104 | GEN 4:24 | Tomtom tasa isombe ipun Kain ma imeete, nako tipokot pa lamata mi ru. Tamen nio na, tomtom tasa isombe ipun yo ma aŋmeete, nako tipokot pa tomto tel laamuru mata mi ru (77).” |
109 | GEN 5:3 | Adam ndaama kini irao kembei 130, to ipeebe pikin tomooto ta ma kembei ta itunu ruŋguunu, mi ipaata zaana be Set. |
110 | GEN 5:4 | Set isu, to Adam imbot pa ndaama 800 tomen, mi ipeebe pikin tomooto mi moori pakan. |
111 | GEN 5:5 | Ndaama ki Adam irao 930, mana imeete. |
112 | GEN 5:6 | Set ndaama kini irao 105, to ipeebe pikin tomooto ta, zaana Enos. |
113 | GEN 5:7 | Enos isu, to Set imbot pa ndaama 807 tomen, mi ipeebe pikin tomooto mi moori pakan. |
114 | GEN 5:8 | Ndaama ki Set irao 912, mana imeete. |
115 | GEN 5:9 | Enos ndaama kini irao 90, to ipeebe pikin tomooto ta, zaana Kenan. |
116 | GEN 5:10 | Kenan isu, to Enos imbot pa ndaama 815 tomen, mi ipeebe pikin tomooto mi moori pakan. |
117 | GEN 5:11 | Ndaama ki Enos irao 905, mana imeete. |
118 | GEN 5:12 | Kenan ndaama kini irao 70, to ipeebe pikin tomooto ta, zaana Malalel. |
119 | GEN 5:13 | Malalel isu, to Kenan imbot pa ndaama 840 tomen, mi ipeebe pikin tomooto mi moori pakan. |
120 | GEN 5:14 | Ndaama ki Kenan irao 910, mana imeete. |
121 | GEN 5:15 | Malalel ndaama kini irao 65, to ipeebe pikin tomooto ta, zaana Yared. |
122 | GEN 5:16 | Yared isu, to Malalel imbot pa ndaama 830 tomen, mi ipeebe pikin tomooto mi moori pakan. |
123 | GEN 5:17 | Ndaama ki Malalel irao 895, mana imeete. |
124 | GEN 5:18 | Yared ndaama kini irao 162, to ipeebe pikin tomooto ta, zaana Enok. |
125 | GEN 5:19 | Enok isu, to Yared imbot pa ndaama 800 tomen, mi ipeebe pikin tomooto mi moori pakan. |
126 | GEN 5:20 | Ndaama ki Yared irao 962, mana imeete. |
127 | GEN 5:21 | Enok ndaama kini irao 65, to ipeebe pikin tomooto ta, zaana Metusela. |
128 | GEN 5:22 | Metusela isu, to Enok ziru Anutu tiwwa ma irao ndaama 300. Mi Enok ipeebe pikin tomooto mi moori pakan. |
129 | GEN 5:23 | Tana Enok ziru Anutu tiwwa mi ndaama ki Enok irao 365, tona Enok imbiriizi ma tire i mini som. Paso, Anutu ikami ma ila kini kek. |
131 | GEN 5:25 | Metusela ndaama kini irao 187, to ipeebe pikin tomooto ta, zaana Lamek. |
132 | GEN 5:26 | Lamek isu, to Metusela imbot pa ndaama 782 tomen, mi ipeebe pikin tomooto mi moori pakan. |
133 | GEN 5:27 | Ndaama ki Metusela irao 969, mana imeete. |
134 | GEN 5:28 | Lamek ndaama kini irao 182, to ipeebe pikin tomooto ta |
136 | GEN 5:30 | Noa isu, to Lamek imbot pa ndaama 595 tomen, mi ipeebe pikin tomooto mi moori pakan. |
137 | GEN 5:31 | Ndaama ki Lamek irao 777, mana imeete. |
138 | GEN 5:32 | Noa ndaama kini irao 500, tona ipeebe pikin tomooto tel, ta zan Sem, Ham mi Yapet. |
141 | GEN 6:3 | Takenata zin tomtom us ta mburanŋan mi zanŋan mi malmalŋan na, tipet ma timbot su toono. Tona Merere iso: “Zin tomtom na, toono kan men. Tana ko bubuŋoŋ imbot raama zin ma alok na som. Kozo ko timbot irao ndaama tomto lamata mi ta (120) men, mana swon imap.” |
153 | GEN 6:15 | Ur wooŋgo ka kin ta kembei: molo kini irao re tomto tel lamoromata (133 mita), mi babaŋana kini irao re laamuru mi ru (22 mita), mi kor kana irao re lamata mi ru (13 mita). |
