23214	MAT 1:1	Ña̱ yóho cúú qui̱vi̱ na̱ na̱sa̱cuu tásáhnu jícó Jesucristo, mé a̱ na̱quixi chi̱chi David xi̱hín chi̱chi Abraham:
23219	MAT 1:6	Ta Isaí na̱sa̱cuu tátá rey David ta rey David yóho na̱sa̱cuu tátá Salomón, da̱ cúú ja̱hyi ñá na̱sa̱cuu ñájíhí Urías nu̱ cuítí cán.
23230	MAT 1:17	Ña̱ cán quéa̱ ja̱nda̱ tá na̱casáhá cácu ja̱hyi Abraham ja̱nda̱ quia̱hva na̱xi̱nu̱ co̱o a qui̱ví na̱casáhá cácu ja̱hyi David já na̱ya̱ha u̱xu̱ co̱mi̱ generación. Ta tá quia̱hva na̱casáhá cácu ja̱hyi David ja̱nda̱ quia̱hva na̱tiin na̱ Babilonia na̱ Israel já ñéhe ñahá na̱ cua̱ha̱n na̱ na̱ya̱ha inga u̱xu̱ co̱mi̱ generación. Ta na̱ya̱ha inga u̱xu̱ co̱mi̱ generación nani na̱sa̱nduu na̱ Israel ñuu Babilonia ja̱nda̱ quia̱hva na̱xi̱nu̱ co̱o qui̱vi̱ na̱ca̱cu Jesús, mé a̱ na̱chindahá Ndióxi̱ cacomí a̱ cuéntá sa̱há ña̱yivi.
23233	MAT 1:20	Ta nani cáhvi ini da sa̱há ña̱ caja da a̱nda̱ jáví na̱quixi in sa̱ni nu̱ dá ta na̱nda̱ca̱ náha̱ in táto̱ Ndióxi̱ nu̱ dá. Ta tañu mé sa̱ni cán na̱ca̱ha̱n xi̱hi̱n dá. Já na̱cachi a já: —José, da̱ na̱quixi chi̱chi David, a̱ cáyi̱hví tohún tanda̱hún xi̱hi̱n María ja̱n jáchi̱ na̱caja ínima̱ yi̱i̱ Ndióxi̱ ña̱ ñúhu ja̱hyi ñá.
23303	MAT 4:25	Ta cua̱há ndiva̱ha ña̱yivi ndíco̱ na̱ Jesús. Cúú ná na̱ na̱quixi estado Galilea xi̱hín na̱ ndúu u̱xu̱ ñuu cuéntá Decápolis xi̱hín na̱ ñuu Jerusalén xi̱hín na̱ estado Judea xi̱hín na̱ na̱quixi ñundáhyi̱ chí xoo oriente nu̱ ndáca̱a̱n yu̱ta Jordán cán.
23403	MAT 7:18	Dó cúú yitó va̱ha cán a̱ cúu toho cana cui̱hi quini nu̱ do̱ ta ni yitó quini cán a̱ cúu cuun cui̱hi va̱ha nu̱ do̱.
23475	MAT 9:27	Tá na̱quee Jesús cua̱ha̱n já ndíco̱ i̱vi̱ da̱ cua̱á ja̱tá cua̱ha̱n da̱ já na̱casáhá cáyuhú cóhó da̱ já cáchí da̱ já xi̱hi̱n á: —Jesús, da̱ na̱quixi chi̱chi David caja ndó ña̱ma̱ni̱ candáhví loho ini ndó nde̱he̱ —cáchí da̱ cáyuhú da̱ ja̱tá Jesús.
23488	MAT 10:2	Ña̱ yóho cúú qui̱vi̱ ndíhu̱xu̱ i̱vi̱ na̱ cúú apóstol xíca tuun xi̱hi̱n á cán: Da̱ nu̱ cuítí cán naní da̱ Simón ta cáha̱n ri na Pedro xi̱hi̱n dá. Ta inga da̱ cán cúú Andrés ñani da. Ta inga da cúú Jacobo xi̱hín ñani da, Juan. Ndíví da̱ yóho cúú dá ja̱hyi Zebedeo.
23561	MAT 12:3	Já na̱nducú ñehe Jesús tu̱hun nu̱ ná já na̱cachi a já xi̱hi̱n ná: —Á a̱ ñáha toho cahvi ndó nu̱ú tu̱hun Ndióxi̱ nu̱ cáha̱n sa̱há ña̱ na̱caja David sa̱nahá tá na̱cuico da xi̱hín na̱ xíca xi̱hi̱n dá.
23581	MAT 12:23	Tá na̱xini ña̱yivi ndúu cán ña̱ yóho já na̱catóntó ndiva̱ha na já na̱casáhá ndáca̱ tu̱hún táhan na já cáchí na̱ já: —Á a̱ ju̱ú da̱ yóho cúú da̱ na̱quixi chi̱chi rey David —cáchí xi̱hi̱n táhan na.
23645	MAT 13:37	A̱nda̱ já na̱cachi Jesús já xi̱hi̱n ná: —Da̱ xútu tata va̱ha cúú ye̱he̱, da̱ na̱chindahá Ndióxi̱ nduu ña̱yivi.
23724	MAT 15:22	Ta nu̱ xíca cua̱ha̱n cán na̱queta in ñáñáha̱ ñundáhyi̱ Canaán nu̱ á já cáyuhú ña̱ já cáchí ña̱ já xi̱hi̱n á: —Xitoho i̱, da̱ na̱quixi chi̱chi David caja ndó ña̱ma̱ni̱ candáhví loho ini ndó ye̱he̱. Chindeé ndó ja̱hyi jíhí i̱ jáchi̱ rí quini ndáca̱a̱n ini ñá —na̱cachi ñáñáha̱ cán xi̱hín Jesús.
