7164	RUT 2:13	Inguc mime Rutidi miwec, “Sugucnene Boas, ga kwele-madic ainelelu baficnu-gadamec. Ailu bamadicnulu yowa efecnemac kwelec kwekwegone edocnugic, yogo na sifu gale bole-adufoc yenge ingucne mi aidacte.”
7212	RUT 4:20	Aminadaplacni Nasong fikewec. Nasontacni Salamong fikewec.
7213	RUT 4:21	Salamontacni Boas fikewec. Boaslacni Obede fikewec.
23216	MAT 1:3	Yudale madeckecine Peres nga Sera fikeiboc, yekele nenggacnginec Tama. Aime Peres ye Hesorongte mamac nga Hesorong ye Ramte mamac.
23217	MAT 1:4	Ramti Aminadapte mamac, Aminadapti Nasongte mamac nga Nasonti Salmonte mamac.
23218	MAT 1:5	Salmon ye Boasle mamac nga nenggacine Rahap. Boas ye Obedele mamac nga nenggacine, yogo Ruti. Aime Obede ye Yesile mamac.
23219	MAT 1:6	Yesidi ngictau Dawidile mamac. Dawidi ye esecne gacgu Uriale ngigac bawec. Balu madecine Solomon bafuwawec.
23220	MAT 1:7	Solomon ye Rehoboamte mamac, Rehoboam ye Abiyale mamac nga Abiya ye Asale mamac.
23225	MAT 1:12	Babilon hikebong lobeina Yekonia yelacni Sialtiel fikewec. Nga Sialtiel ye Serubabelle mamac.
23226	MAT 1:13	Serubabel ye Abiutte mamac, Abiut ye Eliakimte mamac nga Eliakim ye Asorle mamac.
23227	MAT 1:14	Asor ye Sadokte mamac, Sadok ye Akimte mamac nga Akim ye Eliutte mamac.
23233	MAT 1:20	Ngagelu ye ilec ngage-ngage bole balu gawec. Hei, Sugucnele angelo monicti gungka fikecnolu yanguc edowec, “Yosefe, Dawidile fikesaweckacni, ga ngigac-bingecgone Maria banogale mi hangocgudaic. Kogoc yele gobewa ngiyegac, yogo Tili Asulacni.
23235	MAT 1:22	Aime esecne Sugucnedi yowa yogo Wapongte siduc-mimi ngic yela lome miwec, yogo hocne fikenale inguc fikewec.
23237	MAT 1:24	Aime Yosefe ye gungkacni fangkelu Sugucnele angelodi yowa edowec, yogo balaibe hikelu Maria bame macina feiboc.
23251	MAT 2:13	Hefaliyelu hikebong Sugucnele angelo monicti Yosefe gungka fikecnolu yanguc edowec, “Ga fangkelu kogoc nenggacineholec bacepang hangoc Isip himongka hikelu gadaing. Herode ye kogoc yogo bafuwalu wehomanale migacte ngenge hike gaebongka nani gacgu edocngebabe hatacmac kwesidaing.”
23253	MAT 2:15	Hikelu iwa gacgubong Herode homawec. Aime esecne Sugucnedi yeicne siduc-mimi ngic yele micka lolu yanguc miwec, “Isip himongkacni madecne wackebe kwesiwec.” Dameng iwa yowa yogo noine fikewec.
23254	MAT 2:16	Aime ngage-ngage ngic yenge Herode kwesackelu yele yowa hegileibong, ye inguc ngagelu aalic sugucne ngagewec. Ngagelu Betelehem nga mac-himong yogolec emewa faibong, iwa hudu-baba ngic salecebawec. Salecebame yengi hikelu ngic-ngigac mac iwacni yengele madecfocngineng hifangineng yaeckang ailu kogoc gbolicne fikeibong, yenge sasawa wecebabong homayackeibong. Yogo ngage-ngage ngic yengelacni dameng ngagewecte, yogo aiyelewec.
23257	MAT 2:19	Aime Yosefe ye Isip himongka ngiyeemewa Herode homawec. Hei, Sugucnele angelo monicti gungka fikecnolu yanguc edowec,
23264	MAT 3:3	Aime Wapongte siduc-mimi ngic Yesaiyadi Yoanele yanguc kwelengkewec, “Himong kisiwa misaine mikacka wawac monic yanguc fikegac, ‘Ngenge Sugucnele yefe wesackelu hole-wenengkening.’ ”
23268	MAT 3:7	Aime Farisaio nga Sadyusi yenge homacnedi misa lowanogale hikebong Yoanedi nganicebalu yanguc edocebawec, “Hema gbolifocine, madi ung-yowa yanguc edocngebawec, ngenge Wapongti aalicine badungelenale aidaicte, yogolec hangoc hikedaingte?
