39	GEN 2:8	Ba Bada God Eden ku maramatana mena masawa i terei, ba sebare i wosei wai namai i terei.
41	GEN 2:10	Ba okowa Eden kamonai i kasibau masawa binubanubaina kairavina, saba namai i ruragei wai kawana asi bata.
45	GEN 2:14	Okowa bitonuina wai Tigris, ba i vera barabara ku maramatana mena ku Asshur. Ba okowa kawana kana bi bata wai, Euphrates.
46	GEN 2:15	Ba Bada God sebare i yauni ba Eden masawina kamonai i terei, bagibagina ba potaina kairavina.
58	GEN 3:2	Ba wasike mota i kaobeyei i wona, “Eee! Keyama uwasi masawa kamonai kana kam,
76	GEN 3:20	Adam kaowana kana waba i yorei Eve, basuna kona wai pipiya ereonowasi sinasi.
79	GEN 3:23	Damanina Bada God Eden masawinai i pora taveyisi kata tano ai i wosisi wai sita bagibagi yei.
80	GEN 3:24	Sebare i porai i kasibau murinai, Eden masawina ku maramatana mena aneaneya kasi waba Cherubim i terisi. Ba seri rugweyagweyaurina i terei i bokadakadari ku naona ba ku murina mena yawasa keyamina ketana i msi potai.
81	GEN 4:1	Adam kaowana Eve yabata si dauwa, ba i manawa ba i tuwa wai Cain. Ba i wona, “Bada ana bibaitai ba sebare yai tuwei.”
96	GEN 4:16	Damanina Cain Bada i kasibau taveyei ba i nae ku Nod. Eden ku maramatana mena ba namai i mana.
97	GEN 4:17	Cain kaowana yabata si dauwa wai i manawa ba natusi Enoch i tupuwa. Kona maranai Cain meyaga kaikapona i bowabowai ba, meyagina kana waba i yorei Enoch natuna yabata si warigeya.
98	GEN 4:18	Enoch natuna wai Irad, ba Irad natuna wai Mehujael, ba Mehujael natuna wai Methushael, ba Methushael natuna wai Lamech.
105	GEN 4:25	Adam kaowana yabata si dauwa mena, ba i tuwa wai sebare. Eve kana waba i yorei Seth. Ba i wona, “God natuku kesana yebo i beriku, Abel wasana i kausani kairavina Cain i kasibunui.”
106	GEN 4:26	Seth yebo natuna sebare i tupuwa ba kana waba i yorei Enosh. Kona maranai pipiya si dagui Bada kana wabai si bopepeta.
112	GEN 5:6	Seth kana bodu 105 ba natuna Enosh i tupuwa.
113	GEN 5:7	Enosh i tupuwa murinai, Seth i mana bodu 807 ba natunatuna sebasebare ba bibaine mutusi si tupuwa.
115	GEN 5:9	Enosh kana bodu 90 ba Kenan i tuwei.
116	GEN 5:10	Ba Kenan i tupuwa murinai, Enosh i mana bodu 815 rubana ba natunatuna mutusi sebasebare ba bibaine si tupuwa.
117	GEN 5:11	Enosh kana bodu 905 ba i rabobo.
239	GEN 10:4	Ba Javan natunatuna sebasebare wai Elishah, Tarshish, Kittim ba Rodanim.
241	GEN 10:6	Ham natunatuna sebasebare wai Cush, Egypt, Libya ba Canaan.
245	GEN 10:10	Dagudagunai nikosi meyaga wai, ana bikaiwabona kamonai Babylon, Erech, Akkad ba Calneh, Shina kupurinai.
256	GEN 10:21	Shem yebo sebasebare i tuvisi, Shem tuwana yarokona wai, Japheth. Pipiya Shem murinai si tupuwa si botu wai Eba natunatuna sebasebare.
257	GEN 10:22	Kosi wai Elam, Asshur, Apasad, Lud, ba Aram.
259	GEN 10:24	Ba Shelah tamana wai, Apasad ba Eba tamana wai Shelah.
260	GEN 10:25	Eba sebasebare ruwamo i tuvisi, kesana kana waba Peleg basuna kona ana marai, pipiya ereonowasi asi gamoai asi gamoai i kasimosarisi wai dobu ai i tere naveyisi i nae. Ba tuwateina kana waba wai, Joktan.