166 | GEN 7:6 | Indeeŋe Noa ndaama kini 600 na, nonor biibi be ipet pa toono. |
171 | GEN 7:11 | Indeeŋe ta Noa ndaama kini iwe 600 na, ka puulu iwe ru pa mi ka mbeŋ iwe lamoromata mi ru na, toono kwoono ikaaga, mi yok biibi ta imbot meleeba na, ise raama mburaana biibi. Mi saamba tomini, kwoono ikaaga mi yok ta imbot kor na itop ma zaza. |
180 | GEN 7:20 | Mi yok ipen ma izalla izalla ma ilip pa abal utenuten ta boozomen irao re paŋ (8 mita). |
184 | GEN 7:24 | Tana yok ilol toono ma imbot irao puulu lamata (aigule 150). |
197 | GEN 8:13 | Tana indeeŋe Noa ndaama kini irao kembei 601, mi puulu mataana kana ka mbeŋ mataana kana na, yok imaaga pa toono kek. Tana Noa ikiili wooŋgo ka ruumu uteene, mi itiiri lele ma ire yok imaaga pa toono kek. |
234 | GEN 9:28 | Nonor biibi imap, tona Noa imbot pa ndaama 350 tomen. Tana ndaama kini irao kembei 950, mana imeete. |
277 | GEN 11:10 | Sem popoŋana kini tipet ta kembei: Indeeŋe nonor biibi imap mi ndaama ru ilae na, Sem ipeebe pikin tomooto ta, zaana Apaksat. Mazwaana tana Sem ndaama kini irao 100 kek. |
278 | GEN 11:11 | Apaksat isu, to Sem imbot pa ndaama 500 tomen, mi ipeebe pikin pakan, mana imeete. |
279 | GEN 11:12 | Apaksat ndaama kini irao 35, to ipeebe pikin tomooto ta, zaana Sela. |
280 | GEN 11:13 | Sela isu to Apaksat imbot pa ndaama 403 tomen, mi ipeebe pikin pakan, mana imeete. |
281 | GEN 11:14 | Sela ndaama kini irao 30, to ipeebe pikin tomooto ta, zaana Eber. |
282 | GEN 11:15 | Eber isu, to Sela imbot pa ndaama 403 tomen, mi ipeebe pikin pakan, mana imeete. |
283 | GEN 11:16 | Eber ndaama kini irao 34, to ipeebe pikin tomooto ta, zaana Pelek. |
284 | GEN 11:17 | Pelek isu, to Eber imbot pa ndaama 430 tomen, mi ipeebe pikin pakan, mana imeete. |
285 | GEN 11:18 | Pelek ndaama kini irao 30, to ipeebe pikin tomooto ta, zaana Reu. |
286 | GEN 11:19 | Reu isu, to Pelek imbot pa ndaama 209 tomen, mi ipeebe pikin pakan, mana imeete. |
287 | GEN 11:20 | Reu ndaama kini irao 32, to ipeebe pikin tomooto ta, zaana Seruk. |
288 | GEN 11:21 | Seruk isu, to Reu imbot pa ndaama 207 tomen, mi ipeebe pikin pakan, mana imeete. |
289 | GEN 11:22 | Seruk ndaama kini irao 30, to ipeebe pikin tomooto ta, zaana Naor. |
290 | GEN 11:23 | Naor isu, to Seruk imbot pa ndaama 200 tomen, mi ipeebe pikin pakan, mana imeete. |
291 | GEN 11:24 | Naor ndaama kini irao 29, to ipeebe pikin tomooto ta, zaana Tera. |
292 | GEN 11:25 | Tera isu, to Naor imbot pa ndaama 119 tomen, mi ipeebe pikin pakan, mana imeete. |
293 | GEN 11:26 | Tera ndaama kini irao 70, to ipeebe lutuunu bizin tel ta zan Abaram, Naor, mi Aran. |
299 | GEN 11:32 | Indeeŋe Tera ndaama kini irao 205, to imeete su kar tana. |
303 | GEN 12:4 | Merere iso sua tana, to Abaram ito kalŋaana, mi imaŋga ma izem kar Aran. Mi tiziini lutuunu Lot igaabi ma ziŋan tila. Indeeŋe tana Abaram ndaama kini irao 75 kek. |
351 | GEN 14:14 | Abaram ileŋ kembei tikam lutuunu Lot ma tila kek, to iboobo mbesooŋo kini 318 tau malmal kan kat i, ma ziŋan tila tiketoto king paŋ tana ma tila tise kizin ta kar Dan. Zin mbesooŋo kini tana, indeeŋe ta nan bizin tipeebe zin ma tisu mi imar na, ziŋan Abaram timbotmbot. |
