1534	EXO 1:1	Te Jekop aga ogomani dali augwali hodobo Isip buluba pai. Tama te sogo augwa we wai dabe dali hodobo pai. Jekopgo ogomani nogi tama wai: Ruben, me Simeon, me Livai, me Juda,
1592	EXO 3:12	Tama Godigo te po wali, “Ena nage dali bidibao. Tama megi eno magi nai me deli nagebolo waselama ola mayu, tama nago kuna koneagameo, te ena digi eno nage te Israel we bidi augwalibolo tagala palobao. Te ola mabo sę e tama dao: te nago te we bidi Isip tǫ tagalama, odasa aselama, tama dagego enabolo e bulu dude digi lotu po waibao,” wali.
3947	NUM 8:7	Nago e tama tiao: te bidi dabe eno gedude wiegi yai ebo ąį selama, tama augwali tigiba sąyao. Tama me augwaligo augwa tigide elalubo tigi nisi sese tama toga sąyu, me augwa ugwa wę telayu emainao. Augwaligo te tama tila silama da, teda augwali wiegi yai yaibao.
4080	NUM 13:4	Augwaligo nogi te e dao: Samua, te Sakurgo ogwa, te Ruben hani dao.
4196	NUM 16:1	Te Kora, te Ishargo ogwa, te Kohat hani bidi, te Livai bidi, aga dali me te Ruben hani bidi sela augwaligo Moses dali dobo kolesaga yali. Te bidi selago nogi te e dao: Datan me Abiram, te Eliapgo ogwa si, me On te Peletgo ogwa. Te me si me si bidigo te Israel dabe tobolu bidi te 250 selama, augwali hodobo tama te dwai tobolu gagea pabo kolesaga yali. Te Israel dabe augwaligo te tobolu bidi dabe sa muai, te tigidali we bidigo gedude nogi elaluai dao.
4777	NUM 33:15	Augwaligo te bulu Refidim taga pelama, augwali te bulu dabede pesage nigigi peyu, ela pali: nai meni yai bulu Sainai, me bulu Kibrot, me Hatava, me bulu Haserot, me bulu Ritma, me Rimonperes, me bulu Lipna, me bulu Risa, me bulu Kehelata, me te bulu du Sefer, me bulu Harada, me bulu Makhelot, me bulu Tahat, me bulu Tera, me bulu Mitka, me bulu Hasmona, me bulu Moserot, me bulu Benejakan, me bulu Hor Hagigat, me bulu Jotbata, me bulu Abrona, me te hanu Esiongeber, me te nai meni yai bulu Sen, te gasa nogi wabo Kades. Tama nosali augwali te bulu du Hor te Idom bulu sesegeba sabolama, pesage nigali.
4803	NUM 33:41	Te Israel dabe augwali te bulu du Hor taga pelama, tama augwali te buluba dabe pali: te bulu Salmona, me te bulu Punan, me te bulu Obot, me te bulu Abarim, te bulu hanu dolai elaluali, te bulu Moapde, me te bulu Dibon Gat, me te bulu Almon Diplataim, me bulu du Abarim te bulu du Nebo pąde, me te bulu Moapgo malu bulu te Jeriko pąde, te Jordan wę u badu. Te hanu Bet Jesimot me te Abel Sitim bulu tomode augwaligo pesage tede nigali.
4849	NUM 35:2	“Eno homugo nago Israel dabebolo te po walao homu ebao: augwaligo hanu meba geselama, tama te Livai dabebolo mao. Te nosai wiegi yai elalubo tǫ te hanu pąde elalumainao, te kau kibu dabego tuabo.
6056	JOS 9:17	Tama tibaso, megi da, te Israel dabe augwali hogodama, te gasa badu poloba palio. Augwali pelama, te sela sogo dąį igi pabode, tama augwali te hani dabego hanuba sabolai. Te hanu dabe nogi e dao: Gibeon, Kefira, me Berot, me Kiriat Jearim. Te e tama hanuba augwali sabolai.
6133	JOS 12:1	Te Moses isisąbadi, te sogo te Israel dabe augwaligo te boi bidi dabe tigidali tǫde aiyaba elaluama, tama augwaligo te tigidali bulu te Jordan wę pąde te sia ge pedalubo badu te bulu dabe sai. Te tǫ te malu bulu te Arnonde gagalasa, tama pelama, te Jordan tǫ malu dąį igi pelama, tama te Hermon bulu duba usu nigi pai. Hasia bolo te Israel dabego hwįnama, te tuni bidi si aiyaba elaluai. Te augwali si nogi e dao: Sihon, me Ok.
