5	GEN 1:5	Tama tiyu, tama be posobo nogi agai poali te “Be posobo sogo ulade.” Tama te be hulibo nogi agai poali, te “Hulide dao,” wai. Be huliama, tama be posobo ula pedaluyu elama, tama te be posali deli sogo wali, hasia sogo deli wali silali.
10	GEN 1:10	Tama te wa pai pedelali Godigo te nogi poali te “Tǫ dao.” Tama wę dabe te deliba sisinani, tama te nogi poali, te “Tamu ąį dao.” Te Godigo aga digi te tigidali nigila silali nai wiegi yai yai sulama, te aga homu pemene wiegi yai yai.
54	GEN 2:23	Tama bidigo te po wali, “Megi da, te usu dao. Te aga ena tiwai dao, eno abagi mu dao. Aga dili te eno diligo nigali, tama aga mi da, te eno migo nigai. Godigo aga te eno punali diligo nigai, tama tibaso eno aga nogi ‘we’ poali.”
68	GEN 3:12	Tama bidigo po wei ponai, “Te nago enabolo mani we eno abagigo, agai te nedu du enabolo mobaso, tama eno tuai dao.”
81	GEN 4:1	Adam aga we dali pilama, tama we haliga yai. Tama wego ogwa me deli ame nenama, tama agai te po wai, “Yawego ena tau selama, tama eno ogwa salio.” Tama tibaso, agai te ogwa nogi Kein poai.
95	GEN 4:15	Tiali goli, Yawego te po wai, “Menio. Te nage bidi me deligo ela muyu da, mu tama te eno genuai sęgęgo wei ponaibao.” Tialima, Yawego te dąį me deli Keinde muani, tama bidi dabego aga suyu, tama te dąį ilali subaso da, teda augwaligo aga me ela mugobeo.
105	GEN 4:25	Te nosali Adam aga we dali ma piai. Tama wego ogwa ame nobaso, tama te po wai, “Te Godigo enabolo te gasa wai te Abel bidali hasegelama mani, te Keingo aga ela muani.” Tialima, agai te wai nogi Set poai.
222	GEN 9:16	Te eno te unigi bidi te dagalude pedalubo subo sogo da, teda eno te elalua pabo gamonabo dąų wali po sesemane sogo kone palu, te megi eno te tigidali tǫde bidibo ula elalubo nai dabe dali me tiaibao.”
244	GEN 10:9	Te Yawego gesabide te Nimrot te hasa gegebo sę mu koneai bidi pedelai. Tama te bidi augwaligo te po wali, “Te bidi aga te Nimrot tiwai tama dao. Te Yawego gedude aga te hasa dabe gegabo bomai bidi mu pedelai dao.”
314	GEN 12:15	Tama te Isip dabego genuai polasa tuni bidi tego sę tonalubo bidi dabego te Sarai sulama, augwaligo augwa tuni bidibolo te po wali, “Te we da, te gasagi yai sawi yai we mu dao.” Tialima, augwaligo aga sigi pelama, tama tuni bidigo beba odasa pai.
368	GEN 15:7	Tama Yawego Abrambolo te tiwai po wai, “Ena Yawe dao. Eno nage i obaso, te naga bidali bulu Ur te Kaldia tǫ pedaide bidali te taga soai. Eno tama tiali, eno e tǫ nagebolo mawainogo yali, tama e tǫ nago tǫ mu pedelaibao.”
391	GEN 16:9	Tama Mobo Bidi Enselgo te po wai, “Nage Sarai pageba ma geasa pelama, tama agai po tigidali wali pao.”
392	GEN 16:10	Nosali agai po ma weyu, te po wai, “Te eno nago hani wąį te wai dabe hauwa umabo pedelama, tama bidi dabe augwaligo nedainogo ebo usu me egobeo.”
395	GEN 16:13	Hagargo te homu yai, ‘Sesemane sogo Godigo ena sudu geyu, tama megi eno aga suali, tiali goli, te ena bidibo ula me elaluba, isibeo,’ te homu yali. Tama agai te agabolo po wali Yawe nogi gasa me wali, “Nage da, te ena subo God dao.”