23774	MAT 17:5	Ta nani cáha̱n Pedro na̱nuu in vi̱co̱ ja̱ta̱ ná ta na̱ca̱va̱ nuu a na̱. Ta a̱ ju̱ú quia̱hva ndató yéhe̱ a̱. Ta tañu vi̱co̱ cán na̱xini jo̱ho na ña̱ cáha̱n in a ta já cáchí a̱ já: —Da̱ yóho cúú ja̱hyi ma̱ní i̱ ta cáji̱i̱ ini i̱ xi̱hi̱n dá. Cuni jo̱ho ndó nu̱ cáha̱n da̱ —na̱cachi mé a̱ cán.
23873	MAT 20:12	Já na̱cachi da já: “Da̱ na̱ndai cuu caja chúun nu̱ ndíhí cuíí yóho in hora cuití na̱caja chúun da. Ta tá quia̱hva na̱cha̱hvi ndó nde̱he̱, da̱ na̱caja chúun ndiví yaa nu̱ ndíta̱hyí quia̱hva já na̱cha̱hvi ri ndó nu̱ú da̱ cáa va”, na̱cachi da cáha̱n cua̱chí da̱ cán.
23891	MAT 20:30	Ta ndaja coo yati jíi̱n íchi̱ cán na̱sa̱nduu coo i̱vi̱ da̱ cua̱á ta tá na̱xini joho da ña̱ yáha Jesús cua̱ha̱n já na̱casáhá ndíví da̱ cáyuhú da̱ já cáchí da̱ já: —Jesús, da̱ na̱quixi chi̱chi David, caja ndó ña̱ma̱ni̱ candáhví loho ini ndó nde̱he̱ —cáchí da̱.
23892	MAT 20:31	A̱nda̱ já na̱casáhá cája cue̱he̱ ña̱yivi xi̱hi̱n ndíví da̱ cua̱á cán ña̱ ná catáji̱ yúhu̱ dá. Joo ví ga̱ ví cáyuhú da̱ já cáchí da̱ já: —Jesús, da̱ na̱quixi chi̱chi David, caja ndó ña̱ma̱ni̱ candáhví loho ini ndó nde̱he̱ —na̱cachi da.
23904	MAT 21:9	Ta ña̱yivi cua̱ha̱n chí nu̱u̱ ta jári na̱ va̱xi chí ja̱ta̱ na̱casáhá na̱ cáyuhú na̱ já cáchí na̱ já: —Cája cáhnu í da̱ na̱quixi chi̱chi David yóho. Ndicáhnu na̱há ná cacuu da̱ cómí cuéntá sa̱ha̱ yo̱ jáchi̱ cúú dá da̱ va̱xi yuhú nu̱u̱ Ndióxi̱. Cáhnu ná cacuu Ndióxi̱ —cáchí ña̱yivi cua̱ha̱ cán cáyuhú na̱ cása̱ha̱n na̱ xi̱hi̱n á.
23906	MAT 21:11	Java táhan na̱ cán cáchí na̱: —Da̱ yóho cúú in profeta, da̱ ñuu Nazaret cuéntá estado Galilea —cáchí xi̱hi̱n táhan na.
23910	MAT 21:15	Joo xójo̱ ndiva̱ha ini na̱ sa̱cua̱ha̱ nu̱ú ju̱tu̱ xi̱hín na̱ jána̱ha̱ ley Moisés tá na̱xini na ña̱ xitúhún na̱caja mé á ta tá na̱xini joho na ña̱ cája cáhnu na̱ va̱lí cán mé á tá cáchí na̱ já: “Cája cáhnu í da̱ na̱quixi chi̱chi David.” Sa̱há ña̱ cán quéa̱ xójo̱ ini na
23926	MAT 21:31	Ta viti cachi ndó xi̱hín i̱ ndá da̱ cúú da̱ na̱caja ña̱ cúni̱ tátá da̱ —na̱cachi Jesús. Já na̱cachi na̱ cán: —Da̱ nu̱ cuítí. A̱nda̱ já na̱cachi tucu Jesús já: —Mé a̱ nda̱a̱ ná ca̱ha̱n i̱ xi̱hi̱n ndo̱ ña̱ íin chága̱ sa̱há na̱ játaca jiu̱hún cuéntá impuesto xi̱hín na̱ji̱hí xíca ji̱i̱ ña̱ ná cacomí Ndióxi̱ cuéntá sa̱ha̱ ná a̱ ju̱ú ga̱ ndo̱hó.
23983	MAT 22:42	Já na̱cachi a já xi̱hi̱n ná: —Ndía̱ cáhvi ini ndó sa̱ha̱ Cristo. Ndá chi̱chi cáhán ndo̱ va̱xi a —na̱cachi Jesús xi̱hi̱n ná. Já na̱cachi na̱ cán já: —Va̱xi a chi̱chi David, da̱ na̱sa̱cuu rey sa̱nahá —na̱cachi na̱ cán xi̱hín Jesús.
23984	MAT 22:43	A̱nda̱ já na̱cachi tucu Jesús já xi̱hi̱n ná: —Tá ta̱ mé a̱ nda̱a̱ va̱xi Cristo chi̱chi David ndá cuéntá quéa̱ na̱cachi da ña̱ cúú á xitoho da. Jáchi̱ na̱chutú nda̱a̱ ínima̱ David xi̱hi̱n ínima̱ yi̱i̱ Ndióxi̱ tá na̱ca̱hyí da̱ já:
23985	MAT 22:44	Já na̱cachi Ndióxi̱ xi̱hín xitoho i̱: “Caco̱o xoo cuáha i̱ yóho ja̱nda̱ quia̱hva ná caja i̱ ña̱ ná cacomún cuéntá sa̱há na̱ co̱ cúní yo̱hó”, na̱cachi Ndióxi̱, na̱cachi David.
23986	MAT 22:45	Ndáva̱ha cáchí na̱ ña̱ va̱xi Cristo chi̱chi David tá ta̱ sa̱ mé David na̱cachi da ña̱ cúú á xitoho da —na̱cachi Jesús.
