238	GEN 10:3	Te Gomergo ogwa dabe, te e da, Askenas, Rifat, Togarma, te tama.
239	GEN 10:4	Te Javango ogwa dabe da, e dao, Elisa, Tarsis, te Saiprus bidi hani me Rodan hani bidi dabe dao.
242	GEN 10:7	Te Kusgo ogwa dabe da, te augwali e dao, Seba, Havila, Sapta, Rama, me Sapteka. Ramago ogwa si ame nani, me Siba me Dedan.
246	GEN 10:11	Nimrotgo te Babilonia taga soyu, te genuai hanu te Asiria tǫba nigigi pali, te hanu me Ninive, me Rehobotir, me Kala,
247	GEN 10:12	me Resen. Resen hanu te Ninive de te genuai hanu Kala si tomode elaluali. Te hanu dabe te Asiria dabego tǫ pedai badu elaluai.
285	GEN 11:18	Te Pelek aga te kibu be bidi sese olama, nogo si bidama, Reugo aya pedelali.
287	GEN 11:20	Te Reu kibu be bidi sese deli olama, nogo si olama, me si, 32 bidama, tama aga ogwa me deli Serukgo aya pedelali.
288	GEN 11:21	Tama nosali Reu te kibu be bidi sese hauwa 207 bidama, te agai gasa wegi ogwa me ame nobadi elama, te aga isai dao.
338	GEN 14:1	Te Abram aga te Hebron bulude tama bidalubadi, tama te bidi nogi Kedorlaomer aga te bulu Elam gavman tuni bidi dao. Tama Kedorlaomer gavman tuni bidigo te gasa gavman tuni bidi dabe tonaluali. Tama agai augwali tonalubadi, te kibu be nogo si olama, sągą badu si wai, tama sągą badu sela wagi soabo kibu bede augwaligo te Kedorlaomer gavman tuni bidigo po sela sąwani, te takis mone me mabeo. Te tuni bidi dabe e dao, Bera te hanu Sodom gavman tuni bidi da, tama Birsa te Gomora hanu gavman tuni bidi da, tama Sinap te Atma gavman tuni bidi, me Semeber te Seboim tuni bidi, tama te Bela pedai badu gavman tuni bidi me elaluali, te bulu Bela te gasa nogi me Soar elaluai. Tama te bage augwaligo te tuni bidi Kedorlaomer hagela homu eyu, agai po sela sąwani. Tialima, te nogo si olama, sągągo me si me si wabo kibu bede, te gavman tuni bidi Kedorlaomer tuni bidigo te aga abagi solo gavman tuni bidi sela i wali, Amrafel te Babilonia moni tǫ gavman bidi badi, te Ariok te Elesar tǫ gavman bidi, me Tidal te Goim tǫ gavman bidi dao. Te gavman tuni bidi dabe me si me si te augwa ami hwįbo bidi dabe palima, tama augwaligo te hasia bolo te Refaim hani bage dali, te Asterot Karnaim tede boi hwįnama, tama augwali aiyaba elaluali. Te tudibadu augwaligo te Sus hani te Ham tǫde aiyaba elalubadi, te Emgo ami hani bidi dabe te Kiriataim bulu du elalubo tǫde aiyaba elaluali. Tama te Hor dabe tego ami hani augwali te Seir bulu dude elaluama, tama augwali pobasa pidubadi, te Elparan bulu dolo te bidi meni yai buluba tagaligi palio. Nosali augwali begasa peyu, te Kades tǫba pali. Te Kadesgo poloba nogi da te e tama Enmispat wai. Tama augwaligo boi hwįani, te Amalek dabego tigidali tǫ pedai badu te boi hwįnama, te Amalek dabe aiyaba elaluali. Tama augwaligo te Amor hani dabe dali te bulu Hasason Tamar tede hwįnama, tama augwali aiyaba elaluai dao. Te boi hwįani silama da, teda te Kedorlaomer gavman tuni bidi dali, te aga abagi gavman bidi dabe dali, augwaligo te a naga bulu gavman bidi dabe augwali dali hwįgi pali, te hanu dabe nogi e tama da, Sodom, me Gomora, me Atma, me Seboim, me Bela. Te a naga hanu gavman tuni bidi augwa ami bidi dabe dali, augwali te Sidim tǫ malu odogode deliba sisinani. Tama augwaligo te Kedorlaomer dali, te aga gavman tuni bidi sela bage augwali dali boi hwįainu sisi elaluai. Tama te a naga gavman bidi dabego ami bidi dabego te gavman tuni bidi me si me sigo ami bidi dabe dali boi hwįani.
