23374	MAT 6:23	A ma pwoaroan mijoammwen kan nauna, palwoaroamwen nen pel ros. Doar ma marammo nehn koawoa ros, ia woahr koalikin rossoauwe!”
23417	MAT 8:3	Jesus kailla poah pukkoang woallo, “Ngoahi nimen,” Ih pwehng ih, “Ken mwakelkelda!” Anjoauwohr woallo mwehula jang ah lepa.
23439	MAT 8:25	Sohnpadahkkok inla panginda Ih pwehng Ih, “Maing, doaroahla kisai! Kisain ken mehdi!”
23441	MAT 8:27	Sohnpadahkkok pwuriamweila, idoak nehn pwungarai, “Armaj dahmen me? Ma eng apel no kin peikkoang!”
23475	MAT 9:27	Jesus daudauluhlla jang wijahu, woal majkun roahmen kaujla Ih, poangpoang, “Mahkoahng kama, nihn David!”
23552	MAT 11:24	Ah koawoa en kidal pwa rehnin kadeikko, Koahs nen kajalehda Ah kalahngan oang Sodom koalik jang oang koawoa!”
23670	MAT 14:4	Pwa John kin pwehng Herod, “Johpwa pwung koawoa en painkihla Herodias!”
23674	MAT 14:8	Jang in kaweid in ah nohnohu, jerpeinno poaki Herod, “Kihdoahng ngoahi wijahkije apel apkas moangoan John jounpoapdaij nehn oau pileis en!”
23692	MAT 14:26	Nehn en sohnpadahkkok kapang Ih alu pohn lehu, irai inenin majpwehkda. “Eni men!” Irai pwa apel rahrahuki arai majpwehk.
23693	MAT 14:27	Jesus pispisinnoar lallahng irai, “Kamwai sihkei!” Ih pwa, “Ngoahi me, kamwai joah majpwehk.”
23696	MAT 14:30	A nehn ah poahmda sihkeilahn enngo, ih majpwehkda, sapda pwuhpwuhrdi. Ih pwa, “Maing, Doaroahla ngoahi!”
23699	MAT 14:33	Sohnpadahkkok pohn pohsso pwongi Jesus, pwehng Ih, “Mehlel oar pwa koawoa uhdahn Nihn Koahs!”
23704	MAT 15:2	“Amwda nihmw sohnpadahkkok kin joah kapwaihahda asai siahk koadoaudoaudo jang jamasai mihn mehjjok? Irai joh kin amwunla poahrai mwohn arai mwinge!”
23722	MAT 15:20	Mehpwiai ioar kin kajaminihla armaj. A jaudi mwinge johpwa amwumwla!”
23727	MAT 15:25	A liho sohla ipoa dairukdihoang in pwoalkoa, “Maing, jeuweje ngoahi!”
23745	MAT 16:4	Ia woahr nauna apel rosros in armaj in anjoau kije!” Ih pel pwa, “Kamwai poaki manman oau jang Ipoai a manman wahr Ngoahi nen kioang kamwai ioar manman in Jonah.” Doar Jesus ken injang irai inla ekij wija.
23763	MAT 16:22	Peter kalahpwukihla Jesus sapda koapwung oang ih, “Maing oai Koaun, Koahs kainoapwi joanngoauwe,” ih pwa. “Me uhdahn johpwa pirin wiawihoang koawoa!”
23774	MAT 17:5	Nehn anjoauwo ih pwahpwahpwa me, koasoau maram oau pwaindi irai, a ngilloau indihdo jang nehn koasoauwo ma pwa, “Me ioar Noai jermwein kajampwalwa ma Ngoahi kin ipwilki, kamwai rong Ih!”
23776	MAT 17:7	Jesus indoa pukkoang irai, Ih pwa, “Kamwai uhda, kamwai joah mijik!”
23786	MAT 17:17	Jesus japoang, “Kamwai inenin joah pwojon apel japwung! Ia woaroai in oai pirin minmine ipamwai? Ia woaroai in oai pirin kanangmahng kamwai? Wahdo jermweinnen Ipoai!”
23891	MAT 20:30	Woal majkun roahmen mwindi imwin allo rongda pwa Jesus allaluhla wijahu, ara sapda rahrahu, “Maing, Koawoa ma nihn David! Jeuweje kama!”
23892	MAT 20:31	Pokonno woarwoarihda ara, pwehng ara en nennenla, a ara kapwa koalikla ara rahrahu, “Maing, nihn David! Jeuweje kama!”
