1844	EXO 12:27	Tama dagego augwalibolo te po wao, ‘Megi da, te Pasova sogo dao. Dago te ofa Genuai Bidibolo ebo, te agai da Israel hani tagalama ela soali bodolu side te sę ebao. Dago te Isip hani augwaligo gomunai ogwa agai elali sogo homugo koneama tiwai. Tiali goli, agai da Israel bagego be tagalama, ela soai, tama dago wai dabe sula tagalama, bugagia bidai.’” Mosesgo te po te tobolu bidi dabebolo wai. Tama nosali te we bidi augwaligo te po odoyu, tama augwali tobolu aiyaba munama, tama Godibolo lotu po wai.
1930	EXO 15:9	“Te boi bidi dabe augwaligo te po wai, ‘Dago augwali pobelama, tama augwali dąų waibao. Tama dago augwaligo wiegi wiegi yai nai dena hanibolo dobola saibao. Tama tigidali nai dago sainogo yali nai te dago siyu naga yaibao. Tama dago augwali dali te poapi ge hwągo hwįnama, tama dena bomogo digi te dago augwali dolaibao.’”
2753	LEV 1:7	Te kau aga haliga me sągą ąį bugagia tela yao. Te pris dabego te altaba isi dabe munama, te isi udulao. Te augwaligo te kau tobolu me, ili me tigidali mi dage te isiba muao, te isigo tigidali dela silimainogo ilama, te keli hogomu naga elalueibao. Tama Genuai Bidigo te ofa denami ebo odama, te aga godolo homu elama bugai haliga yaibao.’”
2758	LEV 1:12	“‘Tialima te bidigo te kibu mi togolama, te kibu haliga me sągą bugagia ąį tedelama, te pris me deligo te tobolu me ili me te kibu pedai tigidali te alta siaba muao. Te prisgo Genuai Bidiba te ofa menama, te isigo tigidali dela silimainogo elama, te keli hogomu naga elalumainogo yao. Tama Genuai Bidigo te ofa ulubo denami ebo odama, te agai homu godolo elama, teba bugai haliga eyu yaibao.’”
3061	LEV 13:8	Tama prisgo te bidi bugagia sumainao, tama te keni genuai pedalubaso da, teda te bidigo oiyabe gasi elalueibao. Te prisgo agabolo te tiwai po waibao, ‘Nage wiegi yai me ebeo.’”
3090	LEV 13:37	“Tialima, te prisgo aga suali madi, te habo keni te tiwai me elaluabo homu eyu, te genuai pedalugobe homu elama, tama te keni yali madi wiegi yai tigi nisi pedalubaso da, teda te habo keni silalio. Tialima, prisgo agabolo te tama po walao, ‘Nage God gedude wiegi yai yalio.’”
3097	LEV 13:44	teda te tobolu wanede keni te dwai nai mu dao, te prisgo agabolo te tiwai po wao, ‘Nage Godigo gedude wiegi yai ebeo.’”
3465	LEV 24:18	Bidigo gasa bidi mego bulmakau ela mubaso da, te agai gasa bulmakau te bidiba wei ponao. Te tobage dwai sę ebo dodolobo kolesaga e tiwai. Bidigo gasa bidigo kibu elali, agai te tobage tiwai naga agaba wei ponao.’”
3850	NUM 6:26	Tama Genuai Bidigo dage dali wiegi yai homu elama, dage dali homu nagame elama tama dage bugagia bidaibao.’”
4282	NUM 18:24	Magi baso meni, eno te Israel we bidi dabego mabo te nogo si nai me deli bogelama mabo, te nai dabe te Livai dabe augwali mabo dao. Te tama po pagede, eno augwalide te e tama po wali dao, ‘Augwali te Israel tǫ tomode augwaligo tǫ me sogobeo.’”
4628	NUM 29:18	Dagego te ofa dabe dali te dei namba wande yali ofa dali yao, te wit dali, wain ąį dali, te togbage nai me te dei namba 2 ma mayu ofa tama iyąo. Tama me dagego te meme omai me deli te dwai sęgę sela sąbo ofa dali yao.’”
