23226	MAT 1:13	Zerubbabel jemen Abiud, Abiud jemen Eliakim, Eliakim jemen Azor,
23227	MAT 1:14	Azor jemen Zadok, Zadok jemen Achim, Achim jemen Eliud,
23228	MAT 1:15	Eliud jemen Eleazar, Eleazar jemen Matthan, Matthan jemen Jacob,
23236	MAT 1:23	“Meipwonno pirin lijaianda, noaisikihdi jermwein men, ma irai pirin kioang oadoa Emmanuel,” (woahwoahki “Koahs pwilpwili kisai”).
23251	MAT 2:13	Nehn irai ne inla, sohnloang in Koaunno men pwokkoang Joseph nehn ah oarmoan. Sohnloanngo pwehng ih, “Pwohrda oaloa jerihen pwilihki inahu kaukihdihla ara Egypt. Mine oaroh ngoahi kapwa pwehng koawoa, ngehd kamwai en japahldo, pwa Herod raprapahki jerihen pwa ih en kojukdi.”
23252	MAT 2:14	Inpwonngohr Joseph pwohrda oaloa jeriho pwilihki inahu irai inla Egypt,
23253	MAT 2:15	mine o oaroh lel en Herod mehdi. Me ne kapwaihahda dahkij ma Koaunno ne pwa jang ipen joukohppo, “Ngoahi pangin noai jermweinno jang Egypt.”
23257	MAT 2:19	Mwerin Herod mehdi, sohnloang en Koaunno men pwuroahng pwokkoang Joseph nehn ah oarmoan nehn Egypt,
23265	MAT 3:4	En John likkoauwok wiawihda jang winen kamel, ih kangirki kilin kahu nen lopkoa. Kanah mwinge ioar padda apel jukehn loanglap in nehn woallo.
23319	MAT 5:16	En pel doahr amwai maram en janjalda mwohn armaj, pwa irai en kapang amwai wihwia mwehu kan apel kapngahki Jamamwai nehnloannge.”
23322	MAT 5:19	Emen ma koauwehla oau in kojonneddok, mihndahr ma kojonnedwahr ma keiou siksik apel padahkihoang epwi en pel wia doahroar, pirin keiou siksik nehn Wein nehnloannge. A inje ma kin kapwaihahda apel padahkki kojonned pwiai pirin laplap nehn Wein nehnloannge.
23334	MAT 5:31	“Kamwai ne kidal da kojonneddo pwa, ‘Emen ma mweijang pahioahu en kioang ih kijinlikoau in kamweid.’
23340	MAT 5:37	Amwai sikesik en kin mine in ‘Eh’ ke ‘Joah’; a ma daulihla a kin sapjang ipen me juweddo.”
23435	MAT 8:21	Emen sohnpadahk pel pwehng Ih, “Maing, mweidoahng ngoahi en inla jaripdi oai pahpahu mijkoalkoal, a ngoahi indoa pwilihla Koawoa.”
23457	MAT 9:9	En Jesus injang o nehn Ah allaluhla, Ih kapangda woal men, adanki Matthew, jounrik daksis, ma onnonohn nehn ah oahpisso. Jesus pwehng ih, “Pwilihla Ngoahi.” Doar ih ken uhda pwilihla Ih.
23476	MAT 9:28	Nehn Ah ne dilda nehn umw, woal majkunnok indoa Ipoa, a Ih peidek oang ara, “Kamwa kamehlele pwa Ngoahi kak kemwehuwihla kamwa? “Eh, Koaun,” ira japoang.
