23268	MAT 3:7	A nehn a kapang dirin Pharisee apel Sadducee allaluhdo ipoa pwa en poapdaij, ih pwehng irai, “Kamwai sinekpwi, inje pwehng kamwai pwa kamwai kak pisjang koaloklok in Koahs ma nimenoar lel kamwai?
23349	MAT 5:46	Ma kamwai ipwilki irai ma ipwilki kamwai, kijakij dahioau kamwai nen oaloa? Jounrik daksis kan joah kin pel wia doahroar?
23350	MAT 5:47	Ma kamwai pel kajamwo rioamw kan oar doari, dahioau kamwai wia koalik jang epwi? Armaj rosros kan joah kin pel wia doahroar?
23376	MAT 6:25	“Ioar Ngoahi pwehngki kamwai, joah pwunodki amwai mour, da kamwai pirin kang ke nim; ke oang palwoaroamwaikan, da kamwai pirin likkoauki. Mour joah kajampwal jang mwinge? Ke palwar joah kajampwal jang likkoau?
23377	MAT 6:26	Kapang mahnsang in nehn woahwoa kan: irai johkin poadok ke doli ke nekid nehn wehraus kan, a Jamamwaiho nehnloannge kin kamwinge irai. Kamwai joah kajampwaljang irai?
23378	MAT 6:27	Inje in kamwai jang in pwunod kak karoairoaihla ah mour awahioau?
23379	MAT 6:28	“Mihnda kamwai pwunodki likkoau? Kamwai kapang kiepw in nehn japw kan, nehn irai kin koapkoapda; irai johkin doadoahk ke wiahda arai likkoau.
23381	MAT 6:30	Ma ioar doahr en Koahs kapwasihda mo in nehn mohj kan, ma mine rehnnoauwe a lakapw nehn oaiho, ih joah nen kapwasihda kamwai mwehu jang? Ia woahr siksikin amwai pwojon!
23382	MAT 6:31	Doari, joah pwunod, pwa, ‘Da kamain kang? Ke da kamain nim? Ke da kamain kol?’
23388	MAT 7:3	Amwda koawoa ke soahk dipoar siksik kij nehn mijen rioammwo a koawoa joah injinohki pwilein suhkoahn nehn mijoammwen?
23389	MAT 7:4	Ia mwomwen oamw en kak pwehng rioammwen, ‘Menlau, mweidoahng ngoahi en kihjang dipoar siksik kij nehn mijoammwen,’ ma anjoauwohr pwilein suhkoahioau mine nehn mijoammwen?
23394	MAT 7:9	Inje in kamwai ma nah jeri poaki pilahwa a ih kioang sakai?
23395	MAT 7:10	Ke ma ih poaki mwumw a ih kioang sinek?
23401	MAT 7:16	Kamwai nehn kidalki arai wahrai kan. Kak armaj en doli grape jang suhkoa dokdok, ke fig jang suhkoa karak?
23441	MAT 8:27	Sohnpadahkkok pwuriamweila, idoak nehn pwungarai, “Armaj dahmen me? Ma eng apel no kin peikkoang!”
23443	MAT 8:29	Anjoauwohr ara wering Jesus pwehng Ih, “Koawoa Nihn Koahs, da koawoa nimen wiahng kama? Koawoa indoahng koalkoa kama mwohn anjoauwo?”
23452	MAT 9:4	Jesus kidal arai lamlam, doar Ih ken pwa, “Amwda kamwai ke lamlam nauna nehn mohngiongimwai kan?
23463	MAT 9:15	Jesus japoang, “Imdoahr nihn woallo ma pirin koapwoapwoaud sohnkaparrok en injinjuwed ma ih minmine iparai? A oau anjoau ma pirin indoa ma woal kamwohddo pirin wijik jang irai; doari, ioar anjoauwo irai pirin kaijihjol.