4631	NUM 29:21	Dagego te ofa te dage te dei namba wande te yali ofa, te wit, me wain, me meme, te tobage ofa dali tama me ulao. Tama me dagego te meme omai me deligo te dwai sęgę sela sąbo ofa dali yao.’”
4634	NUM 29:24	Dagego te ofa dabe te gasa ofa dabe dagego te dei namba wande yali ofa dali me ma yao. Tama me dagego te meme omai me deligo te dwai sęgę sela sąbo ofa dali yao.’”
4637	NUM 29:27	Tama dagego te ofa te dagego gasa meba sogo te dei namba wande yali ofa dali tama me yao, te wit, me wain, te tobage ofa me ma yao. Tama me dagego te meme omai me deligo te dwai sęgę sela sąbo ofa dali yao.’”
4640	NUM 29:30	Tama dagego te ofa dabe dagego te dei namba wande yali ofa dali ma eyu, tama yao. Tama me dagego te meme omai me deligo te dwai sęgę sela sąbo ofa dali yao.’”
4643	NUM 29:33	Tama dagego te ofa te gasa ofa dagego te dei namba wande yali ofa dali tama yao. Tama me dagego te meme omai me deligo te dwai sęgę sela sąbo ofa dali yao.’”
4647	NUM 29:37	Dagego te kibu dabe ofa dali te dagego te gasa dei namba wande yali ofa dali yao, te wit me, wain me, te sęgę sela sąbo meme omai ofa me, te tama ofa me ma yao.’”
5061	DEU 5:6	‘Ena Genuai Bidi, ena dagego God dao. Dage olo sę ebo bidi te Isip bulude bidibaso, eno dage oda selama, eno dage odasa asai dao.’”
5062	DEU 5:7	“‘Dage gasa God meba lotu po me olamuo. Dagego ena deliba naga lotu po wao.’”
5066	DEU 5:11	“‘Dagego God eno nogi olo dali nogi igio, duga Genuai Bidi. Magi baso meni, eno nogi olo dali nogi ebo bidi dene mawaibao.’”
5072	DEU 5:17	“‘Dagego gasa we bidi elama isiligio.’”
5073	DEU 5:18	“‘We sai me bidi pai we te we bidi dagego penani sę igio.’”
5074	DEU 5:19	“‘Dagego nai wi sigio.’”
5075	DEU 5:20	“‘Dagego ili po olama, gasa we bidi po tų ela magio.’”
5076	DEU 5:21	“‘Dagego gasa bidigo we pesą igio. Tama dagego agai be pesą daliyu, me tǫ pesą daliyu, me agai sę ebo we bidi me pesą iyu, me kau kibu pesą iyu, me donki kibu me pesą me iyu elamuo, me te agai meba gasa nai dabe me pesą me iyu elamuo.’”
5603	DEU 27:16	“Te Livai dabego ma weyu, tama wao, ‘Tialima, te bidi mego aga ida ayago nogi dolai baso da, teda Godigo te bidi dolomainao.’ Tama te we bidi sesego te po waibao, ‘Mu tama dao. Godigo te tama timainao.’”
5604	DEU 27:17	“‘Tialima te bidi mego aga abagigo tǫ dąį poagasai baso da, teda Godigo te bidi dolaibao.’ Tama tigidali we bidigo te po waibao, ‘Te mu tama dao. Godigo te tama timainao.’”
5605	DEU 27:18	“Te Livai dabego ma weyu, te po waibao, ‘Tialima, te bidi mego me gedu widai bidi kegasa pelama, tama aga sunumi dolo painogo isąma ebaso da, teda Godigo te tobage dwai sę ebo bidi dolomainao,’ waibao. Tama tigidali we bidigo te po waibao, ‘Te mu tama dao, Godigo te tama timainao.’”
5606	DEU 27:19	“‘Tialima, te bidi mego dwai sę te gasa hani bidi dali me, o te augwa aya isai wai puluba dali me, o te wilawe we dabe dali me yai baso da, teda Godigo te bidi dolomainao.’ Tama tigidali we bidigo te po waibao, ‘Mu tama dao. Godigo te tama timainao.’”
