng nah sohnpadahkkok Ih pwa, “Irai pwiai ioar inoai apel rioaikoa.
23612	MAT 13:4	Doari, nehn ah kamwkamwroa ah liporrohk, epwi mwoardi oang nehn al siksik in nehn mwoaswello, mahnsang pwi sangdo kangjang.
23648	MAT 13:40	Doahroar dipwdippwok kasohrohrla apel jirepla, ioar doahr da pirin wiawi imwin jampah.
23665	MAT 13:57	Doari, irai ken johla nimen kamehlele Ih. Jesus pwehng irai, “Joukohp men kin woaun wija ohroj, a jaudi nehn pein ah wija apel nehn ah peneinei.”
23666	MAT 13:58	Doari Ih wia manman jipidpwihoar wijahu pwa jang in irai joah pwojon.
23687	MAT 14:21	Dirin woal ma pwili mwinge, woal limekid, li apel jeri johpwa pwili wadwaddoang.
23695	MAT 14:29	“Koa, indoa,” Jesus pwehng ih. Doar Peter kerdihjang pohn pohsso, alu pohn jeddo inla ipen Jesus.
23696	MAT 14:30	A nehn ah poahmda sihkeilahn enngo, ih majpwehkda, sapda pwuhpwuhrdi. Ih pwa, “Maing, Doaroahla ngoahi!”
23712	MAT 15:10	Doar Jesus ken pangindo pokonno Ipoa, pwehng irai, “Kamwai rong apel woahwoahki mwehu me:
23714	MAT 15:12	Doar sohnpadahkkok indoa Ipoa pwa, “Koawoa kidal pwa Pharisee‑ok lioaski dahkij ma Koawoa pwahla?”
23716	MAT 15:14	joah injinohki irai! Jounkaweid majkunpwi arai. Doar ma armaj majkun men kahlwa emen armaj majkun ara nen kipdihoang nehn lippwo.”
23724	MAT 15:22	Lihn Canaan men, ma kin koaukoaujoan wijahu, indoa ipoa, ngil koalik poangpoanglahng Ih, “Maing, koawoa ma nihn David, kadek oang ngoahi! Noai jerpein men mine ma ngen jaus ne dilingla; ih kin minmine nehn apwal koalik.”
23730	MAT 15:28	Doar Jesus ken japoang ih, “Koawoa lihmen ma anki pwojon inenin koalik! Dahkij ma koawoa poaki nen pwoaihoang koawoa.” Nehn anjoauwohr nah jerpeinno mwehuda.
23738	MAT 15:36	Doar ih oaloa lopwon ijuhwo pwilihki mwummwok, kapingkalahnganki oang Koahs, sipwangpijoang, kioang nah sohnpadahkkok, sohnpadahkkok wud nehk oang pokonno.
23740	MAT 15:38	Dirin irai ma pwili mwinge rehnno, woal pahkid, li apel jeri jehpwili waddoang.
23741	MAT 15:39	Doar Jesus kadar pijoang armajjok, Ih doauda pohn pohs pas, jeilahng ipen koaujoan in Magadan.
23745	MAT 16:4	Ia woahr nauna apel rosros in armaj in anjoau kije!” Ih pel pwa, “Kamwai poaki manman oau jang Ipoai a manman wahr Ngoahi nen kioang kamwai ioar manman in Jonah.” Doar Jesus ken injang irai inla ekij wija.
23749	MAT 16:8	Jesus kidal da irai pwahpwahpwa, ioar Ih idoakki iparai, “Dahkij kamwai siksikoa pene nen pwungamwai pwa joh pilahwa ipamwai? Amwai pwojon inenin siksik!
23753	MAT 16:12	Doari, sohnpadahkkok ken woahwoahkihda pwa audi ihs in nehn pilahwa ma irai en kalkehjang irai, a padahk in Pharisee apel Sadducee‑ok.
