17	GEN 1:17	Ni iur koroŋ boozomen tana sala saamba, be tiur mat pa toono, mibe tiur mbut pa aigule mi mbeŋ. Mi Anutu ire ma ndabok.
27	GEN 1:27	Tana Anutu iur tomtom ma kembei itunu ruŋguunu. Ni iuri ma irao kat itunu ruŋguunu. Iur tomooto mi moori.
42	GEN 2:11	Namaana ta, zaana Pison. Ina ireere ma ila pa toono Abila. Toono Abila tina na, gol ambaiŋana mi pat ndabokbokŋan pakan timbotmbot pa.
66	GEN 3:10	Mi ni ipekel sua kini ma iso: “Nu wa pa mokleene mi nio aŋkanamaalu, tabe aŋmoto mi aŋmar aŋke i. Pa iŋgi aŋbot sorok.”
67	GEN 3:11	To Anutu iwi i ma iso: “Asiŋ iso u ta kembena? Nu tana, ke tau aŋur ŋgalseki pu be kan pepe, ta ko kan sa kek, na?”
68	GEN 3:12	Tomooto iso: “Nio som. Moori ta nu uri pio ta ikam ma aŋkan.”
69	GEN 3:13	Tona Merere Anutu iso la pa moori: “Wai, nu kam mbulu taiŋgi paso?” Mi moori iso: “Nio som. Mooto ipakaam yo, tabe aŋkan.”
70	GEN 3:14	To Merere Anutu iso la pa mooto ta kembei: “Nu kam mbulu sananŋana kat, tana kadoono tabe aŋkam pu i ko biibi ma ilip. Mbotŋana ku ko ipa ndel pa zin mbili ma koroŋ su kan ta boozomen. Ketem ruunu ko iwe kumbum keteene, mi pa pa. Mi kom kini na, musmuuzu ki toono. Mi ko mbotmbot ta kembena ma irao swom.
72	GEN 3:16	Mi moori na, Anutu iso pini ta kembei: “Nu sombe kopom, nako pataŋana ikamu. Mi sombe kam tomtom, na nio ko aŋkam ma re yoyouŋana biibi kat. Tamen ŋgar ku ko iko pa waem na som. Mi nu ko mbot la ni kopo mbarmaana mi ni imboro u.”
73	GEN 3:17	Mi Adam na, Anutu iso pini ta kembei: “Nu leŋ la waem kalŋaana, mi kan ke ŋonoono ta aŋur ŋgalseki pa na. Uunu ku tana, ta ikam ma iŋgi be aŋpasaana toono i. Mazwaana ta so nu mbotmbot su toono, nako kam uraata ma biibi, to ndeeŋe kom kini.
82	GEN 4:2	Kaimer to Eba ikam pikin tomooto toro, zaana Abel. Ni ziru toono Kain timbot ma tiwe tomtom, to Abel imborro zin mbili mi Kain ikamam uraata pa mokleene.
87	GEN 4:7	Sombe kam kat mbulu, inako nio leleŋ pu mi irao nim ise mini. Nu tina, kozo re u. Pa sanaana izaŋzaaŋu su kataama kwoono. Tana gabiizi itum, mi koto ŋgar sananŋana tana.”
89	GEN 4:9	Tona Merere iso pa Kain: “Ai, tizim Abel ila parei?” Ni ipekel kwoono ma iso: “Wa, nio aŋute i? Uraata tio be aŋborro tiziŋ?”
91	GEN 4:11	Nu pun tizim ma siŋiini ireere, mi toono kwoono ikaaga mi iwin kek. Tana iŋgi aŋur lem kadoono ta kembei: Nu ko irao mbot toono tiŋgi mini na som.
95	GEN 4:15	Tamen Merere iso: “Na som. Tomtom sa isombe ipunu, nako nio aŋpokot pa lamata mi ru.” To iur kilalan ta ise ki Kain, beso tomtom tire i, na irao tipuni som.
96	GEN 4:16	Tona Kain izem Merere, mi ila imbot su toono pakaana ta zaana Nod. Toono tana imbot la lele pakaana ki mokleene Eden ta zoŋ izze pa i.