5607	DEU 27:20	“‘Te bidi mego aga ayago we dali dwai sę me yai baso da, teda Godigo te bidi dolaibao. Te tama tiali kolesagago aga aya hale dwai mu te ilali dao.’ Tama tigidali we bidigo te Livai dabego te po wei ponoyu te po waibao, ‘Mu tama dao, Godigo te tama timainao.’”
5608	DEU 27:21	“‘Te bidi mego te hasa dabe me penani yai baso da, teda Godigo te bidi dolomainao,’ te Livai dagego te po waibao. Tama tigidali we bidigo te po wei ponaibao, ‘Mu tama dao, Godigo te tama timainao.’”
5609	DEU 27:22	“‘Te bidi mego aga abe dali penani ebo sę yai baso da, Godigo te bidi dolomainao.’ Tama tigidali we bidigo te po waibao, ‘Mu tama dao. Godigo te bidi dolomainao.’”
5610	DEU 27:23	“‘Te bidi mego aga au, te aga wego ida dali penani ebo sę yai baso da, teda Godigo te bidi dolomainao.’ Tama te we bidi tigidaligo te po waibao, ‘Mu tama dao. Godigo te tama timainao.’”
5611	DEU 27:24	“‘Te bidi mego geme gasa bidi me elama, mu isilai baso da, teda Godigo te bidi dolomainao.’ Tama tigidali we bidigo te po wei ponoyu, te po waibao, ‘Mu tama dao, Godigo te bidi dolomainao.’”
5612	DEU 27:25	“‘Te bidi mego te bidi me sęgę meni yai bidi ela muabo mone sai baso da, Godigo te bidi dolomainao.’ Tama tigidali we bidigo te po waibao, ‘Te mu tama dao, Godigo te bidi dolomainao.’”
5782	DEU 32:22	Tama te sogo eno sębę te isi bogoli tiwai elama, tama tǫde nai dabe tigidali mu ulaibao. Te sębę te tǫ aiyadu dologodu paibao, te isai bidi dabego buludu paibao. Tama agai te bulu du dabe dolalubo masigi du dabe isi ulaibao.’”
5787	DEU 32:27	Tiali goli, eno tama tiali da, te boi bidi dabe augwali polama, te po wagi dao, “Dago Godigo we bidi dago bomogo augwali aiyaba elaluali dao,” po wagi dao. “Augwa Genuai Bidigo te sę dabe emainogo ebeo,” wagi dao. Tiyu, te boi bidi dabe augwaligo te po waidalio, tama tibaso, eno augwali mu siligobeo.’”
5793	DEU 32:33	Te augwaligo kolesaga te dwai hasamanigo bidi gąų kelebo bidi isilibo dwai nai tiwai dao.’”
6482	JOS 24:4	tama eno ogwa si mani, Jekop me Iso, te Aisakbolo mani. Tama eno te bulu du Seir, aga gasa nogi me Idom, te Iso mani, te aga tǫ gagalama bidali. Tiali goli, Jekop me, te aga hani wai dabe dali, augwali te Isipba pali.’”
6485	JOS 24:7	Tiali goli, te aya dabe augwali wi elama, tama eno te Israel dabe tigidali augwali tau somainogo te i bomonama mu wali, tama eno te be hulia sabo tiwai te augwalide te Isip ami dabe dali si tomode muani. Tama eno te tamu ąį peda pomainogo ilama, tama te Isip dabe mesega sali. Dagego eno te Isip dabede yali sę te dagego suai dao. Tama nosali dage te kemi tǫ bulude sesabi elama, hauwa sogo mu bidali.’”
6488	JOS 24:10	Tiali goli, eno te Balamgo po odobo hagela homu yali, tama agai te dwagi yai mobo dagebolo maidu geani. Tama eno dage te Balakgo nogode ma dobola sali.’”
