11	GEN 1:11	Ba God i wona, “Tano ai sinamona ba keyama sina rutiti. Sinamona ba kam ere pesisi ba keyama uwasi ere topesi pesisi nunusi yai dobu ai sina gae.” Ba nanakasike i tupuwa.
27	GEN 1:27	Damanina ba God pipiya kona rutainina i wosei. Kona gubanai i wosei, Sebare ba wasike i wosisi.
28	GEN 1:28	God i gairenisi ba i wonisi, “Koi tuwa pesara dobu koni bonuwei ba koni taraparanei. Siyauwa nisai, ba manu kaidamo ai, ba aba payapaya ereonowasi tano ai te botete wai koni badisi ba kona pota kabitamnisi.”
48	GEN 2:17	Saba kuira gairena ba goyona keyamina uwana wata, kega kuna kani. Kuna kani wai, kuna rabobo.”
51	GEN 2:20	Ba sebare aba payapayaya ereonowasi kasi waba i bine, aba payapayaya manamisi, manu kaidamonai ba garagara aba payapayayisi yabata. Saba Adam wai kega kana bibaita kabitam i panani.
56	GEN 2:25	Sebare kaowana yabata ere nimanimasi si mamana, saba kega si sinimaya.
60	GEN 3:4	Saba mota wasike i wonei, “Kega kona rabobo.
68	GEN 3:12	Saba sebare i wona, “Wasike ku beriku wai, kona keyama uwana i beriku a kani.”
74	GEN 3:18	Sinamona birugoragorasi tano ai sina rutiti kairavim ba kwapu kamsi kuna kam.
80	GEN 3:24	Sebare i porai i kasibau murinai, Eden masawina ku maramatana mena aneaneya kasi waba Cherubim i terisi. Ba seri rugweyagweyaurina i terei i bokadakadari ku naona ba ku murina mena yawasa keyamina ketana i msi potai.
84	GEN 4:4	Saba Abel ana sheep mutusi natunatusi iyarokosi ba budobudosi i botuvisi Bada kurina. Ba Bada Abel ana suwara i kinani wai, i nuwagaire.
85	GEN 4:5	Saba Cain ana suwara wai, Bada i sinikikiyei. Cain i yagisi saki wai naona i sugoyo popokasu kasuna wata i gegae.
95	GEN 4:15	Saba Bada kurina i wona, “Kega rubana; kotoi wata ina kasibunuim wai, kona ana saroba kega kom rutainim, kona ana saroba wai ina rakata saki, ana rakaraka asi 7 sina rabobo.” Ba Bada Cain i kao papari kata kotoi wata ita panani wai kega ita kasibunui.
103	GEN 4:23	Lamech kaokaowana ruwamo i wonisi i wona, “Adah ba Zillah koi tainabaenega kuriku; Lamech kaokaowana au sisiya ko nonori. Sebare kesana i purupurukaniku kairavina a kasibunui ba sebare yarakina i raviku wai a kasibunui.
105	GEN 4:25	Adam kaowana yabata si dauwa mena, ba i tuwa wai sebare. Eve kana waba i yorei Seth. Ba i wona, “God natuku kesana yebo i beriku, Abel wasana i kausani kairavina Cain i kasibunui.”
106	GEN 4:26	Seth yebo natuna sebare i tupuwa ba kana waba i yorei Enosh. Kona maranai pipiya si dagui Bada kana wabai si bopepeta.
109	GEN 5:3	Adam i mana bodu 130 ba natuna sebare i tupuwa, kinanina bage tamana, ba kana waba i yorei Seth.
110	GEN 5:4	Seth i tupuwa murinai Adam i mana bodu 800 rubana ba natunatuna mutusi sebasebare ba bibaine si tupuwa.
112	GEN 5:6	Seth kana bodu 105 ba natuna Enosh i tupuwa.
113	GEN 5:7	Enosh i tupuwa murinai, Seth i mana bodu 807 ba natunatuna sebasebare ba bibaine mutusi si tupuwa.
114	GEN 5:8	Seth kana bodu 912 ba i rabobo.
146	GEN 6:8	Saba Bada Noah i kesina i kinani wai, i nuwagaire saburere.
148	GEN 6:10	Noah natunatuna sebasebare asi tonu Shem, Ham ba Japheth.
156	GEN 6:18	Saba au bidamanina maragasina kurim a tereterei, ba kom, kaowam ba natunatum ere kaokaowasi ku waka kona riu.
