23244	MAT 2:6	‘Betlem anua, Zuda kateka nenao ka kueno! Zuda bagi tamoata nedi bibia maradi nge aram tago ileua-tina! Kaiko-lo ka tamoata biabia teke ngapura kana. Ngai ka ungguma negu Israel ngamuadi kana.’” (Mai 5:2)
23256	MAT 2:18	“Malonga teke Rama anua-lo longora ipura. Itangtang be ilo nge itakoro-tina. Resel ka natu kanabe itangtang. Natu moarunga nge dimate-doi. Bokaibe tago teke iboadu ilo ngaka-uiai.” (Zer 31:15)
23264	MAT 3:3	‘Propet’ ara Aisaia toira bokainatuka ipile nge Zon ka irangaki. Aisaia bokai ipile: “Malonga teke masaua kaba-lo bokai ikilaulau, ‘Tanepoa zalaka kamamoataungakini. Zala adoadodi kamaemaki be odio ngalale.’” (Ais 40:3)
23282	MAT 4:4	Be Iesus ikatu be bokai ipile, “Nanaranga ‘Buku’ ne bokai ipile, ‘Tamoata tago masa kangkang-ba ngakangkang be ngasukoaki. Tago. Nanaranga pilenga moarunga ngatagatagadi be ngasukoaki.’” (Diut 8:3)
23285	MAT 4:7	Be Iesus ikatu be bokai ipile, “Ata Nanaranga ‘Buku’ ne kababe bokai ipile, ‘Nanaranga nem Tanepoa moaki kutoi.’” (Diut 6:16)
23288	MAT 4:10	Ata Iesus ikatu be bokai ipile, “Satang, goiratu! Nanaranga ‘Buku’ ne bokai ipile, ‘Nanaranga nem Tanepoa-la ka gorakerakeaki be ngaia-la ka gomalipilipini.’” (Diut 6:13)
23324	MAT 5:21	“Toira bokai diradi be kam ambe kalongo, ‘Tamoata takaia moaki kumoatei. (Eks 20:13) Tamoata takaia kumoatei masa giriki nem lilitadi dapura.’
23330	MAT 5:27	“Toira bokai diradi be kam ambe kalongo, ‘Roti mata moaki kugamani be aine ki moane takaia kurepeki be kaeno-buduru.’ (Eks 20:14)
23346	MAT 5:43	“Toira bokai dipile be kam ambe kalongo, ‘Ruangam gorereretaki be erekei nem gosegesegeaki.’ (Leb 19:18)
23431	MAT 8:17	Bokai imuzi be pile tekedi ‘propet’ Aisaia ipile nge dikalingo. Aisaia bokai ipile: “Nena-la be goalakingada irokaki, be morengada ibaga be ialale.” (Ais 53:4)
23522	MAT 10:36	Tamoata erekei-tina ne nge tamoata be aine pera tekena-lo disukoaki-budu.’ (Mai 7:6)
23538	MAT 11:10	Maka ma Nanaranga ‘Buku’ nena-lo nge Zon ka bokai rangaka ipura: ‘Ngau masa pile eleluaki negu teke mnepi be arom ngamua. Ngai ka zalakam ngauasari be ngamua be gotagai kana.’ (Mal 3:1)
23565	MAT 12:7	Maka ma Nanaranga ‘Buku’ ne bokai ipile, ‘Ngado kudoki be tabataba bokana kuiana nge ngau tago rerengagu. Tamoata takaia ilom ngatagai nge ka rerengagu.’ (Osea 6:6) Bokaibe pile ngaedi labudi kamakauataki bokana nge ambe tamoata girikidi tagotago moatubu tago kamandi.