381	GEN 15:20	tama Hit dabe me, te Peres dabe me, Refaim dabe,
571	GEN 22:23	Betuel te aga te we Rebekago aya dao. Milkago te Nahor tego ogwa te a naga olama, me sela ame nani, te Nahor te Abrahamgo ama dao.
572	GEN 22:24	Te Nahor aga dali bidali gasa we me nogi da, te Reuma, agai ame nani ogwa te Teba, me Gaham, me Tahas, me Maka, te tama ame nai.
607	GEN 24:15	Sę bidigo te tiwai gedu haluasa po odubadi, tama Rebeka sabolalio. Agai te wę sabo botol aga nagede tolasa asali. Rebeka te Betuelgo wegi dao. Tama Betuel te Milkago ogwa dao, aga te Nahor tego we, te Abrahamgo ama dao.
610	GEN 24:18	Tama Rebekago te po wai, “Genuai bidi, nage tuao.” Tama polo agai te botol wę aiyaba mugulama, tama nogogo tolalubadi, tama aga tumainu yalio.
611	GEN 24:19	Agai te wę tula silibo si, tama Rebekago po ma wai, “Te eno nago kamel dabe me wę menama, te augwali tulama, usu elama, pągąmainu yaibao,” wali.
614	GEN 24:22	Te kamel dabego wę tula silibo si, tama Abrahamgo sę bidigo agai te ring gol te gasa sawi yai mu selama, tama te Rebekago guniba muanio. Tama agai te golgo nigai nogo mo si te Rebeka nogoba holali.
616	GEN 24:24	Tama Rebekago te tiwai po wei ponani, “Ena te Betuelgo wegi da, aga te Nahor me Milka te bidi de we sigo ogwa dao.
621	GEN 24:29	Tama Laban, te Rebekago abe, agai te ring gol me, te golgo nigai nogo mo si me, te aga gunide walali me, te nogode holali suali. Tama agai odali, te bidigo yali sę po tigidali Rebekago pusali. Tama aga udayu, te bedu buluba teda solama, tama aga te Abrahamgo sę bidi me bididubo madi saboligi pai, aga te aga kamel dabe dali te ulu wę tubo pąde dolaludai.
637	GEN 24:45	Eno gedu haluasa po udubadi, tama Rebeka sabolali. Agai te wę tubo botol te aga nagede tolasa, tama aga te wę ulu tugi soyu, aiyaba dulalio. Tama agabolo eno te po wali, ‘Ae, nago węgo enanu dwasianu menama, ena tuaio,’ te po wali.”
643	GEN 24:51	Rebeka te bidibao. Nago aga selasa, tama naga pao. Aga te nago genuai bidigo ogwago somainao, te Yawego wali po tiwai gilama emainao,” te po wai.
645	GEN 24:53	Tama tilama, nosali aga te haniani au dobage te silva me gol me, te gasa sawi yai gudubo ugwa me sobadi elama, te Rebekabolo mawai. Agai te haniani gasagi yai sawi yai dila pai nai dabe te Rebeka aga abebolo mobadi, te aga idabolo me mayu yai.
647	GEN 24:55	Tiali goli, Rebeka aga ida de aga abe sigo te po wai, “Te wegi ogwa we da dali te nogo si sogo bidimainu elama, tama nosali aga pomainu yaibao.” Te po wai.
650	GEN 24:58	Tialima, augwaligo Rebeka i olama, asobosi, tama augwaligo aga hanalu wai, “Nage te bidi dali paibawe?” Tama agai te po wai, “Awe, te ena paibao,” wali.
651	GEN 24:59	Tama tibaso, augwaligo augwa abe Rebeka aga tonalubo we dali augwali si te Abrahamgo sę bidi aga hani dali pomainu tama tagala palai.
652	GEN 24:60	Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.
653	GEN 24:61	Tama Rebeka dali, aga sę ebo wegi ogwa we dabe dali, augwali hogodama, tama augwali te kamelba duagulama, tama augwali te Abrahamgo sę bidi wali pai. Tama sę bidigo Rebeka oda selama, tama augwali te digibulu buluba pabo gagalali.
