100	GEN 4:20	Adah i tuwa wai Jabal ba kona guguba bowaina ba manina i dagui ba yebo aba payapaya potaisi i dagui.
101	GEN 4:21	Ba teina kana waba Jubal ba kona sawara gita rutainina kana waba harp biyakwarina, ba biwepururu i dagui.
148	GEN 6:10	Noah natunatuna sebasebare asi tonu Shem, Ham ba Japheth.
173	GEN 7:13	Kona kaonai, Noah i gerugeru ku waka wai natunatuna Shem, Ham ba Japheth ere kaokaowasi yabata si geru.
224	GEN 9:18	Noah natunatuna sebasebare wakai si kasibau wai kasi waba Shem, Ham ba Japheth (Ham natuna wai Canaan).
229	GEN 9:23	Saba Shem, ba Japheth gara si yauni ba ku kabarasi si terei, ba si muri titaina si riu ku yove kara kamonai tamasi ere nimanimana i dudauwa wai si sowoi ba kega si kinani.
233	GEN 9:27	Yebo God Japheth ana kupura ina tubotaini ina rakata; ba yebo Shem ana yove kara kamonai ina mana, ba Canaan wai, Japheth ana saibisaibirina.”
236	GEN 10:1	Nikona Noah natunatuna sebasebare Shem, Ham, ba Japheth kutukutuba murinai natunatusi sebasebare si tuvisi wai asi rurutuwa.
237	GEN 10:2	Japheth natunatuna sebasebare wai Gomer, Magog, Madai, Javan, Tubal, Meshech ba Tiras.
239	GEN 10:4	Ba Javan natunatuna sebasebare wai Elishah, Tarshish, Kittim ba Rodanim.
251	GEN 10:16	Ba Jebusi biyisi, Amori biyisi, Girgashi biyisi,
256	GEN 10:21	Shem yebo sebasebare i tuvisi, Shem tuwana yarokona wai, Japheth. Pipiya Shem murinai si tupuwa si botu wai Eba natunatuna sebasebare.
260	GEN 10:25	Eba sebasebare ruwamo i tuvisi, kesana kana waba Peleg basuna kona ana marai, pipiya ereonowasi asi gamoai asi gamoai i kasimosarisi wai dobu ai i tere naveyisi i nae. Ba tuwateina kana waba wai, Joktan.
261	GEN 10:26	Joktan i tuwa wai natunatuna sebasebare wata Almodad, Sheleph, Hazarmaveth, Jerah,
264	GEN 10:29	Ophir, Havila, ba Jobab ereonowasi Joktan natunatuna.
329	GEN 13:10	Lot i gagawa Jordan kupurina kasigaoworina oko okowina i kinani, kinanina nanakasike bage Bada ana masawa, kona Egypt tanona, rutainina ba e nenae ku Zoar mena. Nikona wai muri yai Bada Sodom ba Gomorrah ita kasibigoyonisi.
330	GEN 13:11	Ba Lot Jordan kupurina kasigaoworina ereonowana i kesina kairavina i binei, ba asi ruwamo si buburana kata Lot i nae ku maramatana mena.
331	GEN 13:12	Abram Canaan kupurinai i mana. Ba Lot i nae Sodom gwabinai, Jordan kupurina kasigaoworina meyagisi kaikaposi, kamosi yai i kwanatu.
685	GEN 25:26	Muri yai i tupuwa wai Esau kaeketunai i bokikita wai si yorei Jacob kata Isaac kana bodu 60 ba i tuvisi.
686	GEN 25:27	Maranai pipiyisi gunaguna si rakata wai Esau wai yebaga bitana ba dipa yewoyewona saba Jacob wai magugubina ba yove kara kamonai wata i mamana.
687	GEN 25:28	Isaac, Esau i nuwayauyauni basuna i yebayebaga wai i bikanisi saba Rebecca wai Jacob i nuwayuyauni.
688	GEN 25:29	Mara kesana Jacob i gewagewa ba Esau i yebayebaga yepo, soya i rabobo saki wai i botu.
689	GEN 25:30	Ba Jacob kurina i wona, “Soya a rabobo saki! Misi nao gewagewa taratarana kuta beriku ata kani!” (Kona kairavina yebo si yorei Edom).
692	GEN 25:33	Jacob i kaobeyei i wona, “Ki suwoniku kata am bibadana tupana kuna beriku.” Damanina Isau kaobiyoyobana maragasina i wosei wai ana bibadana tupana Jacob i berei.
