55	GEN 2:24	Uunu tina ta tomooto sa, sombe iwoolo, na bela izem tamaana mi naana, mi ziru kusiini tiparlup zin ma tiwe tamen.
73	GEN 3:17	Mi Adam na, Anutu iso pini ta kembei: “Nu leŋ la waem kalŋaana, mi kan ke ŋonoono ta aŋur ŋgalseki pa na. Uunu ku tana, ta ikam ma iŋgi be aŋpasaana toono i. Mazwaana ta so nu mbotmbot su toono, nako kam uraata ma biibi, to ndeeŋe kom kini.
89	GEN 4:9	Tona Merere iso pa Kain: “Ai, tizim Abel ila parei?” Ni ipekel kwoono ma iso: “Wa, nio aŋute i? Uraata tio be aŋborro tiziŋ?”
153	GEN 6:15	Ur wooŋgo ka kin ta kembei: molo kini irao re tomto tel lamoromata (133 mita), mi babaŋana kini irao re laamuru mi ru (22 mita), mi kor kana irao re lamata mi ru (13 mita).
240	GEN 10:5	Zin wal uunu tana, ina Yapet tumbuunu bizin. Zin tila ma tirao sousou mi mutu ta boozomen. Un tataŋa tila timbot la lele kizin kizin, to tiparmbot molo pizin, mi ziŋan tiparso sua pizin mini som. Tabe kalŋan itooro ma iwe ndelndelŋa.
258	GEN 10:23	Aram lutuunu bizin na: Us, Ul, Geter, mi Mas.
261	GEN 10:26	Yoktan lutuunu bizin na: Almodat, Selep, Asamabet, Yera, Adoram, Usal, Dikla, Obal, Abimael, Seba, Opir, Abila, mi Yobap. Wal tina, ta Yoktan lutuunu bizin.
271	GEN 11:4	To timaŋga mi tiso: “Lak! Kozo iti tuur lende kar biibi sa, mi topo urum tau uteene isala ma koŋsala saamba. Naso zanda iwe biibi. Mi koroŋ toro tomini. Uraata biibi tiŋgi ko ilup ti ma tewe tamen. Kokena tumureege ma tombot leŋaleŋa irao toono ta boozomen.”
295	GEN 11:28	Aran tamaana Tera imbotbot men, mi Aran imeete su kar kini Ur, ta imbot la lele pakaana biibi ki Kaldia na.
298	GEN 11:31	Tera, ni ikam lutuunu Abaram, mi tumbuunu Lot, ta Aran lutuunu na, mi rwoono moori Sarai, ta Abaram kusiini na, ma ziŋan tizem kar Ur tau imbot la lele pakaana ki Kaldia na, mi tisombe tila pa toono Kanaan. Tamen tipet kar Aran, to tipun su mi timbot tana.
368	GEN 15:7	Mi Merere iso pini mini ta kembei: “Nio Merere ku. Nio ta aŋkamu ma zem kar Ur ki Kaldia, bekena aŋkam lem toono ta tiŋgi.”
418	GEN 17:20	Mi nu wi yo be motoŋ pa Ismael, tana nio ko aŋkam ta kembena. Nio ko aŋpomboli mi aŋkam popoŋana kini ma tipet ma tiwe boozo kat. Uunu laamuru mi ru ko tiyooto pini. Mi nio ko aŋkam zin ma tiwe wal boozo kat.
442	GEN 18:17	Mi Merere ikam ŋgar ta kembei: “Uraata tabe aŋkam i, ko aŋwatkaala pa Abaraam? Som. Ko aŋswe pini ma ileŋ.
445	GEN 18:20	Tona Merere iso pa Abaraam. Iso: “Zin Sodom mi Gomora kan tinoknok mbulu ta sananŋana kat. Mi sanaana kizin uruunu ramaki tiŋiizi biibi kizin wal ta tikamam ŋoobo zin na, imar ma aŋleŋ kek. Tana aŋsombe aŋsula mi aŋre zin. Naso aŋute kat: Urun mi tiŋiizi biibi ta izze ma aŋleŋleŋ i, ka uunu ŋonoono, som som? Mi sombe tikamam ta kembei, to aŋpambiriizi zin ma timap.”
