49	GEN 2:18	Tama Yawe Godigo aga digi homude te po wai, “Tiyu, te bidi agaduba deli naga bididalio, te usugobeo. Te eno te aga tau siyu bidabo abagi me deli nigilaibao,” te homu yai.
270	GEN 11:3	Nosali augwa hasi po minama, augwaligo tama tiwai po wai, “Awe, abagi dedeo! Dago te dwagi yai mama yai tǫ meba begelama, te siaba ulama, te masigi tiwai pedalumainu ilinao,” wai. Tama tilama, te be sę yabo masigi meni baso augwaligo te be sę ebo nai tama nigali. Tama te masigi dąų wabo simen meni baso, augwaligo te be sę eyu, dąų walobo nai kolta me selama, elaluai.
310	GEN 12:11	Tama Abram te pelama, te Isip pąba sabalubo sogo, te aga we Saraibolo tama po wai. Agai te po wali, “Odao, eno koneani, nage te gasa sawi yai we mu dao.
328	GEN 13:9	“Suao, te genuai tǫ pedai elalubao. Te naga pedai badu bidabo madi me deli dodolama, tama nago ena taga peyu, naga teba bidigi painu te usu da. Te nage dolo nogo pedai badu painogo da, teda ena te pobase nogo pedai badu paibao. Ma, nage te pobase nogo badu painogo eyu da, teda ena te dolo nogo badu bidigi paibao,” Abramgo te po wai. Te augwa ama nami si tama po dodolali.
362	GEN 15:1	Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.
363	GEN 15:2	Tiali goli, Abramgo te po wai, “Yawe, ena hobede ya, eno Genuai Bidi, ena wai meni yai bidiyu, tama nosali isaibao. Te nago magi ilama, te ena genuai nogi elalubo bidi pedelaibawe? Te ena isibosi, te bidi me deligo te eno doado bage saibao, te Damaskus bulu bidi Elieser dao.
390	GEN 16:8	Tama Mobo Bidi Enselgo agabolo tama tiwai po wali, “Hagar, te Saraigo sę ebo we, nage menadu aselama, tama nage menaba painogo ebawe?” Tama Hagargo po wei ponoyu, te po wali, “Sarai aga da, te ena tonalubo we dao, tama eno te Sarai taga soyu, ena wi sobao,” wali.
460	GEN 19:2	tama agai te po wai, “Abagi, dage si aselama, duayagasu bolo yao,” te po wali. “Dage si eno beba asiąo. Dage si sągą bolo wę tedelama, tama dage si megi hulide ede piagameo. Tama kigamu duga si hogodama, pagameo.” Tiali goli, augwali sigo po wei ponoyu, te tiwai po wali, “Menio. Da si te bede me pigobeo. Te da si e bidi sisinibo pesagede piaibao,” wali.
502	GEN 20:6	Te nade Godigo te tiwai po wei ponani, “Awe, eno koneani, te nago homude dolo homu ebaso, nago tama tiali. Tama koneabaso, eno nage te we pąba pigi pisąma emainu elama, tama enabolo dwai sę idali homu yai.
555	GEN 22:7	Te augwali si pelama gana, tama Aisakgo te po wai, “Ayao!” Tama Abrahamgo te po wali, “Magi yaliwe, ogwao?” Tama Aisakgo agabolo hanalu wali, “Ayao, eno te sia dage me te ulabo sia da sigo sela soabo subao, tiali goli te ofa yabo sipsip te mena bidibowe?”
556	GEN 22:8	Tama Abrahamgo po wei ponoyu, te po wai, “Ogwa, te Godigo digi te sipsip gegela mawaibao.” Te po olama, tama augwali si palio.
578	GEN 23:6	“Woo, genuai bidio, nago dago po odao. Nage te da tomode bidibo genuai tobolu bidi deli dao. Nago we te dago wiegi yai gų pagede pubulao,” wali. “Te da me deli te dago te nago we pubulainu te gų page sainu ebaso, te dago me yogo eyu, dąų me wagobeo. Menio.” Te po wai.