374 | GEN 15:13 | To Merere iso pini ta kembei. Iso: “Iŋgi be aŋpaute u pa mbulu tabe ipet pa kaimer i. Popoŋana ku ko tiwe leembe pa lele toro. Mi lele tana ka tomtom bizin ko tikam zin ma tiwe len mbesooŋo, mi tiseseeze matan ma irao ndaama 400. |
397 | GEN 16:15 | Tana indeeŋe Abaram ndaama kini irao 86 na, Agar ipeebe le pikin tomooto ta. Mi Abaram ipaata pikin zaana be Ismael. |
399 | GEN 17:1 | Indeeŋe Abaram ndaama kini irao 99 na, Merere ipet kini mini mi iso pini ta kembei: “Nio Anutu mburoŋ keskeezeŋoŋ. Tana pa pai ku ma ndabok men pa nio motoŋ. Naso ituru taparlup ti ma tewe tamen, mi aŋkam popoŋana ku ma tipet ma tiwe boozo.” |
422 | GEN 17:24 | Tana indeeŋe Abaraam ndaama kini irao tomto paŋ kwoono lamoromata mi paŋ (99), mi lutuunu Ismael ndaama kini irao laamuru mi tel na, tireete ziru. Mi aigule tamen ta tana na, tireete zin mbesooŋo kini tomini. Zin ta Abaraam iŋgiimi zin na, mi zin ta nan bizin tipeebe zin su ruumu kini na. |
512 | GEN 20:16 | Mi Sara na, Abimelek iso pini ta kembei: “Re. Nio aŋkam tom le pat milmilŋan munŋaana ta (1,000), bekena wal ku ta boozomen tiute kembei nu kam sosor sa som. Kokena urum isaana.” |
573 | GEN 23:1 | Ndaama ki Sara irao 127, mana imeete su kar Kiriat Arba, ta imbot la lele pakaana ki Kanaan. (Kiriat Arba zaana toro na, Ebron). Abaraam itaŋtaŋ pini ma som, |
587 | GEN 23:15 | “Biibi, leŋ! Toono tana kadoono irao kembei pat milmilŋan munŋaana ta (400). Tamen toŋgo pa. Pa tomtom kembei ta iti na, tere pat tana kembei ta koroŋ sorok. La ma urpe kusim muriini.” |
588 | GEN 23:16 | Abaraam ileŋ Epron kalŋaana, to inin le pat milmilŋan irao munŋaana ta (400), kembei ta ni iso na. |
666 | GEN 25:7 | Abaraam, mbotŋana kini ambai men ma iwe kolman kat. Mi ndaama kini irao 175, mana imeete ma ila igaaba zin wal kini ta timeete muŋgu na. |
676 | GEN 25:17 | Ismael, ndaama kini irao 137, to imeete ma ila igaaba zin wal kini ta timeete kek na. |
679 | GEN 25:20 | Indeeŋe ndaama ki Isak irao tomtooru (40), to iwoolo Rebeka. Rebeka tamaana zaana Betuel. Ni uunu kini ipet pa Aram, mi imbotmbot la lele pakaana ki Mesopotamia. Mi Rebeka toono, ni zaana Laban. |
685 | GEN 25:26 | To tiziini na, isou kiskis toono kumbu ŋuzuunu mi isu. Tana tipaata zaana be Yakop. Indeeŋe pikin ru tana tisu na, Isak ndaama kini irao tomto tel (60). |
727 | GEN 26:34 | Indeeŋe Isau ndaama kini irao tomtooru (40), to iwoolo moori ru ta un ipet pa Et. Moori ta, zaana Yudit. Ni Beri lutuunu moori. Mi toro zaana Basemat. Ni Elon lutuunu moori. |
935 | GEN 32:7 | Yakop isope zin makiŋ, to tila. Beso timiili ma timar na, tiso: “Ou, niam amla ampet ki tom ta amar i. Mi leŋ! Ni ziŋan tomtom munŋaana ta (400), ta tiwwa ma timarmar pa zaala i be tire u.” |
1040 | GEN 35:28 | Mi Isak, ni imbot ma iwe kolman kat, mi ndaama kini irao tomto lamata tomto paŋ (180), mana imeete ma ila igaaba zin wal kini ta timetmeete kek na. To lutuunu bizin ru Isau mi Yakop titwi i. |
1381 | GEN 45:22 | Mi irai len mburu ambaimbaiŋan be tizeebe zin pa. Mi Benyamen, to Yosep ipomoozo kati. Ikam le mburu boozo ma ilip pa toono bizin, mi ikam le pat milmilŋan tomto laamoromata (300). |
