23338	MAT 5:35	Joah pel kahukihla ke jampah pwa ioar dohn ehn wa; ke Jerusalem pwa ioar kahnihmw in Nahmwarki Laplap.
23469	MAT 9:21	Liho pwehng pein ih, “Ma ngoahi pwen kodurroar Ah likkoauwo, ngoahi nen mwehula.”
23470	MAT 9:22	Jesus jipwoalla pwehng ih, “Koapwoarpwoar, Noai jerpein, oamw pwojon ne kasihkeida koawoa.” Liho mwehula anjoauwohr.
23600	MAT 12:42	Nehn Rehnin Kadeikko Li nahmwarki in Sheba pirin uhwoang kamwai apel kadeikda kamwai, pwa ih jeiloakdo jang nehn ah weiho pwa en rong doahroar en nahmwarki Solomon kaweid loalkoang. A apkas emen ma laplap jang Solomon mine me.
23613	MAT 13:5	Epwi liporro kipdi nehn wija sakaikai ma pwirejjo poadpoad. Liporrohk pispisin koapda pwa pwirejjo poadpoad.
23628	MAT 13:20	Liporro ma kin mwoardi oang nen wija sakai woahwoahki irai kan ma kin rong oaloahda apel perenkihda.
23630	MAT 13:22	Liporrohk ma mwoardi oang nehn pwungen suhkoa soaksoakkok doahroar araihok ma rong apel oaloahda mahjanno, a nen johpwa kos mahjanno nen johla mine iparai pwa jang in pwunod in jampah apel ipwilki pai in jampah nehn arai mour, kahrehda arai joh kak kihda wahrai.
23631	MAT 13:23	Liporrohk ma koapda nehn pwirej mwehuwo ioar kajalehda mohngiongin iraihok ma rong apel woahwoahkihla padahk mehlello, doar uhwahda dir pehn epwi min epwiki, epwi weneijek, a epwi jilihjek.”
23641	MAT 13:33	Jesus pwehng irai apas karajraj: “Wein nehnloannge doahroar me. Lihmen oaloa ihs kij doaloahkihda pilahwa koalik kij. Pilahwahu ken pwoaida.”
23721	MAT 15:19	Lamlam nauna kin injang nehn mohngiong, ioar kin kahrehda, kojarmaj, kamwahl, nenek, pirap, likamw, pel karaun mwahl.
23724	MAT 15:22	Lihn Canaan men, ma kin koaukoaujoan wijahu, indoa ipoa, ngil koalik poangpoanglahng Ih, “Maing, koawoa ma nihn David, kadek oang ngoahi! Noai jerpein men mine ma ngen jaus ne dilingla; ih kin minmine nehn apwal koalik.”
23736	MAT 15:34	Jesus idoak oang irai, “Lopwon in pilahwa doapoa mine ipamwai?” Irai japoang, “Lopwon ijuh, apel mwumw siksik jipidpwi.”
23743	MAT 16:2	A Jesus japoang, “Nen en joauwo kin duhla, kamwai kin pwa, ‘Lakapw nen mwehu pwa mijen loannge Wahssa.’
23882	MAT 20:21	“Da koawoa anahne?” Jesus idoak. Liho japoang, “Inoauki oang ngoahi pwa noai jermwein roahmenne en pwili mwindi ipoamw in oamw loap moaun apel oamw loap meing nehn dohioammwo, ma koawoa pirin nahmwarkihla.”
24067	MAT 24:41	Li roahmen pirin daulahk pilahwa nehn wijahn wia pilahwa; emen pirin wijik jang, emen luhwoahdi.
24079	MAT 25:2	Limmen in irai pweipwei, a limmen loalkoang.
24083	MAT 25:6	“Lel in lopkoan pwong irai pwohrkihda ngilen poangpoang, ‘Kapang, woalwa ne leldo! Kamwai indoa kajamwo ih!’
24130	MAT 26:7	lihmen indoa Ipoa wahdo lehn wai wai kajampwal oau ma inenin koalik dupkoa. Liho widekihdi oang pohn moangoan Jesus.
24132	MAT 26:9	“Lehn wai wai oauwe kak noasla koalihkkoalik dupkoa, kak kihekkoang min paijuwed kan!”
24170	MAT 26:47	Nehn Ah pwahpwahpwa me, Judas, emen in eijek roahmenno, leldo pwilihki pwihn oau wijik kodlaij apel suhkoa mihn pokpok. Jamwrou Laplappok apel epwi joumajjin armajjok ioar kadardo irai.