102	GEN 4:22	Lamek kusiini Zila ipeebe Tubal-Kain. Tubal-Kain, ni ikam maata pa mburu uraata kana matakiŋa ta tiurpe pa baras mi ain na. Mi Tubal-Kain lunuri zaana Naama.
111	GEN 5:5	Ndaama ki Adam irao 930, mana imeete.
114	GEN 5:8	Ndaama ki Set irao 912, mana imeete.
117	GEN 5:11	Ndaama ki Enos irao 905, mana imeete.
120	GEN 5:14	Ndaama ki Kenan irao 910, mana imeete.
123	GEN 5:17	Ndaama ki Malalel irao 895, mana imeete.
126	GEN 5:20	Ndaama ki Yared irao 962, mana imeete.
133	GEN 5:27	Ndaama ki Metusela irao 969, mana imeete.
135	GEN 5:29	mi iso: “Anutu ipasaana toono kek, tanata ikam ma takamam uraata biibi kat. Tamen tori ti ko iuulu iti ma ketende su pa uraata kiti.” Tana Lamek ipaata pikin zaana be Noa.
136	GEN 5:30	Noa isu, to Lamek imbot pa ndaama 595 tomen, mi ipeebe pikin tomooto mi moori pakan.
137	GEN 5:31	Ndaama ki Lamek irao 777, mana imeete.
138	GEN 5:32	Noa ndaama kini irao 500, tona ipeebe pikin tomooto tel, ta zan Sem, Ham mi Yapet.
146	GEN 6:8	Tamen Noa na, Merere leleene ambai pini, mi ikampewe i.
147	GEN 6:9	Iŋgi Noa ziŋan popoŋana kini mbol kizin. Noa ipeebe pikin tomooto tel, zan Sem, Ham, mi Yapet. Mi Noa, ni le sosor sa som. Ni itutamen ta tomtom ndeeŋeŋana imbot la wal ta boozomen lelen. Mi ileŋleŋ la Anutu kalŋaana mi ziru tiwwa.
151	GEN 6:13	To Anutu iso pa Noa: “Toono ipen pa mbulu ki malmal. Tana nio leleŋ iur kek be aŋpasaana zin tomtom ramaki koroŋ boozomen ta timbotmbot toono na.
152	GEN 6:14	Tana maŋga be po lem wooŋgo sa. Re ke mbolŋan, to taara mi sap be po wooŋgo pa. Mi sombe po wooŋgo, na didi wooŋgo leleene be iwe boozo mi ŋgal zim pa leleene mi pa mat tomini. Naso imbol kat.
155	GEN 6:17	Leŋ. Nio kola aŋkam ma nonor biibi ipet pa toono, bekena ipasaana koroŋ kalaŋan ta boozomen. Ko aŋpomon zin ma timap. Tana koroŋ boozomen ta timbotmbot pa toono i, ko timetmeete lup.
157	GEN 6:19	Mi yo zin mbili, man, mi koroŋ matakiŋa ta tikarra pa toono i tomini, ruŋaruŋa, tomooto mi paŋgaara, mi kamap ma kelela wooŋgo leleene. Naso zin tomini timbot ambai.
160	GEN 6:22	Anutu iso sua tana ma imap, tona Noa ila ma ikam ka uraata. Ito Anutu sua kini ta boozomen.
161	GEN 7:1	Kaimer to Merere iso pa Noa ta kembei: “Nio aŋre kembei nu itum tamen ta kamam mbulu ndeeŋeŋana pa nio motoŋ. Tana niomŋan kusim, mi lutum bizin, mi rwom moori bizin, kala ma kelela wooŋgo.
163	GEN 7:3	Mi man matakiŋa ta boozomen tomini, kam tomooto lamata mi ru, mi paŋgaara lamata mi ru. Naso kaimer tipeebe mi timasak ma tirao pa toono.