24041	MAT 24:15	ʼNa̱ cáhvi tutu ná canda̱a̱ ini na ña̱ cáha̱n. Sa̱nahá na̱ca̱hyí profeta Daniel sa̱há in ña̱ quini ña̱ játi̱ví ñahá. Tá ná cuni ndó ña̱ xínu̱ co̱o ña̱ yóho nu̱ú yi̱i̱ cuéntá Ndióxi̱
24120	MAT 25:43	Da̱ tóho̱ cúú u̱ na̱xi̱nu̱ co̱o i̱ tañu ndó ta co̱ó na̱ndiquehe va̱ha ndó ye̱he̱. Ta na̱ndima̱ni̱ i̱ ña̱ candixi i̱ ta co̱ó na̱sa̱ha̱n ndó in jáhma̱ loho nu̱ú i̱. Na̱saquíhvi̱ ta na̱sa̱ndaca̱a̱n i̱ veca̱a ta co̱ó na̱xito nihni ndó ye̱he̱”, cachi i̱ xi̱hín na̱ ndúu xoo íti i̱ cán.
24141	MAT 26:18	A̱nda̱ já na̱cachi Jesús já xi̱hi̱n ná: —Cuáhán ndó ñuu ja̱n ta ja̱n cuni ndó in da̱ta̱a ta já cachi ndó já xi̱hi̱n dá: “Da̱ jána̱ha̱ nde̱he̱ cáchí xu̱hu̱n: Cu̱hu̱n i̱ vehe ndó cajíni i̱ vicó pascua xi̱hín na̱ xíca tuun xi̱hín i̱ jáchi̱ sa̱ na̱ndindaa tiempo cu̱hu̱n i̱ viti” —na̱cachi Jesús.
24146	MAT 26:23	A̱nda̱ já na̱nducú ñehe Jesús tu̱hun nu̱ ná já na̱cachi a já xi̱hi̱n ná: —Da̱ na̱qui̱hvi ndáha̱ ini co̱ho̱ xíxi i̱, da̱ cán cúú da̱ ji̱có túhún ye̱he̱.
24235	MAT 27:37	Ta ji̱ní ndi̱ca crúxu̱ cán na̱ca̱hyí na̱ ndá sa̱ha̱ na̱cata caa na a̱ já cáchí a̱ já: “Da̱ yóho cúú Jesús, da̱ cúú rey nu̱ú na̱ Israel.”
24354	MRK 2:25	A̱nda̱ já na̱cachi Jesús já xi̱hi̱n ná: —Á a̱ ñáha cahvi ndó nu̱ú tu̱hun Ndióxi̱ nu̱ cáha̱n sa̱há ña̱ na̱caja David sa̱nahá tá na̱cuico mé dá xi̱hín na̱ xíca xi̱hi̱n dá.
24355	MRK 2:26	Ña̱ na̱caja David quéa̱ na̱qui̱hvi da veñu̱hu Ndióxi̱ tá na̱sa̱cuu Abiatar da̱ sa̱cua̱ha̱ nu̱ú ju̱tu̱. Já na̱xixi da pan yi̱i̱ ña̱ in túhún ju̱tu̱ cúú da̱ ndítahan nu̱ú cuxu ña̱ cán, nduu. Joo na̱xixi David ña̱ ta na̱sa̱ha̱n da̱ ña̱ nu̱ú java ga̱ na̱ xíca xi̱hi̱n dá.
24453	MRK 5:20	Já na̱quee da cua̱ha̱n da̱ ta na̱casáhá da̱ ndícani da nu̱ú ña̱yivi ndúu java ñuu cuéntá Decápolis tócó ndihi ña̱ na̱caja Jesús xi̱hi̱n dá. Chí cátóntó na̱ táa jo̱ho na ña̱.
24563	MRK 7:31	Na̱quee Jesús ñundáhyi̱ cuéntá Tiro ta na̱ya̱ha chí ñuu Sidón xi̱hín java ga̱ ñuu cuéntá Decápolis cán já na̱xi̱nu̱ co̱o a tañu̱hú Galilea.
24579	MRK 8:10	Já na̱ndi̱hvi a ini barco xi̱hín na̱ xíca tuun xi̱hi̱n á já na̱quee na cua̱ha̱n na̱ ñundáhyi̱ cuéntá Dalmanuta.
24614	MRK 9:7	A̱nda̱ já na̱nuu in vi̱co̱ ja̱ta̱ ná já na̱jája̱hvi a na̱ ta tañu vi̱co̱ cán na̱xini jo̱ho na ña̱ cáha̱n in a já cáchí a̱ já: —Da̱ yóho cúú ja̱hyi ma̱ní i̱. Cuni jo̱ho ndó nu̱ cáha̱n da̱.
24704	MRK 10:47	Ta tá na̱xini jo̱ho da ña̱ cáyati Jesús, da̱ ñuu Nazaret va̱xi da já na̱casáhá mé da̱ cua̱á cán cáyuhú cóhó da̱ já cáchí da̱ já: —Jesús, da̱ na̱quixi chi̱chi David caja ndó ña̱ma̱ni̱ candáhví loho ini ndó ye̱he̱ —na̱cachi da.
24705	MRK 10:48	Joo na̱casáhá cua̱há ña̱yivi cája cue̱he̱ na̱ xi̱hi̱n dá ña̱ ná caji da yúhu̱ dá. Joo ví ga̱ ví cáyuhú da̱ já cáchí da̱ já: —Ndóhó, da̱ na̱quixi chi̱chi David caja ndó ña̱ma̱ni̱ candáhví loho ini ndó ye̱he̱ —na̱cachi da.
24719	MRK 11:10	Cáhnu ná coo qui̱ví tá casáhá Ndióxi̱ cacomí a̱ cuéntá sa̱ha̱ yo̱. Tá quia̱hva na̱sa̱comí David, tátá yo̱ cuéntá sa̱há ña̱yivi sa̱nahá quia̱hva já cacomí mé á cuéntá sa̱ha̱ yo̱. Cáhnu ná cacuu Ndióxi̱ —cáchí ña̱yivi.