23894	MAT 20:33	Ara japoang, “Maing, kama nimen kapangda wija!”
23904	MAT 21:9	Pokonno ma alu mijen Jesus apel ihr ma alu mwerin, sapkihda ahr koaul rahrahuki, “Kapnga oang Ih ma kijehn David! Koahs en kapaiahda Ih ma indoa in oadoan Koaunno! Kapnga oang Koahs!”
23908	MAT 21:13	Ih pwehng irai, “Ne insingdi nehn Puk Joarwi ma Koahs pwa, ‘Umwoaie pirin adanki umwen kapkap,’ a kamwai ne wiahkihla dohn jounpirap!”
23910	MAT 21:15	Jamwrou laplappok apel jounpadahk in Kojonneddo kan lioaskihla irai kapang manman kapwuriamwei pwiai apel rong en jerihok nehn Umw Joarwiho rahrahuki, “Kapnga oang Ih ma kijehn kadaudok in David!”
23914	MAT 21:19	a Ih kapangda suhkoa fig pas imwin allo. Ih inla pwa Ih en kapang ma mine wah, joh wah Ih kapang, a pwen soahr doari. Doar Ih pwehng suhkoahu, “Koawoa johla pirin pwuroahng uhwa!” Anjoauwohr suhkoahu mengda.
23960	MAT 22:19	Kajalehng Ngoahi oau send en ma kamwai kin dupukki daksis!” Irai wahdohng Ih sendo,
24023	MAT 23:36	Ngoahi pwehng kamwai in mehlel pwa koaloklok in kojukdi armaj pwiai pirin aluhwoang armaj in rehn oauwe!”
24132	MAT 26:9	“Lehn wai wai oauwe kak noasla koalihkkoalik dupkoa, kak kihekkoang min paijuwed kan!”
24172	MAT 26:49	Doar Judas inenlahng oar Jesus. “Kajilel, Jounpadahk!” ih pwehng pel kioang Ih kis.
24187	MAT 26:64	Jesus japoang, “Koawoa ma pwa. A Ngoahi pwehng kamwai ohroj pwa jang me inla kamwai pirin kapang Nihn‑Armaj pirin mwindi loap moaunin Wija Laplap ma allaluhdo pohn koasoau kan in pehnloannge!”
24195	MAT 26:72	Peter pel pwuroahng kahmahmkihla, pwa, “Ngoahi kahukihla pwa ngoahi pwanah jehjoa woal menen!”
24197	MAT 26:74	Peter kahula, “Ngoahi pirin riahla ma ngoahi likamw — ngoahi jehjoa inje woalmenen!” Anjoauwohr joang jummwa.
24220	MAT 27:22	Pilate pel pwuroahng idoak, “A da ngoahi en wiahng Jesus ma adanki Messiah?” Arai ohroj pel rahukihda, “Kalohpwuhla ih!”
24221	MAT 27:23	“Kahrpoa?” Pilate idoak oang irai. “Dihp da ih wiahda?” A irai kapwa kakoalikihla ngilarai,, “Kalohpwuhla ih!”
24227	MAT 27:29	Irai wiahda mwarmwar dokdok ingkoang roairoai pas kamwarmwarihkihdi moange, a irai kioang suhkoa pas nehn poah en wia kilel in manman. Doar irai poardi jang Ih nehn irai kapiski Ih, rahrahuki, “Kapang! Nahmwarkihn mihn Jew kan!”
24238	MAT 27:40	“Ioar koawoa ma pirin koauwehla Umw Joarwiho pel pwuroahng kouda mwerin rehn jiluh! Pein kapisla koawoa, ma koawoa Nihn Koahs! Doaudi jang in lohpwuhwen!”
24245	MAT 27:47	Epwi armajjok ma uhuhu wijahu ken rongda, irai pwa, “Ih pangpangin Elijah!”
24299	MRK 1:15	“Ne lel anjoauwo, Wein Koahs ne koaroando! Kamwai koaluhla apel wiliakapwla apel kamehlelehla Rongmwehu!”
24308	MRK 1:24	“Jesus mihn Nazareth, da Koawoa nimen wiahng kamai? Koawoa indoahng koauwehla kamai! Ngoahi kidal inje Koawoa, Koawoa ma Nihn Koahs jounpakair joarwihwa!”