598	GEN 24:6	Tama Abrahamgo po wei ponoyu, te po wai, “Woo, nago te eno ogwa te eno page buluba munu me tagala palamuo!
604	GEN 24:12	Agai tama tiwai gedu haluasa po wali, “Yaweo, eno genuai bidi Abrahamgo God, nago eno sę megi wiegi yai ilao,” wai. “Nago te eno genuai bidi dali megi dwagi yai tau sabo sę emainogo eyu, tama ena tau mao.
609	GEN 24:17	Tama te sę bidi aga pageba udulama, tama te po wai, “Ae, nago te botol węgo enanu dwasianu tuaio,” wali.
615	GEN 24:23	Tama agai te po wai, “Ae, nago enabolo walao. Nage te dego wegi dawe? Tama magi yaliwe? Te nago ayago be habu te usu yabo elalubawe, te ena eno hani dali bidabo madi te po obao.”
623	GEN 24:31	Tama Labango te po wali, “Abagio, Yawego te wiegi yai sę te nage dali yalio. Magi baso nage te bulude dolaludubawe? Da si beba pinao. Eno nage bidabo pesage dodolalio. Tama te kamel dabe me bidabo pesage usu yai elalubao,” wali.
635	GEN 24:43	‘Megi ena te wę ulu tubo pąde bidibao. Tama te wegi ogwa we me deli te wę tuagasu asobode, teda eno te tiwai po agabolo waibao, “Ae, nago te botolde wę enanu dwasianu menama, ena tuaio.”
650	GEN 24:58	Tialima, augwaligo Rebeka i olama, asobosi, tama augwaligo aga hanalu wai, “Nage te bidi dali paibawe?” Tama agai te po wai, “Awe, te ena paibao,” wali.
652	GEN 24:60	Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.
729	GEN 27:1	Aisak monu dabe mu elama, tama aga gedu halua selama, tama te nai dabe me, bulu ula me ma bugagia suabo ąǫ isąwai. Tialima, agai aga gomunai ogwa Iso i olama, tama agabolo te po wali, “Ogwao!” Tama Isogo po wei ponani, “Awe, ena e bidibao,” wali.
741	GEN 27:13	Tiali goli, aga idago te po wai, “Ogwao, tagalao, enade digi te dolobo sę pedalumainao. Tiali goli, nago da, te eno nagebolo wabo po gilama te sę yao, tama nage pelama, te meme si sela asa,” wali.
746	GEN 27:18	Tialima, Jekopgo te nai dabe te aga ayabolo selasa pelama, te po wali, “Ayao!” Tama Aisakgo te po wali, “Awe, ogwao. Nage de dawe?”
748	GEN 27:20	Tiali goli, Aisakgo te tiwai po ma wai, “Ogwao, magi ilama, tama nago te hasa polo gegaliwe?” Tama Jekopgo e tiwai po wei ponani, “Yawe te nago Godigo ena tau selama, tama tibaso, eno te hasa polo gegai dao.”
754	GEN 27:26	Nosali Jekop aga ayago te po wai, “Ogwao, eno homugo te nage ena pąba asama, te eno gesabidiba nono nagasao,” wali.
759	GEN 27:31	Agai me te wiegi yai pusu ebo nai ulasa, te aga aya bidibo digi sela palio. Tama agai te po wai, “Ayao, nage hodaluama, te eno selasa asali nai mi meba tugulao, tama nago te Yawego ena dali dwagi yai sę yabo po enabolo magameo.”
762	GEN 27:34	Te sogo Isogo te tiwai po wabo odobaso, polo aga dwai homu mu eyu, aga dwai gela mu wali. Tama agai te po wai, “Ayao, te nago gasa dwagi yai po te enaba me mao,” wali.
766	GEN 27:38	Tiali goli, Isogo bomonama, aga ayabolo hanaludubadi geani, “Aya, nago te dwagi yai po deli naga elaluai dawe? Aya, nage enabolo me te Yawego ena dali dwagi yai sę emainao po mao,” wali. Isogo te po olama, tama aga moni genuai gela ma wai.
