23270	MAT 3:9	Kamwai joah lemleme pwa kamwai nen kak pisjang koaloklok pwa kamwai kadaudokin Abraham. Ngoahi pwehng kamwai pwa Koahs kakkoar wiahda nihn Abraham jeri jang in sakai pwiai!
23288	MAT 4:10	Jesus pwehng ih, “Alwe jang Ngoahi, Jehsen! Pwa ne pel insingdi, ‘Pwongi Koaunno oamw Koahs, papah Ih kalahpwuk.’”
23293	MAT 4:15	“Nehn wein Zebulun apel Naphtali, ipen jeddo, oaloap Pillap Jordan, nehn Galilee wija ma mihn likin dir mine!
23381	MAT 6:30	Ma ioar doahr en Koahs kapwasihda mo in nehn mohj kan, ma mine rehnnoauwe a lakapw nehn oaiho, ih joah nen kapwasihda kamwai mwehu jang? Ia woahr siksikin amwai pwojon!
23396	MAT 7:11	Ma nehn amwai nauna, kamwai kidal kioang nihmwai jerihkan kijakij mwehu, ia woahr mwehuwin kijakijjo Jamamwai nehnloannge pirin kioang irai ma poaki Ih!
23439	MAT 8:25	Sohnpadahkkok inla panginda Ih pwehng Ih, “Maing, doaroahla kisai! Kisain ken mehdi!”
23450	MAT 9:2	Woalpwi wahdohng Ih woal mwoasor men mine pohn rohp oau. Anjoauwo ma Jesus kapang arai pwojon, Ih pwehng woal mwoasorro, “Koapwoarpwoar, noai jeri! Dipoamw kan ne lapwda.”
23511	MAT 10:25	Sohnpadahk men en pel isarki en doahroarla ah jounpadahkko, apel liduhmen en pel doahrla ah koaunno. Ma moangoan peneinei oau poangpoangki Beelzebul, ia woahr nauna in ad ma emen sohn peneineiho en poangpoangki!
23517	MAT 10:31	A doar joah mijik; kamwai kajampwaljang mahn siksik dihrdir!
23543	MAT 11:15	Armaj men ma mine sioa mihn rongrong, a ih en rong!
23547	MAT 11:19	Anjoauwo ma Nihn‑Armaj indoa, Ih mwinge apel nimnim, armaj ohroj pwa, ‘kapang woal menen! Ih mijen mwinge apel sohn nim jakau men, Ih pirienki jounrik daksissok apel armaj jekenkennok!’ En Koahs loalkoang kadehdehda ah wihwia pwung kan.”
23549	MAT 11:21	Ih pwehng irai, “Inenin naunahng koawoa, Chorazin! Pel naunahng koawoa, Bethsaida! Pwa manmannok ma ne wiawihoang kamwai, wiawihoang Tyre pel Sidon, irai ne likkoaukihda likkoauwin injinjuwed pel kamwroahdihoang moalkoahr pohrai, pwa en kajalehda irai ne koluhla apel wikla.
23551	MAT 11:23	A koawoa, Capernaum, koawoa ma nimen leldahla nehnloannge, koawoa nen jinoakekdihla nehn ehl! Pwa manmannok ma ne wiawihoang koawoa, wiawihoang sohn Sodom, irai nen minehr lel rehnnoauwe.
23553	MAT 11:25	Anjoauwo Jesus pwa, “Ngoahi kapnga koawoa, joamoai, Koaun in nehnloannge apel jampah! Ngoahi kapnga ki koawoa, oamw kajalehng irai joaloalkoanngok mehkan ma koawoa oakihjang iraihok ma koahiok apel loalkoang in jampah.
23570	MAT 12:12	Ia woahr kajampwalin armaj men jang jihpw men! Doari mwehu en wia me mwehu Sabbath.”
23585	MAT 12:27	Kamwai pwa Ngoahi kin kauj jang ngen jaus kan pwa Beelzebul ma kioang Oai manman. A inje ma kioang nihmwai sohnpadahk kan manman in kauj jang ngen jaus kan? Pein nihmwai sohnpadahk kan nen kadehdehng kamwai doahr amwai japwung!
