35	GEN 2:4	Nikona wai Bada God mekabage sapama ba dobu i wosisi wai, rurutuwina. Kona maranai Bada dobu ba sapama i wosei, wai keyama ba sinamona,
47	GEN 2:16	Ba Bada God sebare i kaotunetunei i wona, “Nikosi keyama masawa kamonai kuna kam kwatakwatama,
54	GEN 2:23	Damanina ba sebare i wona, “Niko sirike wai yauku mom sirikeku, ba biyo wai yauku mom biyoku, ana yorei wasike basuna kona sebare karinai i botu.”
70	GEN 3:14	Damanina Bada God mota i wonei, “Niko wose ku wosei wai kom a kaonawaim. Aba payapayaya manamisi ereonowasi kamosi yai, ba garagara aba payapayayisi ereonowasi kamosi yai! Kom siyami ai kuna botete ba momokara kuna kani am yawasa ereonowana kamonai.
96	GEN 4:16	Damanina Cain Bada i kasibau taveyei ba i nae ku Nod. Eden ku maramatana mena ba namai i mana.
102	GEN 4:22	Zillah yebo natuna sebare Tubal-Cain ba kona wai kirama i wosewose Ba Tubal-Cain nobuna wai Naamah.
107	GEN 5:1	Nikona kona Adam ana rakaraka muri yai si tupuwa si botu wai asi rurutuwa God pipiya i tupuvisi wai, i wosisi kona rutainina.
142	GEN 6:4	Kona maranai ba muri yai, Nephilim dobu ai si mamana. Kosi wai kanukanuma natunatusi, pipiya natunatusi bibaine si rabaisi wai si tupuwa. Kosi wai, pipiya kaikaposi maragasisi ba warasi i tetete.
146	GEN 6:8	Saba Bada Noah i kesina i kinani wai, i nuwagaire saburere.
147	GEN 6:9	Nikona wai Noah ana rurutuwa. Kona maranai pipiya kamosi yai wai Noah i kesina wata pipiya gaire sakina ba ana wose totorisi ba God mata kamonai i mamana.
148	GEN 6:10	Noah natunatuna sebasebare asi tonu Shem, Ham ba Japheth.
151	GEN 6:13	Kona kairavina God Noah kurina i wona, “Pipiya ereonowasi niko dobu ai ana kasipupuna taveyisi, kairavina dobu ai kawaksekase i bonuwa, wai kosi ba sawara ereonowana dobu ai ana kasi pupuna roboisi.
153	GEN 6:15	Nikasike wakana ke bowai, Wakana kana veoroma wai 140 meter rubana, ba ana nabanaba wai 23 meter rubana, ba ina gae 13 meter rubana.
160	GEN 6:22	Noah awaika ereonowana mekabage God i wonei wai i wose roboi.
161	GEN 7:1	Damanina ba Bada Noah kurina i wona, “Kom ba am rakaraka yabata ereonowami ku waka ko riu, kairavina pipiya ereonowasi kamosi yai kom ikesim wata am wose gaigairesi ba totorisi.
165	GEN 7:5	Ba Bada Noah i kaotunetunei wai tupana i wosei.
166	GEN 7:6	Noah kana bodu 600 ba kutukutuba dobu i kamkutubi.
167	GEN 7:7	Ba Noah ere kaowana, ba natunatuna sebasebare ere kaokaowasi, kutukutuba nagarina wai si geru ku waka.
169	GEN 7:9	Sebasebare ba bibaine si botu Noah kurina ba ku waka si geru, mekabage God Noah i kaotunetunei wai nanakasike.
171	GEN 7:11	Noah kana bodu 600 ba nawaravi bairuwaina, ba kao 17 kamonai tano sinenai damana okowa si rubusibusira si gae, ba kusana matam ketana sapamai i tamotatara.
173	GEN 7:13	Kona kaonai, Noah i gerugeru ku waka wai natunatuna Shem, Ham ba Japheth ere kaokaowasi yabata si geru.
175	GEN 7:15	Ba aba payapayaya yawayawasisi sebasebare ba bibaine ereonowasi si botu Noah kurina ba si geru ku waka.
176	GEN 7:16	Ba aba payapayaya pesisi nunusiyai sebasebare ba bibaine si geru, mekabage God Noah i kaotunetunei wai nanakasike. Ba Bada matam keta i gudui.
183	GEN 7:23	Awaika yawayawasisi dobu ai ereonowasi i pupuna taveyisi, pipiya ba aba payapayaya, tanoai te botete wai ba manu kaidamonai te roborobo wai dobuai i pupuna taveyisi. Noah ba iyabosi waka kamonai kosi wata si mana.