502	GEN 20:6	To Anutu iso pini: “E, nio aŋute nu ŋgar ku ambai. Uunu tina ta aŋpeteke u be garau Sara pepe. Kokena kam sosor sa pini, to kam sanaana pa nio motoŋ.
543	GEN 21:29	To Abimelek iwi i ma iso: “Uunu parei ta nu yake zin sipsip tana ma tilae?”
569	GEN 22:21	Mi lutuunu bizin ta zan tis: Uz (ni muŋgamuŋga). To Bus, Kemuel (Kemuel ti, ni Aram tamaana). To Kesed, Aso, Pildas, Yidlap, mi kaimerŋana kat na Betuel. (Betuel ti, ni ta Rebeka tamaana). Zin lamata mi tel tina, ina Abaraam tiziini Naor ziru Milka lutun bizin.
598	GEN 24:6	Abaraam ipekel kwoono ma iso: “Som kat! Ur lutuŋ ma imiili mini pa kar muŋguŋana ta aŋzem na pepe.
961	GEN 32:33	Uunu tina ta zin Israel tirao tikan buzur mazaana ta imbot la buzur ka soobo som, ta muŋgu mi imar ma indeeŋe koozi. Paso, Merere ipun Yakop ka soobo ma imbekes.
1006	GEN 34:25	Uraata ki reeteŋana imap ma ka aigule iwe tel pa na, zin tomooto tina timbotmbot raama ka yoyouŋana. Tana timbotmbot, mi Yakop lutuunu bizin ru, Simion mi Lebi, timaŋga ramaki buza kizin mi tilela kar biibi. Mi kar kan tiute ŋgar kizin som. Tana Simion ziru Lebi tila mi tikas zin tomooto ta boozomen ma timap.
1069	GEN 36:28	To Disan lutuunu bizin ta Us mi Aran.
1075	GEN 36:34	Yobap imeete, to Usam ikam muriini. Usam imar pa toono kizin Teman.
1076	GEN 36:35	Usam imeete, to Bedat lutuunu Adad ikam muriini. Adad, ni kar kini ta Abit. Ni ziŋan zin wal ki Midian tiporou su lele ki Moap ma ilip pizin.
1309	GEN 43:18	Tiwwa ma tila mi tipet Yosep ruumu kini, to keten ikam keŋ, mi timoto kan ma tiso: “Wai! Pat ta tipimiili sula gomsaaba kiti, ta ko lende sua pa i. Uunu tina ta ko tikam ti ma tala ruumu kini pa i. Iŋgi ko timaŋga piti, mi tikam ti ma tewe mbesooŋo kini, mi tiyo doŋki kiti tomini ma tiwe lene.”
1408	GEN 46:21	Mi Benyamen lutuunu bizin ta Bela, Beker, Asbel, Gera, Naaman, Ehi, Ros, Mupim, Upim, mi Art.
1410	GEN 46:23	To Dan, ni ipeebe pikin tamen, zaana Usim.
1427	GEN 47:6	Mi lele ta boozomen ki Aikuptu na, nu ta mborro. Tana zin sombe lelen be timbot pa lele pakaana sa, na imbot ma ku tau. Uulu zin mi re len toono pakaana ambaiŋana kat be titu pa. Sombe lelen be timbot lele Gosen, ina ambai. Mi sombe tomtom kizin pakan len ŋgar ambaiŋana pa mbili mboroŋana, tona ur zin be timboro mbili tio tomini.”
1518	GEN 50:11	Titaŋ ma zin wal ki Kanaan ta timbot lele tina tileŋ tiŋiizi kizin, to tiso: “A iŋga ra, zin Aikuptu kan ta titaŋtaŋ a.” Uunu tina ta tiwatwaata lele tana ‘Abel Mizraim.’