329	GEN 13:10	Lot i gagawa Jordan kupurina kasigaoworina oko okowina i kinani, kinanina nanakasike bage Bada ana masawa, kona Egypt tanona, rutainina ba e nenae ku Zoar mena. Nikona wai muri yai Bada Sodom ba Gomorrah ita kasibigoyonisi.
350	GEN 14:13	Saba sebare kesana i vera sonaga wai, i botu Abram kona Hebrew biyina i mamatarei. Abram wai Mamre keyamisi parisi yai i mamana. Niko Amori biyina wai Eskol ba Aner tuwateisi. Ba kosi wai Abram yabata bidamanina maragasina siwosei kata abiya kamonai sini baita bibirana.
363	GEN 15:2	Saba Abram i kaobeyei i wona, “Au Bada Maragata Sakim, awaika kuna beriku ba yauku kega ere natuku, ba Eliezer Damascus biyina au mariya tupana ini karinai.”
383	GEN 16:1	Abram kaowana, Sarai, wai kaipokina ba ana aba saibisaibirina Egypt wasike kana waba Hagar.
399	GEN 17:1	Abram kana bodu 99 maranai Bada i rerematara kurina ba i wona, “Yauku God Maragata Sakina. Ere bi patutum ke bosaibiriku, ba am wose ereonowasi totorisi ba gairesi kamosi yai ke mana.
523	GEN 21:9	Kona maranai Egypt wasike natuna Ishmael Abraham karinai i tuwei wai Sarah natuna Isaac yabata si biyakwara.
684	GEN 25:25	I nao i tupuwa wai taratarana ba ere sini korokorona wai si yorei Esau.
685	GEN 25:26	Muri yai i tupuwa wai Esau kaeketunai i bokikita wai si yorei Jacob kata Isaac kana bodu 60 ba i tuvisi.
686	GEN 25:27	Maranai pipiyisi gunaguna si rakata wai Esau wai yebaga bitana ba dipa yewoyewona saba Jacob wai magugubina ba yove kara kamonai wata i mamana.
687	GEN 25:28	Isaac, Esau i nuwayauyauni basuna i yebayebaga wai i bikanisi saba Rebecca wai Jacob i nuwayuyauni.
688	GEN 25:29	Mara kesana Jacob i gewagewa ba Esau i yebayebaga yepo, soya i rabobo saki wai i botu.
689	GEN 25:30	Ba Jacob kurina i wona, “Soya a rabobo saki! Misi nao gewagewa taratarana kuta beriku ata kani!” (Kona kairavina yebo si yorei Edom).
691	GEN 25:32	Esau i wona, “Damanina, bibadana ke yauni ba yau soya a rabobo saki. Kota kam wata ke beriku ana kani.”
693	GEN 25:34	Damania ba Jacob bread ba gewagewa Esau i berei i kam ba i toma i kakaba wai i tauya i nae. Ba ana biyaroko bibadana i sinikikiyei wai kega i nosi.
695	GEN 26:2	Bada i rerematara Isaac kurina ba i wona, “Kega kuna nae ku Egypt, kupura a wonim wai namai ke mana.
1028	GEN 35:16	Jacob ana rakaraka yabata Bethel si sumarei ba si bowagawaga ku Ephrat. Ba matapa si veraverakasibau, ba Rachel bituwa siniyarana damina i yauni saba ana bituwa wai i piropiro saki.
1031	GEN 35:19	Kata Rachel i rabobo ba keta e nenae ku Ephrat wai parinai si dogui (karaku gawarina wai Bethlehem).
1041	GEN 35:29	I morapa saki ba i rabobo ba natunatuna sebasebare Esau ba Jacob si dogui.
1109	GEN 37:25	Ba si makira sita kam ba si tarakata wai, Ishmael biyisi Gilead yai si botubotu wai si kinanisi. Asi camel wai spice, balm ba myrrh, si bonuvisi ba si kabara si gaigakira ku Egypt.
