328	GEN 13:9	I ye jamana mafɛnɛ. Ɲin bɛɛ tɛ dinkira le ri wa? An ye fara. Ni bolomaran yan fan fɛ la le duman i yɛ, i ye wo ta. Nde ri to bolokinin yan fan fɛ. Ni bolokinin yan fan fɛ la le duman i yɛ, i ye wo ta. Nde ri to bolomaran yan fan fɛ.»
439	GEN 18:14	Allabatala se kaɲala fen su ɲuman de kɛla? Ɲin tuma sandɔ, n di na bɔ i fɛ yan. Wo ri a tɛrɛn i la muso Saran da dencɛ sɔrɔn.»
614	GEN 24:22	Ɲɔɔmɛ bɛɛ banda ji minna tuma mɛn na, cɛ ka nundɔlafen sanin do labɔ, mɛn sumannin di karamun loolu bɔ. A ka bololafen sanin fila fanan nabɔ, mɛn sumannin di karamun kɛmɛ a ni karamun tan ni loolu bɔ.
1020	GEN 35:8	Wo tuma, Debora sara, mɛn tun ka Rebeka lamɔ. Alu ka wo suu don jiriju do kɔrɔ Betɛli so dafɛ, ka jiri wo tɔɔ la ko An Ye Kasila Jiri Ɲin Kɔrɔ.
1148	GEN 38:28	A moyitɔla, den kelen ka a bolo labɔ. Tinkɔrɔsilali ka a bolo mira ka kari wulen do sidi a la ka a fɔ ko: «Ɲin de ye fɔlɔ ri.»
1289	GEN 42:36	Alu fa Yakuba ka a fɔ alu yɛ ko: «Ɛɛ! Ai ye n denilu bɔla n bolo. Yusufu tɛ yan butun. Simeyɔn fanan tɛ yan butun. Sisen ai ye a fɛ ka Bɛniyaminu fanan mira ka wa wo ri. Ɲin tɔrɔya bɛɛ ye nde le kan.»
25053	LUK 2:11	Kisiba ra sɔrɔn ai yɛ bi, Mansa Dawuda la so kɔndɔ. Ale le Maari ri, Alla la Mɔɔ Ɲenematɔmɔnin kɔnin.
25068	LUK 2:26	Alla la Nin Sɛniman tun da a yiraka a la ko a tɛ sa fewu foo a ɲa wa ban lala Maari la Ɲenematɔmɔnin kan.
25109	LUK 3:15	Alu bɛɛ tɛrɛ ye imirila ie jusu rɔ ko: «Alla la Mɔɔ Ɲenematɔmɔnin mɛn ko fɔni, Yaya le wo ri wo rɔ wa?» Baa, mɔɔilu tɛrɛ ye wo kisiba makɔnɔla.
25148	LUK 4:16	Isa wara se Nasarɛti, a makɔlɔra yɔrɔ mɛn dɔ. Ɲɔɲɔn lon seni, a wara salibon na, ikomin a darini a kɛla ɲa mɛn ma. A se mɛn kɛni karan diya ye, a wulira ka ilɔ kitabu karan kanma.
25163	LUK 4:31	Nba, Isa wara Kapɛrinahumu, so mɛn ye Kalile mara rɔ. Ɲɔɲɔn lon sera, a wara mɔɔilu karan salibon na.
25173	LUK 4:41	Jinailu bɔra mɔɔ siyaman fɛ fanan. Alu bɔ waati, alu kulera ka a fɔ Isa ma ko: «Alla Dencɛ le ile ri.» Kɔni Isa ka ie makuma ka ie makun! A ma sɔn ie ye kuma, ka a masɔrɔn alu ka a lɔn ko ale le ye Alla la Mɔɔ Ɲenematɔmɔnin di.
25216	LUK 6:1	Ɲɔɲɔn lon do rɔ, Isa ni a la karandenilu tamintɔ tɛrɛ ye sɛnɛ do tɛma. Ka ie to sɛnɛ tɛma, Isa la karandenilu ka sɛnɛ suman tonson do bɔrɔndɔ ka a toto ka a damun.
25217	LUK 6:2	Wo kɛra Farisi doilu ɲana. Alu ka a fɔ karandenilu yɛ ko: «Ko mɛn ma kan ka kɛ Ɲɔɲɔn lon ma, ai ye wo kɛla nfenna?»
