23233	MAT 1:20	A mwerin ah lemehda me, Sohnloang in Koaunno men pwokkoang ih nehn ah oarmoan pwehng ih, “Joseph nihn David, joah mijik in oaloa Mary wiahkihla pahioamw, pwa dahkij ih lijaiankihda jang Ngen Joarwi.
23235	MAT 1:22	Mehpwiai ohroj wiawi pwa en pwoaida da ma Koaunno pwa jang ipen joukohppo,
23236	MAT 1:23	“Meipwonno pirin lijaianda, noaisikihdi jermwein men, ma irai pirin kioang oadoa Emmanuel,” (woahwoahki “Koahs pwilpwili kisai”).
23237	MAT 1:24	Nehn en Joseph pwohrda ih wia da sohnloang in Koaunno pwehng ih. Ih ken oaloa Mary painkihla.
23240	MAT 2:2	kalkalelpoak wija ma jeri siksikko noaisikdi mine, nahmwarkihn mihn Jew kan. Irai pwa, “Kamai kapangda Ah ujuhwo palimese in loannge ioar kamai indoahng pwongi Ih.”
23244	MAT 2:6	‘Koawoa, Bethlehem, nehn wein Judah, jaudi koawoa, keiou siksik nehn pwungen koaun in Judah kan, pwa jang ipoamw emen koaun pirin indoa ma pirin kahlwa noai armaj in Israel kan.’”
23250	MAT 2:12	Anjoauwo irai japahllahng nehn arai wei, irai wud nehn apas al sohrohr pwa Koahs ne kaperki irai nehn oau oarmoan pwa irai en joah pwurla ipen Herod.
23251	MAT 2:13	Nehn irai ne inla, sohnloang in Koaunno men pwokkoang Joseph nehn ah oarmoan. Sohnloanngo pwehng ih, “Pwohrda oaloa jerihen pwilihki inahu kaukihdihla ara Egypt. Mine oaroh ngoahi kapwa pwehng koawoa, ngehd kamwai en japahldo, pwa Herod raprapahki jerihen pwa ih en kojukdi.”
23253	MAT 2:15	mine o oaroh lel en Herod mehdi. Me ne kapwaihahda dahkij ma Koaunno ne pwa jang ipen joukohppo, “Ngoahi pangin noai jermweinno jang Egypt.”
23257	MAT 2:19	Mwerin Herod mehdi, sohnloang en Koaunno men pwuroahng pwokkoang Joseph nehn ah oarmoan nehn Egypt,
23263	MAT 3:2	ih pwa, “Kamwai koluhla pwa Wein nehnloannge ne koaroando.”
23264	MAT 3:3	John ioar woalwa ma joukohppa Isaiah pwa: “Ngilloau ma kin poangpoangpoang nehn japwsoahn: ‘Kamwai koaunopda alin Koaunno, kamwai kainenehla Ah al kan ma Ih pirin alu loaloa!’”
23265	MAT 3:4	En John likkoauwok wiawihda jang winen kamel, ih kangirki kilin kahu nen lopkoa. Kanah mwinge ioar padda apel jukehn loanglap in nehn woallo.
23268	MAT 3:7	A nehn a kapang dirin Pharisee apel Sadducee allaluhdo ipoa pwa en poapdaij, ih pwehng irai, “Kamwai sinekpwi, inje pwehng kamwai pwa kamwai kak pisjang koaloklok in Koahs ma nimenoar lel kamwai?
23269	MAT 3:8	Kamwai wiahda siahk kan ma pirin kajalehda amwai ne koaluhla apel wiliakapwla.
23270	MAT 3:9	Kamwai joah lemleme pwa kamwai nen kak pisjang koaloklok pwa kamwai kadaudokin Abraham. Ngoahi pwehng kamwai pwa Koahs kakkoar wiahda nihn Abraham jeri jang in sakai pwiai!
23276	MAT 3:15	Jesus japoang, “Joah kauhdi, pwa ioar koajoandi wa me, pwa ioar ma koanoahng kisa kapwaihahda kupwur en Koahs.” John ken pwungkihla.
23277	MAT 3:16	Jesus ken poapdaijla, Ih doauda jang nehn pillo; anjoauwo nehnloannge risda, Ih kapang Ngenin Koahs indihdo in mwomwen mwurei men jokdi pohn Ih.