656	GEN 24:64	Tama Rebekago Aisak sulama, tama aga te kamel daide dulaluali tagalama, aiyaba dulai.
657	GEN 24:65	Tama agai te Abrahamgo sę bidibolo hanalu wai, “Te mena bidi da tiąba asobawe?” Tama sę bidigo te po wai, “Te eno genuai bidi dao.” Tama tibaso, Rebeka aga tobolude elaluali ugwa namego te aga gesabidi au palia sai.
659	GEN 24:67	Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.
679	GEN 25:20	Aisakgo te Rebeka sali sogo te aga kibu be bidi sese si 40 elaluai. Rebeka te Betuelgo wegi da, aga te Aram bulu bidi me deli, te Mesopotemia pedai badu elaluai. Tama Rebeka te Labango abe, aga te Aram bidi me deli dao.
680	GEN 25:21	Te Aisakgo wego wai me ame nabeo. Tama tibaso, Aisakgo aga tobade gedu haluasa po weyu, te Yawego aga we tau somainu yai. Yawego te Aisakgo gedu haluasa po wabo odama, tama Rebeka haliga yalio.
681	GEN 25:22	Te Rebekago haligade te wai si elalu, tama augwa si tomode usu siyu begelali. Tibaso, Rebekago te po wali, “Te ebo kolesaga magi baso enaba pedelaliwe?” Agai te sę ebo page koneainu, teda agai Yawebolo gedu haluasa po hanalu wali.
682	GEN 25:23	Tama Yawego te tiwai po Rebekabolo wai, “Te bidi hani si te nago haliga tomode bidibao. Te hani bidi si nago ame nainu ebaso, te augwali si dali si ususu si yainu ebao, tama nosali hani si bugulama, tedali bidaibao. Te me hani deligo gasa hani me dali bomo mu yaibao. Tama polasa te ame nabo wai aga te nosali ame nabo waigo sę ebo bidi pedelaibao,” Yawego Rebekabolo te po wei ponani.
683	GEN 25:24	Tama te tiabo sogo bodolu pedelama, tama mu tama Rebekago te wai ogwa si ame nani.
685	GEN 25:26	Te nosali pedelali wai ogwa aga ame nobadi tama aga nogogo te Iso sągą gabulude tolalubadi, tama ame nani. Tama augwaligo aga nogi Jekop poai. Te sogo Aisakgo kibu be te 60 kibu be elalubo sogo Rebekago te wai si ame nani.
687	GEN 25:28	Aisakgo te Iso godolo elaluai, magi baso meni, agai te Isogo elebo bulu hasa tuyu, wiegi yai homu pemene iduali. Tiali goli, Rebekago Jekop agai godolo homu yali.
700	GEN 26:7	Tama te bulu bidi dabego te aga we po agabolo hanalubo sogo agai te tiwai po wali, “Aga te ena abe dao.” Aga wi ebaso, tama agai te po me wabe, “Aga te eno we da,” wabeo. Aisak wi elama, tama tiwai homu yali tiyu, te bidi dabego Rebeka sainu te aga ela muidali homu yali. Magi baso meni, Rebeka te gasagi yai sawi yai we bidai.
701	GEN 26:8	Aisak te badu bidali sogo sesabi gana elama bidai, tama te Filistia tǫ tonalubo tuni bidi Abimelek te be tomodu te winduadu tonobadi dolaluyu, tama agai suali, Aisak aga we Rebeka tigiba nono tubo sę ebo suai.
728	GEN 26:35	Aisak de Rebeka si te we sigo ebo kolesaga hagela homu eyu, tama haliga dene mu iduai.
733	GEN 27:5	Tiali goli, Rebeka agai odali, te Aisakgo aga ogwa Iso dali po mibo odali. Tialima, Iso te aga ayago tuabo hasa me deli te busiba gegegi peyu pai madi,
734	GEN 27:6	Rebekago aga ogwa Jekopbolo te tiwai po wali, “Megi tama eno odali, te naga ayago te po nago ama Isobolo mabo po eno odali,
742	GEN 27:14	Tialima, Jekopgo te meme si sigi pelama, te aga idabolo magasali. Tama Rebekago te Jekop aga ayago godolo mu ebo nai te ulai.