25220	LUK 6:5	Wo rɔ, Isa ka a fɔ ie yɛ ko: «Mɔɔ Dencɛ le ye Ɲɔɲɔn lon tii ri.»
25221	LUK 6:6	Nba, Ɲɔɲɔn lon gbɛrɛ, Isa donda salibon do la ka mɔɔilu karan. Cɛ do tɛrɛ ye, mɛn bolokinin janin a la.
25222	LUK 6:7	Nba sariya karanmɔɔ doilu ni Farisi doilu fanan tɛrɛ ye ye, mɛnilu tɛrɛ ye kɔrɔsila kojuuya, baa alu tɛrɛ ye fɛrɛ ɲininna ka Isa jalaki. Ni a ka bolo janintɔ wo lakɛndɛya Ɲɔɲɔn lon, alu ri a jalaki sababu sɔrɔn.
25224	LUK 6:9	Isa ka jama maɲininka ko: «A ye di? A daani ka koɲuma kɛ Ɲɔɲɔn lon, wa kojuu? Ka mɔɔ kisi, wa ka a faa?»
25254	LUK 6:39	Wo rɔ, Isa ka sanda doilu la ie yɛ, ko: «A ye di? Ɲa fuyen di se ka ɲa fuyen na gbeleke mira wa? Alu fila bɛɛ tɛ be denka rɔ wa?
25256	LUK 6:41	«Ɲamanin mɛn ye i badenma ɲa ma, i ye wo mafɛnɛla nfenna, ka a tɛrɛn fɛrɛn mɛn ye i jɛrɛ ɲa ma, i tɛ wo kɔrɔsila?
25283	LUK 7:19	ka ie kelaya ko alu ye wa Maari Isa maɲininka ko: «Alla la Mɔɔ Ɲenematɔmɔnin mɛn natɔ, wo ye ile ri wa, wala an ye dɔgbɛrɛ makɔnɔ?»
25284	LUK 7:20	Karanden fila woilu wulira ka wa Isa maɲininka ko: «Maari, Yaya ra an lɔ i ma. A ko an ye na i maɲininka ko: ‹Alla la Mɔɔ Ɲenematɔmɔnin mɛn natɔ, wo le ile ri wa, wala an ye dɔgbɛrɛ makɔnɔ?›»
25390	LUK 9:20	A ka ie maɲininka ko: «Ai don? Ai ye n jatela yon di?» Piyɛri ka a jabi: «Alla la Mɔɔ Ɲenematɔmɔnin de ile ri.»
25405	LUK 9:35	Wo tuma, kumakan do bɔra banda rɔ ko: «N Dencɛ le ɲin di, n da mɛn Ɲenematɔmɔn. Bɛɛ ye a tolo malɔ a la.»
25428	LUK 9:58	Isa ka a jabi: «Tɔɔn ye sɔyaninilu bolo. Ɲaan ye kɔnɔilu bolo. Kɔni si diya si tɛ Mɔɔ Dencɛ bolo, a ri se ka iɲɔɲɔn yɔrɔ mɛn.»
25597	LUK 13:10	Lon do rɔ, Isa tɛrɛ ye mɔɔilu karanna Alla la salibon do la. Ɲɔɲɔn lon de tɛrɛ.
25601	LUK 13:14	Kɔni salibon kuntii ka wo bɛɛ lakɔrɔsi ka diminya. A monɛra Isa ma ka a masɔrɔn a ka lakɛndɛyali kɛ Ɲɔɲɔn lon. Kuntii wulira ka a fɔ jama yɛ ko: «Tele wɔɔrɔ ye an bolo ka baara kɛ. Ai ye na kɛndɛya ɲinin tele wɔɔrɔ wo kɔrɔ. Ai kana na Ɲɔɲɔn lon fewu!»
25602	LUK 13:15	Maari ka salibon kuntii jabi: «Ai ye filankafuilu le ri. I ɲa lɔ! Ni nisi wala fali kɛra ai bolo, ai tɛ wa ie furɛn ka ie mayɛlɛman ka ie lamin Ɲɔɲɔn lon wa?
25603	LUK 13:16	Ni ai ye wo kɛla, a ye di? Muso ɲin ye Iburahima bɔnsɔn de ri. Setana ra a sidi jankarɔ la kɛbi san tan ni seyin. N ma kan ka wo furɛn ka a lakɛndɛya Ɲɔɲɔn lon wa?»