23281	MAT 4:3	John Kajongjonngo indoa pwehng Ih, “Ma koawoa nihn Koahs, pwehng sakai pwiai en wiahla pilahwa.”
23282	MAT 4:4	Jesus japoang, “Ne insingdi nehn puk joarwi: ‘Jaudi pilahwahr doari armaj kak mourki pwa lalkan ohroj ma kin indoa jang ipen Koahs.’”
23284	MAT 4:6	pwehng Ih, “Ma koawoa nihn Koahs, lujdihwe pwa ne insingdi nehn Puk Joarwi: ‘Ih pirin ruwoj nah sohnloanngok doahr koawoa, irai pirin kolkihda koawoa poahrai pwa ehmmwen kan en joah ohla pohn sakai.’”
23285	MAT 4:7	Jesus japoang ih, “Ne pel insingdi: ‘Joah kajongjongi Koaunno oamw Koahs.’”
23288	MAT 4:10	Jesus pwehng ih, “Alwe jang Ngoahi, Jehsen! Pwa ne pel insingdi, ‘Pwongi Koaunno oamw Koahs, papah Ih kalahpwuk.’”
23297	MAT 4:19	Jesus pwehng ara, “Kamwa indoa pwilihla Ngoahi, a Ngoahi pirin wiahkihla kamwa sohnloakjidi armaj.”
23307	MAT 5:4	Meid pai irai kan ma joang, pwa Koahs pirin kainjenmwahuwihla irai.
23309	MAT 5:6	Meid pai irai kan ma kin ngoangki me pwung, pwa Koahs pirin kaisarihla irai.
23311	MAT 5:8	Meid pai irai ma mwakelkel nehn mohngiongirai, pwa irai pirin kapang Koahs.
23312	MAT 5:9	Meid pai irai ma kin wihwia doadoahk in kamwahu nehn pwungen armaj kan, pwa irai pirin adanki jerihn Koahs.
23313	MAT 5:10	Meid pai irai ma kin loklokki pwung jang in irai mohmohmourki Koahs, pwa irai pirin anki Wein nehnloannge.
23315	MAT 5:12	Kamwai injenmwahu apel malau pwa kijakij koalik joujouwi kamwai nehnloannge, pwa ioar pel joangwahr irai wiahng joukohppok mwohn kamwai.”
23316	MAT 5:13	“Kamwai ioar jed in jampah. A ma nimen jeddo johla nime, joh mehkij kak en wiawihoang pwa en pwuroahng minehda nime. Johla kaspoan jeddo, ioarroar en kerpwihekla pwa armaj kan en alu puwoa.
23317	MAT 5:14	“Kamwai ioar maram in jampah. Kahnihmw oau ma mine pohn dol oau johkak oakkoakla.
23320	MAT 5:17	“Joah lemleme pwa ngoahi indoahng koauwehla Kojonned in Moses ke pel padahk in Joukohppok; Ngoahi joah indoahng koauwehla arai padahk kan, a Ngoahi indoahng kapwaihahda.
23321	MAT 5:18	Ngoahi pwehng kamwai in mehlel, ma nehnloannge apel jampah johla, insing siksik oau ke mwei siksik kij in Kojonneddo johkak joaloangla oaroh audoapoa ohroj en pwoaida.
23323	MAT 5:20	Ngoahi pwehng kamwai, ma amwai wihwia mwehu joah mwehu jang en jounpadahk in Kojonned apel Pharisee‑ok kamwai uhdahn johkak dilda nehn Wein nehnloannge.”
23324	MAT 5:21	“Kamwai ne rong padahkkok ma mihn mehjjok oaloa, ‘Joah kojukdi armaj; emen ma kojukdi armaj pirin lelloang kadeik.’
23325	MAT 5:22	A Ngoahi pwehng kamwai: emen ma lioas oang riah pirin lelloang kadeik. Pel oau, emen ma pwehng riahu, ‘Pweipwei men koawoa,’ pirin pel wijikla mwohn Mwoalen Koapwung. A emen ma pwa, ‘Koawoa Iahk!’ ih kak lel oang nehn keper in oaiho nehn ehl.
23330	MAT 5:27	“Kamwai ne rong padahk paso, ‘Joah kamwahl.’
23334	MAT 5:31	“Kamwai ne kidal da kojonneddo pwa, ‘Emen ma mweijang pahioahu en kioang ih kijinlikoau in kamweid.’
23336	MAT 5:33	“Kamwai ne rong da ma ne pweiekkoang mihn mehjjok. ‘Joah koauwehla oamw kahula, a kolkol oamw inoau oang Koaunno.’
