5	GEN 1:5	Tama tiyu, tama be posobo nogi agai poali te “Be posobo sogo ulade.” Tama te be hulibo nogi agai poali, te “Hulide dao,” wai. Be huliama, tama be posobo ula pedaluyu elama, tama te be posali deli sogo wali, hasia sogo deli wali silali.
6	GEN 1:6	Nosali Godigo te po wai, “Te wę ugwaba sagolabo dąį me deli pedelama, te wę si badu elalumainao,” wali. Tama te nai pedelali.
8	GEN 1:8	Tama te dąį nigilali nogi agai te “Dagalu da,” po wali. Te be huliama, te be posobo ula pedaluyu elama, tama te be posali si sogo wali silali.
9	GEN 1:9	Nosali Godigo te po wai, “Te dagalu dologode elalubo wę, te wę dologode elalubo tǫ hania ugwaba pedalumainogo eyu, te wę te deli madiba me sisinigi pelama, te bulu tǫ wa pomainao,” te po wai. Tama tiyu, tama te bulu tǫ pedelama, tama wa pali.
11	GEN 1:11	Te tudibadu Godigo te po wali, “Te haniani te tǫde holabo nai pedalumainao, te tubo ge walobo keba dabe me, te haniani du walobo nedu du wai pedelao,” po wai. Tama te nai dabe pedelalio.
15	GEN 1:15	Te ula ebo nai dabe te dagalude pedelama, te tǫba ula mawaibao,” te po wai. Tama te dabe pedela silai.
20	GEN 1:20	Te tudibadu Godigo te po wai, “Węde te haniani bidibo ula elalubo nai dabe geninama pedelao,” po wai. “Tama te ba hani dabe pedelama, te dagalu tomode bola bilaluao,” wali.
22	GEN 1:22	Tama augwali bugagia bidimainogo eyu, Godigo augwalibolo dwagi yai po mobo mayu, te po wai, “Te tamu ąįde haniani nai dabe geninama mu pedelama, tama te tamu ąį pągąna sao,” po wali. “Tama te ba dabe me tǫde umabo pedelao,” wai.
24	GEN 1:24	Te tudibadu Godigo te po wai, “Te tǫde bidabo ula elalubo nai hauwa te tǫdu pedelimainao. Te be pąde bidabo kibu dabe me, te bulude bidabo genuai hasa dabe me, te dwasianu hasa dabe me, te pedalumainao,” te po wai. Tama augwali pedelai.
26	GEN 1:26	Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai.
28	GEN 1:28	Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali.
30	GEN 1:30	Tiali goli, eno te gesi ni yabe tiwai ni yabe te tigidali genuai bulu hasago me, dwasianu hasa dabego me, te tigidali ba dabego tuabo nai te eno mawai dao,” te po wai. Tama te nai dabe augwaligo tuabo nai tama pedelai.
48	GEN 2:17	Tiali goli, nago te nedu du te bidigo mena kolesaga te dwagi yai dawe, ma mena kolesaga te dwai dawe, te ola maiabo ebo te nedu du te nago munu me tulamuo. Te nedu du nago tubo te eno nage habu mu selibao. Te nago tuali da, teda mu tama da, te sogo nage isaibao,” wali.
49	GEN 2:18	Tama Yawe Godigo aga digi homude te po wai, “Tiyu, te bidi agaduba deli naga bididalio, te usugobeo. Te eno te aga tau siyu bidabo abagi me deli nigilaibao,” te homu yai.
59	GEN 3:3	Tiali goli, te tomode dolalubo nedu du me deli digi da, te da si go tusiąma habu selai. Godigo te tiwai po wai, ‘Dage sigo te nedu du togola tugio, ma dage sigo nogogo diągio. Tiyu, dage si isabuo,’ wali,” wego te po wai.
61	GEN 3:5	Dage sigo te nedu du tubaso da, teda dage sigo te mena dwagi yai kolesaga me, te mena dwai kolesaga me, te koneama, tama dage si te God tiwai pedelaibao. Godigo te koneama, tama tibaso agai dage si habu selali,” wali.
