97	GEN 4:17	Cain kaowana yabata si dauwa wai i manawa ba natusi Enoch i tupuwa. Kona maranai Cain meyaga kaikapona i bowabowai ba, meyagina kana waba i yorei Enoch natuna yabata si warigeya.
98	GEN 4:18	Enoch natuna wai Irad, ba Irad natuna wai Mehujael, ba Mehujael natuna wai Methushael, ba Methushael natuna wai Lamech.
99	GEN 4:19	Lamech bibaine ruwamo i rabaisi. Kesana kana waba Adah ba kesana wai Zillah.
103	GEN 4:23	Lamech kaokaowana ruwamo i wonisi i wona, “Adah ba Zillah koi tainabaenega kuriku; Lamech kaokaowana au sisiya ko nonori. Sebare kesana i purupurukaniku kairavina a kasibunui ba sebare yarakina i raviku wai a kasibunui.
154	GEN 6:16	Ba wakana kana wadakupuna kairavina gawara 44 cm rubana, wadakupuna ba wakana kupuna basusi yai ke boterei. Matam keta nebanebanai ke terei ba batara tonu ke wosisi, gaburinai, basunai ba tepanai.
237	GEN 10:2	Japheth natunatuna sebasebare wai Gomer, Magog, Madai, Javan, Tubal, Meshech ba Tiras.
242	GEN 10:7	Cush natunatuna sebasebare wai Seba, Havila, Sabtah, Raamah ba Sabteca. Ba Raamah natunatuna sebasebare wai Sheba ba Dedan.
245	GEN 10:10	Dagudagunai nikosi meyaga wai, ana bikaiwabona kamonai Babylon, Erech, Akkad ba Calneh, Shina kupurinai.
258	GEN 10:23	Ba Aram natunatuna sebasebare wai, Uz, Hul, Gether ba Meshech.
270	GEN 11:3	Damanina turaturasi koi si kaoboneyana, si wona, “Ko botu brick tana wose ba keyamai tana kapuna kabitam.” Brick wai akima wasana ba tar wai kana bobotawana.
305	GEN 12:6	Abram Canaan kamonai wata i nae ku Shechem ba keyama kaikapona Moreh yai i bimsiri wai namai iru basekwa. Kona maranai wai Canaan biyisi kona kupurinai si mamana.
324	GEN 13:5	Ba Lot, Abram yabata si bowagawaga neubuwa wai yebo i mariya saki ere ana sheep ba cow ba ana yove kara si pesara saki.
352	GEN 14:15	Namai ana abiabiyisi i keyauwarisi wai pomai si kokonisi, si ravisi ba si kwabikwabinisi yepo ku Hobah, Damascus ku yabaratina mena.
363	GEN 15:2	Saba Abram i kaobeyei i wona, “Au Bada Maragata Sakim, awaika kuna beriku ba yauku kega ere natuku, ba Eliezer Damascus biyina au mariya tupana ini karinai.”
417	GEN 17:19	Damanina God i wona, “Saba kaowam Sarah wai ini tuwa sebare, ba kana waba kuna yorei Isaac. Au bidamanina maragasina karinai ana terei kata bidamanina maragasina ina madamana ana rakaraka murinai kairavisi.
419	GEN 17:21	Saba au bidamanina maragasina wai natum Isaac yabata ana wosei ina tupuwa kona niko maranai bodu e botubotu murinai wai, Sarah ini tuwei.”
432	GEN 18:7	Ba Abraham i nae cow yabona simamana wai, natuna budobudona kesana i bowai ba, ana saibisaibirina i berei kata yagiyagina wata ita bobunagi.
433	GEN 18:8	Damanina ba mona ba susu ba, cow natuna si bobunaga wai, i botuwei naosi yai i terei, ba keyama gaburinai i potapotaisi ba si kam.
517	GEN 21:3	Abraham natuna kana waba Isaac i yorei.
518	GEN 21:4	Ba maranai Isaac kana bodu i bi 8, wai Abraham Isaac sinina i bonai mekabage God i wona wai nanakasike.
519	GEN 21:5	Abraham kana bodu 100 ba Isaac i tupuwa.
523	GEN 21:9	Kona maranai Egypt wasike natuna Ishmael Abraham karinai i tuwei wai Sarah natuna Isaac yabata si biyakwara.