23337	MAT 5:34	A ngoahi pwehng kamwai, Joah kahula mwahl. Joah kahukihla nehnloannge pwa ioar mwoalen Koahs wa.
23341	MAT 5:38	“Kamwai ne pel rong pwa. ‘Pwoaroan maj oau dupukki pwoaroan maj oau, a ngihpas dupukki ngihpas.’
23346	MAT 5:43	“Kamwai ne pel rong Ih ne pwa, ‘Ipwilki mihn ipoamw a lioassoang oamw imwinsihsi.’
23351	MAT 5:48	Kamwai en unjek doahroar Jamamwaiho nehnloannge ma unjek.”
23352	MAT 6:1	“Kanaihoahng kamwai en joah wia pwa amwai wihwia mwehu kan en janjal mwohn armaj pwa irai en kapang kamwai. Ma kamwai wia me, nen joh amwai pwaij jang Jamamwaiho nehnloannge.
23362	MAT 6:11	Kihdoa rehnnoauwe kanmai mwingehn oauwoau rehn.
23375	MAT 6:24	“Joh emen kak papah koaun roahmen. Ih kakkoar lioassoang emen a ipwilki emen, ke ih nen poadidi oang emen a mwamwahlki emen. Koawoa johkak papah Koahs apel mwani.
23376	MAT 6:25	“Ioar Ngoahi pwehngki kamwai, joah pwunodki amwai mour, da kamwai pirin kang ke nim; ke oang palwoaroamwaikan, da kamwai pirin likkoauki. Mour joah kajampwal jang mwinge? Ke palwar joah kajampwal jang likkoau?
23377	MAT 6:26	Kapang mahnsang in nehn woahwoa kan: irai johkin poadok ke doli ke nekid nehn wehraus kan, a Jamamwaiho nehnloannge kin kamwinge irai. Kamwai joah kajampwaljang irai?
23379	MAT 6:28	“Mihnda kamwai pwunodki likkoau? Kamwai kapang kiepw in nehn japw kan, nehn irai kin koapkoapda; irai johkin doadoahk ke wiahda arai likkoau.
23381	MAT 6:30	Ma ioar doahr en Koahs kapwasihda mo in nehn mohj kan, ma mine rehnnoauwe a lakapw nehn oaiho, ih joah nen kapwasihda kamwai mwehu jang? Ia woahr siksikin amwai pwojon!
23382	MAT 6:31	Doari, joah pwunod, pwa, ‘Da kamain kang? Ke da kamain nim? Ke da kamain kol?’
23384	MAT 6:33	Doar rapahki mijkoalkoal wein Koahs pel Ah pwung, a mehpwiak ohroj nen liklikkoang koawoa.
23386	MAT 7:1	“Joah kadeik armaj kan, pwa doar Koahs kadeikda kamwai.
23387	MAT 7:2	Pwa Koahs nen kadeikda kamwai doahr kamwai kadeikda epwi, oh Ih nen jongki kamwai mihn jonngohr ma kamwai jongki epwi.
23395	MAT 7:10	Ke ma ih poaki mwumw a ih kioang sinek?
23397	MAT 7:12	“Wiahng epwi da ma kamwai nimen irai en wiahng kamwai, pwa me oaroahpene Kojonned apel padahk in Joukohp kan.”
23400	MAT 7:15	“Kamwai mwajahni mwehu joukohp likamw kan. Irai indoa ipamwai in mwomwen jihpw, a loaloarai doahr wolf ingkelpwi.
23401	MAT 7:16	Kamwai nehn kidalki arai wahrai kan. Kak armaj en doli grape jang suhkoa dokdok, ke fig jang suhkoa karak?
23406	MAT 7:21	“Jaudi ohroj ma panginki Ngoahi, ‘Koaun, Koaun’ pirin dilda nehn Wein nehnloannge, a araihokkoar ma kin kapwaihahda injenen Joamoaiho ma mine nehnloannge.
23407	MAT 7:22	Rehnin kadeikko armaj dir pirin pwehng Ngoahi, ‘Koaun, Koaun, jaudi kamai ma kin wia kokohp in oadoammwen, pel in oadoammwen kamai kin kaujjang ngen jaus pel wia joangoan manman dir?’