185	GEN 8:1	God Noah ba aba payapaya ereonowasi waka kamonai kega i nota wapeisi sibe i porai ku dobu ba okowa i rutaina.
188	GEN 8:4	Nawaravi 7, ba kao kana bi 17 kamonai, waka Ararat koyanai i garu geyei.
190	GEN 8:6	Kao 40 murinai Noah waka kana masare i wosei wai i botaveyei.
193	GEN 8:9	Saba bunebune gawara kega kesana memei i panani ba ita toga kairavina okowa dobu i bonuwei, wai dama i robo i veramaga ku waka ba Noah yarona i bokotoi ba bunebune i yauni.
194	GEN 8:10	Noah i potapota yebo kao 7 ba bunebune i pora meyei.
195	GEN 8:11	Rabisi pompomai bunebune olive senana wauna kawanai i kuta tawani, ba i veramaga Noah kurina. Ba Noah i kuiri kata okowa i mama taveyei.
197	GEN 8:13	Maranai Noah kana bodu i bi 601 nawaravi dagudagunai okowa i kakaba ba Noah waka kana sowo i botaveyei ba i kinana wai i wona, ageee okowa tano ai matapa tano i gasari.
198	GEN 8:14	Nawaravi bairuwaina kaona kana bi 27 kamonai dobu isu gasara taveyei.
199	GEN 8:15	Ba God Noah kurina i wona,
202	GEN 8:18	Damanina Noah ba natunatuna sebasebare ba kaowana ba natunatuna kaokaowasi yabata waka si sumarei ba si kasibau ku matara.
204	GEN 8:20	Damanina ba Noah raunabonabo Bada kairavina i bowai, ba aba payapayaya ba manu God matanai gaigairesi mutusi i yauna ba raunabonabo tepanai suwara kapukapunina i puyobunuwa God kurina.
207	GEN 9:1	Damanina ba God Noah natunatuna yabata i gairenisi ba i wonisi, “Kona uwa ba koni tuwa pesara ba dobu koni bonuwei.
214	GEN 9:8	God Noah natunatuna yabata i wonisi,
218	GEN 9:12	Ba God i wona, “Niko au bidamanina maragasina ana matakira mama damanina a tereterei, komi, ba pipiya ereonowasi muri yai te botubotu wai kurisi ba yebo aba payapayaya yawayawasisi ereonowasi yabata kurisi.
223	GEN 9:17	Nikona wai, God bidamanina maragasina matakirina dobu ai yawasa ereonowasi kurisi.
224	GEN 9:18	Noah natunatuna sebasebare wakai si kasibau wai kasi waba Shem, Ham ba Japheth (Ham natuna wai Canaan).
225	GEN 9:19	Ba Noah natunatuna nikosi sebasebare yai, ba pipiya i kasimosarisi dobu tupana si yauni.
226	GEN 9:20	Noah bao i dagui ba sawara kana waba grape baona i terei.
227	GEN 9:21	Ba okowa padapadana kana waba wine, grape yai si wosei ba Noah i toma neganega ba ere nimanimana ana yove kara kamonai i dudauwa.
228	GEN 9:22	Canaan tamana Ham, tamana Noah ere nimanimana i kinani wai i kasibau tuwatuwana i wonisi.
230	GEN 9:24	Noah i sikwana ba i kuiri kata natuna murimurina mekabage kurina i saivira.
234	GEN 9:28	Kutukutuba murinai Noah dobu ai i mana bodu 350 rubana.
235	GEN 9:29	Noah kana bodu 950 ba i rabobo.
236	GEN 10:1	Nikona Noah natunatuna sebasebare Shem, Ham, ba Japheth kutukutuba murinai natunatusi sebasebare si tuvisi wai asi rurutuwa.
243	GEN 10:8	Nimrod tamana wai Cush. Ba Nimrod i rakata wai maragata goyona ba abiabiyina dobu ai.
244	GEN 10:9	Ba kona wai yebaga bitana Bada matanai, kona kairavina te wonawona kona yebayebagina Nimrod rutainina.
246	GEN 10:11	Kona kupurinai i tauya wai i nae ku Assyria ba namai, Nineveh, Rehoboth Ir, ba Calah i bowaisi.
247	GEN 10:12	Ba meyaga kaikapona Resen wai, Nineveh ba Calah basunai i bowai.
248	GEN 10:13	Lud biyisi, Anam biyisi, ba Naphtu biyisi kosi tamasi wai Mizraim.
266	GEN 10:31	Nikona wai, Shem ana rakaraka muri yai si tupuwa, asi dam, asi gamo, ba asi kupura nununai te mamana.
267	GEN 10:32	Ba kosi wai Noah ana rakaraka ba ana dam, i gakira i botu asi gamo ba kupura kesanina. Ba kosi kamosi yai pipiya si botu wai dobu tomtompipina si bonuwei. Kata kona wai kutukutuba murinai.