23592	MAT 12:34	Kamwai doahroar sinek! Imdoahr armaj nauna doahr kamwai kak pwa mehkij mwehu? Pwa dahkij ma kamwai pwa ioar kin kajalehda audoapoan nehn kapehdimwaikan.
23597	MAT 12:39	Jesus japoang, “Ia woahr nauna apel rosros in armaj in anjoau kije! Kamwai poaki manman oau jang Ipoai a manman wahr Ngoahi nen kioang kamwai ioar manman in joukohp Jonah.
23651	MAT 13:43	A irai kan ma pwung pirin lingla doahroar joauwo nehn Wein Jamaraiho. Armaj men ma mine sioa, en rong!
23697	MAT 14:31	Anjoauwohr Jesus pukla, koldi ih, pwehng ih, “Amwda oamw pwojon ke siksik! Amwda koawoa ke joh kamehlele?”
23709	MAT 15:7	Mwalaunpwi kamwai! Mehlel oar pwa uhdahn pwung oang kamwai dahkij joukohp Isaiah ne kohpda oang kamwai nehn ah pwa,
23716	MAT 15:14	joah injinohki irai! Jounkaweid majkunpwi arai. Doar ma armaj majkun men kahlwa emen armaj majkun ara nen kipdihoang nehn lippwo.”
23724	MAT 15:22	Lihn Canaan men, ma kin koaukoaujoan wijahu, indoa ipoa, ngil koalik poangpoanglahng Ih, “Maing, koawoa ma nihn David, kadek oang ngoahi! Noai jerpein men mine ma ngen jaus ne dilingla; ih kin minmine nehn apwal koalik.”
23725	MAT 15:23	A Jesus johpwa pwahla lal oau oang ih. Nah sohnpadahkkok sohla Ipoa, engdehn poaki Ih, “Kadarla lihen! Ih kadroapwoa kisai ki ah poakpoak en.”
23730	MAT 15:28	Doar Jesus ken japoang ih, “Koawoa lihmen ma anki pwojon inenin koalik! Dahkij ma koawoa poaki nen pwoaihoang koawoa.” Nehn anjoauwohr nah jerpeinno mwehuda.
23744	MAT 16:3	A Inminjoang kamwai kin pwa, ‘Rehnnoauwe pirin wud, pwa mijen loannge wahssa apel soal.’ Kamwai kak kajawihda iren anjoau jang nen amwai kin kapang mijen loannge, a kamwai joh kak kajawihda kilellok doahr anjoau pwiai!
23749	MAT 16:8	Jesus kidal da irai pwahpwahpwa, ioar Ih idoakki iparai, “Dahkij kamwai siksikoa pene nen pwungamwai pwa joh pilahwa ipamwai? Amwai pwojon inenin siksik!
23764	MAT 16:23	Jesus pwurlahng Peter pwehng ih, “Alwe jang Ngoahi, Jehsen! Koawoa lidip keper oau oang Ngoahi, pwa oamw lamlam jaudi jang ipen Koahs, a jang ipen armaj.”
23773	MAT 17:4	Peter pwehng Jesus, “Oai Koaun, inenin mwehu asai minmine me! Ma koawoa mwehuki, ngoahi en kouda umpwal jiluh wija kije, oau umwoamw, oau umwen Moses, apel oau umwen Elijah.”
23786	MAT 17:17	Jesus japoang, “Kamwai inenin joah pwojon apel japwung! Ia woaroai in oai pirin minmine ipamwai? Ia woaroai in oai pirin kanangmahng kamwai? Wahdo jermweinnen Ipoai!”
23803	MAT 18:7	Ia woahr nauna in oang jampah mihn koauwehla pwiai ma pirin kahrehioang emen en kerpwihla ah pwojon! A joah, joang pwiai pirin pwen mine anjoau ohroj, a ia woahr nauna in oang armaj meno ma mehpwiai sapdahjang ipoa!
23804	MAT 18:8	“Ma oaloap poahmmwen ke oaloap ehmmwen kahrehng koawoa nehn dihp, poaloahjang, kerpwihla! Pwa nen mwehuwoang koawoa en dilloang nehn mour joahsukko, ki oaloappoar poahmmwen ke oaloappoar ehmmwen jang poah riau ke eh riau kerpwiheklahng nehn oaiho ma johkin kunla.