66	GEN 3:10	Tama bidigo po wei ponoyu, te po wai, “Eno odali, nage te gide bilibo odoyu, tama ena bolu olo elalubaso, ena nagede wi eyu, geme duala siyu yali,” te po wai.
69	GEN 3:13	Tialima, Yawe Godigo webolo te tiwai hanalu wai, “Magi baso nago te sę yaliwe?” Tama wego te po wei ponani, “Hasamanigo ena tibo po ola mobaso, tama eno te nedu du tuali,” te po wai.
71	GEN 3:15	Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.
72	GEN 3:16	Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.
75	GEN 3:19	Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.
78	GEN 3:22	Nosali Yawe Godigo te po wai, “Te bidigo mena dwagi yai kolesaga me, te mena dwai ebo me, te megi koneanio, tama aga da tiwai pedelai. Tialima, dago aga gogolama, aga te bidibo ula mabo ni pageba pomainogo me egobeo. Tiyu, agai te nedu du me togola tudu da, te aga bidibo ula sesemane sogo elaluabuo,” te po wai.
87	GEN 4:7	Te nago dwagi yai kolesaga eyu da, teda eno nage dali dwagi yai homu yaibao. Tiali goli, nago dwai kolesaga eyu da, teda dwai sę ebo kolesaga nage pąde bidiyu, tama tego nage godolo eyu, tama nage aiyaba elaluabo sogo tonalubao, te moni nasi yai bulu hasa tiwai dao. Tiali goli, nago bomo elama, te dwai sę ebo kolesaga aiyaba elaluao,” Yawego Keinbolo te po wai.
88	GEN 4:8	Tama nosali Keingo aga ama Abelbolo te po wai, “Da si gasaba gana dwasianu biligi pinao,” wali. Augwali si te nosa elalubo tǫba biligi pali, tama Kein hodaluyu, tama aga ama ela muani.
92	GEN 4:12	Tama tibaso, nago nai te tǫde bulubaso da, te nai bugagia me hologobeo. Te nago page bulu mu meniama, tama nage te tǫ sibi usu nama, te bulu wau bilibo bidi tiwai bidaibao,” te po wai.
94	GEN 4:14	Te nago ena e tǫde nago gedude me te sela sąwaibao po wai. Te ena bidabo bulu meniama, tama ena subigila te tǫde bilaibao. Tama bidi me deligo te ena suali da, teda agai ena ela muaibao,” wali.
96	GEN 4:16	Tama Kein te Yawe bidibo madi tagalama, wi pelama, tama tǫ me deli teba bidigi pali, te augwaligo te tǫ nogi poali “Subigila Bilibo,” te nogi poali. Te tǫ te Iden gi elaluali madi te giliga asobo badu elaluai.
104	GEN 4:24	Augwaligo te po wabo da, ‘Te bidi mego Kein ela muyu da, teda aga moni genuai sęgę mu saibao.’ Tiali goli, eno e po obao, bidigo ena elali da, teda aga moni genuai sęgę mu sesa pidubadi geaibao,” Lamek agai te po wai.
135	GEN 5:29	Tama agai te po wai, “Te Yawego te tǫ dolabo bomai po muanio. Megi da, te waigo da te tǫde sę dene ebo te toma nomainogo ilaibao,” te po wai. Tama tibaso, Lamek agai te ogwa nogi Noa poai dao.
141	GEN 6:3	Tialima, Yawego te po wai, “Eno te bidibo ula sesemane sogo bidada pomainogo sesabi gana emainu mabo mobo te momainogo me egobe, magi baso meni, augwali te osogo bidabo nai tama naga da. Megi da, te bidi bidibo ula te kibu be 120 naga usu nama bidimainu yaibao,” Godigo te po wai.
145	GEN 6:7	Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.
159	GEN 6:21	Tama nago te naga tuabo haniani nai badi, te haniani hasa dabego tubo nai me, te ba dabego tubo nai me selama, te moni sip geba tomoba muao,” te po wai.