6141	JOS 12:9	Te e nogi da te boi hwįani sogo te aiyaba elaluali tuni bidi dabego hanu nogi e dao: Jeriko, me Ai, te Betel bulu pąde elaluai,
6158	JOS 13:2	Te elalubo bulu dabe te e dao: te tigidali Filistia dabego bulu me, te Gesur dabego bulu tigidali badi,
6173	JOS 13:17	tama pelama, te Hesbonba sabolama, te tǫ malu dolo tǫde te tigidali hanu elaluali: Dibon, me Bamotbal, me Bet Balmeon,
6205	JOS 15:1	Te Judago hani sibi deli deligo te hanude tǫ sainu, te tiwai po augwaligo po miani: te tǫ dąį pali te Idom tǫ pedai bogo badu saboligi pali, tama pelama, te masigi kemi tǫ te augwaligo Sin nogi yali, te sesege bogo badu mu dąį iligi pali.
6573	JDG 3:3	Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.
6607	JDG 4:6	Tama Deborago po te Barakba ola tolali, te Abinoamgo ogwa da, te Naptali hanigo hanu Kedes te badu bidali. Tama Deborago agabolo te tiwai po wali, “God, te dago Genuai Bidigo, nagebolo te po wainogo yali: ‘Nage pelama, te Naptaligo hanide, me Sebulungo hanide te bidi sese umabo bidi e tama bidi, te 10,000 bidi dabe sigi pelama, tama augwali te bulu du Tabor teba sisinao,’ wali.
6626	JDG 5:1	Te sogo te we Debora, me Barak, te Abinoamgo ogwa, augwali sigo te tama tęąbi po wai:
6871	JDG 11:40	Augwaligo te tama tiwai kolesaga ebo dao: te Israel wegi ogwa we dabe te augwa pesage taga solama, tama te Jeptago wegi isaide te gela wagisu diligi pabo dao, te Gileat bidi, te tigidali kibu be usu nama, te tomode te me si me si tama sogo te tiwai sę ebo dao.
7065	JDG 20:9	Te Gibea dali hwįainogo te tiwai yaibao: te dago nogo si bidi te tigidali Israel hani deli delide te 100 bidi nidigili pelama, tama te 100 bidi nedada pabogo te 1,000 tigidali pedelama, tama te 1,000 bidi nedebogo te 10,000 bidi pedelaibao. Te bidi dabego te Gibea dabe dali hwįgi pabo bidi dabe tuabo nai sela pelama, te augwaligo hale ebo dwai kolesaga te Israel dabe dali yali sę te wei ponaibao,” augwaligo te po wai.
7199	RUT 4:7	Te polobadu te Israel bidi dabe augwaligo abelai nai dabe te po dodolainogo da, ma augwaligo nai dobu si yai madi yaibaso da, augwaligo te tiwai kolesaga yai: bidi mego sągą nadoba me deli pedelama, tama gasa bidibolo mawaibao. Te Israel dabe augwaligo po dodolainogo tama iduai dao.
7210	RUT 4:18	Te aga Peresgo hanide gagalama, te Devitgo haniba dąį tama igi palio: Peres te Hesrongo aya, tama Hesron te Ramgo aya, tama Ram te Aminadapgo aya, tama Aminadap te Nasongo aya, tama Nason te Salmongo aya dao. Salmon te Boasgo aya, tama Boasgo ogwa Obet, tama Obetgo ogwa Jesi, tama Jesi te Devitgo aya dao. Te tama dao.
8849	1KI 4:2	Te aga polalubo ofisa bidi dabe te tama tiwai elaluai: Asaria, te Sadokgo ogwa, aga te pris bidai.
8855	1KI 4:8	Te polalubo kiap dabego nogi te e tama tiwai: Benhur, agai te Efraim hanigo te bage bulu hani pesage tonaluali.
12030	EZR 1:9	Te nai dabe e tama dao: 30 dis gol te ofa ebo nai, tama 1,000 dis silva te ofa yabo nai, tama te 29 gasa dis pou dabe, te tama mawai,
15607	PSA 102:20	Dago te tama po asęaibao: Genuai Bidi te ugwadu aga tedali wiegi yai pesagede bidibao, tama aiyaba tonalubao. Aga te dagalude bidiyu, tama te tǫba aiya tonalubo dao.
17336	PRO 30:15	“Te bidi kaneme sabo dwasianu hasamani te benago te wegi si elalubao. Augwa si nogi sabi si tobage elalubao, te tiwai, Ena Mao.” “Te nai selago te augwa sabo naide te usu dao po munu me wagobeo. Awe, te nai me si me sigo te augwa homu wei ebo, te siminabo me elalubao. Augwali e dao:
23270	MAT 3:9	Dagego eno pode geda siyu, dagego homude te homu me egimio: ‘Te Abraham da, te dago aya da, tama tibaso da bugagia bidibao, te dago dena homu magi baso begelaibawe,’ te wagio. Eno dagebolo te po obao, God agai da e masigi dabego te Abrahamgo wai pedala wali da te pedalobo usu yaibao.