23643	MAT 13:35	Iesus bokai imuzi be ono ‘propet’ teke pilenga iemaki be dikalingo. ‘Propet’ ngae bokai ipile: “Bong mraradi masa pile ono tonanga ane be mraradi. Be kana moarunga zumkakadi dipura tongira kateka emaka ipura-lo be imai masa mrangakidi.” (Sam 78:2)
23711	MAT 15:9	Tamoata-ramo sulengadi didokidoki be tamoata takadi disulesuledi be dipilepile-ra nge Nanaranga pilenga. Rakeaka ra dirakerakeaka, ata dimamalomalo-ba’” (Ais 29:13)
23835	MAT 19:4	Be Iesus ikatu be ipile, “Gere ngaedi kaleze ki tago? ‘Matamatana-tina Nanaranga moane be aine iemakidi.’ (Zen 1:27)
23900	MAT 21:5	“Zaion anua bokai kamarai: ‘Kamate. Anuatanepoa neming teke ambe ipurapura-kaming. Ngai muzinga malielie-ba, be ‘dongki’ tekenao isoaki be ipurapura. ‘Dongki’ natu tekenao isoaki be ipura.’” (Zek 9:9)
23904	MAT 21:9	Kodeka tamoata be aine ngaedi nge Iesus aro be muri dialalale be dimoaguruguru be bokai dipilepile, “Debiti Natu tarakeaki! Tamoata naita Tanepoa ara-nao be ipura masa Nanaranga ngamaroui. (Sam 118:26) Nanaranga ara atabala-tina tanangai!”
23911	MAT 21:16	Kodeka ditaguraki be Iesus bokai dirai, “Natu-muku pilengadi kulongo ki tago?” Be Iesus ikatu be ibokai pile, “Ulongo! Nanaranga ‘Buku’ nena-lo pile ngaedi kaleze ki tago? ‘Natu-muku be natu ruru-kangkang aoa-dialo masa rakeaka uia dapusika.’” (Sam 8:2)
23985	MAT 22:44	‘Nanaranga Tanepoa itaguraki be Tanepoa negu bokai irai: Makare kaba aradi bibiatuka oana-guo gosoakiria, nibe erekei nem mduaposakidi be aem babadi erumadi mnangadiaria.’ (Sam 110:1)
24026	MAT 23:39	Ngau ka bokai uraiko: Tago iboadu kababe gotea nibe bokai gopile, ‘Tamoata naita Tanepoa ara-nao ipura nge Nanaranga iboadu ngamaroui.’” (Sam 118:26)
24055	MAT 24:29	“Kana goalakadi ngaedi muridi masa oaikiki-tina ‘amari mata daleua, kalea masa tago ngamalamalama, goai masa lang-lo ka dasapasi, be kaiboang moarunga makatabala lang-lo dieno nge damoakusu-ramo be tago nedi zalakadi datagatagadi.’ (Ais 13:10; 34:4)
24154	MAT 26:31	Makara nge Iesus itaguraki be tagataga ne bokai iradi, “Oabubu ngaena-lo masa kamairatuia be kamapereka. Maka ma Nanaranga ‘Buku’ nena-lo bokai dieno, ‘Sipisipi’ akolakola masa mumoatei be ‘sipisipi’ ulunga dairatu-ramo. (Zek 13:7)
24286	MRK 1:2	Be ‘Propet’ Aisaia-la igere bokana be labu nangaia ipura. ‘Propet’ Aisaia bokai igere: “Nanaranga bokainatuka Natu irangaki, ‘Ngau masa pile eleluaki negu teke mnepi be arom ngamua. Ngai ka zalakam ngauasari be ngamua be gotagai kana.’ (Mal 3:1)
24287	MRK 1:3	“Malonga teke masaua kaba-lo bokai ikilaulau, ‘Tanepoa zalaka kamamoataungakini. Zala adoadodi kamaemaki be odio ngalale.’” (Ais 40:3)
24539	MRK 7:7	Rakeaka ra dirakerakeaka, ata dimamalomalo-ba. Tamoata-ramo sulengadi didokidoki be tamoata takadi disulesuledi be dipilepile-ra nge Nanaranga pilenga.’ (Ais 29:13)
24718	MRK 11:9	Kodeka alu dimua be alu dialauri nge ditaguraki be dimeremere be bokai dipilepile, “Nanaranga tarakeaki! Tamoata naita Tanepoa ara-nao be ipura masa marou ngadoki! (Sam 118:26)
24726	MRK 11:17	Kodeka makara be isuledi. Isulesuledi nge bokai iradi, “Nanaranga ‘Buku’ nena-lo bokai ipile, ‘Pera negu masa ungguma moarunga ono rabonga nedi kana rangaka ngapura.’ (Ais 56:7) Ata kam ambe anako ono komanga nedi bokana kabasaki!”