163	GEN 7:3	Tama tiali goli, nago te tigidali haniani ba dabego te omai ba a naga me si sobadi, te so ba me a naga olama, me si sobadi yao. Nago tama tiyu da, teda augwali me isisąyu, tama nosali augwaligo wai dabe hauwa ma te tǫde dala pomainao,” wali.
164	GEN 7:4	“Tama te nogo a naga olama, me badu nogo si, te tama si silama, tama eno te tǫba kulubage tagala palama, tama te kulubage tulaludubadi, te bidi sese si ulade me, te bidi sese si hulide bidibadi yaibao. Tama te kulubagego te eno te bidibo ula elalubo tigidali ena nigali nai te tǫ daide eno sela sąna silaibao,” te po wai.
201	GEN 8:17	“Tama tigidali hasa sibi dage dali aiyaba sela dulao, te ba dabe me, te be pąde bidalubo hasa dabe me, te genuai bulu hasa dabe me, dwasianu hasa dabe me, te tigidali te tǫba dulao. Te augwali bilaluyu, tama wai dabe ame nenama, umabo pedaliyu, tama tigidali tǫ pedai usu ilimainao,” Godigo te po wai.
206	GEN 8:22	Tama tiyu, te nai bulabo sogo me, te nai sabo sogo me elaluaibao. Tama te giliga nanobo sogo me, te tulubage sogo me elaluaibao. Te giliga me te be hulibo tama elaluaibao. Te e tǫ elalua pobadi, tama te tigidali nai me sia sogobeo,” Yawego te po wai.
213	GEN 9:7	Megi da, dagego wai dabe hauwa ame nomainao, tama dagego wai dabe hani te hauwa mu pedelama, tama tigidali tǫ pedai badu pągąna sao,” Godigo te po wai.
217	GEN 9:11	Eno dage dali e tama pogo dąų obao, eno po dąų mu weyu, te bidibo ula elalubo tigidali nai dabe te eno munu me ma te ąįgo me dologobeo. Tama wę asiyu, te e tǫ munu ma dologobeo,” Godigo te po wai.
223	GEN 9:17	Tama Godigo po weyu, Noabolo te po wali, “Te e unigi bidi da, te eno dąų wabo dwagi yai po te tǫde bidibo ula elalubo tigidali nai dabe dali dąį ilibao,” te po wai.
231	GEN 9:25	Tama agai te po wali, “Genuai sęgę te Kenande ugwadu elaluaibao. Te aga hani dabe te aga ama dedego hani dabego nogi meni yai sę ebo olo gagalama, bidaibao,” wali.
233	GEN 9:27	Eno homugo Godigo Jafetgo wai puluba dabe te hauwa pedalumainu ilaibao, tama augwali te Siemgo hani dabe dali bugagia bidalumainu yaibao. Tama Kenan da, te Jafetde te olo sę ebo bidi elaluaibao,” te po wai.
270	GEN 11:3	Nosali augwa hasi po minama, augwaligo tama tiwai po wai, “Awe, abagi dedeo! Dago te dwagi yai mama yai tǫ meba begelama, te siaba ulama, te masigi tiwai pedalumainu ilinao,” wai. Tama tilama, te be sę yabo masigi meni baso augwaligo te be sę ebo nai tama nigali. Tama te masigi dąų wabo simen meni baso, augwaligo te be sę eyu, dąų walobo nai kolta me selama, elaluai.
271	GEN 11:4	Tialima, augwaligo te po wai, “Megi da, dago dena genuai hanu me dedeli niginao. Tama te tomode moni bobobage sigi be nigaibao. Tama te be sese holobo te bobage ugwa dagaluba mu usu nigi holaibao. Tama tialima, te we bidi dabego te sę ebo suyu da, teda augwaligo dago nogi ugwaba saibao. Tama tiyu da, da munu me tedela pelama, gasa tǫ pedai badu gasa gasaba me tedela pelama, me bidigi pogobeo,” augwaligo te po wai.
274	GEN 11:7	Tama tidali weyu, da te tǫba dulama, te augwaligo po dedeli wabo te augwali dogoni hasegelama, te mebago te mego wabo po te munu me odisiąmainu, te augwali hamena begela siligi pinao,” te po wai.