23325	MAT 5:22	Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.
23331	MAT 5:28	Tiali goli megi eno po dagebolo obao: Te bidi me deligo agai te we me deli olo naga agai homude godolo ebo homu eyu, tama te we dali penani sę yabo homu eyu tonono eyu da, te bidi agai homude te bomo yai po bolama, tama agai homude te penani sę ebo tiwai yali dao.
23334	MAT 5:31	“Po me polobadu augwaligo te po wai dao: ‘Te bidi me deligo aga we tagalobaso da, agai te we tagalobo po page asęnama, tama te pepa te webolo mao.’
23335	MAT 5:32	Tiali goli megi eno dagebolo te po obao: bidigo aga sai we tagaliyu, tama te wego dwai penani sę me isąbadi, teda te bidigo te wego te penani sę ilibao, te we gasa bidigo siyu da. Tama te tobage we sabo bidi me agai te penani sę tama ebao.”
23337	MAT 5:34	Tiali goli megi eno e po dagebolo obao: dagego te duga nosali yabo sęde po weyu, tama we bidi augwaligo te mu po dao homu emainogo dagego te po dąų wabo po munu me wagio. Mu menio. Dagego po me deli dąų waliyu, dagalu me nogi ilamuo. Magi basowe, dagalu da, te God dulalubo sia sai dao.
23461	MAT 9:13	Tama dage pao, te Godigo po bukude asęani po me deli nedama, tama te po page bugagia koneiąo. Te po e dao: ‘Dagego te hasa elama tama enabolo olo mabo kolesaga, te tobage tebo ofa sę eno godolo menio. Te dagego gasa we bidide homu dene eyu tau sabo kolesaga te eno godolo ebo dao,’ te po asęani. Tama ena asali, eno te we bidi augwa digi augwa homugo da doloba pai we bidi dao wabo we bidi i wainogo asobeo. Menio. Ena asali te eno dwai sęgę sai bidi dabe i wainogo asai dao,” Jisasgo te po wai.
23488	MAT 10:2	Te 12 bidi nogi te e dao: hasia bidi aga nogi Saimon, te aga gasa nogi Pita, tama me aga ama nogi Andru dali. Tama Jems me aga ama Jon dali, augwali si te Sebedigo ogwa si dao.
23542	MAT 11:14	Tama dagego odai wida, teda te po odao: te polobadu bidali profet bidi dabe augwaligo te genuai profet bidi Elaija ma asaibao po wai dao. Tama Jon da, Jon aga te bidi Elaija dao po wali.
23621	MAT 13:13	Tama tebo sęde eno te po digi po begelama augwalibolo obao: augwaligo gedugo da tonono bilibadi, tiali goli augwaligo magi nai me deli subo menio. Augwaligo olo mubadi, tiali goli augwaligo po me odisąyu tama kolesaga sabeo.
23622	MAT 13:14	Te tiwai sę ebo we bidi augwalide te po me deli te Godigo po pusali profet bidi Aisaiago wali po te usu nanio. Agai te Godigo wali po asęai dao: ‘Te dagego po odobo sę ebadi, tiali goli dagego te po page konegobeo. Te dagego tonono bilibo sę ebadi, tiali goli dagego magi nai me deli sugobeo.
23849	MAT 19:18	Tama te bidigo agabolo te po wai, “Mena bomai po dabewe?” Tama Jisasgo te po wai, “Te e po dabe dao: ‘Nago bidi ela mugio. Nago te penani sę egio. Nago nai wi sigio. Nago gasa bidide tibo po ola magio.
24235	MAT 27:37	Te aga tobolude ugwadu augwaligo aga te po tų ilali po asęai. Augwaligo e tiwai po asęanio: ‘Te e bidi Jisas, te Juda dabego tuni bidi dao.’
24244	MAT 27:46	Tama be pio ebo pąde Jisasgo i bomonama weyu, te po wai, “Eli, eli, lama sabaktaniwe?” Te po page e tiwai dao: “Eno God, eno God, magi baso nago ena tagaluwe?”
24373	MRK 3:16	Agai te nogo si olama sągągo si sa muani bidi dabego nogi e dao: te me Saimon, Jisasgo agabolo gasa nogi Pita mawai.
24374	MRK 3:17	Tama Jems, te Sebedigo ogwa, te aga ama Jon dali, te agai gasa nogi Boanerges mani. Te nogigo page te e tama tiwai dao: te be kulukulu wabo dagalugo ogwa dao wali.