169	GEN 7:9	Sebasebare ba bibaine si botu Noah kurina ba ku waka si geru, mekabage God Noah i kaotunetunei wai nanakasike.
173	GEN 7:13	Kona kaonai, Noah i gerugeru ku waka wai natunatuna Shem, Ham ba Japheth ere kaokaowasi yabata si geru.
181	GEN 7:21	Sawara yawayawasisi ereonowasi dobu ai si rabobo, manu, ba garagara aba payapayaya ba aba payapayaya manamisi ba tano ai te botete wai, ba pipiya ereonowasi yabata.
193	GEN 8:9	Saba bunebune gawara kega kesana memei i panani ba ita toga kairavina okowa dobu i bonuwei, wai dama i robo i veramaga ku waka ba Noah yarona i bokotoi ba bunebune i yauni.
205	GEN 8:21	Ba Bada puyobunuwa sirina puguna i yaoni wai, i nuwagaire ba nuwasinenai i wona, “Kega meyana pipiya asi wose yai ba dobu ana kaonawai. Bagunai wata si goyo meo kana pata, yogiyogisi yai ba i botu karaku nina, ba asi nota sina goyo ba asi wose sina goyo. Saba kega meyana, yawasa ana kasibigoyona meyei.
210	GEN 9:4	Saba siyauwa ere tarana kega kona kani, yawasa wai tara kamonai e mamana.
224	GEN 9:18	Noah natunatuna sebasebare wakai si kasibau wai kasi waba Shem, Ham ba Japheth (Ham natuna wai Canaan).
229	GEN 9:23	Saba Shem, ba Japheth gara si yauni ba ku kabarasi si terei, ba si muri titaina si riu ku yove kara kamonai tamasi ere nimanimana i dudauwa wai si sowoi ba kega si kinani.
232	GEN 9:26	Shem ana Bada God tana bokabakabari saba, Canaan wai Shem ana saibisaibirina.
233	GEN 9:27	Yebo God Japheth ana kupura ina tubotaini ina rakata; ba yebo Shem ana yove kara kamonai ina mana, ba Canaan wai, Japheth ana saibisaibirina.”
236	GEN 10:1	Nikona Noah natunatuna sebasebare Shem, Ham, ba Japheth kutukutuba murinai natunatusi sebasebare si tuvisi wai asi rurutuwa.
242	GEN 10:7	Cush natunatuna sebasebare wai Seba, Havila, Sabtah, Raamah ba Sabteca. Ba Raamah natunatuna sebasebare wai Sheba ba Dedan.
245	GEN 10:10	Dagudagunai nikosi meyaga wai, ana bikaiwabona kamonai Babylon, Erech, Akkad ba Calneh, Shina kupurinai.
250	GEN 10:15	Canaan natunanatuna wai, Sidon, kona iyarokona ba Hitti biyisi gwabisi yai si botu.
252	GEN 10:17	ba Hivi biyisi, Arki biyisi, ba Sini biyisi,
254	GEN 10:19	wai Canaan ana parata wai Sidon i dagui ba i nae ku Gera, ba ku Gaza ba ku Sodom ba Gomorrah ba Admah ba Zebolim ba i nae ku Lasha parasina.
256	GEN 10:21	Shem yebo sebasebare i tuvisi, Shem tuwana yarokona wai, Japheth. Pipiya Shem murinai si tupuwa si botu wai Eba natunatuna sebasebare.
259	GEN 10:24	Ba Shelah tamana wai, Apasad ba Eba tamana wai Shelah.
261	GEN 10:26	Joktan i tuwa wai natunatuna sebasebare wata Almodad, Sheleph, Hazarmaveth, Jerah,
263	GEN 10:28	Obal, Abimael, Sheba,
265	GEN 10:30	Ba asi kupura Meshai maramatanai i dagui ba i nae ku Sephar koyakoyanai.
266	GEN 10:31	Nikona wai, Shem ana rakaraka muri yai si tupuwa, asi dam, asi gamo, ba asi kupura nununai te mamana.
272	GEN 11:5	Saba Bada i gakira i botu meyagina kaikapona ba nao tower si bowabowai wai kinanina kairavina.
304	GEN 12:5	Abram kaowana Sarai ba abuna Lot i urabaisi, ba yebo asi mariya ereonowana si yauna ba, asi saibisaibirisi yabata si tauya si nae ku Canaan si verakasibau.