1608	EXO 4:6	Mi Yooba iso pini mini ma iso: “Ur nomom ila begem.” Tana Mose iur namaana ila begeene. Beso ipas ma ipet na, ire mbetmbeete sananŋan ikam namaana ma ikokou ma imap.
1609	EXO 4:7	To Yooba iso pini: “Ur nomom imiili ma ila mini.” Tana Mose iur namaana ila begeene kembei Yooba iso pini. Beso ipas ma ipet na, ire namaana ambai mini.
1674	EXO 6:18	Mi Lebi lutuunu toro Koat, ni lutuunu bizin ta Amram, Izar, Ebron, mi Usiel. Koat ndaama kini irao 133 mi imeete.
1678	EXO 6:22	Mi Koat lutuunu Usiel, ni lutuunu bizin ta Misael, Elzapan, mi Sitri.
1726	EXO 8:11	Tamen indeeŋe king ire pataŋana ki ŋgeu imap, to iso: “Ulei, koroŋ sa!” Mi ŋgar kini imbol mini be iruutu zin Israel. Tana ileŋ la Mose ziru Aron kalŋan som. Mbulu tana, ina indeeŋe kat sua ta muŋgu Yooba iso na.
1817	EXO 11:10	Tana Mose ziru Aron tikam uraata mburanŋan boozomen ila king mataana. Uraata tana ipa ndel kat. Tamen Yooba ikam ma ŋgar ki king imbol. Tana ni iyok pizin Israel be tizem toono kini ma tila len na som.
1943	EXO 15:22	To Mose iso pizin Israel ma timaŋga mini pa pai. Tizem Tai Siŋsiŋŋana, mi tiwwa pa lele bilimŋana ta zaana Sur na ma irao aigule tel. Mi tindeeŋe kan yok sa som. To tipet lele Mara. Lele tana yok imbotmbot. Tamen yok tana pakpakŋana. Tabe zin Israel tirao be tiwin som. (Uunu tina ta tipaata lele tana zaana be Mara.)
1994	EXO 17:10	Yosua ila to ito Mose kalŋaana mi iur wal pakan be tigaabi mi ziŋan zin Amalek tiporou. Mi Mose ziru Aron mi tomtom toro, zaana Ur, zin tel tisala lele mbukuunu tana.
1996	EXO 17:12	Tinoknok ta kembei ma Mose namaana imetmeete ma ikonye kat. Tabe Aron ziru Ur tikam pat ta ma tiur su toono, mi ni mbuleene ise. To tiwit namaana ma isala kor. Ta iteege namaana ŋas, mi toro iteege woono. Tiwe suluken pini ta kembei ma irao zoŋ isula.
2061	EXO 20:9	Uraata iwe ta mi ila irao lamata mi ta, ina imbot be nu kam uraata ku. Mi so iwe lamata mi ru pa na, zem uraata ku ta boozomen, mi ketem su ma potom pa. Pa ina, aigule potomŋana ki Yooba Anutu ku. Tana nu niomŋan lutum bizin, mbesooŋo ku, mbili ku, mi zin karkari pakan ta niomŋan kombotmbot na, kozo kamap ma keteyom su pa uraata tiom ta boozomen.
2066	EXO 20:14	“Urnol pepe.
2157	EXO 23:12	“Uraata iwe ta, mi ila irao lamata mi ta, ina imbot be niom kakam uraata tiom. Mi so iwe lamata mi ru pa, na kezem uraata tiom ta boozomen mi keteyom su. Naso mbili tiom uraata kan, mi zin mbesooŋo tiom ta nan bizin tipeebe zin lela ruumu tiom na, mi zin leembe ta niomŋan kombotmbot na, tirao be keten su, mi kulin ila murin mini pa uraata.