801	GEN 29:5	Tialima, agai augwalibolo hanalu wali, “Dagego te Laban, te Nahor tego wąį ogwa koneaniwe?” Tama augwaligo te po wai, “Awe, dago aga koneanio.”
810	GEN 29:14	Tama Labango agabolo te po wai, “Awe, te mu tama, da si te deli kaneme mu dao.” Tama Jekop aga dali bidibadi, te polua deli bidai.
909	GEN 31:35	Tama Reselgo aga ayabolo te po wali, “Aya, nago ena dali wado po me olamuo. Te da we dabe sibigo gasi te ena sobaso, tama ena hodalugobeo.” Labango te tigidali doado bage susa bilali, tiali goli agai god dabe te agai me subeo.
958	GEN 32:30	Tama Jekopgo te po wai, “Ae, nago nogi po enabolo wao,” te po wai. Tiali goli, agai te po wei ponani, “Magi baso nago enabolo eno nogi po hanalubawe?” Tama agai Jekopbolo te aga dali dwagi yai sę pedelabo po mawai.
971	GEN 33:10	Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai.
973	GEN 33:12	Tama nosali Isogo te po wai, “Tialima, megi da, da sisi elama, paibao. Tama ena te polasa pobadi, te dage nosali asiagameo.”
985	GEN 34:4	Tama nosali Sekemgo aga ayabolo hanalu wali, “Ayao, te we selama, te eno we bidaibao.”
1093	GEN 37:9	Tama nosali Josepgo na ma elama, tama agai te po aga ama dabe dali pusali. Agai te po wali, “Odiąo, eno gasa na ma ebo suali, tama eno te giliga de polua si, me te nogo si olama, sągągo deli te hǫ dabe, augwali te enaba basi gulama, kidu sugunidu geai,” wali.
1136	GEN 38:16	Aga te we te sunumi sesegede bidibo madi pelama, tama agabolo te po wali, “Ae, polo tama, ena nage dali piabo homu ebao.” Tiali goli, Judago te aga wąį we da, te homu isiąyu, tama agai me konebe. Tama te wego te po wali, “Te nago magi nai hasia te enabolo mawaibawe?”
1229	GEN 41:33	“Tialima, megi da, nago te wiegi yai kolesaga koneai bidi te nigilama, tama agai te Isip tigidali tǫ pedai badu tonalumainao.
1263	GEN 42:10	Tama augwaligo po wei ponani, “Mena, ąą, genuai bidi. Da te nago sę bidi dabe da, da te nai abelagasu asali.
1294	GEN 43:3	Tiali goli, Judago aga ayabolo te tiwai po wali, “Aya, nagebolo dago wai dao. Te Isipde bidibo gavman tobolu bidigo da dali wado yai. Agai dabolo te dage ede ma sugobeo po wali, te dago ama te da dali me asisąbaso da, te tama tiwai po wai dao.
1389	GEN 46:2	Te hulide nade God te Jekopba pedelama, tama i wali, “Jekop, Jekop.” Tama Jekopgo te po wali, “Ae, ena e bidibao.”
1470	GEN 48:18	Tama agai te tiwai po aga ayabolo wali, “Aya, nago te yali sę dolo ebeo,” wali. “Te e ogwa da, aga te gomunai ogwa dao. Te nago dolo nogo aga toboluba mugi sogo da, te usu igi dao,” te po wai.
1482	GEN 49:8	“Juda, te naga ama dede augwaligo te nago nogi ugwaba saibao. Nago te naga boi bidi dabe augwali te magede tola siyu yaibao. Te naga ama dede augwali mage aiyaba basi gulama, tama nage nogi ugwaba saibao.
1492	GEN 49:18	“Yawe, nago ena tau somainu eno nage tonalubo dao.”
1503	GEN 49:29	Nosali Jekopgo te po aga ogomanibolo wai, “Enade, te pąde megi tama eno ena hani isali bage dabe sisinigi paibao. Dagego eno tigi te ena wąį dabe dali te bidi Hit hani dabego te Efrongo tǫ pedai badu te ola be tomoba mugi pao.
1542	EXO 1:9	Tama te tuni bidigo aga Isip we bidi hani dali te po wai, “Suiąo, te Israel we bidi hani augwali hauwa mu yai, tama augwaligo bomogo dago bomo aiyaba elaluaibao.