302	GEN 12:3	Te nage dali wiegi yai kolesaga ebo bidi dabe, augwalibolo te eno wiegi yai mobo augwaliba mayu yaibao. Te ena digi te nago nogi aiyaba muabo dwai po wabo bidi dabe te eno augwalide te dolabo po mu waibao. Tama tigidali tǫde bidalubo bidi hani dabe te nago hanide naga te wiegi yai mobo augwaligo saibao,” Yawego Abrambolo te po wai.
306	GEN 12:7	Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.
312	GEN 12:13	Nago augwalibolo tama tiwai po wao, ‘Abram aga te ena abe da,’ wao. Tama po obaso da, te augwaligo dwagi yai kolesaga naga ena dali eyu, tama ena ela mugobeo,” wali.
327	GEN 13:8	Tialima, Abramgo Lotbolo te po wai, “Dadi si te deli kaneme si dao. Tiyu, da si wado po wabuo, tama da si go sę ebo bidi dabe augwa hasi me wado po wabuo,” Abramgo te po wai.
328	GEN 13:9	“Suao, te genuai tǫ pedai elalubao. Te naga pedai badu bidabo madi me deli dodolama, tama nago ena taga peyu, naga teba bidigi painu te usu da. Te nage dolo nogo pedai badu painogo da, teda ena te pobase nogo pedai badu paibao. Ma, nage te pobase nogo badu painogo eyu da, teda ena te dolo nogo badu bidigi paibao,” Abramgo te po wai. Te augwa ama nami si tama po dodolali.
333	GEN 13:14	Te Lot pai madi, tama Yawego Abrambolo te po wai, “Nage ede dolaluyu, te nago tigidali pedaiba tonono pao,” wali.
336	GEN 13:17	Tialima, nage hogodama, tama biliyu, tama te tǫ tigidali nago susa bilao. Magi baso meni, te tigidali tǫ te eno nagebolo mawaibao,” te po wai.
357	GEN 14:20	Dago aga nogi ugwaba sao. Magi baso meni, nago te boi bidi dabe dali hwįbadi, tama agai nage tau selama, te nago te boi bidi dabe augwali aiyaba elalualio,” te po wai. Tama Abramgo te ma dobola sali doado bage tigidali dodolama, tama nogo si badu togolama, tama Melkisedekbolo me deli pedai mani.
358	GEN 14:21	Tama elama, tama Sodom tuni bidigo te tiwai po Abrambolo wali, “Naga hwįyu sali nai tigidali te naga selama, tolaluao. Tiali goli, te eno hani da, te enaba ma asomainogo yao,” wali.
361	GEN 14:24	Ena digi te magi nai deli eno me sogobeo. Te eno hanigo tuali tubo nai da, te naga eno salio. Tama eno abagi sela, Aner dali, Eskol, me Mamre, augwaligo te doado bage me badu pedai somainao,” Abramgo te po wai.
362	GEN 15:1	Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.
364	GEN 15:3	Nago enabolo wai me mabeo. Tama tibaso, ena isibosi, te ena sę bidi Elieser agai te ena hasegelama, tama eno doado bage tigidali somainu yaibao,” wali.
365	GEN 15:4	Tiali goli, Yawego Abrambolo te po wai, “Te nage isibosi, te sę ebo bidigo nage hasegelama, te nago doado bage tigidali me sogobeo. Te nago ogwa wai mu te nago doado bage tigidali te nosali sabo bidi pedelaibao,” te po wai.
366	GEN 15:5	Tama Yawego Abram buluba odasa solama, tama agabolo po bomonama weyu, te po wai, “Nago te dagalude te hǫ dabe suao. Te nago tigidali nedebo usu yaibawe? Tialima, nago wąį dabego wai dabe augwali te hǫ tiwai umabo mu pedelaibao,” wali.
370	GEN 15:9	Tama tibaso, Yawego po wei ponani, “Te e tama tiwai nai dabe te enabolo selasa asao, te tamadi dilai bulmakau so te kibu be sela yai sesebadi, te meme me deli me te kibu be sela yai sesebadi, me te sipsip omai te kibu be sela yai sela asobadi, te dwasianu ba hi si sesebadi yao,” te po wali.