2191	EXO 24:13	Tana Mose iso pizin kolman ta kembei. Iso: “Niom kombotmbot tiŋgi mi kazza niamru Yosua. Mi Aron ziru Ur ta timbotmbot na. Sombe pataŋana sa, tona ziru irao tiurpe.” Ni iso makiŋ to, ikam silou kini Yosua mi ziru timaŋga ma tisalae ŋana. To Yosua imbot, mi Mose ruk ma isala kat ta abal ki Anutu uteene na.
2498	EXO 34:1	To Yooba iso pa Mose. Iso: “Urpe pat babaŋan ru ma raraate kembei ta muŋguŋan, to aŋpun sua tio ise mini, kembei ta aŋkam pa pat babaŋan ru ta nu petepaala na.
2499	EXO 34:2	Urpe pataaŋa ta koozi. Mi gaaga, sombe zoŋ ise, to kam zin ma se tio ta abal Sinai uteene i, mi sa yo.
2507	EXO 34:10	Tona Yooba iso pa Mose ma iso: “Koozi, nio aŋsombe niom Israel itiŋan tumbuk sua mini be taparlup ti ma tewe tamen. Nio ko aŋkam uraata bibip piom, mi niom ta boozomen ko kere kat pa motoyom. Uraata tabe aŋkam piom i, ko ipa ndel kat. Iwal karkari tire mbulu sa ta kembei pasa zen. Tana zin kar ta koloulouŋan i, sombe tire, inako timoto kan biibi kat.
2518	EXO 34:21	“Uraata iwe ta, mi ila imiili uraata iwe lamata mi ta, ina be niom kakam uraata tiom. Mi so iwe lamata mi ru pa, na kakam uraata pa pepe. Keteyom su ma kombot. Mi mazwaana ki kini paazaŋana mi kini ŋgaamaŋana tomini, sombe uraata iwe lamata mi ru, na kakam uraata pa pepe. Keteyom su.
2720	EXO 40:12	“Uraata boozomen tana imap lup, tona kam Aron ziŋan lutuunu bizin tomooto ma timar kolouŋana pa beeze kwoono, mi ri zin pa yok.
13972	PSA 4:2	O Anutu, iŋgi aŋboobu. Uulu yo mi so zin tomtom ta kembei: Nio tomtom ndeeŋeŋoŋ. Nu ta urur zaala pio pa pataŋana tio ta boozomen. Tana leŋ suŋŋana tio ti mi muŋai yo. Pa nio mbesooŋo ku tau.
14005	PSA 7:2	O Yooba, Anutu tio, nio aŋpase pu be we ur pio mi menderkaala yo. Uulu yo mi kamke yo pizin wal tau tiketoto yo i.
14010	PSA 7:7	Yooba, maŋga mi swe ketem malmalŋana ku pa koŋ koi bizin. Pa zin na, keten malmal kat pio. Anutu tio, loŋa mar mi uulu yo. Ur kadoono ndeeŋeŋana pa koŋ koi bizin.
14043	PSA 9:12	Kapakur Yooba zaana! Pa ni imbotmbot su kar Sion mi ikamam peeze. Uraata ta ni ikamam na, kosoyaara uruunu pa zin karkari ta boozomen!
14334	PSA 29:9	Yooba kalŋaana ikamam ma buzur saŋsaŋŋan ta koponŋan i, timorsop mi tipepeebe sorok ma tisu. Mi ikamam ma ke runrun ta boozomen titoptop. Tana wal boozomen ta timbotmbot lela Urum Merere na, kalŋan izalla ma tizzo: “Tapakur Yooba! Pa ni zaana mi mburaana biibi kat!”
14454	PSA 35:24	Yooba, nu kamam mbulu ndeeŋeŋana men. Tana mender pio mi so pa koŋ koi bizin ta kembei: Nio leŋ uunu sa isaana som. Uulu yo. Kokena zin menmeen zin pa pataŋana ta ise tio i,
14476	PSA 37:5	Ur itum ila Yooba namaana mi pase pini. To ni ko iuulu u mi iso u pa zaala tabe to i.
14478	PSA 37:7	Sombe uraata kizin wal sananŋan iloondo ambai men, mi tiyo len koroŋ boozo pa zaala sananŋana, na kam ŋgar boozo pizin pepe. Ur nim men mi sa Yooba be iur kadoono pizin.