23518	MAT 10:32	“Emen ma pohneje Ngoahi mwohn armaj, Ngoahi pel pirin pohneje ih mwohn Joamoaiho nehnloannge.
23522	MAT 10:36	En emen ah imwinsihsi pirin wia sowoa mehlel in nehn umwahu.
23523	MAT 10:37	“Emen ma ipwilki jamah ke inah koalik jang ah ipwilki Ngoahi johpwa warroang Ngoahi; emen ma ipwilki nah jermwein ke jerpein koalik ah ipwilki Ngoahi johpwa warroang Ngoahi;
23525	MAT 10:39	Emen ma nimen kolkol ah mour nen luhj jang, a emen ma luhj jang ah mour ki Ngoahi nen kolkol ah mour.
23526	MAT 10:40	“Emen ma kajamwo kamwai kin kajamwo Ngoahi, a emen ma kajamwo Ngoahi kin kajamwo ih ma kadardo Ngoahi.
23527	MAT 10:41	Emen ma kajamwo joukohp en Koahs men pwa ih joukohp en Koahs men pirin oaloa kijakij in joukohp men, a emen ma kajamwo armaj pwung men pwa ih armaj pwung men pirin oaloa kijakij in armaj pwung men.
23537	MAT 11:9	Doari da kamwai inlahng kapang? Joukohp men? Eh, Ngoahi pwehng kamwai, pel koalikjang joukohp men.
23542	MAT 11:14	A ma kamwai nimen kamehlele, John ioar Elijah ma kokohppok sikoa ma pirin indoa.
23547	MAT 11:19	Anjoauwo ma Nihn‑Armaj indoa, Ih mwinge apel nimnim, armaj ohroj pwa, ‘kapang woal menen! Ih mijen mwinge apel sohn nim jakau men, Ih pirienki jounrik daksissok apel armaj jekenkennok!’ En Koahs loalkoang kadehdehda ah wihwia pwung kan.”
23588	MAT 12:30	“Emen ma johkin pwili Ngoahi, kin uhwoang Ngoahi, a ma johkin jeuweje Ngoahi rikpene, kin kamwroahpijoang.
23590	MAT 12:32	Emen ma lahlahwe Nihn‑Armaj, kak mahkla, a lahlahwe Ngen Joarwi pwanah johkak mahkla — apkas ke pel allaluhla.
23608	MAT 12:50	Emen ma kin wia injenen Joamoaiho nehnloannge ioar rioai woal, rioai li apel inoai.”
23613	MAT 13:5	Epwi liporro kipdi nehn wija sakaikai ma pwirejjo poadpoad. Liporrohk pispisin koapda pwa pwirejjo poadpoad.
23615	MAT 13:7	Epwi liporrohk kipdi nehn pwungen suhkoa soaksoak. A suhkoa soaksoakkok koapda kajasihkeihla irai.
23659	MAT 13:51	“Kamwai woahwoahki mehpwiak?” “Eh,” irai japoang, “kamai woahwoahki.”
23692	MAT 14:26	Nehn en sohnpadahkkok kapang Ih alu pohn lehu, irai inenin majpwehkda. “Eni men!” Irai pwa apel rahrahuki arai majpwehk.
23755	MAT 16:14	Irai japoang, “Epwi kin pwa John jounpoapdaij, a epwi pwa Elijah, apel epwi pwa Jeremiah ke emen in joukohppok.”
23772	MAT 17:3	Sohnpadahk jilmenno pel kapangda Moses apel Elijah siksikesik oang Jesus.
23773	MAT 17:4	Peter pwehng Jesus, “Oai Koaun, inenin mwehu asai minmine me! Ma koawoa mwehuki, ngoahi en kouda umpwal jiluh wija kije, oau umwoamw, oau umwen Moses, apel oau umwen Elijah.”
23779	MAT 17:10	Sohnpadahkkok idoak oang Jesus, “Amwda jounpadahk in Kojonneddok pwa Elijah uhdahn pirin sapin indoa?”
23780	MAT 17:11	Jesus japoang, “Mehlel, Elijah uhdahn pirin sapin indoa pwa en koaunopda me ohroj.
23781	MAT 17:12	A Ngoahi pwehng kamwai, Elijah ne indoa, a armaj kan johpwa kidal ih, doar irai wia mwahlki apel wiahng ih injenarai. Nen doahr irai pirin wiahng Nihn‑Armaj, ma pirin pel oaloa koaloklok jang iparai.”
23794	MAT 17:25	“Eh, ih kin pwili dupuk.” Peter japoang. Nehn en Peter inla nehn ummwo, Jesus ken pispis oar pwehnglahng, “Simon, Da oamw lamlam oang irairroauwe? Inje kin nohpwei ke dupuk daksis oang Nahmwarkihn jampahioauwe? Jang ipen nah armaj kan ke jang ipen mihn likin kan?