165	GEN 7:5	Merere iso sua tana makiŋ, tona Noa ila ma ikam ka uraata. Ito Merere sua kini ta boozomen.
166	GEN 7:6	Indeeŋe Noa ndaama kini 600 na, nonor biibi be ipet pa toono.
167	GEN 7:7	Tana Noa ma kusiini mi lutuunu bizin ziŋan rwoono moori bizin timap ma tilela wooŋgo leleene bekena timbot ambai. Kokena nonor ipasaana zin.
168	GEN 7:8	Mi zin mbili ta ambai pa patoronŋana i, ramaki zin mbili ta ambai pa patoronŋana som i, mi koroŋ boozomen ta tikarra pa toono i, zin ruŋaruŋa timar ki Noa mi ziŋan tilela wooŋgo. Tito sua ta Anutu iso na.
171	GEN 7:11	Indeeŋe ta Noa ndaama kini iwe 600 na, ka puulu iwe ru pa mi ka mbeŋ iwe lamoromata mi ru na, toono kwoono ikaaga, mi yok biibi ta imbot meleeba na, ise raama mburaana biibi. Mi saamba tomini, kwoono ikaaga mi yok ta imbot kor na itop ma zaza.
173	GEN 7:13	Indeeŋe kat aigule tana na, Noa ma kusiini mi lutuunu bizin tel Sem, Ham, mi Yapet ziŋan kusin bizin tilela wooŋgo leleene
175	GEN 7:15	Tana koroŋ kalaŋan matakiŋa ta boozomen, ruruŋa, tomooto mi paŋgaara, ta ziŋan Noa tilela wooŋgo leleene, kembei ta muŋgu Anutu iso na. To Merere itunu ikotkaala kataama pizin.
177	GEN 7:17	Nonor ikelkel kat ma irao aigule tomtooru. Mi yok ipen ma ise kor ma li irao be wooŋgo ipotpot.
183	GEN 7:23	Ina zaala ta Merere ipambiriizi koroŋ ta boozomen pa toono. Zin tomtom, mbili, koroŋ karraŋan, mi man ta tirie sala maŋaanaŋana na, sa imbot mini som. Timap ma tila len. Tamen Noa ziŋan wal kini, zin timbot ambai lela wooŋgo leleene.
185	GEN 8:1	Anutu, ni mataana iŋgalŋgal Noa mi koroŋ boozomen ta ziŋan Noa timbotmbot lela wooŋgo leleene na. Tana ikam miiri ma imar be iwike yok ma izzu.
190	GEN 8:6	Aigule tomtooru tomen imap, to Noa ipakaaga wooŋgo ka konkwoono ta muŋgu iurpe na, mi ipirie man aŋkor ta ma ila. Man tana irie ma ikoliuliu ma irao yok imaaga kat. To imiili mini som.
192	GEN 8:8	Tabe Noa isombe iute: Ko yok isula kek, som zen? Tana ipirie mbalmbal ta ma ila.
193	GEN 8:9	Tamen yok imaaga kat zen. Tabe mbalmbal irao indeeŋe muriini sa be isala na som. Tana imiili ma imar mini, mi Noa isara namaana ipera mat, mi man ise namaana, to ikami ma ilela.
194	GEN 8:10	Noa inaama ma aigule lamata mi ru tomen imap, to ipirie mbalmbal ma ila mini.
195	GEN 8:11	Rorou na, mbalmbal imiili ma imar raama ke olib ruunu popoŋana ta imbot la kwoono. Tana Noa iute yok imaaga kek.
196	GEN 8:12	Noa inaama ma aigule lamata mi ru tomen imap, to ipirie mbalmbal ma ila mini. Mi mazwaana tana mbalmbal imiili som.
197	GEN 8:13	Tana indeeŋe Noa ndaama kini irao kembei 601, mi puulu mataana kana ka mbeŋ mataana kana na, yok imaaga pa toono kek. Tana Noa ikiili wooŋgo ka ruumu uteene, mi itiiri lele ma ire yok imaaga pa toono kek.
199	GEN 8:15	To Anutu iso pa Noa, iso: “Zem wooŋgo, mi niomŋan kusim mi lutum bizin mi rwom moori bizin koyooto ma kepera mat.