693	GEN 25:34	Damania ba Jacob bread ba gewagewa Esau i berei i kam ba i toma i kakaba wai i tauya i nae. Ba ana biyaroko bibadana i sinikikiyei wai kega i nosi.
775	GEN 28:1	Kata Isaac Jacob i yore, i gaireni ba i kaotunetunei i wona, “Kega Canaan wasike kuna rabai.
784	GEN 28:10	Jacob, Beersheba i sumarei, ba i tauya i nae ku Haran.
790	GEN 28:16	Jacob i sikwana wai i wona, “Pasinakata, Bada niko kupurai e mamana ba kega a kuiri.”
792	GEN 28:18	Mara i tom wai Jacob i sikwana, ba akima i bikunuwanei wai i totori bage tukeke, ba i boroi, ba i berena God kurina.
794	GEN 28:20	Damanina Jacob i kaobiyoyobana God kurina ba i wona, “Au bowagawagana kamonai kuna potaiku ba kuna bopapariku, ba kam kuna beriku ba kuni garaiku,
1021	GEN 35:9	Jacob Mesopotamia kupurinai i veramaga murinai God i rerematara mena kurina ba i gaireni.
1022	GEN 35:10	Ba God kurina i wona, “Kam waba wai Jacob, saba kega muri yai sina yorim Jacob, kam waba wai kona Israel.” Kata kana waba i binei Israel.
1026	GEN 35:14	Jacob memena God yabata si sisiya wai gawarinai, akima i totori ba i beyena wai wine i sewai ku tepana kata aba tomatoma suwarina ba yebo olive wairoronai i boroi.
1027	GEN 35:15	Jacob gawarina i yorei Bethel. Kairavina namai God yabata si sisiya.
1028	GEN 35:16	Jacob ana rakaraka yabata Bethel si sumarei ba si bowagawaga ku Ephrat. Ba matapa si veraverakasibau, ba Rachel bituwa siniyarana damina i yauni saba ana bituwa wai i piropiro saki.
1032	GEN 35:20	Rachel kana karawaga tepanai Jacob akima i totori wai karaku patana e mamana. Jacob natunatuna sebasebare wai asi 12.
1035	GEN 35:23	Leah natunatuna wai Reuben (Jacob natuna iyarokona) ba Simeon, Levi, Judah, Issachar ba Zebulun.
1036	GEN 35:24	Rachel natunatuna wai Joseph ba Benjamin.
1039	GEN 35:27	Jacob i nae ku Mamre Hebron gwabinai tamana Isaac kurina. Abraham ba Isaac si mamana wai nakai.
1041	GEN 35:29	I morapa saki ba i rabobo ba natunatuna sebasebare Esau ba Jacob si dogui.
1085	GEN 37:1	Kata Jacob tamana Canaan tanonai memena i mamana wai, Jacob yebo namai i mana.
1086	GEN 37:2	Ba nikona wai Jacob ba ana rakaraka asi rurutuwa. Joseph wai sebare yarakina kana bodu 17. Ba tuwatuwana, tamana kaokaowana Bilha ba Zilpa natunatusi yabata, aba payapaya si potapota, ba wose goyogoyosi si wosewose wai i nenae tamasi i bi mamatarei.
1087	GEN 37:3	Jacob wai, Joseph i nuwayauyauna sakiyei kega bage natunatuna mutusi, kairavina kona wai i morapa ba i tuwei. Kana gara rubisarusaruna veoromina ba ere yarona i wose.
1088	GEN 37:4	Ba tuwatuwana si kitai kata tamasi wai, Joseph i nuwayuyauni wai si bomapumapuwei ba kega si bisisiya kabitam kurina.
1089	GEN 37:5	Mara kesana Joseph i bomeumeu ba tuwatuwana i wonisi wai si yagisi saburere ba si subi sinikikiyei.
1096	GEN 37:12	Mara kesana Joseph tuwatuwana si nae ku Shechem, tamasi ana aba payapaya namai si potapotaisi ba sita kam.
1097	GEN 37:13	Ba Jacob, Joseph i wonei, “Au waina kuna nae ku Shechem tuwatuwam aba payapaya te potapotaisi wai kurisi.” Joseph i kaobeyei, “I gaire saki.”
1099	GEN 37:15	sebare kesana Joseph waere yai i bubuwa neubuwa wai i panani ba, i toirubai, “Kom awaika ke nuwenuweni?”
1101	GEN 37:17	Ba sebarena i wona, “Kosi wai a nonorisi si wona kata si nenae ku Dothan.” Kata Joseph i kibisi i nae Dothan gwabinai i pananisi.