25623	LUK 14:1	Ɲɔɲɔn lon do rɔ, Isa wara damunun diya Farisilu la ɲɛmɔɔ do wara. Mɛnilu siini tɛrɛ damunun na ye, woilu bɛɛ tɛrɛ ye a lakɔrɔsila kojuuya.
25625	LUK 14:3	Isa ka sariya karanmɔɔ ni Farisilu maɲininka ko: «A ye di? Ka mɔɔ lakɛndɛya Ɲɔɲɔn lon, wo bɛnni an na sariya ma, wala wo bɛnni tɛ?»
25627	LUK 14:5	A bɔ mɛn kɛni, Isa ka ie maɲininka ko: «Ni ai la den, wala ai la nisi bera kɔlɔn kɔndɔ, yon ye ai tɛma yan, mɛn di iban wo layɛlɛla Ɲɔɲɔn lon? Ai ri a labɔ jona, wo tɛ?»
25793	LUK 18:36	Ɲa fuyen wo ka jama mankan mɛn, ka maɲininkali kɛ ko: «Nfen kɛni?»
25889	LUK 20:41	Isa ka ie ɲininka ko: «Nfenna mɔɔilu ye a fɔla ko Alla la Mɔɔ Ɲenematɔmɔnin di kɛ Mansa Dawuda dencɛ do ri wa?
25903	LUK 21:8	A ka jabili kɛ ko: «Ai ye a kɛ koɲuma. Ai kana sɔn mɔɔ si ye ai lafili, ka a masɔrɔn mɔɔ siyaman di na ai ma n tɔɔ rɔ, ka a fɔ ko Alla la Mɔɔ Ɲenematɔmɔnin le a ri, ko Alla la waati ra se. Ai kana bila woilu si kɔ.
26000	LUK 22:67	A se mɛn kɛni ye, alu ka a fɔ a yɛ ko: «Ni Alla la Mɔɔ Ɲenematɔmɔnin le ile ri, i ye i lɔ a la.» Isa ka ie jabi: «Ni n ka n lɔ a la, ai tɛ la a la.
26006	LUK 23:2	Alu se mɛn kɛni Pilate ma, alu ka imakasi Isa kan. Alu kan ko: «An da a lakɔrɔsi ka a yen ko cɛ ɲin ye an na jamana mɔɔilu lafilila ka ie lamurunti. A ye a fɔla ie yɛ ko alu kana nisɔnkɔ bɔ ka a di Rɔmu mansa ba ma. A jɛrɛ ko, ko ale le ye Alla la Mɔɔ Ɲenematɔmɔnin di, mɛn kɔrɔ ye ko mansa.»
26039	LUK 23:35	Jama ba lɔni tɛrɛ ye wo bɛɛ ragbɛla. Yahudiya ɲɛmɔɔilu tɛrɛ ye Isa dooyala kojuuya. Alu kan ko: «A ka doilu kisi kɔrɔman. Ni Alla la Mɔɔ Ɲenematɔmɔnin de a ri, a ye a jɛrɛ kisi sisen.»
26043	LUK 23:39	Kojuukɛla mɛnilu gbɔngbɔnni Isa dafɛ, wo kelen fanan ka Isa lafɛya. A kan ko: «I tɛ Alla la Mɔɔ Ɲenematɔmɔnin di wa? I jɛrɛ kisi ka an fanan kisi.»
26058	LUK 23:54	Ɲɔɲɔn lon ɲarasii lon de tɛrɛ. Ni tele bera Ɲɔɲɔn lon di bɔ.
26060	LUK 23:56	Alu ka ikɔseyi so kɔndɔ. Alu ka tulu suman duman ni latikolon dabɛn Isa suu yɛ, ka ban ka iɲɔɲɔn. Ka bɛn sariya ma, alu ma baara si kɛ Ɲɔɲɔn lon.
26061	LUK 24:1	Ɲɔɲɔn lon taminni, Lahadi sɔɔma dala jona, muso woilu ka tulu suman duman ni latikolon ta ka wa kaburu da la.
26086	LUK 24:26	Ni wo tɛ, nabiɲumailu ka a fɔ ko Alla la Mɔɔ Ɲenematɔmɔnin di tɔrɔya sɔrɔn ten, ka ban ka don a la gbiliya jɛrɛ jɛrɛ rɔ. Kuma wo ma kan ka kanbali wa?»