743	GEN 27:15	Tama Rebekago te Isogo gudubo ugwa dabe te augwa bidibo bede munaluali. Tama agai te Isogo ugwa wiegi yai sawi ugwa mu selama, tama Jekop te ugwa gudulama, au ilai.
745	GEN 27:17	Tama Rebekago te ulali pusu yai nai me, te agai ulali te bret meba me selama, te Jekopbolo mani.
770	GEN 27:42	Rebekago te aga gomunai ogwa Isogo te homu ebo po odai. Tialima, agai te aga sabi bidi ogwa Jekop i olama, te po agabolo wali, “Nago e po bugagia odao. Te naga ama Isogo te nago agabolo yali te sęde te agai nageba wei ponoyu, ela muainu te homu ebao.
773	GEN 27:45	tama agai te nago yali sęde te boi bidi homu gegeda palomainu emainao. Tama nosali eno te bidi me deli te po nagebolo wagasomainu tagala palama, tama nage eba ma odasa asomainu yaibao. Da si go tama tinao. Magi baso meni, te eno wai dage si te deli sogo hagabo, te eno homugo hagela idalio,” Rebekago te po wai.
774	GEN 27:46	Nosali Rebekago e tiwai po Aisakbolo wai, “Eno te Hit hani we dabe te eno mu hagela idubao. Te Jekopgo me, te Hit hani we dabego me, te e bidibo we si tiwai kolesaga ebo we sobaso da, teda ena isimainu yaibao,” Rebekago te tiwai po Aisak dali wai.
779	GEN 28:5	Aisakgo te tiwai po olama, tama agai te Jekop te Mesopotemia buluba te Laban bidibo digi tagala palai, te Betuelgo ogwa, te Aram bulu bidi me deli. Laban te Rebekago abe, te aga Jekop de Iso augwa si ida dao.
802	GEN 29:6	Tama Jekopgo augwalibolo hanalu wai, “Laban bugagia bidibowe?” Tama augwaligo te po wai, “Aga bugagia bidibao. Nago suao. Resel, te agai wegi, te Labango kibu sipsip hani dali megi te asobao,” wali.
805	GEN 29:9	Jekopgo te kibu tonalubo bidi dabe dali po midubadi, tama Resel te aga ayago kibu sipsip hani kegasa asobo suali, magi baso meni, te agai augwali tonalubo sę yai.
806	GEN 29:10	Jekopgo te Resel te aga hai te Labango kibu sipsip hani dali subaso, tama aga te wę ulu elalubo madi pelama, tama te mesegalubo masigi sela munama, tama te sipsip dabe wę mawai.
807	GEN 29:11	Tama Jekopgo te Resel dali nono nenama, tama gela wai.
808	GEN 29:12	Tama agai agabolo wali, “Te ena da, te nago ayago deli hani bidi dao, te aga abe Rebeka te eno ida dao.” Tama Resel udulama, te aga ayabolo wagi palio.
812	GEN 29:16	Labango wegi si bidali, te gomunai wegi Lea, te tomo wegi Resel.
813	GEN 29:17	Te gomunai wegi Leago gesabidi te wiegi yai mu meni, tiali goli te tomo wegi Resel te gesabi sawi yai mu bidai.
814	GEN 29:18	Jekopgo te Resel godolo mu yali, tama tibaso, agai te po wai, “Eno te kibu be nogo a naga olama, me badu si te nagede sę yaibao, te nago gesi wegi Resel sainogo tama tiaibao,” wali.
816	GEN 29:20	Tama tibaso, Jekopgo te Resel sainu, te kibu be a naga me badu si, te tama sę iduai. Tama Jekopgo te kibu be a naga me badu si te agai homu kone palali te yadela pali, magi baso meni, agai te Resel godolo mu yai.
819	GEN 29:23	Tiali goli, te sogo hulide Labango te wegi Resel mawainu yali hasegelama, te Jekopbolo Lea menama, tama Jekopgo te konesiąbaso, te Lea aga dali piai.
821	GEN 29:25	Tama kigamu, tegoba! Jekopgo Lea sulama koneyu, tama agai Labanbolo te po wai, “Magi baso nago te tiwai kolesaga enabolo yaliwe? Eno te Resel sainu nagede sę dene ebo sę yai. Magi baso nago ena ili po ola maniwe?” wali.