6648	JDG 5:23	Te Genuai Bidigo ensel mobo bidigo te po wai, ‘Te Meros hanu dolomainao,’ wali. ‘Tama te hanude bidibo we bidi augwali me dolomainao. Magi basowe, augwaligo te Genuai Bidi tau sainu me asobeo, augwali te Genuai Bidi hwįbode tau sainu asobo ami bidi tiwai me asobeo.’”
6849	JDG 11:18	“‘Te nosali augwali te bidi meni yai te tǫ wa pai madi te buluba pali. Tama augwaligo te Idomgo tǫ me, te Moap dabego tǫ me, te edelama pali. Augwali te giliga pedalubo te Moap dabego tǫ pedai badu soai, te wę Arnon pedai badu dao. Augwali bidabo pesage tede nigali, tiali goli augwaligo te ąį Arnon nogesiąwai, magi baso meni, te ąį te Moap dabego tǫ dąį yagasali madi dao.’”
6853	JDG 11:22	Tama augwaligo te Amor dabego tǫ tigidali sali, te Arnon te tǫ saut badu gagalali, pelama, te Jabok te tǫ not te badu, tama te giliga pedalubo badu te bidi meni yai tǫ wa pai madiba sabolali, tama te pelama, giliga dega sigi pabo badu te Jordan ąį teba dąį igi pai.’”
8193	2SA 7:10	Eno dage Israel dabego tǫ me deli sa muani, te ena we bidi dabe, tama eno dage te duga bulu tǫ pedaide bugagia bidimainu ilali. Tama te dwai boi bidi dabego dage me doloyu me egobeo. Polobadu digi te boi bidi dabego dage dolali. Te wąį nǫų dabego te tǫ sagasobo gagalali sogo, tama te eno dagego tobolu bidi nigilama mani sogo, te boi bidi dabego dage dolobo sę iduali. Tiali goli, megi da, te eno augwali paniama, tama te augwaligo nage me, te nago bulu tǫ me, te me dologobeo. Tama eno nago hani bidi bidimainu elama, tama augwaligo te nago wąį nǫų wai dabe te ame nomainu yaibao.’”
9786	2KI 9:26	‘Tialima, te do tama eno suali, ma te bidi dabe augwaligo te nago homugo ebo kolesaga tų wali peyu, tama augwali te Nabot aga wai buluba dali te augwaligo elama isilalio, tama teyu, te ena Genuai Bidi dao, te eno mu po tama obao, tama te nago te Nabot tǫde yali dwai kolesaga te eno nagebolo dolo mu wei begelaibao.’” Tama te Jehugo te Bitkarbolo e tama po ma wali, “Te Joramgo tigi selama, tama te Nabotgo tǫ naga tama sągi pao, te Genuai Bidigo poba usu nigi peyu, tama tiao,” wali.
10050	2KI 18:22	Tiali goli, nago te po weyu da, dage Israel hani dabe dagego konealubo homu Godiba dąų wali da, duga Genuai Bidi, tama te agai dage tau saibao, tiali goli dego me te usu me egobeo. Magi baso meni, Hesekia, nago te aga dolo lotu po wabo pesage me, tama me te ofa nai ulubo sai alta dabe elalua pali bulu dabe dolai dao. Tama nago te Juda hani dabe ebadi, te Jerusalem ebadi elama, tama nago augwali e Jerusalem buluba sisinama, tama deli ofa nai ulubo alta saiba naga sisinama, lotu po wao, wai.’”
10089	2KI 19:24	Tama nago me po tama wali, nage te gasa bulu taunba pabo sogo, te nage tubo wę da nage me habuge me ebeo. Te nage te wa pai buluba pabo sogo me, te naga te tǫ togalide me te wę pągąna sai elalua pai dao, tama tiwai wę te naga hani augwaligo tama me te wę tuai dao. Tama tialima, nage te Isip buludu te pobadi me, nago sągągo sula sąwai dao.’”