24404	MRK 4:12	Te Godigo po bukude te gasa we bidide polobadu asęani po, te po page te megi bidalubo we bidide elalubao, te e tiwai dao: ‘Te augwaligo tonono bilibadi, tiali goli te augwaligo te subo nai page hania konegobeo. Te augwaligo po odobadi, tiali goli te po page augwaligo me konesiąwani. Tama augwaligo konegi sogo da, teda augwaligo homu begeleyu, tama Godigo augwaligo dwai sę yali sęgę sela sągi da,’ te po polobadu asęani,” Jisasgo te po wai.
24553	MRK 7:21	Te bidi tomode, te homu kolesaga tomode pedalubo nai dabe te e tiwai: te dwai homu kolesaga dabe, te penani ebo kolesaga, me te nai wi sabo kolesaga me, te bidi ela mubo kolesaga me,
24676	MRK 10:19	Nago te bomai po koneanio: ‘Nago te bidi ela mugio. Nago te penani sę egio. Nago nai wi sigio. Nago gasa bidibolo tibo po me olamuo. Nago tibo pode gasa bidigo doado bage anoma elama sigio. Nago te naga aya de ida sigo po wali pao,’ te bomai po dabe nago koneanio, te wali pao,” Jisasgo te po wai.
24752	MRK 12:10	Dagego te Godigo po bukude asęani po me deli dagego nedebewe? Agai e tiwai po wali dao: Te sę bidi dabego sela sąwani masigi, megi da aga te be polalubo kele ni tiwai dąų elalubo masigi pedalai elalubao.
24761	MRK 12:19	“Tisa, po ola mabo bidi, Mosesgo te po me deli asęyu, dabolo te tiwai bomo yai po wai: te bidi me deli isąma, tama agai wai meni yani, tiali goli aga we te bididubaso da, teda te bidi aga amago te we selama, tama aga isali ama tau siyu, te wai ame nomainogo yao, te Mosesgo dabolo te bomai po mawai dao.
24771	MRK 12:29	Jisasgo po wei ponoyu, agabolo te po wai, “Te polalubo bomai po te e dao: ‘Dage Israel hani we bidi, dagego odiąo! Genuai Bidi, dago God, aga deli digi naga te dago Genuai Bidi dao.
24773	MRK 12:31	Tama te si wabo bomai po te e dao: ‘Nago gasa bidi godolo eyu, te nago naga godolo ebo tiwai gilama yao.’ Te gasa bomai po te genuai elama, tama te bomai po si te aiyaba me elaluai me elalubeo,” Jisasgo te po wai.
24778	MRK 12:36	Te polobadu Godigo Tedali Mobo Bidigo te Devitbolo te homu kolesaga mobaso, tama Devitgo digi te po wai, ‘Genuai Bidi agai te eno Genuai Bidibolo te tiwai po wai dao: “Nage eno dolo nogo badu duayagasao, te nosali te eno nago boi bidi dabe aiyaba elaluama, tama augwali nago dologoba muabo sogo usu nagasaibao,” te po wai.’
24816	MRK 13:30	Eno mu po dagebolo obe dao: te megi e sogode bidalubo we bidi dabe augwali me isisąbadi, tama te sę tigidali pedalubo sueibao.
26259	JHN 4:34	Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.
26260	JHN 4:35	Jisas agai giba ela mubo po digi po weyu, te po wai, “Dagego tama wabo dao: ‘Polua me si me si elalubo, tama te nai sabo si te pedalaibao,’ Tialima, eno dagebolo obao, dagego tonono biliyu, tama dagego te gi dabe bugagia suiąo. Nai inawai yabowe naga, dagego suao. Te asobo we bidi augwali te inawai nai tiwai dao.
26355	JHN 6:29	Jisasgo augwalibolo po wei ponoyu, te po wai, “Godigo sę e tama dao: dagego te Godigo tagala palali bidigo wabo poba duga homu tigidali muyu bidao,” Jisasgo augwalibolo te po wai.
26780	JHN 15:12	Eno bomo yai po e tama dao: duga hasi godolo mu eyu, bidiąo, eno dage dali godolo mu yali gilama.
27245	ACT 7:60	Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.
28006	ROM 1:8	Hasia eno e po bolo dagebolo wainogo ebao: te tigidali gasa tǫ badu bidibo bidi dabe augwaligo dagego Kraisde konealubo po dąų olama bidibo po mibo dao. Tama tibaso eno te po mibode homu koneyu, tama Jisas Kraisgo nogide te eno usu da po weyu, te eno Godibolo gedu haluasa po wabo dao.