24811	MRK 13:25	Goai masa lang-lo be dasapasi be kaiboang moarunga makatabala lang-lo dieno nge damoakusu-ramo.’ (Ais 13:10; 34:4)
24850	MRK 14:27	Makara be Iesus bokai iradi, “Kam moarunga masa kamairatu be kamapereka! Nanaranga ‘Buku’ nena-lo bokai digere, ‘Ngau masa ‘sipisipi’ akolakola mpaliti be ‘sipisipi’ dairatu.’ (Zek 13:7)
25136	LUK 4:4	Be Iesus ikatu be bokai ipile, “Nanaranga ‘Buku’ ne bokai ipile, ‘Tamoata tago masa kangkang-ba ngakangkang be ngasukoaki.’” (Diut 8:3)
25140	LUK 4:8	Be Iesus ikatu be bokai ipile, “Nanaranga ‘Buku’ ne bokai ipile, ‘Nanaranga nem Tanepoa-la ka gorakerakeaki be ngaia-la ka gomalipilipini.’” (Diut 6:13)
25144	LUK 4:12	Be Iesus ikatu be bokai ipile, “Nanaranga ‘Buku’ ne bokai ipile, ‘Nanaranga nem Tanepoa moaki kutoi.’” (Diut 6:16)
25291	LUK 7:27	Ngai ka rangaka bokainatuka geretadi dipura, ‘Ngau masa pile eleluaki negu teke mnepi be arom ngamua. Ngai ka zalakam ngauasari be ngamua be gotagai kana.’ (Mal 3:1)
25324	LUK 8:10	Be Iesus bokai iradi, “Bong ono Nanaranga ngatanepoa kana labu sikita kauataka nge ambe kam ania-ming ipura. Ata tamoata be aine takadi nge pile ono tonanga ane be uraradi. Bokai masa ‘moimoi matadi masa kaba daita be daitaita, ata masa kana tago teke date. Moimoi pile masa dalongo be dalongolongo, ata masa pile tago teke labu dakauataki.’ (Ais 6:9)
25838	LUK 19:38	“Anuatanepoa nangata Tanepoa ara-nao be ipura nge Nanaranga iboadu ngamaroui! (Sam 118:26) Lang anua-lo anua-uia ngaeno be Nanaranga atabalabala-tina iboadu rakeaka bibia-tina ania ngapura!”
25865	LUK 20:17	Kodeka Iesus adoado-tina idededi be bokai ipile, “Pile bokainatuka digere nge labudi bakara? ‘Ariri maka pera kelikeli disegeaki ka pera kaiboang ne.’ (Sam 118:22)
25891	LUK 20:43	nibe erekei nem mduaposakidi be ae salangaka nem bokana aem babadi erumadi mnangadi.’ (Sam 110:1)
25970	LUK 22:37	Bakara, Nanaranga ‘Buku’ nena-lo bokai digere, ‘Tamoata panganadi patu bokana zaiza diuaredia-budu.’ (Ais 53:12) Be nge ngau ka ura-kaming. Pile ngaedi nge ngau oguo ka emakadi dapura be dakalingo kana. E, moimoina-tina. Pile ono ngau rangakagu ipura be digere nge ambe saringatuka emekadi dapura be dakalingo kana.”