23805	MAT 18:9	A ma oaloap pwoaroan mijoammwen kin kahrehng koawoa nehn dihp, roahkjang, kerpwihwehjang koawoa! Mwehu ma koawoa loapin pwoaroan maj dilda nen mour joahsuk jang pwoaroan maj riau a kerpwiheklahng nehn oai in nehn ehl.
23828	MAT 18:32	Nahmwarkiho pangindo nah papahu pwehng: ‘Koawoa papah naunahmen! Ngoahi mahkoahng koawoa oamw pwaipwanid ohroj oang ngoahi, pwa koawoa poakmahk ipoai;
23883	MAT 20:22	Jesus japoang ara, “Kamwa jehjoa pwa da kamwa poakpoakihen! Kamwa kak nim jang nehn mwoak in loklok ma Ngoahi ne pirin ken nim?” Ara japoang, “Kama kak.”
23891	MAT 20:30	Woal majkun roahmen mwindi imwin allo rongda pwa Jesus allaluhla wijahu, ara sapda rahrahu, “Maing, Koawoa ma nihn David! Jeuweje kama!”
23892	MAT 20:31	Pokonno woarwoarihda ara, pwehng ara en nennenla, a ara kapwa koalikla ara rahrahu, “Maing, nihn David! Jeuweje kama!”
23900	MAT 21:5	“Pwehng kahnihmw Zion, Kapang, oamw nahmwarki allalu indoa ipoamw! In aksiksik, mine pohn ejel lihmen. Mine pohn nihn ejel pwinihk pwulopwul men.”
23904	MAT 21:9	Pokonno ma alu mijen Jesus apel ihr ma alu mwerin, sapkihda ahr koaul rahrahuki, “Kapnga oang Ih ma kijehn David! Koahs en kapaiahda Ih ma indoa in oadoan Koaunno! Kapnga oang Koahs!”
23937	MAT 21:42	Doar Jesus pwehng irai, “Da, kamwai kahjikkoar wadek da ma Puk Joarwi pwa? ‘Sakai ma jounkou umw kan ne kerpwihla, wud wiahla sakain pwukoakoaimw! KOAUNNO ma wiahda me; mehkij ma kapwuriamwei mehlel oang kisai.’
23959	MAT 22:18	A Jesus pwen kidal arai lamlam nauna, Ih pwa, “Mwalaun kamwai! Amwda kamwai ke jongjong in lidipihdi Ngoahi?
23993	MAT 23:6	“Irai perenki mwindi in moangoan sehpil kan nehn kamdipw apel mine nehn jeia ma keiou janjal nehn jinakoke kan!
24000	MAT 23:13	“Ia woahr apwal oang kamwai jounpadahk in kojonned kan, apel Pharisee kan! Mwalaunpwi kamwai! Pwa kamwai kin risingdi jang wanihmw in Wein nehnloannge, a pein kamwai joh kin dilda ke mweidoahng armaj kan ma kin engdehn in dilda.
24001	MAT 23:14	“[Ia woahr apwal oang kamwai jounpadahk in kojonned apel Pharisee kan! Mwalaunpwi kamwai! Kamwai kin jerkihjang umwen liohdi kan nehn amwai kin lioajoahjki amwai kapkap roairoai. Ioar mehwa kamwai nen oaloahki koaloklok koalik.]
24002	MAT 23:15	“Ia woahr apwal oang kamwai jounpadahk in kojonned apel Pharisee kan! Mwalaunpwi kamwai! Kamwai kin joarjoaroakjili nehn jed apel kosehwe weipwi pwa kamwai en ukuddoang lamlamin armaj emen oang in amwai lamlam in mihn Jew; nehn ah ne lohdi kamwai kin wiahng ih en warroang inla nehn ehl pehn riau koalik jang kamwai.
24003	MAT 23:16	“Ia woahr apwal oang kamwai jounkaweid majkun kan! Kamwai kin padahkihoang armaj kan ma emen ma kin kahukihla Umw Joarwiho johkin pwukoahki.