28010	ROM 1:12	Te e tama tiwai dao: eno homugo dagego te Kraisde konealubo po dąų wabogo te ena tau siyu, te eno te Kraisde konealubo po dąų wabogo dage tau siyu emainogo eno te dageba pabo homu ebo dao. Tama te tiwai ebogo te da tigidaligo homu bomo ilimainogo homu ebo dao.
28015	ROM 1:17	Odiąo. Te wiegi yai gesi pogo te Godigo te dwai sę yali we bidi te doloba pai we bidi ilabo sę page te dabolo hania ola mabo dao. Te sę page e dao: bidigo aga homu tigidali Kraisba munama tama agade naga tialuyu da, teda te Godigo gedude te bidi te doloba pai bidi pedalaibao. Gasa sę ebo te usu egobeo, te Kraisde tialubo kolesaga naga usu yaibao. Tama te doloba pai bidi ilabo sę page hania ilimainogo te Godigo po pusali profet bidi agai polobadu mu te Godigo wali po me deli tama asęai, “Te bidigo aga homu tigidali enaba muyu, te enade tialubo bidi, te bidi eno gedude doloba pai bidi pedalama, tama bugagia bidada peyu bidada paibao,” te po asęai.
28018	ROM 1:20	E tiwai dao: polobadu mu Godigo tigidali nai nigali, tama te sogo gagalama megi e sogoba usu nagasali, tama te bidi dabe augwaligo agai nigali nai dabe suali. Tama augwaligo tede te Godigo kolesaga meba koneani, te bidi dabego gedugo susiąbo kolesaga te augwaligo koneagameo. Te aga gasagi yai tedali mu da, aga God dao, te augwaligo hania koneagameo. Tama agai genuai bomo te sesemane sogo bidada pabo bomo dao, silisiąbo bomo mu dao, te me augwaligo agade koneagameo. Tama tibaso, te bidi dabe augwa dwai sę ebo kolesaga te geme dualiyu tama augwaligo te po wei ponabo tų menio, “Dago te God konebeo,” te po me wagobeo.
28030	ROM 1:32	Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.
28042	ROM 2:12	Te e tiwai yaibao: God agai te Juda hani isąwai bagebolo aga bomo yai po mabe. Tama tibaso, agai te augwaligo yali dwai kolesagade augwali po tų ebo si, augwaligo te bomo yai po bolali sęde agai augwali osola sulama dene magobeo. Tiali goli augwaligo augwa digi bomai po bolo baso, agai augwali dene mawaibao. Me ma, te Juda dabe augwaligo te Godigo augwalibolo mani bomo yai po konebo dao. Tama te bomo yai po koneyu dwai sę yali bage augwali Godigo te bomo yai pogo osola sulama tama dene mawaibao.
28049	ROM 2:19	Nago e tiwai homu ebo dao: “Te bomai pode eno te kolesaga page badi te mu po me sali da,” te homu eyu, tama “Eno te gedu widai bidi dabe augwali te eno tų me ola mabo usu dao. Ena te hulide bidibo bidi dabe augwaligo ula tiwai bidibao. Ena te kolesaga meni yai bidi dabe augwali po ola mabo bidi. Ena te bugagia konesiąwai dwasianu wai puluba tiwai bidibo bage po ola mabo tisa bidi da” wai.
28061	ROM 3:2	Tegoba! Te wiegi yai haniani sęde te Juda dabe augwaligo te gasa hani bage aiyaba elalubo dao. Te hasia nai e dao: Godigo agai wiegi yai po te Juda dabe augwaligo bugagia tonalumainogo mawai dao.
28069	ROM 3:10	Te Godigo po bukude te tiwai po wali e elalubao: “Te doloba pai bidi deli me bidibeo. Mu menio. Te bidi me deligo wiegi yai kolesaga me konebeo.
28081	ROM 3:22	Te bidi doloba pai bidi ilibo kolesaga e dao: te bidigo konealubo po Jisas Kraisde dąų wali bidi, aga Godigo doloba pai nogi poaibao. Tama tigidali haniani we bidigo konealubo po dąų obaso da, Godigo augwali doloba pai we bidi nogi waibao. Magi baso meni, te Juda hani bidi doloba pai bidi ilibo kolesaga, te Juda hani isąwai bidi doloba pai bidi ilibo kolesaga tedali tedali meni.
28087	ROM 3:28	Tama koneyu, dago e tiwai po wabo dao: bidigo konealubo po dąų naga obaso tama Godigo aga doloba pai bidi nogi yaibao. Te bomai po wali pabo bidi da, agai te bomai po tigidali dolo mu wali pabo usu meni baso, te Godigo aga doloba pai bidi nogi me wagobeo.