1413 | GEN 46:26 | Tana Yakop lutuunu bizin mi tumbuunu bizin ta ni ziŋan tisula pa Aikuptu na, zin tomtom tomto tel kwoono lamata mi ta (66). Mi rwoono moori bizin tomini. |
1414 | GEN 46:27 | Mi sombe tinin zin raama Yosep ziŋan lutuunu bizin ru ta ni ipeebe zin su Aikuptu na, to tipet tiwe kembei zin Israel tomto tel kwoono laamuru (70), ta timbot pa lele kizin Aikuptu. |
1430 | GEN 47:9 | Yakopbi ipekel kalŋaana ma iso: “Nio aŋwwa pa toono ma irao ndaama tomto lamata kwoono tomoota laamuru (130) kek. Tamen, koŋ ndaama boozo kembei tumbuŋ bizin na som. Mi mbotŋana tio na, pataŋana boozo indeeŋe yo.” |
1450 | GEN 47:29 | ma ndaama kini irao kembei tomto lamata, tomtooru kwoono lamata mi ru (147), to iyamaana kembei swoono igarau. Tana iboobo lutuunu Yosep ma imar, mi iso pini ma iso: “O lutuŋ, nu sombe ur kat lelem pio mi to leleŋ, na ur nomom se mbasaŋoŋ mi mbuk sua mbolŋana pio ta kembei: Sombe aŋmeete, na irao twi yo sula toono tiŋgi pepe. |
1529 | GEN 50:22 | Yosep ziŋan toono mi tiziini bizin timbot Aikuptu. Timbot timbot ma Yosep ndaama kini irao kembei tomto lamata mi laamuru (110). |
1672 | EXO 6:16 | Yakop lutuunu Lebi, ni lutuunu bizin ta Geson, Koat, mi Merari. Lebi, ndaama kini irao 137 mi imeete. |
1674 | EXO 6:18 | Mi Lebi lutuunu toro Koat, ni lutuunu bizin ta Amram, Izar, Ebron, mi Usiel. Koat ndaama kini irao 133 mi imeete. |
1676 | EXO 6:20 | Koat lutuunu Amram, ni iwoolo tamaana lunuri Yokopet. To Yokopet ipeebe Aron mi Mose. Amram ndaama kini irao 137 mi imeete. |
1693 | EXO 7:7 | Indeeŋe tana, Mose ndaama kini tomto paŋ (80). Mi Aron na, ndaama kini tomto paŋ kwoono tel (83). |
1854 | EXO 12:37 | Tona zin Israel timaŋga ma tizem kar Ramses, mi tila pa lele ta zaana Sukot. Zin iwal ma iwal kat. Tomooto kizin men na, tirao kembei 600,000 ma iŋgi. |
1857 | EXO 12:40 | Zin Israel timbotmbot su Aikuptu irao ndaama 430. |
1858 | EXO 12:41 | Mi indeeŋe kat aigule ta ndaama 430 tina imap pa i, na zin timap lup ma timaŋga mi tizem lele kizin Aikuptu. Timbot la uunu uunu mi tipa, kembei ta zin malmal kan ki Yooba i. |
1896 | EXO 14:6 | Tona king iurpe karis kini malmal kana. Mi ikam karis ndabokbokŋan ki malmal irao 600, ramaki karis malmal kan pakan. Mi tiur zin wal tau malmal kan ŋonoono i be tikam zin karis tana. Mi tiur zin hos be tiyaaru zin karis tana, to king ziŋan zin malmal kan kini timap ma timaŋga mi tila. |
2021 | EXO 18:21 | “Nio aŋsombe ur wal ambaimbaiŋan pakan be tiuulu u, mi niomŋan komboro zin wal ti. Mi re: Kokena ur zin tomtom ta kwon pakamkaamŋan, mi matan patŋan. Tiiri kat zin, mi re zin wal tau timototo Anutu mi tileŋleŋ la kalŋaana, tizzo sua ŋonoono men, mi tirao pa uraata ti. To ur pakan be timboro tomtom munŋaana ta (1,000), mi pakan be timboro tomtom tomto lamata, to pakan pa tomtooru laamuru, mi pakan be timboro tomtom laamuru men. |
2024 | EXO 18:24 | Tana Mose ileŋ la rwoonobi kalŋaana, mi iur zin tomtom ambaimbaiŋan be tikam peeze pizin Israel. Pakan tikamam peeze pa tomtom munŋaana ta (1,000), pakan pa tomto lamata (100), pakan pa tomtooru laamuru (50), mi pakan tikamam peeze pa tomtom laamuru men. |
