1	GEN 1:1	Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.
42	GEN 2:11	Te hasia wę nogi augwaligo Pison nogi yali. Te wę agai te moni tǫ Havila bagulali.
209	GEN 9:3	Dagego te tigidali haniani hasa sibi me te haniani tǫde bilalubo hasa, te dagego tuabo nai da, te usu yaibao. Polobadu eno te we bidi dabebolo te tǫde holobo nai, te nai walobo nosa me, te haniani du walobo nedu du wai dabe, te nai dabe eno tama mayu, tama dagego tuabo nai dao wali. Tama te tiwai gilama eno megi obao, te tigidali nai te dagego tuabo nai dao.
241	GEN 10:6	Te e da te Hamgo ogwa dabe dao, Kus, Isip, Put, me Kenan, te tama.
249	GEN 10:14	Patros, Kaslu, te hani dabe, me Krit. Te Filistia bidi ama sibi te Krit te bidi hanide nosali pedelai dao.
260	GEN 10:25	Tama Ebergo ogwa si ame nani. Te mego nogi Pelek. Magi baso meni, aga te tǫde bididubadi, tama te bidi hani dabe augwaligo augwa tedali tedali po wabo gagalali, tama tebogo te augwali tomode pedai dao. Tama Pelekgo ama nogi te Joktan da.
268	GEN 11:1	Polobadu mu, te moni węgo bidi ela silai madi silama, tama te tǫde bidaluali bidi sibigo te wabo po deli naga elaluai dao.
283	GEN 11:16	Te Eber te 34 kibu be bidama, te aga ogwa me deli ame nenama, te ogwa Pelekgo aya pedelali.
285	GEN 11:18	Te Pelek aga te kibu be bidi sese olama, nogo si bidama, Reugo aya pedelali.
286	GEN 11:19	Nosali Pelek te kibu be hauwa, te 209 ma bidama, tama agai gasa wegi ogwa me ame nobadi elama, te aga isai dao.
326	GEN 13:7	Tama wado po te Lot de Abram augwa si hasa tonalubo sę ebo bidi dabe tomode pedelali. Te sogo te Kenan dabe me, te Peres dabe me tede bidalubadi dao.
381	GEN 15:20	tama Hit dabe me, te Peres dabe me, Refaim dabe,
507	GEN 20:11	Tama Abrahamgo po wei ponoyu, te po wai, “Polobadu eno te tama homu yai, ‘Te e bulu bidi dabe augwali te Godide wi isiąbowe,’ te homu yai. ‘Tiyu, augwaligo ena ela munama, tama eno we saiba,’ homu yalio.
509	GEN 20:13	Polobadu te ena ayago bede bidibadi, tama Godigo ena tagala palobaso, te ena gasa buluba pali. Tama eno Sarabolo te tiwai po wai, ‘Nago te tiwai wiegi yai kolesaga naga enade yao,’ wai, ‘Te da si pabo madi tigidali pedaide nago te tama weyu, “Abraham te ena abe da,” po wao,’ te po wai dao,” Abrahamgo te po wali.
521	GEN 21:7	Tama Sarago po ma wai, “Polobadu bidi mego e tiwai po Abrahambolo wabo usu meni yai, ‘Nago we Sarago te wai ame nenama, tama agabolo ame mawaibao,’ wabo usu meni yai. Tiali goli, megi Abraham monu dabe yai digi, tama eno agai wai ogwa te ame nanio,” Sarago te po wai.
534	GEN 21:20	Tama nosali God te ogwa Ismael dali bidibaso, tama aga genuai yai. Aga te Paran pedai badu te bidi dabe bidisiąwai madi bidali. Tama aga te bulu hasa gegebo konebo bidi mu pedelalio, te enesigi enebo sę agai mu konea pali.
570	GEN 22:22	tama Keset, me Haso, me Pildas, me Jitlap, me Betuel.
659	GEN 24:67	Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.
668	GEN 25:9	Aga ogwa si te Aisak me Ismael sigo aga pubulali, te gų page dedage page te Mamre, te badu te Makpela ola be gų page te giliga pedalubo badu muani. Polobadu te tǫ pedai te Sohargo ogwa Efrongo tǫ, aga te Hit bidi hani me deli dao.
720	GEN 26:27	Tialima, Aisakgo augwalibolo hanalu wali, “Polobadu dagego ena dali wado po olama, tama ena dagego bulude bidibadi gudulai. Tama magi baso megi da, duga digi dage ena bidibo digi asaliwe?” wali.