24004	MAT 23:17	Armaj majkun pweipweipwi kamwai! Ia mehwa kajampwal in kohl ke Umw Joarwi ma kin kajarwihla kohl.
24006	MAT 23:19	Ia woahr amwai majkun! Mindahioau ma kajampwal, meiroang ke mwoallo ma kajarwihla meiroanngo?
24010	MAT 23:23	“Ia woahr apwal oang kamwai jounpadahk in kojonned apel Pharisee kan! Mwalaunpwi kamwai! Kamwai kin meiroangki oang Koahs eijek kij oau in amwai koapwoahn jampah, apel mihn kioang nimen mwinge ma doahroar mint, dill, apel cumin, a kamwai johkin peikkoang padahk kajampwal kan in kojonneddo ma doahroar pwung paiai, kalahngan apel mehlel. Ioar mehpwiai ma kamwai uhdahn pirin kapwaihahda apel pwilihkihoar minpwiok.
24011	MAT 23:24	Jounkaweid majkunpwi kamwai! Kamwai likihla loang jang nehn nimamwai pil pwadoar kamwai japwungla johploahdi kamel?
24012	MAT 23:25	“Ia woahr apwal oang kamwai jounpadahk in kojonned kan apel Pharisee kan! Mwalaunpwi kamwai, kamwai kin kamwkelehda likin nihmwai mwoak apel pileis, a loaloa dirkihla dipwjoau ma kamwai kin pein oaloahdi jang in amwai kin roprop oang pein kamwai.
24013	MAT 23:26	Pharisee majkun men koawoa! Keiou kamwkelehda nehn mwoakko mijkoalkoal, a likin nen pel mwakelkelda.
24014	MAT 23:27	“Ia woahr apwal oang kamwai jounpadahk in kojonned apel Pharisee kan! Mwalaunpwi kamwai! Kamwai kin mwehuki mwakelkel in likin joaujoau, a loaloa dir in sihn armaj mehdi apel me kajaus ohroj.
24016	MAT 23:29	“Ia woahr apwal oang kamwai jounpadahk in kojonned apel Pharisee kan! Mwalaunpwi kamwai! Kamwai kin wiahda joaujoau mwehu oang joukohp kan apel kalingihda joaujoau in armaj mwehu kan;
24020	MAT 23:33	Sinekpwi kamwai, ipwihpw in sinekpwi kamwai! Kamwai lemleme pwa kamwai kak pisjang kadeik in nehn ehl?
24024	MAT 23:37	“O Jerusalem, Jerusalem! Koawoa ma kin kojukdi joukohp kan apel kasoahki sakai jounpakairrok ma Koahs kadardohng koawoa! Pehn doapoa Ngoahi nimen jupwurpene nihmw jerihkan doahr jummwa pein men kin kihpene nah pwinihk kan pehn poah, a koawoa joah nimen mweidoahng Ngoahi!
24083	MAT 25:6	“Lel in lopkoan pwong irai pwohrkihda ngilen poangpoang, ‘Kapang, woalwa ne leldo! Kamwai indoa kajamwo ih!’
24099	MAT 25:22	Papahu ma oaloa mwani kohl riekiddo pel indoa pwehng ih, ‘Maing: kapang! Koawoa kidoahng ngoahi mwani kohl riekid, a me pel riekid ngoahi ne koadoahkoahda,’
24102	MAT 25:25	Nehn oai mijik koawoa, ngoahi inlahr oakihla nihmw mwanihok nehn pwirej. Kapang! Ioar nihmw mwani koa me.’
24103	MAT 25:26	A koaunno japoang, ‘Koawoa papah nauna apel dangahnga men! Koawoa kidal pwa ngoahi armaj apwal men, ma kin doli wija ngoahi joah poadok, oaloahjang wija ma ngoahi joah koadoahkoa?
24111	MAT 25:34	Doar Nahmwarkiho pwehng irai ma mine loap moaun, ‘Indoa, kamwai ma ne kapaida jang ipen Joamoaiho! Indoa oaloahdi weiho ma koaunopdahng kamwai jang sapin wiawihdahn jampah.
24118	MAT 25:41	“Doari Ih wud pwehnglahng iraihok loap meing, ‘Kamwai alwe jang Ngoahi, kamwai ma riahla kan! Alwehng nehn oaiho ma johkin kunla ma koaunopdahng Jehsen apel ngen jaussok!
24169	MAT 26:46	Pwohrda, kisai inla! Woalwa ma pirin pangla Ngoahi ne indoa.”
24238	MAT 27:40	“Ioar koawoa ma pirin koauwehla Umw Joarwiho pel pwuroahng kouda mwerin rehn jiluh! Pein kapisla koawoa, ma koawoa Nihn Koahs! Doaudi jang in lohpwuhwen!”