26136	JHN 1:23	Kodeka Zon itaguraki be ‘propet’ ara Aisaia nge pilenga itoaki be bokai ipile, “Ngau nge tamoata maka masaua kaba-lo ikilaulau nge malonga. Malonga ngae bokai ikilaulau, ‘Zala adoado-tina teke Tanepoa kamaemakani be ono ngalale.’” (Ais 40:3)
26181	JHN 2:17	Makara nge Iesus tagataga ne pile tekedi Nanaranga ‘Buku’ nena-lo dieno nge ilodi diandi. Pile ngaedi bokai dieno, “Pera nem reretaka nge ilogu-lo eoa bokana idududui.” (Sam 69:9)
26664	JHN 12:15	“O Zaion anua, taburim moaki ira. Kamate, anuatanepoa ne maka imaimai. ‘Dongki’ natu-o isoaki be ipura.” (Zek 9:9)
26687	JHN 12:38	Bokaibe ‘propet’ ara Aisaia nge pilenga dikalingo. Aisaia bokai ipile, “Tanepoa! Pilenga-ma kipile nge naita lama iundi? Rangguma-lo ka Tanepoa kaiboang ne itikingdi be dita?” (Ais 53:1)
26689	JHN 12:40	“Nanaranga ambe matadi iono be matadi dileua, be ilodi ambe iemeki be dikaiboang. Bokaibe matadi ane tago iboadu kaba daita, be ilodi ambe tago iboadu dazama. Be tago iboadu ilodi dabuiri be ngau-lo damai be miaka-uiakidi.” (Ais 6:10)
26918	JHN 19:24	Bokai ka Rom koai-bagi tamoata nge bokai dipile, “Kusi-sili ngae moaki tasereki. Guzui teke taemaki, be ono takaua masa naita ngadoki.” Tamoata ngaedi bokai dimuzi be pile tekedi Nanaranga ‘Buku’ nena-lo dieno nge dikalingo. Pile ngaedi nge bokai dieno: “Kusi negu unangananga dinege be nedi didoki. Be kusi-sili negu nge guzui teke diemaki be diuasai be didoki.” (Sam 22:18) Bokaibe koai-bagi tamoata ngaedi nge pile-la ngaedi ka ditagadi be bokai dimuzi.
26931	JHN 19:37	Pile takadi Nanaranga ‘Buku’ nena-lo dieno nge bokai, “Tamoata io ane nagutobaia ipura masa tadala ngapura.” (Zek 12:10)
27012	ACT 1:20	“Maka ma ‘Buku’ ara ‘Sam’-lo nge Iudas rangaka bokai digere, ‘Pera kana iboadu pereka ngapura be ubana-ba ngaeno. Tamoata tago teke iboadu ono ngasoaki.’ (Sam 69:25) Be takadia-lo nge bokai dieno, ‘Tamoata takaia iboadu kaba ngadoki be malipi ne ngaemaki.’ (Sam 109:8)
27053	ACT 2:35	nibe erekei nem mduaposakidi be ae salangaka nem bokana aem babadi erumadi mnangadi.’ (Sam 110:1)
27102	ACT 4:11	Iesus ka Nanaranga ‘Buku’ ne bokai dirangaki, ‘Ariri maka kam pera kelikeli kasegeaki ka pera kaiboang ne.’ (Sam 118:22)
27464	ACT 13:33	nge tubudi kaitukatuka, kita, nge matada-o iemaki be dikalingo. Bokainatuka iemaki be dikalingo: Iesus mate-lo be imarangaki. ‘Buku’ ara ‘Sam’-lo nge ‘Sam’ ruaia bokai ipile, ‘Kaiko nge ngau natugu. Kaituka ambe Tamam upura.’ (Sam 2:7)
27465	ACT 13:34	“Pile moimoibe kalingodi tekedi bokai dieno: Nanaranga masa mate-lo be ngamarangaki be tago iboadu ngamoapuru. Bokaibe pile ngaedi labudi nge pile ngaedia-lo dieno, ‘Ngau masa marou ratadi be kalingodi Debiti moimoi be rangakadiani ipura nge miangko.’ (Ais 55:3)
27466	ACT 13:35	“Be Nanaranga ‘Buku’ ne egedi takadia-lo nge bokai dieno, ‘Tamoata nem Kusi Rata nge tago masa golikitaki be ngamoapuru.’ (Sam 16:10)