2467 | EXO 32:28 | To zin wal ki Lebi tila ma tikam kembei ta Mose iso na. Aigule tana na, tikuruumu zin tomooto kembei munŋaana tel (3,000) pa buza ma timetmeete lup. |
15447 | PSA 90:4 | Pa ndaama munŋaana (1,000) ta ila kek na, nu re kembei ta aigule tamen. Ina kembei neeri ŋonoono pa nu motom. Ina mazwaana katŋana kat, irao kembei ta amsu ma amkeene mi ampol pa mbeŋ lukutuunu. |
15467 | PSA 91:7 | Sombe tomtom munŋaana men (1,000) timetmeete ma titoptop su zilŋom uunu, mi tomtom munŋaana laamuru (10,000) timetmeete su nomom woono, na moto pepe. Pa koroŋ sa ko ipasaanu som. |
22648 | JON 4:11 | Ninibe na kar biibi, mi ka tomtom bizin boozo kat (120,000) ta matan munŋan mi tikilaala mbulu kizin som. Mi mbili kizin tomini, boozomen. Parei, irao be aŋkam ŋgar pizin mi aŋmuŋai zin som?” |
23687 | MAT 14:21 | Wal ta tikan kini tina, tinin zin tomooto men ma tirao kembei munŋaana lamata (5,000). Mi moori ma pikin na, ninŋan som. |
23740 | MAT 15:38 | Zin tomooto ta tikan kini tina na, tinin zin ma tirao kembei munŋaana paŋ (4,000). Mi moori ma pikin na, ninŋan som. |
23808 | MAT 18:12 | “Lak, sombe tomtom sa, ni le sipsip tomto lamata, mi so tasa imbiriizi, inako ikam parei? Ni ko izem zin tomto paŋ lamoro mata mi paŋ (99) tana ma timbotmbot su abal zilŋaana, mi ila iru sipsip kini ta isaŋsaŋ na. |
23820 | MAT 18:24 | Ni imaŋga pa tiiriŋana na, tikam tomtom kini ta ma imar. Tomtom tana, ni ipasaana pat zaanaŋana kat (kembei ta 10 milion kina) ma imbiriizi. |
24092 | MAT 25:15 | Mi iur pat ikot zin tataŋa irao ŋgar kizin kizin. Iur pat munŋaana lamata (kembei 5,000 kina) ila ki mbesooŋo ta. Mi munŋaana ru (2,000 kina) ila ki toro, mi munŋaana ta (1,000 kina) ila ki toro. Tona izem zin mi ila. |
24093 | MAT 25:16 | “Mbesooŋo ta ikam pat munŋaana lamata na, ni loŋa mi imaŋga pa ka uraata. Tabe ipeebe muŋaana lamata (5,000) tomen ma isala ki ma iwe munŋaana laamuru (10,000 kina). |
24094 | MAT 25:17 | Mi ni ta ikam munŋaana ru na, ikam mbulu raraate. Tabe ipeebe munŋaana ru tomen ma isala ki ma iwe munŋaana paŋ (4,000 kina). |
24446 | MRK 5:13 | Ni iyok pizin, tona tiyooto pa tomtom tana mi tila tiru pizin ŋge. Ŋge uunu tana biibi kat, kembei munŋaana ru (2,000) ma iŋgi. To zin ŋge tana tiko, mi tiparkamtoto zin ma tila pa yok tatiliuŋana kezeene, to tizirir pa dogo ma tisula, mi tiwin katkat yok ma timetmeete lup. |
24513 | MRK 6:37 | Yesu ipekel kwon ma iso: “Soom. Niom ituyom kakam kan kini ma tikan.” Mi zin tipekel kwoono ma tiso: “Wai, mi niam leyam pat denari 200 sa be amgiimi iwal biibi ti kan kini? Wal ti sorok?” |
24520 | MRK 6:44 | Wal ta tikan narabu tana na, tinin zin tomooto men ma tirao kembei munŋaana lamata (5,000). |
24578 | MRK 8:9 | Zin iwal ta tikan kini tina na, tinin zin ma tirao kembei munŋaana paŋ (4,000). Tikan makiŋ to, Yesu iso pizin be timureege mi timilmiili ma tila pa kar kizin kizin. |
24828 | MRK 14:5 | Ŋgere ti na, ka pat ta sorok som. Be toŋgomoono, so takam pat biibi kembei 300 denari mi kwoono be tu'uulu zin sorrokŋan pa!” Tana tiyaambi. |