1112	GEN 37:28	Kata Midian bigimona biyisi si botu, wai teisi Joseph dogu ai si taina geyei, ba si gimonei wai silver asi 20 rubana si yauni, ba Ishmael biyisi si yauni si nae ku Egypt.
1151	GEN 39:1	Maranai Joseph si yauni si gakira ku Egypt, wai Pharaoh ana babada kesana, ba yebo ana yove kana aba potapota kasi bada, Potipar, kona Egypt biyina, Ishmael biyisi gwabisi yai Joseph i gimoni.
1152	GEN 39:2	Ba Bada wai Joseph gwabina wai awaika ereonowanai i wosewosei wai gairena wata, ba ana bada Egypt biyina ana yove yai i mamana.
1155	GEN 39:5	Joseph ana bagibagi i dagui maranai wai, Egypt badana ana yove kamonai, ba ana sawara ereonowana, ba ana kwapu ba ana aba payapayaya manamisi ereonowasi, kona notanai wai Bada i gaireni. Kata Potipar ana yove kamona ba ana kwapu ereonowana yebo i gaireni.
1174	GEN 40:1	Mara yogina murinai Egypt kana taupauma ana vedu aba potapotana ba kana bread kapukapuna biyisi asi bada, taupauma si yagisigisiyei.
1204	GEN 41:8	Mara i tom wai nuwanuwana i kairagaraga wai, kaikairapusi ba nuwanuwasuyisi ereonowasi Egypt kamonai asi wara i porapora wai si botu ba ana meumeu i wonisi. Saba kega kesana kotoi rubana basusi ita wonei.
1225	GEN 41:29	Bodu 7 kamonai Egypt kupurinai mariya ina kamsewasewai,
1229	GEN 41:33	Kona kairavina Pharaoh pipiya kuikuirina, ba notanotana ina nuveni, ba ina terei Egypt kupurina tupana ina koyagi.
1230	GEN 41:34	Pharaoh yebo babada ina bineisi kata bodu gaigairesi 7, mariya maranai kam ereonowana Egypt kamonai sina yauna, ba sina keyauwari riba 5, ba sini gaeni.
1232	GEN 41:36	Nikasike sina wosei wai, kata muri yai bodu 7 kamonai gomara ina botu ku Egypt wai, kam rubarubana pipiya sina kam, kega wai gomara kupura ini goyoni.”
1237	GEN 41:41	Ba Pharaoh, Joseph kurina i wona, “Karaku nina a binebineim kata Egypt kupurina ereonowana kuni badei.”
1241	GEN 41:45	Ba Pharaoh, Joseph kana waba i binei Zaphenat-Panea, ba meyaga kana waba On kana priest, Potiphera, natuna wasike kana waba Asenat i berei kaowana. Damanina ba Joseph, Egypt kupurina ereonowana i badei.
1242	GEN 41:46	Joseph kana bodu 30 ba, ana bagibagi Pharaoh gwabinai i dagui. Ba Joseph, Pharaoh i kasibau taveyei ba Egypt kupurina tupana i nanaga roboi.
1244	GEN 41:48	Kosi bodusi kamosi yai, Joseph kam ereonowana Egypt kamonai si bao wai i utubitaura, ba meyaga kaikaposi kwapu parisi yai i gaena bunaga.
1249	GEN 41:53	Ba bodu marimariyisi asi 7, Egypt kamonai si botu ku damona,
1250	GEN 41:54	ba gomara bodusi asi 7 i dagui, mekabage Joseph i wona wai, nanakasike i tupuwa. Kupura ereonowana si gomara ba Egypt kamonai wata kam i mamana.
1251	GEN 41:55	Egypt kupurinai kam masawai si kakaba, ba pipiya damina si yuyauni wai taupauma kurina kam kairavina si borasa, wai i poraisi Joseph kurina ba i wona, “Mekabage ina wonimi wai, ko wosei.”
1252	GEN 41:56	Maranai gomara kupura tupana i yauna roboi wai, Joseph grain i gegaena wai yovesi i botavetaveyana, ba Egypt biyisi kurisi i gimogimona, kairavina gomara Egypt kupurinai i goyo saki.