1106	GEN 37:22	Kega tara tana bobisoroi. Ba nina kupura momnai ku dogu tani garu kirei. Ba kega kona kasibigoyoni.” Reuben nikona i sisiyei kata muri yai bibuni yai ita botu Joseph ita taina geyei ba ita urabai ita veramaga tamana kurina.
1107	GEN 37:23	Kata Joseph i verakasibau tuwatuwana kurisi wai si botawani ba kana gara nuwarubarubana si sika taveyei,
1110	GEN 37:26	Damanina Judah tuwatuwana ba teiteina i wonisi, “Teita tana kasibunui ba tarana ba ata goyona tani buneyei wai awaika gairena kurita ina tupuwa.
1112	GEN 37:28	Kata Midian bigimona biyisi si botu, wai teisi Joseph dogu ai si taina geyei, ba si gimonei wai silver asi 20 rubana si yauni, ba Ishmael biyisi si yauni si nae ku Egypt.
1113	GEN 37:29	Maranai Reuben i veramaga ba dogu i kinani ba Joseph kega nai wai, i nuwapoya saki kana gara i taina sikeyana.
1115	GEN 37:31	Joseph kana gara si yauni ba goat si kasibunui wai taranai si pakipaki.
1117	GEN 37:33	I kita taveyei, ba i wona, “Aeee, kona mom kana gara! Natuku Joseph garagara aba payapaya bikokonina i sika bigarugarui!”
1118	GEN 37:34	Jacob kana gara i rusika, ba kao pesarisi i keno karawaga.
1151	GEN 39:1	Maranai Joseph si yauni si gakira ku Egypt, wai Pharaoh ana babada kesana, ba yebo ana yove kana aba potapota kasi bada, Potipar, kona Egypt biyina, Ishmael biyisi gwabisi yai Joseph i gimoni.
1152	GEN 39:2	Ba Bada wai Joseph gwabina wai awaika ereonowanai i wosewosei wai gairena wata, ba ana bada Egypt biyina ana yove yai i mamana.
1153	GEN 39:3	Ba ana bada i kitapanani Bada wai Joseph gwabinai, kata awaika ereonowana i wosewosei wai birana gairena i tuputupuwa.
1154	GEN 39:4	Potipar i nuwagaire saki Joseph kurina wai i wosei ikesina kana bosaibisaibira, ba yebo ana yove ba sawara ereonowana ku yarona i terei i potapota.
1155	GEN 39:5	Joseph ana bagibagi i dagui maranai wai, Egypt badana ana yove kamonai, ba ana sawara ereonowana, ba ana kwapu ba ana aba payapayaya manamisi ereonowasi, kona notanai wai Bada i gaireni. Kata Potipar ana yove kamona ba ana kwapu ereonowana yebo i gaireni.
1156	GEN 39:6	Kata Potipar ana sawara tupana Joseph i berei i badei wai, kega kesana awaika i nuwapoyei ba kam kanina wata. Ba Joseph wai komeruwanina ba kana tupuwa kinanina gairena.
1157	GEN 39:7	Kega rabarabana murinai, ana bada kaowana Joseph i kita kirorowei ba i wonei, “Ke botu yabata tana dauwa!”
1160	GEN 39:10	Kao patepatena wasikena Joseph i kwaikwairi yabata sita dauwa saba, Joseph i totoyana wai i sisairei.
1161	GEN 39:11	Ba kao kesana bagibagi biyisi mutusi kega nai wai, Joseph i riu ku yove bagibagi kairavina.
1162	GEN 39:12	Ba wasikena Joseph kana kwama i taina tawani ba i wona, “Ke botu yabata tana dauwa!” Saba i rukasitaveyei ba i vera i kasibau ku matara ba kana kwama wai wasikena yaronai i sumarei.
1163	GEN 39:13	Ba maranai wasikena i kinani kata kwama wai, i sumarei yaronai i botawani ba Joseph i vera i kasibau ku matara wai,
1170	GEN 39:20	Kata Potipar, Joseph i patumi ba taupauma ana patupatumisi si terisi wai namai i terei.
1171	GEN 39:21	Saba Bada wai Joseph gwabinai ba i gaireni kata patupatumisi kasi aba potapota badana Joseph kurina wai ibi nuwagaire.
1172	GEN 39:22	Kata patupatumisi asi bada, Joseph i terei patupatumisi ibi badisi ba, awaika ereonowasi nai si tuputupuwa wai i bibadei.
1173	GEN 39:23	Joseph awaika ereonowana i potapotai wai patupatumisi asi bada nuwapotai i mamana. Kairavina Bada wai Joseph gwabinai ba awaika ereonowana i wosewosei wai Bada birana gairena wata i bereberei.