24309	MRK 1:25	Jesus pwehng ngen jausso, “Nennenla, koawoa diljang nehn armaj menen!”
24311	MRK 1:27	Armaj ohroj pwuriamweikihla, peipeidekpene nehn pwungarai pwahpwahpwa, “Dahkij me? Joangoan padahk kapw dahioau me? Woalmene inenin manman. Ih pwen lalloar, pel ngen jaus kan pel peikkoang!”
24325	MRK 1:41	Doari Jesus ipwilkihda, kailla poah pukkoang woallo, “Ngoahi nimen,” Ih pwehng ih, “Ken mwakelkelda!”
24340	MRK 2:11	“Uhda, oaloa kioammwen, alwe in umwoammwo!”
24368	MRK 3:11	Pel armaj ma ngen jaus dilingla irai, nehn irai kin kapangda Ih irai kin kipdi mwohn Ih, rahrahu, pwahpwahpwa, “Koawoa ioar Nihn Koahs wa!”
24415	MRK 4:23	Doari armaj men ma mine sioa mihn rongrong, a ih en rong!”
24431	MRK 4:39	Jesus pwohrdahr, ruwojehda melmello, pwa, “Uhdi!” Ih pel pwehng nohk, “Kamwai meleileidi!” Anjoauwohr melmello uhdi, ken molundi dauluhl.
24440	MRK 5:7	rahrahu, pwahpwahpwa, “Maing Jesus, Nihn Koahs Laplap! Dahioau Koawoa nimen wiahng ngoahi? In oadoan Koahs, joah koalkoa ngoahi!”
24442	MRK 5:9	Jesus idoak ipoa, “Ia oadoammwen?” A woallo japoang Ih, “Oadoaioa ioar ‘Karej’ pwa kamai min dir!”
24451	MRK 5:18	Nehn en Jesus doaudahng pohn pohsso, woallo ma ngen jaus dilingla poaki ih pwehng Jesus, “Mweidoahng ngoahi pwa ngoahi en pwilihwe Koawoa!”
24474	MRK 5:41	Ih ken kolda poahn jeriho pwehng, “Talitha koum,” ma woahwoahki, “Jerpein pwohrda!”
24501	MRK 6:25	Jerpeinno pwurlahng ipen nahmwarkiho, pwehng ih, “Noah nimen koawoa en kihdoahng ngoahi apkas moangoan John jounpoapdaij nehn oau pileis en!”
24560	MRK 7:28	Liho japoang pwehng Ih, “Mehlel Maing, a doahk kan kin pel pwili kang in kenen jerihkan pehn sehpil kan!”
24569	MRK 7:37	Irai ohroj ma pwili rong wioapoan manman oauwe, irai ken pwuriamweikihla pwahpwahpwa, “Me ohroj Ih kin wiahda inenin mwehu! Pwa Jesus kin nimen armaj pongpong kan en rongda wija apel kalallalihda armaj loahsoang kan!”
24614	MRK 9:7	Koasoau oau pwaindi irai; a ngilloau indihdo jang nehn koasoauwo, pwa, “Ioar Noai jermwein kajampwalwa me, kamwai rong Ih!”
24626	MRK 9:19	Jesus japoang irai, “Kamwai inenin joah pwojon! Ia woaroai in Oai pirin minmine ipamwai? Ia woaroai in Oai pirin kanangmahng kamwai? Kamwai wahdohng Ngoahi jermweinnen!”
24680	MRK 10:23	Jesus jipwoalwehng Nah sohnpadahkkok pwehng irai, “Ia apwal in armaj koapwoahpwoa en dilda nehn Wein Koahs!”
24704	MRK 10:47	Nehn ah rongda pwa Jesus mihn Nazareth ioar allaluhla, ih sapda rahrahu pwa, “Maing Jesus, kijehn kadaudok in David, jeuweje ngoahi!”
24787	MRK 13:1	Nehn en Jesus injang nehn Umw Joarwiho, emen Nah sohnpadahkkok pwehng Ih, “Maing, kapang koalik in sakai pwiai apel wioapoan ummwoauwe!”
24804	MRK 13:18	Kamwai kapkap pwa joang pwiai en joah wiawihoang kamwai anjoau in kopou!”
24823	MRK 13:37	Doari, da Ngoahi pwehng kamwai, Ngoahi pel pwehng armaj ohroj: kamwai poahpoahpoahd apel mwajmwajahn!”
24844	MRK 14:21	Mehlel pwa Nihn‑Armaj uhdahn pirin mehdi doahroar Puk Joarwi ne pwa, nen naunahng armajjo ma pirin pangla Nihn‑Armaj! Mwehuwoanngoar armaj mene en johpwa noaisikdi!”