23476	MAT 9:28	Nehn Ah ne dilda nehn umw, woal majkunnok indoa Ipoa, a Ih peidek oang ara, “Kamwa kamehlele pwa Ngoahi kak kemwehuwihla kamwa? “Eh, Koaun,” ira japoang.
23535	MAT 11:7	Anjoauwo ma nihn John sohnpadahkkok pwurpwurla, Jesus sapda siksikoahng pokonno doahr John: “Da kamwai inlahki nehn japwsoahn ipen John pwa kamwain kapang? Alek pas jahkkihla enngo?
23536	MAT 11:8	Ma jaudi, da kamwai inlahng kapang? Woal men kapwasda inenin mwehu? Irai ma kin kapwasda mwehu kin mine nehn umwen nahmwarki.
23537	MAT 11:9	Doari da kamwai inlahng kapang? Joukohp men? Eh, Ngoahi pwehng kamwai, pel koalikjang joukohp men.
23544	MAT 11:16	“Da Ngoahi kak karjahkihoang armaj en rehn pwiai? Irai doahroar jerihkan mwindi nehn market kan poangpoanglahng epwi:
23561	MAT 12:3	Ih japoang, “Kamwai johkin wadek da David wia anjoauwo ma ih apel pwilihoahk mwakohkohla?
23563	MAT 12:5	Ke kamwai kahjik wadek nehn kojonned en Moses‑ok ma pwa Sabbath ohroj jamwrouwok nehn Umw Joarwi koauwehla kojonned in rehn joarwi a irai johpwa dipanki?
23569	MAT 12:11	Ih pwehng irai, “Ma emen in kamwai nainki jihpw men a ih kipdihoang nehn lipw oau Sabbath, kamwai joah nen pwoakda ih jang nehn lippwo?
23585	MAT 12:27	Kamwai pwa Ngoahi kin kauj jang ngen jaus kan pwa Beelzebul ma kioang Oai manman. A inje ma kioang nihmwai sohnpadahk kan manman in kauj jang ngen jaus kan? Pein nihmwai sohnpadahk kan nen kadehdehng kamwai doahr amwai japwung!
23592	MAT 12:34	Kamwai doahroar sinek! Imdoahr armaj nauna doahr kamwai kak pwa mehkij mwehu? Pwa dahkij ma kamwai pwa ioar kin kajalehda audoapoan nehn kapehdimwaikan.
23606	MAT 12:48	Jesus japoang, “Inje inoai? Inje rioai kan?”
23635	MAT 13:27	Nihn woal nah liduhwok indoa pwehng ih, ‘Maing, jaudi liporro mwehupwi koawoa kamwroahdi nehn oamw mwoaswello? Ia injang dipwdipw pwiai?’
23662	MAT 13:54	Ih japahllahng uhdahn Ah wijahu. Nehn Ah padpadahk nehn jinakoke, ohroj ma rong Ih inenin pwuriamweikihla. Irai idoak, “Ia Ih kihjang Ah loalkoang apel manman?
23663	MAT 13:55	Jaudi Ih ioar nihn daiksanngo jermweinwa me? Jaudi Mary ioar Ah nohnohwa, jaudi riah woalkoa James, Joseph, Simon, apel Judas?
23664	MAT 13:56	Jaudi riah lihkan ohroj ma kin pel koaujoan ipasai? Ia Ih kihjang mehpwiak?”
23704	MAT 15:2	“Amwda nihmw sohnpadahkkok kin joah kapwaihahda asai siahk koadoaudoaudo jang jamasai mihn mehjjok? Irai joh kin amwunla poahrai mwohn arai mwinge!”
23705	MAT 15:3	Jesus japoang, “A amwda kamwai ke japeik oang kojonned in Koahs nehn amwai kin pein daur amwai padahk kan?
23718	MAT 15:16	Jesus japoang irai, “Kamwai kahjik oar loalkoangla, doahr iraihok ma joaloalkoang?
23719	MAT 15:17	Kamwai johpwa woahwoahki? Mehkij ma koawoa kangla indihla nehn kapehdimwen kin pel injang nehn palwoaroamwen.