793	GEN 28:19	Agai te bulu nogi te Betel nogi poai. Polobadu te bidi dabego te bulu pąde elalubo hanu nogi Lus nogi yai.
861	GEN 30:30	Polobadu te nago sipsip hauwa meni yai, te dwasianu hani elaluali. Tama megi te ena nage dali bidiyu, tama nago sipsip kibu dabe geninama, hauwa pedelali, magi baso meni, te nago ena haniani sęba muani goli, te Yawego wiegi yai sę nagebolo yali. Tiali goli, te eno ena hani bage tau sabo sę nisu egowe?”
941	GEN 32:13	Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.
959	GEN 32:31	Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.
960	GEN 32:32	Te giliga pedelama, tama Jekopgo te Peniel bulu taga soai. Tiali goli, aga dolo bugagia me soabeo, aga te haiagalu ela soali, magi baso meni, te sili si wadolali te guda palio.
1011	GEN 34:30	Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.
1080	GEN 36:39	Tama Balhanan te Akborgo ogwa isibaso, tama Hadatgo agai te sę selama, bidai. Pau te aga te king sę eyu bidali bulu da, tama agai te we Mehetabel sali, te we nogi Matretgo wegi da. Tama Matret te Mesahapgo wegi dao.
1081	GEN 36:40	Te e da, te Iso hani dabe tobolu bidi dabe da, Timna, Alva, Jetet, Oholibama, Ela, Pinon, Kenas, Teman, Mipsar, Makdiel, Iram. Te augwali te Idom tobolu bidi hani dabe da. Idom te Isogo gasa nogi me, tama Iso te Idom hani nogi aga aya dao. Te augwali tigidali deli deli te augwa bulu elalubao, tama augwa hanide te augwali tobolu bidi dabe dao.
1104	GEN 37:20	“Polo tama, dago aga ela munama, tama aga tigi te ulu sigi ąį elaluai madigi dedage me deli teba sąwaibao. Te nosali dago te po waibao, ‘Te genuai uni hasa me deligo aga elama, tuali,’ po waibao. Tama agai na yali sę mu pedelaibawe, ma meniwe, te dago koneaibao,” augwaligo tama po wali.
1120	GEN 37:36	Tama tidubadi, te Isipde te Midian dabego Josep te Isip tuni bidigo ofisa bidi me deli, te Potifarbolo mani, tama agai Josep te monego mu abelai. Potifar te Isip tuni bidigo genuai be tonalubo ami bidi dabe augwali tonalubo bidi dao.
1149	GEN 38:29	Tiali goli, te waigo nogo te ugwaba ma kega selama, tama aga ama me bolo te hasia ame nani. Tialima, te tonaluali wego te po wai, “Magi yaliwe? Nago te hani si pedelama, tama bomonama, nage bolo te hasia ame nani dawe?” Tama tibaso, augwaligo aga nogi te Peres poai.
1151	GEN 39:1	Te Ismael dabego te Josep Isipba odasa pelama, tama te bidi me deli aga nogi Potifar, tego aga abelai. Potifar te Isip bidi me deli, tama te Isip tuni bidigo sę ebo ofisa bidi me deli da. Agai te ami bidi dabe te Isip tuni bidigo genuai bede tonaluali.
1152	GEN 39:2	Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.
1153	GEN 39:3	Tama Potifargo sulama, koneani, Yawe te Josep dali bidiyu, tama tigidali sę Josepgo yali te dwagi yai naga pedelali.
1154	GEN 39:4	Tama agai te Josep dali wiegi yai homu pemene mu elama, tama agai te Josep te aga digi pąde bidibo tau sabo bidi nigilali. Tama tibaso, Potifargo Josep te agai bede tigidali doado bage tonalumainu muani.
1155	GEN 39:5	Tama te sogo Yawego te Isip bidi Potifargo hani dabe dali dwagi yai sę ebo gagalali, magi baso meni, te Josep augwali dali bidali. Yawego te tigidali doado bage, me tigidali we bidi te Potifargo bede bidalubo, me te tigidali gide elalubo nai dabe, te hauwa mu pedalumainu te dwagi yai tau sabo sę yali.