26106	LUK 24:46	A ka a fɔ ie yɛ ikɔ tuun ko: «A sɛbɛni Alla la kuma rɔ ko Alla la Mɔɔ Ɲenematɔmɔnin di jakankata ka faa. Kɔni a faa tele sawana, a ri wuli ikɔ tuun.
26107	LUK 24:47	A ri fɔ mɔɔilu bɛɛ yɛ Alla la Mɔɔ Ɲenematɔmɔnin tɔɔ rɔ ko alu ye tubi, kosa Alla ri ie makoto. A kibaro ri bɔ Jerusalɛmu yan ka jɛnsɛn jamana bɛɛ rɔ.
29125	GAL 1:1	Sɛbɛ ɲin farani nde Pɔli le la, nde mɛn ye keladen di. Mɔɔilu ma n suwandi baara wo kanma. Mɔɔ si ma n kelaya. Ɛɛn, n kɛra keladen de ri ka fara Isa Ɲenematɔmɔnin de la, a ni an Fa Alla mɛn ka a lawuli ka a bɔ saya rɔ.
29127	GAL 1:3	An Fa Alla a ni Maari Isa Ɲenematɔmɔnin ye ɲumaya kɛ ai yɛ, ka jususuma di ai ma.
29128	GAL 1:4	Isa Ɲenematɔmɔnin de ka a jɛrɛ kɛ saraka ri an na kojuuilu kosɔn, sa a ri an bɔ dunuɲa juu ɲin fanka kɔrɔ, baa an Fa Alla sawo tɛrɛ ye wo rɔ.
29130	GAL 1:6	N da kabannakoya kojuuya ka a masɔrɔn Alla mɛn ka ai kili ka fara Ɲenematɔmɔnin na ɲumaya la, ai ra ai kɔdon wo la jona jona, ka wa kela gbɛrɛ kɔ.
29131	GAL 1:7	Kɔni kela gbɛrɛ tɛ wo ri de! Mɔɔ doilu le ye ai kɔndafilila ten. Alu ye a fɛ ka Ɲenematɔmɔnin na kibaro ɲuma yɛlɛman.
29134	GAL 1:10	A ye di? N ye a ɲininna ka n jɛrɛ diya mɔɔilu yɛ wa, wala Alla yɛ wa? N ye a ɲininna ka mɔɔilu hɛnɛ wa? Wo kuma tɛ! Ni n tɛrɛ ye a fɛ ka mɔɔilu hɛnɛ fɔlɔ, n tun tɛna kɛla Ɲenematɔmɔnin na baaraden di.
29136	GAL 1:12	N ma a sɔrɔn mɔɔ si la. Mɔɔ ma n karan a la fanan. Kɔni Isa Ɲenematɔmɔnin jɛrɛ le ka a yiraka n na.
29146	GAL 1:22	Kɔni lemɛniyamɔɔilu la dɛkuru mɛnilu sidini Ɲenematɔmɔnin ma Jude mara rɔ, woilu tun ma nde yen, alu tun ma n lɔn.
29152	GAL 2:4	Kuma wo kɛra ka a masɔrɔn wuyafɔla doilu tun ka alu jɛrɛ kɛ ikomin lemɛniyamɔɔilu, ka alu dokon ka don an tɛma. Baa Isa Ɲenematɔmɔnin ka an kanhɔrɔya ɲa mɛn ma, alu tɛrɛ ye a fɛ ka wo lakɔrɔsi bundu le rɔ. Alu tɛrɛ ye a fɛ ka an kɛ jɔnilu ri ikɔ tuun.
29164	GAL 2:16	Kɔni an ka a lɔn ko mɔɔ si ti se kɛla mɔɔ telenni ri ka fara Nabi Musa la sariya labatoli la. Ɛɛn, telenbaya ye kɛla ka a fara lemɛniya ma Isa Ɲenematɔmɔnin ma gbansan. Wo le kosɔn, an fanan lemɛniyani Isa Ɲenematɔmɔnin ma. Mɔɔ ri kɛ mɔɔ teleni ri ka fara lemɛniya ma Isa Ɲenematɔmɔnin ma, Nabi Musa la sariya labatoli tɛ. Baa mɔɔ si tɛ kɛla mɔɔ telenni ri ka fara Nabi Musa la sariya labato ɲa ma.