10091	2KI 19:26	Tama te taunde bidali we bidigo augwali wi dwai mu yali, tama augwaligo homu kolesaga teba dąų mu wali, augwaligo tama teyu, augwa bomo mu sia sali. Augwali e tama tiwai bidaluali, te nosai giliga doloyu, wa pabo tiwai gilama mu tiwai, mu tama augwali bidaluali, te posola pai wali te giliga asobo badu asali. Te nosai te be pedu ugwa badu holai, tama te nosai dabe holala pali, te nosai dabe te nosai te posola pai wali asobo sogo dila pai elalubo nosai menio.’”
10099	2KI 19:34	Eno tama tiwaibao, magi baso meni, eno ena genuai nogi tobade, tama me te polobadu eno sę bidi Devit dali po dąų wali po tobade tama tiwaibao.’” Aisaiago te Genuai Bidigo te tama wali po te king Hesekiabolo pusa mani.
13092	JOB 10:2	Eno Godibolo e tama waibao, ‘God, nago ena olo dali po tų ela magi. Ma, nago ena dali wado eyu da, teda nago eno yali dwai sęgę dolo ola mao.’”
13530	JOB 28:22	Isai bidigo bulude me e tama po walio, ‘Eno me eno ologo naga te dwagi yai homu kolesaga po olo odali. Tiali goli, eno sube.’”
17935	ISA 10:15	“Tuni bidigo te po tama wali. Tiali goli, ena Genuai Bidi eno hanalu waibao, ‘Te sigi hwą me deligo te po waibawe, “Te ena genuai dao, tama bidigo nogo toulama, nigilibo te enaduba bomogo edelalio,” po waibawe? Te so mego “Ena te bidigo nogo toulama, ni togobo bomo te eno edelalio,” po waibawe? Te hwįbo ni dage dabego bidi nogo toulama, hwįgi pabo meni. Menio. Te bidigo te ni dage dabe nogo toulama, hwįgi pabo dao.’” Genuai Bidigo te po wali.
18006	ISA 14:8	“Te ni pain de sida si te Lebanon bulu du ni dabe augwaligo me te wiegi yai homu yaibao, te Babilon tuni bidi aga isalide. Augwaligo te po obao, ‘Te da gelagasabo bidi me menio, agai da ma gelagasogobeo.’”
18145	ISA 22:23	Te eno aga te sęde bomo elama, mu bidimainu ilaibao, te huk augwaligo be tomode dąų walai tiwai yaibao. Tama agade aga hani tigidaligo genuai nogi sela silaibao.’”
18147	ISA 22:25	Ena Tigidali Bomo Elalubo Genuai Bidi, eno te tama po wali. Tama te sę pedalobo sogo da, te si wali huk hala pelama, tulaluaibao. Tama agade walaluyu, aga sęgę mani hani dolama, tulaluaibao. Ena Genuai Bidi, eno polo wai dao.’”
18407	ISA 36:7	Tialima, nago te po weyu, te dage Israel dabego konealubo homu te Genuai Bidiba mubaso, te duga God, te agai dage tau saibao po obaso, eno homugo te me usugobeo homu ebao. Magi baso meni. Hesekia, nago te agai lotu wabo pesage dabe, me te gasade elalua pali alta dabe, dolali. Nago te Juda dabeba me Jerusalemba te po weyu, augwali te Jerusalemba aselama, tama te alta deliba naga lotu wagasao po wai dao.’”
18447	ISA 37:25	Tama nage gasa biligi pabo sogo nage te wę sǫą pabeo. Te bulu tǫ tigidali wa pai madi, te wę ulu dabe nago nigali, te mu pągąna pelama, te nago hani bidigo tumainu yali. Te nage te Isip genuai wę elaluboba pobaso, te nago sągągo te wę dabe wa pomainu yai dao.’”
18623	ISA 44:20	Augwa homu kolesaga te mu kone tuą palio, tama augwa te geda mubo homu kolesaga mu eyu, te bidigo sia keli tubo tiwai yalio. Te we bidi dabe me deligo homu kolesaga dolo ma siyu, te po wabo sunumi deli me menio, ‘Te eno dolo nogode tolalubo nai, te ni dage naga, te god meni,’ te po wagobeo.’” Te po wai.