14539	PSA 39:5	“Yooba, paute yo kat. Ndaama tio piizi ta imbotmbot men i? Ko aŋmeete mi aŋmap pa toono ŋiizi? Uulu yo be aŋkilaala kat ta kembei: Mbotŋana tio ta ki toono ti na molo som.
14543	PSA 39:9	Uulu yo mi tatke yo pa sanaana tio ta boozomen. Kokena wal kankaanaŋan tikam sua repiiliŋana pio.
14554	PSA 40:6	Yooba, nu ta Anutu tio. Kadom tomtom sa som. Pa nu kamam uraata bibip bekena uulu yam. Uraata tana ipa ndel kat. Mi lelem iur kek be kam mbulu ambaimbaiŋan boozomen piam. Sombe aŋtoombo be aŋnin zin, na aŋrao som.
14595	PSA 43:3	Ur mat pio mi so yo pa sua ku ŋonoono. Naso kam peeze pio, mi pazal yo be aŋmiili ma aŋsala mini pa abal ku potomŋana Sion. Pa ina nu murim kat ta tina.
14651	PSA 46:9	Kamar kere uraata bibip tau Yooba ikam na. Motoyom la pa uraata kini mburanŋan ta ni ikam bekena ipunmeete wal toono kan mburan na. Uraata tana, tomtom tire na, motoŋana biibi ikam zin.
14673	PSA 48:9	Uraata bibip ki Anutu, muŋgu amleŋ urun men. Mi koozi na, amre kat uraata biibi ta Anutu tiam ikam pa kar kini na. Yooba, ni mbura keskeezeŋana. Tana kar kini ko imbotmbot ambai ma alok. Pa ni itunu ta ipamender kar tana mi mataana pa.
14737	PSA 51:14	Ulaaŋa ta muŋgu kakamam pio na, leleŋ be aŋre mini. Naso leleŋ ndabok kat. Mi pombol yo be motoŋ leŋleŋ pu.
14743	PSA 51:20	Anutu, kampe kar Sion mi uulu wal ku. Urpe siiri mbolŋana ki Yerusalem ma imender mini.
14754	PSA 52:10	Mi nio, nako aŋmender mbolŋana lela Urum Merere, mi aŋbot ambai ma molo kembei ke olib. Mi Anutu mbulu kini ta itoto sua kini mbukŋana mi iurur leleene pa wal kini na, nio ko aŋpase pa ma alok.
14786	PSA 55:15	Mi kulindi iparrou ti ma taparzzo sua, mi itiŋan iwal biibi tuzuŋzuŋ lela Urum Merere. Mi koozi na, nu we koŋ koi.
14916	PSA 65:6	Ulaaŋa tiam, niam amboobu be uulu yam. Swe mburom ramaki mbulu ku ndeeŋeŋana, mi kam uraata bibip piam. Pa tomtom ta boozomen irao toono biibi mi mutumutu ta munŋaana men, ta tiurur matan pu mi tipase pu.
14929	PSA 66:5	Kamar mi kere uraata bibip ta Anutu ikam la tomtom mazwan. Uraata tana iswe kat Anutu mburaana. Tabe tomtom tire mi timoto kan.
14995	PSA 69:7	Yooba, nu mburom keskeezeŋom. Uulu yo lak! Kokena zin wal ta tiurur matan pu mi tipase pu na, tire pataŋana tio mi kan miaŋ pa, to titop pa urlaŋana kizin. O Anutu tiam Israel, nio aŋkam ŋgar biibi pa zin wal tau tikam kinkiini be tiute u mi timbot kolouŋana pu na. Uulu yo: Kokena mbulu ta ipet pio na, ikam zin ma kan miaŋ.