416	GEN 17:18	Tama Abrahamgo Godibolo te po wai, “Eno homugo nago te Ismael me bugagia tonalumainu ebao. Tiyu, aga bugagia bidaibao.” Te po wai.
419	GEN 17:21	Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.
430	GEN 18:5	Te eno dage bomo ilabo nai meba sela menama, tama nosali duga ma piagameo. Dage eno beba aselama, tama eno dage tau saio,” wali. Tama augwaligo te po wali, “Te wiegi yai dao, nago tama tiwai te po wabo gilama yao.”
440	GEN 18:15	Tama Sara wi ebaso, tama agai tibo po weyu, te po wai, “Eno gisugu me wabeo,” wali. Tiali goli, Yawego te po wai, “Menio! Nago gisugu walio.” Te po wali.
451	GEN 18:26	Tama Yawego te tiwai po wei ponai, “Te eno te 50 wiegi yai bidi te Sodom hanude bidibo subaso da, teda augwali tobade eno te tigidali we bidi bidimainu sula tagaliyu, tama te wiegi yai bidi dabe hagaidali weyu tama tiaibao.”
453	GEN 18:28	Tama te 50 doloba pai bidi meniyu, tama 45 bidi naga elalubaso da, teda nago te hanu tigidali dolaibawe, ma meniwe?” Tama Yawego te po wai, “Te eno 45 naga doloba pai bidi elalubo subaso da, teda eno te hanu me dologobeo.”
454	GEN 18:29	Tama Abrahamgo po ma wai, “Te doloba pai bidi te 40 naga bidibaso da, te tama magi yaibawe?” Tama Yawego te po wali, “Te eno wiegi yai bidi te bidi sese si subaso da, teda augwali tobade eno te hanu me dologobeo.”
455	GEN 18:30	Tama Abrahamgo te po wali, “Genuai Bidio, nago wado po olamuo. Eno po ma wainogo ebao. Te tobage bidi te bidi sese deli olama, nogo si naga elalubaso da, magi yaibawe?” Tama Yawego te po wali, “Te eno wiegi yai bidi te bidi deli olama, nogo si bidibo subaso da, teda eno te hanu me dologobeo.”
456	GEN 18:31	Tama Abrahamgo po ma weyu, te po wali, “Genuai Bidio, nago wado po eno te po hauwa obaso wagio. Te bidi sese deli wiegi yai bidi elalubaso da, magi yaibawe?” Tama Yawego te po wali, “Te eno bidi sese deli te doloba pai bidi subaso da, teda augwali tobade eno te hanu me dologobeo.”
457	GEN 18:32	Tama Abrahamgo te po wali, “Genuai Bidio, nago wado po olamuo. Eno po me deli ma simaniyu obao. Te nogo si doloba pai bidi naga bidibaso da, magi yaibawe?” Tama Yawego te po wai, “Te doloba pai nogo si bidi bidibaso da, teda augwali tobade eno te hanu me dologobeo.”
460	GEN 19:2	tama agai te po wai, “Abagi, dage si aselama, duayagasu bolo yao,” te po wali. “Dage si eno beba asiąo. Dage si sągą bolo wę tedelama, tama dage si megi hulide ede piagameo. Tama kigamu duga si hogodama, pagameo.” Tiali goli, augwali sigo po wei ponoyu, te tiwai po wali, “Menio. Da si te bede me pigobeo. Te da si e bidi sisinibo pesagede piaibao,” wali.
467	GEN 19:9	Tiali goli, augwaligo te po wali, “Nage bulu wau bilibo bidi, nage gedao! Nago dago ebo kolesaga dagaligio. Te nage geda sisąwani da, teda dago augwali side dwai sę eyu, tama nage me te gisiga mu yaibao.” Tama augwaligo Lot te be tomoba edaba pogoliyu, tama augwaligo te be sunumi aluainu yali.