1606	EXO 4:4	Tiali goli, Genuai Bidigo Mosesbolo te po wali, “Tagalama, nago nogo aiyaba munama, te danu nogogo touao.” Tama Mosesgo te hasamani nogogo danude touwai, tama te hasamani hasegelama, tama te bilibo dono ma pedelai.
1687	EXO 7:1	Tama tialima, Genuai Bidigo Moses dali te po wali, “Odao, eno nage te God tiwai te tuni bidigo gedude nigiliyu, tama nago ama Aron, te nagede po sabo bidi tiwai nigilama, tama nago po agai te tuni bidibolo waibao.
1806	EXO 10:28	Agai Mosesbolo te po wai, “Ao, nage pao! Nage te bulude bidigio, gedao. Nago ena ma sugobeo. Tama nago ena ma suagasiyu da, te deli sogo mu eno nage ela muaibao.”
1860	EXO 12:43	Genuai Bidigo Moses de Aron sibolo te po wai, “Odao, te Pasova nai dabego bomai po e dao. Te Israel hani isiąwai gasa bulu we bidigo te nai tugio.
2017	EXO 18:17	Tama Jetrogo agabolo te po wai, “Moses, nago te sę ebo te wiegi yai tų wali pabeo.
2036	EXO 19:9	Tama Genuai Bidigo Mosesbolo te po wai, “Odao, te genuai husugu yai pǫde bidilama, tama ena nageba asiyu, tama te we bidi augwaligo te eno nage dali po mibo odolama, tama sesemane sogo augwaligo nago poba homu dąų omainao.” Tama Mosesgo Genuai Bidibolo te we bidi augwaligo wali po wai.
2165	EXO 23:20	“Odiąo, te eno sę ebo Ensel Mobo Bidi tagala palama, polasa peyu, tama dage tųdu pabode tonalua paibao. Tama agai te dage eno mawainogo sisi yai elaluali te bulu tǫba odasa peyu, teba sabolaibao.
2295	EXO 28:1	Genuai Bidigo po ma wadolama weyu, e tiwai po wai, “Moses, nosali nage ma peyu, nago naga ama Aron aga ogwa dabe dali augwali i wao, Nadap, me Abihu, me Eleasar, me Itamar, augwali asomainao. Tama nago augwali te Israel bage tomode selama, tama augwali eno pris bidi pedalomainogo yao.
2413	EXO 30:30	“Tialima, nosali te wel selama, tama dwasianu te Aronba, me te aga ogomani, augwaliba gelama, tama augwali pris pedelama, tama eno sę emainogo sa muao.
2423	EXO 31:2	“Odao, eno te bidi Besalel sa muani, te Urigo ogwa, tama te Hurgo wąįgo ogwa, te Juda hani bidi,
2456	EXO 32:17	Tama Josua te Sainai bulu dude a badu gana Moses asobo tonaluyu bidali. Tama Moses teba dulama, tama augwali si aba pidubadi, tama Josua agai te we bidi dabe augwaligo te i wabo po daga agai odai. Tama agai Mosesbolo e tiwai po wai, “Ae, Moses! Eno te we bidi bidibo madi te wąbi hwįyu kulukulu wabo odalio.”
2466	EXO 32:27	Tama agai augwalibolo te po wai, “God, te da Israel bagego Genuai Bidigo te po wai, ‘Dage tigidaligo te bobage ge hwą selama, tama te u bidi dabe bidibo madi te pesageba pelama, tama te tibo god wali pabo bidi dabe ela muao, te ama, me te abagi dabe, te dage dali pąde bidibo bage, te dao,” wali.
2710	EXO 40:2	“Odao, te hasia nanobo polua, te dei deli wabode, te dagego eno ugwa be sę yao.
2717	EXO 40:9	“Tialima, nosali te wel selama, te eno nai dabe sa muyu, tama te ugwa beba geliyu, te tomode munalubo nai dabe tigidaliba gelao. Te tiwai naga te dagego eno nai naga tigidali da sa muyu, tama tedali gasagi yai mu elalumainao.