15004	PSA 69:16	Uulu yo: Kokena wo isur yo ma aŋla leŋ. Kamke yo: Kokena aŋmon sula mozo lukutuunu. Maata yo ma aŋse pa naala ta usomŋana i: Kokena toono ipol salakaala yo.
15046	PSA 71:15	Kwoŋ ko izzoyaryaara mbulu ku ndeeŋeŋana pizin tomtom. Zoŋ ise ma ila zoŋ isula, nako aŋzzo pa uraata bibip ta nu kamam pizin tomtom be uulu zin na. Uraata ku tana, sombe aŋtoombo be aŋnin, na aŋrao som.
15124	PSA 74:21	Mi koyam koi bizin tikototo yam. Tana uulu yam: Kokena amur sorok motoyam pu, to koyam miaŋ. Uulu zin sorrokŋan mi zin wal ta timbot ŋoobo na. Naso timaŋga mi tipakur zom.
15161	PSA 77:11	Tana aŋso pa ituŋ ma aŋso: “Iŋgi Anutu itooro ŋgar kini kek, tanata mburaana iporoukalkaala yam mini som.” Uunu tiŋgi tabe ikam ma leleŋ ipata kat.
15240	PSA 78:69	Mi ipo urum kini potomŋana isala be iwe itunu muriini. Urum tana imbot sala kor kat. Mi uunu ko imbol ma imbotmbot ma alok, kembei ta toono ta ni iur na.
15252	PSA 79:9	Anutu, nu ta tuyam ŋonoono. Uulu yam lak! Naso zom iwe biibi. Yooba, tatke yam pa pataŋana taiŋgi mi reege sanaana tiam. Pa nu zom biibi pa mbulu ta kembei.
15260	PSA 80:4	O Anutu, nu mburom keskeezeŋom, Uulu yam ma ambot ambai mini. Swe itum ramaki kampeŋana ku piam, mi kam mat ku ma iyaara piam. Kamke yam.
15264	PSA 80:8	O Anutu, nu mburom keskeezeŋom. Uulu yam ma ambot ambai mini. Swe itum ramaki kampeŋana ku piam, mi kam mat ku ma iyaara piam. Kamke yam.
15276	PSA 80:20	O Anutu, nu mburom keskeezeŋom. Uulu yam ma ambot ambai mini. Swe itum ramaki kampeŋana ku piam, mi kam mat ku ma iyaara piam. Kamke yam.
15303	PSA 83:2	O Anutu, kwom imun paso? Ur nim mi maane pepe!
15340	PSA 85:7	Motom miili piam. Pa niam wal ku tau. Uulu yam be ambot ambai mini. Naso leleyam ambai pu mi amwidit urum.
15351	PSA 86:4	Merere, nio mbesooŋo ku. Uulu yo. Naso kam ma leleŋ ambai mi menmeen yo. Pa iŋgi suŋŋana tio imama ku raama leleŋ.
15364	PSA 86:17	Tana Yooba, kam mbulu sa tabe iswe kembei kampeŋana ku imbotmbot men se tio. Uulu yo mi potor leleŋ. Naso koŋ koi bizin tire mi kan miaŋ.
15460	PSA 90:17	Merere Anutu tiam, niam leleyam be kampeŋana ku imbotmbot se tiam. Uulu yam be uraata tiam ta amkamam pa nomoyam na iloondo ambai. Pombol uraata tiam. Naso iur ŋonoono.
15559	PSA 98:3	Ni mataana iŋgalŋgal sua ta ni imbuk pizin Israel na, mi iurur leleene pizin mi imuŋaiŋai zin. Uraata biibi ta Anutu kiti ikam piti bekena ikamke iti na, zin tomtom ta tirao pa toono ta boozomen tire kek.
15678	PSA 105:5	Niom popoŋana ki Abaraam ta mbesooŋo kini na, niom popoŋana ki Yakop ta Anutu ipeikat yom na, motoyom iŋgalŋgal uraata mi mos bibip ta ni ikam na. Uraata kini tana ipa ndel kat. Mi kadoono ta ni iur pa kanda koi bizin na, motoyom mbeleele pepe.