377	GEN 15:16	Te nago wąį dabe augwali te e tǫba polo ma asogobeo. Te megi ede bidalubo Amor hani augwaligo te dwai kolesaga hauwa me isiąbadi. Te nosali mu te Amor hani augwaligo dwai sę ela silai digi, teda eno augwali dolobo sę elama, tama augwali ela gudulaibao. Tama te sogo, nosali mu, te nago wąį hani dabe augwaligo wąį hani dabe tama pedalubode, te sogo augwali ma begasa aselama, e tǫde bugagia bidaibao,” Yawego te po wai.
382	GEN 15:21	te Amor dabe me, te Kenan me, te Girgas me Jebus, te tama hani bidi dabe augwali tǫ saibao. Eno tama po mu dąų obao,” Yawego Abrambolo te po wai.
384	GEN 16:2	Tama Saraigo Abrambolo tama po walali, “Nago koneani, Yawego eno tabi paliama, tama eno wai me ame nogobeo. Nage eno sę ebo we dali pigi pao. Te agai eno wai me deli ame naibao,” wali. Tialima, Abramgo aga we Saraigo wabo po odai, usu da wai.
387	GEN 16:5	Tama Saraigo Abrambolo po bomo elama weyu, te po wali, “Hagargo ena dali hagoma ebao. Te tiabo page naga digi yali. Mu tama, ena digi te ena sę ebo we te nagebolo mani. Tiali goli, megi aga koneani, te aga haliga ebaso, te agai ena dali hagoma ebao. Yawego digi te da si dagalumainu yaibao,” wali.
388	GEN 16:6	Abramgo po wei ponani, “Odao. Hagar te naga sę ebo we dao. Te nago aga tonalubao. Te nago mena sę agabolo yainu, te homugo tiao,” wali. Tama Saraigo te Hagar dali boi bidi elama dwai sę ebaso, tama Hagar wi palio.
390	GEN 16:8	Tama Mobo Bidi Enselgo agabolo tama tiwai po wali, “Hagar, te Saraigo sę ebo we, nage menadu aselama, tama nage menaba painogo ebawe?” Tama Hagargo po wei ponoyu, te po wali, “Sarai aga da, te ena tonalubo we dao, tama eno te Sarai taga soyu, ena wi sobao,” wali.
394	GEN 16:12	Tiali goli, nago wai da, te uni yowi tiwai bidaibao. Te agai tigidali bidi dali boi bidi eyu, tama tigidali bidigo agabolo boi bidi eyu yaibao. Te aga deli kaneme dabe dali te bugagia homu nagame elama, me bidigobeo,” wali.
396	GEN 16:14	Tama te tialigo naga, te bidi dabego te wę ulu asobo te Kades de Beret tǫ si tomode suali, augwaligo te nogi poali, “Te ena subo Bidibo Ula Elalubo Bidigo wę ulu dao,” tama nogi poali.
400	GEN 17:2	Te nage dali eno dwagi yai tau sabo bomai po dąų wali po, tede eno megi usu da po weyu, tama nagebolo menama, tama eno nago hani wai dabe te umabo hauwa pedalumainu ilaibao,” wali.
406	GEN 17:8	Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.
412	GEN 17:14	Te bidi me deligo hagela homu eyu, tama augwaligo aga tigiwali togosiąbaso da, te agai eno bomai dąų wali po sela sąbao. Tama tibaso, te bidi aga te aga hani dali hodobo me bidilamuo,” wali.
414	GEN 17:16	Te eno Sara wiegi yai tau sabo po menama, tama agai nago ogwa me deli ame naibao. Te eno Sarabolo wiegi yai homu elama, dwagi yai tau sabo po mayu, tama aga te we bidi hauwa hanigo auwa mosi pedelama, tama meba te gavman tuni bidi pedelama, bidaibao,” wali.
430	GEN 18:5	Te eno dage bomo ilabo nai meba sela menama, tama nosali duga ma piagameo. Dage eno beba aselama, tama eno dage tau saio,” wali. Tama augwaligo te po wali, “Te wiegi yai dao, nago tama tiwai te po wabo gilama yao.”