1156	GEN 39:6	Tialima, Potifargo te agai doado bage tigidali tonalumainu Josep te tonalubo bidi nigilali. Tama aga digi te magi nai me deli tede te agai homu me ebeo. Menio. Agai te aga tubo naide naga homu yali. Tialima, Josepgo tigi te wiegi yai mu elama, tama gasagi yai sawi yai bidi mu pedelali.
1157	GEN 39:7	Tama pąde digi tama Potifargo wego te Josep gedu eyu, tama pesą yalima, tama agabolo te po wai, “Nage ena dali pagela piagasao,” wali.
1162	GEN 39:12	Tialima, Potifargo wego te Josepgo ugwa tola selama, tama agai te po wai, “Nage ena dali piagasao,” wai. Tiali goli, agai holobo ugwa te wego nogode tolalubadi taga peyu, tama aga wi soyu, te bedu buluba soali.
1166	GEN 39:16	Tama te sogo pio Potifargo wego te Josepgo ugwa tolalubadi, te aga tonalubo bidi te beba sabolali.
1206	GEN 41:10	Polobadu nago te naga sę bidi dabe dali wado po olama, tama nago ena dali, te bret ulubo sę tonaluali tobolu bidi, da si te kalabus bidi tonalubo bidi dabego beba da si kalabus muani.
1241	GEN 41:45	Tama Ferogo te nogi Safenat Panea te Josepbolo mani. Tama agai te Josepbolo we me deli mani. Te we nogi te Asenat. Aga te Potiferago wegi da, te hanu me deli nogi augwaligo Heliopolis wabo, tede aga pris bidi dao. Tialima, Josep te Isip tǫ tigidali pedai badu bilali.
1246	GEN 41:50	Tama te nasi yabo kibu be dabe te pedalisiąbadi, tama Asenat, te Josepgo wego, te ogwa si ame nani. Asenat te Potifera te Heliopolis hanu pris bidigo wegi dao.
1311	GEN 43:20	“Genuai bidi, nago te dago wabo po odao. Polobadu da eba aselama, tama nai abelagasai.
1344	GEN 44:19	Polobadu nago dabolo te tiwai po hanalu wali, ‘Dagego aya me ama dede bidalubowe?’ wali.
1363	GEN 45:4	Nosali Josepgo po ma olama, “Dage ena pąba asiąo,” wali. Augwali te aga pąba pobaso, tama agai te po wali, “Ena Josep, ena te dagego ama dao. Polobadu dagego ena te Isip dabe dali tagala palai dao.
1396	GEN 46:9	Te Rubengo ogwa dabe nogi te e tiwai, Hanok, me Palu, me Hesron, me Karmi.
1399	GEN 46:12	Tama Judago ogwa dabe e tama da, Er, me Onan, me Sila, me Peres, me Sera. Tiali goli, Er de Onan si te Kenande isali. Tama te Peresgo ogwa dabe e da, Hesron me Hamul.
1400	GEN 46:13	Tama te Isakargo ogwa dabe te e dao, Tola, Puva, me Iop, me Simron.
1407	GEN 46:20	Josepgo we Asenat te Isipde selama, tama ogwa si ame nani, Manase me Efraim. Asenat te Heliopolis bulu pris bidi Potiferago wegi dao.
1463	GEN 48:11	Te Jekopgo Josepbolo te po wali, “Polobadu eno homugo te eno nage ma sugobe da, te homu yali. Tiali goli, megi Godigo ena gogoliyu, sula tagalubaso, tama eno nage me, te naga ogwa si dali, te eno megi dage suali,” wali.
1527	GEN 50:20	Polobadu dagego ena dolabo homu dąų wali. Tiali goli, Godigo te dwai kolesaga begelali, tama agai te bidi hauwa bidibo ula elaluyu, tama augwali me hagaidali weyu, wiegi yai sę pedalumainu ilali. Tama tialigo da, megi te we bidi dabe bidaluali.
1544	EXO 1:11	Tama te po olama, te Isip hanigo te Israel hanigo bomo kimi isilainogo eyu, tama augwaligo te sę tonalubo bidi dabebolo te sę mawai, tama te bidi dabe augwaligo te Israel hani sę emainogo selai, tama augwali sę dene mu yai. Tama augwaligo te Israel hanibolo genuai hanu me si niga po wai, te hanu me nogi Pitom, me Rameses. Te hanu side te Isip tuni bidigo nai sisinabo madigi te hanu nigai.