18635	ISA 45:4	Te eno sę bidi Israel hani tau sagasao po olama, eno nage i wali, te Jekopgo hani we bidi te ena digi sa muani. Mu tama, nago ena konesiąwai, tiali goli eno nage nogi olama, te genuai nogi nageba mawai dao.’”
18638	ISA 45:7	Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”
18905	ISA 60:14	Te polobadu nageba dwai sę eyu, te nage godolo homu isąwani hani dabe, te augwa tobolu basiasa nageba asaibao. Te augwa kidu sugunugulama, te nago sągą pąde augwa tobolu basigulama, te nageba genuai nogi mawaibao. Te augwa nage nogi te tiwai weyu, ‘Genuai Bidigo Taun da,’ te ‘Saion da,’ waibao, ‘te Israel Godigo Taun, aga te Wiegi Yai Doloba Pai Kolesaga Ebo God mu dao.’”
19047	JER 2:13	magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”
19300	JER 11:5	Tama eno te duga wąį nǫų dabe dali dąų wali po wali peyu, usu naibao. Eno te dagego wąį nǫų augwaliba te wiegi yai tǫ me deli mawaibao po wali, te ili hauwa elalubo tǫ da,” wali. Tama megi dage te tǫde bidibao.’” Genuai Bidigo po walio, tialima, eno te tiwai po wei ponai, “Mu tamao, Genuai Bidi, nago wabo po gilama tama tiagameo.”
19354	JER 13:19	‘Augwaligo te taun dabe obo sunumi paliaibao, te tǫ distrik Negev te Juda pedai te saut badu elaluai, te augwali sunumi dayabo bidi meni yaibao. Magi baso meni, te boi bidi dabego te tigidali Juda selama, te gasa tǫ kantriba kalabus sę igi paibao.’”
19482	JER 19:6	Tama tialima, ena Genuai Bidi, eno te po obao, nosali munu me augwaligo te bulu pesage nogi ma wagobeo, Tofet, ma Odogo Bulu Hinom me wagobeo. Menio. Augwa te tiwai nogi yaibao, te bidi hauwa ela muai bulu dao, po waibao.’”
19497	JER 20:6	Tama Pasur, odao. Nage dali, naga bede bidibo hani me, dage te Babilonba kalabus igi paibao. Nago te tibo profet po te naga abagi dabebolo pusubao, te nage me, nage te abagi dabe dali, te Babilonde isaibao. Tama augwaligo dage te tǫ kantride pubulaibao.’” Te po wali.
19516	JER 21:7	Te ena Genuai Bidi, eno te tiwai po maobao. Hauwa we bidi te gasigo isiyu, me te hwįbode, me te nai menia siyu me isaibao. Tama nosali te enoking Nebukatnesar me aga ami bidi dabego dali, te king Sedekaia dali, aga ami ofisa dabe me, te bidaluali webidi dali, sela paibao. Te boi bidi dabego dage elainogotonalubao. Te Nebukatnesargo po obaso, te augwaligodage te bainat hwągo ela mueibao. Te agai dage homudene me isąyu, te olo tau sabo kolesaga yaiba homume egobeo. Te agai dage me deli bidimaina olama mesula tagalogobeo.’”
19570	JER 23:17	Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”
19634	JER 25:31	Agai te i wabo te tigidali tǫ habu mu usu naibao. Te i wabo page e tiwai dao. Genuai Bidigo te tǫde we bidi tigidali po tų ilaibao. Agai te boi bidi dabe tagala palama, te dwai kolesaga ebo we bidi dabe ela muagasaibao. Te Genuai Bidigo po dao.’”
19703	JER 28:16	Tama tialima, Genuai Bidigo te tiwai po wali, ‘Mu tamao, te eno nage te tǫde mu silaibao. Te kibu bede naga nage isaibao, magi baso meni, nago pogo te we bidi dabe kekebaso, te eno po sela sąwainogo ebo dao.’” Te po wali.
19723	JER 29:19	Ena Genuai Bidi, eno te sę augwaliba yaibao, magi baso meni, augwaligo eno po sela sąwani. Hauwa sogo eno te profet dabe tagala palama, te eno sę bidi dabe, dage Israelba tagala palali, tiali goli, dagego augwaligo po me odobeo.’”