25079 | LUK 2:37 | Tabe ni iwe nora ma imbotmbot mi iŋgi ndaama kini irao tomto paŋ kwoono paŋ (84). Mi ni imbesmbeeze pa Anutu lela urum lene ikot mbeŋ ma aigule. Izemzem som. Mi iŋgalseksek itunu pa kini kanŋana pa aigule pakan mi izuŋzuŋ men. |
25384 | LUK 9:14 | Tiso ta kembei paso, wal tana, tinin zin tomooto men ma irao kembei munŋaana lamata (5,000). Tona Yesu iso pizin: “Kuur zin tomtom ma irao tomtooru laamuruŋa pa uunu uunu.” |
25433 | LUK 10:1 | Kaimer to Yesu ipeikat tomtom tomto tel laamuru mi ru (72) tomen, mi iur zin se ruŋa pa uraata be timuuŋgu ma tila pa kar boozomen ta ni isombe ila pa i. |
25661 | LUK 15:4 | “Lak, kozobe tomtom tiom tasa imborro zin sipsip tomto lamata, mi sombe tasa imbiriizi, inako ikam parei? Ni ko izem zin tomto paŋ lamoro mata mi paŋ (99) tana ma timbotmbot su lele bilimŋana, mi ila iru sipsip tamen ta isaŋsaŋ na. |
25664 | LUK 15:7 | “Nio aŋso kat piom. Tomtom sananŋana sa isombe itooro leleene, na kar saamba kan ko tikam mbulu raraate men. Ko tikam orooro biibi isala, mi lelen ambai kat pa tomtom tina ma ilip pa wal tomto paŋ lamoro mata mi paŋ (99) ta tindemeere sorok kembei zin wal ndeeŋeŋan mi titooro lelen som. |
26184 | JHN 2:20 | Tabe zin Yuda tiso: “Wa, urum biibi taiŋgi, tikamam uraata pa ma irao ndaama tomtooru lamata mi ta (46) kek. Mi nu sombe rao pamender mini pa aigule tel men?” |
26284 | JHN 5:5 | Tomtom kaamaŋana ta, ni imbot yok tana kezeene. Ni imbotmbot ta kembei ma irao ndaama tomoota lamoro mata mi tel (38) kek. |
26336 | JHN 6:10 | Tona Yesu iso pizin naŋgaŋ kini ma iso: “Kala koso pizin iwal ma mbulen isu.” Lele ta timbot pa na, mbutmbuutuŋana. Iwal biibi tana mbulen su makiŋ to, Yesu ikam narabu tana mi isuŋ pa, mi irai pizin. To ikam mbulu raraate men pa ye tomini. Mi tomtom ta boozomen tikan ma isooŋo zin. Iwal biibi tana, tinin zin tomooto kizin men ma tirao kembei munŋaana lamata (5,000). Mi moori ma pikin na, ninŋan som. |
26654 | JHN 12:5 | “Waii, pasaana sorok ŋgere tana paso! Kozobe imbot ma tala toŋgomoono, so takam pat ta sorok som kat. Irao kembei 300 denari ma iŋgi. Tona tu'uulu zin wal sorrokŋan pa.” |
26978 | JHN 21:11 | Tana Simon Petrus ipera ma isala wooŋgo, mi iyaaru pu raama ye ma ilela pa peende. Pu tina, ye tilela ma bok kat mabe rek. Mi ye ta sorok som. Ye ta bibip men. Mi tinin zin na irao tomto lamata, tomtooru, laamuru mi tel (153). |
27007 | ACT 1:15 | Indeeŋe mazwaana tana na, aigule ta, zin wal ta titoto Yesu i tilup zin. Zin ko kembei tomto lamata tomoota (120). To Petrus imaŋga mi iso ta kembei. |
27059 | ACT 2:41 | Aigule tana na, zin tau tiurla Petrus kalŋaana, mi tikam yok mi tila tigaaba zin wal urlaŋana kan na, zin ko kembei munŋaana tel (3,000) ma iŋgi. |
27095 | ACT 4:4 | Mi zin tomtom tau tileŋ sua kizin na, boozomen tiurla. Tabe tila tigaaba zin ta muŋguŋan na, to zan isala kat. Zin tomtom tirao kembei munŋaana lamata (5,000). |
27164 | ACT 5:36 | Motoyom imiili pa Teudas. Ndaama pakan ta ila kek na, ni imar ipet, mi izzo pa itunu be ni tomtom toro. Ma tomtom tau sorok som (400), ta tila tito i. Lak, koozi imbotmbot i? Som. Tipuni ma imeete, to naŋgaŋ kini tikam pirik, mi kosa sa som. |