24777	MRK 12:35	Ndáca̱a̱n Jesús veñu̱hu cáhnu jána̱ha̱ nu̱ú ña̱yivi já cáchí a̱ já xi̱hi̱n ná: —Ndáva̱ha cáchí na̱ jána̱ha̱ ley Moisés ña̱ va̱xi Cristo chi̱chi David.
24778	MRK 12:36	Ta sa̱ mé David tá na̱chutú nda̱a̱ ini da xi̱hi̱n ínima̱ yi̱i̱ Ndióxi̱ já na̱cachi da já: Já na̱cachi Ndióxi̱ xi̱hi̱n xitoho i̱: “Caco̱o xoo cuáha i̱ yóho, a̱nda̱ quia̱hva ná caja i̱ ña̱ ná cacomún cuéntá sa̱há na̱ co̱ cúní yo̱hó”, na̱cachi Ndióxi̱ sa̱nahá.
24779	MRK 12:37	Ndáva̱ha cáchí na̱ ña̱ va̱xi Cristo chi̱chi David joo mé tiempo cán na̱cachi David ña̱ cúú á xitoho da —na̱cachi Jesús. Ta cua̱ha̱ ndiva̱ha ña̱yivi cáji̱i̱ íní na̱ táa jo̱ho na nu̱ cáha̱n Jesús.
24800	MRK 13:14	ʼNa̱ cáhvi tutu ná canda̱a̱ ini na ña̱ cáha̱n. Daniel cúú da̱ na̱ca̱hyí sa̱nahá sa̱há in ña̱ quini ña̱ játi̱ví ñahá. Tá ná cuni ndó ña̱ cándichi in a nu̱ú co̱ ndítahan coo a já ndítahan nu̱ú na̱ ndúu estado Judea cunu na cu̱hu̱n na̱ chí yúcu̱.
24837	MRK 14:14	Tá ná xi̱nu̱ da̱ vehe nu̱ú ndi̱hvi da já cachi ndó xi̱hín da̱ cúú xitoho vehe cán já: “Da̱ jána̱ha̱ nde̱he̱ cáchí xu̱hu̱n: Ndáchí íin nu̱ú coo i̱ cajíni i̱ vicó pascua xi̱hín na̱ xíca tuun xi̱hín i̱.”
24847	MRK 14:24	Já na̱cachi a já xi̱hi̱n ná: —Dó yóho cúú dó tátu̱hun ni̱í i̱, dó cui̱ta sa̱há cua̱há ña̱yivi. Tá ná cui̱ta ni̱í i̱ já canda̱a̱ ini ndó ña̱ na̱jáxi̱nu̱ co̱o Ndióxi̱ tu̱hun a na̱sa̱ha̱n sa̱nahá.
24892	MRK 14:69	Tá na̱xini mé ñá cája chúun xi̱hín da̱ cúú sa̱cua̱ha̱ chága̱ nu̱ ndíhi ju̱tu̱ cán ña̱ na̱sandichi tóo da yéhé cán já na̱casáhá ña̱ cáxi tu̱hun ñá xi̱hi̱n tócó ndihi ña̱yivi ndúu cán já cáchí ña̱ já: —Cande̱hé ndó. Da̱ cáa cúú in táhan da̱ xíca tuun xi̱hín Jesús —na̱cachi ñá.
24921	MRK 15:26	Ta ji̱ní ndi̱ca crúxu̱ cán na̱ca̱hyí na̱ ndá sa̱há na̱cata caa na a̱ ta já cáchí a̱ já: “Da̱ yóho cúú rey nu̱ú na̱ Israel.”
24989	LUK 1:27	Na̱sa̱ha̱n táto̱ Ndióxi̱ yóho Nazaret na̱xi̱to nihni a in ñá tacú naní María, ñá na̱tiin tu̱hun in da̱ naní José ña̱ ná tanda̱ha̱ ñá xi̱hi̱n dá. Mé José yóho na̱quixi da chi̱chi David, da̱ na̱sacomí cuéntá sa̱há ña̱yivi Israel sa̱nahá.
24994	LUK 1:32	Mé ja̱hyún ja̱n cacuu a ta̱a cáhnu. Ta cachi ña̱yivi sa̱ha̱ dá ña̱ cacuu da in túhún ji̱ni̱ já ja̱hyi Ndióxi̱, mé á cáhnu nu̱ ndíhi a. Ta mé Ndióxi̱, xitoho í caja ña̱ ná cacomí ja̱hyún cuéntá sa̱há ña̱yivi tá quia̱hva na̱sacomí David, da̱ cúú tásáhnu jícó da̱ cuéntá sa̱há ña̱yivi.
25031	LUK 1:69	Na̱chindahá Ndióxi̱ mé a̱ jáca̱cu mí ná a̱ cúhu̱n yó indayá. Ta íin ndée̱ á caja tócó ndihi ña̱ náhnu. Ta na̱quixi a chi̱chi David, da̱ na̱caja chúun cuéntá Ndióxi̱ sa̱nahá.
25046	LUK 2:4	Sa̱há ña̱ cán quéa̱ na̱quee José ñuu Nazaret cuéntá Galilea cán já na̱sa̱ha̱n da̱ ñuu Belén ña̱ ndáca̱a̱n estado Judea nu̱ú na̱cacu David jáchi̱ na̱quixi da chi̱chi David.
25053	LUK 2:11	Jáchi̱ mé qui̱vi̱ víti na̱cacu in a jáca̱cu a ndo̱hó nu̱ú cua̱chi ndó ta mé á cán cúú Cristo, xitoho ndó, ña̱ na̱chindahá Ndióxi̱ cacomí a̱ cuéntá sa̱ha̱ ndo̱. Ta na̱cacu a ñuu Belén nu̱ú na̱cacu David sa̱nahá.