1253	GEN 41:57	Pipiya kupura ereonowanai si botubotu ku Egypt ba Joseph karinai kam si gimogimona. Basuna gomara wai dobu ereonowanai i goyo saki.
1254	GEN 42:1	Maranai Jacob i nonori kata kam Egypt kamonai i mamana wai, natunatuna sebasebare kurisi i wona, “Awaika kairavina ko bimatabagiyana? Ko vera baba!
1255	GEN 42:2	A nonori kata Egypt kamonai kam e mamana. Ko gakira nakai ba grain kairavita kona gimona kata tana yawasa ba kega wai tana rabobo.”
1256	GEN 42:3	Damanina ba Joseph tuwatuwana, asi 10 si gakira ku Egypt grain sita gimona.
1259	GEN 42:6	Joseph wai Egypt kupurina kana bada kaikapona, ba kona grain i koyakoyaga ba pipiya ereonowasi kurisi i bigimona, kata maranai tuwatuwana si verakasibau wai si rudune, naosi si gakira ku tano.
1363	GEN 45:4	Damanina ba Joseph kurisi i wona, “Ko msi ratu kuriku.” Ba si msi ratu kurina ba i wona, “Yauku wai waresimi Joseph, ba koi gimoniku wai si botuviku Egypt.
1367	GEN 45:8	Kata kega komi koi poraiku nikei, saba God i poraiku. I wosiku nanakasike taupauma tamana, ba taupauma ana yove ereonowana a potapotai, ba Egypt kupurina ereonowana kana bada kaikapona.
1368	GEN 45:9	Koi yagiyagina kona veramaga tamaku kurina ba ko wonei, ‘Natuna Joseph nanakasike i wona, “God i wosiku wai Egypt abi badei, ba ko botu yagiyagina kuriku.
1384	GEN 45:25	Kata Egypt si sumarei ba si veramaga ku Canaan kupurina, tamasi Jacob kurina.
1385	GEN 45:26	Ba si wonei, “Joseph wai yawayawasina! Ba kona wai Egypt kupurina ereonowana ebi badei.” Jacob i sikwana negenegei ba asi sisiya kega i geruwei.
1386	GEN 45:27	Saba maranai Joseph mekabage i sisiya wai ereonowana si wonei, ba wagon Joseph i porai iti uwani ku Egypt i kitai, wai Jacob nuwanuwana i geyei ba i damaninei.
1388	GEN 46:1	Kata Jacob ana sawara tupana i yauna ba i tauya ku Egypt. Ba maranai i verakasibau ku Beersheba wai tamana Isaac ana God kurina i puyobunuwa.
1390	GEN 46:3	Damanina i wona, “Yauku God, tamam ana God, kega ku Egypt naena kuna nagarei. Namai am rakaraka ana wosei dam kaikapona kesana.
1391	GEN 46:4	Yauku yabata tana gakira ku Egypt ba ana urabaimi, tana veramaga mena niko ku kupura. Kom Egypt kamonai kuna rabobo ba Joseph wai gwabimi yai, yaronai matam ina kapu potai.”
1393	GEN 46:6	Asi aba payapaya manamisi ba asi sawara tupana Canaan yai si yauna ba si gakira ku Egypt. Jacob ana rakaraka ereonowasi i yaunisi ba si nae ku Egypt.
1394	GEN 46:7	Natunatuna sebasebare ba wawana sebasebare ba natunatuna bibaine ba wawana bibaine ana rakaraka tupana si nae ku Egypt.
1453	GEN 48:1	Kona murinai Joseph si wonei, “Tamam wai i gubaga.” Kata natunatuna ruwamo Manasseh ba Ephraim i urabaisi ba yabata si nae.
1457	GEN 48:5	Ba karaku nikasike, natunatum sebasebare ruwamo Ephraim ba Manasseh, Egypt kamonai si tupuwa ba muri yai a botu kurimi wai, kosi yauku ani natunatunisi, nanakasike bage Reuben ba Simeon rutainisi.