23279	MAT 4:1	Aime Aleng Sugucnenginengti Yesu lokwesacka lonale Asudi mengockeme himong kisiwa misaine mikacka hikewec.
23283	MAT 4:5	Inguc mime Aleng Sugucnenginengti Yesu mengockeme taon gbagbacna hikelu Ibu-mac feina wilinibenang, iwa lome domawec. Domame edolu yanguc micnowec,
23285	MAT 4:7	Inguc mime Yesudi yanguc edowec, “Ailu hatacmac yowa yanguc kwelengkeicne fagac, ‘Ga Sugucne Waponggone lokwesacka mi lonong.’ ”
23286	MAT 4:8	Inguc mime Aleng Sugucnenginengti Yesu hatacmac mengockeme tiki sugucne monicka fewec. Felu himongtowa himong gamangnginengkolec nga tapili nga hibi-angocine haicine monic-monic, yogo edalilu
23288	MAT 4:10	Inguc mime Yesudi yanguc edowec, “Satang, ga baickenong. Yowa yanguc kwelengkeicne fagac, ‘Ga Sugucne Waponggone, ye moniyang sugu afeelu kwelec kwecnodamec.’ ”
23289	MAT 4:11	Inguc mime Aleng Sugucnengineng ye hegilelu hikeme angelo yengi kwesilu Yesu bafickelu gaibong.
23291	MAT 4:13	Hikelu Nasaret hegilelu Sebulun nga Nafatali yekele himong Galili lifuc mecina, Kapeneam taonka hikelu gawec.
23293	MAT 4:15	“Yodan misa nebocina yefe lifucka hikegac, Sebulun nga Nafatali himong iwa Israel yengele alingkacni miyac, yengi Galili prowinswa gagaing.
23296	MAT 4:18	Hadeng monicka Yesu ye Galili lifuc mecina haulu dingong balaibelu hikecgu hae-gba yaeckang nganicepame uficnginec lifucka wickelu domaiboc. Yogo Saimon, wacine monic Pita wackelu gaibong nga gbaine Endru. Yeke misa-sic baba ngic gaiboc.
23299	MAT 4:21	Aime iwacni lelu hatacmac hae-gba yaeckang, Sebedi madeckecine, Yakobos nga gbaine Yoane nganicepawec. Nganicepame yeke mamacnginec Sebediholec gombawa uficngineng bamadickelu gaebongka wacepawec.
23301	MAT 4:23	Yesu ye Galili iwa himongsoc lolickelu kpakpaduc macnginang felu wewedu bole balu ngani-damongte Siduc Madicne edocebalu weduyelelu gawec. Ailu ye ngic-ngigac huc haicine monic monicti bacebame tapilingineng waicne yenge sasawa bamadicebayackewec.
23302	MAT 4:24	Inguc aime yele siducti hikelu Siria prowins sasawa saweyackewec. Saweme ngic-ngigac madicne yenge huc haicine monic monicti ngic-ngigac basowalecebaicne nga doic ngagecaigaing. Ailu ngic alengkolec nga gocne homa-gbolic aicaigaing, ailu ngic-ngigac hige-molengineng homaicne, yenge sasawa Yesula bacebalu hikeyackebong yedi bamadicebawec.
23336	MAT 5:33	“Aime ngampafocnonggeng inguchac edocebame ngenge yanguc ngageibong, ‘Ga dodofic yowa hefeicne yogo mi baickedamec. Ailu yowagone Sugucnele haicka miyengka sanangkewec, yogo balaibedamec.’
23380	MAT 6:29	Aime ngictau Solomon ye esecne ngakpiine hibine madicne madicne holelu gawec, yele hibi-angoctowadi daling yengele hibi keleng angacine mi ewaliwec, yogo noine edocngebagabac.
23385	MAT 6:34	Inguc ailu ngenge saemele milu mi medecngebadaic. Saeme yogo yeuctihac damongkedaicte. Deboc hadengsoc ye yeuctihac umacinele silicina umacine badaicte, yogodibac andoine aidaicte.”
23400	MAT 7:15	“Siduc-mimi ngic kwesacine yengi basowalecngebadaingkale, ngenge yengele ngani-motolu gadabiyeng. Yenge socnginengti lama soc nga kwelenginengtibac kate-hoda, ailu yenge kindololo aingelelu basowalecngebaningte kwesidaingte.