25126	LUK 3:32	Ta tátá Natán na̱sananí David. Ta tátá David na̱sananí Isaí. Ta tátá Isaí na̱sananí Obed. Ta tátá Obed na̱sananí Booz. Ta tátá Booz na̱sananí Salmón. Ta tátá Salmón na̱sananí Naasón.
25218	LUK 6:3	A̱nda̱ já na̱nducú ñehe Jesús tu̱hun nu̱ ná já na̱cachi a: —Á a̱ ñáha cahvi ndó nu̱ú tu̱hun Ndióxi̱ nu̱ cáha̱n sa̱há ña̱ na̱caja David sa̱nahá tá na̱cuico da xi̱hín na̱ xíca xi̱hi̱n dá.
25284	LUK 7:20	Tá na̱xi̱nu̱ na̱ xíca xi̱hi̱n Juan nu̱ íin Jesús já na̱cachi na já xi̱hi̱n á: —Da̱ naní Juan, da̱ xíca jácandúta̱ ña̱yivi, da̱ cán cúú da̱ na̱chindahá nde̱he̱ va̱xi nde̱ nda̱ca̱ tu̱hún nde̱ ndo̱hó á cúú ndó Cristo, ña̱ chindahá Ndióxi̱ cacomí cuéntá sa̱há ña̱yivi, á ndítahan candati nde̱ inga ga̱ —na̱cachi na̱ cán xi̱hi̱n Jesús.
25405	LUK 9:35	A̱nda̱ já na̱xini jo̱ho na cáha̱n in a tañu vi̱co̱ cán já na̱cachi a já: —Da̱ yóho cúú ja̱hyi ma̱ní i̱. Cuni jo̱ho ndó nu̱ cáha̱n da̱.
25469	LUK 10:37	A̱nda̱ já na̱cachi da̱ jána̱ha̱ ley Moisés já: —Da̱ na̱ta̱hvi̱ ini sa̱há da̱ na̱ndicue̱he̱ ja̱n, da̱ ja̱n cúú da̱ cája i̱ cuéntá na̱na̱ha̱ da̱ ña̱ mé a̱ nda̱a̱ quíhvi̱ ini da ñani táhan da —na̱cachi da̱ cán. A̱nda̱ já na̱cachi Jesús já xi̱hi̱n dá: —Ta viti cuáhán ri yóhó va, qui̱hvi̱ inún ñani táhún tá quia̱hva na̱caja da̱ Samaria yóho —na̱cachi a xi̱hi̱n dá.
25795	LUK 18:38	A̱nda̱ já na̱casáhá da̱ cua̱á cán cáyuhú da̱ já cáchí da̱ já: —Jesús, da̱ na̱quixi chi̱chi David, caja ndó ña̱ma̱ni̱ candáhví loho ini ndó ye̱he̱ —cáchí da̱.
25796	LUK 18:39	Joo ña̱yivi, na̱ cánu̱ú cua̱ha̱n xi̱hi̱n Jesús cán na̱casáhá na̱ cája cue̱he̱ na̱ xi̱hi̱n dá ña̱ ná caji da yúhu̱ dá. Joo ví ga̱ ví na̱casáhá da̱ cáyuhú da̱ já cáchí tucu da: —Ndóhó, da̱ na̱quixi chi̱chi David, caja ndó ña̱ma̱ni̱ candáhví loho ini ndó ye̱he̱ —cáchí da̱ cáyuhú da̱.
25889	LUK 20:41	A̱nda̱ já na̱cachi Jesús já xi̱hín ña̱yivi ndúu cán: —Ndáva̱ha cáchí ña̱yivi ña̱ va̱xi Cristo chi̱chi David.
25890	LUK 20:42	Ta ndáa ini Salmos ña̱ na̱ca̱hyí David já na̱cachi da já: Ndióxi̱ quéa̱ na̱cachi já xi̱hín xitoho i̱: “Coo xoo cuáha i̱ yóho,
25891	LUK 20:43	ja̱nda̱ quia̱hva ná caja i̱ ña̱ ná cacomún cuéntá sa̱há na̱ co̱ cúní yo̱hó”, na̱cachi Ndióxi̱, já na̱ca̱hyí David sa̱nahá.
25892	LUK 20:44	Ndáva̱ha cáchí na̱ ña̱ va̱xi Cristo chi̱chi David joo mé tiempo cán na̱cachi David ña̱ cúú á xitoho da —na̱cachi Jesús.
25944	LUK 22:11	Ta já cu̱hu̱n ndó ca̱ha̱n ndó xi̱hi̱n mé da̱ xi̱hín ña̱ha vehe cán já cachi ndó já xi̱hi̱n dá: “Da̱ jána̱ha̱ nde̱he̱ cúú da̱ cáchí xu̱hu̱n: Ndáchí íin nu̱ú coo i̱ cajíni i̱ vicó pascua xi̱hín na̱ xíca tuun xi̱hín i̱.”
25953	LUK 22:20	Tá sa̱ na̱ndihi na̱xijíni na ta já na̱tiin a vaso nu̱ ñúhu tó uva ta já na̱cachi a já: —Dó ñúhu ini vaso yóho cúú dó tátu̱hun ni̱í i̱ jáchi̱ cahní na̱ ye̱he̱ ta cui̱ta̱ ni̱í i̱ sa̱ha̱ ndihi ndó. Ta xi̱hín ña̱ yóho xi̱nu̱ co̱o nu̱ú tu̱hun na̱sa̱ha̱n Ndióxi̱ nu̱ú ña̱yivi sa̱nahá tá na̱cachi a jáca̱cu a ña̱yivi.
25989	LUK 22:56	Joo ndaja coo in ñáñáha̱ cája chúun vehe ju̱tu̱ sa̱cua̱ha̱ cán na̱xini ñá íin coo da xítúní da̱ yávi̱ núhu̱ cán. Ta na̱casáhá sánde̱hé ñá nu̱ dá já cáchí ñá já: —Da̱ xíca tuun xi̱hi̱n Jesús cúú ri da̱ íin coo yóho va —na̱cachi ñá cán.