524	GEN 21:10	Sarah i kinanisi wai Abraham kurina i wona, “Niko aba saibisaibira, natuna yabata kipora taveyisi. Niko wasike natuna kega natuku Isaac ana buderi mutuna ina yauni kona kega buderi sini yabei.”
526	GEN 21:12	Saba God Abraham i wonei i wona, “Kega natum ba am aba saibisaibira Hagar kairavisi kuni nuwayapoya. Sarah mekabage wata i wonim wai ke wosei. Au kaobiyoyobana wai Isaac murina kairavisi.
550	GEN 22:2	Damanina ba i wona, “Natum Isaac, natum nekesana kui nuwayauyauna sakiyei wai, yabata ko nae ku Moriah. Koya kesana ani beyim wai namai kuna kasibunui ba tupuwina kuna puyobunuwa am suwara kapukapunina kuriku.”
554	GEN 22:6	Abraham keyama gedowina i bokabari ba Isaac ku tepana i terei ba kona wai, keyama karakarasina ba yarewa i yauna.
555	GEN 22:7	Ba si nenae wai, Isaac tamana Abraham i wonei, “Tama keyama karakarasina ba suwara kapunina kairavina wai keyamina nina, ba aba payapaya puyobunuwa kairavina wai memena?”
556	GEN 22:8	Abraham Isaac i kaobeyei i wona, “God ikesina aba payapaya suwara kapunina kairavina ina berita.” Ba si yewo si gae God i wonei wai, ku koyana.
557	GEN 22:9	Si verakasibau wai, Abraham gwagwara i bobunagi ba raunabonabo tepanai keyama i kemai ba natuna Isaac i kausi ba tepanai i dauwei.
558	GEN 22:10	Ba nimana i kotoi ba yarewa i yauni ba, i bokabari Isaac ita gwari,
561	GEN 22:13	Abraham i tarakata ba ram kaikairuku kamonai tonana i kirai wai, i kitai. Ba i nae i yauni ba suwara kapukapunina kairavina natuna Isaac wasana i puyobunuwa.
678	GEN 25:19	Nikona wai Isaac ana rurutuwa kona wai Abraham natuna.
679	GEN 25:20	Ba Isaac kana bodu 40 ba Bethuel Aram sebare Mesopotamia biyina natuna Rebecca i rabai ba kona wai Laban nobuna.
680	GEN 25:21	Isaac kaowana kairavina Bada kurina i rupari basuna kaipokina. Bada ana pari i nonori wai i manawa.
685	GEN 25:26	Muri yai i tupuwa wai Esau kaeketunai i bokikita wai si yorei Jacob kata Isaac kana bodu 60 ba i tuvisi.
686	GEN 25:27	Maranai pipiyisi gunaguna si rakata wai Esau wai yebaga bitana ba dipa yewoyewona saba Jacob wai magugubina ba yove kara kamonai wata i mamana.
687	GEN 25:28	Isaac, Esau i nuwayauyauni basuna i yebayebaga wai i bikanisi saba Rebecca wai Jacob i nuwayuyauni.
688	GEN 25:29	Mara kesana Jacob i gewagewa ba Esau i yebayebaga yepo, soya i rabobo saki wai i botu.
689	GEN 25:30	Ba Jacob kurina i wona, “Soya a rabobo saki! Misi nao gewagewa taratarana kuta beriku ata kani!” (Kona kairavina yebo si yorei Edom).
692	GEN 25:33	Jacob i kaobeyei i wona, “Ki suwoniku kata am bibadana tupana kuna beriku.” Damanina Isau kaobiyoyobana maragasina i wosei wai ana bibadana tupana Jacob i berei.
693	GEN 25:34	Damania ba Jacob bread ba gewagewa Esau i berei i kam ba i toma i kakaba wai i tauya i nae. Ba ana biyaroko bibadana i sinikikiyei wai kega i nosi.