305	GEN 12:6	Abram Canaan kamonai wata i nae ku Shechem ba keyama kaikapona Moreh yai i bimsiri wai namai iru basekwa. Kona maranai wai Canaan biyisi kona kupurinai si mamana.
325	GEN 13:6	Saba tano wai kega rubana kata Abram ba Lot sita ma yabata basuna asi aba payapayaya ba asi sawara wai si pesara saki.
329	GEN 13:10	Lot i gagawa Jordan kupurina kasigaoworina oko okowina i kinani, kinanina nanakasike bage Bada ana masawa, kona Egypt tanona, rutainina ba e nenae ku Zoar mena. Nikona wai muri yai Bada Sodom ba Gomorrah ita kasibigoyonisi.
331	GEN 13:12	Abram Canaan kupurinai i mana. Ba Lot i nae Sodom gwabinai, Jordan kupurina kasigaoworina meyagisi kaikaposi, kamosi yai i kwanatu.
332	GEN 13:13	Saba Sodom biyisi wai si kawakasekase saki ba Bada kurina asi piragagoyo i rakata saki.
348	GEN 14:11	Nikosi taupauma asi bata Sodom ba Gomorrah asi sawara ba kasi kam ereonowana si yauna ba si nae.
349	GEN 14:12	Abram abuna Lot wai Sodom kamonai i mamana kata kona yabata si patumi ba ana sawara ereonowana si veruwana.
350	GEN 14:13	Saba sebare kesana i vera sonaga wai, i botu Abram kona Hebrew biyina i mamatarei. Abram wai Mamre keyamisi parisi yai i mamana. Niko Amori biyina wai Eskol ba Aner tuwateisi. Ba kosi wai Abram yabata bidamanina maragasina siwosei kata abiya kamonai sini baita bibirana.
355	GEN 14:18	Damanina ba Melkizedek kona Salem taupaumina ba yebo God Kaidamo Sakina ana priest, bread ba wine i botuwana Abram kurina.
356	GEN 14:19	Ba Abram i gaireni, ba i wona, “God Kaidamo Sakina, sapama ba dobu i wosei wai ini gairenim.
357	GEN 14:20	Ba God Kaidamo Sakina bibigairenina kam abiya ku nimam i terisi wai ku getawanisi!” Ba Abram sawara ereonowasi si yauna mena wai 10 kamosi yai kesana Taupauma Melkizedek i berei.
363	GEN 15:2	Saba Abram i kaobeyei i wona, “Au Bada Maragata Sakim, awaika kuna beriku ba yauku kega ere natuku, ba Eliezer Damascus biyina au mariya tupana ini karinai.”
375	GEN 15:14	Saba kona kupurinai sina bosaibira wai, ana kasibigoyoni ba am rakaraka sini bisumarei wai, asi mariya kaikapona sina yauni.
383	GEN 16:1	Abram kaowana, Sarai, wai kaipokina ba ana aba saibisaibirina Egypt wasike kana waba Hagar.
384	GEN 16:2	Kata Sarai, Abram kurina i wona, “Bada i kaipokiku wai kega a bituwa. Ba ke nae au saibisaibirina yabata kona dauwa, ba memena bage kona ini tuwa wai yauku au rakaraka ana bowai.” Ba Abram, awaika Sarai i wonei wai i bosisiri,
385	GEN 16:3	ba Sarai kaowana Abram ana saibisaibirina Hagar i berei i kaowanei. Niko wose i tupuwa maranai Abram Canaan kupurinai i mana bodu 10 si kakaba.
399	GEN 17:1	Abram kana bodu 99 maranai Bada i rerematara kurina ba i wona, “Yauku God Maragata Sakina. Ere bi patutum ke bosaibiriku, ba am wose ereonowasi totorisi ba gairesi kamosi yai ke mana.
408	GEN 17:10	Nikona wai au bidamanina maragasina kurimi kata kom ba am rakaraka murimi yai te botubotu wai kona bokikisi. Sebasebare ereonowasi kamomiyai sinisi sina bona.
413	GEN 17:15	God yebo Abraham kurina i wona, “Kaowam kega muri yai kuna yorei Sarai saba kana waba wai Sarah.”
415	GEN 17:17	Damanina Abraham naonai i peku ba nuwa sinenai nikona i nosi wai i maniba, ba i wona, “Mekabage pipiya ikei ina tupuwa, ba yauku a morapa, kau bodu 100? Ba yebo Sarah wai kana bodu 90, kata mekabage ini tuwa?”