23406	MAT 7:21	“Ngic-ngigac yenge ‘Sugucnene, Sugucnene,’ inguc micaigaing, yengelacni gocnedi honocmengte ngani-damongka nalic mi fedaingte. Mamacne honocmengka gagac, ngic-ngigac yele angac nga ngage-ngage balaibelu gacaigaing, yengi sugu iwa fedaingte.
23407	MAT 7:22	Aime dameng iwa ngic-ngigac homacnedi yanguc edocnudaingte, ‘Sugucne, Sugucne, nonge gale wacka siduc-yowa miibeng, ailu aleng yebicebaibeng, ailu pasi damuineholec homacne baibeng. Ilec ga ngagenolec.’
23416	MAT 8:2	Balaibelu wabong ngic monic waic-sanangkolecti kwesilu ketadi holecnolu afeelu miwec, “Sugucne, ga ngageng angacgugacka, na nalic bamadicnung gbagbackedacte.”
23420	MAT 8:6	“Sugucnene, bole-madecne ye hige-moleine homaicne ailu ye macka doic ngagelu falu gagac.”
23422	MAT 8:8	Inguc mime hudu-baba ngic yengele damongti yowaine bafaliyelu yanguc micnowec, “Sugucnene, na oma ngic madicnele macne kwelina fudamecte. Ga yowadi sugu miyengka bole-madecne madickena.
23431	MAT 8:17	Siduc-mimi ngic Yesaiyadi esecne yanguc miwec, “Yedi nongileng huc sasawa baickeme madickeibeng.” Yogowa noine fikewec.
23435	MAT 8:21	Mime mic-tengtengfocine yengelacni monicti yanguc miwec, “Sugucne, ngageneleengka hikelu mamacne homame longkelubac ga balaibecgudacte.”
23439	MAT 8:25	Fame mic-tengtengfocine yenge Yesula lelu yeuckelu yanguc miibong, “Sugucne, nonge haulu homadabelengkale ailu, baficnubac!”
23476	MAT 9:28	Ye macka feme donge-pisic yaeckang yeke yela leboc yedi yanguc uwayetewec, “Na bamadicngepanogale aigabac, ngeke yogo ngagesingnugabiyec, me?” Inguc mime yeki miiboc, “Oc, Sugucne, noke ngagesinggugabelec.”
23483	MAT 9:35	Yesu ye taon nga mac-aling sasawa lolickelu kpakpaduc macnginang felu wewedu bole balu ngani-damongte Siduc Madicne edocebalu weduyelelu gawec. Ailu ye ngic-ngigac huc haicine monic monicti bacebame tapilingineng waicne yenge sasawa bamadicebayackewec.
23486	MAT 9:38	Ilec ailu ngenge Sugucne nosing fileine milockelu yanguc edodabiyeng, ‘Ga bole-ngic salecebang yengi hikelu nosing noine bakpaduc aidabiyeng.’ ”
23488	MAT 10:2	Ngic 12 yogo yenge Salecebaicne, yengele wacngineng yanguc: Molic-molic Saimon, ailu wacine monic Pita. Nga ngic hae-gbaine Endru. Ailu Yakobos, ye Sebedi madecine, nga gbaine Yoane. Ailu
23490	MAT 10:4	Saimon, ye ngic-habu gocne wacngineng Selot wackeibong. Ailu Yudas Iskariot, yedi gacgu Yesu mudockeme badaingte.
23491	MAT 10:5	Yesudi mic-tengtengfocine 12 yogo hocne salecebalu yowa yanguc milu sanangne edocebawec, “Ngenge hikelu Israel yengele alingkacni miyac, yengele himongka ailu Samaria ngic-ngigac yengele taonka mi hikedaing, miyac.
23501	MAT 10:15	Foinac, gacgu wowosae damengka taon yogolec ngic-ngigac yengele umacti Sodom nga Gomora taon, yekele ngic-ngigac yengele umac ewalidaicte, yogo noine edocngebagabac.
23504	MAT 10:18	Ailu ngic-ngigac yengi nale ailu bacngeba hikelu gawana nga ngictau yengele haicka locngebadaingte. Inguc aibong ngengi yenge nga Israel yengele alingkacni miyac, ngic yogo yenge momoc nale Siduc Madicne mibong yegengkelu hikedaicte.