27472	ACT 13:41	‘Eke! Kam maka pilengagu kakanababadi, kaba kamaita uia! Ilo-ming kamalelelenaki-la be kamaleua-ramo kana! Bakara, bong neming-lo masa kana teke ilo-ming tago dipile tago iboadu memaki nge memaki. Moimoi tamoata teke masa ngara-kaming, ata tago iboadu lama kamauni.’” (Aba 1:5)
27478	ACT 13:47	Maka ma Tanepoa bokai ira-kama, ‘Ngau ambe uemakiko be kaiko ambe Ungguma Takadi malama nedi. Bokai masa zala ono tamoata be aine moarunga uketadi be muleakadi dapura kana nge ege-ege kateka-o golakuaki.’” (Ais 49:6)
28063	ROM 3:4	Tago be tago-soasoa! Nanaranga kana moarunga irarangaki nge iememaki be dikalingolingo. Tamoata ka bolingadi ratadi, ngai tago iboliboli. Debiti-la Nanaranga irangaki Nanaranga ‘Buku’ nena-lo bokana, “Bong moarunga kupilepile nge pilengam moarunga moimoi be kalingodi. Be bong pile omo nangadialako dipurapura nge kuasauasa-la kaiko muzingam adoadodi.” (Sam 51:4)
28072	ROM 3:13	Aoa-di nge poda sasanganga dieneno be tamoata ditonotonomdi bokana. Meme-dialo nge boli goalakadia-tina dipusikasika. (Sam 5:9) Be uasi-dialo nge pile ono tamoata matenga, moata-la zerengadi bokana dipusikasika. (Sam 140:3)
28073	ROM 3:14	Aoa-dialo nge ngesuaki goalakadia-tina dipusikasika, be direrere kana goalakadia-tina tamoata takadi dapurapuradi. (Sam 10:7)
28077	ROM 3:18	Be Nanaranga matakura nge dibebe-tina.” (Sam 36:1)
28093	ROM 4:3	Maka ma Nanaranga ‘Buku’ ne bokai ipile, “Abaram Nanaranga lama iunani. Bokaibe lama unianga ngaedio ka Nanaranga itaguraki be oti ne irokaki-le be idoki be ipile mata-nao iado.” (Zen 15:6)
28220	ROM 8:36	Nanaranga-la ‘Buku’ nena-lo dieno bokana, “Kaiko kanabe oabube ngalako rairai nge mate kitalatalaria-la. ‘Sipisipi’ ambe umoatea ngapura bokana basakama dipurapura.” (Sam 44:22) Moimoi iboadu masa moatubu tadoki pile-la ngaedi dieno bokana. Ata tago iboadu.
28248	ROM 9:25	‘Propet’ Osea ‘Buku’ igere kanana-lo nge Nanaranga bokai ipile, “Tamoata be aine maka toira be tago negu kana urangakidi masa ‘tamoata be aine negu’ kana mrangakidi. Be ungguma toira tago urereretakidi masa ‘ungguma negu urereretakidi’ kana mrangakidi.” (Osea 2:23)
28249	ROM 9:26	Be pile takadi Osea bokai igere, “Kaba odio uradi, ‘Kam tago tamoata be aine negu,’ ka masa kaba-la ngaradia-lo be bokai mradi, ‘Kam Nanaranga moauriuri isukoaki natu.’” (Osea 1:10)
28252	ROM 9:29	‘Propet’ Aisaia-la toira ipile bokana, “Tanepoa Kaiboangina-tina tago tubuma alalauri alu ngaperekidia-kama bokana, nge ambe Sodom be Gomora nanau galako. Tago teke moauriuri ngasoaki.” (Ais 1:9)
28256	ROM 9:33	Nanaranga ‘Buku’ nena-lo nge ‘Patu ono tapulonga’ ngae bokai rangaka ipura, “Kamate! Zaion kaba-lo patu teke unangai. Patu nge masa tamoata kokoko-tina ngaemakidi be dapopokaki-ramo kana. Patu biabia ngae masa ngaemakidi be datapulo. Ata tamoata naita lama iunani masa tago iboadu ilo ngamaia.” (Ais 8:14; 28:16)
28274	ROM 10:18	Ata ngau bokai utegi: Moimoi Israel Nanaranga pilenga tago dilongo ki? Pilenga ambe dilongo-doi! Maka ma Nanaranga ‘Buku’ nena-lo bokai dieno, “Malongadi ege-ege kateka-o dilako, be pilengadi kaba moarunga-lo dilako!” (Sam 19:4)