23414	MAT 7:29	pwa manman in Ah padahk johpwa doahroar en jounpadahk in Kojonneddok arai padahk.
23417	MAT 8:3	Jesus kailla poah pukkoang woallo, “Ngoahi nimen,” Ih pwehng ih, “Ken mwakelkelda!” Anjoauwohr woallo mwehula jang ah lepa.
23418	MAT 8:4	Jesus pwehng woallo, “Kapang! Pwa koawoa en johpwa pwehng emen. Inla kajalehng jamwrou a koawoa wia oamw meiroang joanngo ma Moses koajoanehdi, en wia oamw mihn kadehde oang irai.”
23422	MAT 8:8	Koaun in jounpeiho pwehng Jesus, “Maing, ngoahi joah warroang Koawoa en indoa nehn umwoaiho. Pwen lalloar, ah noai liduhwo ne mwehula.
23435	MAT 8:21	Emen sohnpadahk pel pwehng Ih, “Maing, mweidoahng ngoahi en inla jaripdi oai pahpahu mijkoalkoal, a ngoahi indoa pwilihla Koawoa.”
23439	MAT 8:25	Sohnpadahkkok inla panginda Ih pwehng Ih, “Maing, doaroahla kisai! Kisain ken mehdi!”
23443	MAT 8:29	Anjoauwohr ara wering Jesus pwehng Ih, “Koawoa Nihn Koahs, da koawoa nimen wiahng kama? Koawoa indoahng koalkoa kama mwohn anjoauwo?”
23450	MAT 9:2	Woalpwi wahdohng Ih woal mwoasor men mine pohn rohp oau. Anjoauwo ma Jesus kapang arai pwojon, Ih pwehng woal mwoasorro, “Koapwoarpwoar, noai jeri! Dipoamw kan ne lapwda.”
23456	MAT 9:8	Nehn en pokonno kapang me irai inenin majpwehkda; irai kapnga Koahs ma kioang armaj joangoan manman oauwo.
23470	MAT 9:22	Jesus jipwoalla pwehng ih, “Koapwoarpwoar, Noai jerpein, oamw pwojon ne kasihkeida koawoa.” Liho mwehula anjoauwohr.
23472	MAT 9:24	Ih pwehng irai, “Kamwai dilla, jerpeinne johpwa mehdi, a ih moair.” A irai uruhrki Ih.
23476	MAT 9:28	Nehn Ah ne dilda nehn umw, woal majkunnok indoa Ipoa, a Ih peidek oang ara, “Kamwa kamehlele pwa Ngoahi kak kemwehuwihla kamwa? “Eh, Koaun,” ira japoang.
23478	MAT 9:30	ira pwuroahng kapangda wija. Jesus pwehng ira, “Kapang pwa johpwa emen en kidal mehkije.”
23481	MAT 9:33	Anjoauwo ma ngen jausso diljang ipoa, woal loahsoanngo lallalda. Pokonno inenin pwuriamwei pwa, “Kahjikkoar mehkij doahre wiawi nehn Israel.”
23482	MAT 9:34	A Pharisee‑ok pwa, “Koaunin ngen jaus kan ma kioang Jesus manman in kajroahjang ngen jaus.”
23488	MAT 10:2	Me ioar oadoan woaroak eijek roahmenno: Keiou Simon (ma pel adanki Peter) a riah jermweinno Andrew; James nihn Zebedee, apel riahu John;
23493	MAT 10:7	Kamwai inla padahki pwa: Wein nehnloannge ne koaroan.
23494	MAT 10:8	Kemwehuwihla johmwehu kan, kamourda min mehdi kan, kamwkelehda irai kan ma anki johmwehu lepa, kauj jang ngen jaus kan. Doar amwai oaloa in joh dupkoa, Kamwai pel kihwei in joh dupkoa.
23501	MAT 10:15	Ngoahi pwehng kamwai pwa in mehlel, Rehn in Kadeikko Koahs pirin kajalehda Ah kalahngan oang sohn Sodom apel Gomorrah koalik jang koaujoan pwiai.
23502	MAT 10:16	“Kamwai Rongmwehu Ngoahi kadarwe kamwai doahroar jihppwi nehn pwungen wolf. Kamai uhdahn pirin kanaihoahng kamwai doahroar sinek kan apel maid doahroar mwurei kan.
23503	MAT 10:17	Kamwai mwajahn pwa armaj kan pirin joalihdi kamwai apel pangla kamwai mwohn Mwoalen Koapwung kan, apel poki kamwai nehn jinakoke kan.