1548	EXO 1:15	Tama we si bidali, te we me nogi Sifra, me we nogi Pua, tama te we augwali sigo te Israel te Hibru we dabego wai ame nabo tau sabo sę yai. Tama te Isip tuni bidi agai te we sibolo te po wai,
1572	EXO 2:17	Tama tialima, gasa sipsip tonalubo bidi hani aselama, tama augwaligo te bidigo wegimani ąį tuagasu asobadi, augwali sela sąnama, “Pao,” wai. Tama Moses agai te wegi dabe tau siyu, tama te bidi dabe augwali sela sąwai. Tama nosali Moses agai te wegi dabego kibu sipsip meme dabe ąį mawai.
1588	EXO 3:8	Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.
1597	EXO 3:17	Tama eno te po wali, te eno dage Isip tǫde selama, te bulu bidi dabego dwai sę mu dagebolo ebaso, tama eno dage te Kenan bagego tǫ, me te Hit hani, me te Amor me, Peres me, te Hivi, me Jebus, te hanigo tǫba eno dage odasa painogo ebao. Te dwagi yai tǫ, te ili hauwa elalubo tǫ dao.” ’
1659	EXO 6:3	Polobadu kibu be hauwa ena te Abraham, Aisak, Jekop, te bageba pedelali, te augwaligo koneai, ena te Tigidali Bomo Elalubo God dao. Tiali goli, eno te tama po augwali dali wabe, Genuai Bidi Yawe te eno nogi da, te po wagi sogo da, teda te nogi page augwaligo konegi dao.
1670	EXO 6:14	Te bidi hani augwali te Moses de Aron sigo hasia wąį dabe te bidi hani nogi e dao. Ruben, te Jekopgo gomunai ogwago wai dabe nogi e dao. Te ogwa me si me si, me nogi Hanok, me Palu, me Hesron, me Karmi. Te Rubengo hani me si me si te hani me si me wąį si tomode te Ruben pedelai.
1681	EXO 6:25	Eleasar te Arongo ogwa, agai te Putiel te bidigo wegi selama, agai wai te Finias ame nai. Te megi nogi nogi yali bidi hani augwali da te Livai hani sibi deli deli augwaligo tobolu bidi dabe dao.
1784	EXO 10:6	Augwali te nago beba, me te nage dali gavman sę ebo bidigo beba me, te nago we bidigo beba me, te kuli mano dabe augwali pągąna saibao. Polobadu wąį dabe me te aya dede bidada asali, te megi tama bidibo sogo te tiwai kuli mano dabe hauwa te dagego tǫba me pedelai menio. Te dwai nai mu dao.’ Godigo te po wai.” Mosesgo te po olama, tama aga begelama, te tuni bidi tagalama, buluba pai.
1792	EXO 10:14	Tama genuai genuai kuli mano dabe aselama, te Isip tǫ tigidali habu badu mesega sagasai. Polobadu Isip hani augwaligo te tiwai genuai kuli mano hani suai meni, tama nosali augwaligo ma sugobeo.
1832	EXO 12:15	Genuai Bidigo po ma weyu, te po wai, “Te nosali bidada peyu, tama dagego te Pasova bret tubosi da, teda dagego te a naga olama, me badu nogo si, te tama side te bo disiąwai nai bret tuao. Te hasia mu dagego bede munalubo te bret bo dabo nai yis tigidali selama, tagalao. Magi baso meni, niwai bidi me deli agai hasia sogo te bo dabo nai yis tudu pelama, te a naga olama, me nogo si usu nigi pobaso da, teda aga dagego te Israel hanide sela sąyao.
1838	EXO 12:21	Tama Mosesgo tigidali Israel tobolu bidi dabe i olama asobode, augwalibolo te Israel hanibolo pusabo po weyu, te po wai, “Dage pelama, te ogwa bidi sipsip meme te dage dali duga we wai pulubade sa munama, tama te Godigo dage ela soabo Pasova side te sipsip meme dabe elao.
1844	EXO 12:27	Tama dagego augwalibolo te po wao, ‘Megi da, te Pasova sogo dao. Dago te ofa Genuai Bidibolo ebo, te agai da Israel hani tagalama ela soali bodolu side te sę ebao. Dago te Isip hani augwaligo gomunai ogwa agai elali sogo homugo koneama tiwai. Tiali goli, agai da Israel bagego be tagalama, ela soai, tama dago wai dabe sula tagalama, bugagia bidai.’” Mosesgo te po te tobolu bidi dabebolo wai. Tama nosali te we bidi augwaligo te po odoyu, tama augwali tobolu aiyaba munama, tama Godibolo lotu po wai.
