1408	GEN 46:21	Mi Benyamen lutuunu bizin ta Bela, Beker, Asbel, Gera, Naaman, Ehi, Ros, Mupim, Upim, mi Art.
1438	GEN 47:17	Tana zin tila ma tikam hos, doŋki, makau, sipsip, mi mekmek kizin ma timar ki Yosep, mi ni iuulu zin pa kan kini pa ndaama tana.
1490	GEN 49:16	“Dan popoŋana kini ko tipet ma tiwe wal uunu ta. Mi zin ko tiurpewe pataŋana kizin tomtom. Tamen ko loŋa mi tipasaana zin tomtom tomini. Zin ko kembei ta mooto sananŋana ta imbot la zaala zilŋaana mi izaŋzaaŋa, beso tomtom sa imar ramaki hos kini, to loŋa mi iŋa lae pa hos kumbuunu, mi tomtom ta imbot sala hos ndemeene na, itop su toono.
1514	GEN 50:7	Tana Yosep imaŋga mi ila be itwi tamaana su toono Kanaan. Mi ni itutamen som. Pa zin menderŋan ki king, mi zin bibip pakan kizin Aikuptu, ziŋan zin wal ki Yosep mi Yakopbi lutuunu bizin timap ma tila. Pakan tise hos, pakan tise karis, mi tila. Tana zin wal ta tigaaba Yosep na, sorok som. Boozo kat. Mi pikin ziŋan nan bizin mi mbili kizin men timbot Gosen.
1746	EXO 9:3	Pa ni mburaana ko iur mete sananŋana kat ise kizin mbili tiom. Tana hos, doŋki, kamel, makau, sipsip, mi mekmek tiom ko timetmeete lup.
1896	EXO 14:6	Tona king iurpe karis kini malmal kana. Mi ikam karis ndabokbokŋan ki malmal irao 600, ramaki karis malmal kan pakan. Mi tiur zin wal tau malmal kan ŋonoono i be tikam zin karis tana. Mi tiur zin hos be tiyaaru zin karis tana, to king ziŋan zin malmal kan kini timap ma timaŋga mi tila.
1899	EXO 14:9	Pakan tiko pa karis, pakan tiloondo pa hos, mi pakan tipa toono. Tila tila tila ma, tise kizin Israel su peende ta imbot kolouŋana pa Pi Airot mi Balzepon na.
1907	EXO 14:17	Mi nio, nako aŋkam zin Aikuptu ma ŋgar kizin imbol be tiloondo toto yom ma tima. Tonabe aŋpasaana king ziŋan zin malmal kan kini, ramaki zin hos mi karis kizin ma timap ma tisula len. Naso zoŋ iwe biibi, mi zin Aikuptu kan tiute kat ta kembei: Nio Yooba aŋbotmbot.”
1913	EXO 14:23	Beso matan imiili na, tire king ziŋan zin malmal kan kini timar ramaki karis mi hos kizin ma tipeete tai lukutuunu kek.
1922	EXO 15:1	Mose ziŋan zin Israel timbo mboe ti pa Yooba. “Nio ko aŋbo mboe pa Yooba, pa ni imaŋga mi ikam uraata biibi, tana ikam zaana biibi. Ni igiibi zin hos mi karis ma tisula len tai.
1940	EXO 15:19	Tana Yooba ipomon zin malmal kan ki king raama zin hos mi karis kizin ma tisula len tai. Tamen ikam ma toono raraazaŋana ipet pizin Israel. Tabe tiwwa ma tilae pakaana mbaaga.
1942	EXO 15:21	Mi Miriam imbo mboe tiŋgi: “Kombo mboe pa Yooba. Pa ni imaŋga mi ikam uraata biibi, tana ikam zaana biibi. Ni igiibi zin hos mi karis ma tisula len tai.”
14204	PSA 20:8	Wal pakan nin se pa karis kizin ta malmal kana i, mi tipase pizin. Mi pakan nin se pa hos kizin. Tamen niam na, niyam se pa Yooba Anutu tiam mburaana, mi ampase pini be iuulu yam.
14383	PSA 32:9	Tana niom katalli kembei ta hos ma doŋki pepe. Pa zin na, len ŋgar somŋan. Tana tomtom tiurur ain tuunu raama wooro ila kwon, bekena tiyaraama zin mi tipazalzal zin pa pai.
14402	PSA 33:17	Mi hos malmal kan tomini, sombe tomtom tiur matan pizin be tiuulu zin ma tilip pa malmal, nako tiur matan sorok. Pa hos mburan irao be ikamke zin na som.