23749	MAT 16:8	Jesus kidal da irai pwahpwahpwa, ioar Ih idoakki iparai, “Dahkij kamwai siksikoa pene nen pwungamwai pwa joh pilahwa ipamwai? Amwai pwojon inenin siksik!
23750	MAT 16:9	Kamwai kahjikkoar woahwoahkihla? Kamwai johpwa lemleme lopwon in pilahwa limoauwo ma Ngoahi kamwingehkihla armaj limekiddo? Kiam doapoa kamwai audohda?
23751	MAT 16:10	A lopwon in pilahwa ijuhwo oang armaj pahkiddo? Kiam doapoa kamwai audohda?
23752	MAT 16:11	Amwda kamwai ke johpwa woahwoahki pwa audi pilahwa ma Ngoahi pwahpwahpwa? Kamwai kalkehjang kamwai ihs in Pharisee apel Sadducee‑ok.”
23767	MAT 16:26	Pirin mine kaspoan oamw en wihnkihda jampah pwon, a luhj jang oamw mour? Joh douluhl, joh mehkij koawoa kak kihda pwa en japahl oang oamw mour.
23786	MAT 17:17	Jesus japoang, “Kamwai inenin joah pwojon apel japwung! Ia woaroai in oai pirin minmine ipamwai? Ia woaroai in oai pirin kanangmahng kamwai? Wahdo jermweinnen Ipoai!”
23794	MAT 17:25	“Eh, ih kin pwili dupuk.” Peter japoang. Nehn en Peter inla nehn ummwo, Jesus ken pispis oar pwehnglahng, “Simon, Da oamw lamlam oang irairroauwe? Inje kin nohpwei ke dupuk daksis oang Nahmwarkihn jampahioauwe? Jang ipen nah armaj kan ke jang ipen mihn likin kan?
23808	MAT 18:12	“Da kamwai lemleme? Ma armaj men nainki jihpw epwiki, emen arai joaloangla, ih joh nen kihdi jihpw duweijek dohmenno arai en mwingmwingehjili pohn nahna, a ih inla rapahki jihpw joaloanglahu?
23817	MAT 18:21	Peter sohdo ipen Jesus pwehng Ih, “Maing oai Koaun, pehn doapoa ngoahi en mahkoahng rioaiho ma kin wia dihp oang ngoahi? Isar ma ngoahi mahkoahng ih pehn ijuh?”
23874	MAT 20:13	Ih japoang emen irai, ‘Johpwa japwung oau ngoahi wiahng koawoa, kisa joah pwungkihpene pwa doahloahioau rehnnoau?
23876	MAT 20:15	Imdoahr, ngoahi joah anki pwungin doadoahkki pein noai mwanihkai oang pein injenoai? Ke koawoa pihrinki ki oai kadek?’”
23911	MAT 21:16	Irai idoak oang Jesus, “A koawoa rong dahkij jeri pwiai pwahpwahpwa?” “Eh Ngoahi rong,” Jesus japoang. “Kamwai kahjikkoar wadek Puk Joarwi? Ma pwa ‘Koawoa ne oaloa kaping unjek jang in oawoan jerihkan apel jerihkan ma kin dihdi?’”
23918	MAT 21:23	Nehn en Jesus japahlla nehn Umw Joarwiho, Ih pwuroahng sapda padahk, a jamwrou laplappok apel epwi joumajpwi indoa Ipoa wiahng peidek pase: “En inje manman ma Koawoa wihwiahki joang pwiak? Inje ma kioang Koawoa manman oauwe?”
23920	MAT 21:25	John jounpoapdaij kihjang ia ah manman in poapdaiji armaj? Jang ipen Koahs ke jang ipen armaj?” Irai sapda akmaipene nehn pwungarai pwahpwahpwa, “Ma kisai japoangki, ‘Jang ipen Koahs,’ Ih nen pwehng kisai, ‘A amwda kamwai ke joah kamehlele John?’