26042	LUK 23:38	Ta na̱chindaa na in tabla ndi̱ca crúxu̱ yati ji̱ni̱ Jesús ta nu̱ mé tabla cán na̱ca̱hyí na: “Da̱ yóho cúú rey nu̱ú na̱ Israel.” Ta mé ña̱ yóho na̱ca̱hyí na̱ ña̱ tu̱hun griego, ña̱ cáha̱n na̱ nación Grecia xi̱hín tu̱hun latín, ña̱ cáha̱n na̱ ñuu Roma xi̱hín tu̱hun hebrero, ña̱ cáha̱n na̱ Israel viti.
26104	LUK 24:44	Tá na̱ndihi já na̱cachi a já xi̱hi̱n ná: —Sa̱ na̱ya̱ha tá íin na̱cachi i̱ xi̱hi̱n ndó jihna. Sa̱ na̱xi̱nu̱ co̱o tá íin na̱ca̱hyí Moisés xi̱hín na̱ profeta sa̱nahá sa̱há ña̱ ndítahan ndoho i̱. Ta jári David tá na̱ca̱hyí da̱ libro Salmos já na̱ca̱ha̱n ri da̱ cán va sa̱há ña̱ ndoho i̱ —na̱cachi a xi̱hi̱n ná.
26142	JHN 1:29	Ta inga qui̱ví ita̱a̱n já na̱xini Juan cáyati Jesús va̱xi a nu̱ íin da. Já na̱cachi Juan já xi̱hín ña̱yivi ndúu cán: —Cande̱hé ndo̱. Da̱ va̱xi ja̱n cúú dá tátu̱hun ndicachi jóco̱ na̱ nu̱ Ndióxi̱. Ta da̱ ja̱n cúú da̱ jándoo cua̱chi ña̱yivi ndúu ñuyíví.
26143	JHN 1:30	Da̱ ja̱n cúú da̱ cáchí i̱ sa̱ha̱ ña̱ va̱xi in da ja̱tá ye̱he̱ ta íin cua̱ha̱ chága̱ sa̱ha̱ dá a̱ ju̱ú ga̱ ye̱he̱. Jáchi̱ ja̱nda̱ tá cáma̱ní cacu ye̱he̱ sa̱ íin va mé da̱ ja̱n.
26149	JHN 1:36	Já na̱xini da ña̱ yáha Jesús cua̱ha̱n já na̱cachi Juan já xi̱hín na̱ xíca xi̱hi̱n dá cán: —Cande̱hé ndo̱. Da̱ ja̱n cúú tátu̱hun ndicachi, rí jóco̱ na̱ nu̱ Ndióxi̱ —na̱cachi Juan.
26160	JHN 1:47	Ta tá na̱xini Jesús na̱cayati Natanael nu̱ á já na̱cachi a já: —Da̱ yóho cúú ndusa in da̱ na̱quixi chi̱chi Israel ta cúú dá ta̱a cája ña̱ nda̱a̱ cuití va —na̱cachi Jesús.
26251	JHN 4:26	A̱nda̱ já na̱cachi Jesús já xi̱hi̱n ñá: —Da̱ cán cúú ye̱he̱, da̱ cáha̱n xu̱hu̱n viti —na̱cachi Jesús xi̱hi̱n ñá.
26439	JHN 7:42	Jáchi̱ cáchí tu̱hun Ndióxi̱ ña̱ tá ná quixi Cristo ñuyíví yóho cacuu da da̱ quixi chi̱chi David, da̱ na̱sacomí cuéntá sa̱há ña̱yivi Israel sa̱nahá. Ta cáchí tu̱hun Ndióxi̱ ña̱ cacu da̱ cán ñuu Belén nu̱ú na̱cacu mé David cán.
26516	JHN 9:7	Tá na̱ndihi já na̱cachi a já xi̱hi̱n dá: —Cuáhán chi̱co̱ho̱ naní Siloé ta cán cuchún nu̱ún —na̱cachi Jesús xi̱hi̱n dá. Mé tu̱hun Siloé yóho cúni̱ cachi a: Da̱ na̱chindahá na̱. A̱nda̱ já na̱quee mé da̱ cua̱á cán na̱sa̱ha̱n da̱ na̱chichí nu̱ú da̱ ta tá na̱ndicó co̱o da̱ cán sa̱ sánde̱hé va da na̱casa̱a̱ da̱.
26520	JHN 9:11	Já na̱cachi da̱ cán já: —Da̱ naní Jesús cúú da̱ na̱cava̱ha in mbohla loho nda̱hyi̱. Ta na̱chindaa da ña̱ nu̱ú i̱ ta na̱cachi da xi̱hín i̱ ña̱ ná cu̱hu̱n i̱ cuchú nu̱ú i̱ chi̱co̱ho̱ naní Siloé. Ta já na̱sa̱ha̱n i̱ na̱chichí nu̱ú i̱ cán ta xi̱hín ña̱ yóho na̱nu̱ná nu̱ú i̱. Sánde̱hé e̱ viti —na̱cachi da.
26525	JHN 9:16	Joo java na̱ fariseo na̱cachi na xi̱hín da̱ na̱sa̱cuu da̱ cua̱á cán já: —Da̱ na̱ndaja va̱ha yo̱hó co̱ó va̱xi toho da cuéntá Ndióxi̱ jáchi̱ co̱ cája cáhnu da qui̱vi̱ ndíquehe ndée̱ yo̱ —na̱cachi na. Joo já cáchí java na̱ fariseo já: —Tá da̱ cája cua̱chi ná cacuu Jesús ja̱n ta a̱ cúu caja da ña̱ha xitúhún na̱há tátu̱hun ña̱ yóho, nduu —na̱cachi java na. Chí co̱ó na̱cuu ndique táhan va̱ha tu̱hun na̱ fariseo cán sa̱há ña̱ cán quéa̱ na̱sahnda táhan ndaja táhan mé va na.