472	GEN 19:14	Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.
473	GEN 19:15	Te be posai madi, tama te mobo bidi ensel sigo te Lot seliyu, tama po wali, “Asesa yao! Te naga we dali, naga ede bidibo wegi si dali selama, tama e hanu taga piąo. Tiyu, dage te gasa we bidi dabe dali haga yabuo.”
498	GEN 20:2	Tama te we bidi augwalibolo te tiwai po wai, “Sara te eno abe dao.” Tama Abimelek, te Gerar hanu tonalubo genuai bidi, agai te sę bidi meba tagala palama, tama augwaligo Sara agaba odasa asai.
511	GEN 20:15	Tama agai Abrahambolo tama po wai, “Suao. Te tigidali tǫ te eno dao. Te nage me badu pedai badu bidabo homu ebaso da, te nago sę dao.”
538	GEN 21:24	Tama Abrahamgo te po wali, “Eno tama tiwai po dąų walobao.”
549	GEN 22:1	Nosali Godigo Abraham usu sali. Agai Abraham agabolo i olama, te tiwai po wai, “Abraham o!” Tama Abrahamgo te po wai, “Ena e bidibao.”
556	GEN 22:8	Tama Abrahamgo po wei ponoyu, te po wai, “Ogwa, te Godigo digi te sipsip gegela mawaibao.” Te po olama, tama augwali si palio.
562	GEN 22:14	Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”
568	GEN 22:20	Nosali Abrahamgo te tiwai po odali, “Milkago te wai meba ame nani po wai.” Milka te Nahorgo we, tama Nahor te Abrahamgo ama dao.
578	GEN 23:6	“Woo, genuai bidio, nago dago po odao. Nage te da tomode bidibo genuai tobolu bidi deli dao. Nago we te dago wiegi yai gų pagede pubulao,” wali. “Te da me deli te dago te nago we pubulainu te gų page sainu ebaso, te dago me yogo eyu, dąų me wagobeo. Menio.” Te po wai.
583	GEN 23:11	“Mu menio, genuai bidi. Eno po odao. Te eno te tǫ pedai tigidali me, te ola be gų page dali elalubo, te eno nage olo mu mawaibao,” po wai. “Te ena hani gedude te megi eno nagebolo menama, te nago we tede pubulagameo.” Te po wai.
600	GEN 24:8	Tiali goli, te we nage dali asisąbaso da, teda nago enabolo te dąų wali po te pogo nage dali munu me kęalugobeo. Tiali goli, nago eno ogwa te eno page buluba me odasa pelamuo.” Te po wai.
610	GEN 24:18	Tama Rebekago te po wai, “Genuai bidi, nage tuao.” Tama polo agai te botol wę aiyaba mugulama, tama nogogo tolalubadi, tama aga tumainu yalio.
615	GEN 24:23	Tama agai te po wai, “Ae, nago enabolo walao. Nage te dego wegi dawe? Tama magi yaliwe? Te nago ayago be habu te usu yabo elalubawe, te ena eno hani dali bidabo madi te po obao.”
625	GEN 24:33	Augwaligo nai sela asali, tiali goli sę bidigo te po wali, “Eno nai asena polo tugobeo. Eno hasiabolo po pusaibao.” Tama Labango te po wai, “Te usu dao. Nago po weyu bolo yao.”
633	GEN 24:41	Te nago tama tibaso da, teda te dąų wali pogo te nage me kęalugobeo. Te nage eno haniba pelama, tama augwaligo nago po obadi usu da po wasiąyu da, teda te tiwai naga eyu, te dąų wali pogo nage me kęalugobeo,’ Abrahamgo enabolo te po wai.”
635	GEN 24:43	‘Megi ena te wę ulu tubo pąde bidibao. Tama te wegi ogwa we me deli te wę tuagasu asobode, teda eno te tiwai po agabolo waibao, “Ae, nago te botolde wę enanu dwasianu menama, ena tuaio.”