29165	GAL 2:17	Nba, ni an ye telenbaya ɲininna gbɛ rɔ Ɲenematɔmɔnin ladɛn dɔ, an ye a yirakala wo ɲa kelen de ma ko an ye hakɛtii le ri ikomin siya gbɛrɛ mɔɔilu, wo ye a yirakala yɛ ko Ɲenematɔmɔnin ye an sɛbɛ donna hakɛta ma wo rɔ wa? Wo kuma tɛ!
29167	GAL 2:19	Wo rɔ, sariya labatoli nde jɛrɛ sani sariya rɔ, wo rɔ n ye ɲenemaya rɔ Alla yɛ. Nde ni Ɲenematɔmɔnin gbɔngbɔnda jiri kan kelen di.
29168	GAL 2:20	Nde sa n ninna butun, Ɲenematɔmɔnin de ye a ninna n fari rɔ. N ye dunuɲaratɛɛ mɛn kɛla faribanku ɲin dɔ sisen, n ye wo kɛla lemɛniya le rɔ Alla Dencɛ yɛ, mɛn ka n kanin ka a jɛrɛ nin di n kosɔn.
29169	GAL 2:21	N ti sɔn ka n ban Alla la ɲumaya rɔ. Baa ni mɔɔ ri se kɛla mɔɔ telenni ri ka fara sariya labatoli la, Ɲenematɔmɔnin sani le wo rɔ gbansan!
29170	GAL 3:1	Ai Kalatikailu, ai ye kɔmɔɔilu ri! Yon de ka ai lafili? Isa Ɲenematɔmɔnin ka saya mɛn kɛ gbɔngbɔn jiri kan, nde ka wo yiraka ai la ka a gbɛ.
29182	GAL 3:13	Ɲenematɔmɔnin ka an kunka danka le la, mɛn ye mɔɔilu kan sariya kosɔn. Danka wo ye a kan an na nɔ rɔ. Baa a sɛbɛni ko: «Mɔɔ mɔɔ dunni jiri la, wo tii dankani.»
29183	GAL 3:14	Isa Ɲenematɔmɔnin ka wo kɛ sa Iburahima la duwawu ri se siya gbɛrɛilu ma, a ni an bɛɛ ri Nin Sɛniman sɔrɔn landanya le rɔ.
29185	GAL 3:16	Awa, Alla ka teriya sidi Iburahima ni a bɔnsɔn na. A ma sɛbɛ ko «a bɔnsɔnilu» ikomin bɔnsɔn siyaman de ko. Ɛɛn, a sɛbɛni ko «i bɔnsɔn.» Wo kɔrɔ le ko «i bɔnsɔn» kelen de ri, mɛn ye Ɲenematɔmɔnin di.
29191	GAL 3:22	Kɔni sɛbɛli kuma wo le nɔ an bilana kaso la an julumun dɔ, sa Alla ri a la lahidi dafa lemɛniyamɔɔilu yɛ ka fara ie la lemɛniya la Isa Ɲenematɔmɔnin ma.
29193	GAL 3:24	Wo rɔ, sariya wo kɛra ikomin an na kɔrɔsiba foo Ɲenematɔmɔnin na waati, sa an di jate mɔɔ telenilu ri ka fara lemɛniya la.
29195	GAL 3:26	Baa ai bɛɛ ra kɛ Alla denilu ri ka fara lemɛniya la, lemɛniya mɛn ye ai badila Isa Ɲenematɔmɔnin ma.
29196	GAL 3:27	Ai mɛn sunda jii rɔ Ɲenematɔmɔnin tɔɔ rɔ, ai badini Ɲenematɔmɔnin ma.
29197	GAL 3:28	Wo le kosɔn, faranfasi tɛ Yahudiyailu ni siya gbɛrɛilu tɛma butun, wala jɔnilu ni hɔrɔnilu tɛma, wala cɛ ni muso tɛma. Baa ai bɛɛ ka kan Isa Ɲenematɔmɔnin ma.
29198	GAL 3:29	Ni ai ye Isa Ɲenematɔmɔnin ta le ri, ai fanan ye Iburahima bɔnsɔnilu le ri. Cɛta la le ile ri ikomin lahidi mɛn taani.