24187	MAT 26:64	Jesus japoang, “Koawoa ma pwa. A Ngoahi pwehng kamwai ohroj pwa jang me inla kamwai pirin kapang Nihn‑Armaj pirin mwindi loap moaunin Wija Laplap ma allaluhdo pohn koasoau kan in pehnloannge!”
24188	MAT 26:65	Ki pajpoang oauwe Jamwrou laplappo ken soahrdi ah likkoauwo lioas, pwehng Ih, “Lahlahwe! Kisai johpwa anahne pel epwi jounkadehde? Kamwai ohroj ne rong Ah lahlahwe.
24253	MAT 27:55	Li dir ma pel pwilihdo mine wijahu, pwili kapkapang mehkan ma wihwiawi, a irai mine ekij doh jang wijahu; ioar irai koa ma pwili Jesus jang Galilee apel kin papah Ih.
24300	MRK 1:16	Rehn oau Jesus allaluhla pohn poahrinjedin Lehn Galilee; Ih kapangda sohnloakjid roahmen, Simon apel riah Andrew, loakjidki nihra ukko nehn lehu.
24342	MRK 2:13	Jesus pel pwuroahng pwurlahng in oaroahr in Lehn Galilee. Armaj dir pel pokonpene Ipoa, Ih ken pel sapda padahk oang irai.
24343	MRK 2:14	Nehn Ah allaluhla wija, Ih kapangda jounrik daksis men, oadoa Levi nihn Alphaeus, ma onnonohn nehn ah oahpisso. Jesus pwehng, “Indoa pwilihla Ngoahi.” Levi ken uhdahr pwilihla Jesus.
24344	MRK 2:15	Doari Jesus ken mwindihoang mwinge in umwen Levi‑o. A jounrik daksis pwi apel armaj dipan dir pwili Jesus apel Nah sohnpadahkkok mwindihoang in sehpillo, pwa irai dir kin pwilpwili kahkahkahuj Jesus.
24355	MRK 2:26	Ih dilda nehn umwen Koahs, kangla pilahwa joarwihok, nehn mwein Jamwrou Laplap Abiathar. Doahr kojonneddo, jamwrouwok oar ioar mweimweioang kang pilahwa pwiai. A David kangla apel kioang pwilihoahk irai en pwili kang.”
24364	MRK 3:7	Jesus apel Nah sohnpadahkkok inla in poahrinjed in Lehn Galilee, a pokon laplap oau kaujla Ih. Armajjok indoa jang Galilee, jang Judea,
24393	MRK 4:1	Jesus pel sapda padahkjili in poahrinjed in Lehn Galilee. Pokon laplap oau pokonpene Ipoa kahrehda Ih ken doauda mwindi pohn pohs pas. Pohsso peipeipei nehn jeddo, a pokonno mine in poahrinjeddo.
24397	MRK 4:5	Epwi liporro kipdi nehn wija sakaikai ma pwirejjo poadpoad. Liporrohk pispisin koapda pwa pwirejjo poadpoad.
24407	MRK 4:15	Epwi armaj doahr Liporrohk ma mwoardi oang nehn al kan. Nehn ahr kin rong mahjanno, Jehsen kin indoa koawehjang irai.
24408	MRK 4:16	Liporro ma kin mwoardi oang nehn wija sakai woahwoahki irai kan ma kin rong oaloahda apel perenkihda.
24410	MRK 4:18	Epwi armaj kin doahroar Liporro siksikkok ma mwoardi oang nehn pwungen suhkoa soaksoak. Ioar irai ma kin rong mahjanno,
24434	MRK 5:1	Jesus apel Nah sohnpadahkkok kijoula oaloap Lehn Galilee apel dauluhllahng oaloap pillo, nehn japwen mihn Gerasa.
24440	MRK 5:7	rahrahu, pwahpwahpwa, “Maing Jesus, Nihn Koahs Laplap! Dahioau Koawoa nimen wiahng ngoahi? In oadoan Koahs, joah koalkoa ngoahi!”
24458	MRK 5:25	Lihmen pel pwili mine wijahu, ma anki johmwehuin insa pwilpwil oaroain johnpar eijek riau.
24514	MRK 6:38	Jesus idoak, “Lopwonin pilahwa doapoa mine ipamwai? Kamwai kapang apel wadek.” Nehn ahr ne wadekda irai pwehng Ih, “Lopwonin pilahwa limoau apel mwumw roahmen.”
24558	MRK 7:26	Lihn likin men ih, ih noaisikdi Phoenicia nehn wein Syria. Ih ken poaki ipen Jesus en kaujjang ngen jausso ipen nah jerpeinno.