637	GEN 24:45	Eno gedu haluasa po udubadi, tama Rebeka sabolali. Agai te wę tubo botol te aga nagede tolasa, tama aga te wę ulu tugi soyu, aiyaba dulalio. Tama agabolo eno te po wali, ‘Ae, nago węgo enanu dwasianu menama, ena tuaio,’ te po wali.”
647	GEN 24:55	Tiali goli, Rebeka aga ida de aga abe sigo te po wai, “Te wegi ogwa we da dali te nogo si sogo bidimainu elama, tama nosali aga pomainu yaibao.” Te po wai.
648	GEN 24:56	Tama Abrahamgo sę bidigo te tiwai po wei ponai, “Dagego ena dąų ola sigimio. Yawego eno sę wiegi yai ilama pedelai. Ae, te ena genuai bidi bidibo madi ma painu ebao.”
657	GEN 24:65	Tama agai te Abrahamgo sę bidibolo hanalu wai, “Te mena bidi da tiąba asobawe?” Tama sę bidigo te po wai, “Te eno genuai bidi dao.” Tama tibaso, Rebeka aga tobolude elaluali ugwa namego te aga gesabidi au palia sai.
700	GEN 26:7	Tama te bulu bidi dabego te aga we po agabolo hanalubo sogo agai te tiwai po wali, “Aga te ena abe dao.” Aga wi ebaso, tama agai te po me wabe, “Aga te eno we da,” wabeo. Aisak wi elama, tama tiwai homu yali tiyu, te bidi dabego Rebeka sainu te aga ela muidali homu yali. Magi baso meni, Rebeka te gasagi yai sawi yai we bidai.
702	GEN 26:9	Tialima, Abimelekgo Aisak i olama, agabolo te po wai, “Odao. Te nago we dao! Tiali goli, magi baso nago te naga abe da po waliwe?” Tama Aisakgo te po wei ponoyu, te po wali, “Eno e tama tiwai homu yai, ‘Te eno po weyu, te ena we da po obaso da, teda augwaligo ena ela mugowe?’ te homu yai dao.”
704	GEN 26:11	Tama tibaso, nosali Abimelekgo te e tiwai po bomo elama, te tigidali bidi dabebolo walio, “Te bidi me deligo dwai sę te e bidi dali, ma we dali me ebaso da, teda te bidi aga mu isimainao.”
713	GEN 26:20	Tiali goli, te Gerar tede te kibu bulmakau tonalubo bidi dabego te Aisakgo kibu tonalubo sę ebo bidi dabe dali wado po weyu, te po wai, “Te e wę dago wę dao,” po wai. Tama Aisakgo te wę ulu nogi e tiwai nogi poai “Wado po wai.” Magi baso meni, te bidi dabego wado po tede wai.
714	GEN 26:21	Tama Aisakgo sę bidi dabego gasa wę me ma nigali, tama tede me augwaligo wado po wai. Tialima, Aisakgo te wę ulu nogi e tiwai nogi poai “Genuai wado po wai.”
722	GEN 26:29	te nago da me dolamu dao. Dago wiegi yai kolesaga nagebolo yali, te nago dago bulu taga soali sogo te dago nage dali me hwįbeo, te nage homu nagame dali dua digi soai dao. Magi baso meni, te hania pedelalio, te Yawego te dwagi yai sę te megi nage dali ebo dao.” Augwaligo te po wali.
724	GEN 26:31	Te kigamu digi mu augwali hogodaluama, tama augwali dali, Aisak dali, augwaligo augwa nogo guni sisu muyu, augwa hasi e tiwai po dąų wali, “Te dago dage dali sesemane sogo te wiegi yai homu deli naga elama, bidaibao.” Aisakgo augwaliba dage tao olama, tama augwali nogo menama, tama augwali pali.
725	GEN 26:32	Te sogo digi te Aisakgo sę bidi dabe sabolama, tama augwaligo agabolo te augwaligo wę ulu nigali po wagasai. Augwaligo te po wai, “Dago wę gegalio.”