823	GEN 29:27	Nago tonaluyu elama, te we sabo sogo nai tuali te Sarere siligi pabode, tama eno te Resel me te nagebolo mawaibao. Tiali goli, te nago enade te sę kibu be a naga, me badu nogo si te nago sę ma yagameo,” wali.
824	GEN 29:28	Jekopgo te pode usu da po olama, tama te we sabo sogo te nai ulali Sarere deli silibode, Labango Resel te Jekopbolo menama, tama Resel te aga we mu pedelama bidali.
825	GEN 29:29	Labango Reselbolo te sę ebo we me deli mani, te aga nogi Bilha dao.
826	GEN 29:30	Tialima, Jekop te Resel dali pagelama piali. Tama agai te Resel godolo mu eyu, tiali goli agai te Lea godolo te kuna me ebeo. Tama Jekop te kibu be a naga me si te Labande sę ma iduai.
827	GEN 29:31	Te Yawego suali, te Jekopgo Lea te godolo kuna me isąwai. Tama agai te Lea haliga emainu tau sai. Tiali goli, Reselgo wai meni yai.
828	GEN 29:32	Nosali Lea haliga elama, tama ogwa me deli ame nani. Tama Leago te po wali, “Yawego te eno homu sęgę ebo sulama, tama megi da te eno bidigo ena godolo emainogo yaibao,” wali. Tialima, agai te wai nogi Ruben poai.
832	GEN 30:1	Te Reselgo wai me ame nisąbadi te sogo, agai te aga ama Lea dali haliga sębę elama, tama Jekopbolo te po wai, “Nago enabolo wai mao. Te menisiąyu da, teda ena isaibao,” wali.
833	GEN 30:2	Jekopgo wado po Resel dali weyu, te po wai, “Eno te Godigo yali sę hasegelibo usu me iligobeo. Aga digi te nago tabi paliama, tama nago te wai me ame nabe dao,” wali.
834	GEN 30:3	Tialima, Reselgo te po wai, “Nago te eno sę ebo we Bilha sao. Nago aga dali pilama, tama agai eno wai ame nomainu yaibao. Tama ena te wai dabego ida pedalaibao,” wali.
835	GEN 30:4	Tialima, Reselgo te aga sę ebo we Bilha te Jekopbolo tagala palama, tama Jekop aga dali piali.
837	GEN 30:6	Tama Reselgo te po wai, “Godigo ena dagala sulama, tama agai eno gedu haluasa po wabo odama, tama agai ogwa wai me deli enabolo manio,” wali. Tialima, Reselgo te wai nogi Dan poai.
838	GEN 30:7	Tama Bilha te Reselgo sę ebo we te aga tabi ma elama, tama Jekopgo ogwa tomo bidi ame nani.
839	GEN 30:8	Tama Reselgo te po wai, “Eno te ena ama dali bomonama mu hwįanigo tama megi eno nogi ugwa sali.” Tama agai te wai nogi Naptali poai.
845	GEN 30:14	Tialima, te tubo nai wit togobo sogo pedalubode, tama te ogwa Ruben te wit togobo madiba pelama, tama agai te wego wai sainu tau sabo nai te dwasianu nide sai. Tama agai te aga ida Leabolo sela asali. Tama Reselgo te naide koneama, tama Leabolo te po wali, “Nago te wai sainu tau sabo nai meba te enabolo mao,” wali.
846	GEN 30:15	Tiali goli, Leago po wei ponoyu, te po wai, “Nago eno bidi sai dao, tama nago te olo nai da te homu ebawe? Tama megi nago te eno ogwago sali nai nago godoloyu sainogo obawe?” wali. Tama Reselgo te po wai, “Te nago ogwago gegali nai te ena mobaso da, teda nage Jekop dali megi hulide piagameo,” Reselgo te po wai.
853	GEN 30:22	Tama Godigo Resel homu kone ma palalio. Tama agai Reselgo gedu haluasa po wabo odama, tama aga te wai ame nomainu ilalio.
854	GEN 30:23	Tama Resel aga tabi elama, tama ogwa me deli ame nai. Tama agai te po wai, “Godigo eno hale elaluali te dagala sąwai.
856	GEN 30:25	Reselgo te Josep ame nai digi, tama Jekopgo Labanbolo te po walali, “Eno te we dabe dali, te wai dabe dali abelibo sę dene ela silalio. Tialima, megi ena tagala palama, tama ena te ena buluba ma paio,” wali. “Nago koneani, eno nagede bugagia mu sę yalio,” wali.