202	GEN 8:18	Tana Noa ma kusiini mi lutuunu bizin mi rwoono moori bizin tizem wooŋgo ma tipera mat.
204	GEN 8:20	Tona Noa indou pat pakan mi iurpe patoronŋana muriini pa Merere. Mi ikam mbili mi man pakan ta ambai pa patoronŋana i, mi ipun zin, to iur zin sala pat ndouŋana tana, mi ineene zin be iwe patoronŋana pa Merere.
207	GEN 9:1	To Anutu ipombol Noa ziŋan lutuunu bizin, mi iso pizin ta kembei: “Kepeebe mi kamasak ma karao pa toono ta boozomen.
213	GEN 9:7	To Anutu iseeŋge sua kini, mi iso pa Noa ziŋan lutuunu bizin ta kembei: “Niom kepeebe mi kamasak ma karao pa toono. Mi keleŋ. Niom mi zin popoŋana tiom tabe tipet pa kaimer i, mi koroŋ kalaŋan boozomen ta niomŋan kombot lela wooŋgo leleene mi kepet mat mi kombotmbot su toono na, nio aŋsombe aŋbuk sua piom.
217	GEN 9:11	Sua ta kembei: Nio ko irao aŋkam mini nonor biibi sa be ipambiriizi koroŋ kalaŋan ma tila len na som. Mi toono ta kembena. Nonor biibi sa ko irao ipasaana mini na som.”
220	GEN 9:14	Beso aŋur miiri tieene sala maŋaanaŋana mi za ipet ramaki, na nio ko motoŋ iŋgal sua ta aŋbuk piom mi koroŋ kalaŋan ta boozomen. Sua ta kembei: Nonor sa ko irao ipambiriizi yom mini som.
223	GEN 9:17	Tana Anutu iso pa Noa ta kembei. Iso: “Za, ina iwe kilalan pa sua ta aŋbuk pa koroŋ kalaŋan boozomen ta timbotmbot pa toono na.”
224	GEN 9:18	Noa lutuunu bizin tel ta timbot wooŋgo mi tiyooto ma tipet mat na, zan: Sem, Ham, mi Yapet. Ham, ni lutuunu zaana Kanaan.
225	GEN 9:19	Iwal boozomen ta timbotmbot su toono na, tiyooto pa Noa lutuunu bizin tel tana.
226	GEN 9:20	Noa, ni tomtom ki woomo, mi ikam maata pa baen paazaŋana.
228	GEN 9:22	Mi Noa lutuunu Ham, ta Kanaan tamaana na, ire la pa tamaana ta ikenne sorok na, to ila ki toono bizin, mi iso zin pa mbulu ta ire na.
230	GEN 9:24	Noa imaŋga ma mataana ikam pak, to ileŋ sua pa mbulu ta lutuunu kaimerŋana Ham ikam pini na.
234	GEN 9:28	Nonor biibi imap, tona Noa imbot pa ndaama 350 tomen. Tana ndaama kini irao kembei 950, mana imeete.
236	GEN 10:1	Iŋgi mbol ki Noa lutuunu bizin mi popoŋana kizin. Noa ipeebe lutuunu bizin tel, zan Sem, Ham, mi Yapet. Nonor biibi imap, to popoŋana kizin tipet ta kembei:
243	GEN 10:8	Kus, ni ipeebe pikin ta, zaana Nimrot. Nimrot, ni zaana biibi pa malmal,
244	GEN 10:9	mi Merere ire i kembei ni irao kat pa noŋana. Tanata kaimer tizzo ta kembei: Tomtom ta so irao kat pa noŋana na, ni kembei ta Nimrot.
245	GEN 10:10	Nimrot, ni imboro lele pakaana biibi ta zaana Sinar (zaana toro Babilon). Lele tana na, kar bibip tel timbot pa. Zan Babel, Erek, mi Akat.
246	GEN 10:11	Kaimer to Nimrot izem lele tana, mi ila pa lele pakaana ki Asiria mi iur kar bibip paŋ ta zan Ninibe, Reobot-Ir, Kala, mi Resen. Kar Resen, ina imbot la kar Ninibe mi kar Kala mazwan. Mi kar biibi kat ta Ninibe.