2771	LEV 2:8	“Ulama, silama da, teda dagego te bret ma plaua te ofa tiwai Genuai Bidiba selasa pelama, te pris me deliba mao. Tama prisgo te altaba sela paibao,” wai.
2834	LEV 5:3	“Ma, te bidi me deligo te homugo bugagia konesiąma, te bidi me deli, me we me deli tigide pedelali sęde nogogo diąyu elama, te Godigo gedude meda elalubaso da, teda te bidi God gedude meda yai pedalubao. Te aga yali kolesaga aga koneagasobo sogo, aga yali sę dagede te sęgę elalubo dao.”
2835	LEV 5:4	“Ma, bidi me deligo bugagia homu konesiąma, te nai me delide mu po dao po ugwaba obaso da, teda agai Godigo gedude dwai sę ebao. Te aga yali sę konebo sogo da, teda aga yali sę dagede te sęgę sabo dao,” wali.
3053	LEV 12:8	“Tialima, te wego mone sǫą pelama, te aga sipsip kibu wai abelabo mone usu meni baso da, teda agai te ba hi sesao. Te ba hi me deligo te isiba tigidali ulubo ofa eyu, te me gasa bago te sęgę sela sąbo ofa yaibao. Te prisgo te ba hi si ofa eyu, te we wiegi yai pedelaibao, tama te we eno gedude wiegi yai pedelaibao,” te po wai dao.
3090	LEV 13:37	“Tialima, te prisgo aga suali madi, te habo keni te tiwai me elaluabo homu eyu, te genuai pedalugobe homu elama, tama te keni yali madi wiegi yai tigi nisi pedalubaso da, teda te habo keni silalio. Tialima, prisgo agabolo te tama po walao, ‘Nage God gedude wiegi yai yalio.’”
3111	LEV 13:58	“Tialima, agai te ugwa me kau wali ąį telabo sogo, te oiyabe tiwai nai menia sobaso da, teda agai si sogo ąį tedelama, te ugwa eno gedude wiegi yai mu pedelaibao,” wali.
3136	LEV 14:24	“Tialima, prisgo te sipsip me oliv wel saibao, te nogogo tulama, te eno gedude iba eda yao.
3160	LEV 14:48	“Tialima, prisgo te be suagasobo sogo da, teda agai suali, te be wiegi yai elaluyu, te nai ma pedalisąbaso, te agai te tiwai po augwaliba walao, ‘Te be Godigo gedude wiegi yai elalubao.’ Magi baso meni, te oiyabe tiwai naigo te be dolali, te munu ma elalubeo.
3251	LEV 17:15	“Tialima, te kibu me deli olo dali isali, me uni hasago te hasa ela muai, nosali dage hanide digi te bidi ma we me deligo te hasa mi tubaso da, teda aga eno gedude meda pedalubao. Tialima, aga ugwa ąį tedelama, te aga digi me ąį paugi pao, te meda agade elalubadi giliga dega sigulaibao. Giliga iba dega sigulai baso da, teda aga dwagi yai ma pedalubo dao.
3273	LEV 18:21	“Odao, ena duga Genuai Bidi eno dagebolo te duga wai dabe elama, te isiba ulama, te tibo god Molekba ofa ebo habu selama, te po eno dageba bomai po obao. Tiyu, dagego eno nogi aiyaba elaluidalio, te dagego God dao,” wali.
3599	LEV 27:28	“Tialima, te bidi me deligo te nai me deli ena Genuai Bidi dolo dąį mu ilali naigo, te gasa sę me igio olama, habu selai baso da, teda agai te nai gasa bidigo abelemainogo me igio, te aga digi me te pris dabede ma abelamuo. Te tagalao, agai bidi me deli, ma we me deli, ma kibu me deli, ma te aga wąį nǫų dabede sali tǫ me deli yai baso da, teda sesemane sogo te ena Genuai Bidigo nai naga elalueibao.” Te po wali.
3822	NUM 5:29	“Ma, te wego gasa bidiba me dwai kolesaga yali da, tama bidigo homugo aga wego dwai kolesaga yali dao homu elama, aga we dali dwai homu ebaso da, teda dagego te bomai po wali piąo.