29212	GAL 4:14	N na jankarɔ ka ai tɔrɔ kosɛbɛ, kɔni ai ma n dooya, ai ma ai kɔdon n na. Ai ka n mira koɲuma, ikomin ai tun di Alla la mɛlɛka wala Isa Ɲenematɔmɔnin jɛrɛ mirala ɲa mɛn ma.
29217	GAL 4:19	N denilu, n ye tɔrɔla ai la ko rɔ kokura ikomin muso mɛn ye tin ma. N di tɔrɔ ten haan Ɲenematɔmɔnin ye don ai rɔ tuma mɛn na.
29230	GAL 5:1	Ɲenematɔmɔnin ka an hɔrɔya, sa an di kɛ mɔɔ hɔrɔyani jɛrɛ jɛrɛ ri. Wo le rɔ, ai ye ai rajala. Ai kana sɔn mɔɔilu ye ai bila sariya jɔnya rɔ kokura.
29231	GAL 5:2	Ai ye ai tolo malɔ! Nde Pɔli kan ko ni ai sɔnda mɔɔilu ye ai kojiikɛ, Ɲenematɔmɔnin ka baara mɛn kɛ ai yɛ, wo tɛ foyi ɲa ai ma.
29233	GAL 5:4	Ai mɛnilu ye a ɲininna ka kɛ mɔɔ telen ri ka fara Nabi Musa la sariya la, ai ra ai jɛrɛ fara Ɲenematɔmɔnin na. Ai ra ai kɔdon Alla la ɲumaya la.
29235	GAL 5:6	Baa ni mɔɔ sidini Isa Ɲenematɔmɔnin ma, kojiikɛ tɛ foyi ri butun, kojiikɛbaliya fanan tɛ foyi ri butun. Mɛn ye ko ba ri, wo ye lemɛniya le ri, lemɛniya mɛn ye mɔɔ lɔla kewalilu kɛla kaninteya kosɔn.
29240	GAL 5:11	N badenmailu, ni n ye mɔɔilu kawandila fɔlɔ ko alu ye kojiikɛ, nfenna mɔɔilu ye n tɔrɔla? Ni n ye mɔɔilu kawandila ten, Ɲenematɔmɔnin faa ko gbɔngbɔn jiri kan, wo tun tɛna gbala mɔɔ si la.
29253	GAL 5:24	Mɔɔ mɛnilu ye Isa Ɲenematɔmɔnin ta ri, alu ra ie sawonan koilu ni ie nata juu bailu bɛɛ gbɔngbɔn jiri kan.
29257	GAL 6:2	Ai ye i ɲɔɔn dɛmɛn ai la doninilu tala sa ai ri Ɲenematɔmɔnin na sariya labato a ɲa ma.
29267	GAL 6:12	Mɔɔ mɛnilu ye a fɛ ka ai diyagboya ko ai ye kojiikɛ, alu bɛɛ ye a ɲininna ka diya mɔɔilu yɛ tuun, baa alu tɛ a fɛ mɔɔilu ye ie tɔrɔ Ɲenematɔmɔnin faa gbɔngbɔn jiri kan wo kosɔn.
29269	GAL 6:14	Nde kɔni, n tɛna n jɛrɛbonyala ko si ma, fo an na Maari Isa Ɲenematɔmɔnin faa ko gbɔngbɔn jiri kan. A la saya kosɔn gbɔngbɔn jiri wo kan, dunuɲa koilu ye n ɲana ikomin fen mɛnilu faani. N fanan ye dunuɲa ɲana ikomin fen mɛn faani.
29273	GAL 6:18	N badenmailu, an Maari Isa Ɲenematɔmɔnin na ɲumaya ye to ai fɛ. Amina.
30334	JAS 1:1	Sɛbɛ ɲin farani Yakuba le la, mɛn ye Alla la jɔn de a ni Maari Isa mɛn Ɲenematɔmɔnin na jɔn de ri. N ye a lawala Isirayɛli la kabila tan ni fila ma, mɛnilu jɛnsɛnni dunuɲa fan bɛɛ rɔ. N ye ai tuwala.
30361	JAS 2:1	Nba, n badenmailu, ai ra lemɛniya an na Maari Isa mɛn Ɲenematɔmɔnin ma, gbiliya ba ye mɛn bolo, wo rɔ ai kana mɔɔ do lafisaya mɔɔ do ma.