28090	ROM 3:31	Dago e po wabo dao: we bidi augwaligo Kraisde konealubo po dąų obaso, te Godigo augwali aga gedude doloba pai we bidi ilaibao. Tama te po wabogo dago te bomai po dolobo dawe? Mu menio. Dago te bomai po page hania haninama tama te page da bugagia wali pabo dao.
28099	ROM 4:9	Tama te tigiwali togwali Juda bidi dabe augwali naga augwali te tiwai wiegi yai homu pemene emainogo yaibawe? Ma te tigiwali togosiąwai bidi dabe, te Juda hani isąwai bage, augwali me te wiegi yai homu pemene egowe? Woo, te tigiwali togosiąwai bidi dabe augwali me te wiegi yai homu pemene yaibao. Magi baso meni. Dago te po tama wabo dao: “Abrahamgo homugo te Godigo agabolo nai maiabo dąų walali po te mu po dao. Tama tiyu, Abrahamgo te agade konealubo po dąų wali kolesaga te Godigo sulama, tama Godigo homugo ‘Te Abraham te doloba pai bidi dao,’ te po wali.”
28104	ROM 4:14	Te e tiwai dao: te bidi augwaligo te bomai po wali pobaso, augwaligo tede naga te tigidali nai sabo tigi sogo da, teda te konealubo po dąų wabo kolesaga te olo nai tiwai elalugi da, tama te Godigo dąų wali po me te bomo menigi dao. Magi baso meni. We bidigo te bomai po tigidali bugagia wali pabo usu meni baso, tama sęgę sai we bidi bidibo dao.
28107	ROM 4:17	Tama tede te Godigo po bukude e tiwai po wai dao: “Eno nage te geninama pedalabo bidi hani hauwago wąį mubao” wai. Te dąų wali po Godigo obaso, Godigo gedude te po te bomo elalubao. Abraham te dago aya dao. Tama Abrahamgo konealubo po te dąų wali po wali peyu Godiba homu dąų wai. Te Godigo naga te isali bidi dabebolo te bidibo ula mayu, tama te pedalisiąwani nai dabe me i weyu, te augwali pedelainu ebo dao. Tama tibaso Abrahamgo e homu mu yali, te Godigo aga yaibao po wali sę te mu yaibao.
28141	ROM 6:5	E tiwai eyu dago te gesi noma bidibo ula sabo dao: da aga dali kęą pelama tama da te aga isali tiwai isai. Tama tialigo da, da te aga dali kęą pelama tama hodaloyu, me te aga hodaluali tiwai gilama te dago isali noma dabe ma hodaluama te gesi noma bidibo ula sabo dao.
28155	ROM 6:19	Te dagego homu kolesaga bomo menibadi, tama eno te da bidigo homu wali peyu, tama sę ebo bidide po digi po begeleyu, tama eno e po obao: polobadu dagego duga tigi tigidali te meda yai kolesagade sę ebo bidi bidiyu, tama dagego yali dwai dwai sę geninama mu pedalali. Tiali goli megi dagego te duga tigi dabe me homu kolesaga te doloba pai kolesagaba munama sę ebo bidi bidiyu, tama dage te dwai sę me isąwai te wiegi yai tedali kolesaga naga pedalomainogo yao.
28180	ROM 7:21	Tama tibaso, enade te tiwai kolesaga bidibo eno sulama konebao: eno wiegi yai kolesaga yabo homu ebaso da, teda te eno homude elalubo dwai sę ebo kolesagago te homu aiyaba elalubo dao.
28296	ROM 11:19	Tiali goli dagego te duga nogi ugwaba sabo po wabo homu yaibao: “Godigo te ni oliv nologo dabe togwali madi, te ena augwali togwali pesagede wadolomainogo yai,” waibao.
28302	ROM 11:25	Eno ama dede, dage homu hagoma me idali weyu tama eno homugo dage te polobadu geme dualali po page gisiga koneao. Te e tiwai dao: te Israel hani we bidi me badugo homu palia sali, tama te kolesaga augwalide osogo elalubadi tama te gasa haniani hani we bidi augwali te Godiba asiyu, tama te sogo augwaligo hani nambaba usu nagasaibao.
28316	ROM 12:3	Te Godigo te eno sę yabo homu kolesaga enabolo olo mobaso, eno dage tigidali deli delibolo e po obao: nago geda muyu naga digi te nage mu koneai bidi mu da nago te homu me elamuo. Te menio. Hasia nago nagede homu dolo kone palao. Te Godigo te agade konealubo po dąų wabo bomo nagebolo dobolama mani. Tama te bomo da, te usu ni tiwai dao, nagede. Tama te usu nigo nago naga sę yabo bomo dali, te nago sę yabo homu kolesaga dali te si usu sao. Dage tigidali deli deligo te tama yao.