1860	EXO 12:43	Genuai Bidigo Moses de Aron sibolo te po wai, “Odao, te Pasova nai dabego bomai po e dao. Te Israel hani isiąwai gasa bulu we bidigo te nai tugio.
1866	EXO 12:49	Tama te gasa bidi hani te Israel hani augwali dali bidagasali bagego te Israel hanigo Pasova nai bomai po tiwai naga wali peyu, dage dali bidao,” wali.
1887	EXO 13:19	Polobadu Josepgo te Israel hanibolo te po wai, “Nosali ena isama, tama Godigo dage Isipdu te Kenan tǫba ma oda sagasobode, tama dagego eno dili dabe dali selasa pao.” Tama Israel dabe augwaligo bomai po dąų weyu, tama tiaibao wai. Tama Mosesgo te Josepgo dili dabe selama, tolasa pai.
1892	EXO 14:2	“Te Israel dabe augwalibolo te po olama, tama augwali ma geasa peyu pelama, tama te tamu ąį sesegede te bulu Pihahirot, tede te bidabo pesage nigao. Te bulu te Mikdol dali, te mama tamu ąį dali, te si tomode elalubao, te Balsefon bulu dolo si dao.
1899	EXO 14:9	Te Isip ami bidi dabego karis elaluai, tama te ami bidi dabe augwali te hosde duayu, tama ami bidi dabe meba tǫdu pali, tama augwali tigidaligo te Israel hani augwali pobeasa peyu, pai. Tama augwali te Israel bage bidibo pąba pedelai, te mama tamu ąį sesegede, te Pihahirot bulu pąde, te Balsefon bulu dolo si elaluali, tede pedelai.
1951	EXO 16:3	Augwaligo te bidi si dali te po wai, “Dago homugo Genuai Bidigo da Isipde eligi sogo da, usu igi dao. Polobadu da Isipde bidibadi, mena tiwai nai dabe, me hasa mi me, te dago homugo digi sai dao. Tiali goli, dage sigo da e nai meni yai wa pai buluba odasa asai, tama dage sigo homugo da nai sili bidilama, tama da tigidali isimainogo homu yai. Tama da Isipde bidibadi isigi sogo da, te wiegi yai mu igi dao,” wali.
2002	EXO 18:2	Tama Jetro aselama, Moses suagasai. Polobadu Mosesgo we Sipora te aga aya pageba ma osogo tagala palai. Tama megi da, Jetrogo te Moses we Sipora dali, aga ogwa si badi, augwali odasa aselama, aga bidibo digi pedelai. Te wai sigo nogi e tiwai, Gersom, me Elieser. Polobadu Mosesgo te po wai dao, “Ena gasa badu bidi, tama ena gasa tǫde bidibao.” Tama agai gomunai ogwa nogi e tiwai nogi yai, Gersom dao.
2168	EXO 23:23	Eno sę ebo Ensel Mobo Bidi agai te dagego polasa pabo bidi pedelama, tama dage te Amor dabe, me te Hit dabe, me Peres, me te Kenan dabe, me te Hivi dabe, me te Jebus dabe, te hani augwaligo tǫba dage odasa pelama, tama eno augwali hani mu ela silaibao.
2475	EXO 33:1	Megi da, Genuai Bidigo Mosesbolo e tiwai po wai, “Nage dali, te nago Isipde odasa asali we bidi me, dagego e bulu taga peyu, tama eno dagebolo po dąų weyu, dagebolo te mawaibao wali, te buluba piąo. Polobadu eno Abrahambolo, me Aisak dali, me Jekop dali, te tiwai po wai, ‘Tama eno te tǫ te duga hani wąį nǫų dabe augwalibolo mawaibao,’ wai dao.
2476	EXO 33:2	Tama eno ensel mobo bidi me deli te dage pabo madi polasa tagalama, tama eno te Kenan hani, me Amor, me Hit, me Peres, me Hivi, me Jebus, te hani augwali eno sela sągi paibao.