431	GEN 18:6	Tama Abraham te ugwa beba polo pelama, tama Sarabolo wagi pali, “Nago te wiegi yai plaua hauwa selama, tama taluama, polo begelama, tama bret ulao,” wali.
434	GEN 18:9	Augwaligo nai tula silama, tialima augwaligo Abrahambolo hanalu wali, “Nago we Sara menade bidibowe?” Tama Abrahamgo tobo wali, “Aga te ugwa be tomode bidibao,” wali.
435	GEN 18:10	Tialima, augwali me deligo te po wali, “Nosali te kibu be me deli silama, tama naga we Sarago wai ogwa me deli ame naibao, tama mu tama ena ma asaibao,” wali. Sara te bidi tudibadu te ugwa be sunumi pąde bidai, tama agai te po wabo odali.
439	GEN 18:14	Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.
440	GEN 18:15	Tama Sara wi ebaso, tama agai tibo po weyu, te po wai, “Eno gisugu me wabeo,” wali. Tiali goli, Yawego te po wai, “Menio! Nago gisugu walio.” Te po wali.
460	GEN 19:2	tama agai te po wai, “Abagi, dage si aselama, duayagasu bolo yao,” te po wali. “Dage si eno beba asiąo. Dage si sągą bolo wę tedelama, tama dage si megi hulide ede piagameo. Tama kigamu duga si hogodama, pagameo.” Tiali goli, augwali sigo po wei ponoyu, te tiwai po wali, “Menio. Da si te bede me pigobeo. Te da si e bidi sisinibo pesagede piaibao,” wali.
463	GEN 19:5	Augwaligo Lotbolo i olama, tama tiwai wali, “Te bidi si aselama, te nage dali te hulide bidibo, te bidi si mena bidibawe? Te augwali si buluba dinao. Te dago augwali tąwaibao,” wali.
466	GEN 19:8	Eno wegi si bidibao, tama augwali si te bidi dali me pisąbadi dao. Eno augwali si dageba odasa buluba asaibao, tama duga magi homu ebo te augwali side siliagameo. Tiali goli, te bidi si da, te eno abagi si, tama augwali si eno bede bididubadi, tama eno augwali si bugagia te ena tonaluaibao. Tama tibaso, dagego dwai sę augwali side me igimio,” wali.
471	GEN 19:13	Te da si go te hanu dolaibao. Yawego te bidi dabego dwai kolesaga ebo po odama, tama augwali dolomainu agai da si tagala palai dao,” wali.
472	GEN 19:14	Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.
475	GEN 19:17	Te mobo bidi ensel sigo te augwali bulubadu dilama, tama mego te po wai, “Dage wi piąo. Tiyu, dage isabuo! Dagego tudiba begelama, ma tonogio. Tama dage te malu elalubo madi toma me nenamuo. Te dage udada pelama, te bulu duba ugwa holali da, teda dage me isigobeo,” wali.
478	GEN 19:20	Nago ude te elalubo dwasianu hanu suao. Te pąde elalubo, tama ena teba polo sabalubo usu yaibao. Te dwasianu bulu naga dao. Nago ena teba pomainogo eyu da, te ena me isigobeo,” wali.
480	GEN 19:22	Te polo pao! Asesa yao! Eno magi sę deli isiąbadi, dage te hanuba sabolaibao,” wali. Lotgo te po wai, te hanu da te dwasianu hanu da, tama tibaso augwaligo te hanu nogi Soar poai dao.
489	GEN 19:31	Tama gomunai wegigo tomo wegibolo te tiwai po wai, “Te da sigo aya monu dabe megi ebao,” wali. “Tama te tigidali tǫ pedaide te da si sabo bidi menio. Te da sigo wai magi ilama ame naibawe?
490	GEN 19:32	Te dena ayago hani te silidali weyu, te tama tinao! Te da sigo dena si aya te bomai ąį wain tumainu menama, tama aga tobolu gęǫ ilaibao. Tialima, da si aga dali pagela pilama, tama agade wai ame naibao,” wali.