23529	MAT 11:1	Yesu ye mic-tengtengfocine 12 yowa inguc weduyeleme motome mac-aling yogo hegile hikewec. Hikelu mac-himong yogo yengele taonnginangsoc Siduc Madicne edocebalu weduyelenale hikelu gawec.
23533	MAT 11:5	Ngic-ngigac donge-pisic yenge dongengineng hilagaing. Nga hige-sowac yenge yefe hikegaing. Ailu ngic-ngigac waic-sanangkolec yenge socngineng madickeme gagaing. Hedec-fong yenge yowa ngagelu gagaing. Nga homaicne yenge gboliye fangkelu gagaing. Ailu ngic waweweine yenge Siduc Madicne ngagebong yegengkeyeleme gagaing.
23549	MAT 11:21	“Korasin nga Besaida ngic-ngigac, mee, ngenge medecngebadaic. Ngengela pasi damuineholec homacne biyac fikewec. Pasi ingucne Tair nga Saidon taonka fikedec midec, ngic-ngigac yenge bikicnginengte ailu kwele-sowacte ngakpi wambac biyac holedabong. Ailu defe lowalu kwele-hefaliyec aidabong.
23550	MAT 11:22	Na yanguc edocngebabe, wowosae damengka ngengele umacti Tair nga Saidon yekele ngic-ngigac yengele umac ewalidaicte.
23551	MAT 11:23	Nga Kapeneam ngic-ngigac, ngenge honocmengka fedaingte, inguc ngagecaigabiyeng, yogo miyacbenang. Ngenge Wangec-macka balu wicngebame haudaingte. Pasi damuineholec ngengela fikewec, yogodi Sodom taonka fikedec midec, Sodom ye dameng yanguctihac fadechac.
23552	MAT 11:24	Na yanguc edocngebabe, wowosae damengka ngengele umacti Sodom ngic-ngigac yengele umac ewalidaicte.”
23559	MAT 12:1	Dameng iwa Yesudi Sabat damengka wit bole hewacina yefe balaibelu leme, mic-tengtengfocine yenge nosingte homalu wit noine moniyang moniyang banoc aiibong.
23560	MAT 12:2	Inguc aibong Farisaio yenge yogo nganilu yanguc edoibong, “Nganinong, mic-tengtengfocgone yenge Sabat damengka aibaba mi aiaiine, yogo aigaing.”
23563	MAT 12:5	Depec-baba ngic yenge inguchac Sabat damengka Ibu-macka bole balu Sabatka ngiye-ngagecte aibaba yogo hegilelu bikic mi bafuwadaingte. Wapongte yefe-yowawa fagac, ngenge yogo wafelu ngagecaigaing.
23566	MAT 12:8	Ngicte Madec ye Sabatle Sugucne gagac hocne, ye aibaba madicne nga sowacnele nalic midaicte.”
23568	MAT 12:10	Hei, ngic monic moleine neboc homaicne, ye iwa ngiyewec. Ngiyeme ngic yenge Yesudi wenuc mime ngagelu yowawa lonogale uwacnoibong, “Sabat damengka ngic nalic bamadicebanoga, me miyac?”
23569	MAT 12:11	Inguc mibong yedi yanguc edocebawec, “Ngengelacni monicti lamaine monic Sabat damengka long monicka haudaicte ingucne, ye biyac hikelu lamaine fuluckeme ofedaicte.
23570	MAT 12:12	Aime ngic ngengibac wiyac feicne ailu lama ewalicebayackegaing. Ilec Sabat damengka aibaba madicne yogolec aka monic mi fagac.”
23575	MAT 12:17	Siduc-mimi ngic Yesaiyadi yowa biyachac miwec, yogo noine aidaicte,
23584	MAT 12:26	Aime Satang yeuctihac yebicnagudaictewa, ye siyeckelu habu yaeckang aime yele ngani-damong sanangne nalic mi fadaicte. Ilec na yele tapiliwa aleng mi yebicebagabac.
23597	MAT 12:39	Inguc mibong yedi yanguc edocebawec, “Ngic-ngigac aling yanguctihac gagaing, ngenge sowacne nga selo-boic aling ingucne ailu, pasile maa monic nganinogale uwalu gagaing. Aimebac ngenge pasile maa monic mi ngeleicne, miyac. Siduc-mimi ngic Yona, yela pasile maa fikewec, ngenge yogo sugu nganidaingte.