3826	NUM 6:2	Genuai Bidigo e tama po wali, “Tialima, me sogo te wego me bidigo me aga digi aga enaba mabo homu ebaso da, te aga bomai po dąų walama ebaso da,
3833	NUM 6:9	“Ma, deli sogo tama, bidi me deli aga pąde mu isali da, teda agai te tobolu nisi eno dao wali meda ilaibao. Tama tialima, aga te a naga olama, me badu nogo si sogo tama bolo tonaluama, tama agai tobolu nisi togomainao, tama te sogo aga eno gedude wiegi yai ma pedalaibao.
3968	NUM 9:2	“Edao, te poluago 14 deide, te pio mu dage Israel dabego sipsip dabe elama, ofa tiwai yao, tama te nai ulubo te eno dage bugagia bidimainogo sula tagalali bubuga Pasova te ma kone paliąo. Te nai ulubo bubuga mu te dao. Tama dagego aga te bomai po dabe dolo wali pelama, tama dage te nai dabe tuiąo,” wali.
4020	NUM 10:31	Tama Mosesgo te po wali, “Hobedeo, baseo, nago da taga pigio. Nago koneani, te menade te wiegi yai madi te pesage nigilama bidabo nago koneani, te moni nai meni yai bulude nago da ola mabo usu yaibao.
4073	NUM 12:13	Tialima, Mosesgo Genuai Bidiba e tama po i walio, “Godio, eno homugo nago Miriam ma usu ilao,” wali.
4181	NUM 15:27	“Ma, te bidi me deligo homugo bugagia konesąma dwai sę yaibaso da, teda agai te meme kibu so te kibu be deli yai selama, ofa emainao, te sęgę sela sąbo ofa tiwai emainao.
4198	NUM 16:3	Tama te bidi dabe augwali sisinagaselama, Moses de Aron si pageba sisinagaselama, tama augwali sibolo e tama po wali, “Odao, da tigidali tama te Genuai Bidigo dao, te dage si naga menio. Tama Genuai Bidi da tigidali dali bidibao. Tama tialima, dage sigo magi baso duga nogi ugwaba selama, da tonalubawe? Dage sigo kolesaga dolo menio,” tama po wali.
4217	NUM 16:22	Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”
4266	NUM 18:8	Tama Genuai Bidigo Aronbolo po ma weyu, e tama po wali, “Odao, eno digi eno te hasa mi dage dabe te we bidi iside ulisąma enabolo masiąma yali te nagebolo mobao. Te ofa yali nai mi dage dabe te nagebolo me nago wąį hani dabebolo tigidali sogo mu mabo dao, tama dagego tuiagameo.
4301	NUM 19:11	Genuai Bidigo po geninama ma weyu, e tama po wali, “Ma, te bidi mego te isai bidigo tigiba dįąwai yaibaso da, teda aga eno gedude meda elalubadi, 7 sogo tamaba usu nigi paibao.
4304	NUM 19:14	“Ma, te we me bidi me te olo ugwa be tomode isali da, tama te bidi isibode te bidi dabe te ugwa bede bididuali me, ma te bidi dabe te ugwa be tomoba asobaso da, augwali eno gedude meda elalubadi, a naga olama, si sogo tama usu naibao.
4306	NUM 19:16	“Ma, bidi me te dulude ma kala silide bilibadi, te isai bidi tigi me dįąwai yaibaso da, te bidi ela muai bidi ma aga digi olo dali isai bidi dįąwai yaibaso, ma te damua pai bidigo dili dįąwai yaibaso, ma agai te gų pagede sągą agawai yaibaso da, teda te bidi eno gedude meda yaibao. Tama aga meda elalubadi, a naga olama, si sogo tama elaluaibao,” wali.
4322	NUM 20:10	Tama Moses de Aron sigo te we bidi te moni genuai masigi pageba sisinigi pali, tama Mosesgo augwalibolo te tama po walali, “Odao, dage te po sela sąbo we bidi dao. Te dago dagego wę te masigide saibawe?”