15700	PSA 105:27	Mi ziru tiwe Yooba kwoono mi tiso zin Aikuptu kan pa mos bibip mi uraata mburanŋan tabe Yooba ikam la mazwan i. Uraata tana ipa ndel kat.
15709	PSA 105:36	Kaimer to Yooba ikasgeege lutun bizin muŋgamuŋga ta boozomen. Ula kizin ka ŋonoono mataana kana, ta tisu lup.
15725	PSA 106:7	Indeeŋe tumbuyam bizin timbotmbot Aikuptu na, nu kam uraata bibip pizin. Uraata tana ipa ndel kat. Tamen zin tikam ŋgar pa som. Mi nu urur lelem pizin mi muŋaiŋai zin biibi kat. Tamen zin matan iŋgalŋgal mbulu ku tana som. Nu ta Anutu kor kana kat. Mi zin tila tipet Tai Siŋsiŋŋana, to tikam zooroŋana pu.
15740	PSA 106:22	Ni itooro mos bibip isu toono kizin Ham, mi ikam uraata mburanŋan isu Tai Siŋsiŋŋana. Uraata tana, tomtom tire ma timoto. Tamen zin Israel tikam ŋgar pa som.
15864	PSA 111:3	Uraata kini izzwe i kembei ni ta king biibi ŋonoono, mi ni ndabokŋana kat. Mbulu kini ndeeŋeŋana ko imbotmbot ma alok.
15868	PSA 111:7	Uraata ta ni ikamam, ina iswe i kembei ni ndeeŋeŋana mi itoto sua kini. Tana sua boozomen ta ni iur pizin tomtom na, irao tuurla mi tototo.
15954	PSA 118:17	Uunu tina ta aŋmeete som, mi iŋgi aŋbot motoŋ yaryaara men, bekena aŋsoyaara uraata bibip ki Yooba.
15995	PSA 119:29	Uulu yo be aŋbotmbot molo pa mbulu pakaamŋana. Kokena aŋpizil ndemeŋ pu. Sua ta nu kam piam, ina ko iwe zaala pio be kampeŋana mi muŋaiŋana ku ise tio.
16110	PSA 119:144	Tutu ta nu ur pa wal ku, ina indeŋdeeŋe men, mi imbotmbot ta kembei ma alok. Uulu yo be aŋkam kat ŋgar pa. Naso aŋbot ambai.
16121	PSA 119:155	Ulaaŋa ku imbotmbot molo pa zin wal sananŋan. Pa tutu ku ta tibeede pataaŋa kek na, zin tikam kinkiini be tito na som.
16125	PSA 119:159	O Yooba, re. Sua boozomen ta nu ur na, nio leleŋ pa ilip. Uulu yo ma aŋbot ambai. Pa nu toto sua ku mbukŋana mi urur lelem pa wal ku.
16151	PSA 121:2	Ulaaŋa tio na Yooba itutamen tau. Ni ta iur saamba mi toono.
16178	PSA 124:8	Ulaaŋa kiti na, Yooba itutamen tau. Ni ta iur saamba mi toono.
16187	PSA 126:4	Tamen Yooba, koozi amsaana mini. Tana amsuŋu: Uulu yam ma ambot ambai mini, kembei ta kamam pa lele pakaana ki Negeb na. Lele tana na, ka yok somŋana. Mi nu kamam ma yaŋ izzu, tabe yok tireere pa.
16269	PSA 136:5	Muŋgu ni iur saamba ramaki ka koroŋ ta boozomen. Uraata tana iswe i kembei ni le ŋgar biibi. Ni itoto sua kini mbukŋana mi iurur leleene pa wal kini ma alok.
16276	PSA 136:12	Uraata tana, ni ikam raama mburaana biibi. Pa ni mbura keskeezeŋana. Ni itoto sua kini mbukŋana mi iurur leleene pa wal kini ma alok.