732	GEN 27:4	Te nago gegelama, subosi da, teda nage pelama, te eno godolo ebo nai ulama, tama nago enaba selasa asao. Te eno te nai tulama da, tama eno nagebolo te Yawego nage dali dwagi yai tau sabo sę emainao po menama, tama nosali ena isaibao.” Aisakgo te po Iso dali wali.
748	GEN 27:20	Tiali goli, Aisakgo te tiwai po ma wai, “Ogwao, magi ilama, tama nago te hasa polo gegaliwe?” Tama Jekopgo e tiwai po wei ponani, “Yawe te nago Godigo ena tau selama, tama tibaso, eno te hasa polo gegai dao.”
753	GEN 27:25	Tialima, Aisakgo te po wai, “Te ulali nai mi te enaba magasao. Te ena nai tulama da, te eno dwagi yai po nagebolo mawaibao.” Tialima, Jekopgo te nai me te wain wę me sela pelama, te Aisakbolo magi pelama, tama Aisakgo te nai me wę tuali.
759	GEN 27:31	Agai me te wiegi yai pusu ebo nai ulasa, te aga aya bidibo digi sela palio. Tama agai te po wai, “Ayao, nage hodaluama, te eno selasa asali nai mi meba tugulao, tama nago te Yawego ena dali dwagi yai sę yabo po enabolo magameo.”
760	GEN 27:32	Aisak agai te po wai, “Nage de dawe?” Tama Isogo e tiwai po wei ponani, “Ena Iso, te nago gomunai ogwa dao.”
763	GEN 27:35	Tiali goli, Aisakgo te po wai, “Naga amago ena tibo po ola menama, tama agai te nagebolo maiabo dwagi yai tau sabo po sai dao.”
769	GEN 27:41	Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.
790	GEN 28:16	Jekop te pila muani hodalu, tama po wai, “Eno Yawe te e bulude bidibo me konesiąwai. Tiali goli, mu tama aga bidibao.”
801	GEN 29:5	Tialima, agai augwalibolo hanalu wali, “Dagego te Laban, te Nahor tego wąį ogwa koneaniwe?” Tama augwaligo te po wai, “Awe, dago aga koneanio.”
804	GEN 29:8	Tama kibu tonalubo bidi dabego te po wai, “Menio. Dago tama me tegobeo. Te tigidali sipsip hani sisiniyu bolo elama, tama nosali dago te wę ulu dedage paliali masigi dagala munama, tama te sipsip dabe wę mabo dao.”
808	GEN 29:12	Tama agai agabolo wali, “Te ena da, te nago ayago deli hani bidi dao, te aga abe Rebeka te eno ida dao.” Tama Resel udulama, te aga ayabolo wagi palio.
810	GEN 29:14	Tama Labango agabolo te po wai, “Awe, te mu tama, da si te deli kaneme mu dao.” Tama Jekop aga dali bidibadi, te polua deli bidai.
829	GEN 29:33	Nosali te Lea haliga ma elama, tama gasa ogwa me ame nani. Tama agai te po wai, “Yawego te gasa ogwa te wai enabolo mani, magi baso meni, agai odali, Jekopgo ena kuna godolo me isąwai.” Tialima, agai te ogwa nogi Simeon poali.
830	GEN 29:34	Tama Lea te haliga ma elama, tama ogwa gasa me ame nani. Tama agai te po wai, “Megi da, te eno bidigo ena godolo mu elama, tama ena dali dąų olama, bugagia bidaibao, magi baso meni, te eno agai wai te ogwa sela ame nani.” Te po wai. Tama agai te wai nogi Livai poai.
839	GEN 30:8	Tama Reselgo te po wai, “Eno te ena ama dali bomonama mu hwįanigo tama megi eno nogi ugwa sali.” Tama agai te wai nogi Naptali poai.
842	GEN 30:11	Tama Leago te po wai, “Ena nogi ugwaba mu igulalio.” Tama tibaso, agai te wai nogi te Gat poali.
847	GEN 30:16	Te pio Jekop te giba pali beba ma asobadi, tama Lea te sunumidu aga tiąba pelama, tama te po wai, “Nage megi hulide ena dali piagameo, magi baso meni, te eno ogwago gegali naigo nage abelalio.” Tialima, te sogo hulide Jekop aga dali piali.