28342	ROM 13:8	Dagego bidi me delibolo negeli elalubaso da, te negeli polo wei ponao. Te negeli tigidali bugagia wei ponao. Tiali goli te negeli me deli dage tigidali deli deligo sesemane sogo me elaluaibao, siligobeo: te da te ama dede dabebolo dwagi yai homu eyu godolo mu yabo negeli elalubao. Magi baso meni, te bidi me deligo te gasa bidi dwagi yai homu eyu godolo ebo bidigo agai te kolesaga ebogo bomai po wali mu peduai dao, te aga te bomai pogo usu niba kadu wai dao.
28359	ROM 14:11	Magu meni, te Godigo po bukude asęani po tiwai yaibao, te po asęani, “Genuai Bidigo te po wai dao: ‘Ena mu tama bidibo, ena isigobeo. Te tiwai eno megi wabo po me te mu usu nagasaibao. Te tigidali we bidigo ena pagede kidu sugunama, tama tigidali bidigo God po hanilama weyu aga God mu da waibao.’”
28361	ROM 14:13	Te da tigidali te Godigo po tų ebode mu dolalubaso, tama dago dwai homu gasa amago ebo kolesagade ebo tagalao, te me elamuo. Menio. Dago te tiwai homu yao: dago te ama dwai sęgęba tulalumainogo magi sę me deli elamu dao. Te aga Godigo pabo tųdu pabo dolamuo.
28363	ROM 14:15	Magi baso meni. E tiwai dao: nago amago homu te tubo nai me deli te habu selai nai dao. Tama agai nago te nai tubo subaso, tama aga homu te nai habu selali po wai nai goli, tama aga te habu selali po bolama, agai me te nai tubaso, aga te tiwai tulaluama te dwai homu sęgę elaluaibao. Tama nago naga ama tama doloyu da, teda nago koneao, te kolesagade nago te aga ama dali dwagi yai homu eyu godolo eyu bidibo kolesaga nago tagalai dao. Krais isilama te ama ma dobola sainogo yali. Tama tibaso, nago nai tubo kolesagago te ama me dologio.
28368	ROM 14:20	Tama tiyu, e homu yao: eno ama da te Godigo ma dobola sai bidi dao. Tama tibaso, eno aga te konealubo pode dolidali weyu, te agai habu selali homu yai tubo nai te nai eno me tugobeo. Mu tama, te tubo nai tigidali wiegi yai dao, te we bidigo tuabo nai dao. Tiali goli, te nago nai me deli tuali digi tama tede te gasa bidi me deli tulalubo sę ebaso da, teda nago dwai kolesaga ebao.
28369	ROM 14:21	Te doloba pai kolesaga e dao: nago amade kone palao. Aga te mi tubo kolesagade, ma te bomai wę tubo kolesagade, ma gasa sęde me te habu selai dwai sę dao homu ebaso da, teda agai nage te tobage kolesaga ebo sulama, tama aga homude elalubo habu selali po bolama tulaluidali weyu, nago te tobage kolesaga egio. Tama tiyu te nago te wiegi yai ilibo dao.
28371	ROM 14:23	Tiali goli bidigo homu si elama te nai tuali da, te Godigo agabolo sęgę mawaibao. Magi baso meni. Aga te sęde te wiegi yai sę naga dao te homu isiąbadi aga homu si elama te nai tuali. Te tigidali sę deli delide e po mu po dao: te sę doloba pai sę mu da homu isiąbadi tama homu si elama te sę eyu da, teda dago tede dwai sę yalio.
28374	ROM 15:3	Te Kraisgo me, Krais aga digi aga homu wali me pabeo. Te meni. Te we bidi augwaligo agade nogi posobo po wali goli, aga Godigo homu naga wali pali. Te agade pedalali kolesaga te bidi mego Godibolo polobadu wali po tiwai gilama yai. Te bukude asęani po e dao: “Te God, te bidi dabe augwaligo nagebolo wabo dwai po wabo, te augwaligo dwai po wabo te po asiyu ena mesegelai dao,” te po asęani, tama te Kraisde usu nagasai dao.
28379	ROM 15:8	Eno po page e dao: Krais agade digi naga aga homugo kone palisiąbadi tama aga te tigiwali togobo Juda hani tau sabo sę bidi pedalai. Agai tama tialigo te God da te mu po naga wabo bidi dao ola mani dao. Tama tede Kraisgo te Godigo te polobadu bidali augwa wąį dabebolo menama dąų wali po tigidali usu nai dao.