694	GEN 26:1	Gomara kaikapona i tupuwa Canaan kupurina kamonai, rorowa Abraham ana marai i tupuwa rutainina wai Isaac i nae ku Gera Philistia asi taupauma Abimelech kurina.
695	GEN 26:2	Bada i rerematara Isaac kurina ba i wona, “Kega kuna nae ku Egypt, kupura a wonim wai namai ke mana.
699	GEN 26:6	Damanina Isaac Gera yai i mana.
775	GEN 28:1	Kata Isaac Jacob i yore, i gaireni ba i kaotunetunei i wona, “Kega Canaan wasike kuna rabai.
784	GEN 28:10	Jacob, Beersheba i sumarei, ba i tauya i nae ku Haran.
787	GEN 28:13	Ba tepanai Bada i msiri ba i wona, “Yauku Bada, tamam Abraham ana God ba Isaac ana God. Ba kom ba am rakaraka, niko kupura tepanai ku kenokira wai ana berimi.
790	GEN 28:16	Jacob i sikwana wai i wona, “Pasinakata, Bada niko kupurai e mamana ba kega a kuiri.”
792	GEN 28:18	Mara i tom wai Jacob i sikwana, ba akima i bikunuwanei wai i totori bage tukeke, ba i boroi, ba i berena God kurina.
794	GEN 28:20	Damanina Jacob i kaobiyoyobana God kurina ba i wona, “Au bowagawagana kamonai kuna potaiku ba kuna bopapariku, ba kam kuna beriku ba kuni garaiku,
1021	GEN 35:9	Jacob Mesopotamia kupurinai i veramaga murinai God i rerematara mena kurina ba i gaireni.
1022	GEN 35:10	Ba God kurina i wona, “Kam waba wai Jacob, saba kega muri yai sina yorim Jacob, kam waba wai kona Israel.” Kata kana waba i binei Israel.
1024	GEN 35:12	Tano Abraham ba Isaac a berisi wai yebo kom a bereberim, ba am rakaraka muri yai te botubotu wai ana berisi.”
1026	GEN 35:14	Jacob memena God yabata si sisiya wai gawarinai, akima i totori ba i beyena wai wine i sewai ku tepana kata aba tomatoma suwarina ba yebo olive wairoronai i boroi.
1027	GEN 35:15	Jacob gawarina i yorei Bethel. Kairavina namai God yabata si sisiya.
1028	GEN 35:16	Jacob ana rakaraka yabata Bethel si sumarei ba si bowagawaga ku Ephrat. Ba matapa si veraverakasibau, ba Rachel bituwa siniyarana damina i yauni saba ana bituwa wai i piropiro saki.
1029	GEN 35:17	Maranai ana siniyara i rakarakata wai bibowabowa wasikena Rachel kurina i wona, “Kega kuna nagara, sebare kesana yebo ku terei.”
1031	GEN 35:19	Kata Rachel i rabobo ba keta e nenae ku Ephrat wai parinai si dogui (karaku gawarina wai Bethlehem).
1032	GEN 35:20	Rachel kana karawaga tepanai Jacob akima i totori wai karaku patana e mamana. Jacob natunatuna sebasebare wai asi 12.
1035	GEN 35:23	Leah natunatuna wai Reuben (Jacob natuna iyarokona) ba Simeon, Levi, Judah, Issachar ba Zebulun.
1036	GEN 35:24	Rachel natunatuna wai Joseph ba Benjamin.
1037	GEN 35:25	Rachel kana bosaibisaibira Bilha natunatuna wai, Dan ba Naphtali.
1039	GEN 35:27	Jacob i nae ku Mamre Hebron gwabinai tamana Isaac kurina. Abraham ba Isaac si mamana wai nakai.
1040	GEN 35:28	Isaac kana bodu 180 rubana.
1041	GEN 35:29	I morapa saki ba i rabobo ba natunatuna sebasebare Esau ba Jacob si dogui.
1085	GEN 37:1	Kata Jacob tamana Canaan tanonai memena i mamana wai, Jacob yebo namai i mana.
1086	GEN 37:2	Ba nikona wai Jacob ba ana rakaraka asi rurutuwa. Joseph wai sebare yarakina kana bodu 17. Ba tuwatuwana, tamana kaokaowana Bilha ba Zilpa natunatusi yabata, aba payapaya si potapota, ba wose goyogoyosi si wosewose wai i nenae tamasi i bi mamatarei.