14629	PSA 45:5	O king, nu zomŋom. Maŋga, sala hos ku, mi la pa malmal. Koto kom koi bizin ma mburan imap kat. Poroukaala zin wal sorrokŋan. Mi porou pa sua ŋonoono mi mbulu ndeeŋeŋana. Nomom woono na, alalalŋana. Tana porou mbolŋana. Naso kom koi bizin tire mi timoto.
15144	PSA 76:7	Anutu ki Yakop, indeeŋe ta nu yespokpok zin na, zin hos kizin raama kan tomtom bizin timetmeete ma timap, mi tisu timbombooren.
15401	PSA 89:11	Mi muŋgu nu petepaala Rahab uteene ma imeete. Mi nomom mburaanaŋana ta iyaŋgwiiri kom koi bizin ma tiko papirik.
16254	PSA 135:11	Ipun Sihon ta king kizin Amor na, Og ta king ki Basan na, mi king ta boozomen ki toono Kanaan.
16283	PSA 136:19	Ipun Sihon ta king kizin Amor na ma imeete. Ni itoto sua kini mbukŋana mi iurur leleene pa wal kini ma alok.
16431	PSA 147:10	Tomtom lelen pa hos mburanŋan mi zin malmal kan ta kumbun imbol pa malmal na, mi nin se pizin. Tamen Anutu, ni leleene pa koroŋ ta kembei som, mi niini se pizin som.
17214	PRO 26:3	Koroŋ ta boozomen kan uraata makiŋ. Re na, taballis zin hos pa. Mi wooro na, tuurur la bapolo kuzun bekena tapazal zin pa. Mi teene ta kembena. Imbotmbot be tabalis zin wal kankaanaŋan pa! Naso tepei ŋgar kizin.
27745	ACT 21:13	Tamen ni iso piam ma isombe: “Ah, tiŋiizi tiom tiŋgi parei? Koso kakam be kaparru kopoŋ pa pataŋana tiŋgi? Sombe tipo yo su Yerusalem, na tipo yo lak! Mi sombe tipun yo ma aŋmeete pa Merere Yesu zaana, ina ambai tomini.”
27825	ACT 23:23	Biibi ŋonoono tana imaŋga to iboobo bibip ru kizin malmal kan ma timar, mi iso pizin. Iso: “Kala ma kere zin malmal kan tomto laamuru (200), mi zin hos kan tomto tel laamuru (70), mi izi kan tomto laamuru (200) be tisula pa Sisarea pa mbeŋ ta koozi.
27826	ACT 23:24	Mi kere hos pakan pa Paulus tomini. Kozo komboro kati ma imbot ambai men ma irao ila ipet ki gabana kiti Peliks.”
27834	ACT 23:32	Tikeene ma aigule toro to, zin tau tipa toono i timiili mini ma tila ruumu kizin mbolŋana ta Yerusalem a. Mi zin tau tise hos i, ziŋan Paulus tila.
30863	REV 6:2	Beso motoŋ ila na, aŋre hos kokouŋana. Mi tomtom ta ise na, iteege peene. Ni, tikam le mogar ta. Mogar tana, tomtom ta sombe iporou ma ilip, to tiur sala uteene. Tana tomtom zaanaŋana tana imaŋga ma ila be iporou mini.
30865	REV 6:4	To hos toro iloondo ma ipet. Hos tana siŋsiŋŋana kat kembei you keseene. Mi tomtom ta ise na, tikam le buza biibi mi tiyok pini be ipasaana mboti kizin tomtom isu toono. Tabe ikam zin tomtom ma timaŋga mi tiparkazas zin.
30866	REV 6:5	Beso Sipsip ki Anutu ikinke bigil toro ta iwe tel pa i ma isu na, aŋleŋ koroŋ matan yaryaaraŋan paŋ, kizin toro ta iwe tel pa na, imaŋga to kalŋaana biibi ma iso: “Mar!” Motoŋ ila na, aŋre hos gabgapŋana. Mi ni tau ise i na, iteege koroŋ be ikin kini piizi tabe tomtom tikam.
30869	REV 6:8	To motoŋ ila na, aŋre hos weŋgarŋgaaraŋana. Mi ni tau imbot sala na, tipaati be Meeteŋana. Ni imuuŋgu, mi Andewa ito i. Mi tiyok pa wal ru tana be tikas zin tomtom ta timbotmbot toono na. Tana tikas tomtom pakan pa buza. Mi pakan na, peteele mi mete sananŋana ipun zin. Mi pakan na, buzur sananŋan tikan zin. Tamen wal boozomen na, timbot ambai.
30915	REV 9:7	Kuuŋgu tana na, kembei hos ta tikamam nin be tila pa malmal. Uten na, tiur koroŋ kembei ta mogar milmilŋan. Mi ruŋgun na, kembei ta tomtom.