23923	MAT 21:28	“A da kamwai lemlemehioang karajraj pase? Woalmen mine ma nainki jermwein roahmen, Ih inla ipen jermwein koalikko, ih pwehng, ‘Noai jeri, inla doadoahk nehn mwoaswelin wainno rehnnoauwe.’
23937	MAT 21:42	Doar Jesus pwehng irai, “Da, kamwai kahjikkoar wadek da ma Puk Joarwi pwa? ‘Sakai ma jounkou umw kan ne kerpwihla, wud wiahla sakain pwukoakoaimw! KOAUNNO ma wiahda me; mehkij ma kapwuriamwei mehlel oang kisai.’
23959	MAT 22:18	A Jesus pwen kidal arai lamlam nauna, Ih pwa, “Mwalaun kamwai! Amwda kamwai ke jongjong in lidipihdi Ngoahi?
23972	MAT 22:31	A oang in irair oauwe, kamwai johkin wadek dahkij Koahs pwehng kamwai? Ih pwa,
23983	MAT 22:42	“Ia amwai lamlam oang Messiah? Kijehn kadaudokin inje Ih?” Irai japoang, “Ih kijehn kadaudokin David.”
24006	MAT 23:19	Ia woahr amwai majkun! Mindahioau ma kajampwal, meiroang ke mwoallo ma kajarwihla meiroanngo?
24011	MAT 23:24	Jounkaweid majkunpwi kamwai! Kamwai likihla loang jang nehn nimamwai pil pwadoar kamwai japwungla johploahdi kamel?
24020	MAT 23:33	Sinekpwi kamwai, ipwihpw in sinekpwi kamwai! Kamwai lemleme pwa kamwai kak pisjang kadeik in nehn ehl?
24071	MAT 24:45	“Inje jounpapah ma poadidi apel koahiok? Ih ma koaunno pilda pwa en pwukoahki apwali epwi jounpapah kan pwa en nehk oang kanahr mwinge nehn anjoau ma koanoahng.
24103	MAT 25:26	A koaunno japoang, ‘Koawoa papah nauna apel dangahnga men! Koawoa kidal pwa ngoahi armaj apwal men, ma kin doli wija ngoahi joah poadok, oaloahjang wija ma ngoahi joah koadoahkoa?
24104	MAT 25:27	Amwda koawoa joah nekidla noai mwani kan nehn pangk, pwa ngoahi en kak oaloa ohroj pwilihkihla wihnin nehn oai pwurdo?
24114	MAT 25:37	Armaj pwunngok japoang, ‘Maing, ngehd kamai kapang Koawoa mwakohko, kamai kamwinge Koawoa? Ke mareu, kamai kioang Koawoa pil Koawoa en nim?
24115	MAT 25:38	Ke armaj in indoa men, kamai kajamwo Koawoa? Ke joah likkoau, kamai kalikkoauwihda Koawoa?
24133	MAT 26:10	Jesus kidal da irai pwahpwahpwa, Ih ken pwehng irai, “Da kamwai diroapwkihdahki lihmene? Siahk mwehu oau ih wiahng Ngoahi.
24145	MAT 26:22	Irai inenin pahsoaula sapda wad emen iddidoak oang ih, “Maing, inje me? Ngoahi me?”
24163	MAT 26:40	Doar Ih pwurla ipen Nah sohnpadahkkok kapangda pwa irai moair. Ih pwehng, “Peter, imdoahr? Kamwai johkak pwili Ngoahi poahd awa oau oar?
24168	MAT 26:45	Doar Ih pel pwurlahng sohnpadahkkok pwehng irai, “Kamwai pwen moairroar koamkoammoal? Kapang, awahwa ne leldo, Nihn‑Armaj ne pirin pangpangla ipen armaj dipan kan.
24176	MAT 26:53	Koawoa johpwa woahwoahki pwa Ngoahi kak poaki Joamoaiho en kadardo sohnloang kidpwi en jeuweje kisai, Ih pirin kadardo anjoauwohr?