24240	MAT 27:42	“Ih kapisla epwi, a Ih johkak kapisla pein Ih! Jaudi Ih ioar nahmwarki in Israel? A Ih en kerdihjang in lohpwuhwen, a kamai nen kamehlele Ih.
24241	MAT 27:43	Ih koapwoarpwoarki Koahs; doari, Koahs en kapisla Ih en kajalehda Ah pwungki Ih! Ih pwahla pwa, Ih Nihn Koahs.”
24270	MAT 28:6	Ih joh me! Ih ne iejda, doahroar Ah pwehng kamwaiho. Kamwa indoa, kadehde wijahu ma Ih neknekid.
24281	MAT 28:17	Nehn irai kapangda Jesus wijahu, irai rukdi pwongi Ih; a epwi irai pwen kahjikkoar kamehlele!
24299	MRK 1:15	“Ne lel anjoauwo, Wein Koahs ne koaroando! Kamwai koaluhla apel wiliakapwla apel kamehlelehla Rongmwehu!”
24308	MRK 1:24	“Jesus mihn Nazareth, da Koawoa nimen wiahng kamai? Koawoa indoahng koauwehla kamai! Ngoahi kidal inje Koawoa, Koawoa ma Nihn Koahs jounpakair joarwihwa!”
24334	MRK 2:5	Nehn en Jesus kapang arai pwojon, Ih pwehng woal mwoasorro, “Noai jeri! Dipoamw kan ne lapwda.”
24416	MRK 4:24	Ih pel pwehng irai, “Kamwai soahk mwehu mehkije ma kamwai pirin rong! Mihn jonngohr ma kamwai pirin jongki epwi, ioar Koahs pirin jongki kamwai — apel koalikjang mehlel.
24440	MRK 5:7	rahrahu, pwahpwahpwa, “Maing Jesus, Nihn Koahs Laplap! Dahioau Koawoa nimen wiahng ngoahi? In oadoan Koahs, joah koalkoa ngoahi!”
24526	MRK 6:50	ioar irai rahukihda majpwehkda nehn irai kapangda Jesus. Ih ken pispisinnoar lallahng irai, pwa, “Kamwai sihkei! Ngoahi me, kamwai joah majpwehk.”
24569	MRK 7:37	Irai ohroj ma pwili rong wioapoan manman oauwe, irai ken pwuriamweikihla pwahpwahpwa, “Me ohroj Ih kin wiahda inenin mwehu! Pwa Jesus kin nimen armaj pongpong kan en rongda wija apel kalallalihda armaj loahsoang kan!”
24586	MRK 8:17	Jesus kidal pwa da irai pwahpwahpwa, Ih idoak iparai, “Dahkij kamwai siksikoa pwa joh pilahwa ipamwai? Kamwai kahjikkoar marainkihla joang kan? Kamwai inenin nehn kapehd rosros!
24626	MRK 9:19	Jesus japoang irai, “Kamwai inenin joah pwojon! Ia woaroai in Oai pirin minmine ipamwai? Ia woaroai in Oai pirin kanangmahng kamwai? Kamwai wahdohng Ngoahi jermweinnen!”
24654	MRK 9:47	A ma oaloap pwoaroan mijoammwen kin kahrehioang koawoa nehn dihp, roahkjang! Mwehu ma koawoa loapin pwoaroan maj dilda nehn wein Koahs jang pwoaroan maj riau a peidek oang nehn ehl.
24706	MRK 10:49	Jesus uhdi pwa, “Kamwai ukdohng Ngoahi.” Irai pwehng woallo, “Koawoa, injenmwahula! Uhda! Ih pangpangin koawoa.”
24718	MRK 11:9	Irai ohroj ma alu mijoa apel iraihok ma kaujdo pokonno rahrahuki koaul in kaping pase: “Kisai kapnga Koahs! Koahs en kapaiahda Ih ma indoa in oadoan Koaunno.
24731	MRK 11:22	Jesus japoang irai, “Kamwai pwojon Koahs!
24766	MRK 12:24	Jesus japoang irai, “Kamwai inenin japwung! Kamwai kidal pwada? Pwa kamwai johpwa woahwoahki lalin Puk Joarwi ke manman in Koahs.