1458	GEN 48:6	Murisi yai natunatum mutusi sina tupuwa wai kom karimi yai, ba meo kupura tuwatuwasi Ephraim ba Manasseh sina kwanatu wai parisi yai sina mana.”
1465	GEN 48:13	Joseph natunatuna ruwamo i yaunisi i botu, kata Ephraim wai Joseph kasaunai ba Jacob gedunai i terei ba Manasseh wai gedunai, ba Jacob kasaunai i tere, ba i botuwisi Jacob ku, gwabina damana.
1466	GEN 48:14	Saba Jacob kasauna i bokotoi ba murimurina, Ephraim gayaminai i terei ba geduna i kasibonei kata iyarokona, Manasseh gayaminai i terei, saba kona wai iyarokona.
1469	GEN 48:17	Ba maranai Joseph tamana kasauna Ephraim ku gayamina i terei wai kega i nuwagaire, wai tamana yarona Ephraim gayaminai i yauni Manasseh ku gayamina ita terei.
1472	GEN 48:20	Kata kona kaonai i gairenisi ba i wona, “Komi kami wabai, Israel ini gairena ba ina wona, ‘God, Ephraim ba Manasseh rutainisi ini gairenimi.’” Kona kairavina Jacob, Ephraim i terei i nao ba Manasseh wai i muri.
1534	EXO 1:1	Israel natunatuna, asi rakaraka yabata si nae ku Egypt wai nikosi,
1538	EXO 1:5	Jacob ana rakaraka kamonai wai pipiyisi ereonowasi asi 70; ba Joseph wai matapa Egypt yai i mamana.
1540	EXO 1:7	saba Israel biyisi si tuwa wai si pesara saki, Egypt si bonuvi i nunu roboi.
1541	EXO 1:8	Damanina ba, taupauma wauna bibadana i yauni ba, Egypt kamonai Joseph awaika i wosei wai kega i kuiri.
1545	EXO 1:12	Ba bagunai wata si bitupa ketowana saburerisi, saba ba Israel biyisi yebo asi koroto nakata naki i rakarakata wai, Egypt biyisi si naganagarisi,
1563	EXO 2:8	Kona i kaobeya, “Eee, ke nae.” Ba wasikena i nae kata pepeya sinana damana i urabai.
1566	EXO 2:11	Moses i waraete murinai, kao kesana i kasibau ana pipiya damana memena si mamana wai kurisi, ba si saibisaibira wai i bokibukibuisi. Ba i kinakinana ba Egypt biyina Hebrew sebare, kona mom ana pipiya kesana i raviravi.
1567	EXO 2:12	Kata i kita nanaga nikei ba nokoi ba, kega kesana kotoi i kinani wai, Egypt biyina i kasibunui, ba tore i sarei ba i dogui.
1569	EXO 2:14	Ba sebarena i wona, “Kom kotoi bibadana i berim kata kuni buibuiyikai, kom ke nosinosi, Egypt biyina ku kasibunui wai nanakasike kuna kasibunuiku?” Damanina Moses i nagara ba i nuwasuya, “A nosinosi awaika a wosei wai si kuira roboi.”
1587	EXO 3:7	Damanina ba Bada i wona, “Yauku au pipiya Egypt kamonai si bogoyoisi wai a kinani. Yauku pipiya Egypt kamonai asi tou rasarasa a nonori, basuna babada te potapota goyoisi ba, yauku asi siniyara a nomonomosei.
1588	EXO 3:8	Kona kairavina a gakira kosi Egypt biyisi yarosi yai ani yawasisi, ba kona kupurinai ana uraba kasibauwisi ku kupura gairena ba kupura kaikapona, mariya bonabonana. Kosi Canaan, Hitti, Amori, Perizzi, Hivi ba Jebusi biyisi asi kupura.
1589	EXO 3:9	Ba karaku Israel biyisi asi tou i borubaiku, ba Egypt biyisi mekabage tebo bisipuvisi wai a kinani.
1590	EXO 3:10	Kata karaku ke nae, yauku a biporaim Pharaoh kurina, au pipiya Israel biyisi, Egypt kamonai kuna uraba kasibauwisi.”