23923	MAT 21:28	Umpatarru'mi tula'na Puang Yesus untetteran mesa tandengan nakua: “Umba iko nakua pikki'mua' inde kara-karae: Dengan mesa tau dua anakna bassi muane. Laomi umpellambi'i anak pa'bunga'na anna kuanni: ‘O anakku, laopoko umpengkarangangki' lako bela' anggurta temo.’
26871	JHN 18:17	Nakuamo inde baine to undagai ba'ba lako Petrus-e: “Anna umbai passikolanako duka' iato tauo?” Natimba' Petrus nakua: “Tangngia.”
28275	ROM 10:19	Dengan polepi pekutanangku: Napekalembasarrika to Israel? Manassa anna napekalembasan. Annu bunga'na natimang napokada Musa nakua: “Susi inde kadanna Puang Allata'alla lako to Israel-e: ‘La melolona' umpakendek kamangungngusan illalan penawammua' lako to tangngia petauangku, anna la kupakendek ara'mua' lako to musangaia' to maro.’ ”
30362	JAS 2:2	Sapo' ma'pebulu-bulukoa' anna ma'pikki' kadake usse'la-se'la padammu ma'rupa tau ke dengan kadadian susi indee: dengan dua tau tama kombongammua', mesa ma'sissin bulawan anna ma'pakean mapia, anna mesa to mase-mase, ma'sare-sare. Mupakasalle ia inde to ma'pakean mapiae lambisan mukuanni: “Okko'ko inde yao angngenan mapiae.” Sapo' mukua ia lako inde to mase-masee: “Ke'de' mammoko itin dioo,” battu mukuanni: “Okko'ko dio inde sa'de perrondoangkue.”
31076	REV 18:14	La nakua inde mai pa'baluk lako issinna kota Babel-e: ‘Pa'de asammi angganna pa'poraimmua'. Tallan asammi angganna porewa masulli' simupobelo-beloa', anna ta'mo dengan leleanna la mukabuttuia'.’