19766	JER 31:6	Te sogo te Efraim hanigo bulu dude bidibo tonalubo bidi dabego, augwa te tama i waibao, ‘Tegoba, da te Saion bulu duba pinao. Da Genuai Bidiba pobao, dena God dao.’”
20061	JER 42:17	Te Isipba bidigi painogo bomo ebo bidi tigidali, te augwali isaibao. Te boi bidi dabego augwali ela muyu, te augwali nai sǫą pelama isiyu, me dwai gasi selama, te augwali isaibao. Eno te dene mabo sę dabe augwaliba pedalumainogo elama, te augwali hani mu silaibao, te deli me bidigobeo.’”
20237	JER 50:2	“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”
21327	EZK 32:10	Te nage eno bainat hwągo dolobo sogo, te king dabe, me te tigidali kantri we bidi dabego sulama, tama augwali wi dwai mu selama, didibili elama, tama augwali noma mu saibao. Awe, te sogo tama te king dabego te homu yaibao, tiyu Godigo da dali te tiwai sę da dali idali homu yaibao.’”
23282	MAT 4:4	Tiali goli Jisasgo e tiwai wali, “Godigo po bukude te po asęani, ‘Te tubo nai bretgo naga te bidi bidabo ula magobeo. Te bidigo bidibo ula te Godigo pedauwalide pedalobo tigidali pode sabo dao.’”
25136	LUK 4:4	Tiali goli, Jisasgo agai po wei ponoyu, te po wali, “Woo, Godigo bukude wali po e tiwai po wai dao, ‘Te tubo nai bretgo naga te bidi bidabo ula magobeo.’”
25819	LUK 19:19	Tama te genuai bidigo agabolo te po wai, ‘Nago me te be nani a naga te nago tonaluao.’”
28359	ROM 14:11	Magu meni, te Godigo po bukude asęani po tiwai yaibao, te po asęani, “Genuai Bidigo te po wai dao: ‘Ena mu tama bidibo, ena isigobeo. Te tiwai eno megi wabo po me te mu usu nagasaibao. Te tigidali we bidigo ena pagede kidu sugunama, tama tigidali bidigo God po hanilama weyu aga God mu da waibao.’”
29147	GAL 1:23	tama gasa bidigo enade wali po naga odai. Tama augwaligo enade te po wai, “Polobadu te bidi Pol agai da elebo sę yai, dago Jisasde konealubo po doloyu yai. Tiali goli aga homu begelama, tama megi aga biliyu, agai we bidibolo te po wabo dao, ‘Te Jisasde konealubo po te po mu po dao.’” Augwaligo enade te Godigo ena homu hasegelali po odali.
30073	HEB 3:11	Tama eno sębę eyu, tama eno po hasegelidali weyu eno mu po olama dąų wali, te po wai, “Augwali eno te toma nabo pesageba munu me asogobeo. Munu me asogobeo. Mu menio.” te po wai dao.’” Te Godigo Mobo Bidigo te po tigidali polobadu olama tama bukude asęnama elalubao.
30152	HEB 7:21	Tiali goli Godigo mu po da po wabogo te Jisas te pris bidi nigilali. Godigo agabolo te po wai, “Ena da Genuai Bidi dao, tama eno mu po da po wai, tama tede eno homu me hasegelegobeo, ‘Nage te pris bidi sę eyu, sesemane sogo bidada peyu, bidada paibao.’”
30216	HEB 10:16	“Genuai Bidi Godigo te po wai, ‘Te sogo bolo silibo si, teda nosali te eno gasa po te augwali dali dąų waibao. Te augwali tau sabo dąų wabo po e dao: Te eno bomai po tigidali te augwali homuba munama, tama augwali homu kolesagade eno te po asęaibao.’”
30792	REV 2:7	“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”
30796	REV 2:11	“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te si sogo isibogo te bidi munu me dologobeo. Mu menio.’”
30802	REV 2:17	“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”