23600	MAT 12:42	Aime Seba himongte ngigac-taudi Solomonte ngage-ngage-motoc banogale himong mecine sautkacnipec kwesiwec. Aime ngagegaing, yakumac monicti Solomon ewaligac. Ilec ailu ngigac-taudi wowosae damengka ngic-ngigac aling yanguctihac gagaing, ngengeholec fangke domalu aibabangineng wosaelu ngengele sowacne mimoctodaicte.
23629	MAT 13:21	Sebileme yogodi kweleina godoc mi baicnele dameng kpisicnemac fame, Wapongte yowale ailu umac me weyebic aicnobong ye wawedaicte.
23635	MAT 13:27	“Inguc aime kwelec kwekwe yengi kwesilu bole fileine yanguc edoibong, ‘Sugucnenonggeng, ga bolewa wasec madicne wickeing. Aime kpinding sowacne yogo wenuwacni ofegac?’
23647	MAT 13:39	Aime ngaba-ngicti wasec bolewa wickewec, yogo Aleng Sugucnengineng. Nga noine babale dameng, yogo dameng moto-motoine, yogolec dameng. Bole-ngic yogo angelo.
23652	MAT 13:44	Yesudi hatacmac taockelu yanguc miwec, “Honocmengte ngani-damong yogo moneng-mafa ingucne. Ngic yengi moneng-mafa bolewa sangkeibong. Sangkebong ngic monicti iwa hikelu yogo bafuwalu hatacmac balu iwahac sangkewec. Sangkelu belic-belicka hikelu wiyacine sasawa salelu moneng balu hikelu bole yogo fuli bawec.
23663	MAT 13:55	Ye mac-baba ngic yele madec hocne. Nga nenggacine wacine Maria ailu ye Yakobos nga Yosefe nga Saimon ailu Yude yengele haengineng.
23694	MAT 14:28	Inguc mime Pitadi hefaliyelu miwec, “Sugucne, gageicne welegic ingucnehac, na misa feina edela edela gala fubele minelec.”
23696	MAT 14:30	Leemewa dibong gbelong sugucne weme nganilu hangockewec. Inguc aime misawa haunogale ailu hangockeme aukwelu miwec, “Sugucne, ga baficnunong.”
23723	MAT 15:21	Yesu ye Genesaret himong hegilelu Tair nga Saidon himong, iwa hikewec.
23724	MAT 15:22	Hikeemewa iwacni Kenan yengele alingkacni ngigac monicti kwesilu Yesu wacke-wasic aicnolu micnowec, “Sugucne, Dawidile fikesaweckacni, ga nale kwelegone sowalena, alengti adune basowalecaigac.”
23727	MAT 15:25	Aime ngigac yogo kwesilu Yesu ketadi holecnolu afeelu miwec, “Sugucne, ga baficnunong.”
23729	MAT 15:27	Inguc mime ngigac yedi sanangnehac miwec, “Sugucnene, yogo nalic migic. Aime hoda yengebac filefocngineng yengi nosing nobong kapucine tebo bageina wacaigac, yogo nocaigaing.”
23742	MAT 16:1	Farisaio nga Sadyusi yenge Yesula hikelu yeicne tapiliine lokwesacka loningte ngageibong. Inguc ngagelu yedi pasile maa monic honocmengkacni bame fikeme edalicebanale uwacnoibong.
23747	MAT 16:6	Hike sulumelu Yesudi yanguc edocebawec, “Ngenge Farisaio nga Sadyusi yengele yisle ngani-motolu gadabiyeng.”
23752	MAT 16:11	Omale ngenge mi ngage-motogaing? Na bretbenangte mi migabac. Ngenge Farisaio nga Sadyusi yengele yis, yogolec ngani-motolu ganingte migabac.”
23753	MAT 16:12	Inguc edocebame yenge bretle yis ilec mi miwec, yogo biyac ngage-motoibong. Yenge Farisaio nga Sadyusi yengele wewedu-yowa, yogolec ngani-motolu ganingte miwec.
23754	MAT 16:13	Yesu ye Filipai himongka Sesarea taon bangkalelu mic-tengtengfocine yanguc uwayelewec, “Ngic-ngigac yenge Ngicte Madec yele ma micaigaing?”
23757	MAT 16:16	Uwayeleme Saimon Pitadi miwec, “Ga Mesia, Wapong gagaineholec yele Madec.”
23758	MAT 16:17	Inguc mime Yesudi yanguc edowec, “Saimon, Yonale madec, yowa yogo ngic mimiwacni mi migic. Ilec ga kwele-angackolec gadamec. Mamacne honocmengka gagac, yedi hocne yogo bayegengkelu edocguwecte migic.