27191 | ACT 7:6 | Mi Anutu isope i tomini ta kembei: Kaimer popoŋana ku ko tiwe leembe pa lele toro. Mi lele tana ka tomtom bizin ko tikam zin ma tiwe len mbesooŋo, mi tiseseeze matan ma irao ndaama 400. |
27199 | ACT 7:14 | Tona Yosep iso la pa tamaana mi toono ma tiziini bizin be tiyauyau mi timar kini. Zin wal ta tisula na, zin tomto tel lamoro mata (75). |
27451 | ACT 13:20 | Uraata ta boozomen tana ikam ndaama 450, to zin Israel tikam toono Kanaan ma iwe len kat. “Kaimer mana, Anutu iur zin bibip tau len ŋgarŋan i be tikam peeze pizin, mi imar imar ma indeeŋe mazwaana ki Samuel ta Anutu kwoono na. |
27673 | ACT 19:19 | Mi wal boozomen ta tikamam naborou na, timar raama ro kizin ta naborou kan sua izze i. To iwal biibi tirre, mi tiswiri sala you ma ikan ma imap. Beso titoombo tirobon ro kizin tana kadoono na, sorok som kat Ko irao kembei pat milmilŋan 50,000 ma iŋgi. |
27770 | ACT 21:38 | Pa nio aŋkam ŋgar pa tomtom ki Aikuptu ta uriizi ŋonoono ipese wal zigzikŋan munŋaana paŋ (4,000) mi iyaaru zin ma tila pa lele bilimŋana be tikam malmal na. Tabe aŋso ko nu tau.” |
27825 | ACT 23:23 | Biibi ŋonoono tana imaŋga to iboobo bibip ru kizin malmal kan ma timar, mi iso pizin. Iso: “Kala ma kere zin malmal kan tomto laamuru (200), mi zin hos kan tomto tel laamuru (70), mi izi kan tomto laamuru (200) be tisula pa Sisarea pa mbeŋ ta koozi. |
27960 | ACT 27:37 | Niam tomto laamuru tomto tel lamoro mata mi ta (276), ta amse wooŋgo i. |
28281 | ROM 11:4 | Mi Anutu ipekel sua kini be parei? Iso: Soom. Zin tomtom tio 7,000 tomen ta aŋkiskis zin ma timbotmbot na. Mi zin tina tilek kumbun pa merere pakaamŋana Baal pasa zen. |
28643 | 1CO 10:8 | Mi takam mbulu kizin me ma ŋge pepe. Pa zin Israel pakan tikam ta kembei, mi tomtom kizin 23,000 timetmeete pa aigule tamen ŋonoono. |
28765 | 1CO 14:19 | Tamen sombe niamŋan Anutu wal kini amlup yam pa suŋŋana, na leleŋ be aŋso sua ta tomtom ta boozomen tirao be tileŋ mi tikam ŋgar pa. Sombe aŋso sua lamata men ta tomtom tirao be tikam ŋgar pa, ina ambai ma ilip pa sua munŋaana ma munŋaana kat (10,000) ta tomtom tirao be tikam ŋgar pa som na. |
28792 | 1CO 15:6 | To aigule ta na, ipet kizin toŋmatiziŋ kiti 500 mi kwoono, mi tire i lup. Wal tana, kizin boozomen ta timbotmbot men i. Mi tomtom kizin tataŋa, na ra, timetmeete kek. |
29186 | GAL 3:17 | Sua tio ti na, ka uunu ta kembei: Anutu imbuk sua pa Abaraam, mi ndaama boozo kat (430) imap mana, ikam tutu pizin Israel. Tana tutu irao iyembut sua mbukŋana tana na som. Pa imar kaimer. |
30597 | 2PE 3:8 | Mi niom wal tio, motoyom iŋgal koroŋ ta ti. Merere, ni ire aigule ta, ina kembei ta ndaama munŋaana ta (1,000). Mi ndaama munŋaana ta, ina kembei ta aigule ta. Ziru raraate men pa ni mataana. |
30882 | REV 7:4 | Aŋbotmbot mi aŋleŋ la pizin Israel piizi ta Anutu kilalan kini ise kizin na. Mi aŋleŋ na, zin munŋaana ma munŋaana (144,000). Zin Israel un tataŋa na, ka tomtom bizin munŋaana laamuru mi ru (12,000) ma ikot zin. Tana Yuda popoŋana kini, Ruben, Gat, Aser, Naptali, Manase, Simion, Lebi, Isaka, Zebulun, Yosep, mi Benyamen na, tomtom kizin munŋaana laamuru mi ruruŋa (12,000) ta kilalan ki Anutu ise kizin ma ikot zin. |