878	GEN 31:4	Tama tibaso, Jekopgo po te Resel dali Lea sibolo po ola tolama, te augwali si aselama, aga te sipsip hani dabe dali bidalubo pesageba suagasao po wali.
888	GEN 31:14	Resel de Lea sigo te po wali, “Te gasa nai me deli te da si go ayade nosali sabo, te menio.
893	GEN 31:19	Te augwali pisiąbadi, tama Laban te sipsip dabe nisi togogi peyu, digibulu gana pai digi, tama Reselgo te aga ayago be tonalubo tibo god te bede wi salio.
906	GEN 31:32	Tiali goli, te da tomode me deligo te nago god wi sela soai yaibaso da, teda nago aga ela muagameo. Te da e bidalubo bidi dabe gedude te nage aselama, tama dago tigidali sulama, tama dago doado bage osola suao, tama nago naga nai me deli subaso da, teda nago sao,” wali. Tiali goli, Jekopgo konebe, te Reselgo aga ayago god dabe wi sela soali.
907	GEN 31:33	Tialima, Laban te Jekopgo ugwa be tomoba pelama, tama agai doado bage dabe susa bilali. Tama nosali aga te Leago ugwa be tomoba pelama, te me susa bilali. Tama aga te sę ebo we sigo ugwa be tomoba me pelama, susa bilali, tiali goli agai god dabe te agai me subeo. Tama aga te Reselgo ugwa be tomoba pali.
908	GEN 31:34	Reselgo te aga ayago god dabe wi selama, tama agai te kamel dabe beg tomoba geme dualama, tama aga te beg daide ugwa dualaluali. Labango te ugwa be tomode te tigidali doado bage susa bilali, tiali goli agai te god dabe me subeo.
909	GEN 31:35	Tama Reselgo aga ayabolo te po wali, “Aya, nago ena dali wado po me olamuo. Te da we dabe sibigo gasi te ena sobaso, tama ena hodalugobeo.” Labango te tigidali doado bage susa bilali, tiali goli agai god dabe te agai me subeo.
962	GEN 33:1	Te Jekop aga hani dali tama pobadi, tama agai digibulu gana tonoyu, tama Iso te aga hani bidi dabe te 400 dali asobo suali. Tama aga hani tigidali wai dabe bugulama, tama te Leaba, me Reselba, me te sę ebo we sibolo te dobaba pali.
963	GEN 33:2	Agai te sę ebo we si augwa wai dabe dali augwali te podolali. Tama Lea aga ogomani dali augwali wali pomainu ilali. Tama agai te Resel te Josep dali nosali mu ilama, pali.
968	GEN 33:7	Tama Lea me aga wai dabe dali, augwaligo me te tǫba kidu sugunagasali. Tama simaniyu mu, Josep dali Resel si aselama, tama te tǫba kidu sugunagasai.
1020	GEN 35:8	Tama Debora, te Rebekago sę polobadu yali we, aga isai, tama augwaligo aga te Betelde te genuai ni dologode pubulai. Tama augwaligo te ni nogi poali, ‘Tede gela wali ni dao,’ te po wai.
1028	GEN 35:16	Augwaligo te Betel taga peyu, tama augwali te Efrata teba painu yali. Augwali pedubadi, tama te Reselgo wai tega pabo sogo te pedelali. Tama aga dene genuai mu sai.
1030	GEN 35:18	Tama pąde Resel mu isainu ebode, tama agai te wai nogi Benoni poali. Tiali goli, aga ayago aga nogi Benjamin poai.
1031	GEN 35:19	Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.
1032	GEN 35:20	Tama Jekopgo aga pubulali gų page homugo konealumainu tama masigi me deli dodolali. Tama te Reselgo dąį ilali te megi me elalubo dao.
1034	GEN 35:22	Israel tede bididubadi, tama Rubengo te aga ayago sę ebo we Bilha dali pagela piali. Tama Israelgo te tiali po odali. Te Jekopgo ogwa dabe te nogo si olama, sągągo si elaluai.
1035	GEN 35:23	Te Leago wai dabe e dao, Ruben, te Jekopgo gomunai ogwa da, tama Simeon, me Livai, me Juda, me Isakar, me Sebulun.