30917	REV 9:9	Mburu kizin tabe ipakaala kan mbooro i, na mbolkeŋkeŋŋana kat. Mi begen na, itaŋ kembei karis munŋaana men ta hos tiyaaru zin pa malmal ma toono itaŋ i.
30924	REV 9:16	Mi aŋleŋ kembei aŋela paŋ tana malmal kan kizin tabe tise hos i, na munŋaana ma munŋaana kat (200 million).
30925	REV 9:17	Mi zin hos raama kan tomtom bizin ta timbot se ndemen na, aŋre ruŋgun ta kembei: Koroŋ ta ipakaala kan mbooro na, ka mos siŋsiŋŋana kat, mi keskeezeŋana, mi weŋgarŋgaaraŋana. Mi zin hos na, uten kembei ta laion. Mi koroŋ sananŋan tel ta tiwedet pa kwon be tipasaana zin tomtom. Koroŋ ta kembei: you, mi kakoi, mi koroŋ ta weŋgarŋgaaraŋana mi kuziini sananŋana kat.
31015	REV 14:20	Mi baen ŋonon tana, ina tipadagdaaga su kar zilŋaana, mi surun biibi kat. Ireere ma ila molo kat ma irao kembei 300 kilomita. Mi ipot ma ise ma raraate pa hos kwoono. Baen surun tana, ina imender pa tomtom siŋin.
31075	REV 18:13	mi koroŋ pakan ta kuzin ambaimbaiŋan mi kadon bibip i. Mi baen, ŋgere, kini, makau, sipsip, mi hos raama karis. Ina zin koroŋ tina. Mi zin tomtom tomini, wal tana tiŋgomonmoono zin ila kizin wal pakan be tiwe len mbesooŋo. Tana koroŋ kizin ta munŋaana men tina, ko irao tiŋgomoono mini na som.
31097	REV 19:11	To motoŋ la na, aŋre saamba ikaaga. Mi aŋre hos kokouŋana. Mi tomtom ta mbuleene se hos tana ndemeene. Ni tomtom ta ikamam mbulu ŋonoono men, mi itoto sua kini. Sombe iur kadoono, som ikam malmal, ina ikam ma indeeŋe men.
31100	REV 19:14	Ni imuuŋgu mi zin malmal kan ki saamba tito i. Tise hos kokouŋan men, mi tizeebe zin pa mburu kokouŋan ta ŋgeezeŋan men.
31101	REV 19:15	Biibi tana na, buza mataanaŋana iyooto pa kwoono be ikas zin karkari pa. Mi ni ko ikam peeze mbolŋana pa toono ta boozomen. Anutu ta mbura keskeezeŋana na, ni keteene malmal biibi kat. Tana ni ta ise hos kokouŋana kola ipadagdaaga zin tomtom ma siŋ kizin irereere ma kembei ta tomtom tikamam pa baen na.
31104	REV 19:18	Kakan zin king, ma zin bibip kizin malmal kan, ma zin zaaba kan mburanŋan mazan. Mi kakan zin hos raama kan tomtom bizin mazan tomini. To zin tomtom ta boozomen ta kembena. Zin mbesooŋo sorok, mi zin ta zanŋan ma zin iwal biibi, ina kakan zin men.”
31105	REV 19:19	Aŋleŋ ta kembei mi motoŋ la na, aŋre koroŋ sananŋana mi zin king ki toono ziŋan zin malmal kan kizin tilup zin be tikam malmal pa ni ta imbot sala hos kokouŋana ndemeene na, ziŋan wal kini ta malmal kan i.
31106	REV 19:20	Tamen zin mburan irao ni ta imbot sala hos na som. Ni imaŋga to, karau lae pa koroŋ sananŋana ta ikazas Anutu wal kini, mi ni tau ikam koroŋ tana ruŋguunu mi itortooro uraata bibip lala tomtom matan bekena ipakaam zin na. Uraata kini tana, ta ipandelndel zin tomtom ma tikam kilalan ki koroŋ sananŋana, mi tilek kumbun pa koroŋ tana ruŋguunu. Tana wal ru tana matan yaryaara, mi ni tau mbuleene se hos kokouŋana na, iten zin, mi ipalkeete zin sula you biibi ta kakoi kuziini sananŋana kat izze pa i.
31107	REV 19:21	Mi wal sananŋan ta boozomen na, timetmeete pa buza ta iyooto pa ni ta imbot se hos ndemeene na kwoono. To man ta boozomen timar, mi timbot se koroŋ tana mazan, mi matan pis, mi titut zin, titut zin ma timap.