26563	JHN 10:13	Da̱ quéhe ya̱hvi cán jándacoo da ri̱ jáchi̱ co̱ cúú rí ja̱na̱ mé dá ta co̱ sáhní da̱ mé dá cúú ndicachi.
26909	JHN 19:15	Joo na̱ cán na̱casáhá tucu na cáyuhú cóhó na̱ nu̱ dá já cáchí na̱ já: —Cahní ndó da̱. Ná quivi da. Cata caa ndó da̱ ndi̱ca crúxu̱ —cáchí na̱. Já na̱cachi Pilato já xi̱hi̱n ná: —Ama ná cata caa ri da̱ cúú rey nu̱ ndó ndi̱ca crúxu̱ —na̱cachi Pilato. A̱nda̱ já na̱cachi na̱ sa̱cua̱ha̱ nu̱ú ju̱tu̱ cán já: —Da̱ cómí cuéntá sa̱há ñuu Roma, in túhún da̱ cán cuití va cúú rey nu̱ú nde̱ —na̱cachi na̱ cán.
26913	JHN 19:19	Ta na̱sahnda Pilato chuun ña̱ ná cu̱hu̱n java na chítivi ndaa na in tabla ndi̱ca crúxu̱ yati ji̱ni̱ Jesús cán. Ta nu̱ tabla cán na̱ca̱hyí na̱: “Da̱ yóho cúú Jesús, da̱ ñuu Nazaret, da̱ cúú rey nu̱ú na̱ Israel.”
26920	JHN 19:26	Tá na̱xini Jesús ña̱ cándichi náná a̱ sa̱ha̱ crúxu̱ ta tá na̱xini a cándichi ye̱he̱, da̱ naní Juan, da̱ xíca tuun xi̱hi̱n á, da̱ quíhvi̱ ndiva̱ha ini mé á chí já na̱cachi a já xi̱hi̱n náná a̱: —Da̱ ja̱n cúú tátu̱hun ja̱hyi ndó viti —na̱cachi Jesús.
27008	ACT 1:16	—Cande̱hé ndo̱, ñani i̱, na̱ cúú cuéntá Jesús. Na̱sahi̱in tá íin na̱cachi ínima̱ yi̱i̱ Ndióxi̱ coo. Jáchi̱ na̱caja Ndióxi̱ ña̱ ná ca̱ha̱n rey David ini tu̱hun mé á sa̱ha̱ Judas, da̱ na̱sa̱ndaca na̱ na̱tiin Jesús ñéhe na a̱ cua̱ha̱n na̱ veca̱a.
27043	ACT 2:25	Sa̱nahá ndiva̱ha na̱ca̱hyí rey David sa̱há Jesús já na̱cachi da já: Xíni̱ va̱ha i̱ ña̱ níí tiempo íin ndó xitoho i̱, xi̱hín i̱, ta íin ndó xoo cuáha i̱ chíndeé ndó ye̱he̱ sa̱há ña̱ cán quéa̱ co̱ yíhví toho i̱.
27046	ACT 2:28	Na̱jána̱ha̱ ndó nu̱ú i̱ ndaja caja i̱ ña̱ cúni̱ ndo̱. Jáchutú nda̱a̱ ndó ínima̱ i̱ xi̱hín ña̱ cáji̱i̱ ini i̱ jáchi̱ já íin va ndó xi̱hín i̱, na̱ca̱hyí David sa̱nahá ndiva̱ha —cáchí Pedro xi̱hín na̱ ndúu cán.
27047	ACT 2:29	A̱nda̱ já na̱cachi tucu Pedro já xi̱hi̱n ná: —Cande̱hé ndo̱, ñani i̱ ná ndicani i̱ nu̱ ndo̱ ña̱ cúni̱ cachi ña̱ yóho. Sa̱ cánda̱a̱ cáxí iní ña̱ sa̱ na̱xi̱hi̱ David, da̱ na̱sa̱cuu tásáhnu jícó yo̱. Ta na̱jándu̱xu̱ na̱ da̱ ta íin yi̱i̱ va nu̱ú na̱jándu̱xu̱ na̱ da̱.
27048	ACT 2:30	Na̱cachi David ña̱ yóho jáchi̱ na̱sa̱cuu da profeta. Jáchi̱ mé Ndióxi̱ quéa̱ na̱sa̱ha̱n tu̱hun a nu̱ dá ta na̱cachi a xi̱hi̱n dá ña̱ quixi Jesucristo chi̱chi mé dá ta na̱cachi a ña̱ cacomí mé Jesucristo cán cuéntá sa̱há ña̱yivi Israel.
27049	ACT 2:31	Sa̱ na̱canda̱a̱ ini David ña̱ caja Ndióxi̱ chí nu̱u̱ sa̱há ña̱ cán quéa̱ na̱cachi da xi̱hín ña̱yivi ña̱ nditacu tucu Jesús tá na̱ndihi quivi a. Ta na̱ca̱xi tu̱hun David nu̱ ná ña̱ a̱ jándicoo toho Ndióxi̱ ínima̱ Jesús nu̱ ndúu ínima̱ ndi̱i ta ni a̱ quiáhva toho mé á ña̱ma̱ni̱ ta̱hyi̱ yiquí cu̱ñu mé Jesús cán.
27050	ACT 2:32	Ta viti cánda̱a̱ iní ña̱ na̱xi̱nu̱ tu̱hun na̱ca̱hyí David jáchi̱ na̱xini tócó ndihí ña̱ na̱jánditacu Ndióxi̱ Jesús.