849	GEN 30:18	Tama Leago te po wali, “Eno sę ebo we te ena bidibolo menama, tama Godigo dwagi yai sęgo ena abelali.” Tama agai te wai nogi Isakar poai.
901	GEN 31:27	Magi baso nago ena tibo po ola menama, tama nage geme naga wi soyu, tama nago enabolo pobao po wabewe? Te hasia nago enabolo wagi sogo da, teda eno nage te wiegi yai homu pemene dali tagala palu, te habidi me gita tęąbi wagi dao.” Labango te po wai.
902	GEN 31:28	“Tiali goli, nago ena bolo te eno wegi sibolo, me te eno wąį, eno wegigo wai dabebolo te dage tao po omainogo me ebeo. Nago kolesaga te dwai mu yalio.” Te po wai.
909	GEN 31:35	Tama Reselgo aga ayabolo te po wali, “Aya, nago ena dali wado po me olamuo. Te da we dabe sibigo gasi te ena sobaso, tama ena hodalugobeo.” Labango te tigidali doado bage susa bilali, tiali goli agai god dabe te agai me subeo.
922	GEN 31:48	Labango te po wali, “Te e masigi pesage holali te da sigo te bomai po dąų wali, te homugo gegeda palidali weyu, te dąį tiwai muani.” Tama tibaso, augwaligo te bulu nogi te Galet poai.
931	GEN 32:3	Agai augwali sulama, tama agai te po wai, “Te augwali Godigo ami bidi hani dao.” Tialima, agai te bulu nogi Mahanaim poai.
949	GEN 32:21	Tama dagego te tiwai po ma naga weyu yao, ‘Awe, nago sę bidi Jekop te da tudibadu nosali asobao,’ po waiyąo.” Jekopgo te tiwai homu yai, ‘Eno te ena ama homu nagame ilibo nai te polasa tagala palaibao,’ te homu yali, ‘tama eno aga gesabi subo side, teda agai eno aga dali polobadu yali sę te agai homu gegeda palaibao,’ te homu yali.
955	GEN 32:27	tama te bidigo Jekopbolo te po wai, “Nago ena tagala palama, ena paio,” wai. “Te pąde be posainogo ebao,” wali. Tiali goli, Jekopgo agabolo te po wai, “Eno nage me tagala palogobeo. Nago te dwagi yai tau sabo po enabolo mayu bolo yao.”
956	GEN 32:28	Tama te bidigo Jekopbolo hanalu wali, “Nago nogi de dawe?” Tama Jekop po wei ponani, “Ena nogi te Jekop dao.”
957	GEN 32:29	Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”
959	GEN 32:31	Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.
966	GEN 33:5	Tama Isogo tonono bilama, suali, te we dabe me, wai puluba dali sulama, tama agai Jekopbolo hanalu wali, “Te e mena we wai nage dali bidibawe?” Jekopgo po wei ponoyu, te po wai, “Godigo wiegi yai kolesaga nago sę bidi enabolo elama, tama agai te wai dabe enabolo mawai dao.”
973	GEN 33:12	Tama nosali Isogo te po wai, “Tialima, megi da, da sisi elama, paibao. Tama ena te polasa pobadi, te dage nosali asiagameo.”
976	GEN 33:15	Tama Isogo te po wai, “Te eno hani bage meba nagebolo mawaibao,” wali. “Augwali te nage dali bidiyu, tama dage odasa asomainu yaibao.” Tiali goli, Jekopgo te po wei ponai, “Genuai bidi, eno homugo te nago wiegi yai homu ena dali emainao. Tiali goli, nago bidi dabe ede bidao homu, te tagalao, te eno sę ebo augwali te usu yaibao.”