248	GEN 10:13	Mi Aikuptu lutuunu bizin na: Lud, Anam, Leap, Naptu, Patrus, Kaslu, mi Kaptor. Kaslu tana, ta zin Pilistia kan tiyooto pini.
256	GEN 10:21	Noa lutuunu Sem, ta Yapet toono na, ni tomini ipeebe, mi iwe zin wal ki Eber un.
267	GEN 10:32	Tana nonor biibi imap, to Noa popoŋana kini ta zan ise tiŋgi lutuunu bizin tila mi tirao pa lele ta boozomen ma tiwe wal uunu boozo. Zin tel tana, ta tiwe wal boozomen ta timbotmbot toono na un.
271	GEN 11:4	To timaŋga mi tiso: “Lak! Kozo iti tuur lende kar biibi sa, mi topo urum tau uteene isala ma koŋsala saamba. Naso zanda iwe biibi. Mi koroŋ toro tomini. Uraata biibi tiŋgi ko ilup ti ma tewe tamen. Kokena tumureege ma tombot leŋaleŋa irao toono ta boozomen.”
274	GEN 11:7	Kozo tusula mi totooro kalŋan ma iwe ndelndelŋa. Naso tapakankaana zin ma irao tiparleŋ kalŋan mini som.”
289	GEN 11:22	Seruk ndaama kini irao 30, to ipeebe pikin tomooto ta, zaana Naor.
290	GEN 11:23	Naor isu, to Seruk imbot pa ndaama 200 tomen, mi ipeebe pikin pakan, mana imeete.
291	GEN 11:24	Naor ndaama kini irao 29, to ipeebe pikin tomooto ta, zaana Tera.
292	GEN 11:25	Tera isu, to Naor imbot pa ndaama 119 tomen, mi ipeebe pikin pakan, mana imeete.
293	GEN 11:26	Tera ndaama kini irao 70, to ipeebe lutuunu bizin tel ta zan Abaram, Naor, mi Aran.
294	GEN 11:27	Iŋgi Tera ziŋan popoŋana kini mbol kizin: Tera ipeebe Abaram, Naor, mi Aran. Aran, ni ipeebe Lot.
296	GEN 11:29	Abaram iwoolo Sarai, mi Naor iwoolo Milka. Milka ziru Iska taman ta Aran.
301	GEN 12:2	Nio ko aŋkam popoŋana ku ma tipet ma tiwe boozo kat mi wal zanŋan. Mi kampeŋana tio ko imbotmbot se ku, mi aŋkam zom ma iwe biibi. Mi nu ko we zaala pa wal boozomen be tikam kampeŋana ambaiŋana.
308	GEN 12:9	Kaimer to ni imaŋga mini pa pai, mi iwwa ma ila pa lele pakaana biibi ta zaana Negeb.
310	GEN 12:11	Tila ma tigarau pa Aikuptu, to Abaram iso pa kusiini Sarai ta kembei. Iso: “Leŋ. Nio aŋute nu moori kaibiim kat.
312	GEN 12:13	Tana kozo tala, to so pizin be nu tom ta nio i. Naso nu ndomom pio, mi tikampe yo ma aŋbot ambai.”
317	GEN 12:18	Tana king iboobo Abaram ma imar, mi iyaambi i ta kembei: “Parei ta nu kam mbulu tiŋgi pio? Ni sa nu kusim na! Parei ta nu sombe lumri? Nio aŋurla sua ku, tana aŋsombe aŋkami ma iwe kusiŋ. Is, kam kusim mi niomru kala leyom.”
320	GEN 13:1	Tana Abaram ziŋan kusiini mi lutuunu Lot tikam koroŋ kizin ta boozomen ma tizem Aikuptu, mi timiili ma timar mini pa lele pakaana ki Negeb.
322	GEN 13:3	To Abaram izem lele ki Negeb, mi imaŋga mini mi izirri i ma ila ipet lele ta imbot la kar Betel mi kar Ai mazwan, mi isuŋ pa Merere su tana. Pa lele tana, ta muŋgu ni ipun su pa mi ipo patoronŋana muriini.