30924 | REV 9:16 | Mi aŋleŋ kembei aŋela paŋ tana malmal kan kizin tabe tise hos i, na munŋaana ma munŋaana kat (200 million). |
30942 | REV 11:2 | Mi lele ta ipapiliu Urum Merere na, kin pepe. Pa ina Anutu izem ma iwe zin wal ta Yuda somŋan i len ma irao puulu tomtooru mi ru. Tana zin ko tipadagdaaga kar potomŋana ta Yerusalem na ma irao aigule 1,260. Indeeŋe mazwaana tana na, nio ko aŋgo tomtom tio ru be tiwe nio kwoŋ mi tipombolmbol sua tio. Ziru ko tiŋgun muuŋgu mi tiru pa mburu gabgapŋan.” |
30953 | REV 11:13 | Indeeŋe kat mazwaana tina na, yeŋyeeŋge biibi kat itok toono, mi kar biibi tana pakaana ta ite ma imap. Mi pakaana lamata mi paŋ na, imbot ambai. Mi tomtom munŋaana lamata mi ru (7,000) timetmeete ma tila len pa yeŋyeeŋge tana. Mi zin ta timbot na, motoŋana biibi kat ikam zin. Pa tikilaala Anutu mburaana tau. |
30965 | REV 12:6 | Mi moori tana, ni iko ma ila lele bilimŋana ta Anutu itunu iur pini pataaŋa kek be imbot pa. Mi Anutu ko mataana pini mi ire i pa ka kini ma irao aigule munŋaana ta tomto laamuru tomto tel (1,260). |
30995 | REV 13:18 | Tana koroŋ imbot la ŋgar. Tomtom ta sombe le ŋgar, nako iute zaala tabe inin koroŋ sananŋana tana kin kini, mi ikilaala ka uunu. Kin tana na 666. Mi ina imender pa tomtom. |
30996 | REV 14:1 | Aŋbotmbot mi motoŋ la na, aŋre Sipsip ki Anutu ziŋan zin tomtom ta munŋaana ma munŋaana kat (144,000) timendernder sala abal Sion. Mi zin iwal tina na, ni zaana mi tamaana zaana ise ndomon. |
30998 | REV 14:3 | Mi iwal munŋaana ma munŋaana kat (144,000) tana timbo mboe popoŋana isu Biibi muriini tau wal zanŋan tomoota mi paŋ mi koroŋ matan yaryaaraŋan paŋ timbotmbot pa na. Iwal biibi tana, ina zin tomtom ki toono tiŋgi ta Anutu iŋgiimi zin ma tiwe lene kek. Mi zin men ta tirao be tiute mboe tana. |
31015 | REV 14:20 | Mi baen ŋonon tana, ina tipadagdaaga su kar zilŋaana, mi surun biibi kat. Ireere ma ila molo kat ma irao kembei 300 kilomita. Mi ipot ma ise ma raraate pa hos kwoono. Baen surun tana, ina imender pa tomtom siŋin. |
31109 | REV 20:2 | Isula to ikiskis mooto tau. Anoŋ ta aliŋgumuraŋana na. Tipaati be Tomtom Sanaana mi Sadan na. Mi ipo i pa re tana, mi ipundu i sula naala ta usomŋana na, mi ipakaala kwoono ma tuŋ kat be imbot ma irao ndaama munŋaana ta (1,000). Tana ni ko irao ipandelndel zin karkari mini som ma irao ndaama munŋaana ta tina imap. Tamen kaimer na, bela tizemi, mi ipa lene pa mazwaana suruunu ri. |
31113 | REV 20:6 | Zin wal ta so timbot lela maŋgaŋana mataana kana tina, nako menmeen zin biibi pa kampeŋana tana. Pa zin tiwe Anutu wal kini potomŋan kek. Tana meeteŋana ta iwe ru pa i, ko irao ikam kosa sa pizin na som. Mi zin ko tiwe zin patoronŋana kan, mi timbeeze pa Anutu mi Krisi. Mi ziŋan Krisi ko tikam peeze pa ndaama munŋaana ta (1,000) tana. |
31138 | REV 21:16 | Aŋela ikin molo ki kar mi babaŋana kini na, raraate men. Mi kor kana ta kembena irao kembei 12,000 stadia. |
31139 | REV 21:17 | Be ikin siiri na, irao 144 kubit. Reo tana, ki aŋela. Mi iti tomtom sombe tuur reo pa, ina raraate men. |