23843	MAT 19:12	Pwa kahrpoahpwi mine ma kahrehda armaj johkak pwoapwoaudkihda. Epwi noaisikdi palwoaroarai johpwa unjek; a epwi jang in arai leklekla, a epwi jang in pein injenarai arai johpwa nimen pwoapwoaud pwa en mwehuwoang Wein nehnloannge. Ma emen kak oaloa padahkkoauwe, a en oaloa.”
23848	MAT 19:17	“Amwda koawoa ke idoak oang Ngoahi dahkij mwehu?” Jesus japoang. “Emen oar ma mwehu. Kapwaihahda kojonned kan ma koawoa nimen dilda nehn mour joahsuk.”
23911	MAT 21:16	Irai idoak oang Jesus, “A koawoa rong dahkij jeri pwiai pwahpwahpwa?” “Eh Ngoahi rong,” Jesus japoang. “Kamwai kahjikkoar wadek Puk Joarwi? Ma pwa ‘Koawoa ne oaloa kaping unjek jang in oawoan jerihkan apel jerihkan ma kin dihdi?’”
23918	MAT 21:23	Nehn en Jesus japahlla nehn Umw Joarwiho, Ih pwuroahng sapda padahk, a jamwrou laplappok apel epwi joumajpwi indoa Ipoa wiahng peidek pase: “En inje manman ma Koawoa wihwiahki joang pwiak? Inje ma kioang Koawoa manman oauwe?”
23925	MAT 21:30	Mwahmwahu pel inla ipen jermwein siksikko pwehng joanngohr. Jermwein siksikko japoang jamahu, ‘Eh, ngoahi pirin inla.’ A ih johpwa inla.
23947	MAT 22:6	Epwi koldi nah jounpakairrok koalkoa, apel kojukdi irai.
23976	MAT 22:35	Emen in irai, jounpadahk in Kojonneddo nimen lidipihki Jesus peidek oau,
24044	MAT 24:18	Emen ma mine nehn japw, en joah pwurla pwa en oaloa ah joakid.
24148	MAT 26:25	A Judas, ma pirin pangla Ih, pwehng Ih, “Mehlel jaudi ngoahi, Jounpadahk?” Jesus japoang, “Eh, ioar koawoa ma ne pwahda.”
24174	MAT 26:51	Emen in woallok ma pwili Jesus wijla kodlaij pas poaloahjang oaloap sien liduhwo nihn jamwrou laplappo.
24209	MAT 27:11	Apkas Jesus uhda mwohn Pilate, koapinahn Rome. “Koawoa ioar Nahmwarkihn mihn Jew?” koapina idoak oang Ih. Jesus japoang, “Eh, ma koawoa ne pwa.”
24225	MAT 27:27	Epwi nihn koapina jounpeihok wahla Jesus oang nehn arai umwen koapinahu a pangindo pwihnin jounpeiho ohroj.
24244	MAT 27:46	Koaroan oang kiloak jiluh mwerin jauwaj, Jesus ngil koalikda pwa, “Eli, Eli, lema sabachthani?” ma woahwoahki, “Oai Koahs, Oai Koahs, amwda Koawoa kerpwihlahki Ngoahi?”
24245	MAT 27:47	Epwi armajjok ma uhuhu wijahu ken rongda, irai pwa, “Ih pangpangin Elijah!”
24246	MAT 27:48	Emen irai pispis kijoula pwoakda spwoanj oau kapwuhrihdi wain kasik, kioang in mijen suhkoa pas kihdahlahng Ih pwa Ih en nim.
24247	MAT 27:49	A epwi irai pwehng Ih, “jowi. Kisai kapang ma Elijah nen indoa kapisla Ih.”
24345	MRK 2:16	Epwi jounpadahk in Kojonneddo, ma kijehn Pharisee‑ok, nehn irai kapangda Jesus Ah pwili mwinge ipen joangoan armaj dipan pwiai apel ipen jounrik daksis pwiai, irai idoakkoang Nah sohnpadahkkok pwa, “Da Ih kin pwilihki mwinge ipen joangoan armaj pwiai?”