23759	MAT 16:18	Doari, apkas Ngoahi pwehng koawoa, pwa koawoa Peter, paip koalik oau, pohn paip koalikkoauwe Ngoahi pirin kouda oai mwomwohdjo. Doar mehdi johpwa pirin kak kalwehdi.
23761	MAT 16:20	Doar Jesus pwehng nah sohnpadahkkok, irai en johpwa pwehng emen, pwa Ih ioar ma Messiah.
23765	MAT 16:24	Doari Jesus pwehng nah sohnpadahkkok, “Ma emen in kamwai nimen indoa pwili Ngoahi, en uhdahn moalkoahla pein ih, wahda ah lohpwu, pwilihla Ngoahi.
23787	MAT 17:18	Doar Jesus ruwoj ngen jausso en diljang nehn jermweinno, ngen jausso ken diljang. Anjoauwohr jermweinno mwehula.
23794	MAT 17:25	“Eh, ih kin pwili dupuk.” Peter japoang. Nehn en Peter inla nehn ummwo, Jesus ken pispis oar pwehnglahng, “Simon, Da oamw lamlam oang irairroauwe? Inje kin nohpwei ke dupuk daksis oang Nahmwarkihn jampahioauwe? Jang ipen nah armaj kan ke jang ipen mihn likin kan?
23795	MAT 17:26	“Jang ipen mihn likin kan,” Peter japoang. “Doari,” Jesus pwa, “Sowoa mehlel in weiho kin jehpwili dupuk daksis.
23796	MAT 17:27	A, kisai joah nimen kalioasihda sohn rik daksis pwiai, Doar indihwe nehn jeddo, peiddihwe nihmw ohn. Keioun mwumw ma koawoa oapihda, Kihpijoang oawoan mwummwo, koawoa nen kapangda mwani isar oang dupukla asa daksis.”
23798	MAT 18:2	Doar Jesus pangindo jeri siksik men kihdi nehn pwung irai.
23808	MAT 18:12	“Da kamwai lemleme? Ma armaj men nainki jihpw epwiki, emen arai joaloangla, ih joh nen kihdi jihpw duweijek dohmenno arai en mwingmwingehjili pohn nahna, a ih inla rapahki jihpw joaloanglahu?
23830	MAT 18:34	Doari nahmwarkiho inenin lioas, doari ih peiddoang papahu nehn kalpwuhj pwa ih en loklok oaroh ngehd ih en dupukla ah pwaipwanid ohroj.”
23831	MAT 18:35	Doar Jesus pwa, “Ioar joangwa ma Joamoaiho nehnloannge pirin wiahng kamwai, ma emen emen kamwai johpwa mahkoahng riah jang nehn ah mohngiong.”
23837	MAT 19:6	Ara ne johla wia roahmen a emennoar. Doari joh armaj men en kamweidpijoang da ma Koahs ne kapsahpene.”
23851	MAT 19:20	“Ngoahi ne kapwaihahda kojonned pwiai ohroj,” mwahnkappwo japoang. “Da ngoahi en pel wia?”
23854	MAT 19:23	Doar Jesus pwehng nah sohnpadahkkok, “Ngoahi pwehng kamwai in mehlel: inenin apwal oang armaj koapwoahpwoa en dilda nehn Wein nehnloannge.
23856	MAT 19:25	Nehn en sohnpadahkkok rong me, irai inenin pwuriamweikihla. “Doar inje kak mourla?” irai idoak.
23858	MAT 19:27	Doar Peter pwehng Ih, “Kamai ne kihdi me ohroj, kamai pwilihla koawoa. Dahkij kamai pirin anki?”
23881	MAT 20:20	Doari, pahien Zebedee indoa ipen Jesus; pwilihkihla nah jermwein roahmenno, dairukdi mwohn Ih, wia ah poakpoak.
23882	MAT 20:21	“Da koawoa anahne?” Jesus idoak. Liho japoang, “Inoauki oang ngoahi pwa noai jermwein roahmenne en pwili mwindi ipoamw in oamw loap moaun apel oamw loap meing nehn dohioammwo, ma koawoa pirin nahmwarkihla.”