27052	ACT 2:34	Ta sa̱ xíni̱ yo̱ ña̱ co̱ cáha̱n David sa̱ha̱ mé dá jáchi̱ a̱ ju̱ú David cúú da̱ na̱ndaa indiví, va̱ha. Sa̱ mé David cúú dá da̱ na̱cachi tu̱hun yóho: Na̱cachi Ndióxi̱ xi̱hín xitoho i̱: “Naha xoo cuáha ji̱ín i̱ cacoún,
27053	ACT 2:35	ja̱nda̱ quia̱hva ná cacu u̱ na̱ cándají yo̱hó ti̱xi sa̱hu̱n”, na̱cachi Ndióxi̱ —já na̱ca̱hyí David sa̱nahá.
27116	ACT 4:25	Sa̱nahá ndiva̱ha tá na̱jándicutú nda̱a̱ ndó ínima̱ David, tásáhnu jícó nde̱ xi̱hi̱n ínima̱ yi̱i̱ mé ndó já na̱cachi ndó já xi̱hi̱n dá ta já na̱ca̱hyí da̱: Ndá cuéntá quéa̱ ndíva̱a̱ na̱há ña̱yivi ndúu ñuyíví ta ndinuhu ña̱ núu cáhvi ini na caja na.
27230	ACT 7:45	Tá sa̱ na̱ya̱ha cua̱há cui̱a̱ já na̱xi̱hi̱ Moisés já na̱ndiquehe da̱ naní Josué chuun ña̱ cañehe da cuéntá sa̱ha̱ tásáhnu jícó yo̱. Ta mé tásáhnu jícó yo̱ na̱cani táhan na xi̱hín na̱ na̱sa̱nduu ñundáhyi̱ yóho. Ta na̱caja Ndióxi̱ ña̱ ná quee va̱ha na̱ Israel xi̱hín na̱ cán. Na̱tavá Ndióxi̱ na̱ cán já ná canduu na̱ Israel ñundáhyi̱ yóho ta mé tiempo já na̱ Israel ñéhe na veñu̱hu níi̱ quíti̱ cua̱ha̱n na̱. Ta já na̱sahi̱in a xi̱hi̱n ná ja̱nda̱ qui̱ví na̱sacomí David cuéntá sa̱há na̱ Israel.
27231	ACT 7:46	Na̱caja Ndióxi̱ cua̱há ña̱ma̱ni̱ xi̱hi̱n David sa̱há ña̱ cán quéa̱ na̱sacu ini David cava̱ha da in nu̱ú coo Ndióxi̱, mé a̱ na̱caja cáhnu Jacob sa̱nahá.
27232	ACT 7:47	Joo da̱ na̱cava̱ha mé vehe Ndióxi̱ cán na̱sacuu Salomón, ja̱hyi David.
27287	ACT 9:2	ña̱ ná quia̱hva na in carta nu̱ cáha̱n ña̱ ñéhe̱ dá ña̱ma̱ni̱ qui̱hvi da veñu̱hu ñúhu ñuu Damasco já ná ndinducú da̱ na̱ ndíco̱ íchi̱ cuéntá Jesús já ná cató da̱ na̱ cañehe da na̱ quixi na cu̱hu̱n na̱ veca̱a ñuu Jerusalén. Co̱ cája toho a á cúú ná ta̱a á ñáha̱. Chí na̱quee Saulo ñuu Jerusalén xi̱hi̱n mé carta.
27288	ACT 9:3	Joo nani xíca da cua̱ha̱n da̱ íchi̱ tá sa̱ yati xi̱nu̱ co̱o da ñuu Damasco já in náá cuití na̱ndiyi̱hvi̱ ndaa ñúhu̱ ja̱ta̱ dá. Mé ñúhu̱ yóho na̱quixi a chí indiví.
27291	ACT 9:6	A̱nda̱ já na̱casáhá quíji Saulo xi̱hín ña̱ yíhví da̱ já na̱cachi da já: —Ca̱ha̱n ndó xi̱hín i̱, xitoho i̱ ndía̱ quéa̱ cúni̱ ndó ná caja i̱ —cáchí da̱. A̱nda̱ já na̱nducú ñehe Jesús tu̱hun nu̱ dá já cáchí a̱ já xi̱hi̱n dá: —Cuándaco̱o ta cuáhán qui̱hvi ñuu Damasco. Ta ja̱n ca̱ha̱n na̱ xu̱hu̱n ndía̱ ndítahan cajún —cáchí Jesús.
27293	ACT 9:8	Tá na̱ndihi já na̱ndaco̱o Saulo nu̱ ñúhu̱. Joo tá na̱suná da̱ nduchú núú da̱ chí co̱ tívi ga̱ nu̱u̱ dá. Sa̱há ña̱ cán quéa̱ ja̱ndá tíin ndaa na da̱ cua̱ha̱n da̱ chí Damasco.
27295	ACT 9:10	Mé ñuu Damasco cán na̱sahi̱in in da̱ cúú cuéntá Jesús naní Ananías. Ta ndaja coo na̱xini ndímáhnú da̱ Jesús ta na̱ca̱ha̱n xi̱hi̱n dá já na̱cachi a já: —Ananías. A̱nda̱ já na̱nducú ñehe da tu̱hun nu̱ á já cáchí da̱ já: —Yóho íin i̱. Ndía̱ cúni̱ ndo̱, xitoho i̱.
27304	ACT 9:19	Tá na̱ndihi já na̱xixi da ta na̱ndi̱hvi tucu ndée̱ dá ta na̱sahi̱in tóo da chá qui̱vi̱ xi̱hín na̱ cúú cuéntá Jesús ndúu ñuu Damasco cán.
27307	ACT 9:22	Joo ví ga̱ ví ndíndeé ini Saulo cáha̱n da̱ tu̱hun Ndióxi̱. Ta náha̱ da̱ nu̱ú ña̱yivi ña̱ mé Jesús cúú Cristo, mé á na̱chindahá Ndióxi̱ cacomí cuéntá sa̱há ña̱yivi. Ja̱nda̱ quia̱hva já na̱jája̱ca̱ da̱ xíní túni̱ na̱ na̱quixi chi̱chi Israel ndúu Damasco cán xi̱hín tu̱hun cáha̱n da̱ xi̱hi̱n ná.