24379	MRK 3:22	Epwi jounpadahk in Kojonneddok ma indihdo jang Jerusalem siksikoa pwa Beelzebul ne dilingla Ih. Epwi pwa koaunin ngen jaus kan ma kioang Jesus manman in kajroahjang ngen jaus ipen armaj.
24392	MRK 3:35	Emen ma kin kapwaihahda injenen Koahs, ioar arai rioai apel inoai.”
24397	MRK 4:5	Epwi liporro kipdi nehn wija sakaikai ma pwirejjo poadpoad. Liporrohk pispisin koapda pwa pwirejjo poadpoad.
24399	MRK 4:7	Epwi liporrohk kipdi nehn pwungen suhkoa soaksoak. A suhkoa soaksoakkok koapda kajasihkeihla irai; ioar irai ken johpwa uhwahki.
24407	MRK 4:15	Epwi armaj doahr Liporrohk ma mwoardi oang nehn al kan. Nehn ahr kin rong mahjanno, Jehsen kin indoa koawehjang irai.
24410	MRK 4:18	Epwi armaj kin doahroar Liporro siksikkok ma mwoardi oang nehn pwungen suhkoa soaksoak. Ioar irai ma kin rong mahjanno,
24412	MRK 4:20	Epwi doahroar liporro siksikoa ma mwoardi oang nehn pwirej mwehu. Irai kin rong mahjanno, oaloa, ken uhwa: epwi uhwa min jilihjek, epwi weneijek, a epwi uhwahda min epwiki.”
24490	MRK 6:14	Nahmwarki Herod rongda mehpwiai ohroj, pwa Jesus wadwadla wija ohroj. Epwi pwahpwahpwa pwa ma John jounpoapdaij ioar ne pwuroahng mourda, ioar kahrehda Ih kak wia joangoan manman pwiak.
24491	MRK 6:15	Epwi pwa Ih Elijah. Epwi pwahpwahpwa pwa joukohp men Ih, doahroar epwi joukohp in mehjjok.
24566	MRK 7:34	Jesus ken jardahla nehnloannge, pwahla, “Ephphatha,” ma woahwoahki, “woahjekpijoang!”
24597	MRK 8:28	A irai japoang, “Epwi kin pwa koawoa John jounpoapdaij, epwi pwa koawoa Elijah, a epwi pwa koawoa emen joukohp in mehjjok.”
24611	MRK 9:4	Sohnpadahk jilmenno kapangda Elijah apel Moses ara siksikesik oang Jesus.
24612	MRK 9:5	Peter pwehng Jesus, “Jounpadahk, inenin mwehu asai minmine wijahkije. Kamai en kouda umpwal jiluh wijahkije, oau umwoamw, oau umwen Moses, a oau umwen Elijah.”
24618	MRK 9:11	Irai idoak oang Jesus, “Amwda jounpadahk in Kojonneddok pwa Elijah uhdahn pirin sapin indoa?”
24619	MRK 9:12	A Ih japoang irai, “Mehlel, Elijah uhdahn pirin sapin indoa pwa en koaunopda me ohroj. A amwda Puk Joarwi pwahki pwa Nihn‑Armaj pirin oaloa loklok koalik apel wia mwahlla?
24620	MRK 9:13	A Ngoahi pwehng kamwai, Elijah ne indoa a armaj kan wiahng me ohroj ma irai mwehuki, doahroar ma ne insingdi nehn Puk Joarwi.”
24624	MRK 9:17	Emen sohn pokonno japoang, “Maing, ngoahi wahdohng koawoa noai jermweinne ma ngen jaus dilingla ken jehjoahla lallal.
24686	MRK 10:29	Jesus pwehng irai, “Eh! Ngoahi pwehng kamwai in mehlel, pwa ma emen ma pirin mweidla umwah, riah, inah, jamah, nah jeri, japwah kan, ki Ngoahi apel rongmwehuwo,
24696	MRK 10:39	Ara pwehng Ih, “Eh kama kak.” Jesus pwehng ara, “Doari, ne mwehu; Kamwa pirin nim mwoakko ma Ngoahi pirin nim apel poapdaijki poapdaijjo ma Ngoahi pirin poapdaijki.