273	GEN 11:6	Ba Bada i wona, “Nikosi dam wai gamo kesanai te bisisiya wai nikona si dagui. Maranai awaika wosena sina waini wai kega kotoi ina guduisi.
275	GEN 11:8	Nanakasike Bada, i kasibuburanisi dobu tompipinina si bonuvi ba meyaga kaikapona si bowabowai wai si boterei.
306	GEN 12:7	Ba Bada i rerematara Abram kurina ba i wona, “Niko kupura am rakaraka ana berisi.” Damanina ba raunabonabo Bada kairavina i bowai basuna namai, kurina i rerematara.
329	GEN 13:10	Lot i gagawa Jordan kupurina kasigaoworina oko okowina i kinani, kinanina nanakasike bage Bada ana masawa, kona Egypt tanona, rutainina ba e nenae ku Zoar mena. Nikona wai muri yai Bada Sodom ba Gomorrah ita kasibigoyonisi.
334	GEN 13:15	Niko kupura ereonowana ke kinakinani wai, kom ba am rakaraka ana bere damanimi.
348	GEN 14:11	Nikosi taupauma asi bata Sodom ba Gomorrah asi sawara ba kasi kam ereonowana si yauna ba si nae.
350	GEN 14:13	Saba sebare kesana i vera sonaga wai, i botu Abram kona Hebrew biyina i mamatarei. Abram wai Mamre keyamisi parisi yai i mamana. Niko Amori biyina wai Eskol ba Aner tuwateisi. Ba kosi wai Abram yabata bidamanina maragasina siwosei kata abiya kamonai sini baita bibirana.
352	GEN 14:15	Namai ana abiabiyisi i keyauwarisi wai pomai si kokonisi, si ravisi ba si kwabikwabinisi yepo ku Hobah, Damascus ku yabaratina mena.
362	GEN 15:1	Nikona murinai Bada wonana abakinakinana kamonai i botu ba Abram kurina i wona, “Kega kuna nagara Abram, yauku wai am beyana. Ba am maisa kaikapo sakina ana berim.”
366	GEN 15:5	Ba Bada i urabai i kasibauwei ku matara ba i wona, “Ke gagawa ku kaidamo ba gwamegwame ke baiyawa rubai. Natunatum muri yai sina tupuwa wai, sina pesara bage nikosi gwamegwame rutainisi.”
385	GEN 16:3	ba Sarai kaowana Abram ana saibisaibirina Hagar i berei i kaowanei. Niko wose i tupuwa maranai Abram Canaan kupurinai i mana bodu 10 si kakaba.
405	GEN 17:7	Ba au bidamanina maragasina a terei kom ba am rakaraka muri yai te botubotu wai kurisi. Niko bai damanina maragasina mama damanina. Yauku am God, ba yebo am rakaraka muri yai te botubotu wai kosi asi God.
408	GEN 17:10	Nikona wai au bidamanina maragasina kurimi kata kom ba am rakaraka murimi yai te botubotu wai kona bokikisi. Sebasebare ereonowasi kamomiyai sinisi sina bona.
434	GEN 18:9	Ba si toirubai, “Kaowam Sarah wai memena?” Ba i wona, “Noi, gweda kamonai.”
435	GEN 18:10	Damanina ba Bada i wona, “Nawaravi 9 murinai ana veramaga mena wai kaowam Sarah, ini tuwa sebare.” Ba Sarah wai gweda matam ketanai i nonora, ba kona wai murinai.
439	GEN 18:14	Kata Bada kurina wai awaika kesana padapadana kona? Niko maranai nawaravi 9 murinai ana veramaga mena wai Sarah ini tuwa, natuna sebare.”
463	GEN 19:5	Ba si yoreana si wona, “Nakosi sebasebare karauku pomai si botu kurim wai memena? Ke tere kaibuvisi kani yarakisi.”
467	GEN 19:9	Saba si kaobeyei, “Ke nesaira. Ba kana kayo resoim.” Ba si wona, “Niko sebare wai ta kupura pipiyina, ba ana waina ini buibuiyita!” Ba Lot si ratu taveyei ba si sududuna matam keta sita rikai.
524	GEN 21:10	Sarah i kinanisi wai Abraham kurina i wona, “Niko aba saibisaibira, natuna yabata kipora taveyisi. Niko wasike natuna kega natuku Isaac ana buderi mutuna ina yauni kona kega buderi sini yabei.”
549	GEN 22:1	Nikosi murisi yai God Abraham i rurubai, ba kurina i wona, “Abraham!” Ba i kaobeyei i wona, “Awaika yauku nina a bitainabaenega.”