1176	GEN 40:3	ba ku patuma yovena i terisi, Potipar ana yove yai Joseph memena i mamana wai namai.
1177	GEN 40:4	Maranai pipiya te patupatumi wai, patuma yovenai te mamana. Ba patupayumisi kasi aba potapota babadisi asi bada, Joseph ku yarona i terisi, kata kona i potapataisi. Kata namai patuma yovenai si mana, mara yogina,
1179	GEN 40:6	Mara i tom wai, Joseph i botu kurisi ba i kinanisi kata naosi sowasowasi wata si gegae.
1181	GEN 40:8	Ba si kaobeyei, “Ama ruwamo ka bomeumeu saba kega kesana kotoi emamana ba basusi ita wonikai.” Damanina ba Joseph kurisi i wona, “God i kesina meumeu basusi ebi debena. Ami meumeu ko woniku.”
1185	GEN 40:12	Joseph i wona, “Am bomeumeu basuna wai nikasike. Raga asi tonu wai kao tonu e bigubei.
1189	GEN 40:16	Maranai bread kapukapuna badana i kinani kata Joseph, vedu aba potpotana ana meumeu basuna gairena i debei wai i wona, “Yauku yebo a bomeumeu kata gayamikuai bread tegarisi asi tonu a kumterisi.
1191	GEN 40:18	Joseph i kaobeyei i wona, “Tegara tonu wai kao tonu e bigubei.
1195	GEN 40:22	Saba bread kapukapuna pipiyina Joseph mekabage i wonisi wai nanakasike i tupuwa, kata kamyona i kasiyaragi.
1196	GEN 40:23	Saba vedu kana aba potapota pipiyina wai Joseph kega i nosi, nuwanuwana isu wapa taveyana.
1210	GEN 41:14	Pharaoh wara i porai Joseph kurina wai, yagiyagina wata patuma yovenai si urabai si botu. Ba uyawina ba kana mutukoro si tomni, ba si gara rutaveyei ba i botu Pharaoh kurina.
1211	GEN 41:15	Damanina ba Pharaoh, Joseph kurina i wona, “A bomeumeu wai kega kesana kotoi basuna i woniku. Ba si woniku kata kom pipiya te bomeumeu wai basusi ke wonewonisi.”
1212	GEN 41:16	Joseph i kaobeyei i wona, “Yauku ikesiku kega rubarubana, saba God ana wainai basuna ina berim.”
1221	GEN 41:25	Damanina ba Joseph, Pharaoh kurina i wona, “Am meumeu ruwamo ba basusi wai kesana. God karaku wata awaika ina wosei wai e bimamatara damanim.
1235	GEN 41:39	Damanina ba, Pharaoh, Joseph kurina i wona, “Gubanai nikosi meumeu wai God kom i beyim, ba kega kesana kotoi kuikuirina kona notanotana bage kom rutainim.
1237	GEN 41:41	Ba Pharaoh, Joseph kurina i wona, “Karaku nina a binebineim kata Egypt kupurina ereonowana kuni badei.”
1238	GEN 41:42	Damanina ba, Pharaoh kana ring ere kana matakira yaronai i botaveyei ba Joseph yaro rakorakonai i terei, ba kaiwabo kasi gara i kotei ba posaru gold yai si wosei wai kamyonai i rorokei.
1241	GEN 41:45	Ba Pharaoh, Joseph kana waba i binei Zaphenat-Panea, ba meyaga kana waba On kana priest, Potiphera, natuna wasike kana waba Asenat i berei kaowana. Damanina ba Joseph, Egypt kupurina ereonowana i badei.
1242	GEN 41:46	Joseph kana bodu 30 ba, ana bagibagi Pharaoh gwabinai i dagui. Ba Joseph, Pharaoh i kasibau taveyei ba Egypt kupurina tupana i nanaga roboi.
1244	GEN 41:48	Kosi bodusi kamosi yai, Joseph kam ereonowana Egypt kamonai si bao wai i utubitaura, ba meyaga kaikaposi kwapu parisi yai i gaena bunaga.
1245	GEN 41:49	Joseph grain i gegaena wai si rakata saki, nanakasike bage sega tore yai rutainina wai, baiyavina i boterei kairavina si pesara saki wai, kega rubana ita baiyavi.
1250	GEN 41:54	ba gomara bodusi asi 7 i dagui, mekabage Joseph i wona wai, nanakasike i tupuwa. Kupura ereonowana si gomara ba Egypt kamonai wata kam i mamana.