492	GEN 19:34	Te me sogo side gomunai wegigo tomo wegibolo te po wali, “Te do hulide ena aya dali piali. Te e sogo hulide da sigo te aya tobolu gęǫ yabo sę ma ilaibao,” wali. “Tama nage aga dali te eno yali gilama piagameo. Tama tilama, da sigo agade wai ame naibao,” wali.
499	GEN 20:3	Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.
501	GEN 20:5	Abraham aga digi te tiwai po enabolo wai, ‘Te aga eno abe dao,’ wali. Tama we aga digi me te po wai, ‘Aga eno abe dao,’ wali. Te eno homude dolo da homu ebaso, tama tialio. Eno dwai sę ebeo,” wali.
503	GEN 20:7	Tiali goli, megi nago te we aga bidiba ma tagala palao. Te bidi aga te eno po pusubo bidi profet dao, te agai gedu haluasa po weyu da, te nage me isigobeo. Te nago te we ma tagala palisiąwani da, teda nage me, te naga bidalubo tigidali we bidi dali, mu isila paibao,” Godigo te po wai.
509	GEN 20:13	Polobadu te ena ayago bede bidibadi, tama Godigo ena tagala palobaso, te ena gasa buluba pali. Tama eno Sarabolo te tiwai po wai, ‘Nago te tiwai wiegi yai kolesaga naga enade yao,’ wai, ‘Te da si pabo madi tigidali pedaide nago te tama weyu, “Abraham te ena abe da,” po wao,’ te po wai dao,” Abrahamgo te po wali.
512	GEN 20:16	Tama agai Sarabolo te po wali, “Eno te mone umabo, te mone 1,000 mone silva, te nago abebolo mani. Te tialigo te po isilalio. Te augwaligo mu koneama, te nago dwai sę ebeo po waibao,” Abimelekgo te po wai.
520	GEN 21:6	Tama Sarago te po wai, “Godigo wiegi yai kolesaga enabolo ebaso, tama ena wiegi yai homu pemene eyu, tama ena gisugu obao. Tama tigidali bidigo te tiali po odobaso, te augwaligo wiegi yai homu pemene ena dali hodobo yaibao,” wali.
521	GEN 21:7	Tama Sarago po ma wai, “Polobadu bidi mego e tiwai po Abrahambolo wabo usu meni yai, ‘Nago we Sarago te wai ame nenama, tama agabolo ame mawaibao,’ wabo usu meni yai. Tiali goli, megi Abraham monu dabe yai digi, tama eno agai wai ogwa te ame nanio,” Sarago te po wai.
524	GEN 21:10	Tama agai Abrahambolo te po wai, “Nago te sę ebo we aga ogwa dali si sela sąyao. Te olo sę ebo wego waigo te nago doado bage bugulama, me badu me sogobeo. Te doado bage tigidali te eno wai Aisakgo nosali saibao,” wali.
527	GEN 21:13	Tama eno te sę ebo we Hagargo waigo wąį hani wai dabe, augwali me te genuai hani pedalumainu ilaibao. Magi baso meni, aga me nago wai dao,” wali.
532	GEN 21:18	Nage hogodasa pelama, te ogwa auwa sigi pao, tama nago pagea sao. Magi baso meni, eno te agai wai hani dabe te genuai hani pedalumainu yaibao,” wali.
537	GEN 21:23	Tialima, nago te God gedude po dąų walao, te nago enabolo me, te eno wai puluba dali me, te eno wąį hani dabe dali me, te tibo po wabo kolesaga me egobeo, te po wao. Eno wiegi yai kolesaga nagebolo yai. Tama tiwai naga nago te tibo sę isiąbo wiegi yai homu kęą pali kolesaga enaba ebadi, te nage megi bidibo tǫde bidibo we bidi me te tiwai kolesaga yao,” wali.
540	GEN 21:26	Tama Abimelekgo tobo wali, “Te tama tiali eno konebeo. Nago enabolo polobadu me wabeo. Megi naga eno te po odobao,” te po wai.