1087	GEN 37:3	Jacob wai, Joseph i nuwayauyauna sakiyei kega bage natunatuna mutusi, kairavina kona wai i morapa ba i tuwei. Kana gara rubisarusaruna veoromina ba ere yarona i wose.
1096	GEN 37:12	Mara kesana Joseph tuwatuwana si nae ku Shechem, tamasi ana aba payapaya namai si potapotaisi ba sita kam.
1097	GEN 37:13	Ba Jacob, Joseph i wonei, “Au waina kuna nae ku Shechem tuwatuwam aba payapaya te potapotaisi wai kurisi.” Joseph i kaobeyei, “I gaire saki.”
1098	GEN 37:14	Kata tamana i wona, “Ke nae tuwatuwam, aba payapaya yabata kuna kinanisi, kata kosi damanina kona kega ba kuna veramaga kuni waraberiku.” Damanina ba Hebron kawa sanaginai wata i pora taveyei i nae, ba i verakasibau ku Shechem wai,
1109	GEN 37:25	Ba si makira sita kam ba si tarakata wai, Ishmael biyisi Gilead yai si botubotu wai si kinanisi. Asi camel wai spice, balm ba myrrh, si bonuvisi ba si kabara si gaigakira ku Egypt.
1118	GEN 37:34	Jacob kana gara i rusika, ba kao pesarisi i keno karawaga.
1198	GEN 41:2	Ba Nile okowina kamonai cow asi 7, budobudosi ba sinisi gaigairesi si gae ba sinamona okowa parinai si kamkam.
1199	GEN 41:3	Ba murisi yai yebo cow asi 7 kinanisi goyosi mom ba togetogesi Nile okowinai si gae, ba cow budobudosi parisi yai si msiri.
1200	GEN 41:4	Ba nakosi cow togetogesi ba goyosi mom, si bomsiri wai cow budobudosi ba kinanisi gaigairesi asi 7 si kam roboisi. Ba niko meumeu kamonai Pharaoh i utu sikwana.
1222	GEN 41:26	Nakosi cow gaigairesi asi 7, ba pegapega gayamisi gaigairesi asi 7 wai, bodu 7 e bigubei, kosi wai meumeusi basusi kesanina.
1223	GEN 41:27	Nakosi cow asi 7 togetogesi, ba kinanisi goyosi mom okowai si gae, ba pegapega gayamisi asi 7, kao ba maramatana sibena i rara bisivisivisi wai, kona gomara bodu 7 kamonai e bigubei.
1254	GEN 42:1	Maranai Jacob i nonori kata kam Egypt kamonai i mamana wai, natunatuna sebasebare kurisi i wona, “Awaika kairavina ko bimatabagiyana? Ko vera baba!
1257	GEN 42:4	Saba Jacob kega Joseph teina, Benjamin tuwatuwana yabata i poraisi, basuna i nagara kata awaika goyona kurina ita kayo tupuwa.
1384	GEN 45:25	Kata Egypt si sumarei ba si veramaga ku Canaan kupurina, tamasi Jacob kurina.
1385	GEN 45:26	Ba si wonei, “Joseph wai yawayawasina! Ba kona wai Egypt kupurina ereonowana ebi badei.” Jacob i sikwana negenegei ba asi sisiya kega i geruwei.
1386	GEN 45:27	Saba maranai Joseph mekabage i sisiya wai ereonowana si wonei, ba wagon Joseph i porai iti uwani ku Egypt i kitai, wai Jacob nuwanuwana i geyei ba i damaninei.
1387	GEN 45:28	Damanina Jacob i wona, “Nikona wai bisuwona! Natuku Joseph wai yawayawasina, ana nae ana kinani ba muri yai ana rabobo.”
1388	GEN 46:1	Kata Jacob ana sawara tupana i yauna ba i tauya ku Egypt. Ba maranai i verakasibau ku Beersheba wai tamana Isaac ana God kurina i puyobunuwa.