550	GEN 22:2	Damanina ba i wona, “Natum Isaac, natum nekesana kui nuwayauyauna sakiyei wai, yabata ko nae ku Moriah. Koya kesana ani beyim wai namai kuna kasibunui ba tupuwina kuna puyobunuwa am suwara kapukapunina kuriku.”
553	GEN 22:5	Ana saibisaibirisi kurisi i wona, “Nina donkey yabata ko mana, ba pipiyaikei ba yauku ka nanae noko mena ba kana bopepeta ba yebo kana veramaga kurimi.”
678	GEN 25:19	Nikona wai Isaac ana rurutuwa kona wai Abraham natuna.
696	GEN 26:3	Niko kupurai ke mana ba Yauku gwabimi yai ana mana ba ani gairenim. Kairavina niko kupura ereonowana kom ba am rakaraka murimi yai te botubotu wai ana berimi ba a kaobiyoyobana Abraham kurina wai ana wosei ina tupuwa.
776	GEN 28:2	Yagiyagina ke nae ku Mesopotamia sinam tamana Bethuel ana ku yove. Namai sinam nobuna Laban, natunatuna bibaine kesana kuna rabai.
1037	GEN 35:25	Rachel kana bosaibisaibira Bilha natunatuna wai, Dan ba Naphtali.
1038	GEN 35:26	Leah kana bosaibisaibira Zilpa natunatuna wai, Gad ba Asha. Nikosi natunatuna sebasebare wai Mesopotamia meyaginai si tupuwa.
1090	GEN 37:6	Kurisi i wona, “Niko au bomeumeu ko nonori.
1103	GEN 37:19	Kosi si kaoboneyana, si wona, “Nao meumeu biyina nina, e botu wai.
1117	GEN 37:33	I kita taveyei, ba i wona, “Aeee, kona mom kana gara! Natuku Joseph garagara aba payapaya bikokonina i sika bigarugarui!”
1119	GEN 37:35	Natunatuna ereonowasi sebasebare ba bibaine, si botu bimorumorubina kairavina saba kona kega ana waina siti morumorubi wai i wona, “Kega! Ana kenokeno karawaga yepo ana gakira ku dogu natuku kurina.” Damanina ba natuna kairavina i tou.
1159	GEN 39:9	Niko yove a bibadei wai kona rutainina ba kega kesana awaika i taraparanei ba ikesim wata, basuna kom wai kona kaowana. Ba mekabage wose goyona mom kurina ana wosei ba God matanai piragoyo ana wosei?”
1164	GEN 39:14	i yoereyana aba saibisaibirisi mutusi kurisi ba i wona, “Ko kinani! Niko Hebrew sebare kaowaku i urabai i botu wai bigigimita kairavina! I riu ita dauwiku, saba gamoku kaikaponai a rasa.
1167	GEN 39:17	Damanina ba wasikena i rurutuwa kaowana kurina. “Niko Hebrew patupatumina ku urabai ku botuwei wai, bigigimiku kairavina i riu beyebeyiku.
1197	GEN 41:1	Bodu ruwamo si kakaba murinai, Pharaoh i bomeumeu kata, Nile okowina parinai i bimsiri.
1198	GEN 41:2	Ba Nile okowina kamonai cow asi 7, budobudosi ba sinisi gaigairesi si gae ba sinamona okowa parinai si kamkam.
1199	GEN 41:3	Ba murisi yai yebo cow asi 7 kinanisi goyosi mom ba togetogesi Nile okowinai si gae, ba cow budobudosi parisi yai si msiri.
1222	GEN 41:26	Nakosi cow gaigairesi asi 7, ba pegapega gayamisi gaigairesi asi 7 wai, bodu 7 e bigubei, kosi wai meumeusi basusi kesanina.
1223	GEN 41:27	Nakosi cow asi 7 togetogesi, ba kinanisi goyosi mom okowai si gae, ba pegapega gayamisi asi 7, kao ba maramatana sibena i rara bisivisivisi wai, kona gomara bodu 7 kamonai e bigubei.
1224	GEN 41:28	Nikona awonim wai nanakasike. God awaika muri yai ina wosei wai i beyim.
1228	GEN 41:32	Nikosi meumeu ruwamo Pharaoh i berei wai basuna God ana nota tupana i terei kata ina tupuwa ba mara yoginaikei ina wosei ina tupuwa.
1232	GEN 41:36	Nikasike sina wosei wai, kata muri yai bodu 7 kamonai gomara ina botu ku Egypt wai, kam rubarubana pipiya sina kam, kega wai gomara kupura ini goyoni.”
1233	GEN 41:37	Niko nota Pharaoh ana babada yabata si nonori wai i gaire saki.