28380	ROM 15:9	Tama aga te Juda hanigo sę ebo bidi pedalobo te page me elalubao, te e dao: agai homugo te gasa hani augwaligo te Godigo homu dene eyu olo tau mabo wiegi yai kolesaga ebo te augwaligo sulama, tama aga nogi ugwaba somainogo homu yali, te Godigo po bukude wali po tiwai gilama yali, te po e dao: “Tama eno nago nogi ugwaba sabo po gasa hani dabe tomode augwalibolo pusaibao. Tama eno tęąbi pogo nago nogi ugwaba saibao.”
28381	ROM 15:10	Tama bukude te sęde gasa po me wali e dao: “Dage gasa hani dabe, dagego te Godigo hani we bidi dali wiegi yai homu pemene yao.”
28397	ROM 15:26	Te e tama tiaibao: te Masedonia dali Akaia dali te tǫ pedai side bidibo Godigo we bidi augwaligo po mia selama, tama dwagi yai homu eyu augwa nai sesa pelama sisinama, tama eno nogoba munama, tama te nai meni yai te Godigo we bidi augwalibolo te Jerusalemba tolainogo ebo dao.
28443	1CO 1:12	E tiwai dao: dage tigidali deli deligo gasagi gasagi yai po wabo. Me badugo te po wabo, “Ena Pol wali pabo dao.” Me badugo te po wabo, “Ena Apolos wali pabo dao.” Me badugo “Ena Pita wali pabo dao” wabo. Tama me badugo “Ena Krais wali pabo dao,” te po wabo.
28450	1CO 1:19	Tama tede te Godigo po asęani bukude Godigo wali po me deli e tiwai elalubao: “Te eno te tǫde koneani bidi dabego homu kolesaga dolaibao, te haniani sęde polo konea pabo bidi dabego homu kolesaga ena sela sąwaibao,” Godigo te po wai.
28464	1CO 2:2	Te eno homugo digi eno tiwai po walio: te ena dage tomode bidibo sogo, te eno homugo gasa nai me konebo sę me ebeo. Menio. Eno homugo te Jisas Kraisba naga konealumainogo yaibao. Awe, te Jisas Krais ni pedaide isai dao, tede naga eno dagebolo po pusabo homu yai.
28497	1CO 3:19	Magi baso meni, te e tǫde koneani kolesaga te Godigo gedude te wabo pabo bidigo kolesaga tiwai ebao. Tede te Godigo po bukude te e tama tiwai po wai: “God agai tilama tama augwaligo kolesaga koneanigo te augwa digi tibo haniani kolesaga koneai bidi dabe sali, te bidigo ba munama te kebi sabo tiwai gilama ebo dao.”
28498	1CO 3:20	Tama tede te bukude te tiwai po me wali: “Genuai Bidigo koneani, te kolesaga koneai bidi dabego homu kolesaga te du walisiąbo olo nai tiwai ebo dao.”
28503	1CO 4:2	Tama te sę tonalubo sęde te tiwai bomai po elalubao: te sę ebo bidigo te sę idubadi aga te agabolo te sę mani bidi dali homugo kęą pai bidi bidao.
28505	1CO 4:4	Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.
28510	1CO 4:9	Magi baso meni, eno te homu yali: Godigo te da aga po sela pabo sę bidi da te nosali badu mubo bidi tiwai ilama bidibao. Da te po tų yali bidi dabe da olama tama da isimainu emainao wai. Tama augwaligo da tigidali te ensel dabe me te tǫde bidi dabe dali augwaligo gedude da elainu homu yali, te tigidaligo da dali gisugu mawainogo yali.
28523	1CO 5:1	Te we sabo kolesaga togolama dolobo sę te dage tomode mu tama elalubao, te po wabo eno me odali. Tama te we sabo togolama dolobo gasagi yai kolesaga me, te tobage kolesaga te Godigo po odisawani we bidigo me isąbo dwai kolesaga dao. Te e tama tiwai: te dage tomode bidi me deligo aga ayago we sai.
28526	1CO 5:4	Eno te tiwai po wai dao: te Genuai Bidi Jisasgo nogide te dage deliba sisinama po miao. Tama eno homu me, te dago Genuai Bidi Jisasgo bomo me te dage dali bidaibao.
28530	1CO 5:8	Tama tilama, da dwagi yai homu eyu deliba sisinama tama dago Pasova nai tuinao. Tede eno po digi po begelama tama po page obao, dago tama tuyu dago te poloba yis dali tulamuo, te yis meni yai bret naga tuao. Te po page e dao: dago te dwai sę yabo homu dali te dwai dwai sę ebo kolesaga dali te si ilamuo. Meni. Dago homu mu naga eyu, tama mu po naga weyu yao.