24178	MAT 26:55	Jesus wud pwehng pwihnno, “Da Ngoahi armaj keper nauna men pwa kamwain indoa wijik mihn pei doahr kodlaij pel pwilein pok kamwain joalihdi Ngoahi? Amwda kamwai joah joalihdi Ngoahi nehn Umw Joarwiho? Ngoahi mine o padpadahk rehn ohroj.
24188	MAT 26:65	Ki pajpoang oauwe Jamwrou laplappo ken soahrdi ah likkoauwo lioas, pwehng Ih, “Lahlahwe! Kisai johpwa anahne pel epwi jounkadehde? Kamwai ohroj ne rong Ah lahlahwe.
24240	MAT 27:42	“Ih kapisla epwi, a Ih johkak kapisla pein Ih! Jaudi Ih ioar nahmwarki in Israel? A Ih en kerdihjang in lohpwuhwen, a kamai nen kamehlele Ih.
24308	MRK 1:24	“Jesus mihn Nazareth, da Koawoa nimen wiahng kamai? Koawoa indoahng koauwehla kamai! Ngoahi kidal inje Koawoa, Koawoa ma Nihn Koahs jounpakair joarwihwa!”
24311	MRK 1:27	Armaj ohroj pwuriamweikihla, peipeidekpene nehn pwungarai pwahpwahpwa, “Dahkij me? Joangoan padahk kapw dahioau me? Woalmene inenin manman. Ih pwen lalloar, pel ngen jaus kan pel peikkoang!”
24336	MRK 2:7	“Imdoahr woalmene Ah kak wia joangoan sikesik oauwe? Pwa Ih lahlahwe Koahs. Inje ma kak lapwadda dihp kan, jaudi Koahs kalahpwuk?”
24337	MRK 2:8	Anjoauwohr Jesus kidalda ahr lamlam; Ih pwehng irai, “Da kamwai wiahki joangoan lamlam pwiai?
24348	MRK 2:19	Jesus ken japoang irai, “Pwa da? Kamwai lemleme ma sohnkapar in kamdipw in koapwoapwoaud oau pirin kaijihjol nehn en woal kamwohddo ne lel iparai? Irai johkak.
24354	MRK 2:25	Jesus japoang irai, “Kamwai johkin wadek da David wiahdahu anjoauwo ma ih apel pwilihoahk mwakohkohla?
24361	MRK 3:4	Ih ken idoak iparai pwa, “Da kojonneddo mweidoahng kisai en wia Sabbath? Kisai en wia mehkij ma mwehu ke nauna? Kisai en jeuweje mourin armaj ke koauwehla?” Irai nennenla johpwa wia mehkij.
24380	MRK 3:23	Ih panginpene armajjok pwehng irai karajraj pwi: “Imdoahr Jehsen ah kak kajroahla Jehsen?
24405	MRK 4:13	Jesus idoak iparai, pwa, “Kamwai johpwa woahwoahki karajraj pase? A imdoahr amwai kak woahwoahki karajraj pwiok? Doari, ioar doahr me:
24413	MRK 4:21	Jesus pel uhjehla Ah sikesik oang irai, “Mine ipamwai ma kin okojda nah lahm kihdi pehn jepjep ke pehn pehd? Ih joah nen kihdahng nehn uhdahn dohiah?
24422	MRK 4:30	Ih pel pwa, “Da kisai pirin karjahng wein Koahs? Ke karajraj da kisai pirin doadoahkki pwa kisai en kawoahwoahda?
24432	MRK 4:40	Ih ken pwehng irai, “Da kamwai majpwehk ki? Da, kamwai kahjikkoar pwojonla?”
24440	MRK 5:7	rahrahu, pwahpwahpwa, “Maing Jesus, Nihn Koahs Laplap! Dahioau Koawoa nimen wiahng ngoahi? In oadoan Koahs, joah koalkoa ngoahi!”