28275	ROM 10:19	Kaba utegi: Israel pile ngaedi labudi dikauataki ki tago? Dikauataki! Maka ma Moses nena-la be matamatanatuka tegi negu ngae ikatungi. Moses bokai ipile, “Ngau masa tamoata be aine alu tago ungguma teke kata nge mdokidi be ono kamauanamdi be kamarere-tina kabadi kamadoki. Ngau masa ungguma pilengagu tago dikauataki teke mdoki be ono nama-ming dara.” (Diut 32:21)
28276	ROM 10:20	Be ono Moses pilenga ngabatadi kana nge Aisaia kaba kaikai-la bokai ipile, “Tamoata tago dilelelea nge ditea. Tamoata tago ditegitegiaka nge negu-la mangata unangaia be ditea.” (Ais 65:1)
28277	ROM 10:21	Ata Israel tamoata be aine nge bokai iradi, “Oabube luma-gu mzuzunaki nibe ngalako rairai-ba. Tamoata be aine kaoa pile tago longolongo be eungadi be ebulongadi ratadi kaoa ka luma-gu unananarakadi.” (Ais 65:2)
28285	ROM 11:8	Nanaranga-la ‘Buku’ nena-lo dieno bokana, “Nanaranga iemakidi be ilodi nge dienosoa bokana be kana tago dikauataki. (Ais 29:10) Matadi iemaki be tago iboadu kaba daitaita, be kungidi iono be tago sesu dilongolongo nibe kaituka-ba.” (Diut 29:4)
28311	ROM 11:34	Nanaranga-la ‘Buku’ nena-lo dieno bokana, “Naita Tanepoa ilo lelenaka ne ikauataki? Naita muku Tanepoa isingarai? (Ais 40:13)
28312	ROM 11:35	Naita teke itaguraki be kana teke Nanaranga iani, be Nanaranga itaguraki be ikatungi?” (Zop 41:11)
28359	ROM 14:11	Maka ma Nanaranga ‘Buku’ nena-lo bokai dieno, “Tanepoa ipile, ‘Moimoina-tina ka upile kana ngae masa memaki be ngapura: Moarunga-biabia masa arogu tukudi-o darokazokuria. Be moarunga masa mangata dapile ngau ka Nanaranga.’” (Ais 45:23)
28380	ROM 15:9	Labu takaia bokai ono imuzi nge bokai: Ungguma Takadi iboadu Nanaranga ara atabala-tina danangai, bakara di Nanaranga ilo-taga ne didoki be. Nanaranga-la ‘Buku’ nena-lo dieno bokana, “Labu ngaenao ka masa Ungguma Takadi maradi mrakeakiko. Ngau masa aram-o be rang ono aram rakeaka ipurapura mdokiniko.” (2 Sam 22:50; Sam 18:49)
28381	ROM 15:10	Be Nanaranga ‘Buku’ ne kaba bokai ipile, “Kam Ungguma Takadi, Nanaranga ungguma ne idokidi be inangadi zaiza suriming dauia!” (Diut 32:43)
28382	ROM 15:11	Kaba pilenga takadi bokai dieno, “Kam Ungguma Takadi moarunga, Tanepoa kamarakeaki! Tamoata be aine moarunga, kamarakeaki!” (Sam 117:1)
28383	ROM 15:12	Aisaia kaba pile ngaedi bokai ibatadi, “Zesi tubu alalauri teke masa ngapura. Ngai masa naguraka ngapura be Ungguma Takadi ngatanepoadi. Be masa ilodi moarunga ono danangalako be darapurapu.” (Ais 11:10)
28450	1CO 1:19	Maka ma Nanaranga ‘Buku’ ne bokai ipile, “Ngau masa tamoata kauangadi malaidi nge kauangadi malaingadi mgamang. Be tamoata amangdi nge kauangadi mzageaki.” (Ais 29:14)
28471	1CO 2:9	Ata Nanaranga-la ‘Buku’ ne ipile bokana, “Kana maka tamoata tago teke ite ki ilongoraki ki ilo ipileni masa emaka ngapura, nge kana-tina ma ngae ka Nanaranga itaguraki be tamoata be aine direreretaki nge imoataungakadi.” (Ais 64:4)
28478	1CO 2:16	Nanaranga-la ‘Buku’ ne ipile bokana, “Naita teke Tanepoa ilo ikauataki? Naita teke iboadu Tanepoa ngasikengni?” (Ais 40:13) Ata Kristus ilo-lelenaka ne nge kita-lo ieno.