985	GEN 34:4	Tama nosali Sekemgo aga ayabolo hanalu wali, “Ayao, te we selama, te eno we bidaibao.”
1024	GEN 35:12	Te tǫ eno polobadu te Abrahambolo me Aisakbolo mani tǫ, te megi eno nagebolo mobao. Tama eno nago hani wąį dabebolo me mawaibao.”
1097	GEN 37:13	Tama Israelgo Josepbolo te po wai, “Naga ama dede augwali te Sekem bulu pąde te kibu sipsip tonalu bidibao. Nage sisi elama, eno nage te augwali bidalubo digi tagala palaibao,” wali. Josepgo te tiwai po wei ponani, “Ena sisi yai dao.”
1101	GEN 37:17	Te bidigo agabolo te po wai, “Augwaligo e bulude bidali taga pai dao. Te augwali te Dotanba paiba po wabo eno odali.” Tama Josep te aga ama dede pali wali nosali digibulu ma pelama, tama augwali te Dotande bidibo suali.
1111	GEN 37:27	Te dago aga e Ismael hanibolo menama, tama dago mone sinao. Te kolesaga eyu da, te dago aga me dologobe. Aga te dago ama, tama dago deli kaneme mu dao.” Tama te ama dedego te po usu da po wali.
1131	GEN 38:11	Tama nosali Judago te aga wąį we Tamarbolo te po wai, “Nago bidi isalio. Tama nage te nago ayago beba ma pelama, tama nage wilawe we bidigi pelama, te eno ogwa Sela genuai ebo teba usu naibao.” Aga wi elama, tama po wali. Tiyu, te Sela me te aga ama si isali tiwai gilama idalio. Tialima, Tamar te aga ayago beba ma pelama, tama bididuali.
1136	GEN 38:16	Aga te we te sunumi sesegede bidibo madi pelama, tama agabolo te po wali, “Ae, polo tama, ena nage dali piabo homu ebao.” Tiali goli, Judago te aga wąį we da, te homu isiąyu, tama agai me konebe. Tama te wego te po wali, “Te nago magi nai hasia te enabolo mawaibawe?”
1137	GEN 38:17	Judago te po wali, “Eno te meme elalubo, tama te ogwa bidi me deli eno te nageba tolaibao.” Wego te po wali, “Te usu da, tiali goli nago te meme enaba tolabo te po dąų walobo dąį ilibo nai me deli te enabolo mao,” te po wai.
1141	GEN 38:21	Tama agai te bulu bidi dabebolo hanalu wali, “Te Enaim te sunumi tųnu age side te penani we bidali, te menade bidibawe?” Tama augwaligo te po wali, “Te penani we me deli te badu me bidibo menio.”
1142	GEN 38:22	Aga te Juda bidibo madi ma geasa pelama, te po wai, “Eno te we me gegebeo. Tama te bulu bidi dabego te po wali, ‘Te penani we deli te badu me bidibo menio,’ te po wali.”
1146	GEN 38:26	Judago te nai dabe sulama, koneyu, tama agai te po wai, “Eno tama te dwai sę yali. Te wego dwai sę meni yani. Aga te eno ogwa Selago saiba wai. Tiali goli, eno te augwali si sabo po dodolisiąwai.” Tama tibaso, Juda te aga dali me pibeo.
1169	GEN 39:19	Te wego te po pusuyu, tama tiwai po wali, “Te nago sę bidigo ena dali tama tiali.” Tialima, Josep tonalubo bidigo odama, tama agai sębę dwai mu yali.
1211	GEN 41:15	Tialima, Ferogo Josepbolo te po wali, “Eno na yai, tama te na yali po page pusabo bidi meni yai. Te bidi dabe augwaligo te po wai, te nago na yali po odobaso da, nago te na yali po page pusubo usu ebo da po wai.”
1217	GEN 41:21	Augwaligo tuali, tiali goli augwaligo te tuali ąǫ me ebeo. Menio. Augwali te polobadu tonani tiwai gilama, te dwai mu elaluali. Tama nosali ena pila muani tagalama, hodaluai.”