2508	EXO 34:11	Tama megi eno dagebolo te mawainogo ebo bomai po tigidali te dagego odoyu, wali piąo. Ena te dage pabo madi te ena polasa pelama, tama eno te Amor dabe badi, te Kenan dabe me, te Hit dabe me, te Peres dabe me, te Hivi dabe badi, te Jebus, te hani dabe augwali eno sela sągi paibao.
2822	LEV 4:26	Tama agai te meme ili altaba ulao. Prisgo te meme kibu elama, te meme ili me te deli haliga pedalumainu ebo ofa tobage tiwai ebaso usu yaibao. Te tiwai naga prisgo te hetman tobolu bidigo sęgę sela sąbo kolesaga eyu, ofa yao, te Godigo agai sęgę sela sąmainao,” te po wai.
2827	LEV 4:31	“Tama agai te meme kibu ili tigidali te altaba ulao. Prisgo te meme ilide te deli haliga pedalubo ofa ebo tobage kolesaga tiwaigo te ofa yao. Tama agai ili te altade ulao, te Genuai Bidigo te ofa ebo denami godolo yaibao. Te tiwai naga te prisgo te bidi ma wego sęgę sela sąbo ofa ebo kolesaga ebaso da, te Godigo agai sęgę sela sąwaibao.”
2831	LEV 4:35	“Tama agai te sipsip kibu ili te altaba ulao. Prisgo te deli homu naga pedalumainu te ebo tobage ofa ebo tiwai gilama, te sipsip ili ofa eyu te tiwai tama yao. Tama agai te ili altade gasa ofa dali eyu, te augwaligo isigo tigidali domainogo te ulama, Genuai Bidiba mabo ofa tiwai yao. Te tiwai naga prisgo te bidigo sęgę sela sąbo ofa ilao, te Godigo agai sęgę sela sąwaibao,” wali.
2839	LEV 5:8	“Tama agai te ba hi si te prisba sela pelama, te prisgo te ba hi mego te sęgę sela sąbo ofa tiwai yao. Prisgo te ba hi mage togwa sąnama, te tobolu sela sągio.
2849	LEV 5:18	Tialima, agai te ofa me deli prisba sela pelama, te dwai sę yali sela sąyu isilao. Prisgo agabolo weyu, te wiegi yai sipsip omai me deli somainu yao, te keni kenigo aga tigi me dolisąwai, sela asao. Te sipsip sesali bidiba te mone namba dąį ilao. Tama te bidigo te sipsip kibu tiwai me deli selama, te prisba sesao. Tama prisgo te bidigo sęgę sela sąyu ofa elama, tama Godigo agai sęgę sela sąwaibao.
2856	LEV 5:25	Te sipsip omai me deli agai te prisba sela pelama, te aga yali kolesaga sia somainogo te Genuai Bidiba ofa eyu dola palobo sę yao. Prisgo agabolo walama, te wiegi yai sipsip mu sao po wao, te keni kenigo aga tigi me dolisąwai selama sesao. Tama hasia bolo prisgo te bidigo sesebo sipsip abelabo mone nogiyu dąį ilao. Tama bidigo te sipsip tiwai te prisba selasa asao.
2876	LEV 6:19	Prisgo te sęgę sela sąbo ofa yali, agai digi te kibu mi eno Ugwa Be mesalode tumainao.
2981	LEV 10:3	Tama Mosesgo Aronbolo te po wai, “Polobadu Genuai Bidigo te tiwai po wali, ‘Te eno sę eyu pąba asobo bidi dabe, ena te olo bidi tiwai meni augwaligo te tiwai koneabo elalubao, ena God mu dao. Augwaligo te tama homu bugagia konebaso da, teda eno genuai bomo me ula te we bidi augwaliba ola mawaibao.’ Agai te tama po wai, tiali goli te bidi sigo te po wali me pisąbaso, tama Genuai Bidigo augwali si dolali,” Mosesgo te po wai. Tama Arongo te tiali po odama, agai po me wabeo.
3064	LEV 13:11	teda te bidi te oiyabe gasi dolo elalubao. Tama prisgo te bidiba te tiwai po wao, ‘Nage wiegi yai me ebeo.’ Prisgo koneani, te bidi wiegi yai ebeo, tama tiyu, te bidi agaduba deli bidimainogo me elamu dao.
3068	LEV 13:15	Prisgo te keni ma sulama, agai suali keni te tiwai ulu podilaibaso, agai te bidibolo walao, ‘Nage wiegi yai ebeo.’ Te keni elalubo bidi te keni ulu podilama, te keni tomode mi elalubo bidi da, aga eno gedude wiegi yai me egobeo. Te tobage keni te dwai mu dao.