24852	MRK 14:29	Peter japoang Jesus, “Maing, mihnda ma ohroj pirin kerpwihla koawoa, a ngoahioahr joah!”
24908	MRK 15:13	Irai rahukihlahng, “Kalohpwuhla Ih!”
24909	MRK 15:14	A Pilate idoakkoang irai, “Pwa dihp dahioau Ih wiahda?” Irai kapwa kakoalikihla ngilarai rahuki, “Kalohpwuhla Ih!”
24913	MRK 15:18	Mwerinno, irai kin dairukdi mwohn Ih, pwahpwahpwa, “Nahmwarkihn mihn Jew‑kan en mour woaroai!”
24927	MRK 15:32	Kisai kapang Messiah, nahmwarkihn Israel, kerdihdohjang in lohpwuhwen apkas, kamai kapwa kamehlele Ih!” Lollap roahmenno ma pwili lohpwuhlahu, ara pel lahlahwe Ih.
24931	MRK 15:36	Emen irai ken kijoukihla limw oau kaduhdi nehn wain siksik dupkoa oau, kioang in imwin suhkoa pas, ih koudalahng in oawoan Jesus a ih pwa, “Jowi, kisai kapang ma Elijah pirin indihdo kihdihjang Ih in lohpwuhwen!”
24934	MRK 15:39	Koaunin jounpei men, ma uhda oh in mwohn lohpwuhwo kapang mwomwen en Jesus mehdi. Ih pwa “Mehlel pwa woal mene uhdahn nihn Koahs!”
24987	LUK 1:25	Ih kin pwa, “Ioar doahroar en Koaunno jeuwejehda ngoahi me, nehn Ah kihjang ngoahi oai kamehk ipen armaj kan!”
24990	LUK 1:28	Sohnloanngo inla ipoa rahnmwahuwi, ih pwa, “Mary, popohl oang koawoa! Koaunno minmine ipoamw apel ne kapaiahda koawoa!”
24995	LUK 1:33	Ih pirin pel nahmwarkihn kadaudok in Jacob kan allaluhla; Ah wei jehpirin doari!”
25007	LUK 1:45	Koawoa meid pai pwa oamw pwojon ma kahrehda sikesik in Koaunno pirin pwoaida ipoamw!”
25017	LUK 1:55	Ih johpwa moalkoahla kalahngan ma Ih wiahng Abraham apel kadaudokoa kan ohroj allaluhla!”
25023	LUK 1:61	Irai pwehng ih, “A imdoahr? Johpwa oamw peneinei men adanki John!”
25056	LUK 2:14	“Kaping oang Koahs nehnloannge wija illoa, apel popohl nehn jampah oang armaj kan ma Ih kin kapaiahda!”
25166	LUK 4:34	“Ah! Jesus mihn Nazareth, da koawoa nimen wiahng kamai? Koawoa indoahng koauwehla kamai! Ngoahi kidal pwa inje koawoa; Koawoa ioar Nihn Koahs jounpakair joarwihwa!”
25167	LUK 4:35	Jesus ruwoj ngen jausso, “Nennenla, diljang nehn armaj menen!” Ngen jausso peiddi woallo mijarai ohroj, diljang nehn ih, apel johla wiahng woallo me nauna.
25168	LUK 4:36	Ihr ohroj ken pwuriamweikihla pwahpene nehn pwungarai, “Dahkij mine nehn en woal mene ah lal kan? Pwa Ah lal sihkei apel manman oang ngen jaus kan, a irai kin peikkoang!”
25173	LUK 4:41	Ngen jaus kan pel kin injang ipen armaj dir ma kin rahrahu pwahpwahpwa, “Koawoa ma Nihn Koahs!” Jesus lipwoarehda irai apel johpwa nimen mweidoahng irai en lallallal, pwa irai kidal pwa ioar Ih ma Messiah.
25184	LUK 5:8	Nehn en Simon Peter kapang dahkij ma ne wihwiawi, ih poadpwomwla mwohn Jesus, pwehng Ih, “Alwehjang ipoai Maing! Pwa armaj dipan men ngoahi!”
25188	LUK 5:12	Pehn oau Jesus minmine nehn kahnihmw oau ma woal men johmwehuki lepa mine. Nehn en woallo kapangda Jesus, ih rukdioaroh lel pwirej mwohn ih poaki, “Maing, ma koawoa nimen, a koawoa kak kamwkelehda ngoahi!”