24560	MRK 7:28	Liho japoang pwehng Ih, “Mehlel Maing, a doahk kan kin pel pwili kang in kenen jerihkan pehn sehpil kan!”
24562	MRK 7:30	Liho ken pwurla in umwahu kidalda pwa nah jerpeinno onohn nehn dohiahu; a ngen jausso ne injang ipoa.
24563	MRK 7:31	Jesus inlahjang Tyre, Ih wud ipen Sidon, inlahng Lehn Galilee, kosehla wein Decapolis.
24574	MRK 8:5	Jesus idoak oang irai, “Lopwon in pilahwa doapoa mine ipamwai?” A irai japoang, “Lopwon ijuh.”
24826	MRK 14:3	Jesus minmine nehn Bethany nehn umwen Simon, woal lepahu. Nehn irai mwingmwinge, lihmen dilda ipoa, wa rume siksik oau ma dirin le ma inenin karahdin apel koalik dupkoa, ma wiawi jang in pwilin suhkoa ma adanki nard. Liho ken koauwehla rume siksikko widekihdihoang pohn moangoan Jesus.
24870	MRK 14:47	A emen iraihok ma mine wijahu, wijda nah kodlaijjo ngap pijoang poaloahjang sien nihn emen Jamwrou Laplappo lidu.
24876	MRK 14:53	Irai ken uklahng Jesus in umwen Jamwrou Laplappo, wija ma ohroj Jamwrou Laplappok, joumajjok apel jounpadahk in Kojonneddok pokonpene.
24877	MRK 14:54	Peter pwen kahkahkahujjoar Jesus a ekij dohlahjang, oaroh lel nehn kelin umwen Jamwrou Laplappo. Ih ken mwindihoang wija ipen jounpei pwi pwa ih en pwili irai koaroangroang ipen oaiho.
24878	MRK 14:55	Jamwrou laplappok apel Sohn Mwoalen Koapwung Laplappok ohroj ken engdehnkihla rapahkihda kadehdehpwi ma pirin kahrehioang Jesus en kojkojdi, irai ken johpwa diar.
24883	MRK 14:60	Jamwrou Laplappo ken uhda jang nehn dohiahu mwohrai ohroj, ih ken idoak ipen Jesus, “Johpwa mehkij koawoa pirin japoangki kadip pwiai ma wiawihoang koawoa?”
24884	MRK 14:61	Jesus nennenla, johpwa japoang, Jamwrou Laplappo ken pel pwuroahng idoak ipoa, “Koawoa ma Messiah, Nihn Koahs Kapaiho?”
24885	MRK 14:62	Jesus ken japoang, “Ioar Ngoahi ma Ih; kamwai ohroj pirin kapang Nihn‑Armaj Ah pirin mine in loap moaunin Wija Laplap apel ma allaluhdo pohn koasoau kan in pehnloannge.”
24886	MRK 14:63	Jamwrou Laplappo ken uhdahr soahrpijoang ah likkoauwo, ken pwahla, “Kisai johpwa anahne pel epwi jounkadehde!
24889	MRK 14:66	Nehn en Peter minmine ijoan nehn kelin umwen Jamwrou Laplappo, lidu in Jamwrou Laplap men lel wijahu.
24892	MRK 14:69	Liduhwo pel pwuroahng kapangda ih wijahu pwehnglahng araihok ma minmine wijahu, “Uhdahn emen irai me.”
24927	MRK 15:32	Kisai kapang Messiah, nahmwarkihn Israel, kerdihdohjang in lohpwuhwen apkas, kamai kapwa kamehlele Ih!” Lollap roahmenno ma pwili lohpwuhlahu, ara pel lahlahwe Ih.
24935	MRK 15:40	Lihpwi pel pwili mine wijahu, kapkapang, a irai ekij dohjang. Irai ioar: Mary mihn Magdala, Salome, apel Mary inen James siksikko apel Joses.
24937	MRK 15:42	Allaluhlahng injoausik ioar anjoauwa Joseph mihn Arimathea leldo. Ih kijehn sohn Mwoalen Koapwung Laplappo ma armajjok kin woaunki; ih kin pel pwili joujouwihdo Wein Koahs. Doari, rehnno, pwa ih wia rehnin koaunopda (rehnwa mwohn Sabbath). Joseph inla ipen Pilate, johpwa perki mehkij, pwa ih en poaki palwoaroan Jesus.