417	GEN 17:19	Damanina God i wona, “Saba kaowam Sarah wai ini tuwa sebare, ba kana waba kuna yorei Isaac. Au bidamanina maragasina karinai ana terei kata bidamanina maragasina ina madamana ana rakaraka murinai kairavisi.
419	GEN 17:21	Saba au bidamanina maragasina wai natum Isaac yabata ana wosei ina tupuwa kona niko maranai bodu e botubotu murinai wai, Sarah ini tuwei.”
431	GEN 18:6	Ba Abraham yagiyagina i riu ku gweda kamona Sarah kurina. Ba i wona, “Yagiyagina am flour gairena ku terei e mamana wai, ke tabiri, ke terei ina ruruwi ba bread ke kapuni.”
434	GEN 18:9	Ba si toirubai, “Kaowam Sarah wai memena?” Ba i wona, “Noi, gweda kamonai.”
435	GEN 18:10	Damanina ba Bada i wona, “Nawaravi 9 murinai ana veramaga mena wai kaowam Sarah, ini tuwa sebare.” Ba Sarah wai gweda matam ketanai i nonora, ba kona wai murinai.
436	GEN 18:11	Abraham ba Sarah wai si morapa saki. Ba Sarah bituwa boduna i tupasairei wai, kega rubana iti tuwa.
437	GEN 18:12	Kata Sarah ikesina i nota meyei wai i maniba, i wona, “A bovedevediku ba au bada i morapa saki, kata niko nuwagairena ana wainei kona?”
438	GEN 18:13	Damanina ba Bada Abraham kurina i wona, “Awaika kairavina Sarah i maniba ba i wona, ‘A morapa saki ba kade ani tuwa?’
439	GEN 18:14	Kata Bada kurina wai awaika kesana padapadana kona? Niko maranai nawaravi 9 murinai ana veramaga mena wai Sarah ini tuwa, natuna sebare.”
440	GEN 18:15	Saba Sarah i nagara wai i kwaruma i wona, “Ware! Kega a maniba.” Saba Bada i wona, “Kega kuni gesaira, ku maniba.”
441	GEN 18:16	Maranai sebasebaresi si tauya si nenae wai ku Sodom mena si kinana i gakira, ba Abraham wai yabata si nae, kata iti utu taveyisi.
445	GEN 18:20	Damanina Bada i wona, “Tou rasarasa i rakata saki, Sodom ba Gomorrah kamosi yai, ba asi piraga goyoi rakata saki, ba asi borasarasana i goyo saki wai i borubaiku.
447	GEN 18:22	Damanina ba sebasebaresi si utusaira ku Sodom si nae, saba Abraham wai Bada yabata si mana.
451	GEN 18:26	Ba Bada i wona, “Pipiya gairesi asi 50 Sodom kamonai ana panansi wai meyagina tupana ani nuwanuwani.”
459	GEN 19:1	Rabisi pompomai Lot Sodom meyagina kaikapona matam ketanai i makira i mamana, ba aneya asi ruwamo si verakasibau. Maranai i kitaisi wai i bomsiri, ba iverabeyisi ba naona i maere sogasoga i gakira ku tano.
460	GEN 19:2	Ba i wona, “Au Babada a bibabaim, ko verai bira ami aba saibisaibirina ana ku yove, koni kae suwana ba kona dauwa, ba maram koni sukumara kona nae.” Saba si wona, “Kega, nina debadebai kana dauwa.”
461	GEN 19:3	Saba Lot i kaotupetupenisi wai yabata si nae ba si riu ana ku yove. Lot kam i bobunagi kairavisi ba bread kega yeast yabata i kapuni ba kasi kam i wosei ba si kam.
462	GEN 19:4	Karakuwata sita dauwa wai Sodom sebasebare ereonowasi yaraka ba waraete yove si subibiri.
467	GEN 19:9	Saba si kaobeyei, “Ke nesaira. Ba kana kayo resoim.” Ba si wona, “Niko sebare wai ta kupura pipiyina, ba ana waina ini buibuiyita!” Ba Lot si ratu taveyei ba si sududuna matam keta sita rikai.
468	GEN 19:10	Saba pipiya ruwamo yove kamonai si bororona Lot si taina riuwei ba matam keta si gudui.