4330	NUM 20:18	Tiali goli, te Idom dabego Israel dabebolo e tama po wali, “Mu menio,” po wali. “Dage dago buludu me solamu dao,” po wali. “Ma, dage asali da, dago dage dali hwįaibao,” te po wai.
4336	NUM 20:24	“Aron, nage eno te Israel dabebolo mawaibao wali te tǫba nage pogobeo, nage isaibao. Magi baso meni, dage sigo eno po te bulu Meribade sela sąwai dao.
4392	NUM 22:16	Tama agai augwalibolo agai po Balambolo pusigi pomainu yali. Balakgo po e dao, “Balam, nage ena pageba tama asao. Eno homugo nage magi nai mego nage dąų omainu igio homu ebao.
4414	NUM 22:38	Tama Balamgo te po wali, “Tagalao, eno megi asali dao. Tiali goli, eno God aga digi ena mabo po naga pusaibao, te tama deli naga. Eno gasa po me wabo bomo eno menio,” wali.
4424	NUM 23:7	Tama Balamgo augwalibolo profet po pusuyu, te po wali, “Balak, te Moap tuni bidigo, ena odasa asai dao. Agai ena Siria bulu oda selama asali, te giliga asobo badu bulu dude, tama ena asali. Agai te po wali, ‘Eno homugo nage aselama, e god dabego te Jekopgo hani bage dolabo po pusagasomainao,’ po wali. ‘Asao, nago te Israel dabeba dwai sę pedalumainogo eyu, nago naga po wao,’ te po wali.
4435	NUM 23:18	Tama Balamgo te pusabo po pusali, “Balak, hodaluao, odao. Siporgo ogwa, eno megi e pusainogo ebo po odao.
4470	NUM 24:23	Tama Balamgo profet po me deli pusuyu, te po wali, “Tiali, Godigo te tobage kolesaga eyu da, teda de mu bugagia bidaibawe?
4572	NUM 27:16	“God, Genuai Bidi, nage deli naga nage te tigidali we bidigo bidibo ula page bidi dao. Tama tialima, eno nagebolo e we bidi tonaluabo bidi me deli sa muao po nagebolo hanalu obao.
4653	NUM 30:4	“Ma, te gesi wegi aga ayago bede bidiyu, tama Genuai Bidibolo magi nai me mawaibao po weyu, ma agai magi sę dabe me egobeo po wali da, teda agai te po usu dao.
4656	NUM 30:7	“Ma, te bidigo sasiąwai gesi wegigo aga homugo bugagia kone palama, te mena mena sę eno yaibao wali da, ma agai olo dali tama wali da, teda te dwagi yai dao.
4659	NUM 30:10	“Ma, te we me aga bidi isai, ma aga bidigo aga sela sąwai wego agai aga mena mena sę dabe aga yaibao waibaso, ma egobe waibaso da, teda te usu dao, aga te mena mena sę aga emainao. Tiali goli, agai te dąų wali po wali pao.”
4660	NUM 30:11	“Ma, te bidigo sai wego te mena mena sę dabe aga yaibao po me waibaso da, teda wiegi yai dao.
4692	NUM 31:26	“Nage, me Eleasar, me we bidigo tobolu bidi dabe, dagego te wegi dabe sese, me wai dabe, me te hasa sibi, te ami bidi dabego boide sali nai, dagego te nai dabe tama nedao.
4879	NUM 35:32	“Ma, te bidi me aga te duala sabo te hanuba pelama, geme dualaluama, tama nosali aga te aga buluba ma soainu sunumi abelebaso da, te hetpris bidi bidibadi, teda agai usu egobeo. Dagego agai te tama timainu sula tagalamuo. Te habu mu dao.”
4880	NUM 35:33	“Ma, dagego aga pomainu sula tagalali da, teda duga digi duga bulu eno gedude meda ilaibao. Te bidi ela mubo kolesagago te bulu meda ilibo dao. Tama te bulu wiegi yai ma ilabo sunumi deli elalubao. Te da e tama dao. Dagego te bidi aga abagi elali te bidi aga wei ponama ma elao.