24472	MRK 5:39	Ih ken dilda pwehng irai, “Da kamwai loakloakloakoahki apel joangjoangjoangki? Jerihn johpwa mehdi, ih moahmoahmoair.”
24478	MRK 6:2	Nehn Ah lel Sabbath, Ih ken sapda padahk nehn jinakokehu. Mine min dir mine wijahu pwuriamweikihla nehn ahr rong Ah padahk. Arai ken pwahpene nehn pwungarai, “Woalmene oaloahjang ia joangpwiai? Joangoan loalkoang dahioau mine Ipoa? Imdoahr Ih kak wia joangoan manman pwiai?
24479	MRK 6:3	Jaudi kahpinsoa wa me, nihn Mary, rien James, Joses, Judas apel Simon? Jaudi riah lihkoa ma kin minmine ipasai?” Arai ken kajohwe Ih.
24498	MRK 6:22	Doari nihn Herodias jerpeinno pwokdo kahkahlek in kamdippwo; Herod apel sohn kamdippwo inenin perenkihda. Ioar Herod pwehngkihoang jerpeinno, “Mine mehkij koawoa anahne? Poaki ipoai, pwa ngoahi pirin kioang koawoa.”
24514	MRK 6:38	Jesus idoak, “Lopwonin pilahwa doapoa mine ipamwai? Kamwai kapang apel wadek.” Nehn ahr ne wadekda irai pwehng Ih, “Lopwonin pilahwa limoau apel mwumw roahmen.”
24550	MRK 7:18	Ih ken pwehng irai, “Da, kamwai johpwa loalkoang jang armaj pwian? Kamwai jehjoa pwa joh mehkij mihn likin armaj kin dilda loaloa kajaminihla,
24581	MRK 8:12	Jesus pwuriamweikihla pwa, “Da armaj in anjoau kije poakihki manman oau jang nehnloannge? Ngoahi pwehng kamwai in mehlel, johpwa manman pirin aluhwoang di oauwe.”
24586	MRK 8:17	Jesus kidal pwa da irai pwahpwahpwa, Ih idoak iparai, “Dahkij kamwai siksikoa pwa joh pilahwa ipamwai? Kamwai kahjikkoar marainkihla joang kan? Kamwai inenin nehn kapehd rosros!
24587	MRK 8:18	Mine pwoaroan mijamwaikan — a da kamwai joah kapangki wija? Mine siamwaikan — a da kamwai joah rongki wija?
24588	MRK 8:19	Kamwai moalkoahla lopwon in pilahwa limoauwo ma Ngoahi kamwingehkihla armaj limekiddo? Kiam doapoa kamwai audohda jang luhwen mwingehk?” Irai pwehng Ih, “Min eijek riau.”
24589	MRK 8:20	“A lopwon in pilahwa ijuhwo ma Ngoahi kamwingehkihla armaj pahkiddo? Kiam doapoa kamwai audohda jang luhwen mwingehk?” Irai pwehng Ih, “Min ijuh.”
24605	MRK 8:36	Pirin mine kaspoan oamw en ankihla jampah pwon, a luhj jang oamw mour?
24619	MRK 9:12	A Ih japoang irai, “Mehlel, Elijah uhdahn pirin sapin indoa pwa en koaunopda me ohroj. A amwda Puk Joarwi pwahki pwa Nihn‑Armaj pirin oaloa loklok koalik apel wia mwahlla?
24626	MRK 9:19	Jesus japoang irai, “Kamwai inenin joah pwojon! Ia woaroai in Oai pirin minmine ipamwai? Ia woaroai in Oai pirin kanangmahng kamwai? Kamwai wahdohng Ngoahi jermweinnen!”
24657	MRK 9:50	Jed mehkij ma mwehu; a ma nimen jeddo johla, da kamwai kak wiahng pwa nimen jeddo en pwuroahng minehda? Amwai mour en mwehu anjoau ohroj doahroar jed, a kamwai nen injenmwahupene nehn pwungamwai kan.”