3125	LEV 14:13	“Tama nosali prisgo te sipsip wai te pesagede elao, augwaligo te sęgę sela sąyu, te bulmakau dabe elama, ofa ebo pesage, te isigo tigidali dela silimainu ofa ebo digi dao. Prisgo tama tiao, magi baso meni, te dwai sę silimainu ebo ofa tiwai te sęgę sela sąbo ofa tiwai ebao. Te ena dolo mu ebo sę ena God, eno te sipsip mi te pris dabebolo mawai dao.
3148	LEV 14:36	Prisgo te tiwai po odobaso da, teda agai te be page bidibolo walama, te be tomode doado bage tigidali selama, te buluba sela soao. Te bidigo tama tisąwani da, te pris aselama, agabolo te tiwai po walaibao, ‘Te bede tigidali doado bage te God gedude dwalio olama, te nagebolo habu selaibao.’ Tialima, bidigo te bede doado bage tigidali buluba sela soai digi yai baso da, teda pris te be tomoba pelama, te be sumainogo yao,” po wai.
3161	LEV 14:49	Te be eno gedude wiegi yai pedalubo kolesaga e tiwai elalubao. Prisgo te ba hi si sobadi, te ni sida dwasianu dagenu siyu, te mama hobi string dagenu sobadi, te ni hisop nologo sobadi yao.
3164	LEV 14:52	Prisgo tama tilama, te be eno gedude wiegi yai pedelaibao.
3203	LEV 16:1	Polobadu Arongo ogwa sigo te Genuai Bidiba ofa igi pali te agai augwali sibolo te ofa yabo po wasiąbadi, tibaso augwali si isalio. Te tilama, nosali Genuai Bidigo Mosesbolo te tiwai po wali,
3204	LEV 16:2	“Nago naga ama Aronbolo walao, sesemane sogo aga te Tedali Gasagi Yai Mu Be Habu te genuai dąį togwali tudi badu tomoba me pelamu dao. Tialima, ena digi dąį ilibo sogo, aga tomoba pagameo. Magi baso meni, ena te pǫ me deli tomode bidama, te ena hanilagasu, te sęgę sela sąbo Dąų Wali Bomai Po Elalubo Halobage daiba pedalubo dao. Te aga olo dali te be habu tomoba pobaso da, teda aga isaibao.
3214	LEV 16:12	“Nosali agai ain sospen me deli selama, te altaba pelama, te sia dage sospenba bulama, te Tedali Gasagi Yai Mu Be Habuba selasa pao. Te wiegi yai denami ebo pauda agai nogo sigo sabua selama, te sela pelama, te sospende elalubo siaba mugi pao, te eno sueibao. Te paudago hanogo te sęgę sela sąbo pesage te Dąų Wali Bomai Po Elalubo Halobage mesega saibao. Te tiwai ebaso da, Arongo te sęgę sela sąbo pesage sugobeo. Tiyu, agai subaso, te eno aga ela muidali weyu tama tiaibao.
3216	LEV 16:14	Tama agai te bulmakau kaneme me badu selama, te kaneme nogoba holama, te kaneme te sęgę sela sąbo pesage daiba ugwadu sąyao. Agai te kaneme nogo danide ma selama, te kaneme nogo a naga si sogo te Dąų Wali Bomai Po Halobage gesabidiba sąyao,” po wali.
3217	LEV 16:15	“Nosali agai te we bidi dabego sęgę sela sąbo ofa yabo kibu meme ela muao. Tama agai te meme kaneme te Ugwa Be Tedali Gasagi Yai Mu Be Habu tomoba sela pelama, te dwasianu me badu te sęgę sela sąbo pesageba sąyao. Te agai dwasianu meba te Dąų Wali Bomai Po Elalubo Halobage gesabidiba sąyao. Agai te bulmakau kanemego yali sę tiwai yao,” wai.
3241	LEV 17:5	Te po page e tiwai dao. Polobadu dage Israel dabego te kibu elama, te bidibo pesage bulu, badu ofa yali, tiali goli megi da, dagego te kibu elibaso, te prisba selasa pao, te eno sel Ugwa Be sunumiba pelama, te ena dali deli haliga pedalubo ofa yao.