24950	MRK 16:8	Lihok diljang nehn joaujoauwo, irai ken kau pwa irai inenin majpwehkda apel jalohda. Irai pel johpwa pwehng armaj men mehkij, pwa irai majpwehkda. [
24994	LUK 1:32	Ih pirin laplap apel adanki Nihn Koahs, Keiou Laplap. Koaunno Koahs pirin kajapwilda en nahmwarki doahroar jamah David.
25011	LUK 1:49	pwa joang kapwuriamwei kan ma Koahs, Keiou Laplap ne wiahda ipoai. Oadoaioa ioar ma joarwi;
25038	LUK 1:76	A koawoa, noai jeri siksik, koawoa pirin adanki joukohp in Koahs, Wija Laplap. Koawoa pirin inla mwohn Koaunno, pwa koawoa en koaunopda Ah al kan oang Ih;
25095	LUK 3:1	Kaeijek limoau in johnpar in mwein Caesar Tiberius, Pontius Pilate koapinahn Judea, a Herod koaun in Galilee, riahu Philip ma koaunda in Iturea apel Trachonitis; Lysanias koaunda in Abilene,
25096	LUK 3:2	a Annas apel Caiaphas ioar Jamwrou Laplap; ioar anjoauwa lal in Koahs indoahng ipen John nihn Zechariah, ma minmine nehn japwsoahn.
25118	LUK 3:24	Heli nihn Matthat, Matthat nihn Levi, Levi nihn Melchi, Melchi nihn Jannai, Jannai nihn Joseph,
25123	LUK 3:29	Er nihn Joshua, Joshua nihn Eliezer, Eliezer nihn Jorim, Jorim nihn Matthat, Matthat nihn Levi,
25124	LUK 3:30	Levi nihn Simeon, Simeon nihn Judah, Judah nihn Joseph, Joseph nihn Jonam, Jonam nihn Eliakim,
25130	LUK 3:36	Shelah nihn Cainan, Cainan nihn Arphaxad, Arphaxad nihn Shem, Shem nihn Noah, Noah nihn Lamech,
25131	LUK 3:37	Lamech nihn Methuselah, Methuselah nihn Enoch, Enoch nihn Jared, Jared nihn Mahalaleel, Mahalaleel nihn Kenan,
25177	LUK 5:1	Oau rehn Jesus minmine in oaroahr in Lehn Gennesaret, a armaj dir pokondohng Ipoa pwa irai en pwili rong mahjan en Koahs.
25203	LUK 5:27	Mwerin mehpwiai, Jesus inlahjang wijahu, Ih kapangda jounrik daksis men oadoa Levi, ma mine nehn ah oahpisso. Jesus pwehng ih, “Pwilihla Ngoahi.”
25204	LUK 5:28	Levi uhdahr kihdi me ohroj ma ih anki ken pwilihla Jesus.
25205	LUK 5:29	Levi ken wiahda kamdipw koalik oau nehn umwahu oang Jesus; jounrik daksis dir apel armaj pwi pel pwili mwindihoang in sehpillo.
25250	LUK 6:35	A joah! Kamwai en limpoak oang amwai imwinsihsi kan apel wia mwehu oang irai; kamwai kioang irai mehkij a joah kahjik kajpahlin jang iparai. Pwa dupkoamwai pirin koalik apel kamwai pirin wiahla nihn Koahs, Wija Laplap. Pwa Ih kin kalahngan oang ihr ma johkin kalahngan apel oang armaj nauna kan.
25266	LUK 7:2	Koaunin jounpei in Rome men mine wijahu ah lidu men ma johmwehu koalik enken oar mehdi. Lidu mene inenin kajampwal ipen koaunin jounpeiho.
25277	LUK 7:13	Nehn en Koaunno kapangda liohdiho, Ih ipwilkihda pwehng, “Li, joah joang.”
25326	LUK 8:12	Liporro kan ma mwoardi pohn al kan woahwoahki irai kan ma kin rong a Jehsen kin indoa apel kihjang lallo nehn arai mohngiong pwa irai en joah pwojon apel mourkihla.
25327	LUK 8:13	Liporro ma kin mwoardi oang nehn wija sakai woahwoahki irai kan ma kin rong oaloahda apel perenkihda. A ih johpwa kin lel nehn kapehdirai kan, pwa irai kin pwojon anjoau kij oar; apel nehn anjoau in jongjong irai kin pispis kip‑wehjang.
25328	LUK 8:14	Liporrohk ma mwoardi oang nehn pwungen suhkoa soaksoakkok doahroar iraihok ma rong lallo, a pwunod in koapwoa kan apel peren in jampah oauwe kin jakahpajihla apel kin pinahla jang lallo nehn kapehdirai kan.