23891	MAT 20:30	Woal majkun roahmen mwindi imwin allo rongda pwa Jesus allaluhla wijahu, ara sapda rahrahu, “Maing, Koawoa ma nihn David! Jeuweje kama!”
23892	MAT 20:31	Pokonno woarwoarihda ara, pwehng ara en nennenla, a ara kapwa koalikla ara rahrahu, “Maing, nihn David! Jeuweje kama!”
23893	MAT 20:32	Jesus uhdi, pangin ara en indoa, “Da kamwa nimen Ngoahi en wiahng kamwa?” Ih idoak ipara.
23895	MAT 20:34	Jesus ipwilkihda ara, Ih pukkoang mijarahk. Anjoauwohr ara ken kak kapang wija. Doar ara ken kaujla ih.
23896	MAT 21:1	Nehn en Jesus apel Nah sohnpadahkkok koaroannoang Jerusalem, irai lel Bethphage pohn Dolin Olip. Jesus kadarla sohnpadahk roahmen mijarai
23904	MAT 21:9	Pokonno ma alu mijen Jesus apel ihr ma alu mwerin, sapkihda ahr koaul rahrahuki, “Kapnga oang Ih ma kijehn David! Koahs en kapaiahda Ih ma indoa in oadoan Koaunno! Kapnga oang Koahs!”
23910	MAT 21:15	Jamwrou laplappok apel jounpadahk in Kojonneddo kan lioaskihla irai kapang manman kapwuriamwei pwiai apel rong en jerihok nehn Umw Joarwiho rahrahuki, “Kapnga oang Ih ma kijehn kadaudok in David!”
23914	MAT 21:19	a Ih kapangda suhkoa fig pas imwin allo. Ih inla pwa Ih en kapang ma mine wah, joh wah Ih kapang, a pwen soahr doari. Doar Ih pwehng suhkoahu, “Koawoa johla pirin pwuroahng uhwa!” Anjoauwohr suhkoahu mengda.
23922	MAT 21:27	Doar irai japoangla Jesus, “Kamai jehjoa.” A Jesus wud japoang irai, “Doar Ngoahi pel jehpirin pwehng kamwai jang in en inje manman ma Ngoahi wihwiahki mehpwiai.”
23926	MAT 21:31	Inje in jermwein roahmenno ma kapwaihahda injenen jamahu?” Irai japoang, “Jermwein koalikko.” Doar Jesus pwehng irai, “Ngoahi pwehng kamwai in mehlel, pwa jounrik daksissok apel lihn noaski palwoaroaraihok nen dilda nehn Wein Koahs mijen kamwai.
23931	MAT 21:36	Doari woallo ma anki mwoaswello pel pwuroahng kadarla liduhpwi ma dir jang pwihn keiouwo. Sohndoadoahkkok wiahng irai joanngohr.
23934	MAT 21:39	Doari irai jipoardi ih, kerpwihla likin mwoaswello, irai kojukdi ih.”
23937	MAT 21:42	Doar Jesus pwehng irai, “Da, kamwai kahjikkoar wadek da ma Puk Joarwi pwa? ‘Sakai ma jounkou umw kan ne kerpwihla, wud wiahla sakain pwukoakoaimw! KOAUNNO ma wiahda me; mehkij ma kapwuriamwei mehlel oang kisai.’
23941	MAT 21:46	Doar irai jong en joalihdi ih, a irai mijik pokon in armajjok, pwa irai kin wiahki Jesus joukohp men.
23945	MAT 22:4	Doari, ih pel kadarla epwi lidu en pwehng irai, ‘Kamdippwe ne onopda, uduken kahu pwulopwul kan ne kojkojdi. Me ohroj ne onopda. Irai en ken indoa!’
23948	MAT 22:7	Doari, nahmwarkiho inenin lioasla. Ih kadarla nah jounpeihok en kojukdi iraihok ma kojukdi nah jounpakairrok apel okojda arai kahnihmmwok.