24771	MRK 12:29	Jesus japoang ih, “Ioar kojonned wa ma keiou kajampwal nehn kojonned kan ioar: ‘Rong, koawoa Israel! Koaunno, asai Koahs, ioar Ih ma Koaun wahr doari.
24774	MRK 12:32	Jounpadahk in Kojonneddo pwehng Jesus, “Mehlel ipoamw, Jounpadahk! Pwung da koawoa pwa: pwa Koaunnohr ma Koahs, joh pel emen.
24795	MRK 13:9	“Kamwai mwajahn apel kalke pein kamwa! Pwa armaj kan pirin joalihdi kamwai apel kihla kamwai nehn mwoalen koapwung kan. Kamwai pirin woswos nehn jinakoke kan; kamwai pirin wijikdohng mwohn koaun kan apel nahmwarki kan ki Ngoahi, pwa kamwai en kadehde oang irai doahroar Rongmwehu.
24803	MRK 13:17	Inenin kainjinjuwed oang li lijaian apel li kan ma kadihdi in rehnnok ma pirin leldo!
24829	MRK 14:6	Jesus pwa, “Kamwai pijekjang! Kamwai joah diroapwki lihe! Siahk mwehu, oau me ih wiahng Ngoahi.
24864	MRK 14:41	Mwerin, kajiluh in a pwurla iparai, Ih pwehng irai, “Kamwai ken moair koamkoammoal? Ne isar! Awahu ne leldo, ma ioar Nihn‑Armaj pirin pangpangla ipen irai dipan kan.
24865	MRK 14:42	Kamwai pwohrda! Kisai! Kapang, ioar armaj wa ma pirin pangla Ngoahi ne leldo.”
24886	MRK 14:63	Jamwrou Laplappo ken uhdahr soahrpijoang ah likkoauwo, ken pwahla, “Kisai johpwa anahne pel epwi jounkadehde!
24894	MRK 14:71	Peter ken pwahla, “Ngoahi kahukihla pwa ngoahi lallal mehlel! Koahs en koalkoa ngoahi ma ngoahi likamw. Ngoahi jehjoa armaj menen ma kamwai pwahpwahpwa.”
24924	MRK 15:29	Armaj ohroj ma kin alu wijahu kin isik moangoarai apel lahlahwe Jesus, “Aha! Ioar Koawoa ma kak koauwehla Umw Joarwiho, apel pwuroahng kouda nehn rehn jiluh!
24926	MRK 15:31	Jamwrou laplap apel jounpadahk in Kojonneddo pwili kapwroa Jesus pwahpwahpwahpene, “Ih kapisla epwi, a johkak kapisla pein Ih!
24948	MRK 16:6	Mwahnkappwo pwehng irai, “Kamwai joah majpwehk, ngoahi kidal pwa kamwai raprapahki Jesus mihn Nazareth ma ne kalohpwuhla. Joh Ih me — Ih ne iejda! Kamwai kadehde, me ioar wijahwa Ih liklikdi.
24975	LUK 1:13	A sohnloanngo pwehnglahng, “Zechariah, koawoa en joah mijik, pwa oamw kapkap ne pwoaida ipen Koahs! Pahioamw Elizabeth pirin noaisikihdi jermwein men ma koawoa pirin kioang oadoa John.
24976	LUK 1:14	Ih pirin kahrehioang koawoa peren apel popohl, apel armaj ngoadoar pirin perenda nehn ah pirin noaisikdi!
24990	LUK 1:28	Sohnloanngo inla ipoa rahnmwahuwi, ih pwa, “Mary, popohl oang koawoa! Koaunno minmine ipoamw apel ne kapaiahda koawoa!”
25004	LUK 1:42	ih kakoalikihla ngiloa, pwehng Mary, “Koawoa meid pai ipen lihkan! Meid pai jeri ma koawoa pirin noaisikihdi!
25010	LUK 1:48	pwa Ih lemlemehr Nah lidu siksik mene! Jang apkas inla di ohroj pirin kapnga ngoahi
25025	LUK 1:63	Zechariah poakihda puk oau, ih insingehdi puwoa, “Ih pirin adanki John.” Irai ohroj ken inenin pwuriamweikihla!