28840	1CO 15:54	Bokaibe bong kusida galagalalidi databuli be uia-la daeneno, be bong kusida dimatemate databuli be tago damatemate masa pile ngaedi Nanaranga ‘Buku’ nena-lo dieno nge dakalingo, “Nanaranga ambe mate iuasai.” (Ais 25:8)
28841	1CO 15:55	Be pile takadi bokai dieno, “Mate, kaiboang nem ono uasanga inanga dieno? Mate, kaiboang nem ono sururu aninga inanga dieno?” (Osea 13:14)
28968	2CO 6:2	Maka ma Nanaranga bokai ipile: “Bong ono ilogu irakinga miang-kaming kananao nge ka ulongori-kaming. Be amari ngaena-lo ono mduma-kaming kananao nge ka uketi-kaming be umuleaki-kaming.” (Ais 49:8) Ngau ka urakaming! Kaituka bong ngaedia-lo ka Nanaranga ilo irakinga ngang-kita kana. Be kaituka amari ngaena-lo ka Nanaranga ngauketi-kita be ngamuleaki-kita kana.
28983	2CO 6:17	Tanepoa bokai ipile: “Bokaibe maradi ka kamapusika be neming-la be laua-o kamalako. Kana bolobolo matagu-o tago goagoaza nge kamasegeaki-tina. Bokai masa ngau mreretaki-kaming be mdoki-kaming. (Ais 52:11)
28984	2CO 6:18	Ngau masa tama-ming, be kam masa natugu moanekadi be ainekadi, Tanepoa Kaiboangina-tina ka bokai ipile.” (2 Sam 7:14; 7:8)
29015	2CO 8:15	Nanaranga-la ‘Buku’ ne ipile bokana: “Tamoata kana kokoko-tina ibudinaki nge toli-lanaba ka dienoni. Be tamoata kana toli-lanaba ibudinaki nge tago ileua-tina. Mukudi dienoni.” (Eks 16:18)
29033	2CO 9:9	Nanaranga-la ‘Buku’ ne ipile bokana: “Lumaluma ne nge kokoko-la suri tamoata kangkang ilikiliki bokana be tamoata kana nedi tagotago ianiandi. Kana tago ikapangapangadi. Muzinga adoadodi nge nem-kueno dieneno.” (Sam 112:9)
29225	GAL 4:27	Maka ma Nanaranga ‘Buku’ nena-lo nge bokai dieno: “Aine kupim nge surim dauia. Gomere be surim dauia be gomoaguru. Kaiko neki-lo tago sesu sururu kudoki. Maka ma aine naita roa ipereki masa natu dakoko-tina, be aine roa otioti nge ngauasai.” (Ais 54:1)
29347	EPH 4:8	Nanaranga-la ‘Buku’ ne ipile bokana, “Bong iuasa be etetebalatuka ikautakilako nge tamoata kokoko-tina iuauridi be ibagadi. Be makara be itaguraki be lumaluma ne tamoata iandi.” (Sam 68:18)
30035	HEB 1:5	Maka ma Nanaranga tago sesu ‘enzel’ ne teke bokai irai, “Kaiko nge ngau Natugu. Kaituka ambe Tamam upura.” (Sam 2:7) Be pile takadi bokainaina nge Nanaranga tago sesu ‘enzel’ ne teke irai, “Ngau masa ngai Tama, be ngai masa ngau Natu-gu.” (2 Sam 7:14)
30036	HEB 1:6	Bong Nanaranga ambe Natu ipuratuka-mua kateka-o nganepiaria kana nge bokai ipile, “Nanaranga ‘enzel’ ne moarunga nge Natu ngae ara darakerakeaki.” (Diut 32:43)