25342	LUK 8:28	Nehn ah kapangda Jesus, ih rahula apel poardi mwohn Ih, ngil koalikla, pwahla, “Maing Jesus nihn Koahs Laplap! Dahkij koawoa nimen wiahng ngoahi? Ngoahi poaki ipoamw, koawoa en joah koalkoa ngoahi!”
25357	LUK 8:43	Lihmen pwili mine wijahu ma johmwehuki insa pwilpwil johnpar eijek riau; joh kak mwehula. Ih ne kejpwihkihla me ohroj ma ih anki oang in koadoahkpen ah johmwehuwo ipen jounwini kan.
25361	LUK 8:47	Liho ne kidalda pwa ih ne diarekda, ih ken roarroarroar sohla ipen Jesus, rukdihoang ipen ehn Jesus. Ih pwehng Jesus mwohn armaj kan ohroj kahrpoan ah pukkoang Jesus apel doahroar ah mwehula nehnnoar anjoauwo ma ih pukkoang.
25383	LUK 9:13	A Jesus pwehnglahng irai, “Kamwai kapwa pein kamwinge irai.” Irai pwa, “Lopwonin pilahwa limoau apel mwumw roahmen ma mine ipamai. Koawoa mwehuki kamai en inla dupukda mwinge oang pokon koalik oauwe?”
25464	LUK 10:32	Pel doahroar Levi men alu wijahu kapang woallo, ih pel dauluhlla jang alu oaloap allo.
25598	LUK 13:11	Lihmen pwili mine wijahu, ma ngen jaus dilingla ih oaroain johnpar eijek waluh ma kahrehda ih johmwehu. Liho johmwehuki sihn, kojpene, johkak inenda.
25599	LUK 13:12	Nehn en Jesus kapangda liho, Ih pwehnglahng, “Li, koawoa en mwehuda jang oamw johmwehu!”
25606	LUK 13:19	Ih doahroar liporro mustard oau ma armaj men oaloa apel poadokdi nehn ah mwoaswello. Liporro siksikko koapda wiahla suhkoa pas, mahnsang kan kin koammoal nehn rah kan.”
25643	LUK 14:21	Liduhwo pwurla pwehng ah koaunno mehkan ohroj. Koaunno inenin lioas, ih pwehng nah liduhwo, ‘Alwe nehn allap kan apel aljop kan in nehn kahnihmw oauwe, koawoa ukdo ihr joamwoahmwoa kan, ihr dangpel kan, ihr majkun kan apel mwoasor kan.’
25709	LUK 16:20	Pel mine woal joamwoahmwoa men oadoa Lazarus, ohla kilin, ma kin wijiklahng in wanihmw in umwen woal koapwoahpwoahu;
25712	LUK 16:23	nehn ah weiweiroak nehn Hades, ih jipwoaldahla kapangda Abraham wija doh, a Lazarus mine ipoa.
25713	LUK 16:24	Ih poangpoangdahla pwa, ‘Pahpa Abraham, ipwilkihda ngoahi! Kadardo Lazarus pwa en kadu jandin poah nehn pil, ih kamwolouwihki loawoaioa, pwa ngoahi ne inenin pwidengla nehn oai oauwe.’
25714	LUK 16:25	Abraham japoang, ‘Noai jeri, lemleme pwa koawoa ne oaloa me mwehu ohroj nehn oamw mour, a Lazarus oaloa joang nauna ohroj, ioar mehwa ih injenmwahuki anjoau oauwe, a koawoa mine nehn oamw moadoak.
25716	LUK 16:27	Woal koapwoahpwoahu japoang, ‘A ngoahi poaki ipoamw, pahpa Abraham, kadarla Lazarus in umwen joamoaiho,
25729	LUK 17:9	Lidu men joah koanoahng oaloa kajpahl kalahngan, ma ih peik oang ah koaunno. Ke da?
25748	LUK 17:28	Pel doahroar da ma ne wiawi in mwein Lot, armaj ohroj kamkamdipw, jakjakau, noasnoas, japwjapw, kokou umw;
25749	LUK 17:29	A rehnno ma Lot injang nehn Sodom, oai apel sulfur mwoardi jang nehnloannge, kojukdi ihr ohroj.
25752	LUK 17:32	Samsaman pahien Lot‑o!
25755	LUK 17:35	Li roahmen pirin daulahk pilahwa; emen pirin wijikjang, a emen pirin luhwoahdi.