25189	LUK 5:13	Jesus koula poah pukkoang woallo, Ih pwa, “Ngoahi nimen. Ken mwakelkelda!” Nehn anjoauwohr lepahu johla mine ipen woallo.
25200	LUK 5:24	A Ngoahi en kamehlele oang kamwai en kidal pwa Nihn‑Armaj anki manmanin mahkoahng dihp pohn jampah.” Ih pwehng woal mwoasorro, “Uhda oaloa kioammwen koawoa inla in umwoammwo!”
25202	LUK 5:26	Ihr ohroj ken pwuriamweikihla mehlel! Nehn ahr majpwehk, irai kin kapnga Koahs pwahpwahpwa, “Ia woahr joangoan kapwuriamwei kan ma kamwai ne kapang rehnnoauwe!”
25264	LUK 6:49	A, ih ma kin rong Oai padahk kan, a johkin kapwaihahda, ih doahroar armaj ma kin kouda umwah pohn pwirej apel joh poahjoan in. Nehn anjoauwo ma lapake kin koardo lel ummwo ih kin kipdi apel mwoarpijoang. Ia pirin woahr ohla oauwe!”
25278	LUK 7:14	Ih ken sohlahng ipen jepjeppo kihdahng poah puwoa, a iraihok ma wa jepjeppo ken uhdi. Jesus pwa, “Mwahnkapw! Pwohrda!”
25280	LUK 7:16	Irai ohroj inenin majpwehkda, irai kapkapnga Koahs pwahpwahpwa, “Joukohp laplap men ne pwokda nehn pwungasai,” irai pwa “Koahs ne indoa pwa en koamoaurla Nah armaj ohroj!”
25287	LUK 7:23	Meid pai armaj men ma johkin jakoapwoarpwoarki Ngoahi!”
25303	LUK 7:39	Pharisee‑o ma lukehdo Jesus, nehn ah widahli me, ih pein pwahla nehn kapehdin, “Ma uhdahn joukohp men woal mene, Ih pirin kidal inje lihmene ma pukpukkoang Ih; Ih pirin kidal joangoan mour in dihp ma ih kin wihwia!”
25322	LUK 8:8	A epwi liporrohk mwoardi oang nehn pwirej mwehu, koapda mwehu ken uhwahda, apas kihda wa epwiki.” Jesus kadoarihkihla karajraj pase, Ih pwa, “Armaj men ma mine sioa, en rong!”
25338	LUK 8:24	Sohnpadahkkok ken pokon pene ipen Jesus pwa irai en kapwohrihda Ih, irai pwa, “Maing Jounpadahk, kisai en ken mweidi!” Jesus pwohrda lipwoarehda enngok apel nohk, doar nehn anjoauwohr enngok pispis oar uhdi, apel pillo molundi mehlel.
25339	LUK 8:25	Ih pwehnglahng irai, “Ia amwai pwojon en?” A irai ken pwuriamweikihla apel majpwehkda, pwahpene nehn pwungarai, “Inje woal mene? Ma pwen lallal oar eng apel no kan, peikkoang Ih!”
25342	LUK 8:28	Nehn ah kapangda Jesus, ih rahula apel poardi mwohn Ih, ngil koalikla, pwahla, “Maing Jesus nihn Koahs Laplap! Dahkij koawoa nimen wiahng ngoahi? Ngoahi poaki ipoamw, koawoa en joah koalkoa ngoahi!”
25366	LUK 8:52	Armaj ohroj in ummwo joangjoangjoang apel injinjuwedki jerpeinno. Jesus pwehnglahng irai, “Kamwai joah joang, pwa jerpeinne johpwa mehdi, ih moair!”
25368	LUK 8:54	Ih kadilihjang ihr ohroj nehn perehu, Ih pwoakda poahn jerpeinno ngil koalikda, pwa, “Jerpein, pwohrda!”
25405	LUK 9:35	Ngil oau indoa jang nehn koasoauwo pwa, “Ioar noai jermwein kajampwalwa ma Ngoahi pilda; kamwai rong Ih!”
25411	LUK 9:41	Jesus japoang, “Ia woahr amwai joah kamehlele apel japwung! Ia woaroai in Oai pirin minmine ipamwai? Ia woaroai in Oai pirin kanangmahng kamwai?” Ih pwehng woallo, “Ukdo nihmw jermweinnen me!”
25447	LUK 10:15	A oang koawoa, Capernaum, koawoa nimen pwoakdahlahng koawoa nehnloannge? Koawoa pirin jinoakekdihlahng nehn ehl!”