30037	HEB 1:7	Be ‘enzel’ rangakadia-lo nge Nanaranga bokai ipile, “‘Enzel’ ne nge oasa bokana iemakidi, be malipilipi kana nge eoa pururuingadi bokana iemakidi.” (Sam 104:4)
30043	HEB 1:13	Pile takadi Nanaranga tago sesu ‘enzel’ ne teke irai nge bokai, “Makare kaba aradi bibiatuka oana-guo gosoaki, nibe erekei nem mduaposakidi be ae salangaka nem bokana be aem babadi erumadi mnangadi.” (Sam 110:1)
30056	HEB 2:12	Maka ma ne bokai ipile, “Nanaranga, ngau masa taritokagu-lo aram mrangaki. Be lili-kokoko disoaki kana masa rang ane be aram mrakeaki.” (Sam 22:22)
30057	HEB 2:13	Be kaba pile takadi bokai ipile, “Ngau masa Nanaranga-lo lama uniangagu mnangalako taritokagu zaiza.” (Ais 8:17) Be kaba takadi bokai ipile, “Gotea! Makare Nanaranga natu iana zaiza usoaki!” (Ais 8:18)
30084	HEB 4:3	Bokaibe kita maka lama tauni ka manaua ne tate kana, nena-la ipile bokana. Nanaranga bokai ipile, “Namagu ratinga ane be aragu utugani be pile moimoibe bokai uemaki, ‘Manaua negu tago iboadu date.’” (Sam 95:11) Pile ngaedia-ra ipile, ata Nanaranga lang be kateka be kana moarunga isi tago iemaki be ilo ambe itekenanai manaua ne masa ngang-kita.
30102	HEB 5:5	Bokainatuka-la, Kristus tago nena-la ara irakeaki be moarunga ara-dio itui. Tago-tina. Nge Nanaranga ka Kristus ara irakeaki be bokai irai, “Kaiko ngau Natu-gu. Kaituka ambe Tamam upura be aragu gobazi kana.” (Sam 2:7)
30103	HEB 5:6	Be kaba ‘Buku’ ne egedi tekedia-lo nge bokai ipile, “Kaiko nge tamoata moarunga ara-dio kutui be bokaina-la gosukoaki kana, Melkisadek-la bokana.” (Sam 110:4)
30152	HEB 7:21	Bakara, bong Iesus malipi ngaedi idoki be moarunga ara-dio itui nge pile tago tototo ane be Nanaranga bokai ipile, “Tanepoa ambe pile tago tototo ane be tago iboadu kaba ilo ngabuiri. Tanepoa bokai ipile, ‘Kaiko masa bokaina-la moarunga ara-dio be gotui be bokaina-la malipi ngaena-lo gosukoaki.’” (Sam 110:4)
30216	HEB 10:16	“Tanepoa bokai ipile, ‘Bong alauri damai kanana-lo masa taoa negu oauoau ngae ka ungguma negu zaiza memaki kana. Masa memakidi be mata negu datagatagadi be rerengagu-lo dasukoaki. Be masa memakidi be baituka rerengagu-lo dasukoaki kana nge dakauataki.’” (Zer 31:33)
30217	HEB 10:17	Be alauri nge bokai ipile, “Muzigoala nedi masa tago kaba ilogu ngandi. Be pilengagu tago dilongo be ditagadi nge giriki nedi ngaedi ilogu daleuataki kana.” (Zer 31:34)