24800	MRK 13:14	“Kamwai pirin kapang ‘Janjal Nauna Kamajpwehkko’ ih uhda nehn wija ma johpwa koanoahng en uhda.” (Emen ma wadwadek en woahwoahki ia woahwoa!) “Doari, irai kan ma mine Judea irai pirin kijou oang pohn dol kan.
24827	MRK 14:4	Epwi ma pwili mine wijahu ken lioasla pwahpene nehn pwungarai, “Amwda le karahdin oauwe ken ohla mwahl?
24843	MRK 14:20	Jesus japoang, “Eh, emen jang kamwai eijek roahmen pwiai, emen ma pwili kadkadu kanah pilahwa nehn Oai mwoakke.
24888	MRK 14:65	Epwi irai ken sapda andipoa, poaroahla mijoa, poki, apel idoak, “Kohpda pwa inje ma poki koawoa?,” Jounpeihok ukla Ih poki.
24929	MRK 15:34	A kiloak jiluh Jesus kakoalikihla ngiloa, Ih pwa, “Eloi, Eloi, lema sabachthani?” ma woahwoahki, “Oai Koahs, Oai Koahs, amwda Koawoa ke moalkoahla Ngoahi?”
24930	MRK 15:35	Epwi armajjok ma pwili mine wijahu, nehn irai rong Ih, irai pwa, “Rong, Ih pangpangin Elijah.”
24931	MRK 15:36	Emen irai ken kijoukihla limw oau kaduhdi nehn wain siksik dupkoa oau, kioang in imwin suhkoa pas, ih koudalahng in oawoan Jesus a ih pwa, “Jowi, kisai kapang ma Elijah pirin indihdo kihdihjang Ih in lohpwuhwen!”
24967	LUK 1:5	Nehn mwein Herod, nahmwarkihn Judea, mine jamwrou men oadoa Zechariah, kijehn loapin jamwrou ma adanki Abijah. Pahioahu oadoa Elizabeth, pel kijehn kadaudok in jamwrou oau.
24969	LUK 1:7	A joh nihra jeri pwa Elizabeth johkak noaisik, a ira ne moadohla.
24975	LUK 1:13	A sohnloanngo pwehnglahng, “Zechariah, koawoa en joah mijik, pwa oamw kapkap ne pwoaida ipen Koahs! Pahioamw Elizabeth pirin noaisikihdi jermwein men ma koawoa pirin kioang oadoa John.
24979	LUK 1:17	Ih pirin indoa mwohn Koaunno in rojon apel manman doahroar joukohp Elijah. Ih pirin kemwehuwihla nehn pwungen mwahmwa kan apel nihrai jerihkan; Ih pirin pel ukudla armaj japeik kan oang in al pwung kan, apel koaunopda nihn Koaunno armaj oang Ih.”
24986	LUK 1:24	Mwerin anjoau kij, pahioahu Elizabeth lijaianda, ih minminehki nehn umwahu oaroain johnpwong limoau.
24988	LUK 1:26	Nehn en Elizabeth kawonou in johnpwong, Koahs pel kadardo sohnloang Gabriel nehn kahnihmw in Galilee oau ma oadoa Nazareth,
24998	LUK 1:36	Koawoa en samsaman kijehmw Elizabeth doahroar en armaj kan ahr wiahki li johkak nainki jeri; a apkas ih ne lijaianda ne mine nehn kawonou in ah johnpwong, mihndahr ma ih ne li moadohla.
25002	LUK 1:40	ih dilda nehn umwen Zechariah pwa en rahnmwahuwi Elizabeth.
25003	LUK 1:41	Nehn en Elizabeth rongda en Mary rahnmwahu, jeriho ken mwoakidda nehn kapehdin. Elizabeth ken dirkihla Ngen Joarwi,
25018	LUK 1:56	Mary minminehki ipen Elizabeth johnpwong jiluh, mwerin ih japahllahng in umwahu.
25019	LUK 1:57	Anjoau in en Elizabeth noaisik ne lel; ih noaisikihdi jermwein kij.